renditja

klp-1.jpeg
nev ila11:31 | 14/11/2019

KLP ka nxjerrë renditjen finale për kandidatët për pozicionin e Kryeprokurorit. KPL ka renditur Olsjan Çelën si të parin.

KLP është mbledhur që në orët e para të mëngjesit. Deri në këto momente KLP po zhvillon mbledhjen e saj për vlerësimin e 3 kandidaturave për Kryeprokuror. Sipas raportimit të gazetares Glidona Daci për abcnews.al, mbledhja është zhvilluar me tone dhe debate të ashpra mes anëtarëve të KLP.

Ndërkohë renditja me pikë sipas vlerësimit të KLP është:

  1. Olsjan Çela me 459 pikë
  2. Arta Marku me 406 pikë
  3. Fatjona Memçaj me 362 pikë

Secili nga prokurorët mund të ankimojë vendimin e KLP në gjykatën administrative për apelin. Por siç parashikohet nga ligji, faza finale për përzgjedhjen e Kryeprokurorit i takon Kuvendit.

Dje KLP në tri seanca maratone dëgjoi programet dhe vizionin e kandidatëve për Prokuror të Përgjithshëm. E para që doli para KLP-së ishte Arta Marku, e cila e nisi fjalën e saj duke folur për të shkuarën dhe eksperiencën e saj.

Marku tha para anëtarëve të KLP-së se nëse zgjidhej Kryeprokurore me mandat të plotë, do të përmirësonte treguesit e punës, do të rriste besimin e publikut në sistemin e Prokurorisë dhe do të punonte për tregues statistikorë të plotë dhe të saktë. Marku iu përgjigj edhe pyetjeve për ndikim, politikë, duke thënë se ajo kishte dhënë prova që është e pandikueshme dhe se të vetmen mbështetje që ka pasur, është ajo e ndërkombëtarëve.

E dyta që doli para Këshillit ishte prokurorja e Apelit të Tiranës, Fatjona Memçaj. Kjo e fundit e kishte mbështetur platformën e saj në monitorimin e punës së prokurorëve dhe zgjidhjes së problemeve që mund të kenë. Më tej, prokurorja tha se roli i Prokurorit të Përgjithshëm është që të sigurohet që respektohet ligji.

Prokurori i Krimeve të Rënda, Olsian Çela, ishte i fundit që doli para KLP-së dhe parashtroi platformën e tij. Çela tha se nëse do të ishte Prokurori i Përgjithshëm, do të bënte ndryshime rrënjësore në këtë institucion, duke e bërë më interaktiv, pavarësisht cungimit të kompetencave. Prokurori në programin e tij kishte evidentuar një sërë problemesh, një pjesë i konsideroi si “kronike” të sistemit dhe disa të tjera të krijuara rishtazi. Teksa foli për mosefikasitetin e politikave penale, Çela u shpreh ashpër ndaj punës së bërë nga Prokuroria gjatë kësaj kohe. Në platformën e tij, prokurori i Krimeve të Rënda tha se do të krijonte bashkëpunim me disa institucione dhe se do të monitoronte punën e prokurorëve, ku çdo 4 muaj do të zhvillonte një mbledhje me drejtues të prokurorive./abcnews.al

rryshfet.jpg
ent ela08:45 | 13/11/2019

Shqipëria bashkë me shtetet afrikane Sierra Leonen dhe Laon kryesuan listën globale të vendeve më të korruptuara sipas këndvështrimit të biznesit të evidentuar nga anketa e Ndërmarrjeve e Bankës Botërore, e cila zhvillohet në një interval 6 vjeçar.

Sipas të dhënave të Bankës Botërore që i referohen anketave të tre viteve të fundit nga 2016 në 2019 në vende të ndryshme shihet se Shqipëria kryeson listën globale ndër vendet e anketuara, ku 36.1 për qind e bizneseve kanë pohuar se janë ndeshur me praktika të korrupsionit. ( shih grafikun bashkëngjitur).

Shqipëria vjen e treta pas Sierra Leones dhe Laos ku përkatësisht 46.1 dhe 40.3 për qind e bizneseve kanë pohuar se kanë bërë pagesa korruptive.

Në këtë renditje Shqipëria ishte në mesin e vendeve afrikane, ku shumica e të cilave ishin në një pozicion mjaft më të mirë. Madje edhe në Bolivi dhe Kolumbi, që janë vende ku dominojë kartelet e drogës dhe krimit, duket se bizneset kanë marrëdhënie më korrekte me qeveritë e tyre.

Në Europë bizneset e Qipros dhe Turqisë kanë raportuar nivele të ulta korrupsioni me përkatësisht 0.2 dhe 1.4%.

Përqindja e bizneseve në Shqipëri që kanë pohuar se kanë paguara tarifa korrupsioni është rritur ndjeshëm që nga viti 2013, kur u bë anketa e fundit, ne te cilën  bizneset që aplikonin praktika korrupsioni përbenin afërisht 20 për qind të të anketuarve.

Anketa e ndërmarrjeve që kryhet nga Banka Botërore në bashkëpunimeve BERZH prodhon tregues të rëndësishëm të cilat vihen në themel të kërkimeve për klimën e biznesit në vende të ndryshme të botës.

Vrojtimi i Ndërmarrjeve është anketim i kompanive që përfshin një varg të gjerë çështjes biznesi si aksesin në financë, korrupsionin, infrastrukturën, krimin, konkurueshmërinë, dhe njësitë matëse të performancës. Rezultatet e vrojtimit përdoren për të informuar, dhënë përparësi dhe gjurmuar në kohë reforma të rëndësishme që i mundësojnë kompanive të rriten. Kampioni i këtij vrojtimi përbëhet nga pronarë të bizneseve dhe manaxherë të lartë nga 377 kompani që veprojnë në sektorë dhe rajone të ndryshme. intervistat janë kryer përgjatë periudhës janar-maj 2019.

Megjithatë zyra e Bankës Botërore në Shqipëri sqaroi se ndryshimet në perceptime janë shpesh të vështira për t’u kuptuar dhe interpretuar pasi ato shpesh nxiten edhe nga aspekte përtej përvojave të drejtpërdrejta, aspekte që Vrojtimi i Ndërmarrjeve nuk i mat. Për më tepër, vrojtimi vë në dukje se firmat janë bërë më të drejtpërdrejta në shprehjen e ankesave për të gjitha aspektet e operacioneve të biznesit të tyre. Ky është një zhvillim pozitiv pasi paraqitja e ankesave ndihmon në identifikimin e çështjeve që duhen adresuar. Lista e pengesave kryesore që bizneset hasin në veprimtarinë e tyre ka ndryshuar në mënyrë të konsiderueshme që nga viti 2013, por taksat dhe shkalla e lartë e informalitetit kanë mbetur në krye të listës ndër vite.

Kosova2.png
Vladimir Prenga13:46 | 24/10/2019

FIFA ka publikuar renditjen e muajit tetor dhe Shqipëria ka humbur një vend. Disfata me Turqinë dhe fitorja me Moldavinë na kanë sjellë këtë rezultat dhe kuqezinjtë e drejtuar nga Edoardo Reja tanimë pozicionohen ne vendin e 65-të. Turqia (32) ka bërë hapa përpara, duke u ngjitur me katër vende pas triumfit me ne dhe barazimit me Francën.

Kosova është një nga përfaqësueset që ka bërë ngjitjen më të madhe. Fitoret me Çekinë dhe Malin e Zi u ka dhënë pikë të rëndësishme dardanëve, që janë përmirësuar me pesë vende dhe tani renditen të 114-t.

KREU I RENDITJES – Asnjë ndryshim në katër vendet e para të renditjes së FIFA-s për muajin tetor. Belgjika ruan vendin e parë dhe ndiqet nga Franca e Brazili, kurse në pozicion e katërt është Anglia. Në dhjetëshen e parë ka disa lëvizje.

Uruguai, Kroacia dhe Argjentina kanë ngjitur nga vjen, duke zhvendosur me një pozicion më poshtë respektivisht Portugalinë, Spanjën dhe Kolumbinë. Italia (15) dhe Gjermani (16) kanë mbetur në vendnumëro, ndërkohë që Meksika dhe Holanda kanë ngjitur nga një vend. Tani ato renditen në vendin e 11-të dhe të 12-të. /abcnews.al

Renditja e FIFA-s, 10 vendet e para
Raiola.png
Igli Nikolli13:44 | 22/10/2019

Forbes ka kryer një analizë në lidhje me agjentët e sporteve të ndryshme. Prestigjiozja amerikane ka bërë një renditje në bazë të komisioneve që përfitojnë agjentët e sportistëve. Në krye qëndron Jonathan Barnett, kreu i grupit “Stellar Group”.

Emra si Gareth Bale i Real Madrid, Saul Niguez i Atletico Madrid dhe Wojciech Szczesny i Juventusit bëjnë pjesë tek agjencia e anglezit, i cili përfiton 128 milionë dollarë komisione.

Në vend të dytë gjendet Scot Boras, agjenti i njohur i bejsbollit, i cili është pjesë e grupit “Boras Corporation”. 66-vjeçari kalifornian përfiton 118.8 milionë dollarë komisione, ndërsa pas tij renditet Jorge Mendes.

Renditja e agjentëve më të pasur

Portugezi ka pjesë të agjencisë “Gestifute”emra si Cristiano Ronaldo, Bernardo Silva, Ederson dhe James Rodriguez. 118 milionë dollarë përfiton ai nga komisionet e transferimeve të ndryshme.

Pesëshja e parë plotësohet nga Jeff Schwartz dhe Mino Raiola. Agjenti i basketbollit përfiton 72.5 milionë dollarë, ndërsa agjenti i famshëm i futbollit, i cili ka në pronësi emra si Zlatan Ibrahimovic, Paul Pogba. Gianluigi Donnarumma dhe Mario Balotelli, përfiton 0.3 milionë dollarë nga komisionet vjetore. /abcnews.al

cinari.png
Vladimir Prenga08:26 | 20/10/2019

Tetë javë të luajtura në Superiore dhe kemi një ngjeshje të madhe në renditje, që vjen prej diferencave të vogla në renditje. Teuta është ekipi kryesues, që me vështirësi mposhti këtë javë Flamurtarin e vendit të fundit.

Durrsakët numërojnë 15 pikë në klasifikim, por diferenca me rivalët është e vogël. Katër pikë më shumë se Kukësi i vendit të shtatë ka Teuta, çka tregon edhe “trafikun” e krijuar në renditje. Partizani dhe Tirana janë dy ekipet e tjera që triumfuan këtë javë.

Të kuqtë mposhtën Vllazninë që ishte në vendin e parë në minutat shtesë dhe u ngjitën në vendin e dytë, para Tiranës që e ka mposhtur në ndeshje direkte. Festuan edhe bardheblutë një ditë më parë, duke mposhtur me vuajtje Laçin e Armando Cungut.

Bylisi e Skënderbeu mbeten në vendnumëro. Ballshiotët bënë një ndeshje të mirë në Gjirokastër, por morën vetëm një pikë. Gjithsesi kreu është dy pikë larg, si për ta, ashtu edhe për korçarët. Ekipi i drejtuar nga Ilir Daja dominoi Kukësin dhe mund të kishte fituar. Gjithsesi në fund skuadrat ndanë nga një pikë.

KATEGORIA SUPERIORE – JAVA 8

E premte, më 18 tetor 2019
Teuta-Flamurtari 1-0
E shtunë, më 19 tetor 2019

Luftëtari-Bylis 1-1
Tirana-Laçi 2-1
Vllaznia-Partizani 1-3
Skënderbeu-Kukësi 0-0

Tabela e klasifikimit në Kategorinë Superiore, pas javës së tetë

/abcnews.al

mane.jpg
ad min16:59 | 14/09/2019

Liverpool barazoi dy rekorde dhe forcoi pozitat në krye të renditjes së Premier Ligës angleze. Formacioni i trajnerit Jurgen Klopp mundi Newcastle me përmbysje.

Nuk dorëzohet kurrë kjo skuadër, as kur goditet që në fillim. Liverpool u shfaq sërish si një kandidat i madh për titull në Premier Ligë, duke përmbysur dizavantazhin e hershëm ndaj Newcastle e duke arritur fitoren e pestë radhazi.

Pasi miqtë kaluan në epërsi në “Anfield” me anë të Jetro Willemsit në minutën e 7-të, skuadra e trajnerit Jurgen Klopp mori lojën në dorë, duke treguar qartë se suksesi nuk do t’i shpëtonte nga dora.

Sadio Mane ishte heroi i pjesës së parë, autor i dy golave, por i gjithë Liverpool shkëlqeu. Sidomos lojtarët e krahut, Robertson e Alexandre-Arnold, mbrojtësit e qendrës Van Dijk e Matip, si dhe mesfushorët Fabinho e Wijnaldum.

Mane realizoi në minutat 28-të e 40-të, duke i dhënë vendasve epërsinë që në pjesën e parë, ndërsa pas pushimit u shfaq heroi tjetër. Mohamed Salah shënoi golin e tretë të ndeshjes, me të kuqtë që barazuan dy rekorde në Premier Ligë.

Së pari, ata u bënë skuadra e tretë që arrin 5 fitore në 5 ndeshjet e para dy sezone radhazi. Po ashtu, u bënë skuadra e tretë, bashkë me Chelsea-n e Manchester United, që shënojnë më shumë se 100 gola ndaj një skuadre të vetme që kur u krijua Premier Liga në 1992.

Më i rëndësishëm sesa barazimi i rekordeve ishte fakti se Liverpool u ngjit në kuotën e 15 pikëve, duke forcuar pozitat në krye të renditjes, ndërsa sfida për titull duket se do të jetë sërish shumë e fortë ndaj të njëjtit rival, Manchester City./ABC News Albania 24/7

world-most-admired-woman-1563457950.jpg
ad min23:15 | 18/07/2019

Lista e pesë burrave më të admiruar për vitin 2019 mbetet e pandryshuar nga ajo e një viti më parë, ndërkohë që në listën e grave ka pasur ndryshime. Angelina Jolie ka kaluar nga vendi i parë në vendin e tretë në studimin vjetor të YouGov ku përfshihen emra të rëndësishëm me ndikim botëror. Gruaja më e admiruar për vitin 2019 është Michelle Obama.

Ish Zonja e Parë e Amerikës ndiqet nga Oprah Winfrey në vendin e dytë.

Përsa i përket listës së burrave, ajo mbetet e pandryshuar që nga viti i kaluar ku kryeson Bill Gates. Barack Obama qëndron në vendin e dytë dhe kështu çifti Obama është praktikisht çifti më i pëlqyer i pranetit.

Listën e plotë e shihni në vijim:

2406737_MEDIAGRAPHICS-1280x468.jpg
nev ila22:16 | 14/06/2019

Në renditjen e FIFA-s për muajin qershor Shqipëria humbet 4 pozicione. Ndryshe paraqitet situata tek përfaqësuesja e Kosovës pasi dardanët kanë rikuperuar disa vende.

Shqipëria vijon rënien e lirë në renditjen e Fifas për muajin qershor ndërkohë që e kundërta ndodh me përfaqësuesen e Kosovës. Kuqe-zinjtë kanë humbur plot 4 vende duke zbritur nga vendi 62 në vendin e  64.

Fitorja ndaj Moldavisë nuk e ka ndihmuar aspak skuadrën e trajnerit Edi Reja për shkak të emrit të vogël.  Ndryshe paraqitet situata tek skuadra e Kosovës që nuk njeh humbje prej 14 ndeshjesh radhazi.

Dardanet barazuan me Malin e Zi dhe fituan me Bullgarin në kohën shtesë, rezultate që e kanë ndihmuar shumë skuadrën e teknikut Shaland në renditjen e muajit qershor.  Kosova renditet e 121 në rangun e Fifas, pozicion rekord që prej anëtarsimit në Fifa në vitin 2016.

Kosova ka rikuperuar plot 69 vende që prej asaj periudhe. Për muajin qershor, Kosova ka fituar 25 pikë në total më shumë se çdo skuadër tjetër. Tre vendet e para në renditjen e Fifas mbahen nga Belgjika, Franca dhe Brazili./ABC News Albania 24/7

SCARLETT-JOHANSSON-1280x720.jpg
ent ela17:47 | 18/08/2018

Skarlet Xhohanson, e njohur për rolin e Vejushës së Zezë, është klasifikuar nga revista amerikane “Forbes”, si aktorja më pasur për këtë vit. Pasuria e saj u shtua me më shumë se 40 milionë dollarë.

Scarlett Johansson është aktorja më e paguar për vitin 2018, sipas revistës amerikane “Forbes”. Këtë vit ajo katërfishoi të ardhurat që kishte në 2017, duke fituar 40.5 milionë dollarë. Pjesa më e madhe e tyre erdhi nga roli i Vejushës së Zezë.

Pas Scarlett Johansson, në listën e aktoreve më të pasura për këtë vit, sipas Forbes, renditet e dyta Angelina Jolie, me 28 milionë dollarë dhe Jennifer Aniston në vendin e tretë me 19.5 milionë dollarë. Jennifer Laërence është e katërta në renditjen e Forbes për pasurinë, me 18 milionë dollarë.

Kjo renditje merr parasysh të ardhurat e yjeve te filmit për periudhën midis 1 qershor 2017 dhe 1 qershor 2018. Revista e famshme e ekonomisë dhe financave amerikane ka vërtetuar se Johansson ia mori vendin e parë aktores Emma Stone, e cila pas filmit ” La La Land “dhe çmimit Oscar për Aktoren më të Mirë, e mbylli 2017 para të gjithë kolegëve të saj. Por gjithçka ndryshoi këtë vit dhe Stone nuk është as në dhjetëshen e aktoreve më të paguara.

Ndërkohë, Scarlett Johansson do të rinisë punën për rolin ikonë të Vejushës së Zezë në “Avengers 4”, që do të dalë në vitin 2019. /abcnews.al

 

Madonna_1.jpg
ent ela19:50 | 08/08/2018

Teksa ky muaj shënon 60 vjetorin e Madonës le të bejmë një retrospektivë në karrierën e saj duke sjellë në vëmëndje kryeveprat e muzikës POP. Këngëtarja legjendare mbetet një nga zërat më domethënës në industrinë e muzikës dhe një nga figurat më influencuese për brezat pas saj. Hitet e artistes janë të panumërta duke e bërë atë një ikonë të pazëvendësueshme dhe unike. Ajo gjithashtu është konsideruar nga “Billboard”, si artisja femër më e sukshesshme e të gjitha kohërave.

Më poshtë janë të gjithë albumet e saj të rënditura nga më pak i miri deri tek më i arriri:

15. MDNA (2012)
MDNA është konsideruar si albumi më pak i suksesshëm i Madonës. Ai u hodh në treg në periudhën në të cilën këngëtarja do të performonte në ceremoninë sportive Super Bowl, një ndër skenat më të mëdha amerikane, ku ajo pati një spekatakël muzike duke përthithur me mbi 100 milionë ndjekës. Por në kundërshti me përformancën, albumi i saj u eklipsua duke bërë të mundur që publiku të fokusohej vetëm tek kënga “Give Me All Your Lovin’” në bashkëpunim me reperet Nicki Minaj dhe MIA.

14. American Life (2003)
Në këtë album Madonna bën thirrje se fama dhe paraja nuk i bëjnë njerëzit të lumtur. Kjo vepër përmban mesazhe të forta për ndryshim dhe kryengritje ndaj një sistemi të padrejtë ku mund të kesh rënë pre.

13. Hard Candy (2008)
Albumi i prodhuar nga Pharrel Williams, Justin Timberlake dhe Timbaland, nuk u prit dhe aq mirë nga publiku. Shkak për këtë u bë fakti se Madona vihej në hije nga vetë producentët e saj duke pasur vokalin e tyre shoqërues në çdo këngë të albumit.

12. Music (2000)
Albumi “Music” për këngëtaren u bë një sukses europian, por nuk u mirëprit nga kritika amerikane. Në këtë version Madona tregon anën e saj ritmike duke e ngopur albumin me këngë të ritmeve “dance”.

11. I’m Breathless (1990)
Ky album është kolona zanore e filmit “Dick Tracy”. Artistja vjen këtë herë me muzikë të rrymës Jazz. Thuhet se ajo filloi të pinte duhan në mënyrë që ta bënte zërin e saj sa më frymor dhe të përshtatshëm për këtë rrymën.

10. Rebel Heart (2015)
Ky është albumi më i fundit i Madonës deri tani. Një frymë e re dhe melodi më moderne u sollën në këtë projekt. Madona u mundua të afrohej më shumë me publikun e ri duke sjellë këngë si “B***h I’m Madonna” dhe “Living for Love”.

9. Bedtime Stories (1994)
Albumi “Bedtime Stories” vjen me ritme R&B dhe me këngë të prodhuara nga artistja e njohur Bjork. Këngëtarja vjen më joshëse se kurrë duke interpretuar këngë seksuale dhe duke thyer tabu në botën e muzikës femërore dhe duke hedhur poshtë censurimin e çështjeve të konsideruara imorale.

8. Erotica (1992)
Kulmi seksual në muzikën e Madonës arrin me albumin “Erotica”. Aty tregohet natyra dominuese e saj dhe alter egoja e quajtur Dita. Ky projekt u bë publik në të njëjtën kohë me librin e saj të seksit.

7. Confessions on a Dancefloor (2005)
Në këtë album Madona shfaqi dëshirën për të kërcyer përsëri. Shumica e kengëve janë ritme të klubeve të natës dhe melodi që të nxisit dëshirën për tu argëtuar. Kënga më e suksesshmë e kësaj periudhe mbetet “Hug Up” një ribërje e hitit të Abba-s “Gimmie Gimmie Gimme”, e cila arriti majën e klasifikimeve ne 41 vende të botës.

6. Madonna (1983)
Ky është albumi debutues i këngëtares . Kjo kryevepër bëri të mundur që të gjithë të njihëshin me potencialin e këngëtares duke e kristalizuar atë përgjithmonë në botën e muzikës. Megjithatë ky nuk është albumi i preferuar për vetë Madonën.

5. Ray of Light (1998)
Mbetet një ndër albumet më të fuqishëm të artistes. Ray of Light u krijua pasi ajo u njoh me botën e Hinduizmit. Ky album u regjistrua gjatë kohës që ajo ishte shtatzënë dhe si produkt kemi kengë të paharueshmë si “Frozen” apo “The Power of Goodbye”. Ky është albumi i tretë më i shitur në karrierën e saj.

4. True Blue (1986)
Albumi nis me këngë mega hite si “Papa don’t preach”, të cilat nxjerrin në pah shpirtin antikonfromist dhe dëshirën për të thyer rregullat të këngëtarës. Ky projekt u bë himn për adoleshentët në të gjithë globin duke e bërë Mdonën një adoleshëntë të përjetshme.

3. Like a Virgin (1984)
Madona tregoi që kurrë nuk do vihej nën zinxhirë me këtë album. Fuqizimi fëmëror mbetët kryefjala e kësaj kryevëpre. Ajo frymëzoi shumë artistë me këtë album që të shkruanin për lirinë e tyre seksuale e shpirtërore.

2. Like a Prayer (1989)
Ky album u bë publik kur ajo mbushi të 30-at dhe pasi martesa e saj me aktorin Sean Penn dështoi. Këngë si “Express Yourself” dhe “Like a Prayer” mbeten hite që janë përsëritur herë pas herë nga këngëtarë të mëvonshëm, si Lady Gaga me kengën “Born this Way”, por pa arritur të njëjtin impakt historik që vepra e Madonnës kishte.

1.The Immaculate Collection (1990)
Sigurisht, në vend të parë është një përmbledhje e këngëve më të suksesshme të Madonës. Hite që i dhanë përkufizim muzikës POP. Shndërruar në fenomen këngëtarja ka vënë vulën e pa lëkundur trashëgimisë së saj artistike./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono