rinas
ent ela21:54 | 06/11/2019
Arrestohet në Rinas 30-vjeçari Beqo Brahimi, i shumëkërkuar për trafik narkotikësh. Sipas Policisë, arrestimi është bërë pasi autoritetet belge kishin njoftuar Interpol Tiranën, se një i kërkuar për veprimtari kriminale në fushën e narkotikëve po vinte me avion nga Belgjika për në Rinas dhe aty mund të prezantohej me dokumenta të falsifikuara. Menjëherë pas zbritjes nga avioni, Brahimi është vënë në pranga.
Policia sqaron se Brahimi, ishte shpallur në kërkim pasi Gjykata e Krimeve të Rënda vendosi për të masën “Arrest në Burg” më 5 qershor 2015 nën akuzën “Prodhim dhe shitje narkotikësh” kryer në bashkëpunim.
Edhe Gjykata e Shkallës së Parë Lushnje, ka caktuar masën e sigurisë “Arrest me burg”, për të njëjtën akuzë. Një vit më parë, Beqo Brahimi është dënuar me 8 vjet burg, si pjesë e grupit kriminal që mori pjesë në vrasjen e ish-efektivit të RENEA-s Ibrahim Basha në vitin 2015. Ngjarja ndodhi mëngjesin e 25 qershorit të vitit 2015 gjatë aksionit për të kapur grupin kriminal që kishte nisur të shtënat ndaj policisë lokale në Lazarat. Gjatë këtij aksioni u plagosën edhe dy kolegë të efektivit te RENEA-s, Jetmir Isaj dhe Perlat Hamitaj. /abcnews.al
/abcnews.al
ad min10:59 | 06/10/2019
Finalizohet një tjetër operacion për parandalimin dhe goditjen e tentativës për trafikim të femrave me qëllim shfrytëzimin për prostitucion.
Seksioni për Hetimin e Trafiqeve të Paligjshme në Drejtorinë Vendore të Policisë Tiranë në bashkëpunim me Policinë Kufitare të Rinasit finalizoi me suksese operacionin policor të koduar “RETURN”.
Vihet në pranga një shtetas, si dhe shpallen në kërkim tre të tjerë.
Në vijim të operacioneve të njëpasnjëshme të zhvilluara nga Policia Kufitare e Rinasit në bashkëpunim me Seksionin për Hetimin e Trafiqeve të Paligjshme në Drejtorinë Vendore të Policisë Tiranë, për parandalimin dhe goditjen e veprimtarisë kriminale në fushën e trafikimit të femrave nëpërmjet aeroportit të Rinasit me qëllim shfrytëzimin për prostitucion në vendet e BE-së, është zhvilluar dhe finalizuar një tjetër operacion i koduar “Return”, si rezultat i të cilit u arrestua në flagrancë shtetasi:
– E. Ç., 40 vjeç, banues në Tiranë.
Shërbimet e Policisë Kufitare Rinas gjatë intervistimit të një 30-vjeçareje nga Fieri kanë dyshuar në thëniet e saj për qëllimin e lëvizjes drejt Italisë dhe menjëherë kanë bërë bllokimin e saj duke njoftuar Seksionin për Hetimin e Trafiqeve të Paligjshme në DVP Tiranë.
Si rezultat i hetimeve të shpejta dhe profesionale të kryera nga Specialistët e Seksionit për Hetimin e Trafiqeve të Paligjshme në DVP Tiranë u bë e mundur zbardhja dhe dokumentimi i këtij rasti kriminal, si dhe kapja e arrestimi në flagrancë i shtetasit E. Ç., i cili do shoqëronte 30-vjeçaren drejt Italisë. Shtetasi E. Ç., në momentin që ka parë bllokimin e 30-vjeçares ka tentuar të largohet nga aeroporti, por është kapur nga shërbimet e Policisë.
Po në vijim të veprimeve të para hetimore është bërë shpallja në kërkim e tre shtetasve A. Ç., R. Xh., dhe K. Q., dhe vijon puna për kapjen e tyre.
Nga hetimet rezultoi se shtetasi i arrestuar në bashkëpunim me shtetasit A. Ç., R. Xh., dhe K. Q., nëpërmjet përdorimit të dhunës kishin detyruar 30-vjeçaren që ajo të pranonte të shfrytëzohej për prostitucion në Itali dhe këta shtetas mbrëmjen e djeshme kishin organizuar trafikimin e saj nëpërmjet aeroportit të Rinasit.
Materialet i kaluan Prokurorisë pranë Gjykatës së Shkallës së Parë për Krimet e Rënda Tiranë, për veprime të mëtejshme hetimore për veprat penale të “Trafikim i personave të rritur” dhe “Shfrytëzimi i prostitucionit kryer në bashkëpunim”./abcnews.al
ad min14:04 | 27/09/2019
34 shtetas shqiptarë janë riatdhesuar nga Lille e Francës për në Shqipëri. Në një deklaratë për mediat, uniformat blu shprehen se këta persona shkelën rregullat e qëndrimit në hapësirën Shengen, kërkuan azil dhe tentuan të kalojnë në Mbretërinë e Bashkuar nëpërmjet Francës.
Sipas uniformave blu, operacionet e riatdhesimit do të vijojnë edhe javët e ardhshme. Ndërkohë Policia Kufitare njofton se do të vijojë me kontrollet e rrepta në pikat e kalimit kufitar, në drejtim të verifikimit të dokumentacionit dhe plotësimit të kushteve për të udhëtuar në vendet e BE-së, si dhe me patrulla të shtuara në kufirin jeshil për të parandaluar kalimin e paligjshëm të kufirit.
“Policia e Shtetit apelon edhe njëherë për të gjithë shtetasit shqiptarë që udhëtojnë për në vendet e BE-së, të respektojnë rregullat e lëvizjes në hapësirën Schengen dhe të mos kërkojnë azil, pasi shanset për ta fituar janë zero”, përfundon deklarata e policisë.
/abcnews.al
ent ela11:18 | 09/07/2019
Policia Kufitare e Rinasit ka arrestuar dy turq të cilët do të udhëtonin në Kanada me dokumenta të falsifikuara.
Sipas Policisë vizat e tyre janë dyshuar si të falsifikuara nga kontrollorët e Policisë Kufitare dhe janë kaluar në vijën e dytë për ekzaminim në laborator, ku kanë rezultuar viza false.
Njoftimi i Policisë
Policia Kufitare ka forcuar masat me qëllim parandalimin, evidentimin dhe goditjen e paligjshmërisë, ofrimin e një shërbimi sa më cilësor për qytetarët, si dhe për të parandaluar kalimin e kufirit me qëllim kërkimin e azilit në vendet e BE-së.
Arrestohen në flagrancë për veprat penale “Falsifikim i letërnjoftimeve, i pasaportave ose i vizave”, “Falsifikimi i dokumenteve” dy shtetas turq, S.S. 39 vjeç dhe H.C. 41 vjeç, të cilët do të udhëtonin në Kanada.
Vizat e tyre janë dyshuar si të falsifikuara nga kontrollorët e Policisë Kufitare dhe janë kaluar në vijën e dytë për ekzaminim në laborator, ku kanë rezultuar viza false.
Gjatë 6 mujorit të parë të këtij viti nga Policia Kufitare e Rinasit janë proceduar dhe arrestuar 457 shtetas shtetas shqiptarë dhe të huaj për vepra të ndyshme penale, konkretisht: “Falsifikimi i dokumenteve”, “Kontrabanda” dhe “Mosdeklarimi në kufi i të hollave e sendeve me vlerë”, “Kalimi i paligjshëm i kufirit”.
Gjithashtu po në vijim të masave për të parandaluar kalimin e kufirit me qëllim azil kërkimin nga Policia Kufitare e Rinasit janë refuzuar në dalje 1.157 shtetas, të cilët nuk plotësonin kushtet për të lëvizur në hapësirën Schengen.
Nuk është lejuar hyrja në territorin e R.SH për 60 shtetas me shtetesi të ndryshme.
Janë kapur nga Policia Kufitare në Rinas në tentativë për të dalë jashtë vendit apo për të hyrë në shqipëri me dokumente të falsifikuara 73 persona në kërkim.
Gjatë 6 mujorit të parë të këtij viti, nëpërmjet Aeroportit Ndërkombëtar “Nënë Tereza”, ka pasur një fluks pasagjerësh prej 1.510.646 udhëtarësh dhe krahasuar me të njëtjen periudhë të vitit 2018, ku ka një rritje të numrit të pasagjereve me 141.559 pasagjerë më shumë.
Janë sekuestruar vlera monetare të padeklaruara, në total 276.200 valutë në Dollarë, Euro etj.
Gjithashtu po gjatë kësaj periudhe janë evidentuar 4 raste të viktimave të mundshme të trafikimit për qëllime të shfrytëzimit të prostitucionit, të cilat i janë kaluar menjëherë për ndjekje Seksionit të Trafiqeve të Paligjshme në DVP Tiranë.
Policia Kufitare e Rinasit është e angazhuar maksimalisht për të rritur cilësinë e shërbimit për qytetarët si dhe për të parandaluar dhe goditur paligjshmërinë. /abcnews.al
ad min15:24 | 03/07/2019
Policia e Shtetit ka vënë në dispozicion një shpërblim prej 10 mijë eurosh për tre persona të shpallur në kërkim për grabitjen e Rinasit. Klement Çalaja, Eldi Çala, Talo Çela, janë shpallur në kërkim nga Policia dhe vijon puna për identifikimin e vendndodhjes dhe kapjen e tyre, teksa informatorëve do t’ju ruhet anonimati.
Afërsisht 3 muaj nga grabitja spektakolare e 9 Prillit të ndodhur brenda pistës së aeroportit të Rinasit, Policia e Shtetit kërkon ndihmën e qytetarëve për të prangosur tre organizatorët e dyshuar të ngjarjes së rëndë.
Për arritur në gjurmët e dy vëllezërve Klement Dhe Eldi Çala e po kështu të Talo Çelës, policia ka vënë një shpërblim prej 10 mijë erurosh, duke ruajtura anonimatin. Sipas grupit hetimor, Klement Çala dhe Admir Murataj ishin autorët që hartuar dhe më pas zbatuan planin e grabitjes së rreth 5 mil eurove në momentin që po ngarkoheshin në barkun e avionit të linjës, Tiranë-Vjenë.
46-vjeçari Murataj humbi jetën gjatë shkëmbimit të zjarrit me policinë një kilometër larg Rinasit, ndërsa 20 thasët e grabitura me para nuk janë gjetur ende nga uniformat blu. Ndërkohë, rezultoi se Klement Çala ka siguruar nga Kosova automjetet e përdorur në grabitje, ndërsa vëllai i tij Eldi Çala ka bërë modifikimin e tyre në një ofiçinë në qytetin e Elbasanit. Me urdhër të prokurorisë së krimeve të rënda, gjykata kë lënë në burg 7 të persona të tjerë të cilët akuzohen gjithashtu si të përfshirë në grabitjen e 9 prillit në Rinas dhe krijim të grupit të strukturuar kriminal.
Pas hekurave janë Ragip Hajdini, Elton Pikli, Alkond Bengasi, Renaldo Sulaj, Oltjan Veseli Saimir Çela dhe Hasan Kanaçi. Organi i akuzë ka nisur edhe hetimin pasuror ndaj të arrestuarve dhe familjarëve të tyre në bazë të ligjit anti-mafia. Ata posedojnë një sërë automjetesh luksoze, llogari bankare dhe prona te paluajtshme të cilat dyshohet se janë krijuar nga të ardhura të jashtëligjshme.
Për këtë arsye, Prokuroria e Krimeve të Rënda u ka drejtuar një kërkesë Bankave, Hipotekës dhe drejtorisë së Transportit Rrugor për origjinën e këtyre pasurive./ABC News Albania 24/7
nev ila19:30 | 25/06/2019
Në zbatim të detyrave të përcaktuara në planin e masave për forcimin e kontrollit me qëllim parandalimin, evidentimin dhe goditjen e paligjshmërisë, rreth orës 16:00 është evidentuar dhe goditur një tjetër rast i transfertave të parave në mënyrë të paligjshme jashtë vendit.
Gjatë kontrollit në vijën e dytë të shtetasit H.LL, 55 vjeç, i cili do të udhëtonte për jashtë vendit, shërbimet e Policisë Kufitare i gjetën këtij shtetasi të fshehura në trup 23.250 euro të padeklaruara në doganën e Rinasit, të cilat u sekuestruan në cilësinë e provës materiale.
Në përfundim të veprimeve, materialet do ti kalojnë për veprime të mëtejshme Prokurorisë për veprën penale “Mosdeklarimi në kufi i të hollave dhe i sendeve me vlerë./abcnews.al
ad min16:45 | 20/06/2019
Hasan Kanaçi i arrestuar së fundmi për grabitjen e 6 milion eurove në Rinas, dyshohet se është personi që ka informuar nga brenda aeroportit, grupin e grabitësve të 9 Prillit. Sipas burimeve nga grupi i hetimit, Kanaçi ka bërë veprime të qëllimshme, që kanë lehtësuar autorët në grabitjen e parave.
Zbardhen detaje tw reja në lidhje me super-garbitjen në Rinas, ku u vodhën 6 milion euro pasditen e 9 Prillit. I arrestuari i 7 për grabitjen Hasan Kanaçi është kapur nga kamerat e sigurisë teksa ishte në pistë pranë avionit Tiranë – Vienë ku do të ngarkoheshin bagazhet e udhëtarëve së bashku më paratë.
Punonjësi i kargos ditën e grabitjes ka ndryshuar radhën e ngarkesave të valixheve. 48 -vjeçari dyshohet se ka qenë, ai që ka informuar grabitësit, për të gjitha veprimet që duhet të kryenin. Sipas procedurës, paratë duhej të futeshin në fund dhe të mbyllej menjëherë dera e avionit.
Nga pamjet e grabitjes së 9 Prillit është parë se në momentin kur futen thasët me para, dera nga krahu tjetër rri e hapur. Referuar rregullave të aeroportit vlerat monetare vendoset në fund, pas sistemimit të bagazheve dhe duhen 1-2 minuta që dera të mbyllet. Por ditën e grabitjes, ka ndodhur e kundërta, pasi pamjet tregojnë se në fillim janë ngarkua disa nga valixhet e udhëtarëve , më pas thasët me para. Në këtë moment dera e barkut të avionit është e hapur dhe nuk mbyllet, pasi pret një tjetër ngarkesë me valixhet e udhëtarëve.
Ky moment u shfrytëzua nga grabitësit, të cilët u futën në pistë me një furgon me mbishkrimin “Hetimi Tatimor” dhe realizuan grabitjen spektakolare. Organi i akuzës ka nisur dhe verifikim pasuror për të Hasan Kanaçin, pasi në ditën e arrestimit atij ju gjetën në banesën e tij mbi 100 mijë euro. Të arrestuar për grabitje e parave janë Renaldo Sula, Sajmir Çela, Alkond Bengasi, Oltion Veseli, Elton Pikli dhe Ragip Hajdini. Ndërsa në kërkim zyrtarisht për grabitjen janë dy vëllezërit Eldi dhe Klement Çala si edhe Talo Çela. Ndërsa Admir Murataj që dyshohet të jetë dhe truri i grabitjes, mbeti i vrarë gjatë shkëmbimit të zjarrit me forcat e policisë./ABC News Albania 24/7
ad min13:42 | 18/06/2019
Gjykata e Krimeve të Rënda cakton masën e sigurisë arrest me burg për Hasan Kanaçin, të arrestuarin e shtatë për grabitjen e bujshme të Rinasit, ku u morën nga një grup i armatosur kriminal rreth 6.5 milionë euro.
Gjatë seancës së sotme, Kanaçi ka qënduar i heshtur para gjykatës, duke mos dhënë asnjë detaj në lidhje me grabitjen e 9 Prillit në Rinas. Ai mësohet të ketë deklaruar në gjykatë se nuk ka asnjë lidhje me grabitjen e bujshme.
Fundjavën e kaluar Hasan Kanaçit iu gjet në shtëpi një shumë prej më shumë se 100 mijë eurosh. 48-vjeçari Hasan Kanaçi, punonjës i aeroportit “ Nënë Tereza” që dyshohet si bashkëpunëtor në vjedhjen e 6 milionë eurove.
Kanaçi merrej me ngarkimin e valixheve në avion dhe dyshohet se ai i ka dhënë informacion bandës së grabitjes. Të përfshirë në supergrabitje dyshohet të jenë edhe persona të tjerë që punonin në aeroport.
Përpos Hasan Kanaçit, të arrestuar janë dhe Renaldo Sula, Sajmir Çela, Alkond Bengasi, Oltion Veseli, Elton Pikli dhe Ragip Hajdini. Ndërsa në kërkim zyrtarisht për grabitjen janë dy vëllezërit Eldi dhe Klement Çala si edhe Talo Çela.
Pas grabitjes në Rinas u vra në shkëmbim zjarri me policinë Admir Murataj, që dyshohet se ka qenë truri i supergrabitjes në aeroport./ABC News Albania 24/7
ent ela11:05 | 15/06/2019
Arrestohet personi i 7 për grabitjen e 6 milion eurove në Aeroportin e Rinasit më 9 Prill 2019. Hasan Kançi, punonjës i Aeroportit “ Nënë Tereza” dyshohet si bashkëpunëtor në grabitje pasi burimet nga organi i akuzës konfirmojnë se 48 – vjeçari merrej me ngarkimin e valixheve në avion dhe dyshohet se ka qenë ai që u ka dhënë informacion bandës së grabitjes.
Prokuroria e Krimeve të Rënda në bashkëpunim me policinë e shtetit kanë vënë në pranga personin e 7 të dyshuar si i përfshirë në super-grabitjen e Aeroportit të Rinasit më 9 prill 2019. Ai është 48-vjeçari Hasan Kançi, punonjës i Aeroportit “ Nënë Tereza” që dyshohet si bashkëpunëtor në vjedhjen e 6 milionë eurove. Burime nga organi i akuzës bënë të ditur se Kançi merrej me ngarkimin e valixheve në avion dhe dyshohet se ka qenë ai që u ka dhënë informacion bandës së grabitjes. Po ashtu i njëjti burim theksoi se të përfshirë në super-grabitje dyshohet tw jenw edhe persona të tjerë që punonin në Aeroport.
Sipas informacionit të policisë janë sekuestruar në cilësinë e provës materiale një sasi e konsiderueshme vlerë monetare në valutë dhe lekë. 48 – vjeçari akuzohet për “Vjedhje me armë kryer nëbashkëpunim” “Grupi i strukturuar kriminal” “Prodhim dhe mbajtje pa leje e armëve të ftohta”, “Mbajtje pa leje e armëve, armëve shpërthyese dhe municioneve luftarake”, “Vrasje e punonjësve të policisë së shtetit”, e kryer në bashkëpunim e mbetur në tentativë. Gjykata për Krime të Rënda ka rrëzuar të premten kërkesën e 5 të arrestuarve më herët për grabitjen e 9 prillit në Rinas për t’u përballur me bashkëpunëtorin e drejtësisë Alkond Bengasi.
Të dyshuarit i kishin kërkuar Gjykatës që të mos merret si provë dëshmia e dhëna nga Bengasi. Deklarimet e Alkon Bengasit organi i akuzës i ka pasur kartën më të fortë për të zbardhur ngjarjen, ku u grabitën 6 milion euro. Ndërkohë vijojnë hetimet për të gjetur paratë e grabitura, pasi deri tani prokuroria nuk ka mundur të bjerë në gjurmët e tyre. Të arrestuar janë Renaldo Sula, Sajmir Çela, Alkond Bengasi, Oltion Veseli, Elton Pikli dhe Ragip Hajdini.
Ndërsa në kërkim zyrtarisht për grabitjen janë dy vëllezërit Eldi dhe Klement Çala si edhe Talo Çela. Pas grabitjes në Rinas u vra ne shkëmbim zjarri me policinë Admir Murataj, që dyshohet se ka qenë truri i super-grabitjes ne Aeroport. Grupi hetimor vazhdon të kërkojë informacion nga autoritetet e Kosovës për një tjetër të dyshuar i cili njihet si “Tani”. Ndërkohë, për 6 të arrestuarit dhe të kërkuarin Klement Çala, organi i akuzës ka nisur dhe hetim pasuror./ABC News Albania 24/7
ad min14:50 | 14/06/2019
Gjykata e Krimeve të Rënda ka rrëzuar kërkesat e 5 të arrestuarve të grabitje së 9 Prillit në Aeroportin e Rinasit për t’u përballur me bashkëpunëtorin e drejtësisë Alkond Bengasi. Të dyshuarit kishin kërkuar që të mos merren si provë dëshmia e dhëna nga Bengasi. Ishin pikërisht deklarimet e Alkon Bengasit ato që dërgoi përpara drejtësisë disa nga personat e përfshirë në grabitjen e 6 milion eurove pasditen e 9 prillit 2019. Të arrestuar janë Renaldo Sula, Sajmir Çela, Alkond Benagsi, Oltion Veseli, Elton Pikli dhe Ragip Hajdini. Ndërsa në kërkim zyrtarisht për grabitjen janë dy vëllezrit Eldi dhe Klement Çala dhe Talo Çela. Ndërkohë vijojn hetimete për të gjetur paratë e grabitura, për të cilat prokuroria nuk ka akoma asnjë provë se ku mund të jenë fshehur. Gjatë grabitjes në Rinas u vra edhe Admir Murataj që dyshohet se ka qenë truri i supergrabitjes ku dështoi edhe siguria e Aeroportit. Grupi hetimore vazhdon që të kërkojë informacion nga autoritetet e Kosovës për një tjetër të dyshuar i cili njihet si “Tani”. Ndërkohë, për 6 të arrestuarit dhe të kërkuarin Klement Çala, organi i akuzës ka nisur dhe hetim pasuror./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
23:55 | 23/01/2020
23:46 | 23/01/2020
23:37 | 23/01/2020
