roje

roje.jpg
ad min14:23 | 19/07/2019

Në liqenin e Pogradecit mungojnë rojet. Pushuesit  thonë se ndihen të pasigurt sidomos për të moshuarit dhe fëmijët. Nga 50 subjekte që operojnë në këtë zonë, vetëm dy prej tyre kanë certifikuar rojet konform ligjit.

Piku i sezonit turistik e gjen liqenin e Pogradecit pa kushtet minimale të sigurisë. Në të gjithë gjatësinë e vijës bregliqenore konstatohet mungesa e rojeve.

Edhe ato pak kulla vrojtimi të ngritura vite më parë janë bosh, duke rritur pasigurinë tek pushuesit. Askush nuk garanton shpëtimin  e jetës së tyre në rast mbytje. Të lahesh në liqen mund të rezultojë fatale për gjithkënd sidomos për të moshuarit dhe fëmijët.

“Unë kam gati 10 ditë këtu në Pogradec dhe mungojnë rojet e sigurimit bregliqenore”.

“S’ka fare roje. Burri ikën më tutje, unë rri këtej se kam frikë fëmijët”.

“Gjatë kohës që jepet licenca për këto shezllonet të jepet edhe e drejta, ndryshe të hiqet e drejta dhe për shezllonet”.

Teksa apelojnë bashkinë dhe strukturat e tjera shtetërore për të zgjidhur problematikën, për vizitorët siguria është arsye për t’ju dhënë fund pushimeve para kohe.

“Njerëz shpëtimi dhe pa polici bregdetare nuk ka. Më pëlqeu Pgradeci, më pëlqeu deti, por mbrojtje nuk ka, kështu që nesër duhet të iki”.

Nga 50 subjekte,që kanë kontratë me bashkinë për shfrytëzimin e bregut të liqenit, 3 prej tyre kanë ngritur kulla vrojtimi dhe vetëm 2 subjekte kanë certifikuar rojet e sigurisë konform ligjit. Vetëm disa ditë më parë Prefekti i Korçës Dhori Spirollari paralajmëroi ashpërsim të masave ndaj bizneseve që shfrytëzojnë plazhin dhe nuk vendosin roje./ABC News Albania 24/7

blendi-klosiiii.jpg
ad min13:47 | 11/07/2018

Ministri i Mjedisit dhe Turizmit, Blendi Klosi, iu ka dërguar një letër kryetarëve të bashkive të zonave bregdetare, të cilëve iu kërkon të marrin masa për stacionet e plazheve pa roje.

6 jetë të humbura pushuesish që nga nisja e sezonit turistik, katër në plazhet e Durrësit, 1 në atë të Velipojës dhe 1 në Sarandë detyruan ministrin e Mjedisit dhe Turizmit, Blendi Klosi, t’ju dërgojë nga një letër 12 kryebashkiakëve të zonave bregdetare.

Përmes saj, ministri kërkon administrim të stacioneve të plazheve. Taskforca e posaçme shkruhet në letrën që mban firmën e Blendi Klosit gjatë monitorimit në terren ka konstatuar se një pjesë e plazheve ende nuk kanë marrë masat për përmbushjen e detyrimeve ligjore.

Plazhe të caktuara nuk kanë vendosur kufizime për hapësiren e lejuar për notim apo për  përdorimin e mjeteve lundruese për argëtim. Problematike mbetet pajisja me kulla vrojtimi e vrojtues plazhi. Nëse nuk merren masa urgjente për plotësimin e këtyre kushteve, ministri kërkon nga kryebashkiakët të ndërpresin menjëherë kontratën me subjektin në fjalë.

Në letrën e tij, ministri përmend tre rastet e fundit të humbjes së jetëve të pushuesve përkatësisht në Durrës dhe Sarandë dhe nxit prokurorinë të hetojë për të nxjerrë në pah përgjegjësitë ligjore dhe ndëshkimit prej tij./abcnews.al

 

vlcsnap-error097-1280x720.jpg
ent ela13:17 | 05/02/2018

Vrasësi i dyshuar i Devi Kasmit, gjatë kohës kur shërbente në polici,  ka punuar edhe në stafin e sigurisë së ambasadës shqiptare në Athinë.  Gazeta greke “To Vima”, në një shkrim ka zbardhur edhe disa detaje të së shkuarës së shtetasit grek Eftimiu Eftimius.

Në një kohë kur hetimet vazhdojnë ende në shqipëri lidhur me vrasjen e Devi Kasmit në kryeqytet, mediat greke kanë publikuar detaje për të dyshuarin kryesor, Eftimiu Eftimius, i cili ka shërbyer në vendin fqinj si efektiv i forcave speciale për dy dekada. Gazeta greke “To Vima”, bën me dije se 43-vjeçari ka punuar dhe si roje në ambasadën shqiptare në Greqi. Gjithashtu ne shkrim thuhet se në të shkuarën ai është përfshirë në trafik ndërkombëtar të drogës.

“I dyshuari si vrasës me pagesë jeton në një fshat malor të Artës dhe është përfshirë në një rast të trafikimit të 6 kg kokainë nga Kolumbia në Aeroportin e Frankfurtit në vitin 2009. Një rrjet i gjerë i trafikimit dhe shpërndarjes së drogës u zbulua në maj 2016 në rajonin e Artës”, shkruan media greke.

“To Vima”, njofton se Eftimius është akuzuar së bashku me 20 persona të tjerë, shumica shqiptarë, për përfshirje në trafik kokaine. “Themis” siç njihej ai në rrethin kriminal, u dënua me 4 vite burg për posedim droge. Megjithatë ishte lënë i lirë pasi një dëshmitar u shpreh se drogën e kishte për përdorim personal.

Pas lirimit, 43-vjeçari erdhi në Shqipëri ku dyshohet se ndërtoi lidhje të forta me mafian lokale, sipas “To Vima”. Duke iu rikthyer dhe njëherë vrasjes së Kasmit, kjo media thekson se shqiptari i ekzekutuar kishte krijuar armiqësi në Francë dhe Spanjë me grupe të tjera kriminale të trafikut të drogës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono