Robert Mueller
ESCLUSIVA MILAN Foto LaPresse - Spada 23 Luglio 2019 - Kansas City (USA) - A.C. Milan - Stagione 2019-2020 - Ac Milan Bayer Monaco Nella foto: daniel maldini EXCLUSIVE MILAN Photo LaPresse - Spada July 23 , 2019 Kansas City ( USA ) Sport Soccer A.C. Milan - Starting Season 2019-2020 - USA Tournee - Ac Milan vs Bayer Munich In the pic: daniel maldini

muller-01-exlarge-169-1.jpg
ad min22:36 | 29/05/2019

Në daljen e tij të parë publike, hetuesi i posaçëm i ndërhyrjes ruse, Robert Mueller ka deklaruar se ai dhe ekipi i tij nuk mund të inkriminonin presidentin Donald Trump. Megjithatë, Mueller ka theksuar edhe se, nëse do të kishte patur prova se presidenti nuk kishte kryer krim do ta kishin thënë atë.

Në komentin e tij të parë mbi ndërhyrjen ruse, prokurori i posaçëm Robert Mueller ka sqaruar përse nuk mundi të akuzonte presidentin Donald Trump. Në një konferencë shtypi të mbajtur në Departamentin e Drejtësisë, Mueller ka përsëritur konstatimet e bëra në raportin e tij, duke deklaruar se nëse stafi i tij do të kishte patur bindjen se presidenti nuk kishte kryer krim do ta kishte deklaruar atë.

“Sidoqoftë, ne nuk dolëm me një përcaktim nëse kreu i shtetit e kishte kryer krimin”, ka deklaruar Mueller. Më tej hetuesi i posaçëm, duke cituar politikat e Departamentit të Drejtësisë, ka nënvizuar se një president nuk mund të akuzohet për një krim federal gjatë kohës që është në pushtet. “Kjo do të ishte jokushtetuese”, ka saktësuar Mueller.

Megjithatë, Mueller ka nënvizuar se oficerë të shërbimeve inteligjente dhe ushtrisë ruse ndërmorën një sulm të përbashkët ndaj sistemit politik amerikan, në përpjekje për të ndërhyrë në zgjedhje dhe për të dëmtuar një prej kandidatëve presidencialë. Prokurori i posaçëm e hapi fjalimin e tij duke njoftuar se do të mbyllë zyrën e tij dhe do të japë dorëheqjen nga posti në Departamentin e Drejtësisë.

Duke vënë në dukje faktin që nuk ka folur publikisht gjatë hetimit, Mueller tha se vendosi të fliste të mërkurën sepse tani hetimi i tij është tërësisht i përfunduar. Ai shtoi se raporti i tij i shkruar “flet vetë”. Ndaj deklaratës ka reaguar presidenti Donald Trump, i cili në një postim në Twitter është shprehur: “Çështja u mbyll! Faleminderit!”./ABC News Albania 24/7

uai1ddlo_donald-trump_625x300_06_August_18.jpg
ad min19:37 | 19/05/2019

Një kongresmen nga radhët e republikanëve në Shtetet e Bashkuara ka deklaruar se presidenti Donald Trump duhet të inkriminohet. Bëhet fjalë për rastin e parë kur kreu i shtetit akuzohet nga një prej ligjvënësve të tij për veprime të dyshimta.

Justin Amash është bërë kongresmeni i parë republikan që ka bërë thirrje për inkriminimin e presidentit Donald Trump. Ai deklaroi se Trump ka ndërmarrë një seri veprimesh specifike që i hapin rrugën inkriminimit.

Amash akuzoi edhe prokurorin e përgjithshëm William Barr për keqinformim të publikut mbi raportin e hetuesit të posaçëm Robert Mueller mbi ndërhyrjen ruse.

Raporti i Mueller nuk konstatonte lidhje të Trump me palën ruse për të ndikuar në zgjedhjet e 2016-s, por 10 raste kur presidenti ishte përpjekur të pengonte hetimet. Zoti Amash, përfaqësues i Miçiganit, i bëri deklaratat në Twitter.

Ai u tha ndjekësve të tij se vetëm pak anëtarë të Kongresit e kanë lexuar raportin e Mueller. Dokumenti me 448 faqe i publikuar në Kongres përmban pjesë të shumta të redaktuara dhe një thirrje për publikimin e plotë të tij është bërë nga Dhoma e Përfaqësuesve, e kontrolluar nga demokratët.

Sidoqoftë, lideri i shumicës në Dhomën e Përfaqësuesve dhe kryetarja e saj Nancy Pelosi janë shprehur kundër inkriminimit. Në një prononcim për “Uashington Post”, Pelosi tha se të inkriminosh presidentin Trump thjesht “nuk ia vlen”./ABC News Albania 24/7

Donald-Trump-e1526640469549.jpg
ad min20:55 | 08/05/2019

Presidenti Trump ka përdorur “privilegjin ekzekutiv” për të penguar publikimin e pacensuruar të raportit hetimor mbi ndërhyrjen ruse në Kongres. Lëvizja ka shkaktuar reagimin e demokratëve, që e kanë cilësuar lëvizjen e kreut të shtetit një sulm ndaj Kushtetutës.

Presidenti amerikan Donald Trump përdori të mërkurën “privilegjin ekzekutiv” për të bllokuar publikimin e plotë të raportit të Robert Mueller në Kongresin e Shteteve të Bashkuara. Lëvizja e njoftuar nga Shtëpia e Bardhë përbën një tjetër intensifikim të betejës kushtetuese mes Dhomës së Përfaqësuesve të kontrolluar nga demokratët dhe presidentit republikan.

Privilegji ekzekutiv është një e drejtë e pretenduar nga krerët e shtetit për të mbajtur sekret informacionet mbi politikat e brendshme të pushtetit ekzekutiv nga degë të tjera të qeverisjes. Demokratët e kanë kritikuar ashpër lëvizjen e presidentit. Kryetari i komisionit të çështjeve gjyqësore, Jerrold Nadler ka deklaruar se Shtëpia e Bardhë po keqpërdor doktrinën e privilegjit ekzekutiv, duke zgjedhur të përshkallëzojë përplasjen mes administratës Trump dhe Kongresit.

Ndërsa kryetarja e Dhomës së Përfaqësuesve, Nancy Pelosi deklaroi se lëvizjet e Trump për të bllokuar aktivitetet e Kongresit po i pengojnë ligjvënësit të mbikëqyrin punën e administratës së tij. Por Shtëpia e Bardhë e mbrojti lëvizjen duke deklaruar se ajo ishte një manovër e imponuar nga demokratët.

“I përballur me abuzimin e hapur të pushtetit nga demokratët dhe me kërkesën e prokurorit të përgjithshëm, presidentit nuk i mbeti rrugë tjetër veç se të ushtrojë kompetencën mbrojtëse të privilegjit ekzekutiv”, tha zëdhënësja Sarah Sanders./ABC News Albania 24/7

MUELLER-PYETJET-1-1280x720.jpg
ad min09:23 | 16/04/2019

Departamenti amerikan i Drejtësisë tha se do të publikojë të enjten një version të redaktuar të raportit prej gati 400 faqesh të prokurorit të posaçëm Robert Mueller mbi ndërhyrjen ruse në zgjedhjet e vitit 2016 për të ndihmuar kandidatin e atëhershëm Donald Trump të fitonte presidencën.

Presidenti Trump tha të hënën se ai tashmë rezulton i pastër nga çdo shkelje e lidhur me zgjedhjet, ndërkohë që ai vetë dhe publiku amerikan presin hollësitë e hetimit 22 mujor të zotit Mueller.

Presidenti tha në Twitter se zoti Mueller dhe Prokurori i Përgjithshëm William Barr, bazuar në gjetjet e hetimit, “kanë përcaktuar tashmë se nuk ka patur bashkëpunim të fshehtë, as pengim të drejtësisë.” Sipas tij, këto krime, janë kryer nga ish-rivalja e tij demokrate Hillary Clinton.

Zoti Mueller hetoi rreth kontakteve të fushatës Trump me Rusinë dhe nëse zoti Trump, si president, pengoi drejtësinë duke u përpjekur të pengonte hetimin.

Në prag të publikimit të raportit, polemikat janë të ashpra.

Para tre javësh, zoti Barr publikoi një përmbledhje prej katër faqesh të gjetjeve të zoti Mueller, duke thënë se prokurori i posaçëm kishte arritur në përfundimin se zoti Trump dhe fushata e tij nuk patën ndonjë bashkëpunim të fshehtë me Rusinë për ta ndihmuar atë të fitonte. Ndërkohë, zoti Barr nuk kishte arritur asnjë përfundim nëse Presidenti Trump kishte penguar drejtësinë. Por meqenëse prokurori i posaçëm Mueller nuk doli me asnjë vendim për çështjen e pengimit të drejtësisë, zoti Barr dhe zëvendësi i tij Rod Rosenstein thanë se nuk kishte vend për akuza për pengim të drejtësisë ndaj zotit Trump.

Zoti Barr, i emëruar nga Presidenti Trump si zyrtari më i lartë i zbatimit të ligjit në vend, tha javën e kaluar se beson që agjencitë amerikane të inteligjencës të kenë spiunuar ndaj fushatës Trump dhe po hapin një hetim për të parë nëse kjo akuzë ka bazë të mjaftueshme.

Sa për raportin e zotit Mueller, sekretarja e shtypit e Shtëpisë së Bardhë Sarah Sanders i tha televizionit Fox News të djelën: “Nuk mendoj se kjo do ta dëmtojë presidentin.”

Kongresmeni Jerrold Nadler, kryetar i Komisionit Juridik të Dhomës së Përfaqësuesve që po shqyrton çështjen e ndërhyrjes ruse në zgjedhje, tha se zoti Barr duhet t’i dorëzojë komisionit të tij raportin e plotë dhe dëshmitë e tjera hetimore në raport, por zoti Barr nuk ka pranuar.

Zoti Barr ka thënë se do të publikojë sa më shumë të jetë e mundur nga raporti Mueller, duke përjashtuar materialet që kanë të bëjnë me dëshmitë sekrete për jurinë dhe burimet konfidenciale të zbulimit që përfshihen aty./VOA

trump-2-1280x854.jpg
ad min14:56 | 24/03/2019

Në Shtetet e Bashkuara po pritet me mjaft interes publikimi i raportit të hetuesit të posaçëm Robert Mueller mbi ndërhyrjen e përfolur ruse në zgjedhjet e 2016-s. Mes tyre është edhe presidenti Donald Trump, i cili ndryshe nga herët e tjera ka zgjedhur të heshtë, duke mos bërë asnjë postim në Tëitter në 24 orë.

Liderët e Kongresit në Shtetet e Bashkuara janë në pritje të publikimit të raportit të hetuesit të posaçëm Robert Mueller mbi përfshirjen e përfolur të stafit elektoral të presidentit Donald Trump me Rusinë. Raporti i shumëpritur u pranua të premten nga prokurori i përgjithshëm William Barr, i cili e kaloi ditën e shtunë i mbyllur në zyrën e tij për t’u konsultuar me dokumentin.

Raporti është kulmi i dy vjet hetime të kryera nga zoti Mueller dhe ekipi i tij, por sipas një burimi të Departamentit të Drejtësisë, ai nuk bën thirrje për ngritjen e akuzave të reja ndaj personave të përfshirë. Gjatë hetimit, Mueller dhe bashkëpunëtorët e tij kanë paditur 34 persona, përfshirë 6 ish-bashkëpunëtorë të presidentit Trump, një numër të konsiderueshëm shtetasish rusë, si dhe 3 kompani private.

Sidoqoftë, asnjë nga akuzat nuk lidhej drejtpërdrejtë me dyshimet për mpleksje të stafit të Trump me Moskën, dyshime që janë hedhur gjithmonë poshtë nga kreu i shtetit. Vetë miliarderi i pasurive të patundshme po e pret në heshtje momentin e publikimit të të dhënave.

Në 24 orët e fundit ai nuk ka bërë asnjë postim në Tëitter, një rekord ky duke qenë se mesatarisht presidenti bën deri në 12 postime në ditë. Aktualisht, kreu i shtetit ndodhet në kompleksin e tij në Florida, Mar a Lago, bashkë me përfaqësuesit e tij ligjorë./abcnews.al

MUELLER-PYETJET-1280x720.jpg
ad min23:15 | 22/03/2019

Pas 22 muaj hetime, akuza ndaj 37 të pandehurve, 7 pranime faji dhe një dënim, zyra e hetuesit të posaçëm Robert Mueller ka mbyllur hetimet mbi ndërhyrjen e përfolur ruse në zgjedhjet presidenciale të vitit 2016. Përfundimet e hetimit nuk janë publikuar, por pritet që një pjesë e tyre të raportohen në Dhomën e Përfaqësuesve të Kongresit amerikan.

Hetimi i prokurorit të posaçëm Robert Mueller mbi lidhjet e përfolura mes Rusisë dhe stafit elektoral të presidentit Donald Trump kanë prekur vijën e finishit. Raporti i zotit Mueller është dorëzuar të premten në Departamentin e Drejtësisë, ku prokurori i përgjithshëm Uilliam Berr do të vendosë se sa material do të ndajë me Kongresin.

Në një letër dërguar Dhomës së Përfaqësuesve, Berr tha se mund t’i raportojë përfundimet kryesore të hetimit brenda javës. Detaje të raportit të Myler nuk janë publikuar, por një burim nga Departamenti i Drejtësisë ka deklaruar për CNN se bëhet fjalë për një dosje gjithëpërfshirëse. Dokumenti synon të sqarojë vendimet proceduriale që hetuesi i posaçëm ka marrë në 22 muaj që nga caktimi i tij në krye të task forcës.

Vetë Trump dhe republikanët e kanë kritikuar vazhdimisht hetimin, duke e cilësuar një “gjueti shtrigash” dhe duke përsëritur se nuk ka pasur asnjë mpleksje me palën ruse. Duke reaguar, zëdhënësja e presidentit Trump, Sarah Sanders ka deklaruar se Shtëpia e Bardhë nuk i ka parë përfundimet e Mueller.

“Hapat e ardhshëm i takojnë prokurorit të përgjithshëm dhe ne presim që ai të bëjë lëvizjen e tij”, ka thënë Sanders.

Përfundimi i hetimit të koduar “Russiagate” shënon fundin e një prej kapitujve më dramatikë të presidencës së Donald Trump, që ka çuar mes të tjerash në një seri padish dhe disa pranime faji nga disa prej bashkëpunëtorët më të ngushtë të tij. Por nga ana tjetër, mbyllja e hetimeve hap një kapitull të ri mbi pasojat që do të kenë përfundimet sapo ato të bëhen publike./abcnews.al

MUELLER-PYETJET-1280x720.jpg
ad min23:20 | 05/12/2018

Për presidentin Trump, telashet që po i shkaktojnë ish-bashkëpunëtorët e tij nuk kanë të sosur. Pas ish-avokatit personal Michael Cohen, ish-këshilltari i tij për sigurinë kombëtare duket se ka hapur gojën dhe u ka dhënë detaje të rëndësishme hetuesve të ndërhyrjes ruse.

Ekipi i posaçëm që po heton ndërhyrjen e përfolur ruse në zgjedhjet e vitit 2016 do të insistojë që ish-këshilltari i presidentit Trump për sigurinë kombëtare, Michael Flynn, të mos dënohet me burg. Flin ka pranuar se ka gënjyer FBI-në, por në një memorandum prokurori Robert Mueller deklaron se ish-zyrtari ka ofruar detaje të dobishme mbi lidhjet mes stafit elektoral të Trump dhe zyrtarëve rusë. Memorandumi, të cilit i referohen mediat amerikane, paralajmëron se hetimet mbi skandalin e njohur si “Russiagate” mund të hapin telashe për presidentin amerikan në një të ardhme të afërt.

Trump e ka quajtur disa herë hetimin një gjueti shtrigash dhe mohon që të ketë pasur një mpleksje mes ekipit të tij dhe rusëve, në përpjekje për të siguruar fitoren në zgjedhje. Por, rekomandimi që ish-këshilltari Flynn të mos burgoset tregon se pozitat e shefit të Shtëpisë së Bardhë mund të komplikohen, sidomos nëse ish-anëtarë të tjerë të stafit të tij thirren për të dëshmuar nga Mueller.

Dënimi ndaj zotit Flynn pritet të shpallet nga gjykata amerikane më 18 dhjetor dhe zyra e prokurorit Mueller e publikoi memorandumin që të shërbejë si një udhërrëfyes në vendimin e trupës gjykuese. Deri më sot, Flynn është i vetmi ish-anëtar i administratës Trump që deklarohet fajtor në kuadër të hetimeve mbi ndërhyrjen ruse, konkretisht për dëshmi të rremë përpara agjentëve të FBI-së. Në pranimin e fajit, ai tha se kishte diskutuar me ambasadorin rus në Uashington heqjen e sanksioneve përpara se Trump të merrte zyrtarisht detyrën./abcnews.al

save-mueller-1280x616.png
ad min22:37 | 09/11/2018

Mijëra qytetarë amerikanë dolën në rrugët e mbi 900 qyteteve të SHBA-ve në mbrojtje të mandatit të prokurorit special që heton për çështjen Russiagate. Këto manifestime erdhën në mbështetje të Mueller, pasi ka dyshime se ministri i ri i drejtësisë mund ta shkarkojë.

Lëvizjet e fundit në administratën amerikane krijuan dyshimet dhe frikë tek qytetarët e SHBA-ve se mund të pengojnë drejtësinë. Për këtë mijëra persona dolën në rrugë në mbi 900 qytete amerikane për të pohuar se hetimi për çështjen “Russiagate” i prokurorit special Robert Mueller do të mbrohet. Manifestimi erdhi pas shkarkimit të ministrit të drejtësisë Jeff Sessions nga Presidenti Donald Trump. “Save Mueller”, ose “Shpëtoni Mueller”, janë thirrjet e disa protestuesve në Uashington pasi hetimi i bashkëpunimit të dyshuar midis fushatës së Trump dhe Kremlinit gjatë zgjedhjeve presidenciale të 2016-s, i është besuar ministrit të ri të përkohshëm besnik të Trump, Mattheë Whitaker.

Ish shefi i stafit të Sessionit ka qenë gjithmonë armiqësor ndaj hetimit të Muellerit për të cilin ai mund të mohojë fondet ose dritën e gjelbër për të thirrur zyrtarë për të dëshmuar. Ndërkohë, inteligjenca amerikane ka pohuar se Rusia ka ndërhyrë në zgjedhjet amerikane të 2016-s. Megjithatë presidenti Trump dhe Kremlini i qëndrojnë versionit se Moska nuk ka tentuar të përzihet me presidencialet, të cilat u fituan nga republikanët./abcnews.al

trump-2-1280x854.jpg
ad min10:30 | 03/08/2018
Zyrtarë të administratës Trump shprehën shqetësim për rrezikun për ndërhyrje në zgjedhjet e ardhshme amerikane. Drejtori i Shërbimeve amerikane të Zbulimit, Dan Coats, paralajmëroi se Rusia vazhdon “përpjekjet për të dobësuar dhe përçarë” Shtetet e Bashkuara para votimeve.“Vazhdojmë të shohim një fushatë të gjerë nga Rusia për të dobësuar dhe përçarë Shtetet e Bashkuara”. Ai shtoi se është “në dieni edhe të përpjekjeve nga vende të tjera që janë të interesuara të ndikojnë tek zhvillimet e brendshme politike” të Amerikës. Zoti Coats i bëri komentet në një konferencë për shtyp në Shtëpinë e Bardhë të enjten pasdite.

Këshilltari i presidentit për Sigurinë Kombëtare, John Bolton, Drejtori i FBI-së, Christopher Wray dhe Sekretarja për Sigurinë Kombëtare, Kirstjen Nielsen bërë gjithashtu komente në konferencën për shtyp.

Zoti Coats tha se Presidenti Donald Trump “na ka dhënë udhëzime të posaçme që ta trajtojmë rrezikun e ndërhyrjeve në zgjedhje dhe sigurinë e procesit tonë zgjedhor si një përparësi kryesore”.

Sekretarja e Sigurisë Kombëtare, Nielsen paralajmëroi: “Vetë demokracia jonë është në shenjestër”.

Presidenti Trump ka thënë se ka diskutuar me Presidentin rus Putin çështjen e ndërhyrjes ruse në zgjedhje, gjatë takimit muajin e kaluar në Helsinki. Gjatë konferencës së përbashkët për shtyp, pas bisedimeve me zotin Putin, Presidenti Trump i mbajti krahun udhëheqësit rus që mohoi se Moska kishte ndërhyrë në zgjedhjet e 2016 për të ndihmuar në fitoren e Donald Trumpit.

Pasi u përball me kritika të forta në vend, Presidenti Trump i tërhoqi komentet dhe tha se e pranonte përfundimin e shërbimeve amerikane të zbulimit se Rusia në fakt kishte ndërhyrë në procesin zgjedhor.

Prokurori i Posaçëm, Robert Mueller po kryeson procesin hetimor mbi ndërhyrjet ruse dhe nëse ka pasur bashkëpunim të fshehtë mes Moskës dhe fushatës Trump para zgjedhjeve 2016.

Zoti Trump e ka sulmuar në mënyrë të përsëritur procesin hetimor si “gjueti shtrigash”./VOA

trump11.jpg
ad min08:11 | 02/08/2018

Presidenti Donald Trump i bëri thirrje Prokurorit të Përgjithshëm Jeff Sessions t’i japë fund hetimit federal lidhur me dyshimet për bashkëpunim të fshehtë mes njerezve të fushatës së tij presidenciale dhe Rusisë.

Pas një sërë postimesh në twitter që sulmonin hetimin që po zhvillon Prokurori i Posaçëm Robert Muller, zoti Trump shkruante të mërkurën se, “kjo është një situatë e tmerrshme dhe Prokurori i Përgjithshëm Jeff Sessions duhet ta ndalë këtë gjueti të manipuluar shtrigash tani, përpara se të vazhdojë të njollosë vendin tonë edhe më tej. Bob Mueller është plotësisht kontradiktor dhe 17 demokratët e tij të zemëruar që po bëjnë punën e tij të pistë, janë një turp për SHBA!”, shkruante Presidenti.

Dje, zoti Trump u bëri jehonë komenteve të njërit prej avokatëve të tij, i cili tha se në kodin ligjor amerikan bashkëpunimi i fshehtë nuk përbën vepër penale.

Por analistët ligjorë thonë se edhe pse bashkëpunimi i fshehtë mund të mos jetë krim, zoti Mueller ka mundësi që të jetë duke hetuar rreth një komploti të mundshëm për t’u lidhur me një qeveri të huaj me synimin për të ndikuar në zgjedhje dhe kjo, sipas tyre, përbën në vetvete vepër penale./Zëri i Amerikës


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono