Romana Vlahutin

NDEROHET-VLAHUTINI-1280x720.jpg
ent ela13:48 | 24/08/2018

Pak ditë para se të largohet përfundimisht ish-ambasadorja e BE në Tiranë, Romana Vlahutin është nderuar me titullin ‘qytetare nderi’ në Vlorë.

Kryebashkiaku i PS, Dritan Leli tha se, “Kam qenë unë propozuesi i këtij vendimi, sepse e konsideroj personalitetin më të spikatur që ka lënë gjurmë në politikën shqiptare, por mbi të gjitha që ka lënë gjurmë në ato ç’ka janë investuar në Vlorë nga delegacioni i BE-së në Shqipëri, veçanërisht për ndërtimin e shëtitores ‘Lungomare”, u shpreh Leli.

Vlahutin pritet që në fund të muajit Gusht të largohet nga Shqipëria pasi i përfundon mandati 4- vjeçar dhe do të zëvëndësohet nga italiani Luigi Soreca, i cili aktualisht mban postin e drejtorit të Sigurisë në DG HOME, në Komisionin Evropian. /abcnews.al

hani-i-hotiti.jpg
G. P.15:33 | 03/08/2018

Pika e Kalimit kufitar të Hanit të Hotit u zgjerua me disa sportele të tjera duke u transformua plotësisht. Ministri i Brendshëm, Fatmir Xhafaj, theksoi se menaxhimi i integruar i kufinjve është një bonus për integrimin e Shqipërisë drejt BE-së.

Pika e kalimit Kufitar të Hanit të Hotit është transformuar plotësisht. Një fond i Bashkimit Europian në vlerën e 2.5 milionë eurove, iu ka krijuar lehtësi kalimi qytetarëve, por edhe bizneseve shqiptare e malazeze në të dy anët e kufirit.

Ministri i Brendshëm, Fatmir Xhafaj, u ndje i lehtësuar pas përfundimit të punimeve në pikën e kalimit kufitar. Sipas tij, ambasadorja e BE-së në Tiranë, Romana Vlahutin, i dërgonte mesazhe, duke i kërkuar informacion lidhur me ecurinë dhe afatin përmbyllës.

Fatmir Xhafaj:Më në fund edhe unë do kem mundësi që të mos kem më inboxin e telefonit tim mesazhe: Çfarë bëhet me Morinën? Çfarë  u bë me Hanin e Hotit? Shumë vonë me Hanin e Hotit. Kur do përfundohen ato punimet? Do biem të dy të qetë në këto ditë të nxehta Gushti dhe unë e Vlahutin që të mos kemi më korrespondenca të tilla”.

Në prani të ministrit të Brendshëm malazez , Xhafaj, pohoi se qeveria shqiptare ka ndër prioritetet e saj zhvillimin e turizmit.

Fatmir Xhafaj:Është një fakt inkurajues që ky sezon turistik ka qenë i mbarë dhe me një aktivitet normal në pikat tona të kalimit kufitar. Masat që kemi marrë në kuadër të mbarëvajtjes së sezonit turistik, parashikojnë edhe lehtësimin e qarkullimit të njerëzve dhe mjeteve në portat hyrëse, një ngarkesë që deri më sot për fat është përballuar më së miri dhe që natyrisht ky zgjerim i pikës hyrëse në këtë kalim kufitar, do ta lehtësojë akoma më shumë këtë lëvizje”.

Me këtë investim, kjo Pikë e Kalimit Kufitar arrin në atandardet e BE-së.

“Standardet e shërbimit dhe përpunimit do të jenë në përputhje me ato të BE-së (Shengen). Ky përmirësim do të lehtësojë së tepërmi, qoftë kalimin kufitar të shtetasve, turistëve etj., ashtu edhe përpunimin dhe kontrollin e mallrave nëpërmjet doganës”.

Në fund Xhafaj theksoi se një vend i sigurt bën edhe një rajon më të sigurt, prandaj menaxhimi i integruar i kufijve ka një rëndësi të veçantë./abcnews.al

romi.jpg
G. P.13:34 | 02/08/2018

Në përfundim të projektit për ndërtimin e burgut të Reçit, ministrja e Drejtësisë, Etilda Gjonaj, u shoqërua nga ambasdorja e BE-së, Romana Vlahutin. Investimi europian sipas kësaj të fundit nuk ka në thelb ndërtesat e bukura, por funksionalitetin e tyre.

Nuk u diskutua në asnjë moment prangosja e peshqve të medhenj. Në ditën e përurimit të burgut të Reçit, inspektimin e bëri ministrja e Drejtësisë, Etilda Gjonaj dhe Ambasadorja e BE-së në Shqipëri, Romana Vlahutin.

Ivestimi, që kap shifrën 14.3 milionë, financim ky i Bashkimit Europian, e quajtën të rëndësishëm, me cilësi dhe garantues jo vetëm i infrastrukturës së nevojshme, por edhe sigurisë dhe respektimit të të drejtëve të njeriut.

Sipas ministres Gjonaj, burgu i Reçit do të jetë jo vetëm vendi ku të dënuarit do të vuajnë dënimin, por edhe mundësia e tyre për rehabilitim përmes ndjekjes së kurseve profesionale apo punës.

“Hapja e këtij institucioni të ri për vuajtjen e dënimit me një kapacitet prej 780 personash do të përmirësojë në mënyrë të ndjeshme uljen e mbipupullimit. Investimet në infrastrukturën e burgjeve janë vetëm një nga shtyllat të cilat ne po zbatojmë reformat në sistemin penitenciar. Nga ana tjetër zbatimi i reformës është i fokusuar edhe në masën për rehabilitimin dhe integrimin e mëpasshëm në shoqëri të të dënuarve. Po forcojmë masat antikorrupsion brenda forcave të burgjeve”, u shpreh Gjonaj.

Një ndër aktivitetet e fundit ky i ambasadorës në largim Romana Vlahutin, projekt të cilin deklaroi se e kishte përzemër.

“Puna për të drejtat e njeriut dhe ndihma jonë për policinë, investimet tona koleksionale dhe gjithashtu në kufi përbëjnë një rreth të plotë të partneritetit tonë dhe mbështetjes që BE jep për shtetin e së drejtës në Shqipëri. Jo vetëm të kemi mjedise dhe ndërtesa, por të ndërtojmë një sistem i cili përngjason me standardet e BE-së”, tha ajo.

Investimi në burgun e Reçit i vjen në ndihmë dhe Bashkisë së Malësisë së Madhe, sipas saj, pasi ka rreth 400 të punësuar./abcnews.al

 

teatrii.jpg
G. P.16:07 | 20/07/2018

Ambasadorja në largim e BE–së në Shqipëri Romana Vlahutin ka takuar në zyrat e saj  një përfaqësi të  Aleancës për Mbrojtjen e Teatrit. Artistët i kanë thënë Vlahutin se ata shpresojnë që presidenti Ilir Meta, të mos e dekretojë ligjin, i cili sipas tyre është antikushtetues. Artistët i thanë Vlahutin se ata kërkojnë që teatri të mos shembet, por të rikonstruktohet, pasi sipas tyre, ai është vlerë e trashëgimisë kulturore. Vlahutin sipas Alert Celoaliaj u tha se ajo është duke monitoruar çdo lëvizje të tyre dhe qeverisë. /abcnews.al

romana-vlahutinn.jpg
G. P.15:29 | 27/06/2018

Sipas ambasadorës së delegacionit të BE në Tiranë, Romana Vlahutin, Shqipëria mori 3 gjëra të rëndësishme nga vendimi i djeshëm i ministrave të Jashtëm. Edhe ambasada e SHBA-ve në Tiranë përgëzon Shqipërinë për këtë vendim për negociatat dhe thotë se është koha për të cuar deri në fund reformat.

Edhe pse Shqipëria nuk do të hapë negociatat me Bashkimin Evropian ka marrë urime të shumta nga diplomacia ndërkombëtare brenda dhe jashtë vendit.

Dritë jeshile para dhënies së vendimit e po kështu e sheh edhe pasi Shqipërisë nuk do t’i çelen negociat këtë fund Qershori.

“BE njohu të gjitha reformat e Shqipërisë dhe se sot kemi një datë të qartë për çeljen e negociatave. Shqipëria ka marrë 3 gjëra shumë të rëndësishme pozitive. E para, njohja e rekomandimit e të gjithë reformave, e dyta një kalendar i qartë, një datë shumë të qartë për konferencën ndërqeveritare dhe kjo është shumë e rëndësishme”.

Tahmë ambasadorja Vlahutin e ka mbyllur detyrën e saj ndaj Shqipërisë. Lajmin i vitit të ardhshëm pozitiv apo negative do t’i takojë pasardhësit të saj në detyrë.

“Ky është kalendari dhe nga kjo gjë do të dëgjoni më tepër nga ambasadori i ardhshëm, por ky është kalendari. Nuk mund të flas për diçka që do të ndodhë pas një viti. Unë nuk mund të parashikoj se ç’mund të ndodhë pas një viti”.

Pas një viti nuk do të jetë as ambasadori i shteteve të Bashkuara të Amerikës Donald Lu, por sot mesazhi që përcjell në emër të diplomacisë amerikane është optimist, por edhe këshillues.

“Përgëzojmë Shqipërinë për vendimin pozitiv në lidhje me hapjen e bisedimeve për anëtarësim në BE. Shqipëria ka bërë përparim domethënës dhe tani nevojitet të rrisë përpjekjet për të përfunduar reformat kyçe. Ne e nxisim Shqipërinë që të rrisë ritmin në reformën në drejtësi, luftën kundër korrupsionit dhe kundër krimit të organizuar”.

Holanda edhe pse është një prej tre shteteve që vendosi veto për të bllokuar hapjen e negociatave të Shqipërisë me Bashkimin Europian uron shqiptarët nëpërmjet ambasadores holandeze në Tiranë.

“Urime Shqipëria për këtë rrugë të pastër përpara”./abcnews.al

romana-vlahutin.jpg
G. P.15:30 | 18/06/2018

Pikëpyetjeve për ngritjen e një kampi refugjatësh në Shqipëri i përgjigjet me buzëqeshje Ambasadorja e Bashkimit Europian në vendin tonë, Romana Vlahutin.

Romana Vlahutin: “Jo, është tërësisht një keqintepretim i asaj që ka thënë në atë konferencë për shtypi kryeministri bullgar. Unë kam qenë aty e pranishme dhe mund të jua siguroj që është absolutisht një jo”.

Nga Berati, Vlahutin sqaron se ajo për të cilën është folur prej një kohe të gjatë është të pasurit e një qendre, e cila është një qendër studimore, ku kolegët mund të diskutojnë, të shohin fenomenin se çfarë po ndodh. Absolutisht nuk ka asnjë lloj ideje për të pasur një kamp të tillë, siguroi ambasadorja Vlahutin.

Romana Vlahutin: “Pra ideja është që ka dy arsye sepse është diskutuar kjo lloj gjëje e qendrës. E para e punës sepse është mirë që të vendoset këtu sepse shteti shqiptar po bën një punë shumë të mirë, kur bëhet fjalë për punën kundër ekstremizmit të dhunshëm dhe paranadalimit të tij dhe nga ana tjetër Shqipëria ka një model të mirë të harmonisë fetare dhe kjo e bën një vend shumë të mirë për të pasur një qendër rajonale që e përsëris absolutisht që nuk ka të bëjë me të kthyerit”.

Si mbështetëse e hapjes së negociatave të Shqipërisë me Bashkimin Europian, Romana Vlahutin tha se tashmë është në dorën e 28 vendeve anëtare.

Romana Vlahutin: “Di të them që Shqipëria ka punuar fort, por kjo do të varet nga vendimi i 28 vendeve anëtare. Komisioni bëri atë që duhet të bënte, tha atë që duhet të thoshte, pra dha rekomandimin e pakushtëzuar. Pra ajo që është e rëndësishme është që të vazhdohet të punohet dhe më pas do të shohim çfarë do të thuhet nga vendet e BE se nuk dua ta paragjykoj këtë gjë para kohe”./abcnews.al

romana-vlahutin-1280x960.jpg
G. P.16:03 | 25/05/2018

Dy diplomatë të rëndësishëm do të lënë Shqipërinë këtë vit, kryesuesja e delegacionit të Bashkimit Evropian, Romana Vlahutin dhe ambasadori i Shteteve të Bashkuara të Amerikës, Donald Lu.

Luigi Soreca pritet të zëvëndësojë Romana Vlahutinin në krye të delegacionit të Bashkimit Europian në Tiranë. Ky lajm që ka qarkulluar në media ditën e sotme nuk konfirmohet zyrtarisht nga zyra e shtypit e delegacionit Evropian në vendin tonë. ABC News iu drejtua zyrës së shtypit të zëdhënëses së Bashkimit Evropian Maja Koçijançiç, e cila sqaroi se procedura e zëvendësimit është në vijim dhe njoftimi do të jepet pasi të përfundojë.

Luigi Soreca, italiani që pritet të zëvendësojë kroaten Romana Vlahutin, është Drejtor për Sigurinë në institucionin që kontribuon në objektivin e BE-së për të ofruar një nivel të lartë sigurie për qytetarët evropianë. Zëvendësimi i diplomatëve pritet të bëhet në fund të muajit Qershor.

Një tjetër zyrtar i huaj i rëndësishëm që do të lërë Shqipërinë këtë vit është ambasadori i Shteteve të Bashkuara të Amerikës, Donald Lu.

Shefi diplomacisë amerikanë në vendin tonë do të mbajë postin e Ambasadorit të Jashtëzakonshëm e të Gjithëpushtetshëm të Amerikës në Republikën e Kirgistanit. Njoftimi u dha në faqen e internetit  të Shtëpisë së Bardhë, ku sqarohet se të enjten iu dërgua Senatit lista me 7 caktime dhe një tërheqje në nivel diplomatësh.

Ambasadori që kërkoi që në fillim të detyrës së tij kapjen e peshqve të mëdhenj në Shqipëri do të largohet në Gusht të këtij viti./abcnews.al

VLAUHUTIN-NE-SHKODER-1280x720.jpg
ent ela16:16 | 07/05/2018

Në Javën Evropiane, ambasadorja e BE, Vlahutin, e ka cilësuar reformën për drejtësi, nënën e betejave të vendit tonë. Nga Shkodra, ajo deklaroi se është humbur shumë kohë, por institucionet e reja të drejtësisë, do stabilizohen brenda kësaj vjeshte. 

Pasi e cilësoi Shkodrën njëqytet evropian dhe shqiptarët popull evropian, ambasadorja e BE tha se “reforma në drejtësi është nëna e të gjitha betejave”. Për Romana Vlahutin, ky proces duhet shtyrë para, jo vetëm nga të huajt, por edhe nga qytetarët, pasi rruga drejt Bashkimit Evropian e Shqipërisë kalon përmes Drejtësisë

“Reforma në drejtësi është nëna e të gjitha betejave, është më e rëndësishmja, sepse çdo gjë është e lidhur me të. Nëse kjo refomë nuk do vinte në pikën që është tani, atëherë Shqipëria nuk do merrte rekomandimin pozitiv për hapjen e negociatave për anëtarësim edhe për shumë vite. Kjo reformë është thelbësore, ku në kompleksitet është dashur që të ndryshohet 1/3 e Kushtetutes për të mundësuar implementimin e kësaj reforme, dhe ndryshimeve që duheshin për zbatimin e saj. Shumë njerëz u investuan kundër kësaj reforme sepse nuk e donin. Por faktkeqësisht kemi humbur kohë, fillimisht nga proceset në Gjykatën Kushtetuese, të cilat kjo gjykatë i rrëzoi, por edhe nga politika kemi humbur kohë. Më shumë se një vit. Tani jemi në fund të fazës së parë, pasi me rëndësi të madhe janë ngritja e institucioneve të reja, dhe unë besoj se ato deri në fund të vjeshtës do jenë tashmë të stabilizuara”.

Në aktivitetet e organizuara në kuadër të Javës Evropiane foli edhe ambasadorja franceze në Tiranë, Kristine Vasak. Për Vasak, sot jemi në nivele shumë të larta të kërkesave për azil dhe se efekti zinxhir i ka bërë shumë keq imazhit të Shqipërisë në Francë.

Ambasadorja Vlahutin, ajo Vasak dhe ambasadorë të tjerë të vendeve të BE, prej dy ditësh kanë qëndruar në Shkodër. Në takimin më të fundit, ata zhvilluan një bashkëbisedim me studentët e “Luigj Gurakuqi”./abcnews.al

EKSPOZITA-TE-VILA-E-ENVER-HOXHES-1280x720.jpg
ent ela21:27 | 04/05/2018

Trashëgimia kulturore nga gjithë komunitetet fetare, kodikë dhe libra të tjerë të shenjtë si dhe dorëshkrime unike u prezantuan në ekspoziten “Urtësia e pashuar” në vilën e ish diktatorit Hoxha . Kryeministri Edi Rama tha se kjo godinë është përzgjedhur si ironi e fatit, pasi ky aktivitet vjen në kuadër të ditëve të Europës.  /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono