rinas

ekspertiza.jpg
nev ila15:22 | 20/04/2019

Policia e Shtetit kërkon ndihmë  edhe nga homologët e tyre grek për të identifikuar disa nga bashkëpunëtorët e ngushtë të Admir Murtaj në supergrabitjen e fundit të ndodhur në aeroportin e Rinasit. Në shtetin helen u dërguan për ekzaminim prova materiale si doreza, maska, shenja gishtërinj, nga ku pritet të përftohen edhe profilet e ADN-së, me shpresë se mund të zbulohet edhe identiteti i tyre.

Përveç policisë së Kosovës, Policia e Shtetit ka kërkuar edhe ndihmën e homologëve të saj grek, për identifikimin e grabitësve së 9 prillit në Rinas.

Disa nga provat materiale të gjetura në fugonin me mbishkrimin “Hetimi Tatimor” që  nuk u arrit të digjej nga grabitësit, si gjurmë gishtash, fije floku, maskë por edhe disa doreza, u dërguan për ekzaminim në laboratorin e Policisë Shkencore të Athinës.

E njëjta procedurë, por në mënyrë të përshpejtuar, u krye edhe për identifikimin e Admir Murataj, i cili mbeti i vrarë gjatë përplasjes me armë me uniformat blu në fshatin Tapizë.

Ishin autoritete greke që konfirmuan fillimisht nëpërmjet profilit të ADN-së, se trupi i pajetë i përkiste pikërisht 46-vjeçarit Murataj. Ky i fundit ishte një emër i njohur për autoritet helene.

Por Admir Murataj dyshohet se ka pasur si bashkëpunëtor edhe disa nga miqtë e tij të ngushtë me të cilët u arratis nga burgu i Trikallas të Greqisë, në vitin 2013.

Një ndër ta është edhe Klement Çala. 31-vjeçari u dënua nga Gjykata e Krimeve të Rënda me 25 vite burg.  Çala akuzohet për dy grabitje të autoblindave me para, të ndodhura në aksin, Qafe Kashar-Rinas, në vitet 2015-2017.

Për të vërtetur nëse Çala dhe disa nga miqtë e tjerë te ngushtë të Admir Murataj, kanë qenë të përfshirë në supergrabitjen e fundit të Rinasit, organi i akuzës është në pritje nga autoritet greke, të përgjigjeve për profilet e tyre ADN-së.

Më herët policia ka kërkuar bashkëpunim edhe nga autoritet kosovare. Dyshohet se, dy furgonët e djegur, një në Bathore e tjetri në fshatin Dritas, të kenë ardhur nga Kosova. Të dy mjeteve iu ishte fshirë numri i shasisë, për të bërë të vështirë identifikimin e tyre.

Ndërkohë burime nga grupi hetimor konfirmojnë se mjetet e përdorura në grabitjen e 9 prillit, nuk janë denoncuar të humbura në polici nga pronarët e tyre./abcnews.al

Klement-Çala-1280x720.jpg
Sej rie15:52 | 19/04/2019

Bashkëpunëtorët e ngushtë të Admir Muratajt në grabitjet e mëparshme në Shqipëri dhe Greqi, janë ndër personat më të dyshuar si autorë të grabitjes së 9 Prillit në Rinas. Grupi hetimor ka në fokus disa prej këtyre personave që janë të shpallur në kërkim.

Ngushtohet rrethi i personave të cilët dyshohet se mund të kenë ndihmuar Admir Muratajn për të kryer supergrabitjen në Rinas, më 9 Prillit. Burime nga grupi hetimor theksojnë se të dyshuar kryesorë janë miq apo bashkëpunëtorë të Admir Muratajt në grabitjet e mëparshme në Shqipëri apo Greqi si dhe gjatë qëndrimit në burg në shtetin fqinj.
Një ndër ta, sipas burimeve nga hetimi, është Klement Çala. 31vjeçari me origjinë nga Elbasani, vijon të jetë në kërkim jo vetëm në Shqipëri por edhe në Greqi.
Sipas hetimeve te deritanishme, te dokumentuara ne dosjet e policisë greke, Çala së bashku me Muratajn akuzohen për grabitjen e 1 milionë eurove në bankën e Larisës në Greqi, pasi u arratisën nga burgu i Trikallas në vitin 2013.
Sipas hetimeve të Prokurorisë së Krimeve të Rënda ne Shqipëri, të njëjtën aktivitet Klement Çala dhe Admir Murataj, dyshohet se kanë kryer edhe në vendin tonë gjatë viteve 2014-2017.
Të dy akuzohen si personat që kryen grabitjen e autoblindave me para’ në Qaf-Kashar, teksa lëviznin drejt Rinasit. Hetimet e deri tanishme theksoj se Çala ka qenë miku i ngushtë i të ndjerit Admir Murtajt, i cili u qëllua për vdekje nga policia mesditën e 9 Prillit pas grabitjes së disa miliona eurove brenda aeroportit të Rinasit.
Gjithashtu policia e shtetit ka dyshime dhe po heton për një ish-komando të ushtrisë, i cili mund të ketë marrë pjesë ne grabitjen e fundit ne Rinas.
Kontrollet e uniformave blu vijojnë në fshatrat, Tapizë, Nikël, Dritas, Fushë-Krujë, ku dyshohet se kanë lëvizur grabitësit.
Grabitja e 9 Prillit në aeroportin e Rinasi ishte çështje diskutimi në takimin e thirrur të premten nga ministri i Brendshëm Sandër Lleshaj me drejtorin e përgjithshëm të policisë Ardi Veliu dhe drejtuesit e policive të Tiranës dhe Durrësit.
Lleshaj u ka kërkuar vartësve të tij zbardhjen sa me parë të rrethanave dhe autorëve të grabitjes si edhe të ngjarjeve të tjera kriminale, ende pa autorë./abcnews.al

Berisha-2-1280x716.jpg
Sej rie22:58 | 18/04/2019

Ish-Kryeministri Sali Berisha në studion e emisionit “Mbrëmje Ide” ka paralajmëruar se në Elbasan ose aty afër do të gjenden paratë e grabitura në aeroportin e Rinasit më 9 Prill. Sipas tij aty do të gjendjet një shumë fare e vogël parash. Më tej ai ka deklasuar se Admir Murataj është vrarë nga banda që po vidhte për shtetin.

“Unë dëgjova vëllanë e këtij që e vrau banda, se e ka vrarë policia. Por atë e ka vrarë banda. Admir Murataj  nuk ka asnjë plumb, asnjë gërvishtje. Policia nuk ka qëlluar dot sepse nuk ka pasur fare fushëpamje. Makina e tyre nuk është fare e qëlluar. Atë e vrau banda sepse banda nuk po i marrte parë për Admir Murataj dhe atë banda e kishte marrë si bedel. Banda po i merrte paratë për shtetin, për shefat e vet dhe jo për Admir Muratajn. Kur ndodhi vjedhja herën e parë paratë u gjetën në frigorifer dhe në tenxhere me presion. Tani do të gjenden në lavatriçe. Do të shikojmë se brenda dy tre ditëve në Elbasan ose aty afër do të gjendet lavatriçja plot me euro, të tjerat do gjendet në vorbën e fasuleve. Nuk do gjendet më shumë se 100 euro se të tjerat u dhimbsen. Po si ka mundësi që nuk po lëshojnë urdhër arresti?”, tha Berisha./abcnews.al

beridhsa-1280x716.jpg
Sej rie22:36 | 18/04/2019

Për grabitjen e ndodhur në aeroportin e Rinasit, ish-Kryeministri Sali Berisha shprehet se duhet të arrestohen Sandrës Lleshit, Belinda Ballukut dhe Ëngjëll Agaçit. Këto deklarata Berisha i bëri në studion e emisionit “Mbrëmje Ide”.

Berisha: Pse nuk ndodhën këto vjedhje më përpara?

Milori: Kontrata me koncensionarin që shteti shqiptar ka qenë me shpatulla pas murit?

Berisha: Në 2004 është kontrata nuk është e imja. Por nuk ka ndodhur kurrë dhe nuk guxonte njeri, sepse shteti nuk vishte ndërsa këtu është shteti që po vjedh. Këtu është shteti që po vjedh në pistën e avionit. Nuk mund të vjedhë kush në pistën e avionit kurrë përveçse shteti.

Milori: Ata ishin 5 njerëz me maska dhe njëri prej tyre është vrarë? I kam lexuar edhe në faqen tuaj njoftimet që jepni në lidhje me vrasjen e tij, por kjo është çështje tjetër. Po si i ka vjedhur shteti? Janë 5 njerëz që policia i ka shpallur në kërkim. Informacioni i policisë është se dy nga tre automjetet e vjedhura kanë hyrë nga Kosova.

Berisha: Tani do të dalë se i treti na ka hyrë nga Maqedonia. Prit kur ta dëgjoni. Ndodhi vjedhja e parë dhe për hir të së vërtetës Prokuroria lëshoi 5-6 urdhra arresti. Por tani njeriu që duhet të arrestohet është Sandër Lleshi, ish-kryetar i bordit. Njeriu tjetër që duhet arrestuar është Belinda Balluku. Njeriu tjetër që duhet të arrestohet është Engjëll Agaçi. Njeriu tjetër që duhet të arrestohet është drejtori i Aviacionit Civil.

Milori: Pse duhet të arrestohen?

Berisha: Ndodhi vjedhja e parë nuk do huhej të ndodhte kurrë por ja ndodhi. Po shteti çfarë bëri? Shteri dhe enti ndërkombëtar i aviacionit përcaktoi 40 kërkesa për t’u plotësuar.

Milori: Por nuk lejonte koncensionari?

Berisha: Forcë në botë që më ndal mua të siguroj qytetarët e mi nuk ka. Një gjë tha me të drejtë kinezi. Në çdo metër katrorë është territor shqiptar dhe për çështje sigurie, nuk ia beson njeriu. Por çfarë kujton ti se kompanive private do u besojmë jetën e miliona njerëzve që lëvizin në Rinas?/abcnews.al

lleshaj-5.jpg
G. P.10:39 | 18/04/2019

Në seancën plenare të kësaj të enjteje deputetët e opozitës kanë kërkuar interpelancë urgjente me ministrin e Brendshëm, Sandër Lleshaj në lidhje me grabitjen në Rinas. Gjatë fjalës së tij në foltoren e Kuvendit, Lleshaj tha se nuk kemi të bëjmë me cënim të sigurisë kombëtare.

Sipas tij, kjo ngjarje është një seri dështimesh e disa hallkash që janë përgjegjëse për sigurinë e aeroportit.

“Ngjarja është e rëndësishme sepse është e përsëritur dhe ngarkon me përgjegjësi shumëkënd. Kjo ngjarje ka marrë vëmendjen e duhur të Policisë së Shtetit, pavarësisht ngarkesave të shumta paralele që ka Policia e Shtetit për të menaxhuar situata të ndërlikuara që rrallë herë e kanë përqendruar fokusin e saj. Ka pasur një gatishmëri të madhe për të prodhuar skenarë apokaliptikë të ndërtuar me argumentit çfarë do kishte ndodhur.

Rëndësia e madhe e çdo diskutimi duhet të fokusohet në kuptimin e mirë ngjarjesh që është një episod e një serie ngjarjesh për të parandaluar në të ardhmen, për të nxjerrë përgjegjësitë personale dhe institucionale. Nuk është shkatërrim i sigurisë kombëtare të Shqipërisë. Siguria kombëtare e Shqipërisë nuk mund të cënohet nga 5 vetë”, tha ai.

Lleshaj tha se duhet përmendur fakti që siguria e aeroportit është transferuar në duar private. Gjithashtu Lleshaj theksoi se policia është njoftuar nga palë të treta, ndërsa operatori i sigurisë që funksion brenda aeroportit “Nënë Tereza” ka njoftuar me 5 minuta vonesë dhe nuk ka hapur portën për policinë.

“Është dëshmi e një seri dështimesh e disa hallkave që janë përgjegjësie për sigurinë e aeroporti. Përgjegjësia e sigurisë së aeroportit i është transferuar një operatori privat. Askush nuk e ka atakuar faktin bazë që çështja e rëndësishme e sigurisë së aeroportit të është transferuar në duar private.

Policia kishte marrë në rrugë të treta njoftimin për ngjarjen dhe cënimin e sigurisë. Në rrugë zyrtare salla ka njoftuar Komisariatin e Rinasit 6 minuta e 30 sekonda më vonë. Në të njëjtën kohë, TIA ka njoftuar Aviacionin Civil 30  minuta pasi ka ndodhur ngjarja. Kontraktori privat i sigurisë së aeroportit nuk ka lejuar FNSH të hyjë në aeroport për arsye se porta përkatëse nuk është hapur”, tha Lleshaj./abcnews.al

kuvendi-1280x702.jpg
nev ila10:19 | 18/04/2019

Seanca plenare e kuvendit ka nisur diskutimet e rendit të ditës, këtë mëngjes rreth orës 10:00.

Mësohet se kuvendi në rend të ditës, ka thirrur në interpelancë urgjente, Ministrin e Brendshëm Sandër Lleshaj, e cila është kërkuar nga një grup deputetësh të opozitës së re.

Mësohet se Ministri Lleshaj, është thirrur në interpelancë për grabitjen e ndodhur në Rinas./abcnews.al

tia.jpg
G. P.15:49 | 17/04/2019

Dy zyrtarë të Aeroportit të Tiranës kanë deklaruar para grupit hetimor për grabitjen në Rinas se kanë zbatuar rregullat e sigurisë. Por grabitësit, sipas tyre, kanë përdorur dyert që janë në dispozicion të zjarrfikësve, të cilat nuk janë të fortifikuara.

Zyrtarë të sigurisë së aeroportit të Rinasit, të marrë në pyetje pas grabitjes së parave në 9 Prill, u kanë sqaruar hetuesve se kanë zbatuar rregullat e sigurisë dhe se grabitësit përdorën ato që quhen “crash doors”.

Sipas deklarimeve të këtyre zyrtarëve, këto dyer, të cilat u përdorën edhe nga grabitësit për të hyrë në aeroport, nuk janë të fortifikuara, pasi në raste avarie të rrëzimit të një avioni, makina e zjarrfikëses duhet të depërtojë në pistë, duke i shkatërruar këto dyer.

Nisur nga ky sqarim i zyrtarëve të TIA-s gjatë marrjes në pyetje, ngrihen dyshime të forta së grupi kriminal që realizoi grabitjen e dispononte një informacion të tillë. Admir Murataj së bashku me grupin e tij kanë shfrytëzuar pikërisht këtë mënyre për të realizuar grabitjen.

Prokurorët e Krimeve të Rënda Arenc Çela, Besnik Miçi dhe Klodian Braho kanë sekuestruar të gjitha konventat apo marrëveshjet pranë zyrave të këtij institucioni, atij të Autoritetit të Acionit Civil apo kompanisë “ICTS”, të cilat do të analizohen në përputhje me faktet e rrethanat konkrete të ngjarjes.

Zyrtarët e aeroportit pretendojnë se kanë njoftuar policinë, sapo konstatuan çarjen e derës dhe panë furgonin t’i afrohej avionit të linjës Tiranë-Vjenë. Ndërse policia nga ana tjetër ka deklaruar se informacionin e ka marrë nga burime të tjera dhe jo nga punonjësit e TIA-s.

Organi i akuzës po heton edhe mbi origjinën e jelekëve antiplumb dhe veshjeve ushtarake të përdorura nga grabitësit. Sipas burimeve në Tiranë janë vetëm 3 dyqane që mund të tregtojnë pajisje të tilla.

Në bazë të verifikimeve dhe pamjeve të kamerave të sigurisë nuk ka rezultuar që të kenë blerë persona të dyshimtë. Pavarësisht hetimeve intensive, prokuroria ende nuk ka mundur të identifikojë bashkëpunëtorët e tjerë të Admir Muratajt./abcnews.al

Admir-Murataj-1.jpg
G. P.15:11 | 16/04/2019

Gjykata për Krime të Rënda i dha 2 javë kohë prokurorisë që të vërtetojë vdekjen e Admir Muratajt, procesi ndaj të cilit pritej të niste këtë të martë.

Gjykata i kërkoi prokurorisë që përpos certifikatës së vdekjes, të paraqesë edhe prova të tjera, si akt ekspertime të vendit të ngjarjes dhe viktimës. Seanca e ardhës do të mbahet në 2 Maj ora 9:00.

Murataj mbeti i vrarë pasditen e 9 Prillit, pas grabitjes së miliona eurove brenda aeroportit të Rinasit. Ai ishte në kërkim si organizatori i 3 grabitjeve me blinda në harkun kohor të 2015-2017.

Grupi i tij u dënua në fund të marsit me më shumë se një shekull burg, ndër ta edhe vëllai i Admir Muratajt, Aleksandër Murataj. Ky i fundit nuk u lejuar nga drejtoria e Burgjeve që të merrte pjesë në varrim për arsye sigurie./abcnews.al

Admir-Murataj-1.jpg
nev ila15:44 | 15/04/2019

Ekzekutimi i Admir Muratajt ka ndodhur gjatë shkëmbimit të zjarrit me policinë. Ky fakt sipas Prokurorisë së Krimeve të Rënda ka ardhur nga përgjigja paraprake e ekspertizës mjeko-ligjore, ku Murataj u qëllua me një plumb në kokë duke i bërë rezistencë uniformave blu.

Dyshimet e organit të akuzës janë se 46-vjeçari me orgjinë nga Çermi i Tropojës ishte kryesori gjithashtu dhe ideatori i supergrabitjes së ndodhur mesditën e së martës brenda aeroporit të Rinasit.

Në fshatin Tapizë, vendi ku ndodhi shkëmbimi i zjarrit, oficerët e policisë gjyqësore sekuestruan në total 100 gëzhoja automatike të armëve të kalibrave të ndryshëm. Ekspertiza, vërtetoi se viktimës Admir Murataj i është gjetur edhe mbetje të barutit në duar, duke përforcuar pistën e ekzekutimit gjatë shkëmbimit të zjarrit me policinë.

Brenda furgonit të braktisur u gjet edhe një telefon celular i thjeshtë që dyshohet se i përket grabitësve.

Nga këqyrja paraprake e Prokurorisë së Krimeve të Rënda rezultoi se celulari nuk kishte të dhëna të mjaftueshme që mund të ndihmoj në zhvillimin e hetimeve. Por gjithsesi do të kërkohet që të behët një rieskpertim i dytë edhe i kartës SIM që ndodhej brenda tij.

Brenda kësaj jave pritet të merren në pyetje, zinxhiri komandues i kompanisë së sigurisë “ICTS” si dhe familjaret e të ndjerit Admir Murataj.

Ndërkohë janë sekuestruar të gjitha raportet e shërbimit, nga organi i akuzës, për të parë nesë janë zbatuar procedurat nga koncesionari po ashtu edhe ligjshmërinë e veprimeve të Komisariatit të Rinasit dhe patrullës së FNSH.

Prokuroria ka administruar edhe kërkesën e Shefit të Komisariatit të Rinasit, Përparim Dema drejtuar koncesionarit të aeroporit. Dema kërkon që të rritet siguria te portat nga ku hynë dhe dolën grabitësit por në këtë rast Aeroporti i Rinasit i është përgjigjur se nuk është përgjegjësi e policisë kjo, dhe nuk është as institucioni që mund të jap sugjerime të tilla.

Janë 3 prokurorë që po merren me super grabitjen e Rinasit, ndërsa janë regjistruar veprat penale për këtë ngjarje, për “Shpërdorim detyre”, “Krijim i grupit të strukturuar kriminal”, “Grabitje me armë” dhe  “Vrasje e punonjësit të policisë e mbetur në tentativë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono