reshje

99-2.jpg
in a14:29 | 29/12/2019

Ndërrimi i viteve në vendin tonë nuk do të vijë as me reshje shiu dhe as me reshje bore. Mot i kthjellët dhe me vranësira kalimtare pritet të dominojë javën e ardhshme. Më 31 dhjetor  Sherbimi Meteorologjik Ushtarak parashikon ulje  të ndjeshme të temperatuarave.

Në disa prej qyteteve të vendit termometri do të zbresë në minus ndërsa përgjatë luginave në orët e mëngjesit dhe të mbrëmjes parashikohet të bie mjegulla. Era përgjithësisht do të ketë drejtim nga verilindja. Më e fortë ajo pritet të jetë në zonat bregdetare, luginën e Drinit dhe Alpe.

Masat ajrore të ftohta parashikohet të sjellin ngrica në pjesën më të madhe të vendit. Situatë e ngjashme meteorologjike pritet të na shoqërojë dhe ditët e para të vitit 2020./abcnews.al

 

50.jpg
in a07:30 | 14/12/2019

Kushtet atmosferike detyruan mbylljen e shkollavë ne Romë e Napoli. E mbiquajtur “ Santa Lucia”, sipas emrit të shenjtores që kujtohet në 13 dhjetor, stuhia pritet të shkaktojë probleme përgjatë gjithë orëve në vazhdim.

Mes erërave të forta dhe reshjeve të dendura të shiut që kanë pushtuar rajonet jug-perendimore, qytetarët janë këshilluar të tregojnë kujdes. Trafiku ka qenë i rënduar  në kryeqytet ku rrugët u mbushën me ujë.

Kryetarja e bashkisë Virginia Raggi ka bërë thirrje të shmanget sa më shumë që të jetë e mundur udhëtimi. Milano u zgjua këtë mëngjes e zbardhur nga bora, autoritetet i kanë kërkuar banorëve t’i lënë makinat në shtëpi e të hedhin kripë në rrugën përpara banesave të tyre./abcnews.al

lu.jpg
in a07:01 | 08/12/2019

Zelanda e Re është përfshirë nga moti i keq duke shkaktuar edhe mbylljen e disa autostradave kryesore në ishullin e jugut. Për shkak të shirave të rrëmbyer autoritetet njoftojnë se janë bërë bërë disa evakuime.

Në një deklaratë nga këshilli i distriktit Timaru, banorët që jetojnë pranë lumit Rangitata afër qytetit Timaru në bregdetin lindor, u kërkuan të braktisnin pronat e tyre teksa lumi vërshonte në nivele të larta.

Ndërkohë autostrada shtetërore 1, që lidh Christchurch me Tiramu është mbyllur.

Liqenet në pikat turistike Queenstown dhe Wanaka dolën mbi nivelet normale në fillim të javës, duke shkaktuar mbylljen e rrugëve dhe bizneseve./abcnews.al

permbytje.jpg
ent ela10:37 | 13/11/2019

Reshjet e djeshme dhe gjatë natës së kaluar kanë sjelle probleme në fshatin Murqinë, një fshat që preket në raste të tilla me reshje shiu.

Një pjesë e rrugës është bërë e vështirë nga prania e ujit, duke penguar lëvizjen e banorëve të fshatit.

Ende nuk janë shfaqur probleme në përmbytje të tokave bujqësore apo banesa të rrethuara nga uji. Banorët janë të frikësuar nëse vijojnë reshjet me intensitet më të lartë, fshati konsiderohet më i prekuri në çdo vit nga përmbytjet. /abcnews.al

probleme-ne-uren-e-drinit.jpg
ad min15:08 | 24/09/2019

Reshjet e shiut kanë rënë me intensitet të lartë në Kukës dhe probleme ka patur në Rrugën e Kombit. Ndërkohë prurjet e lumenjve kanë qenë të pakta dhe nuk kanë ndikuar fare në nivelin e liqenit të Fierzës.

Në urën e lumit Drin në Rrugën e Kombit mjetet kanë lëvizur me vështirësi. Punimet për riparimin e saj, të cilat nisën vetëm disa ditë më parë, u dëmtuan nga reshjet e forta.

Inerte dhe mbetje të tjera ishin prezente. Uji mbuloi gjithçka në këtë segment rruge edhe elementet metalike të urës. Mjetet e kompanisë sipërmarrëse po punojnë për të shmangur avaritë e mundshme.

Ndërkohë bllokime të turbinave dhe kanaleve kulluese janë vënë re në qytetin e Kukësit, kryesisht në vendgrumbullimet pranë kolektorit kryesor të ujërave të bardha dhe në rrugët e brendshme të lagjeve.

Por reshje nuk ka patur në zonat malore të Kukësit. Prurjet e lumenjve që furnizojnë Fierzën kanë qenë normale dhe të papërfillshme.

Liqeni i Fierzës vijon të ruajë kuotat minimale prej 278 metra me prurje që nuk i kalojnë 80 metër kub ujë në sekondë, por kjo mbetet në varësi të intensitetit të reshjeve në vijimësi./ABC News albania 24/7

via-CNN-Tropical-Depression-Imelda-flooding-in-Texas_1568952455861.jpg.jpg.jpg_39389837_ver1.0_1280_720-1280x720.jpg
ent ela11:55 | 20/09/2019

Reshjet e dendura në Teksas kanë shkaktuar të paktën dy viktima, ndërkohë mediat amerikane raportojnë se janë me mijëra ndërhyrjet për të shpëtuar banorët nga situata kritike.

Stuhia tropikale Imelda ka shkaktuar reshje të dendura në Teksas. Në Hjustonin e përmbytur nga uji të gjithë kanë parë dhe njëherë situatën tragjike të uraganit Harvei i cili në vitin 2017 shkaktoi viktima dhe shkatërrim. Me mijëra persona janë shpëtuar pasi në disa zona niveli i ujit është më shumë se një metër.

Një person humbi jetën në spital pasi ishte shpëtuar fillimisht nga automjeti i tij i rrëmbyer nga uji. Ndërkohë mediat amerikane raportojnë se ka dhe një viktimë të dytë. Shumë automjete janë braktisur në rrugë nga pronarët e tyre ndërsa kazanët e mbeturinave janë marrë përpara nga uji i kanaleve të shpërthyera.

Guvernatori i Teksasit Greg Abot shpalli gjendjen e kashtëzakonshme në 13 konte ndërsa kryebashkiaku i Hjuston paralajmëroi banorët që të qëndrojnë larg rrugëve. Ndërkohë janë me qindra fluturimet e anuluara në aeroportin ndërkombëtar Xhorxh Bush.

Alarmi për përmbytje qëndron në fuqi deri të shtunën. Të dielën në Hjuston do të jetë presidenti amerikan Tramp i cili do të marrë pjesë në një takim elektoral i shoqëruar nga kryeministri Indian Narenda Modi. /ABC News Albania 24/7

reshjet-ne-fier.jpg
ad min17:39 | 19/09/2019

Një stuhi që zgjati vetëm 30 minuta shkaktoi ndërprerjen e energjisë për disa fshatra dhe rrëzoi disa pemë në rrugët kryesore në Fier. Gjithashtu, si pasojë e motit të keq u shkaktuan edhe dëme të shumta materiale.

Ekipet e OSHEE-së po punojnë për riparimin e kabllove të dëmtuar të energjisë elektrike. Stuhia me erë të fortë dhe reshje shiu përshkoi qytetin në mesditë dhe më pas të gjithë rajonin e Fierit deri në zonat bregdetare. /ABC News Albania 24/7

reshje.jpg
ad min14:30 | 28/08/2019

Reshjet e dendura të një dite më parë kanë shkaktuar shumë dëme material në kryeqytetin spanjoll të Madridit. Agjencia spanjolle metereologjike pohoi se janë regjistruar më shumë se 9 mijë rrufe në gjashtë orë.

Madridi dhe zonat përreth po i rikthehen normalitetit pasi reshje të dendura dhe breshëri goditën zonën një ditë më parë duke përmbytur shumë rrugë dhe duke shkaktuar kaos në qarkullimin e automjeteve.

Ndërsa rajoni ditën e sotme është nën temperature të larta, ndërsa vetëm një ditë më parë moti i keq shkaktoi shumë problem si duket dhe nga pamjet ku automjete dhe kosha mbeturinash janë marrë përpara nga uji, ndërsa kokrrat e breshrit kanë qenë të mëdha sa një top ping-pongu, në disa zona të rajonit.

Arganda del Rei, në juglindje të kryeqytetit spanjoll ka qenë më goditura nga moti i keq. Stuhia shkaktoi vonesa në fluturime, përmbytje në parkingje dhe tunele si dhe ndërprerje të shërbimit të metrosë. Agjencia metereologjike spanjolle pohoi se janë regjistruar më shumë se 9 mijë rrufe në gjashtë orë. Tashmë reshjet janë zhvendosur në Majorka./ABC News Albania 24/7

stuhi-reshje.jpg
ad min17:43 | 11/07/2019

Në plazhet e jugut, reshjet e orëve të fundit shkaktuan dëme të mëdha në bizneset përgjatë bregdetit. Në disa zona mungoi edhe energjia elektrike. Ndërsa në Devoll, fermerëve u janë shkatërruar hektarë me kultura të ndryshme.

Orët që lamë pas ishin mjaft të vështira për jugun e vendit. Disa akse të qytetit të Vlorës u përmbyten nga reshjet. Banorët u izoluan në shtëpi nga stuhitë. Probleme u konstatuan në segmentin Orikum-Radhimë, në disa plazhe u dëmtuan çadrat e shezllonet ndërsa mungoi edhe energjia elektrike.

Një incident u shënua në Orikum, ku roja bregdetare, u dëmtua në kokë duke u ngritur gjithçka kishte lënë pas moti i keq. I riu u transportua në spitalin rajonal të Vlorës dhe është jashtë rrezikut për jetën.

Në Dhërmi e Himarë, furtuna shkaktoi dëmtime në plazhe, hapësira private e publike, kryesisht në njësi që shërbenin si “beach bar-e”. Në Sarandë pemë e tabela reklamuese u rrëzuan, por fatmirësisht pa shkaktuar dëme në njerëz.

Edhe ditën e enjte nuk është lejuar lundrimi jashtë gjirit të Vlorës duke anuluar itinerarin drejt ishullit të Sazanit. Moti i keq la pa prodhim këtë verë edhe fermerët e Devollit.

Stuhia dhe breshëri solli dëme të konsiderueshme në të gjitha kulturat. Në fshatin Baban, era e fortë ka shkatërruar dhjetëra hektarë të mbjellë me grurë, perime,por edhe parcelat me pemë frutore.

Drejtoria Rajonale e Bujqësisë bën të ditur se koha e keqe ka sjelle dëme në kulturat  bujqësore në 12 fshatra të zonës së Devollit./ABC News Albania 24/7

milot-1280x696.jpg
ent ela09:30 | 10/07/2019

Reshjet e dendura të shiut që ranë gjatë natës në veri të vendit kanë shkaktuar jo pak probleme. Një ndër to ka qenë bllokimi i plotë i nënkalimit në Fushë Mamurras në superstradën Thumanë Milot. Zgavrat e shkarkimit nuk kanë funksionuar dhe për pasojë uji ka bllokuar nënkalimin. Gjatë natës lëvizja e mjeteve ka qenë e pamundur, por edhe pasi reshjet kanë pushuar qarkullimi ka nisur me vështirësi. Ndërkohë probleme ka patur edhe në Shëngjin, Tale e Zadrimë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono