rekord

KINE-E-PREMTJA-E-ZEZE-1280x720.jpg
ent ela12:27 | 11/11/2019

E “premtja e zezë” kineze ka shënuar rekordin e më shumë se 28 miliardë dollarë të shpenzuara për blerje brenda 24 orëve. Vetëm në 68 sekondat e para, dollarët e shpenzuar për blerje online, ishin 14.3 miliardë.

“Alibaba” mbyll edicionin e 11 të festivalit për blerjet në ditët teke, një ditë dedikuar blerjeve të shfrenuara në faqet online në Kinë. Të ngjashme me të premten e zezë amerikane.

Në fakt janë shënuar shitje rekord në platformën online të kolosit kinez. Pasditen e të hënës  me orën lokale të Kinës u shënuan 28.6 miliardë dollarë të shpenzuara.

E hapur mesnatën mes të dielës dhe të hënës, me bekimin e yllit amerikan Tejlor Suift, në një mbrëmje gala të mbajtur në Shangai për këtë vit, blerjet për 68 sekondat e para shënuan një shifër prej 14.3 miliard dollarë.

Në këtë mënyrë është lënë prapa dhe e premtja e zezë amerikanë, në nëtor, që i dedikohet shpenzimeve. Iniciativa e Ali Babës shtyu dhe pjesëmarrjen e platformave të tjera si Xhej Di dhe Saning. /abcnews.al

PSG.jpg
Vladimir Prenga13:31 | 07/11/2019

PSG mposhti një ditë më parë Club Brugge me rezultatin e ngushtë 1-0 dhe regjistroi fitoren e katërt radhazi, madje pa pësuar asnjë gol. Francezët bëhen të vetmit që e kanë bërë diçka të tillë, katër fitore në ndeshjet e para pa pësuar gol, në më shumë se një sezon.

Gjiganti francez e ka regjistruar diçka të tillë edhe në sezonin 2017-2018. Asokohe në ndeshjen e parë mundën 0-5 skocezët e Celtic, për të vijuar me triumfin 3-0 ndaj gjermanëve të Bayern Munich dhe dy fitoret ndaj Anderlecht me rezultatet 0-4 dhe 5-0.

Këtë sezon “viktimat” kanë qenë Real Madrid (3-0), Galatasaray (0-1) dhe Club Brugge së fundmi, që francezët e kanë mposhtur 0-5 dhe 1-0. /abcnews.al

genoa-1280x836.jpg
Vladimir Prenga08:50 | 27/10/2019

Rekord historik në Serie A. Hera e parë që ndodh, që në një ndeshje të kampionatit italian të shënojnë të tre lojtarë e hedhur në fushë si zëvendëses. Ky rekord unik është regjistruar një ditë më parë, në sfidën Genoa-Brescia.

Tiago Motta ka “goditur” në me tre lëvizjet e bëra nga stoli. Agudelo ishte lojtari i parë i hedhur në fushë, sapo filloi pjesa e dytë. Lojtari në fjalë, pasi kishte kaluar çerek ore lojë, arriti të shënonte dhe të baraspeshonte shifrat.

Kouame dhe Pandev ishin dy lojtarët e aktivizuar nga Motta dhe të dy këta futbollistë ia dolën të shënonin nga një gol dhe në fund Genoa fitoi me rezultatin 3-1. Tashmë ata kanë vendosur edhe një rekord historik. /abcnews.al

Trent-Alexander-Arnold.jpeg
Vladimir Prenga21:17 | 16/10/2019

Trent Alexander-Arnold ka zhvilluar një sezon fantastik një sezon më parë me Liverpool. Mbrojtësi i krahut ishte një nga lojtarët më të rëndësishëm dhe që dha një kontribut të madh në fitimin e Champions League.

Me “The Reds” ai ishte shumë pranë fitimit të titullit kampion, ndërkohë që nuk kanë munguar edhe vlerësimet në aspektin personal për të. Me atë që ka bërë sezonin e shkuar, Trent Alexander-Arnold ia ka dalë të futet në librin e rekordeve Guinnes.

21-vjeçari u bë mbrojtësi i parë i cili në një sezon në Premier League dha 12 asiste. Futbollisti i Liverpool ka shpërndarë edhe foto me çmimin në rrjetet sociale.  “Si mundem t’ju asistoj? E shkëlqyeshme të mbaj një rekord në librin Guinnes”, shkruan Trent Alexander-Arnold. /abcnews.al

shqiperia-gol.jpg
Vladimir Prenga08:19 | 15/10/2019

Shqipëria e Edi Rejës. Tani mund të thuhet se kombëtarja jonë është ajo për të cilën trajneri italian ka punuar. Modest pas fitores me Moldavinë, teksa i dha merita lojtarëve dhe stafit të tij. “Kur punohet mirë dhe ke këtë staf, sigurisht do të vijnë edhe rezultatet”, tha Reja pas ndeshjes. Mesazh i qartë: Puna të çon te suksesi.

Triumfi me rezultatin 4-0 në transfertë me Moldavinë përbën një rekord për kombëtaren tonë. Kurrë në të shkuarën kuqezinjtë nuk kishin shënuar katër gola në një takim në transfertë. Mbrëmja e djeshme do të futet në histori. Shqipëria më së shumti kishte fituar 0-3, ndaj Andorrës, Izraelit dhe Armenisë, kur siguruam kualifikimin në Europian.

Këto janë më të freskëtat, për të mos u kthyer pas në një miqësore me San Marinon, në qershor të vitit 2014. Ndaj Moldavisë Shqipëria regjistroi edhe një tjetër rekord. Tre gola në pjesën e parë kuqezinjtë nuk i kishin realizuar kurrë. Rekord, i ndihmuar duhet thënë edhe nga gabimet e moldavëve.

Cikalleshi dhe Manaj festojnë golin e parë ndaj Moldavisë

GJAKU I RI – Në fushë ndaj Moldavisë nuk kishte asnjë futbollit që i ka mbushur 30 vjeç. Gradualisht trajneri Reja i ka ulur moshën mesatare kuqezinjve, por sërish ka lojtarë me eksperiencë. Së bashku me të rinjtë është bërë një ndërthurje brezash, prej të cilëve pritet lojë e mirë dhe rezultate.

Të Shqipërisë përfundimisht janë edhe Marash Kumbulla dhe Lindon Selahi. Të dy 19-vjeçarë, pjesë e skuadrave që luajnë në elitë në Itali dhe Holandë. Të luash në Serie A, në moshë aq të re, nuk është aspak e lehtë. Shtatlarti i mbrojtjes debutoi dje, sikurse edhe mesfushori i Twente. Shumëkush në vend e kishte merakun për t’i “djegur”.

Në fakt të rinjtë nuk ndihen mirë ta dëgjojnë diçka të tillë, pasi zgjedhja e tyre ka qenë Shqipëria. Tanimë presin edhe më shumë minuta, që t’i japin edhe më shumë nga freskia e tyre kombëtares shqiptare. Të tjerë lojtarë nga Shqipëria U21 presin radhën, për të kontribuar për kombëtaren. Nëse do e meritojnë, Reja apo nëse zgjidhet një trajner tjetër, do të bëjë gati ftesën… /abcnews.al

Lindon Selahi dhe Ylber Ramadani
besart-berisha-1280x798.jpg
Vladimir Prenga13:09 | 13/10/2019

Besart Berisha ka një vend ku shënon gjithmonë. Në Austri sulmuesi nuk të fal dhe sot i ka dhënë fitoren skuadrës së tij, Western United. Wellindton Phoenix, skuadër tjetër që e kërkoi këtë verë, ishte “viktima”.

Berisha  shënoi në minutën e 34-t të takimit. Brenda zonës sulmuesi 34-vjeçar nuk fal dhe në fund gëzimi është më i madh kur goli i shënuar ka vlerën e tre pikëve. Nisje më të mirë për të nuk mund të kishte.

Me golin e shënuar Berisha ka thelluar edhe më shumë rekordin e tij në A-League. Ai është shënuesi më i mirë në gjithë historinë e këtij kampionati, tashmë me shifrën e re që shkon në 117 gola të realizuar në 1987 ndeshje.  /abcnews.al

atlet.png
Vladimir Prenga11:36 | 12/10/2019

E kishte ndarë mendjen për ta thyer rekordin dhe ia ka dalë. Vjet dështoi për 25 sekonda, por këtë herë Eliud Kipchoge është ngjitur në “Olimp”. 34-vjeçari bëhet njeriu i parë që ia del të përfundojë një maratonë në më pak se dy orë.

Koha e regjistruar prej tij është 1:59:40, ndërkohë që ka vrapuar me një shpejtësi mesatare 13 milje/orë. Kipchoge ishte përgatitur për ta vendosur këtë rekord, teksa ishin 41 atletë që po e ndihmonin. Keniani ndihmohej edhe përmes një lazeri, për t’i treguar trajektoren ku duhej të vraponte.

“Ndihem mirë. U dëshën 65 vite që një njeri të bëjë histori në këtë sport, pas Ronnie Bannister që e bëri në vitin 1954. E provova dhe ia dola. Jam njeriu më i lumtur në botë që arrij të vrapoj në një distancë të tillë në më pak se dy orë dhe duke inspiruar njerëzit. Kjo tregon se asnjë qënie njerëzore nuk ka limite. Mund t’ia dilni”, tha Kipchoge, i cili vendosi një rekord që nuk konsiderohet zyrtar, pasi u zhvillua në një park në Austri./abcnews.al

Neymar-rekord.jpg
Igli Nikolli16:29 | 10/10/2019

Neymar u aktivizua gjatë gjithë ndeshjes së sotme kundër Senegalit. Ylli i PSG nuk arriti të shënonte, por ndjeu kënaqësi dhe krenari gjatë kësaj miqësoreje. Kjo ishte hera e 100-të që sulmuesi mbante veshur fanellën e kombëtares.

27-vjeçari barazoi Robinhon me prezencën e sotme, por ka ende lojtarë sipër tij. Rekordi absolut i takon mbrojtësit Cafu, i cili numëron plot 142 ndeshje të zhvilluara me “Selecao”-n.

Pas tij renditet Roberto Carlos me 125 aktivizime, Dani Alves me 116, Lucio me 105 dhe portieri Taffarel me vetëm një ndeshje më shumë se Neymar. /abcnews.al

Messi.png
Vladimir Prenga10:07 | 08/10/2019

Lionel Messi është rekordmen absolut te Barcelona. Argjentinasi, me golin e shënuar kundër skuadrës së Sevilla, ka thyer rekordin e Carles Rexach dhe Xavit. “Pleshti” ia ka dalë të shënojë në 16 sezone me fanellën e katalanasve, si askush tjetër.

Rexach dhe Xavi kishin shënuar në 15 sezone me Barcelonën dhe shohin t’u thyhet rekordi nga Messi. Iniesta ka shënuar në 13 sezone, Asensi, Carrasco dhe Pique kanë realizuar gola në 11 sezone. Për t’u thyer rekordi i Messit duhen pritur shumë vite.

Goli kundër Sevillas ishte i 604-i për Messin me fanellën e Barcelonës. 420 prej tyre sulmuesi i ka realizuar në La Liga. Argjentinasi ka provuar të shënojë me çdo pjesë të trupit. Më këmbën e djathtë ai ka shënuar 495 herë, 85 me të djathtën, ndërkohë që ka realizuar edhe 22 gola me kokë. Messi ka provuar të shënojë edhe me dorë e kraharor. /abcnews.al

lOKOMOTIV-mOSKA.jpg
Igli Nikolli20:15 | 24/09/2019

Lokomotiva e Moskës po kalon një formë shumë të mirë. Ekipi rus ka fituar tre transfertat e fundit mes kampionatit dhe Champions League. 0-1 përballë Sochi, 1-2 përballë Bayer Leverkusen dhe 2-3 kundër Orenburg.

Ekipi renditet në vend të pestë në kampionatin rus, ndërsa aventura në Champions ka nisur në mënyrën më të mirë të mundshme. Nëse në fushën e blertë gjithçka po shkon vaj, këto ditë kanë qenë sfilitëse për tifozët e Lokomotivës.

Shtatori ka qenë tepër impenjativ për ta, të cilët e kanë ndjekur ekipin nga afër në këto 3 transferta. Nesër ekipi luan sërish jashtë, kësaj radhe për Kupën e Rusisë. Lokomotiva udhëton drejt Kaliningradit për t’u ndeshur me Baltikën.

4 transferta brenda 12 ditësh për një total të frikshëm prej 6618 km!!! Në transfertën e parë morën pjesë rreth 700 tifozë, ndërsa në Gjermani ekipi u ndoq nga 250 tifozë.

Vetëm 166 të tillë e mbështetën ekipin edhe në Rostoshi përballë Orenburg, ndërsa ekipi nuk do të jetë vetëm as në duelin e nesërm. Një rekord i tifozëve rusë, sakrifica e të cilëve është shpërblyer nga fitoret e ekipit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono