rita ora

ritaoraraffertylaw-0-1280x1930.jpg
So Nila12:36 | 05/12/2019

Ata konfirmuan romancën e tyre kur morën pjesë në “British Fashion Awards 2019”, kur u larguan dorë për dore nga “Fenty” pas festës.

Këngëtarja me origjinë shqiptare, Rita Ora, 29 vjeçe dhe i dashuri i saj i ri Rafferty Law, 23 vjeç u rikthyen së bashku të mërkurën pasdite, duke xhiruar për filmin e ri “Twist” ku ata luajnë rolet kryesore, në Somerset House në Londër.

Dyshja ishin mishërimi i profesionalizmit, pasi aktruan në rolet e tyre si Artful Dodger dhe heroi titullar, Oliver Twist.

Rita ishte e veshur me kostumin e policisë, ndërsa Rafferty ishte në uniformën e tij me një palë pantallona dhe xhaketë bezhë.

Ata dukeshin të afërt, ndërsa  xhiruan për azhurnimin klasik të shkrimtarit Charles Dickens – film ky që po xhirohet në kryeqytetin anglez gjatë javëve të fundit./abcnews.al

 

rita-ora-2014-billboard-bb30-650.jpg
in a12:36 | 02/12/2019

Iniciativa e Rita Orës për të ndërtuar nga një shtëpi për shumë familje të prekura nga tërmeti në Shqipëri, ka filluar me ndërtimin e shtëpisë për familjen Sala.

Këngëtarja shqiptare me famë botërore Rita Ora, premtoi se do të rindërtonte shtëpinë e një prej familjeve të prekura nga tërmeti.

Familja Sala është familja e cila jeton në fshatin Pinar të Tiranës dhe banesa e saj u shemb nga lëkundja e fortë.

Rita bënte thirrje për këdo që ka mundësinë, të gjejë një familje ose një shoqatë bamirësie, një mënyrë për të ndihmuar me rindërtimin e shtëpive të viktimave të kësaj katastrofe.

E para që zgjodha është familja Sala. Do ta ndjekim ecurinë e kësaj pune që të ketë dhe familje të tjera që të marrin të njëjtën ndihmë. Ju lutem, klikoni në blogun tim për të bërë të njëjtën gjë dhe ju. Lutjet e mia dhe dashuria ime shkojnë drejt atyre që janë prekur. Me dashuri, Rita””, shkruante Ora në postimin e saj.

Ajo ka bërë me dije se kjo nuk është familja e vetme të cilëve do iu ndihmojë, ndërsa ka bërë thirrje për të gjithë ata që kanë mundësi që të veprojnë njejtë./abcnews.al

 

p06gn6v3.jpg
in a09:55 | 29/11/2019

Këngëtarja Rita Ora ka treguar me anë të një postimi në instagram se çfarë dhe si do ta ndihmoj Shqipërinë pas tragjedisë që ndodhi më 26 nëntor

26 nëntori është ditëlindja e këngëtarës dhe ajo pavarësisht kësaj kishte disa postime për Shqipërinë.

Tani në këtë postim Rita ka shkruar se ajo do të koordinohet me kryetarin e bashkisë së Tiranës Erion Veliaj për ndihmat.

Ajo e ka cilësuar Erionin si një lider të vërtetë dhe thotë se lidershipi i tij është shembull.

“Unë sugjeroj që kushdo që mundet, ju lutemi të gjeni një familje ose ndonjë shoqatë bamirëse apo ndonjë mënyrë që të ndihmoni për rindërtimin e shtëpive të viktimave nga ky shkatërrim. Familja e parë që unë kam zgjedhur për t’i ndihmuar është familja Sala dhe ne do të të përcjellin gjendjen e saj dhe shumë familjëve të tjera të cilat kanë nëvojë për ndihmë”, ka shkruar Rita duke postuar edhe një link ku mund të jepen donacione për Shqipërinë./abcnews.al

 

dua-lipa-rita-ora-distracttv.com-2.jpg
in a16:21 | 26/11/2019

Këngëtaret me origjinë shqiptare ,Rita Ora dhe Dua Lipa kanë shprehur keqardhjen dhe lutjet e tyre për Shqipërinë ndërmjet një postimi në Instagram mbas termetit qe goditi sot në mëngjes vendin tonë.

Këngëtarja shqiptare me famë botërore, Dua Lipa, ka informuar 36 milionë ndjekësit e saj se populli shqiptar është goditur nga një tragjedi so gjatë ditëve të para të mëngjesit.

Dua ka postuar një fotografi të flamurit kombëtar shqiptar, ndërsa ka shkruar se është prekur shumë nga lajmet e rënda.

“Zemra ime dhe lutjet e mira janë me njerëzit e Shqipërisë. Ju dërgoj gjithë dashurinë time gjatë këtyre kohëve të rënda“, ka shkruar Dua në postimin e saj.

Rita Ora, gjithashtu ka postuar një foto me flamurin shqiptar duke shkruar: “Zemra ime shkon për të gjithë ata të prekur nga termeti, lutjet e mia janë me ju ./abcnews.al

 

Rita-Ora-thumbnail-1280x720.png
ent ela19:42 | 26/10/2019

Një poster i Rita Orës që reklamon një markë stolish, e vendosur në qëndër të Beogradit, ka shkaktuar një sërë reagimesh ne Serbi.

“Skandaloze! Shqiptarja Rita Ora i qesh Beogradit në fytyrë”! Kështu shkruajnë thuajse të gjitha mediat, të indinjuar nga ky ofendim, që sipas tyre po i bëhet vendit.

Për ta ky veprim është anti-serb dhe “kurrsesi nuk do të lejojnë që një person që bën thirrje për Shqipëri të Madhe të shfaqet në një poster gjigand në kryeqytetin e tyre”.

Gazeta “Informer” madje ka realizuar dhe një sërë intervistash me qytetarë serbë, të cilët shprehen të indinjuar nga ky veprim dhe kërkojnë që të miratohet një ligj që ndalon reklama me të tilla përmbajtje. Ndërkohë disa të tjetër nuk arrijnë të pranojë se ende ka serbë që pranojnë të shfaqin imazhe këngëtaresh shqiptare, vetëm për para.

Megjithatë, disa analistë janë shprehur se nuk ka asnjë ligj që ndalon të tilla gjëra, pasi është marka që ka zgjedhur imazhin. Dhe nëse ky imazh nuk pëlqehet, kjo gjë do të tregohet nëse produkti ka shitje apo jo.

Klan Plus

 

rita-ora.jpg
ad min09:58 | 04/07/2019

Rita Ora dhe Dua lipa tashmë suksesin e tyre po e shohin jo vetëm në muzikë, por edhe në biznes.

E konsideruar si një ndër artistet më të përfolura të mediave ndërkombëtare, Rita Ora prej vitesh është angazhuar edhe në reklamimin e markave prestigjoze. Bashkëpunimi i saj i fundit vjen me një prej kompanive më të njohura të bizhuterive në Gjermani.

Ka qënë vetë Rita, e cila nëpërmjet një postimi në rrjetin social Instagram, ka shprehur emocionet e të qënit pjesë e kësaj fushate.

Ndonëse numëron më pak bashkëpunime marketingu, edhe Dua Lipa po e zgjeron aktivitetin e saj. Së fundmi, ajo ka bashkëpunuar me një prej firmave më të njohura të xhinseve për një linjë të re veshjesh, e cila do të mbajë emrin e saj.

23-vjeçarja pritet që gjatë muajit Gusht të vijë në Kosovë, në një festival të organizuar nga i ati i saj, Dukagjin Lipa.

Tv Klan

5d00e61467690ritaaaaaaaaaaaa.jpg
ad min14:00 | 12/06/2019

Këngëtarja me origjinë shqiptare Rita Ora ka qenë e ftuar në koncertin e bamirësisë “Sentebale Audi”. Koncerti ishte organizuar nga Princi Harry, me qëllim mbledhjen e fondeve, të cilat do të shkojnë për bamirësi. I njëjti koncert është mbajtur edhe vitin e kaluar ku të ardhurat nga ky koncert shkuan për bamirësinë e zhvilluar për fëmijët në Lesoto, Botsvanë dhe Malavi.

Sipas Daily Mail, Princi britanik, dukej i lumtur teksa takohej me këngëtaren shqiptare. Në koncert këngëtarja shoqërohej nga e ëma  Vera, e cila ka treguar disa detaje nga takimi me Princin. Vera ne llogarinë e saj në Instagram ka publikuar disa foto ku shihet duke folur me Harry ndërsa Rita shihet duke u përqafuar me Prinsin.

 “Ai ishte aq modest në koncertin e tij sa që tha: Nuk do të harxhoj shumë nga koha juaj. E kuptoj që jeni këtu për të parë Ritën dhe jo mua, sidomos ju në fillim”, ka shkruar Vera./abcnews.al

rita.jpg
ad min23:42 | 09/05/2019

Një llogaritar, i cili vodhi 3.65 milionë paund nga këngëtarja Rita Ora dhe ish-kapiteni i kombëtares angleze të regbisë, Matt Dawson, është dënuar me burg.

Andrew Munday, shkaktoi një humbje prej rreth 2.4 milionë Paundësh gjatë mashtrimit që i bëri kompanisë në pronësi të Rita Orës për rreth 7 vjet. Kompania e 38-vjeçarit pësoi rënie dhe për të justifikuar humbjet, ai mori nga llogaritë e dy personaliteteve dhe jo vetëm.

Sipas asaj që shkruajnë mediat britanike, Munday ishte i martuar dhe i varur nga kumari. Ai u dënua të mërkurën pasi pranoi 6 akuza për mashtrim dhe tre akuza për pastrim parash.

Me paratë e mashtrimit, ai kishte arritur të bënte një stil jetese të jashtëzakonshëm. I riu britanik ishte bërë anëtar ekskluziv i skuadrës Tottenham Hotspurs, kishte marrë karta origjinale të filmit “Star Wars” dhe kishte blerë një bluzë të firmosur nga ish-futbollisti Paul Gascoigne.

Nga kompania e këngëtares me origjinë shqiptare ai kishte marrë fillimisht 1.6 milionë paund, por në fund i shkaktoi asaj një humbje prej 2.390,474 Paundësh./abcnews.al

rita-ora.jpg
ad min22:01 | 10/04/2019

E ndodhur në Kosovë në kuadër të një programi të UNICEF, këngëtarja e famshme me origjinë shqiptare Rita Ora ka deklaruar se do të punojë për mbështetjen dhe promovimin e projekteve të të rinjve kosovarë.

Rita Ora ka befasuar të rinjtë nga e gjithë Kosova që merrnin pjesë në një ngjarje të organizuar nga UNICEF-i. Ajo tha se është mahnitur me punën e të rinjve që po bëjnë në Kosovë, duke thënë se nuk do të kursej kontributin e saj për fuqizimin e tyre.

“Pata kënaqësinë e madhe të takoj të rinj të Kosovës. Do të mundohem të bëj gjithçka mundem që t’i inspiroj dhe t’i mbështes të rinjtë. Shpresoj t’i kem inspiruar. Jam e nderuar të jem këtu me të gjithë këta që punojnë për UNICEF-in. Jam krenare që jam nga këtu, nga Kosova dhe pres me padurim t’i mbështes të rinjtë e vendit tonë”, tha Rita Ora.

Këngëtarja shqiptare me famë botërore këtyre ditëve ka vizituar fëmijë, të dhe të rinj në familje të  varfra në Kosovë ku është njoftuar për së afërmi për sfidat e tyre me të cilat ballafaqohen./abcnews.al

rita-ora-post-malone-pic.jpg
ad min09:40 | 28/10/2018

Edhe pak ditë na ndajnë nga festa e përvitshme e Halloweenit, tashmë me ndërkombëtarizim edhe në Shqipëri. Këto ditë të gjithë mendojnë për kostumin më të frikshëm dhe maskën më të mirë për të impresionuar njerëzit përreth. Por kurioziteti më i madh qëndron tek karakteret që njerëzit e famshëm do të paraqesin. Kjo për shkak se buxheti i tyre lejon që të sjellin tek publiku iluzione sa më të arrira të cilat i përshtaten kësaj feste. Ndërkohë, mbretëresha e këtij eventi mbetet modelja Heidi Klum, për shkak të kostumeve mahnitëse që ajo ka realizuar për vite me radhë.

Por këtë vit Heidi mund të mposhtet nga këngëtarja shqiptare Rita Ora. Për të Halloweni ka ardhur më herët duke e vendosur tashmë shumë lart standartin për të famshmit që duan të bëhën pjesë e ndryshimeve të tilla. Këngëtarja ka arritur që të realizojë një imitim fizik perfekt të reperit Post Malone. Detajet janë realizuar në perfeksion duke bërë që të mos vihet re asnjë ndryshim nga origjinali.

Ora debutoi më veshjen e saj në një koncert ku ndodhej për të performuar. Ajo u shpreh se fansat e saj nuk kishin arritur ta njihnin se kush ishte në të vërtetë. Por në Twitter ka patur reagime të shumta të cilët e aprovonin këtë vendim të Ritës si diçka origjinale dhe e realizuar siç duhet. Tashmë pritet reagimi i reperti Malone për këtë ide. Mbase ai do të maskohet si Rita? Na mbetet të presim deri më 31 tetor ku finalizohet dhe ky manifestim./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono