robert lewandowski

neuer.jpg
ad min16:15 | 06/07/2019

Bayern mund të humbasë një nga lojtarët e tij më të rëndësishëm. Portieri Manuel Neuer nuk beson se skuadra bavareze mund të fitojë Championsin, ndaj ekziston mundësia që të largohet.

Një kampion nuk dëshiron vetëm shiritin e kapitenit dhe një rrogë maksimale. Për të janë të domosdoshme trofetë, pasi kjo përcakton një karrierë të suksesshme dhe në nivelet më të larta. Manuel Neuer është një nga ata, dhe agjenti i tij i ri, Thomas Krot, i ka bërë jehonë pikërisht këtij aspekti, duke shkaktuar alarm tek Bayern.

“Manueli është i orientuar nga suksesi, – tha ai për gazetën bavareze, “Zydojçe Cajtung”, – për momentin, Bayern nuk është konkurrues sa duhet në nivelet më të larta europiane. Kam përshtypjen se diferenca me katër skuadrat e para të Anglisë është serioze, ndaj në Mynih nuk më duken gati për të realizuar ambiciet e Manuelit”.

Besohet se Krot e nxjerr këtë përfundim duke parë edhe eliminimin e kampiones së Gjermanisë nga Liverpool në raundin e dytë të Championsit, edicionin e kaluar. Neuer ka kontratë deri në 2021, dhe agjenti i tij ka lëshuar një paralajmërim për largimin e mundshëm.

Nëse është kështu, kjo është vera e fundit në të cilën Bayern mund të nxjerrë përfitim të rëndësishëm nga portieri që e mori nga Schalke në vitin 2011. Numri 1 i bavarezëve dhe numri 1 i kombëtares së Gjermanisë është sot 33 vjeç, pra në moshë optimale për një portier, dhe mbetet i padiskutueshëm pavarësisht dëmtimeve që pati së fundmi.

Kritikat janë të shumta nga analistët për drejtuesit e Bayern, Uli Hënes, Karl-Hajnc Rumenige apo Hasan Salihamixhiç. Duket se nuk kanë mjaftuar afrimet e reja, si ai i mbrojtësit francez, Pavard, kampion i botës verën e kaluar në Rusi, apo si ai i francezit tjetër Lucas Hernandez, që erdhi nga Atletiko e Madridit për 80 milionë euro.

Tifozët dhe analistët duan më shumë. Gjithsesi, ja një lajm i mirë. Bayern dhe Robert Levandovski janë në bisedime me kontratën që do të rinovohet deri në 2023.  Kontrata e tanishme e sulmuesit polak vlen deri në 2021, ndërsa pati zëra se ai mund të shkonte tek Manchester United apo Paris SG.

Levandovski ka realizuar 191 gola në 242 ndeshje zyrtare në Mynih, dhe është shënuesi më i mirë i huaj në historinë e Bundesligës me 202 rrjeta. Rroga e tij është e lartë, 15 milionë euro në sezon, por gjithsesi e justifikuar për tregun e sotëm të futbollit, dhe për vlerën që Levandovski ka për Bayernin prej vitesh, që kur mbërriti nga Dortmundi në 2014./ABC News Albania 24/7

hofenhaim.jpg
ad min18:09 | 25/08/2018

Polemika të ashpra në Gjermani pas fitores së Bayern-it në javën e parë të Bundesligës. Gjyqtari dha një penallti të dyshimtë, ndërsa nuk u përdor teknologjia.

Ky moment shkaktoi shumë acarim e nervozizëm. Hoffenheim-i protestoi fort për penalltinë e dhënë për Bayern-in, aq më tepër, një vendim që praktikisht vendosi fatin e ndeshjes së parë të Bundesligës.

Trajneri mik, Nagelsman, nuk ngurroi të reagonte për atë që e quajti një gabim të madh edhe pse nuk ia vuri fajin arbitrit.

“Ku ishte teknologjia, – u shpreh ai tepër i zemëruar pas ndeshjes, – duhej të kishte ndërhyrë në momentin e duhur, jo më pas. Ku ishte VAR-i? Përse nuk u ndihmua arbitri në momentin e penalltisë. Më vjen keq për të. 11-metërshi nuk ishte”.

Trajneri i Bayern-it, Niko Kovaç, u tregua sportiv.

“Nëse do të kisha qenë unë arbitri, nuk do ta kisha dhënë atë penallti, – theksoi kroati, – ndeshja ishte e vështirë, pasi Hoffenheim-i luajti ashtu siç pritej, si një ekip shumë i mirë. Sidoqoftë, mendoj se fitorja jonë ishte e merituar”.

E merituar ajo po, kjo mbetet pa u vërtetuar, pasi një ndeshje fitohet jo nga rastet, por nga dërgimi i topit në rrjetë, dhe në minutën e 82, këtë e bëri Robert Lewandowski për avantazhin e vendasve, 2-1.

U desh madje të gjuhej dy herë, pasi teknologjia tregoi se Arjen Roben gaboi herën e parë. VAR-i po ashtu i hoqi një gol Bayern-it, të tretin në minutën e parafundit, veçse të gjitha këto nuk janë baraz me 11-metërshin.

Kampionët e Gjermanisë kaluan në epërsi në pjesën e parë me anë të Thomas Muller-it, dhe me rezultatin 1-0 shkuan në pushim. Pa kaluar 12 minuta nga pjesa e dytë, miqtë barazuan, veçse nuk e realizuan dot ëndrrën për të marrë të paktën një pikë në Mynih.

Pas penalltisë së Lewandowskit, erdhi edhe goli i tretë shënuar nga Arjen Roben në minutën e parë shtesë./abcnews.al

lewandowski.jpg
ad min15:45 | 06/06/2018

Bayern Munchen vendos çmimin për sulmuesin kryesor, Robert Lewandowski-n. Klubet që duan polakun, do të duhet të paguajnë një shifër pranë rekordit botëror.

Dëshiron një tjetër objektiv të madh në karrierë.

Robert Lewandowski-t i ka ardhur në majë të hundër Bundesliga dhe karriera tek Bayerni, ndaj kërkon largimin, por klubi bavarez nuk deshi të zihej në befasi.

Nga Munchen vjen lajmi se do të duhen 200 milionë euro për të blerë kartonin e sulmuesit polak, një shifër nga më të jashtëzakonshmet, edhe në kushtet e inflacionit të madh të futbollit të sotëm, fare pranë rekordit botëror të Neymarit.

Reali i Madridit, Chelsea e Manchester United duhet t’i bëjnë mirë llogaritë nëse do të duan të marrin 29-vjeçarin, që mbush 30 tani në Gusht.

Kontrata e Leëandoëskit me Bajernin është afatgjatë dhe nuk ka klauzolë transferimi, ndaj edhe klubi mund të imponojë vullnetin e tij.

Shefi ekzekutiv, Carl-Heinze Rumenige, ka qenë gjithnjë i prerë në deklaratat e tij.

“Lewandowski ka kontratë me ne, pra do të vazhdojë të jetë në skuadër edhe në të ardhmen, – është shprehur ai, – gjithçka tjetër që thuhet është spekullim”.

Rumenige ka të drejtë që nuk dëshiron ta humbasë polakun, pasi ai ka shënuar 151 gola për bavarezët në vetëm 195 ndeshje, një rendiment që kalohet vetëm nga legjendari Gerd Muller.

Po ashtu, ai ka shënuar gjithsej 180 gola në Bundesligë, ndërsa ka luajtur 257 ndeshje, fillimisht për Borusian e Dortmundit dhe pastaj për Bajernin.

Për momentin, Lewandowski ndodhet i grumbulluar në kombëtaren e Polonisë, me të cilën do të marrë pjesë në Kupën e Botës në Rusi, dhe ku pretendon të jetë shënuesi më i mirë, pra Këpuca e Artë.

Nuk dihet nëse e ardhmja e tij do të vendoset përpara apo pas Botërorit, por nuk do të jetë aspak e lehtë që të largohet nga Bayerni./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono