rekord

antarktide.jpg
ger ta14:26 | 14/02/2020

Antarktida ka shënuar rekord me temperaturat, duke tejkaluar mbi 20 gradë celcius. Studiuesit kanë regjistruar një temperaturë prej 20,75 gradë në një ishull të Antarktidës.

Shkencëtari brazilian Carlos Schaefer i tha AFP se “kurrë nuk kishin parë një temperaturë të lartë në Antarktidë”.

Por ai paralajmëroi që temperatura, e regjistruar në 9 shkurt, ishte vetëm një lexim dhe jo pjesë e një grupi të të dhënave afatgjata.

Kontinenti gjithashtu shënoi një rekord javën e kaluar, me një lexim të temperaturës 18.3C në gadishullin Antarktik.

Ky lexim i fundit u mor në një stacion monitorimi në ishullin Seymour, pjesë e një zinxhiri ishujsh në të njëjtin gadishull, në pikën më veriore të kontinentit.

Megjithëse temperatura është një rekord i lartë, Schaefer theksoi se leximi nuk ishte pjesë e një studimi më të gjerë dhe kështu, në vetvete, nuk mund të përdoret për të parashikuar ndryshime klimatike në të ardhmen.

“Ne nuk mund ta përdorim këtë për të parashikuar ndryshime klimatike në të ardhmen”, tha ai. “Është thjesht një sinjal se diçka ndryshe po ndodh në atë zone”, shtoi ai.

Sipas Organizatës Meteorologjike Botërore të KB (OMO), temperaturat në Gadishullin Antarktik janë rritur me gati 3 gradë gjatë 50 viteve të fundit. Gjatë 12 viteve të fundit, akullnajat kanë pësuar ndryshim.  Muaji i kaluar ishte gjithashtu një rekord, duke qenë si ishte Janari më i ngrohtë i Antarktidës. /abcnews.al

ronaldo-2-1280x853.jpg
Vladimir Prenga09:37 | 09/02/2020

Cristiano Ronaldo në historinë e Juventusit. Shifrat flasin vetë dhe portugezi ka thyer rekordin që mbahej më parë nga David Trezeguet. Francezi kishte shënuar me fanellën bardhezi në nëntë ndeshje radhazi në Serie A, kurse CR7, pas goli të realizuar ndaj Hellas Verona, regjistron gola në 10 sfida njëra pas tjetrës.

Rekordin e ndajnë dy lojtarë, një legjendë si Gabriel Omar Batistuta dhe Fabio Quagliarella. Ata kanë shënuar në 11 ndeshje radhazi dhe Ronaldo ka mundësinë që fundjavën e ardhshme kundër Brescia ta barazojë atë rekord dhe më pas pjesë jo të shënojë emrin në historinë e Serie A.

Ronaldo e nisi serinë e golave që në fillim të muajit dhjetor, teksa shënoi në portën e Sassuolo, për të vijuar me Lazio (1 gol), Udinese (2 gola), Sampdoria (1 gola), Cagliari (3 gola), Roma (1 gol), Parma (2 gola), Napoli (1 gol), Fiorentina (2 gola) dhe ditën e ditën e djeshme kur shënoi ndaj Hellas Verona. / abcnews.al

1000x563_cmsv2_ebc75da4-0e86-5ed0-97cf-3124928e65fa-4487178.jpg
eri Ida17:50 | 07/02/2020

Ndryshimet drastike të motit të kohëve të fundit kanë sjellë rritje të temperaturave në Antarktidë. Mediat e huaja raportojnë se janë regjistruar temperatura e lartë prej 18.3 gradë celsius, duke thyer një tjetër rekord.

Rekordi i fundit u shënua në mars të 2015, kur u regjistrua temperature 17.5 gradë celsius. Ndërkohë një shkencëtar i klimës në Universitetin Victoria të Uellingtonit, Prof James Renëick, i cili ka verifikuar regjistrimet e mëparshme në Antarktidë, tha se kjo temperaturë është shumë domethënëse.

“Leximi është mbresëlënës pasi janë vetëm pesë vjet nga vendosja e rekordit të mëparshëm dhe kjo është pothuajse një shkallë më e lartë se një gradë. Është një shenjë e ngrohjes që po ndodh shumë më shpejt se mesatarja globale”.

Sipas Organizatës Botërore Meteorologjike sqaron se Gadishulli i Antarktidës është një nga vendet që ngrohet më shpejt në tokë, me gati 3 grade gjatë 50 viteve të fundit./abcnews.al

astronaut-Christina-Koch-returns-to-earth.jpg
eri Ida17:44 | 06/02/2020

Astronautja e  NASA-s, Christina Koch është edhe gruaja e cila ka vendosur rekord të ri në fluturimin hapësinor. Mediat e huaja raportojnë se ajo ka kaluar 328 ditë në Stacionin Ndërkombëtar Hapësinor (ISS), duke tejkaluar rekordin e mëparshëm të mbajtur nga kolegia amerikane Peggy Whitson prej 289-ditësh.

Whitson mban ende rekordin për shumicën e kohës së kaluar në hapësirë nga një grua, e mbledhur gjatë tre fluturimeve hapësinore nga viti 2002-2017.

Gjatë misionit të saj, Koch përfundoi 5.248 orbitat e Tokës dhe udhëtoi 223 milionë km, 139 milionë milje, ekuivalentin e 291 udhëtimeve të rrumbullakëta nga Toka në Hënë.

 

 

Ajo u kthye në Soyuz me dy anëtarë të tjerë të ekuipazhit, astronauti Italian i “Agjencisë Evropiane të Hapësirës” Luca Parmitano dhe kozmonauti rus Aleksandër Skvortsov.

“Për mua, ka të bëjë me nderin që ndiej të ndjek në gjurmët e heronjve të mi,” tha Christina Koch./abcnews.al

MBULIM-LUIZA-GEGA.mpg_snapshot_00.02-1280x720.jpg
Vladimir Prenga15:15 | 01/02/2020

Luiza Gega fiton medaljen e bronzit në Mitingun e Atletikës në Salla të Mbyllura në Karlsruhe të Gjermanisë. Sportistja shqiptare theu edhe rekordin kombëtar në garën e 3 000 metrave

E dha sinjalin që në fillim të vitit. Luiza Gega ishte e shkëlqyer në garën e parë të 2020-ës, zhvilluar në Gjermani, duke dhënë shpresë për suksese e medalje. Atletja më e mirë shqiptare doli në vend të tretë në konkurrimin e 3 000 metrave në Mitingun në Salla të Mbyllura në Karlsruhe të Gjermanisë, madje me një rezultat vërtet të shkëlqyer.

Ajo dha kohën 8’44”46, duke e ulur ndjeshëm rekordin kombëtar, që është edhe rekordi i saj personal në këtë garë. Koha e mëparshme e Gegës ishte 8’52”53, pra përmirësimi është i jashtëzakonshëm, mbi 8 sekonda.

Ky miting ishte pjesë e Turit Botëror, pra një nga më të rëndësishmit e vitit. Gara u fitua nga atletja nga Etiopia, Fantu Uorku, me kohën më të mirë të botës për këtë vit, 8’37”58, ndërsa në vend të dytë doli Kiprop e Kenias, me gati 3 sekonda vonesë.

Edhe koha e Gegës ishte më e mirë se koha më e mirë e vitit për salla të mbyllura. Synimet e atletes shqiptare janë për një përfaqësim sa më të mirë në Kampionatin Botëror në Salla të Mbyllura, që është në program të zhvillohet në Nankin të Kinës në muajin mars, por sidomos në Lojërat Olimpike Verore që do të mbahen në Tokio të Japonisë në korrik-gusht të këtij viti. /abcnews.al

 

Rezultatet e garës

 

pigh.jpg
Vladimir Prenga12:36 | 28/01/2020

Një sipërmarrje e jashtëzakonshme e paprecedentë: 50-vjeçari Lewis Pugh notoi poshtë një ajsbergu në Antarktidë vetëm me një kostum banje dhe kufje. Gjatësia e trajektores ishte 1 kilometër dhe temperatura e ujit rreth zero gradë.

Ai notoi për 10 minuta e 17 sekonda. Sipërmarrja u krye në dëshminë e ambasadorit të kombeve të bashkuara për Antarktidën, yllit të hokejit sovjetik Fetisov, dhe iu dedikua përvjetorit të zbulimit të Antarktidës nga eksploruesi rus Belings’hausen.

Objektivi i Lewis ishte rikthimi i vëmendjes tek problemet e ambientit dhe ndryshimet klimatike. Kjo nuk është hera e parë për të që noton në ujëra të ftohta, por sipas asaj që deklaroi, notimi poshtë një ajsbergu e frikësonte më shumë. /abcnews.al

france-protesta.jpg
ger ta14:36 | 03/01/2020

Mobilizimi në Francë kundër reformës së pensioneve të kërkuar nga president Emanuel Macron, ka shënuar një rekord të ri për sa i përket kohëzgjatjes. Në ditën e 29 rradhazi të grevës, është lënë pas rekordi prej 22 ditësh në 1995-ën, si dhe ai i 1986-87, prej 28 ditësh.

Mediat franceze raportojnë këtë fakt duke shpjeguar se kohëzgjatja vjen si pasojë e disa faktorëve, si për shembull karakterit universal të reformës, që u përket të gjithë francezëve dhe që kontribuon në ruajtjen e mbështetjes së lartë të opinionit publik. Gjatë javës së tretë të grevës, situata është përmirësuar pak. Nënpunësit e transportit publik në grevë nuk kanë marë pagën e tyre dhe kjo ka bërë që disa prej tyre t’i rikthehen punës.

Në ditët e para të mobilizimit greva shënonte një pjesëmarrje deri në 70 përqind dhe punëtorët e hekurudhave mund të mbulonin vetëm 10 përqind të punës. Aktualisht niveli i pjesëmarrjes në grevë ëshët deri në 44 përqind. Negociatat aktuale mes qeverisë dhe sindikatave kanë shënuar pak progress dhe duhet të rinisin në 6 janar.

Reforma e pensioneve e kërkuar nga Macron synon redukrimin e pensioneve dhe rritjen e moshës së daljes në pension në radhët e nënpunësve të transportit publik duke afruar trajtimin e tyre me atë të kategorive të reja. Aktualisht sistemi i pensioneve të transportit publik  është veçanërisht i komplikuar dhe ka shumë avantazhe për nënpunësit; avantazhe të cilat ata i kanë fituar si pasojë e shumë betejave të tilla gjatë viteve. Macron dhe qeveria e tij akuzojnë se ky sistem prodhon privilegje për nënpunësit e hekurudhave dhe premtuan se do e modifikojnë. Sindikatat nga ana e tyre akuzojnë qeverinë se po përdor reformën e pensioneve si justifikim për të hequr të drejtat e fituara me mund dhe për t’i hapur rrugë privatizimit të sistemit të transportit public francez.

Qeveria franceze dëshiron të vendosë në fuqi një sistem të mbështetur në kontributet e derdhura, ndërsa regjimi aktuali lejon shumë punëtorëve të llogarisin pensionin në bazën e viteve kur kanë kontribuar më shumë./abcnews.al

dubaiii.jpg
So Nila14:36 | 03/01/2020

Dubai është mësuar të thyejë rekordet e veta krahasuar me shumë vende të tjera të botës.

Për metropolin e Emirateve të Bashkuara Arabe nuk ishte e mjaftueshme që të ndërtonte vetëm dy hotelet më të larta në botë : donte të ndërtonte një të tretë, i cili do të linte banorët dhe turistët të mahnitur.

Ndërtesa do të quhet “Hotel Ciel” dhe do të jetë 360 metra i lartë, katër më shumë se mbajtësi i rekordit aktual, “Gevora”, i cili nga ana e tij kishte tejkaluar paraardhësin e tij JW Marriott Marquis me një metër.

Struktura do të zhvillohet në 82 nivele dhe do të jetë e hapur për publikun deri në fund të vitit 2022 dhe fillimin e vitit 2023./abcnews.al

 

 

 

 

 

 

 

 

rama-11.jpg
in a15:07 | 16/12/2019

Shishja më e madhe e wiskit në botë është shitur në ankand për shifrën e 18 mijë eurove. Sipas Graham Krejn, drejtorit të shtëpisë së ankandeve “Xhast Wiski” që realizoi dhe shitjen, bëhet fjalë për një shishe wiski vërtet unike, e lartë një metër e gjysëm, përmban 105.3 litra, baraz me rreth 150 shishe standarte.

E prodhuar në gusht të 2009-ës nga distileria Tomintaul në rajonin skocez të Spejsajd, shishja përmban një wiski prej malti të vjetër 14 vjet. Ai u ekspozua për herë të parë në muzeun e Wiskit në Edimburg në vitin 2012.

Në atë kohë shishja vlente 5 mijë stërlina./abcnews.al

hong-kong-rekord.jpg
ger ta08:34 | 24/11/2019

Pas protestave dhe kaosit që vijon prej muajsh, Hong Kong-u ka shënuar një rekord.

Një numër rekord qytetarësh kanë dalë për për të hedhur votën e tyre në zgjedhjet e këshillit në Hong Kong.

Zgjedhjet shihen si një provë e mbështetjes për Shefen Ekzekutive në Hong Kong, Carrie Lam.

Grupet e protestuesve pro-demokracisë shpresojnë se votimi do t’i dërgojë një mesazh qeverisë kineze pas pesë muajve të trazirave dhe protestave antiqeveritare.

Radhët e gjata janë krijuar të hënën në mesin e votimeve nga frika se mund të mbyllen nga autoritetet për shkak të dhunës.

Në vazhdën e zgjedhjeve, grupet protestuese pro-demokracisë u kishin kërkuar njerëzve që të mos shkaktonin përçarje. Asnjë incident nuk është raportuar deri më tani.

Një rekord 4.1 milion njerëz janë regjistruar për të votuar – më shumë se gjysma e popullsisë prej 7.4 milion.

Më shumë se 400 këshilltarë do të zgjidhen në këshillin e Hong Kongut.

Mbështetësit pro-demokracisë shpresojnë se ata do të jenë në gjendje të rrisin përfaqësimin e tyre në këshill, i cili tradicionalisht ka njëfarë ndikimi në zgjedhjen e shefit ekzekutiv të qytetit.

Kandidatët pro-Pekinit po u bëjnë thirrje votuesve t’i mbështesin ata në mënyrë që të shprehin zhgënjimin ndaj trazirave të shkaktuara nga përleshjet e vazhdueshme midis protestuesve dhe policisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono