roma

Roma-1.jpg
Igli Nikolli19:26 | 27/02/2020

Vijnë golat e parë në sfidën e Europa League mes Gent dhe Romës. Belgët kaluan të parët në avantazh në minutën e 25-të. Bezus krosoi një top në zonën mike dhe Jonathan David mposhti Pau Lopez me një goditje të saktë.

Goli i sulmuesit kanadez krijoi entuziazëm te vendasit, të cilët janë mposhtur 1-0 në ndeshjen e parë në “Olimpico”. Gjithsesi, Roma reagoi dhe ia doli të gjente golin e barazimit katër minuta më vonë.

Mkhitaryan dhuroi një asist shumë të bukur për Kluivert dhe talenti holandez dërgoi topin në rrjetë. Një gol shumë i rëndësishëm për verdhekuqtë e Fonseca, ndërsa Gent ka nevojë për dy gola të tjera për t’u kualifikuar. /abcnews.al

Roma.jpg
Igli Nikolli19:53 | 23/02/2020

Roma nuk heq dorë kollaj nga objektivi i kualifikimit në Champions League dhe u rikthye te fitorja në kampionat pas katër javësh. Djemtë e Fonseca triumfuan 4-0 në shtëpi kundër Lecces dhe vazhdojnë ndjekjen e Atalantës së vendit të katërt.

Sfida u zhbllokua shumë shpejt. Mkhitaryan rrëmbeu një top dhe nisi Cengiz Under, me turkun që nuk gaboi përballë portierit mik. Armeni shënoi vetë golin e radhës tetë minuta përpara fundit të pjesës së parë, pas pasimit të marrë nga Dzeko.

Goli i boshnjakut nuk mund të mungonte dhe erdhi në minutën e 69-të. Dzeko devijoi në portën e Lecces pasin e Kolarov dhe gjeti golin e 12-të në Serie A për këtë sezon. Në fund pati momente festë edhe për Kolarov.

Mbrojtësi i majtë lëshoi një diagonale të fortë dhe portieri mik nxori për herë të katërt topin nga porta e tij. Kjo fitore e ngjit Romën në vend të pestë me 42 pikë, tre më pak se Atalanta që numëron një ndeshje më pak. /abcnews.al

Roma-Lecce 4-0
(Under 13′, Mkhitaryan 37′, Dzeko 69′, Kolarov 80′)

Under-e1582478360665.jpg
Igli Nikolli18:16 | 23/02/2020

Roma ka gjetur shumë shpejt golin e avantazhit. Verdhekuqtë po ndeshjen me Lecce në “Olimpico” dhe kanë zhbllokuar ndeshjen në minutën e 13-të. Gafë fatale e lojtarëve miq në mesfushë, Mkhitaryan rikuperon topin dhe dhuron një asist për Cengiz Under.

Turku godet menjëherë dhe mposht portierin mik duke gjetur golin e avantazhit. Objektivi i Romës është vendi i katërt që të dërgon në Europë. Ky pozicion mbahet për momentin nga Atalanta dhe diferenca mes dy skuadrave është 6 pikë. /abcnews.al

Wolves.jpg
Igli Nikolli21:17 | 20/02/2020

Roma ka zhbllokuar shumë shpejt ndeshjen kundër Gent. Verdhekuqtë vijnë prej tre humbjesh rresht në kampionat dhe po tentojnë t’i japin fund krizës së Europa League. Carles Perez është autori i golit në minutën e 13-të. Spanjolli mori një asist nga Edin Dzeko dhe dërgoi topin në rrjetë.

Në avantazh ka kaluar edhe Wolves. “Ujqërit” po përballën në shtëpi me Espanyol dhe kanë zhbllokuar ndeshjen pas çerek ore lojë. Portugezi Jota përfitoi nga një goditje këndi dhe në “Molineux Stadium” nisi festa angleze. /abcnews.al

Haaland.jpg
Igli Nikolli20:42 | 19/02/2020

Erling Haaland është lëvizja më e bujshme e merkatos së janarit. Borussia Dortmund fitoi garën e madhe për shërbimet e sulmuesit norvegjez, për të cilin pagoi 55 milione euro në total: 30 për Salzburg, 10 milion për babanë e tij dhe 15 milion për agjentin Mino Raiola. 19-vjeçari po shkëlqen me verdhezinjtë gjermane dhe me dy golat e shënuar mbrëmjen e kaluar kundër PSG, ai është ngjitur në shifrën e 39 golave sezonalë.

Nëse Roma do të kishte besuar te cilësitë e sulmuesit, do të kishte siguruar Haaland për vetëm… 4 milion euro. Prapaskenën e zbulon Sebino Nela, ish-mbrojtës i klubit kryeqytetas. Dikush i propozoi norvegjezin Monchit, ish-drejtorit sportiv të klubit italian, por spanjolli nuk e vlerësoi duke humbur një shans të artë.

Dy vite më parë një ish-futbollist i Romës i propozoi Monchit kartonin e Haaland. Norvegjezi kushtonte 4 milion euro, Roma e hodhi poshtë këtë mundësi dhe lojtari u transferua te Salzburg“, zbulon Sebino Nela, ish-qendërmbrojtësi i Romës. /abcnews.al

 

Monchi, ish-drejtori sportiv i Romës
pasalic.jpg
Veronik Istrefaj22:38 | 15/02/2020

Takimi i fundit i Serie A për sot mes Atalantës dhe Romës, ishte shumë i bukur. Ishin të besuarit e Gasperinit ata që triumfuan me përmbysje 2-1, duke zhvlerësuar rrjetën e Dzekos në fundin e pjesës së parë.

Sulmuesi boshnjak përfitoi nga një gabim i mbrojtësit vendas dhe i vetëm përballë portierit, nuk e pati të vështirë të shënojë. Pjesa e parë u mbyll me avantazhin romak, por e dyta, foli vetëm për zikaltrit.

Që në minutën e pestë të pjesës së dytë, Palomino barazoi për Atalantan, ndërsa nëntë minuta më vonë, Pasalic përmbys gjithçka, duke i dhënë fitoren e radhës të besuarve të Gasperinit./abcnews.al

Serie A, java 24

Atalanta – Roma   2-1
Palomino 50′, Pasalic 59′ / Dzeko 45′

Allegri.jpg
Igli Nikolli15:40 | 14/02/2020

Emri i Max Allegrit është rikthyer sërish në skenë, teksa katër janë skuadrat që e dëshirojnë për pankinat e tyre: Manchester United, PSG, Milan dhe Roma. Dy klubet italiane nuk futen në preferencat e trajneri livornez, i cili dëshiron të marrë drejtimin e një skuadre që lufton për trofe.

“Djajtë e Kuq” anglezë mbeten favoritët kryesorë, teksa ata janë edhe dëshira e madhe e Allegrit. Ole Gunar Solskjaer nuk po bind dhe drejtuesit e United janë në dyshim midis Allegrit dhe Mauricio Pochettinos, me të parin favorit. Pas nuk mbetet as PSG. Thomas Tuchel po bën një punë të mirë, por nuk mjafton.

PSG është fiksuar pas fitimit të Champions League, objektiv që nuk është arritur kurrë. Dështimi i radhës do të sillte shkarkimin e trajnerit gjerman dhe kampionët e Francës do të nisnin ofensivën për Max Allegrin. /abcnews.al

Totti.jpg
Igli Nikolli12:12 | 11/02/2020

Francesco Totti luajti deri në moshën 40-vjeçare me Romën e tij të dashur dhe tani është gati për një sfidë të re. Ish-kapiteni legjendar i verdhekuqve ka njoftuar hapjen e dy kompanive skautësh, që do të kenë rol këshillues për klube dhe lojtarë të ndryshëm.

Fillon një aventurë e re. Me krenari ju njoftoj se që kam themeluar dy kompani këshilluese dhe ndihmuese për klube dhe lojtarë me qendër në Romë: CT10 dhe IT Scouting“, shkruan Totti në postimin e bërë në rrjetet sociale.

Inicialet e kompanive kanë lidhje me familjarët e ish-fantazistit italian. E para i dedikohet djalit Christian dhe vajzës Chanel, ndërsa e dyta lidhet me vajzën tjetër Isabel dhe bashkëshorten Ilary. /abcnews.al

rom1.jpg
Klejdi Kaimi10:36 | 08/02/2020

Roma regjistroi mbrëmjen e djeshme humbjen e dytë radhazi në Seria A, ku u mposht 2-3 në shtëpi nga Bologna. Një rezultat aspak pozitiv për ekipin romak, pasi vendi i katërt që të dërgon në Champions mund të largohet me 3 pikë në rast të fitores së Atalantës këtë javë.

Tifozët në “Olimpico” nuk ishin aspak të kënaqur me lojën e skuadrës së tyre të zemrës si dhe me rezultatin final. Gati gjatë gjithë sfidës, por sidomos në pjesën e dytë ultrasit romak e vërshëllyen ekipin e tyre. Në qendër të kritikave ishte mbrojtësi Kolarov, i cili sa herë që prekte topin vërshëllehej.

“Bologna e meritoi fitoren. Nuk e kemi filluar mirë vitin 2020, por duhet ta kalojmë këtë situatë. Duhet të jemi të qetë dhe të vazhdojmë punën, nuk kemi pse ta kthejmë në dramë. Duhet të tregojmë që jemi profesionistë, burra të vërtetë. Është e vërtetë që kemi presion mbi supe, por kjo nuk na pengon,” deklaron mbrojtësi serb pas sfidës, ku ai kaloi një natë për tu harruar. /abcnews.al

 

Bologna-Barrow.jpg
Igli Nikolli22:41 | 07/02/2020

Roma doli pa pikë nga përballja me Bologna dhe pësoi humbjen e dytë radhazi në kampionat. Vendi i katërt është në rrezik dhe Atalanta mund të shkëputet nëse fiton ndeshjen e vet. Triumf fantastik për ekipin e Sinisa Mihajlovic, i treti radhazi në Serie A. Sfida nisi me gafa dhe tre gola u realizuan brenda 10 minutave.

Orsolini përfitoi nga një hezitim i Smalling dhe zhbllokoi shifrat pas çerek ore lojë. Gëzimi i miqve zgjati pak, pasi holandezi Denswil gaboi shënjestër gjashtë minuta më vonë. Mbrojtësi devijoi në portën e tij dhe shkaktoi autogol. Gjithsesi, Bologna u rikthye në avantazh menjëherë.

Talenti Barrow lëvizi bukur në krahun e majtë dhe dërgoi topin në trekëndëshin e Pau Lopez. Goditja e sulmuesit nga Gambia u devijua edhe nga një mbrojtës i Romës. Barrow shënoi sërish në fillimin e pjesës së dytë. 21-vjeçari i ardhur nga Atalanta në merkaton e janarit mori topin në mesfushë, kreu një driblim dehës ndaj Mancinit dhe dërgoi topin në rrjetë.

Armeni Mkhitaryan riktheu verdhekuqtë në lojë me golin e shënuar me kokë në minutën e 72-të, por vetëm kaq. Mesfushori Cristante la Romën me dhjetë lojtarë në minutën e 80-të pas ndëshkimit me të kuqe. Ekipi i Fonsecas nuk pati më forca për të tentuar barazimin dhe ndeshja u mbyll me festën e miqve, që ngjiten në vend të gjashtë me 33 pikë, gjashtë më pak se Roma.

Roma-Bologna 2-3
(Denswil (aut) 22′, Mkhitaryan 72′ / Orsolini 16′, Barrow 26′, 51′)


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono