rexhep celiku

vlcsnap-error995-1280x720.jpg
ent ela16:22 | 13/01/2018

Kolegë, miq, artistë dhe artdashës i kanë dhëne lamtumirën mes lotësh dhe kurorave me lule, mjeshtrit të valles shqipe Rexhep Çeliku. Homazhet u mbajtën në Muzeun Historik Kombëtar.

Qytetarë të shumtë nga krahina të ndryshme të Shqipërisë, miq, artistë politikanë dhe artdashës, kanë kryer homazhe në Muzeun Historik Kombëtar në shenjë nderimi për mjeshtrin e madh të valles shqipe Rexhep Çeliku.

Valltarja edhe partnerja e tij e skenës Lili Cingu e pikëlluar thotë se Rexhep Çeliku ishte një shqipe që depërtonte me vallen e tij lehtësisht te spektatori vendas dhe i huaj.

Drejtoresha e Operas dhe Ansamblit  Zana Çela e cilëson humbje e madhe për kombin dhe artin.

Gerti Druga dejtori artistik i Ansamblit e cilëson veten me fat që bashkëpunoi me Rexhep Çelikun edhe për festimet e 60 vjetorit të Ansamblit.

Kolegët e ngushtë me të cilët ndau skenën dhe miqësinë, vlerësonin dëshirën dhe entuziazmin që ai kishte për jetën.

Vallja të mos ndalet e shqipja të fluturojë lart ishte dëshira e Rexhep Çelikut. Valltarët pasardhës, me të cilët punoi një jetë të tërë te bindur janë se zëvendësimi i tij është i vështirë, por ata ndihen të frymëzuar që të vazhdojnë me dashuri në rrugën e tij.

Mjeshtri i baletit Albert Janku, shpreson që vallja shqipe të vazhdojë rrugëtimin vezëllites si dikur.

Mjeshtri i madh i valles shqiptare, Rexhep Çeliku humbi betejën me një sëmundje të rëndë që i mori jetën në moshën 63 vjeçare.

Rexhep Çeliku ishte solisti i parë i Ansamblit të Këngëve dhe Valleve në vendin tonë. Gjatë një karriere te gjate prej 4 dekadash  për disa dekada ai realizoi një numër të madh shfaqjesh brenda dhe jashtë vendit, duke rrëmbyer duartrokitjet e publikut me interpretimet e tij në skenë. Dhe vlerësimet më të mëdha sefundmi edhe titullin “Nderi i Kombit”./abcnews.al

26733418_1750794024971771_6859596590002909129_n.jpg
ent ela13:04 | 12/01/2018

Kryetari i Partisë Demokratike Lulzim Basha ka shprehur ngushëllimet e tij për ndarjen nga jeta të mjeshtrit të valleve Rexhep Çeliku. Përmes një psotimi në rrjetet siociale Basha shkruan se: “askush më shumë se ai nuk i ngjante një shqiponje me krahët e hapur e shikimin e mprehtë. Vallja e tij ishte një ushqim epik që të çonte shpirtin peshë”

Mesazhi i plotë i Lulzim Bashës:

Jam i hidhëruar nga lajmi se u largua sot shumë para kohe, një zot i skenës, Rexhep Celiku. Që në fëmijëri më ka lënë mbresa arti i tij dhe kam menduar se askush më mirë se ai nuk e manifestonte shpirtin shqiptar, historinë tonë të stuhishme, sepse askush më shumë se ai nuk i ngjante një shqiponje me krahët e hapur e shikimin e mprehtë. Vallja e tij ishte një ushqim epik që të çonte shpirtin peshë. I detyrohemi shumë Rexhep Çelikut, i cili, ishte bërë me kohë me talentin, pasionin dhe virtuozitetin e tij, nder i kombit. I mundur nga sëmundja e rëndë, por fatlum që do jetojë gjithnjë tek ne, me krahët lart e shikimin nga qielli, si shqiponjë krenare.

vlcsnap-error597-1280x720.jpg
us er18:52 | 08/01/2018

Presidenti i Republikës, Ilir Meta, ka vlerësuar me dekoratën “Nderi i Kombit” dy personalitetet e artit, Liljana Cingu dhe Rexhep Çeliku. Sipas Kreut të Shtetit, Cingu dhe Çeliku kanë promovuar denjësisht vlerat e mirëfillat të trashëgimisë kulturore dhe kombëtare.

“Nderi i Kombit” për mjeshtrit e valles popullore Liljana Cingu dhe Rexhep Çeliku. Presidenti i Republikës, Ilir Meta, vlerësoi me këtë dekoratë dy personalitetet e artit.
“Perëndeshën e valles” Liljana Cingu, në vlerësim të kontributit të jashtëzakonshëm si soliste me nivel të lartë artistik dhe mjeshtëri të veçantë në interpretimin e valleve shqiptare; për promovimin denjësisht të vlerave të mirëfillta të trashëgimisë sonë kulturore kombëtare brenda dhe jashtë vendit si dhe përçimin e folklorit tonë tek brezat e artistëve të rinj” si dhe “Shqipen fluturuese”.

Rexhep Çeliku, në vlerësim të kontributit të jashtëzakonshëm si solist me nivel të lartë dhe mjeshtëri të veçantë artistike në interpretimin e valleve shqiptare; për promovimin denjësisht të vlerave të mirëfillta të trashëgimisë sonë kulturore kombëtare brenda dhe jashtë vendit, si dhe për pasurimin e fondit të krijimtarisë koreografike dhe përçimin e tij tek brezat e artistëve të rinj.
Asnjëherë nuk do të mjaftonin fjalët dhe aktet për të për të vlerësuar kontributin e këtyre dy artistëve deklaroi Presidenti i Republikës.

“Ata ngritën në këmbë dhe pushtuan zemrat e spektatorëve të skenave më të rëndësishme ndërkombëtare duke u njehsuar me vlerat dhe bukurinë e artit, muzikës dhe trashëgimisë sonë, duke u bërë ambasadorë të shkëlqyer të kulturës sonë në botë. Në çdo shfaqje e festival ku kanë marrë pjesë, ata kanë shpalosur me interpretimin e tyre vlerat më të larta të artit koreografik shqiptar.”
Në ceremoninë për nder të Liljana Cingut dhe Rexhep Çelikut morën pjesë familjarë, kolegë, personalitete të artit e deputetë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono