rekomandimet

vlcsnap-error323-1280x720.jpg
ent ela12:55 | 14/02/2018

Pas miratimit me unanimitet të rekomandimeve të komitetit parlamentar të stabilizim asociimit mes BE dhe Shqipërisë, të cilat i dërgohen institucioneve europiane si parlamenti europian dhe komisioni europian por edhe këshillit tonë të ministrave, ABC News ka zbardhur tekstin që mori të gjitha votat pro. Mes rekomandimeve spikat kërkesa e një date për çeljen e negociatave, por njëkohësisht theksohet nevoja për dokumentim të progresit në vend.

Kjo është marrëveshja e miratuar me unanimitet në forumin parlamentar mes BE dhe Shqipërisë.

Vijuar me të verdhë, kontributi i opozitës në rezolutë.

16 janë pikat e rekomandimeve të komitetit parlamentar të stabilizim asociimit ku bie në sy lajmi i mirë i kërkimit të një  date për çeljen e negociatave si shtysë e fortë për vendin.

Rezultate të dokumentuara, konkrete dhe të qëndrueshme priten nga reforma në drejtësi në përgjithsësi, dhe vettingu në veçanti; reforma elektorale si dhe në luftën kundër korrupsionit, krimit të organizuar, pastrimit të parave dhe në veçanti kultivimin dhe trafikimin e kanabisit.

Marrja e masave kundër trafikimit të çdo lloj droge, përfshi ato të forta, identifikimi i rrjeteve kriminale pas narkotrafikut, konfiskimi i pasurive të ardhura nga aktivitete kriminale në mënyrë të qëndrueshme, bindëse dhe të pakthyeshme.

Është pika 10 ajo e cila pasqyron amendametin blu që nënvizon se zyrtarët e lartë nuk duhet të përfitojnë nga trajtime të ndryshme nga ato ndaj qytetarëve të thjeshtë, nëse do të akuzohen.

Dokumenti na kujton në pikën 11 të tij se ka një lidhje të qartë mes  varfërisë, papunësisë së lartë, korrupsionit dhe lulëzimit të tregtisë së kanabisit.

Sa i përket zgjedhjeve, dokumenti përshëndet ngrtjen e komisionit të reformës edhe pse reformimin e sheh të vonuar, kërkon adresimin e gjithë rekomandimeve të OSBE/ODIHR përpara zgjedhjeve të ardhshme përfshi marrjen e masave të vazhdueshme që parandalojnë dhe ndalojnë blerjen e votës apo presionin mbi votuesit si përcakton edhe kodi penal. Nënvizon nevojën e rikthimit të besimit tek publiku sa i përket integritetit të procesit elektoral si dhe përfshirjen e shoqërisë civile në këtë process.

Ulja e mëtejshme e numrit të azilkërkuesve, përshëndetja e adoptimit të kuadrit ligjor për minoritetet dhe thirrja për eleminim të gjuhës së urrejtjes ndaj grupeve vunerabël ishin pjesë e dokumentit me rekomandime. Ajo që bie në sy është refuzimi i përfshirjes së gazetarëve në grupin e të mbrojturve nga gjuha e urrejtjes, duke konsideruar vetëm grupet vunerabël, tek të cilat përfshin edhe komunitetin LGBT.

Sa i përket lirisë së medias, palët duket se japin një pothuajse-rekomandim duke kërkuar asgjë më shumë apo më pak se zbatimin e shtrengimeve ligjore sa i përket lirisë së shprehjes dhe kodit të punës.

Në përfundim dokumenti përshëndet radhitjen e Shqipërisë kah Bashkimit Europian në politikat e sigurisë dhe ato të jashtme./abcnews.al

vlcsnap-error423-1280x720.jpg
ent ela17:42 | 13/02/2018

Komiteti parlamentar i stabilizim asociimit mes BE dhe Shqipërisë ka miratuar, pas dy vitesh, rekomandimet e përbashkëta të cilat i dërgohen parlamentit europian, komisionit europian si dhe këshillit të ministrave. Këto rekomandime për herë të parë morën votë unanime në Komitet.

Tym i bardhë nga oxhaku i Kryesisë.

Forumi i anëtarëve të Parlamentit europian dhe atij Shqiptar, pas një thatësire dy vjeçare, miratuan me unanimitet dokumentin me rekomandimet e përbashkëta. Lajmin e dhanë në një konferencë të përbashkët për mediat.

Monica Macovei: “Ky është një lajm shumë i mirë. Më duhet të them që takimi ishte konstruktiv dhe shumë mirë që kemi këtë deklaratë të përbashkët me unanimitet të plotë. Jam e lumtur që shoh zhvillime, sepse tregon që opozita dhe mazhoranca po punojnë së bashku. Besoj fort  që Komisioni Europian do të miratojë vendosjen e një date për hapjen e negociatave. Ne do të lobojmë që Komisioni të votojë në favor të Shqipërisë”.

Arritja e kësaj dakordësie kërkoi shtyrjen e konferencës me mbi 60 minuta, gjë që detyroi kryetaren e këtij Komiteti Parlamentar të nxitojë për të kapur avionin, e bindur se e la takimin ne duart e sigurta të bashëkryetarit.

Me zëvendëskryetaren e Komitetit, Elly Schlein të larguar nga takimi për të marrë pjesë në fushatën që po zhvillon në Itali komiteti në këtë ditë të dytë diskutoi mbi rekomandimet e OSBE/ODIHR sa i përket reformës zgjedhore. Kryetarja Monica Macovei citoi raportin, ndërsa euro-deputeti Eduard Kukan, foli nga eksperienca.

Sa për pikën e fundit të rendit të ditës, përgjegjëse për luftën kundër korrupsionit, krimit të organizuar dhe narkotrafikut, Macovei dha një këshillë.

Rekomandimet e komitetit i dorëzohen Parlamentit Europian, Komisionit Europian si dhe Këshillit të Ministrave./abcnews.al

vlcsnap-error479-1280x720.jpg
ent ela14:10 | 13/02/2018

Pas dy vitesh ndarje, mazhoranca e opozita janë bashkuar në rekomandimet pas mbledhjes së radhës në Tiranë të Komitetit të Stabilizim Asociimit me BE. Eurodeputetja Monika Makovei ka vlerësuar këtë dakordësi politike si një sinjal i mirë që i dërgohet Brukselit për hapjen e negociatave të antarësimit me BE.

“Për herë të parëpas një kohe të gjatë ia kemi dalë që të miratojmë me unanimitet të plotë rekomandimet. Është një lajm shumë i mirë. Takimi ishte konstruktiv. Jam shumë e lumtur që shikoj zhvillime, sepse tregon që opozita mazhoranca punojnë së bashku dhe kjo dëshmon që interesat politike janë lënë mënjanë dhe interesi kombëtar është më i lartë dhe është më i rëndësishëm se çdo interes tjetër. Besoj fort që komisioni do rekomandojë dhënien e një date për çeljen e negociatave. Do të lobojmë për të votuar në favor të çeljes së negociatave të Shqipërisë”- tha Makovei./abcnews.al

vlcsnap-error619-2-1280x720.jpg
ent ela14:06 | 12/01/2018

Vëzhguesit e ONM-së kanë dorëzuar në Kuvend raportin me rekomandimet për kandidatët e Shoqërisë Civile që garojnë për t’u bërë pjesë e Këshillit të Lartë të Prokurorisë. Lajmin e ka konfirmuar vetë shefja e ONM-së, Genovefa Ruiz Calavera, e cila ka postuar edhe një foto të momentit kur raporti i Operacionit Ndërkombëtar të Monitorimit, i dorëzohet sekretarit të Përgjithshëm të Kuvendit, Genc Gjonçaj. Në këtë postim, Calavera thekson se ky hap është thelbësor për të vijuar më tej me formimin e organeve të vetë-qeverisjes në drejtësi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono