rikonstruksion

adem-jashari-stadium.jpg
Vladimir Prenga16:49 | 15/11/2019

Kosova momentalisht ka një stadium si “Fadil Vokrri” ku mund të luhet në kupat e Europës, ndërkohë që do të kryhen punime sërish në “Adem Jashari” të qytetit të Mitrovicës. Në Kosovë tashmë kanë zbuluar edhe pamjet se si do të duket stadiumi i ri në qytetin e minatorëve.

Më parë në stadiumin “Adem Jashari” Kosova ka zhvilluar ndeshjet miqësore, ndërkohë që edhe klubet e Kosovës luajtën në Europë. Me rikonstruksionin që pritet të bëhet, do të luhen sërish ndeshja ndërkombëtare në të. /abcnews.al

Erion-Veliaj-gjate-inspektimit-te-rruges-Sotir-Peci-1-1280x854.jpg
ad min13:44 | 15/08/2019

Hapësirat e vogla mes lagjeve në Tiranë i janë nënshtruar rikonstruksionit. Kryetari i Bashkisë së Tiranës, Erion Veliaj, përsëriti thirrjen ndaj banorëve që të aplikojnë për të rehabilituar edhe fasadat e pallateve.

Kantiere ndërtimi ka hapur Bashkia e Tiranës në rrugët kryesore e jo vetëm. Investime po kryhen edhe në disa xhepa të vegjël siç i quan kryebashkiaku Erion Veliaj hapësirat midis blloqeve të banimit.

“Rruga “Sotir Peçi” është një prej tyre, pra në anën tjetër kemi “Rrugën e Durrësit”, që është aksi tregtar kryesor i Tiranës, ndërkohë sapo kalon rrugën midis bllokut të ambasadave, kemi këto xhepa. Ndaj, jam i lumtur që kemi shfrytëzuar verën, por edhe fondet e mbetura nga buxheti, për këto projekte të vogla nëpër lagje”, tha Veliaj.

Radhën e kanë fasadat e pallateve sipas kreut të bashkisë së Tiranës. Këtu kërkon ndihmën e banorëve të zonës që të nxitojnë të zgjedhin administratorin dhe të aplikojnë për “Fondin e Komunitetit”, për të bashkëfinancuar projektin me bashkinë.

“Lipset që banorët të organizohen e të caktojnë një administrator, dhe me administratorin t’ju japim prapë fonde, që të bëjmë edhe fasadat. Puna e bukur që është bërë në “Rrugën e Durrësit” me fasadat, do të duhet që ta bëjmë edhe në Rr. “Sotir Peçi” apo në të gjitha xhepat e tjera të Tiranës, duke e ndarë shpenzimin bashkë”, tha Veliaj.

Rikonstruksioni i rrugës “Sotir Peçi”, krahas asfaltimit të saj, përfshiu edhe rrjetin e ri të ujësjellës-kanalizimeve, vendosjen e ndriçimit LED, trotuare, si dhe vendosjen e sinjalistikës horizontale dhe vertikale./ABC News Albania 24/7

bregdeti.jpg
ad min14:48 | 02/04/2019

Sheshi “Taulantia” në Durrës pas më shumë se 10-viteve do t’i nënshtrohet së shpejti rikonstruksionit duke marrë një pamje te re. Fondi i Zhvillimit Shqiptar ka përfunduar procedurën e tenderimit të kontratës me vlerë 2.8 milionë euro për ndërtimin e shëtitores.

Grumbuj plehrash. Kënde lojërash të vendosura në kaos dhe që pengojnë lëvizjen. Kjo është pamja e të vetmes shëtitore në Durrës, në të cilën nuk është investuar prej një dekade.

Por kjo pamje aspak relaksuese nuk do ta shoqërojë për shumë kohë shëtitoren më të vizituar nga durrsakët dhe turistët. Procedurat e tenderimit të kontratës së investimit me vlerë 2.8 milionë euro kanë përfunduar.

Me vënien në zbatim të projektit synohet krijimi i një parku të vërtetë për t’i ofruar qytetit më shumë hapësira publike, sheshet, hapësira të  gjelbëruara, të ndriçuara dhe parqe për aktivitete sportive.

Investimi parashikon gjithashtu edhe krijimin e një hapësire të re pranë portit, duke u bërë pjesë e shëtitores përgjatë detit. Kohëzgjatja e punimeve nga data e fillimit do të jetë 18 muaj, ç’ka do të thotë se “Taulantia” nuk do të jetë gati për këtë sezon turistik.

Rikualifikimi i shëtitores përfshin gjithashtu edhe shembjen e murit ekzistues përgjatë saj me qëllim krijimin e sa më shumë hapësirave të reja. Nisur nga pozicioni strategjik i kësaj zone është projektuar të ndërtohet edhe një parkim i madh me rreth 170 vende për automjete./abcnews.al

barriera-mbrojtese.jpg
ad min13:30 | 25/03/2019

Në Fushë-Krujë ka nisur puna për rehabilitimin e shtratit të lumit Zezë. Kjo ndërhyrje bëhet për të shmangur përmbytjet gjatë dimrit, të cilat shkaktuan dëme në banesat dhe bizneset e banorëve të qytetit. Investimi nga qeveria shqiptare pritet të mbarojë në Korrik të vitit 2020.

Qyteti i Fushë-Krujës përmbytet çdo dimër si pasojë e daljes nga shtrati të lumit Zezë. Banorët përballeshin me frikën e vërshimeve dhe dëmtimet që sillnin ujërat e lumit. Por prej pak ditësh këtu ka nisur puna, për zgjerimin e tij dhe vendosjen e mbrojtëseve anësore. Investimi po bëhet me financim të qeverisë shqiptare.

“Po bëhet rikonstruksioni i lumit Zezë, me gjatësi 3.8 kilometrash duke filluar nga autostrada deri në pjesën fundore, në Arrameras”.

Gjithashtu është parashikuar edhe ndërhyrja në urën e qytetit. Disa objekte përgjatë lumit Zezë janë parashikuar të prishen për t’i hapur rrugë zbatimit të plotë të  projektit. Banorët e kishin pritur me vite.

“Shpëton një lagje, me mijëra banorë dhe nuk përmbytet vetëm lagja këtu, por edhe poshtë”.

Investimi ka nisur në muajin Mars dhe përfundon në Korrikun e vitit të ardhshëm./abcnews.al

shkoder.jpg
ad min15:48 | 02/03/2019

Prej disa ditësh ka nisur rikonstruksioni i rrugës Rragam-Sheldi, një investim i Bashkisë së Shkodrës. Ndërhyrja konsiston jo vetëm në shtrimin e rrugës me asfalt, por edhe kullimin e tokave dhe mbrojtjen e tyre nga gërryerja.

Punimet qe po kryhen janë inspektuar nga kryetarja e Bashkisë së Shkodrës, Voltana Ademi. Ajo u shpreh se investimi ndikon jo vetëm në lëvizjen e banorëve drejt Njësisë Administrative Gur i Zi dhe Shkodër, por ndihmon edhe në transportimin e produkteve të zonës./abcnews.al

RIKONSTRUKSIONI-I-SHKOLLES-DE-RADA.mpg_snapshot_00.48-1280x720.jpg
ad min14:10 | 18/10/2018

1.35 milionë dollarë do të investohen për të rikonstruktuar shkollën nëntë vjeçare “Jeronim de Rada” në Tiranë. Financimi vjen nga Ambasada e Katarit, ndërsa kryetari i bashkisë Erion Veliaj e cilësoi tepër të nevojshme ndërhyrjen në këtë shkollë.

1100 nxënësit e shkollës nëntë vjeçare “Jeronim de Rada” në Tiranë shumë shpejt do të mësojnë në kushte më të mira. Shkolla e tyre do të rikonstruktohet plotësisht. Ambasada e Katarit i ka dhuruar Bashkisë së Tiranës 1.35 milionë dollarë për të realizuar këtë ndërhyrje.

Erion Veliaj, kryetar i Bashkisë së Tiranës: “Kemi vite që ndjejmë nevojën për ndërhyrje në atë shkollë: do të shtojmë një palestër të re, do të bëjmë të gjitha punimet e brendshme dhe të jashtme, do të rregullojmë të gjitha terrenet sportive, për ta kthyer në një shkollë me një turn mësimi, me sistem të ri të ngrohjes dhe ftohjes, me kushte ideale për arsimimin e fëmijëve.

Ali Bin Hamad al –Marri, ambasador i Katarit në Tiranë: “Emiri i Shtetit të Katarit i kushton një vëmendje të veçantë rëndësisë së arsimit, si një faktor thelbësor në edukimin e një brezi të ndërgjegjshëm dhe të kulturuar, i cili ndërton një shoqëri të drejtë dhe kontribuon në arritjen e zhvillimit social dhe ekonomik, duke luajtur një rol efektiv në promovimin e stabilitetit, si dhe duke punuar për të garantuar një të ardhme të sigurt e të ndritshme. Granti që ne nënshkruajmë sot, vjen si mishërim i këtij vizioni të urtë, dhe si konfirmim i vullnetit të Shtetit të Katarit për të forcuar bashkëpunimin me Qeverinë e Shqipërisë dhe lidhjet e ngushta me popullin mik shqiptar.”

Projekti parashikon reabilitimin e mjediseve të brendshme të shkollës “Jeronim De Rada” ndërtimin e një godine të re për palestrën shtim të mjediseve të hapura sportive dhe krijimin e një zone rekreative për fëmijët./abcnews.al

vlcsnap-2018-09-11-14h23m33s346-1280x714.png
ad min16:30 | 11/09/2018

Dy ditë pasi ARRSH njoftoi për ndërhyrjen në skarpatën e Knallës në Shëngjin, punimet kanë nisur. Fillimisht po vihen mbrojtëse për të pritur gurët dhe më pas do të vazhdohet me rehabilitimin e plotë të rrugës së Shëngjinit.

Po vendosën barrierat mbrojtëse për të penguar rënien e gurëve. Ndërhyrja në rrugën e Shëngjinit ka nisur pikërisht në vendin më të rrezikshëm. Makineritë e firmës së mirëmbajtjes janë përqëndruar në zonën e quajtur Knalla. Tre muaj më parë, në këtë vend, gurët ranë sa nuk shkaktuan një tragjedi. Ata ranë sipër një autobusi ku dhe pati të plagosur. Largimi i pemëve të djegura, thyerja e shkëmbinjve në prag rënie si dhe vendosja e rrjetës mbrojtëse janë punimet më emergjente.

Më pas pritet të nisë edhe ndërhyrja tërësore për rikonstruksionin e plotë të rrugës Lezhë-Shëngjin. ARRSH njoftoi të dielën për stabilizimin e skarpatës në Lezhë-Shëngjin (Knallë). Lëvizja e të gjitha mjeteve në drejtim me destinacion Shëngjinin po bëhet majtas në Knallë në askin rrugor Kënallë – Kunë. Kurse drejtuesit e mjeteve ne drejtimin nga Shëngjini në Lezhë, janë devijuar djathats në rrugën Kënallë – Kunë./abcnews.al

RIKONSTRUKTOHET-SHKOLLA-ISMAIL-QEMALI.mpg_snapshot_00.14-1280x720.jpg
ad min14:39 | 03/09/2018

Këtë vit në shumë prej shkollave në Tiranë numri i nxënësve në klasa do të jetë më i vogël. Kryetari i Bashkisë Erion Veliaj, thotë se kjo vjen pas shtimit të kapaciteve. Veliaj ishte në gjimnazin “Ismail Qemali”, i cili po përfundon së rikonstruktuari.

Punimet po shkojnë drejt mbylljes. Gjimnazi “Ismail Qemali” në Tiranë këtë vit do ti presë nxënësit me mjedise të reja.

“Shkolla mban emrin e një prej personazheve më të rëndësishëm të historisë shqiptare, shpalli Pavarësinë e Shqipërisë. Kjo e jona është një përpjekje modeste për të shpallur pavarësinë nga i ftohti, lagështia, rrëmuja, zhurma, nga një shkollë e rrënuar. Por, këtë lloj pavarësie të kohëve moderne mund ta bëjmë me punë, jo me fjalë. Ndaj, i gjithë gushti ka qenë një muaj sulmi, po ashtu edhe fillimshtatori do të jetë një muaj sulmi, për t’u siguruar që kapim datën e fillimit të shkollës”.

Me hapjen dhe shtimin e kapaciteteve në këtë gjimnaz dhe shkolla të tjera, numri i nxënësve në klasa është ulur.

“Pra, nga një shkollë me 40-50 nxënës në klasë, bëhet një shkollë me 32 nxënës në klasë. Kjo do të thotë se ka më pak nxënës për të njëjtin mësues, rrjedhimisht më shumë vëmendje për secilin nxënës dhe një shans më të madh që secili nxënës të dalë akoma edhe më mirë në mësime. Por, ky lajm i mirë ka gjasa të tundohet nga një presion konstant që vjen nga prindërit. Këshilla ime për prindërit është kjo: nëse jeni banorë të zonës, të Njësisë 2 që iu prek ky pellgu i “Ismail Qemalit”, atëherë kjo është shkolla juaj. Nëse jeni më afër me “Abdulla Ketën” në Shkozë, nëse jeni më afër me “Sandër Prosin” në Sauk, atëherë mënyra më e mirë është për të regjistruar fëmijët atje. Duke i regjistruar nxënësit atje, do të thotë që do kalojnë më pak kohë në rrugë vajtje-ardhje, më pak vara-vingo dhe më shumë kohë me librat”.

Sipas kryetarit të bashkisë, nuk ka asnjë arsye që prindërit dhe nxënësit të kërkojnë të regjistrohen vetëm në ato shkolla që në të shkuarën kanë patur më shumë reputacion se të tjerat. Sot, deklaroi Veliaj, të gjitha shkollat ofrojnë standarde mësimdhënie dhe kushte shumë të mira. Ndërkohë, kryetari i bashkisë bëri të ditur se shumë shpejt nis ndërtimi i 17 shkollave të reja në kryeqytet, ç’ka pritet t’i japë fund mësimit me dy turne./abcnews.al

VELIAJ-NE-SELITE.mpg_snapshot_00.25-1280x720.jpg
ad min14:07 | 17/08/2018

Ka ardhur koha që të gjithë të sillen si qytetarët të Tiranës. Kështu deklaroi kryetari i Bashkisë Erion Veliaj duke i kërkuar banorëve të kryeqytetit të deklarojnë vendbanimin e vërtetë.

 

-Qytetarët duhet të regjistrojnë adresën e saktë të vendbanimit. Kjo është një mënyrë që çdo zonë e Tiranës të përfitojë nga shpërndarja më e mirë e fondeve dhe e investimeve. Kjo është thirrja që kryebashkiaku Erion Veliaj bëri nga zona e Selitës.

“I ftoj banorët të vijojnë me regjistrimin në zonë. Sot janë të gjithë qytetarë të Tiranës dhe duhet të regjistrohen këtu. Fakti që marrim taksa nga pjesa e vjetër e Njësisë 5 për t’i sjellë në zona ku vetëm së fundi, pas legalizimit, ka filluar të paguhet pak taksë prone, do të thotë se automatikisht Bashkia e Tiranës i ka privilegjuar. Tani ka ardhur koha që edhe ata të sillen si qytetarë të Tiranës dhe të bëhen pjesë e kësaj bashkësie që paguan diçka modeste, por në fund fare kontribuon në të mirën e përbashkët”.

Këto fjalë kryetari i Bashkisë së Tiranës i drejtoi nga një prej blloqeve të banimit ku sapo kanë përfunduar punimet për rikonstruksionin e saj.

“Rikthehemi në një zonë totalisht të transformuar. Këtu projekti nuk është vetëm logjistik: asfalt, llaç e tulla, por edhe pak në mentalitet.
Kemi bashkuar energjitë: qeveria bën legalizimin, kurse bashkia urbanizimin. Pa legalizim nuk ka urbanizim; pra, është shumë e rëndësishme që fillimisht banorët të marrin hipotekën dhe në fund, pasi të kanë marrë pronën, ne ndërhyjmë në gjithë rrjetin rrugor, kanalizime dhe ndriçim”.

Teksa u bëri apel banorëve të bllokut të mirëmbajnë investimin e kryer, kryebashkiaku ftoi qytetarët që të bashkëpunojnë për lirimin e hapësirave, të cilat pengojnë projektet zhvilluese.

“Dua të falenderoj, së pari banorët që kanë lënë pak nga territori i tyre i sapolegalizuar për t’ia dhënë bashkisë për trotuaret. Qytetarët duhet të kuptojnë se në fakt trotuari nuk është i bashkisë, por një barrierë sigurie për ata dhe fëmijët e tyre. Kur kemi ardhur këtu ka qenë një monopat i ngjashëm me një shteg dhish dhe rrëketë e lumenjve që vinin nga kodrat. Sot është dita me natën”.

Veliaj bëri të ditur se nga 17 shkolla të reja që do të ndërtohen, 3 prej tyre janë vetëm për Njësinë 5, duke sjellë një rritje të standardit dhe të cilësisë së mësimdhënies për fëmijët e zonës.

Ndërsa për Ministrinë për Diasporën dhe njëkohësisht deputetin e zonës, Pandeli Majko tashmë e gjithë zona është transformuar tërësisht.
Ndërhyrja është kryer jo vetëm në shtrimin me asfalt të rrugës, por edhe me rrjetin e ri të ujësjellës-kanalizimeve, ndriçim, trotuare, ndërkohë që muret janë të veshura me pllaka dekorative guri dhe kangjella./abcnews.al

GALERIA-KOMETARE.mpg_snapshot_01.45.jpg
ad min14:42 | 14/08/2018

Hapësirat e Galerisë Kombëtare të Arteve do ti nënshtrohen restaurimit, rikonstruksionit dhe rehabilitimit. Ministria e Kulturës ka hapur tenderin për hartimin e projektit me fond limit 12 milionë e 500 mijë lekë.

Në relacionin mbi gjendjen ekzistuese të Muzeut Kombëtar të Arteve të Bukura tregohen arsyet pse duhet bërë kjo ndërhyrje.
Gjendja e përgjithshme e objektit shfaqet e rënduar dhe e amortizuar në kohë. Gjatë viteve, në objekt është ndërhyrë pjesërisht në rifiniturë dhe në mirëmbajtje.

Salla e ekspozitës e katit të tretë ka nevojë të rikonstruktohet në mënyrë të tillë që të jetë sa më funksionale dhe në kushte teknike sipas standartit.
Hidroizolimi i godinës është në gjendje të degraduar, në pjesën e podrumit ka prezencë të lagështisë, në perimetrin e jashtëm si dhe në tarracë.

– Hidroizolimi dhe termoizolimi i hapësirave të dritareve është në gjendje të degraduar;

– Ndriçimi natyral i katit të tretë, nuk është realizuar në formën dhe materialin e duhur, duke u bërë shkak i trasmetimit jo vetëm të temperaturave të jashtme, por dhe shirave;

– Dera kryesore duhet spostuar për të kthyer në identitet Galerinë Kombëtare të Arteve;

– Është e nevojshme rikonstruksioni i ambienteve të Fondit të veprave dhe skulpturave;

-Sistemi elektrik është i amortizuar, nuk përmbush normat e lejuara dhe ka nevojë për shtimin e kapacitetit;

– Sistemi i aspirim/kondicionimit nuk është funksional;

– Ka mungesë të sistemit të mbrojtjes kundra zjarrit, si një kusht shumë i rëndësishëm për kategorinë e funksionit të godinës. Mungon dhe një sistem sigurie. Këto janë vetëm disa nga problemet që kërkojnë ndërhyrje sipas relacionit të specialistëve të Ministrisë së Kulturës.

-Që prej vitit 2007 “Galeria Kombëtare e Arteve” gëzon statusin Monument Kulture i kategorisë së dytë. Gjithashtu përfshihet brenda zonës së mbrojtur “Qendrës historike të aksit kryesor të qytetit të Tiranës”, miratuar me Vendim të Këshillit të Ministrave në vitin 2017./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono