rinas

KOMPANIA-E-SIGURISE-RINAS_ABC-M2-T1.mpg_snapshot_00.27-1280x720.jpg
Autor E14:01 | 04/12/2019

Teksa rritja e të huajve që vizitojnë Shqipërinë ka ruajtur një trend rritës gjatë 10 muajve të këtij viti si efekt i turizmit, ajo që bie në sy është tendenca e shqiptarëve për të lënë vendin. Rritja e daljeve të këtyre të fundit jashtë territorit është më e lartë sesa rritja e të huajve që kanë hyrë në Shqipëri.

Shifrat e fundit mbi lëvizjen e shtetasve të publikuara nga Instituti i Statistikave tregojnë se daljet e shtetasve shqiptarë dhe të huaj nga vendi, gjatë muajit Tetor 2019, janë 888.218 duke shënuar një rritje me 12,3 %, krahasuar me të njëjtën periudhë të një viti më parë.

“Daljet e shtetasve shqiptarë nga territori i Shqipërisë, gjatë muajit Tetor 2019, janë 495.089. Krahasuar me Tetor 2018, ky numër është rritur 5,0 %. Daljet e shtetasve të huaj nga territori i Shqipërisë gjatë muajit Tetor 2019, janë 393.129. Krahasuar me Tetor 2018, ky numër është rritur 23,1 %. Numri i shtetasve shqiptarë të dalë nga territori i vendit tonë përgjatë dhjetë muajve të 2019, është 4.956.344 duke u rritur 9,2 %, krahasuar me të njëjtën periudhë të një viti më pare” thuhet në publikimin e INSTAT.

Lidhur me hyrjet shifrat tregojnë se në muajin tetor 2019 në territorin shqiptar hynë 866.121 shqiptarë dhe të huaj.

“Krahasuar me Tetor 2018, ky tregues rezulton me rritje 10,2 %. Në Tetor 2019, hyrjet e shtetasve të huaj në vend janë 387.152. Krahasuar me Tetor 2018, ky numër është rritur me 14,7 %.

Numri i shtetasve të huaj të hyrë në vendin tonë përgjatë dhjetë muajve të 2019 është 5.849.154, duke u rritur me 8,3 %, në krahasim me të njëjtën periudhë të vitit 2018. Në Tetor 2019, ndër vendet që kanë hyrjet më të larta të shtetasve në Shqipëri, Spanja ka pasur rritjen më të madhe me 62,4 %, ndërsa uljen më të ndjeshme e ka pasur Polonia me 4,5 %.

Përgjatë dhjetë muajve të 2019, ndër vendet që kanë hyrjet më të larta të shtetasve në Shqipëri, Zvicra ka pasur rritjen më të madhe me 19,9 % ndërsa uljen më të ndjeshme e ka pasur Polonia me 14,2 %” vlerëson INSTAT. /monitor/

ekstradimi-rinas.jpg
nev ila08:56 | 20/11/2019

Ekstradohen në Itali 3 shqiptarë të shpallur në kërkim nga Interpol Roma. 3 personat S. T., alias V. D., 50 vjeç, K. E., alias K. S. , 47 vjeç, R. K., 37 vjeç, janë arrestuar në Shqipëri me kërkesë të shtetit fqinjë.

Policia njofton se të tre personat kanë kryer vepra të rënda penale në Itali duke u shpallur në kërkim atje. Ekstradimi i 3 shqiptarëve në Itali vjen në kuadër të një marrëveshjeje dhe bashkëpunimi që kanë dy vendet mes tyre.

Njoftimi i Policisë:

“Ekstradohen drejt Italisë tre shtetas shqiptar, të kërkuar nga drejtësia italiane, për vepra të rënda penale.

Si rezultat i bashkëpunimit të Interpol Tirana me Interpol Roma, u bë ekstradimi drejt Italisë i shtetasve:

S. T., alias V. D., 50 vjeç, lindur në Elbasan, i shpallur në kërkim ndërkombëtar nga Interpol Roma, Itali, pasi autoritetet gjyqësore italiane, më datë 09.03.2017, kanë lëshuar ndaj këtij shtetasi urdhër-arrest për kryerjen e veprës penale “Vrasja me paramendim”, parashikuar nga Kodi Penal italian.

K. E., alias K. S. , 47 vjeç, lindur në Krujë, i shpallur në kërkim ndërkombëtar nga Interpol Roma, Itali, pasi Gjykata e Milanos, Itali e ka dënuar këtë shtetas me 6 vite burg, për veprën penale “Vjedhja me armë”, parashikuar nga Kodi Penal italian.

R. K., 37 vjeç, lindur në Fier, i shpallur në kërkim ndërkombëtar nga Interpol Roma, Itali, pasi Gjykata e Brescias në Itali, më datë 19.01.2018, ka lëshuar ndaj këtij shtetasi urdhër-arrest për veprën penale “Pjesëmarrja në organizatë kriminale me qëllim trafikimin e lëndëve narkotike ”, parashikuar nga Kodi Penal italian.

Si rezultat i bashkëpunimit të Interpol Tirana me Interpol Roma, Itali, u bë i mundur arrestimi i tyre në Shqipëri duke u finalizuar më pas me ekstradimin e tyre drejt Italisë.“/abcnews.al

rinas-1-1280x767.jpg
in a19:21 | 19/11/2019

Policia e Tiranës zbuloi dy shuma të tjera parash të cilat dyshohet se u grabitën në prill të këtij viti në Rinas dhe i përkasin një banke të nivelit të dytë. Shuma prej 5 mijë euro i është gjetur Elton Piklit, i cili është një prej të arrestuarve si autor i dyshuar i grabitjes. Ndërkohë, një shumë tjetër i është gjetur babait të Renaldo Sulës, edhe ky i arrestuar për grabitjen. Paratë e gjetura kanë rezultuar se i përkasin një prej bankave të nivelit të dytë. Gjykata ka pranuar kërkesën e Prokurorisë për marrjen e kampionit për të bërë analizën e ADN-së për Elton Piklin dhe Oltion Veselin. Prokuroria për Krime të Rënda ka kërkuar zgjatjen e afateve hetimore edhe me 3 muaj, kërkesë kjo që është kundërshtuar nga dy prej të arrestuarve Oltion Veseli dhe Elton Pikli. Gjykata e Krimeve të Rënda e ka shtyrë seancën për një datë tjetër, për shkak të mungesës së Avokatit të Piklit.

Me 9 prill 2019 ne Aeroportin e Rinasit u grabitën rreth 6 milion euro të cilat do të transportoheshin jashtë vendit. Grabitësit arritën të çanin perimetrin e jashtëm të sigurisë në aeroport dhe morën paratë në pistën e uljes së avionëve me një fugon. Pas grabitjes, gjatë shkëmbimit të zjarrit me policinë mbeti i vrarë Admir Murataj, i cili pretendohej se ishte edhe koka e bandës. Ndërkohë të arrestuar janë gjashtë persona të dyshuar: Oltion Veseli, Alkond Bengasi, Renaldo Sula, Elton Pikli, Saimir Cela dhe shtetasi nga Kosova, Ragip Hajdini. Alkond Bengasi është bërë dëshmitar i drejtësisë dhe ka dhënë dëshmi që i shërbejnë zbardhjes së supergrabitjes. Në kërkim për grabitjen e rreth 6 milion eurove në Rinas janë vëllezërit Eldi dhe Klement Çala dhe Talo Çela./abcnews.al

grabitja.jpg
in a10:03 | 19/11/2019

Two other amounts of money stolen on April 9 in Rinas were found.

Journalist Glidona Daci reports for  Abcnews.al that € 5,000 was recovered from Elton Pikli, one of the arrested, as a suspected author. Meanwhile another amount has been found of Renaldo Sula’s father,also arrested for robbery . The money that were found belong to one of the commercial banks. Meanwhile, the court has accepted the prosecution’s request to take the sample the DNA analysis on Elton Piklin and Oltian Veseli. While Veseli has refused to give DNA samples. We remember that the robbery in Rinas occurred on April 9 this year inside the airport, where the money was being loaded onto the plane. The authors took the sack for 6 million euros, while they were leaving they clashed with the police. Admir Murataj, who was  the head of the band, was killed during the shootout with police.

Arrested people for this robbery are: Oltion Veseli, Alkond Bengasi, Renaldo Sula, Elton Pikli, Saimir Cela and Kosovo citizen Ragip Hajdini.

On the other hand, Alkond Benghasi has admitted to cooperate with justice and has given an evidence that served for disclosure the circumstances ./abcnews.al

WhatsApp-Image-2019-11-11-at-3.07.43-PM-768x1024.jpeg
Autor E13:39 | 12/11/2019

Bagazhet e pasagjerëve në fluturimin e së hënës në mesditë të Austrian Airlines janë shoqëruar nga thasët me valutë të huaj të bankave shqiptare, që transportohen drejt Vjenës në “normalitetin e ri” të krijuar nga forcat e shtuara policore në ambientet e aeroportit.

Pas vjedhjes spektakolare të më shumë se 10 milionë euro, nga 4 banka tregtare brenda Aeroportit të Rinasit, Policia e Shtetit filloi shoqërimin e blindave me valutë, ndërkohë që aeroporti patrullohet edhe nga forcat e ushtrisë. Fotot e siguruara nga “Monitor” të hënën e datës 11 nëntor, tregojnë se në avionin e “Austrian” janë ngarkuar thasët me para të disa bankave të shoqëruara nga forcat e sigurisë fizike të kompanive të ndryshme.

Duhet të jenë disa banka që kanë kryer këtë javë transferimin e parave jashtë vendit, si një procedurë normale, ndërkohë që për vjedhjen e muajit prill, disa banka janë dëmshpërblyer nga siguruesit dhe risiguruesit dhe banka të tjera vazhdojnë procedurat në gjykatë mes kompanive të sigurimit dhe bankave të siguruara.

Bankat transportojnë jashtë Shqipërisë një pjesë të parave të lira nga depozituesit (euro, dollarë, paund etj.), të cilat i vendosin në institucionet financiare jashtë vendit, si formë alternative e investimit dhe për këmbime cash valutore. Ky transferim kryhet fizikisht dhe kjo është një marrëdhënie që bankat e zgjidhin me shoqëritë private të sigurisë fizike.

Ngjarja e ndodhur në Rinas, e dyta kur grabiten paratë brenda në aeroport, ka rritur ndjeshëm primet e sigurimit të bankave të nivelit të dytë, ndërkohë edhe kompanitë e risigurimit që veprojnë në Londër, Hanovër, Gjenevë etj., kanë rritur kostot për kompanitë shqiptare të sigurimit të transportit të parave në udhëtim./monitor

ok-arrestimi.mp4_snapshot_00.17-1280x720.jpg
ent ela21:54 | 06/11/2019

Arrestohet në Rinas 30-vjeçari Beqo Brahimi, i shumëkërkuar për trafik narkotikësh. Sipas Policisë, arrestimi është bërë pasi autoritetet belge kishin njoftuar Interpol Tiranën, se një i kërkuar për veprimtari kriminale në fushën e narkotikëve po vinte me avion nga Belgjika për në Rinas dhe aty mund të prezantohej me dokumenta të falsifikuara. Menjëherë pas zbritjes nga avioni, Brahimi është vënë në pranga.

Policia sqaron se Brahimi, ishte shpallur në kërkim pasi Gjykata e Krimeve të Rënda vendosi për të masën “Arrest në Burg” më 5 qershor 2015 nën akuzën “Prodhim dhe shitje narkotikësh” kryer  në  bashkëpunim.

Edhe Gjykata e Shkallës së Parë Lushnje, ka caktuar masën e sigurisë “Arrest me burg”, për të njëjtën akuzë. Një vit më parë, Beqo Brahimi është dënuar me 8 vjet burg, si pjesë e grupit kriminal që mori pjesë në vrasjen e ish-efektivit të RENEA-s Ibrahim Basha në vitin 2015. Ngjarja ndodhi mëngjesin e 25 qershorit të vitit 2015 gjatë aksionit për të kapur grupin kriminal që kishte nisur të shtënat ndaj policisë lokale në Lazarat. Gjatë këtij aksioni u plagosën edhe dy kolegë të efektivit te RENEA-s, Jetmir Isaj dhe Perlat Hamitaj. /abcnews.al

 

 

/abcnews.al

rinas-933x445.jpg
ad min10:59 | 06/10/2019

Finalizohet një tjetër operacion për parandalimin dhe goditjen e tentativës për trafikim të femrave me qëllim shfrytëzimin për prostitucion.

Seksioni për Hetimin e Trafiqeve të Paligjshme në Drejtorinë Vendore të Policisë Tiranë në bashkëpunim me  Policinë Kufitare të Rinasit finalizoi me suksese operacionin policor të koduar  “RETURN”.

Vihet në pranga një shtetas, si dhe shpallen në kërkim tre të tjerë.

Në vijim të operacioneve të njëpasnjëshme të zhvilluara nga Policia Kufitare e Rinasit në bashkëpunim me Seksionin për Hetimin e Trafiqeve të Paligjshme në Drejtorinë Vendore të Policisë Tiranë, për parandalimin dhe goditjen e  veprimtarisë kriminale në fushën e trafikimit të femrave nëpërmjet aeroportit të Rinasit me qëllim shfrytëzimin për prostitucion në vendet e BE-së, është zhvilluar dhe finalizuar një tjetër operacion i koduar   “Return”, si rezultat i të cilit u arrestua në flagrancë shtetasi:

– E. Ç.,  40 vjeç, banues në Tiranë.

Shërbimet e Policisë Kufitare Rinas gjatë intervistimit të një 30-vjeçareje nga Fieri kanë dyshuar në thëniet e saj për qëllimin e lëvizjes drejt Italisë dhe menjëherë kanë bërë bllokimin e saj duke njoftuar Seksionin për Hetimin e Trafiqeve të Paligjshme në DVP Tiranë.

Si rezultat i hetimeve të shpejta dhe profesionale të kryera nga Specialistët e Seksionit për Hetimin e Trafiqeve të Paligjshme në DVP Tiranë u bë e mundur zbardhja dhe dokumentimi i këtij rasti kriminal, si dhe kapja e  arrestimi në flagrancë i shtetasit E. Ç., i cili do shoqëronte 30-vjeçaren drejt Italisë. Shtetasi E. Ç., në momentin që ka parë bllokimin e 30-vjeçares ka tentuar të largohet nga aeroporti, por është kapur nga shërbimet e Policisë.

Po në vijim të veprimeve të para hetimore është bërë shpallja në kërkim e tre shtetasve A. Ç., R. Xh., dhe K. Q., dhe vijon puna për kapjen e tyre.

Nga hetimet rezultoi se shtetasi i arrestuar  në bashkëpunim me shtetasit A. Ç., R. Xh., dhe K. Q., nëpërmjet përdorimit të dhunës kishin detyruar 30-vjeçaren që ajo të pranonte të shfrytëzohej për prostitucion në Itali dhe këta shtetas mbrëmjen e djeshme kishin organizuar trafikimin e saj nëpërmjet aeroportit të Rinasit.

Materialet i kaluan Prokurorisë pranë Gjykatës së Shkallës së Parë për Krimet e Rënda Tiranë, për veprime të mëtejshme hetimore për veprat penale të “Trafikim i personave të rritur” dhe “Shfrytëzimi i prostitucionit kryer në bashkëpunim”./abcnews.al

riatdhesimi.jpg
ad min14:04 | 27/09/2019

34 shtetas shqiptarë janë riatdhesuar nga Lille e Francës për në Shqipëri. Në një deklaratë për mediat, uniformat blu shprehen se këta persona shkelën rregullat e qëndrimit në hapësirën Shengen, kërkuan azil dhe tentuan të kalojnë në Mbretërinë e Bashkuar nëpërmjet Francës.

Sipas uniformave blu, operacionet e riatdhesimit do të vijojnë edhe javët e ardhshme. Ndërkohë Policia Kufitare njofton se do të vijojë me kontrollet e rrepta në pikat e kalimit kufitar, në drejtim të verifikimit të dokumentacionit dhe plotësimit të kushteve për të udhëtuar në vendet e BE-së, si dhe me patrulla të shtuara në kufirin jeshil për të parandaluar kalimin e paligjshëm të kufirit.

“Policia e Shtetit apelon edhe njëherë për të gjithë shtetasit shqiptarë që udhëtojnë për në vendet e BE-së, të respektojnë rregullat e lëvizjes në hapësirën Schengen dhe të mos kërkojnë azil, pasi shanset për ta fituar janë zero”, përfundon deklarata e policisë.

/abcnews.al

rinas-3-1280x709.jpg
ent ela11:18 | 09/07/2019

Policia Kufitare e Rinasit ka arrestuar dy turq të cilët do të udhëtonin në Kanada me dokumenta të falsifikuara.

Sipas Policisë vizat e tyre janë dyshuar si të falsifikuara nga kontrollorët e Policisë Kufitare dhe janë kaluar në vijën e dytë për ekzaminim në laborator, ku kanë rezultuar viza false.

Njoftimi i Policisë

Policia Kufitare ka forcuar masat me qëllim parandalimin, evidentimin dhe goditjen e paligjshmërisë, ofrimin e një shërbimi sa më cilësor për qytetarët, si dhe për të parandaluar kalimin e kufirit me qëllim kërkimin e azilit në vendet e BE-së.

Arrestohen në flagrancë për veprat penale “Falsifikim i letërnjoftimeve, i pasaportave ose i vizave”, “Falsifikimi i dokumenteve” dy shtetas turq, S.S. 39 vjeç dhe H.C. 41 vjeç, të cilët do të udhëtonin në Kanada.

Vizat e tyre janë dyshuar si të falsifikuara nga kontrollorët e Policisë Kufitare dhe janë kaluar në vijën e dytë për ekzaminim në laborator, ku kanë rezultuar viza false.

Gjatë 6 mujorit të parë të këtij viti nga Policia Kufitare e Rinasit janë proceduar dhe arrestuar 457 shtetas shtetas shqiptarë dhe të huaj për vepra të ndyshme penale, konkretisht: “Falsifikimi i dokumenteve”, “Kontrabanda” dhe “Mosdeklarimi në kufi i të hollave e sendeve me vlerë”, “Kalimi i paligjshëm i kufirit”.

Gjithashtu po në vijim të masave për të parandaluar kalimin e kufirit me qëllim azil kërkimin nga Policia Kufitare e Rinasit janë refuzuar në dalje 1.157 shtetas, të cilët nuk plotësonin kushtet për të lëvizur në hapësirën Schengen.

Nuk është lejuar hyrja në territorin e R.SH për 60 shtetas me shtetesi të ndryshme.

Janë kapur nga Policia Kufitare në Rinas në tentativë për të dalë jashtë vendit apo për të hyrë në shqipëri me dokumente të falsifikuara 73 persona në kërkim.

Gjatë 6 mujorit të parë të këtij viti, nëpërmjet Aeroportit Ndërkombëtar “Nënë Tereza”, ka pasur një fluks pasagjerësh prej 1.510.646 udhëtarësh dhe krahasuar me të njëtjen periudhë të vitit 2018, ku ka një rritje të numrit të pasagjereve me 141.559 pasagjerë më shumë.

Janë sekuestruar vlera monetare të padeklaruara, në total 276.200 valutë në Dollarë, Euro etj.

Gjithashtu po gjatë kësaj periudhe janë evidentuar 4 raste të viktimave të mundshme të trafikimit për qëllime të shfrytëzimit të prostitucionit, të cilat i janë kaluar menjëherë për ndjekje Seksionit të Trafiqeve të Paligjshme në DVP Tiranë.

Policia Kufitare e Rinasit është e angazhuar maksimalisht për të rritur cilësinë e shërbimit  për qytetarët si dhe për të parandaluar dhe goditur paligjshmërinë. /abcnews.al

furgoni-rinas.jpg
ad min15:24 | 03/07/2019

Policia e Shtetit ka vënë në dispozicion një shpërblim prej 10 mijë eurosh për tre persona të shpallur në kërkim për grabitjen e Rinasit. Klement Çalaja, Eldi Çala, Talo Çela, janë shpallur në kërkim nga Policia dhe vijon puna për identifikimin e vendndodhjes dhe kapjen e tyre, teksa informatorëve do t’ju ruhet anonimati.

Afërsisht 3 muaj nga grabitja spektakolare e 9 Prillit të ndodhur brenda pistës së aeroportit të Rinasit, Policia e Shtetit kërkon ndihmën e qytetarëve për të prangosur tre organizatorët e dyshuar të ngjarjes së rëndë.

Për arritur në gjurmët e dy vëllezërve Klement Dhe Eldi Çala e po kështu të Talo Çelës, policia ka vënë një shpërblim prej 10 mijë erurosh, duke ruajtura anonimatin. Sipas grupit hetimor, Klement Çala dhe Admir Murataj ishin autorët që hartuar dhe më pas zbatuan planin e grabitjes së rreth 5 mil eurove në momentin që po ngarkoheshin në barkun e avionit të linjës, Tiranë-Vjenë.

46-vjeçari Murataj humbi jetën gjatë shkëmbimit të zjarrit me policinë një kilometër larg Rinasit, ndërsa 20 thasët e grabitura me para nuk janë gjetur ende nga uniformat blu. Ndërkohë, rezultoi se Klement Çala ka siguruar nga Kosova automjetet e përdorur në grabitje, ndërsa vëllai i tij Eldi Çala ka bërë modifikimin e tyre në një ofiçinë në qytetin e Elbasanit. Me urdhër të prokurorisë së krimeve të rënda, gjykata kë lënë në burg 7 të persona të tjerë të cilët akuzohen gjithashtu si të përfshirë në grabitjen e 9 prillit në Rinas dhe krijim të grupit të strukturuar kriminal.
Pas hekurave janë Ragip Hajdini, Elton Pikli, Alkond Bengasi, Renaldo Sulaj, Oltjan Veseli Saimir Çela dhe Hasan Kanaçi. Organi i akuzë ka nisur edhe hetimin pasuror ndaj të arrestuarve dhe familjarëve të tyre në bazë të ligjit anti-mafia. Ata  posedojnë një sërë automjetesh luksoze, llogari bankare dhe prona te paluajtshme të cilat dyshohet se janë krijuar nga të ardhura të jashtëligjshme.

Për këtë arsye, Prokuroria e Krimeve të Rënda u ka drejtuar një kërkesë Bankave, Hipotekës dhe drejtorisë së Transportit Rrugor për origjinën e këtyre pasurive./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono