renia

mayyy.jpg
ent ela23:59 | 13/05/2019

Rënia e mbështetjes për Konservatorët në Britaninë e Madhe ka bërë që në radhët e partisë të rritet presioni për largimin e kryeministres Theresa Mej. Një sondazh i fundit e rendit subjektin e udhëhequr nga kryetarja e qeverisë të fundit mes 5 partive politike.

Partia Konservatore e kryeministres britanike Theresa Mej ka rënë në vendin e pestë në një sondazh, të mbajtur në një kohë kur zgjedhjet euro-parlamentare po afrojnë dhe kur presioni ndaj saj për të braktisur postin po rritet. Konkretisht, sondazhi i përgatitur nga grupi “Ju Gov” për llogari të gazetës “Tajms” i jep subjektit të kryetares së qeverisë vetëm 10 për qind të mbështetjes, ndërsa rendit në vendin e parë partinë Breksit të Najxhel Farazh, me 34 për qind të mbështetjes. Ndërkohë, partia Laburiste në opozitë ka marrë vetëm 16 për qind, e ndjekur nga Liberal Demokratët dhe të Gjelbërit, që mbështesin qëndrimin në BE, me nga 15 dhe 11 për qind. Rënia e mbështetjes për konservatorët po bën që të rritet presioni ndaj kryeministres Mej, që ajo të caktojë një datë për largimin e saj. Figurat e hershme të partisë kërkojnë që Mej të prezantojë planet e saj për të ardhmen e Breksit që këtë javë, gjë që sipas analistëve britanikë ka pak gjasa të realizohet. Kur janë bërë thuajse 3 vjet që kur Mbretëria e Bashkuar votoi me 52 për qind pro largimit nga Bashkimi Europian, mes ligjvënësve britanikë nuk ka ende një marrëveshje për kur dhe si divorci me Brukselin duhet të ndodhë. /ABC news Albania 24/7

probleme.jpg
G. P.13:25 | 14/03/2019

Facebook vijon të ketë ende probleme për një pjesë të përdoruesve. Prej më shumë se 14 orësh ndërprerja e të gjitha shërbimeve, e bëri të pa aksesueshëm në mbarë globin.

Të prekur janë rrjeti kryesor social i kompanisë, (Facebook), dy aplikacionet e mesazheve (Facebook Messenger & WhatsApp) dhe Instagram. Deri më tani, vetë Facebook nuk ka asnjë shpjegim për shkaqet e kësaj rënieje.

Hera e fundit që Facebook pati një ndërprerje me magnitudë të tillë ishte në vitin 2008, kur kishte 150 milionë përdorues, krahasuar me 2.3 miliardë përdorues në muaj që ka sot.

Problemet nisën pasditen e së mërkurës dhe vetëm sot në mëngjes filloi të shfaqte shenja përmirësimi. Kjo rënie shkaktoi pamundësi për t’u futur dhe për të përdorur platformat më të përdorura në ditët e sotme për të komunikuar.

“Jemi në dijeni që disa njerëz nuk po munden të aksesojnë familjen e aplikacioneve të Facebook”, tha vetë kompania në një postim në Twitter. Ndërsa shtoi se “po punojmë për ta zgjidhur problemin sa më parë”.

Aplikacionet duket se rinisën të merrnin veten mëngjesin e kësaj të enjteje. Instagram njoftoi se ishte rikthyer.

Duke iu përgjigjur thashethemeve të postuara në rrjete të tjera sociale, kompania tha se kjo rënie nuk vinte si pasojë e DDoS, një lloj sulmi kibernetik që e tejmbush një shërbim të caktuar me volum tejet të lartë trafiku.

Por sa i përhapur ishte problemi?

Problemet nisën rreth orës 17:00 të së mërkurës. Teksa rrjeti social Facebook hapej, përdoruesit nisën të raportonin se e kishin të pamundur për të postuar.

Ata në Instagram nuk mund të bënin rifreskim (refresh) të postimeve, apo të bënin postime të reja. Versioni desktop i Facebook Messenger nuk hapej, megjithatë aplikacioni për telefonat dërgonte një pjesë të mesazheve, edhe pse disa përdorues raportuan se nuk u shkonin imazhe apo përmbajtje të tjera të mesazheve të tyre.

WhatsApp dhe aplikacione të tjera të mesazheve të Facebook kishin gjithashtu probleme të ngjashme.

Ndonëse për një pjesë të përdoruesve situata i është rikthyer normalitetit, pjesë të Europës dhe Azisë vijojnë të kenë probleme edhe paraditen e kësaj të enjteje.

Nëse këto probleme vijojnë, me gjasë ato do t’i kushtojnë shumë portofolit të Facebook. Kompania, e cila financon pjesën më të madhe të bizneseve të saj falë të ardhurave të reklamave, tha për Bloomberg se po shihte mundësinë e rimbursimit për reklamuesit.

Problemi preku gjithashtu Facebook Workplace, shërbimi që përdoret nga bizneset për të komunikuar brenda për brenda.

Rebecca Brooker, dizajner me vendndodhje në Buenos Aires, duke folur për BBC tha se ndërprerja e shërbimit po jepte një impakt domethënës në punën e firmës së saj.

“Facebook për përdorim personal është në rregull, por çfarë ndodh kur mbështetemi në kompani kaq të mëdha për të marrë shërbime biznesi?” tha ajo. “Po përpiqem të komunikoj me grupin  e punës në New York. Facebook Workplace është kanali jonë i vetëm për të komunikuar, me përjashtim të email-it”, shtoi më tej Brooker.

Kjo rënie masive e shërbimeve të gjigandit të teknologjisë vjen në një kohë kur disa ligjvënës amerikanë kanë hedhur idenë e ndarjes së kompanive të mëdha të teknologjisë.

Elizabeth Warren, e cila shpreson të jetë kandidate e demokratëve në zgjedhjet e ardhshme presidenciale në SHBA, duke folur për New York Times tha: “Duhet t’i japim fund kësaj gjenerate të kompanive të mëdha të teknologjisë që përdorin pushtetin e tyre politik për t’i vendosur rregullat në favorin e tyre dhe përdorin fuqinë e tyre ekonomike për të blerë apo për të nxjerrë jashtë loje çdo konkurrent potencial”.

Në një postim në Twitter pasditen e së mërkurës, kur shërbimet e Facebook ranë, Brooker shtoi: “E shikoni çfarë ndodh kur lejojmë një kompani të vetme për të kontrolluar gjithçka”. //tvklan.al

euro.jpg
ent ela13:56 | 23/12/2018

Nuk ka të ndalur rënia e euros pavarësisht festave të fundvitit, që shoqërohen me ardhje të emigrantëve. Monedha europiane e mbylli fundjavën në kuotën 122.95 lekë, duke shënuar rënien e radhës, përkundër dollarit që pati një përforcim të lehtë.

Kjo rënie e monedhës europiane ka qenë e pandalshme që nga data 27 nëntor e këtij viti, madje në krahasim me fillimin e vitit, euro ka humbur plot 11 lekë. Kjo konsiderohet si rënia më e fortë vjetore e euros që prej vitit 2004. Ndryshe nga EURO që feston 20 vjetorin, si monedhë unike e BE, e mbetet relativisht e fortë në bursa, dollari amerikan duket se ka pësur një rritje të vogël. Monedha e gjelbër gjatë fundjavës u këmbye me 107.56 lekë. Në muajin dhjetor gjithnjë janë të pranishme efektet sezonale, me rritje të ofertës së euros, që këtë vit sipas ekspertëve po shoqërohet në kahun e kundërt, me më pak qarkullim të lekut për shkak të konsumit të dobët. Periudha e festave të fundvitit sjell dhe më tepër në qarkullim euro, me dërgesat apo ardhjen e emigrantëve, çka i dëmton dhe më shumë xhepat e tyre për shkak të pikiatës së monedhës europiane. Sipas ekspertëve ende nuk dihet se kur monedha europiane do të gjeje stabilitet në tregun financiar, por ajo çfarë shihet është se rruga në pikiatë do të vazhdojë. /abcnews.al

nikolla-gruevski-1.jpg
ent ela13:15 | 13/11/2018

48 vjeçari Nikolla Gruevski hyri në politikë gati 20 vjet më parë, ndërsa për herë të parë mori drejtimin e qeverisë së Maqedonisë në vitin 2006. Karriera e tij si kryeministër nisi me shpresën e maqedonasve për një erë të re politikanësh, por shpejt pësoi goditje të njëpasnjëshme nga skandalet e zbuluara nga opozita dhe nga autoritarizmi i Gruevskit. Një profil politik i Gruevskit nga kryeministër në një të arratisur, që kërkohet nga drejtësia.

Ndërkohë më tej do të ndjekim një historik të shkurtër të rrugëtimit të jetës politike të ish kryeministrit Nikolla Gruesvki nga drejtimi i qeverisë së Maqedonisë e deri tek i kërkuar ndërkombëtarisht nga Policia.

Ai është shpallur në kërkim që nga e hëna dhe autoritetet e Maqedonisë po e kërkojnë në të gjithë vendin dhe jashtë tij. Bëhet fjalë për politikanin dhe deputetin e kësaj legjislature të kuvendit të Shkupit, Nikolla Gruevskin, emrin e të cilit e ka publikuar ministria e brendshme bashkë me fotografinë e tij në uebfaqen zyrtare. Prej shumë orësh ish-shefi i qeverisë ka humbur çdo gjurmë dhe duket se është zhdukur. Por si kaloi Gruevski nga kryeministër në kriminel që kërkohet nga drejtësia.

Karriera e tij politike nis në vitin 1999, ku do të fillonte ngjitjen në rangjet e larta të pushtetit në Shkup kur u bë dhe ministër financash në qeverinë e VMRO-DPMNE-së. Katër vite më vonë Gruevski do të merrte drejtimin e partisë. Dhe që prej viti 2006, ai do të fitonte zgjedhjet parlamentare për 4 mandate me radhë, duke qeverisur kështu vendin si kryeministër për shumë vite. Megjithatë qeverisja e tij është përballur me shumë kontestime por dhe skandale.

Në maj të 2015-s në Shkup nisën protestat massive kundër Gruevskit dhe qeverisë së tij, të nxitura nga opozitari Zoran Zaev. Lideri I LSDM-së posedonte në atë kohë përgjimet e 20 mijë zyrtarëve të Maqedonisë. Publikimi I tyre ngjalli zemërimin e qytetarëve për aferat korruptive dhe mbulimin e krimeve nga policia dhe skandali shkaktoi dorëheqjen e shumë ministrave dhe deri në rrëzimin e qeverisë Gruevski me 15 janar të 2016.

Megjithatë gjatë gjithë kësaj kohe LSDM kishte ngritur shumë çështje ndaj anëtarëve të VMRO-DPMNE-së, përfshirë ish kryeministrin Nikolla Gruevskin. Dhe ndërsa organet e drejtësisë vijonin me këto çështje, Gruevski shfaqej i pashqetësuar. Por kjo situatë do të zgjaste deri në janar të 2017-s, kur Prokuroria Speciale nisi hetimin për çështjen “Tanku”, në të cilën akuzoheshin dy individë se kanë përdorur postin e tyre zyrtar në vitin 2012 për të kryer një prokurim të paligjshëm të një automjeti Mercedes-Benz për një vlerë 600 mijë euro për të përmbushur dëshirën e Gruevskit, që në atë kohë ishte kryeministër. Disa muaj më pas Gjykata e Shkupit urdhëroi sekuestrimin e pasaportës së tij. Në dhjetor, Gruevski dha dorëheqjen nga drejtimi i VMRO-DPMNE-së pas humbjes së zgjedhjeve. Ndërsa me 23 maj të 2018-s, Gruevski u dënua me 2 vite burg për ndikim të paligjshëm ndaj zyrtarëve qeveritar në blerjen e një automjeti luksoz të blinduar. Ndërkohë,  ish kryeministri është i përfshirë edhe në disa çështje të tjera, për të cilat drejtësia maqedonase nuk ka marrë ende vendim. Kjo nënkupton se vitet e burgut ndaj Gruevskit mund të rriten ende. /abcnews.al

ME-PAK-FEMIJE-NE-MOSHE-ME-TE-MADHE-1280x720.jpg
ent ela16:05 | 17/10/2018

Shqipëria renditet ndër shtetet që për vite me radhë ka pësuar rënie të normës së lindshmërisë. Agjencia e Kombeve të Bashkuara për Popullsinë në raportin e fundit të saj vë në dukje se popullsia në vendin tonë ka rënë me mbi 50 % krahasuar me 60 vite më parë. Ndërkohë që paralajmëron qeverinë për rënie të mëtejshme nëse nuk ndërmerren politika sociale nxitëse.

Të rinjtë po krijojnë familje në moshë më të madhe dhe po priren të kenë më pak fëmijë. Në Shqipëri një grua lind fëmijën e parë mesatarisht rreth moshës 25 vjeçe, ndërkohë që shpesh mjaftohet vetëm me të. Kjo ka bërë që lindjet të bien nën nivelin e zëvendësimit dhe sipas Agjencisë së Kombeve të Bashkuara popullsia të tkurret me gati 50% krahasuar me vitet ‘60.

Bello: Tendencat e fertilitetit në botë kanë rënë me më shumë se 50%, duke e krahasuar me vitet ‘60. Edhe në Shqipëri ka rënë nga rreth 6 fëmijë për grua në rreth 1.5 fëmijë për grua.

Fertiliteti është më i ulët në vendet më të zhvilluara dhe tek gratë më të arsimuara vë në dukje Agjencia e Kombeve të Bashkuara për Popullsinë. Në raportin e fundit UNFPA tërheq vëmendjen e qeverive për me tepër politika sociale.

Ibrahimaj: Nëse institucionet sociale do të mbeten mbrapa për nxitjen e emnacipimit të gruas në kontekstin e ngarkimit të detyrave të saj më shumë se burrat, atëherë ne do ndjekim tendencën e vendeve si Italia, ku gratë kanë dyfishin e punës së burrave. Kjo në gjithë Mesdheun dhe numri i lindjeve do vazhdojë të reduktohet

Byrazeri: Një nsimë e tillë që targeton dhe foksuan çiftete e reja për të krijuar lehtësira në banesa është një terren i përshtatshëm për nje jetë të re të shëndetshme.

Një tjetër sugjerim vjen për nisma që nxisin arsimimin si dhe përfshirjen e edukatës seksuale në kurrikulat shkollore, pasi sipas Agjencisë së Kombeve të Bashkuara të Popullsisë në të gjithë botën rreth 99 milionë gra mbeten shtatzënë në mënyrë të pavullnetshme, ndërkohe që 300 mijë humbin jetën gjatë lindjes. /abcnews.al

vitamin-d-deficiency-can-lead-to-hair-loss.jpg
G. P.22:58 | 19/09/2018

Një element kimik i cili gjendet në një lloj peme indiane që ka përbërje nga ciflave e drunjve dhe vajrave të ndryshëm, sipas një studimi, thuhet se gjithashtu ndihmon edhe në stimulimin e rritjes së flokëve tek njerëzit.

Kërkimi u realizua me anë të indeve të marra nga skalpi në laborator dhe shkencëtarët të cilët u morën me këtë studim shprehen se tashmë ndodhen në prag të një trajtimi efektiv të rënies përfundimtare të flokëve. Proceset janë në fazën eksperimentale tek vullnetarët, por studiuesit thonë se janë shumë pranë zhvillimit të këtyre eksperimenteve nga laboratori nëpër klinikat e dermatologjisë.

“Është një zbulim mahnitës. Kjo është e para herë që është zbuluar se rimodelimi i një miniorgani njerëzor (flokut) mund të riparohet me anë të një deodoranti kozmetik shumë të përdorur në publik.”, -u shpreh Ralf Paus, shkencëtar në Universitetin e Mançesterit.

Për të arritur këtë rezultat, studiuesit ndoqën një shteg në folikulat e fijes së flokëve, të cilat i lejonin ato që të ngadalsonin vdekjen e këtyre strukturave dhe rigjallërimin e tyre. Ata e arritën këtë gjë me anë të elementi të quajtur sansalore, i cili vjen nga një lloj bime aromatike që shërben për të prodhuar parfume dhe sapunë. Aromat janë ndjesi të cilat aktivizohen kur molekulat e quajtura odorantë njihen nga qeliza të veçanta në hundë. Gjithashtu, më të dhënat e fundit të njëjtat qeliza ndihmojnë dhe në rregullimin e të tjera funksioneve trupore si rritja e flokëve.

Shkencëtarët vunë re se duke vënë deodorantin e lartpërmendur në indet e skalpit të kokës ata mund të rrisnin nivelin e pjellorisë së flokëve dhe të reduktonin qelizat e vdekura. Çuditërisht, rezultatet hedhin hipotezat se folikulat e flokëve kanë aftësinë që të “nuhasin”, me kuptimin që ata mund të përdorin receptorët e nuhatjes në shërbim të funksionëvë si rritja e flokëve.

Një zbulim i tillë është vërtet i shumëpritur për shkak se humbja e flokëve, sidomos tek meshkuj, është problem madhor në ditët e sotme. Pavarësisht se kompanitë kozmetike gjenerojnë miliona të ardhura nga produktet që ofrojnë për këtë kauzë, duket se efektiviteti mbetet shumë larg nga ajo ç’ka pritet. Por me këtë lajm të mirë nga shkencëtarët e Mançesterit duket se më në fund do të shijojmë ndjesinë e të pasurit flokë deri në moshë të madhe./abcnews.al

BIE-EURO-_ABC-1280x720.jpg
ent ela16:16 | 13/06/2018

Monedha e përbashkët Euro ka shënuar sërish rënie në tregun e brendshëm gjatë ditës së sotme, duke arritur në 126.15 lekë, pra 0.83 lekë më pak, se një ditë më parë. Vetëm dy ditët e fundit euro ka humbur 2.2 lekë, duke u larguar nga niveli më i lartë i prillit prej 128.34 lekë, që arriti në 11 qershor.

Në rënie ishin dhe të gjitha valutat e tjera. Dollari ra me 0.3 lekë, duke kapur vlerën 107.33 lekë, Paundi me 1.15 lekë, në 143.05 lekë.

Sezoni turistik ka filluar të japë efektet e veta dhe pritet që hyrjet e valutës, të rriten më shumë javën e ardhme, teksa mbarimi i muajit të Ramazanit do të shtojë fluksin e turistëve që vijnë nga Kosova. /abcnews.al

SEJKO-PER-KURSIN-E-KEMBIMIT-1280x720.jpg
ent ela19:27 | 02/05/2018

Monedha euro këmbehet në treg me 127.8 lekë, duke thelluar rekordin e rënies së saj në dekadën e fundit. Sipas guvernatorit të Bankës së Shqipërisë, Gent Sejko, faktorët kryesorë lidhen me flukset hyrëse të investimeve e mallrave në ekonominë shqiptare, por nuk përjashtohen as spekulimet në treg. Gjatë një konference për shtyp, ai kërkoi kujdes nga bizneset dhe qyetarët, që të mos pozicionohen me monedhat.

Monedha e përbashkët europiane vijon rënien në tregun e këmbimit valutor vendas. Të mërkurën një euro këmbehet me 127.8 lekë, duke pësuar një zhvlerësim me 0.8 lekë brenda 24 orëve të fundit. Përkurdarzi, në tregun e jashtëm, euro ka patur një tendencë të lehtë rritëse, përballë monedhave të tjera. Guvernatori i Bankës së Shqipërisë Gent Sejko, tha gjatë konferencës për shtyp se dobësimi i euros ka ardhur për dy lloj faktorësh, ata që quhen fondamentalë: shkëmbimet tregtare, remitancat dhe investimet e huaja.

Por për herë të parë, kreu i Bankës qëndrore ka pranuar si faktor edhe elementët spekulativë në treg. Duke iu referuar ndryshimeve të fundit të kursit, Gent Sejko tha se përndryshe nga pozitiviteti që japin faktorët fondamentalë të cilët përvcaktojnë një ekuilibër të ri në tregun valuator, elementët spekulativë dëmtojnë biznesin.

Banka e Shqipërisë përjashtoi elementët psikologjikë të deurizimit si ndikues në kursin e këmbimit, ndërsa u shpreh e gatshme që të ketë bisdemi me eksportuesit për t’i shpjeguar këtë nisëm e për t’i ndihmuar që të mos preken fitimet e tyre. /abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono