rinj

MAQEDONI-1280x707.jpg
ad min09:45 | 28/06/2019

Parlamenti i Maqedonisë së Veriut votoi riformatimin e Qeverisë. Deputetët miratuan propozimin e Kryeministrit Zoran Zaev për emërimin e pesë ministrave të rinj. Riformatimi i Qeverisë pason të ashtuquajturin procesi “Fshesa”, të cilin Zaev e kishte paralajmëruar gjatë fushatës për zgjedhjet presidenciale.

Me 65 vota “pro” dhe 25 “kundër” në Kuvendin e Maqedonisë së Veriut kaloi propozimi për zgjedhjen e pesë ministrave të rinj në Qeveri. Kryeministri Zaev në fjalën e tij përfundimtare theksoi se në kushte kur vendi deri në fund të vitit pret hyrje në NATO dhe fillimin e negociatave me BE-në duhet të maksimalizohen efektet e reformave.

Zoran Zaev : “Në një situatë të këtillë maksimalisht duhet të përkushtohemi për reforma të përgjithshme në vend, me impakt maksimal, për të cilët besoj se pjesa më e madhe e reformave janë në përgjegjësinë tonë personale e individuale duke filluar nga Kryeministri, Ministrat por edhe qytetarëve, për ta rritur kapacitetin e përgjegjësisë, ndershmërisë. Padyshim se kjo është periudha që nuk duhet ta lëshojmë”.

Debati dyditor për riformatimin qeveritar në Kuvend, kaloi në debate të ashpra mes opozitës dhe pozitës, nëse riformatimi është sa për sy e faqe apo thelbësor.

Nikola Micevski: “Për shkak të paaftësisë vendosët të sakrifikoni një pjesë të vogël të bashkëpunëtorëve tuaj të pasuksesshëm, por pjesa më e madhe që dëshmuan se nuk kanë kapacitete minimale për të udhëhequr institucionet, mbetën në pozitat e tyre që ti shkaktojnë edhe më tej dëme shtetit”.

Për Ministra të rinj janë zgjedhur Naser Nuredini, Ministër i Ambientit Jetësorë, Goran Milevski, Ministër i Pushtetit Lokal, Sadulla Duraku, Ministër për Sistem Politik, Trajan Dimkovski, Ministër i Bujqësisë dhe Hysni Ismaili, Ministër i Kulturës. Pozita e Ministrit të Financave mbetet e zbrazët, prej se Kryeministri Zoran Zaev tërhoqi kandidaturën, por do ta udhëheq këtë resor deri në zgjedhjen e Ministrit të ri. Pas votimit Ministrat e sapoemëruar dhanë deklaratë solemne./ABC News Albania 24/7

libra-1280x706.jpg
ad min17:30 | 17/06/2019

Biblioteka e Fakultetit të Historisë dhe Filologjisë në Universitetin e Tiranës pasurohet me 150 tituj të rinj. Veprat janë dhurate e Akademisë së Shkencave.

Fondi për pasurimin e bibliotekës universitare të Fakultetit Filologjik është 1, 5 milion lekë.

Drejtoresha e bibliotekës Teuta Sula thotë se për këtë vit ende nuk kanë mbërritur librat edhe pse lista e përpiluar nga 6 departamentet është bërë prej muajsh.

Dhurimet janë forma e tjetër e pasurimit të fondit të kësaj biblioteke e cila numëron 161 mijë libra në gjuhën shqipe dhe të huaj. Edhe  Akademia e Shkencave i dhuroi 150 tituj të rinj, ky është dhurimi i parë po jo i fundit. Nënkryetari  i zgjedhur Vaso Tole thotë se rëndësia kryesore  e këtyre  librave është garancia shkencore.

Lili Sula shefe e departamentit të letërsisë thotë se këto botime kanë një vlere të veçantë për studentet.

Ndërkohë që Aknemisë e Shkencave do të vazhdojë me dhurimin e librave në Universitetin Bujqësorë./ABC News Albania 24/7

betohen-deputete-1280x657.jpg
ad min11:31 | 25/04/2019

Në seancën e sotme parlamentare janë betuar gjashtë deputetë të rinj pasi kanë marrë konfirmimin nga Komisioni Qendror i Zgjedhjeve.

Ata janë Zef Shtjefni kryetar i Partisë “Ora e Shqipërisë”, Nikolin Staka nga listat shumëemërore të Partisë Demokratike në Shkodër, kryetari i Partisë Balli Kombëtar Demokrat Artur Rroshi, Fatjona Koço, Eugen Bojaxhi, Andi Përmeti i cili vjen nga nga listat e Partisë Demokratike por është edhe themelues i partisë së re ‘Bindja Demokratike’.

Me betimin e gjashtë emrave të fundit, numri i deputetëve të betuar në Kuvend shkon në 108.

Erjon Piciri, i cili ka qenë kandidat për kryetar të Partisë Demokratike nuk ishte i pranishëm në seancë për t’u betuar pas marrjes së mandatit, ndërsa dy të tjerë pritet që të marrin mandatin, pasi kanë dorëzuar dokumentacionin në KQZ./abcnews.al

 

deputett-1280x686.jpg
ad min10:24 | 11/04/2019

Sot në seancën plenare të Kuvendit janë ulur tre deputetë të rinj të opozitës. Ata vijnë nga listat shumëemërore të Partisë Demokratike. Korba Lita nga qarku Tiranë, Arlind Çaçani nga qarku Korçë dhe Halil Jakimi nga qarku Dibër bënë sot betimin.

Numri i deputetëve në Kuvendin e Shqipërisë arrin në 102, nga të cilët 79 janë nga mazhoranca dhe 23 nga opozita. Një ditë më parë në Komisionin Qendror të Zgjedhjeve dorëzuan formularin e dekriminalizimit edhe dy kandidatë të tjerë. Andi Përmeti nga lista shumëemërore e Partisë Demokratike në qarkun Korçë dhe Eugen Bojaxhiu nga lista e Lëvizjes Socialiste për Integrim në qarkun e Beratit./abcnews.al

kucove-1280x691.jpg
ent ela16:43 | 31/03/2019

Merr jetë spitali i Kuçovës duke punësuar mjekë të rinj specialist. Ministrja e Shëndetësisë dhe Mbrojtjes Sociale, Ogerta Manasirliu, ka vizituar spitalin ku u prezantua me trupën e kujdesit shëndetësor dhe ka deklaruar se të gjitha spitalet rajonale, do të kenë mjekët përkatës duke investuar në infrastrukturë dhe burime njerëzore.

Spitali i Kuçovës merr jetë me punësimin e mjekëve të ri të specializuar. Qytetarët tashmë kanë mundësi të kryejnë vizitat dhe kontrollet e tyre mjekësore në spitalin e qytetit pa qenë nevojë të udhëtojnë në rrethe.

Për here të pare në këtë spital ofrohen shërbimet e mjekësisë interne dhe gjinekologjike. Ministrja e Shëndetësisë dhe Mbrojtjes Sociale, Ogerta Manastirliu, ka deklaruar se po investohet në spitalet rajonale, për të garantuar shërbimin bazë afër vendbanimit duke investuar në infrastrukturë dhe burime njerëzore edhe në spitalet bashkiake.

“Jam shumë e kënaqur që spitali i Kuçovës, deri dje një ngrehinë e harruar, po investohet jo vetëm në infrastrukturë të përmirësuar, por mbi të gjitha, në burime njerëzore. Tre mjeke të reja specialiste, në shërbimin e Pediatrisë, Gjinekologjisë dhe Sëmundjeve të Brendshme tashmë janë pjesë e këtij spitali, duke jetësuar dhe fuqizuar shërbimet e specializuara në këtë spital bashkiak”.

Është shënuar lindja e parë në këtë spital pas shumë vitesh me punësimit e mjekes gjinekologe si edhe specialisti i sëmundjeve të brendshme dhe mjekut pediatër do të bëjnë të mundur që banorët të marrin suportin mjekësor.

“Me planin tonë të racionalizimit të spitaleve, do të transformojmë spitalet bashkiake në qendra 24 orëshe, duke garantuar paketën e shërbimeve bazë në çdo spital”, u shpreh Manastirliu.

Po ashtu, pritet që 168 mjekë specialist të punësohen në të gjitha spitalet rajonale në vend duke plotësuar nevojat e shqiptarëve./abcnews.al

54727869_641181922992119_3482934150221004800_n.jpg
ent ela20:28 | 28/03/2019

Ministrja e Financave dhe Ekonomisë, Anila Denaj, prezantoi 2 drejtuesit e rinj të administratave Tatimore e Doganore, përkatësisht Enton Duro dhe Arlind Gjokuta. Për ministren Denaj, prioritet për të dyja administratat fiskale, edhe për këtë vit do të jenë komunikimi me biznesin, rritja e transparencës dhe lufta kundër informalitetit. Ndërsa, 2 drejtuesit e rinj, Duro dhe Gjokuta, prezantuan objektivat e tyre në lidhje me drejtimin e institucioneve që do të drejtojnë, si dhe shprehën vullnetin e mirë për rritjen e bashkëpunimit edhe me sipërmarrjen./abcnews.al

Murrizi-1280x694.jpg
ent ela12:38 | 21/03/2019

Deputeti Muslim Murrizi, i cili nuk pranoi të dorëhiqej bashkë me kolegët e tjerë të Partisë Demokratike kërkoi ndryshimin e reformës zgjedhore. Mënyra se si u hartua në vitin 2008 nga të dy forcat e mëdha politike në vend janë edhe një arsye më shumë thotë ai që nuk pranoi të digjte mandatin e deputetit.

Myslym Murrizi gjatë fjalës së tij gjithashtu u kërkoi deputetëve të rinj të cilët vijnë nga radhët e PD dhe LSI, që të votojnë reformën zgjedhore dhe ndryshimet në Kodin Zgjedhor.

“Kryetari i grupit Parlamentar Taulant Balla foli për Kodin Zgjedhor. Për mua duhet prishur sistemi politik që në Prill 2008, largoi të zgjedhurit nga zgjedhjet. Atje jashtë në protestë flasin në emër të popullit. Këtu brenda flasim në emër të popullit. Pse i fshihemi me kaq frikë popullit. Tre palë zgjedhje që i fshihemi votës së këtij populli. Hyjmë në lista si struci dhe rrisim servilizmin, edhe kur jemi në pushtet, jemi në opozitë”, tha Murrizi.

Ndërsa deputeti më o ri i LSI-së në Kuvedn  Enver Roshi theksoi se misioni i deputetëve të rinj është ta çojnë Shqipërinë në Evropë.

 “Jemi qytetarë të lirë. Kemi të drejtë të shprehemi dhe mendimi ynë nuk është në aspektin personal që kemi ardhur në këtë parlament.Ne duam të shkojmë në Evropë, populli do të shkojë në Evropë dhe politikanët duhet ta bëjnë këtë, ta çojnë Shqipërinë në Europë dhe kjo është thirrja pse ne kemi ardhur në Kuvend”, shtoi ai.

Po ashtu, deputeti Roshi ka shprehur dakortësinë në lidhje me marrëveshjen mes qeverisë gjermane dhe qeverisë shqiptare për t’i dhënë një impuls zhvillimit rural./abcnews.al

GJYLAMETI-1280x760.jpg
ent ela20:44 | 12/03/2019

Deputetja e PS-së Blerina Gjylameti është shprehur se deputet e rinj të opozitës me pranimin e mandatit po i rikthejnë normalitetin Parlamentit shqiptar. Këto deklarata deputetja socialiste i ka bërë mbrëmjen e sotme nga emisioni “Provokacija” në “ABC news”.

“Çështja është se një pjesë e mirë e atyre kolegeve që kanë qenë në listat e dyta ose në pjesën e dytë të listës të PD dhe LSI po rikthejnë edhe një herë në normalitet Parlamenti shqiptar. Ky ishte një vendim që nuk duhej ndërmarrë nga ata dhe në momentin që është ndërmarrë nga ata ne duhet”.

Më tej deputetja e PS-së është shprehur se opozita dhe mazhoranca kishin debate të mira pa praninë e kamerave sesa me praninë e tyre nëpër komisionet parlamentare.

“Jo vetëm ato 5 minuta të një debati që mund të përçohet që nuk ka asgjë të përbashkët me një debati që duhet të ndodhi, është për t’u dënuar. Puna janë e përditshme përtej atij debati 5 minuta pavarësisht se i dënoj me shumë forcë dhe unë jam nga ato që jam ngritur disa herë edhe pse kam qenë shumë  e re në parlament, për të dënuar gjuhën që përdoret kundër grave. Për të gjitha gratë që janë në politike por jo vetëm. Sepse unë mendoj në momentin që përdorim nj gjuhë të tillë jo etem dhunojmë atë që mund t’i drejtohemi por të gjithë ato që përfaqëson secili prej nesh. Puna që behet e përditshme është shumë herë më e madhe sesa ajo që shfaqet. Edhe parlamenti nuk do bëjë dallim nga ajo që ka shoqëria shqiptare një shoqërie e cila është në tranzicion. Dhe besoj si në media ashtu edhe në çfarëdolloj sektori tjetër kemi ato momente ku nuk është krenar askush për çfarë ndodh por kemi dhe ato momente e tjera që shikojmë që gjërat ecin para. Që nga pjesa e komisioneve, puna që bëhet me votuesit puna që behet në terren me njerëzit gjithë ajo pjesa që bëhet pas për të arritur në projektligje që kur të arrihet në fund të ketë ndikim. Jam e bindur dhe mua tua them këtë sekret por të gjithë e dinë është sekret që nuk e themi me zë të lartë por ndërkohë është , që kur nuk janë kamerat diskutimi që kemi të dyja kahet e politikës është tërësish ndryshe nga ai që kemi kur shikojmë kamerat”.

Gjylameti duke komentuar punimet gjatë seancave parlamentare dhe e ka cilësuar ditën e enjte si të tmerrshme.

“Ajo dita e enjte në Parlament është nga ato ditët e tmerrshme. Ajo që duam të themi është se nuk kemi përballje të alternativave por kemi njërën palë që merret me përbaltje dhe një pjesë se çfarë duhet të bëjë”./abcnews.al

rama-1-1280x680.jpg
ent ela12:32 | 09/03/2019

Kryeministri Edi Rama  është pritur me Protesta në Fier. Dhjetëra simpatizantë të opozitës zhvillonin protestë në anë tjetër.

Kreu i Qevesisë nga atje u shpreh se Partia Demokratike nuk do të mbajë dot as gjysmat e bashkive që ka aktualisht, ndërsa PS do fitojë më shumë bashki sesa ka.

“PD, ka frikë nga zgjedhjet, ata nuk do të fitojnë dot asnjë nga bashkitë që në kemi dhe nuk do mbajnë dot as gjysmat e atyre që kanë”.

Rama i cilësoi si ‘100 petritat e Saliut’ që po kërkojnë që të bëjnë revolucion.

“Atje ku  ishim, ku duan të na kthejnë ata pas. Në Fier ka edhe demokratë dhe njerëz të zakonshëm që asnjëherë nuk e kanë vlerësuar PS-në, por jam i bindur që ata nuk kanë asnjë lidhje me ata 100 petritat e Saliut atje te kthesa, të cilët përfaqësojnë ekzakësisht dëshpërimin e madh të Saliut dhe çetës së tij që tani ka mbetur aty ku i takon rrugëve.
Sikur la rrugët, rrugëve e nxori PD-në rrugëve”,  tha Rama.

Opozita ka akuzuar Ramën se ka blerë kandidatët nga listat e tyre vijuese që të pranojnë mandatin e deputetit. Por, Rama sot iu përgjigj Bashës dhe Kryemadhit nga Fieri.

 “Po kur thonë këta që vijnë në parlament janë të Ramës, po unë ua vura në listat e deputetëve? Unë ia mbajta dorën Lulit, unë Lulin e mbajta për dore, por nuk i mbajta dorën. Ata të tjerët nuk janë të gjithë budallenj, u vjen mundësi të vijnë në parlament të marrin rrogë, pension. Pse do të rrijë pas Luanit. Mirë që nuk kanë ide në parlament, por kanë edhe Saliun dhe thanë po ikim. Keni parë ju që kandidati për kryeministër i Shqipërisë vjen me xhup me vezë në xhep dhe ai tjetri vjen edhe m’i hedh mua. Shumica këtu janë normalë jo si këta që po bëjnë revolucion aty jashtë. Pak e nga pak ata po treten rrugëve” tha ai.

Gjithashtu, kryeministri Rama u shpreh se opozita proteston pasi ka hallin e drejtësisë së re.

 “Kujt ti dorëzohemi? Atyre te kthesa? Që në kthesë, janë do të mbeten dhe nuk kanë për ta marrë dot nëse kohët nuk do të ndahen nga kush i ka marrë peng. Peng i ka marrë koka që nuk di ku i çon. Ne iu kujtohet shumë mirë. U lodh nëpër Shqipëri dhe gjithë verën fjeti gjumë. Ndërsa tani prapë nga e para, jo në çadër, por rrugëve. Kur duan të vijnë në Tiranë mbyllin bashkitë e Kamzës, Shkodrës, Kavajës dhe të tjerë. Vijnë edhe ata që u mbyllën lojërat e fatit se kushedi mund të na dalë fati rrugëve. Se po vijnë zgjedhjet, se do të vijnë në Fier, do të kandidojnë Luanin, me ata 100 veta atje? Çfarë do të thotë, se do e kthejmë Gjanicën sikur ishte? Duan të krijojnë gjithë alibinë se zgjedhjet janë kot, blihen dhe shiten. Kanë edhe një hall tjetër, ajo e shkreta reforma në drejtësi, se po ngushtohet laku. Disa halle ata i kanë ua di tërë populli” tha ai.

Ai u premtoi qytetarëve se shumë shpejt do të nisë puna për ndërtimin e një pallati sporti, si dhe po shikohet mundësia për një stadium të ri.

“Do fillojmë punën për pallatin e sporti, ndërkohë kemi folur dhe për stadiumin e ri”, tha Rama./abcnews.al

dd-1-1280x692.jpg
ad min21:45 | 17/01/2019

Menjëherë pas ceremonisë së betimit tek Presidenti, disa nga anëtarët e rinj të kabinetit qeveritar kanë marrë zyrtarisht detyrën në dikasteret përkatëse nga paraardhësit e tyre.

Dorëzimi i detyrës  së zv. Kryeministres Senida Mesi  tek  Erjon  Braçe  u bë përmes një përqafimi të ngrohtë mes  tyre.  Mesi u shpreh e bindur se, zv. Kryeministri i ri do të vijojë punën për të çuar para reformat dhe do të luftojë korrupsionin.

“I pari është shërbimi me në qendër pytetarin që është shumë i rëndësishem. Dhe e dyta, jo më pak e rëndësishme është lufta kundër korrupsionit. Besoj se këtu Erjoni do ketë një fokus edhe më të veçantë”.

Braçe nuk e fsheh emocionin, që pas 23 vitesh në politikë, iu desh të kalonte në anën tjetër të bulevardit, duke marrë një post në qeveri.

“Me thënë të drejtën unë e kam të vështirë të flas nga ana këtej e bulevardit. Kam 23 vjet që flas nga ana tjetër e bulevardit”.

Pas  5 vitesh në krye të Ministrisë së Infrastrukturës dhe Energjisë, Damian Gjiknuri i dorzoi stafetën Belinda Ballukut.  Ai nuk i kurseu fjalët e mira dhe u ofrua si “këshilltar i jashtem i saj”.

“Unë jam i bindur që Bela i ka të gjitha mundësitë, dhe unë e njoh personalisht. Ajo ka edhe kapacitetin dhe vullneti që këto reforma të nisura t’i çojë përpra. Unë i uroj shumë sukses në punën e saj dhe patjetër i kam thënë që do më kesh këshilltar të mirë të jashtëm nëse do ma ketë nevojën”.

“Damiani nuk do jetë këshilltari im i jashtëm, por do jetë këshilltari im më i afërt. Përgjegjësia dhe pozicion më bën që të ndihem në krye të të gjithë problematikave, por sigurish nën supoerin dhe nën krahun tuaj”.

Me sportivitet dhe buzëqeshje u  kalua detyra e Ministrit të  Ekonomisë dhe Financave nga Arben Ahmetaj tek Anila Denaj. Ahmetaj nuk kurseu fjalët e mira dhe vlerësimin për stafin me të cilin ka punuar për 3 vite.

“Kam vlerësim për secilin nga ju. Madje sot që komunikova dua t’iu them që ka qenë kënaqësi dhe nder që kam punuar me secilin nga ju”.

Denaj e cilëson sfidë marrjen e kësaj detyre,  por puna në skuadër është cëlsi e suksesit. “E para e punës sime do do jetë puna e të gjithëve ne bashkë me skuandrën”.

Kalimi i detyrës vjen pas betimit që ministrat e rinj bënë tek Presidenti Ilir Meta./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono