reja

duka-reja.jpg
Veronik Istrefaj23:21 | 19/11/2019

Presidenti i FSHF-së, Armando Duka dhe trajneri italian, Edoardo Reja, kanë pasur sot një takim të gjatë, ku kanë diskutuar për rinovimin e kontratës së teknikut 74-vjeçar. Takimi ka zgjatur rreth pesë orë dhe palët kanë diskutuar gjerësisht për çdo detaj. Deri më tani, nuk ka ende nuk ka njoftim zyrtar, por me shumë gjasa, do të ketë një rinovim të teknikut italian.

ÇFARË THA DUKA PËR REJËN NË PRESSING – “Nuk i kam lexuar deklaratat e trajnerit, nuk kam biseduar as sot me trajnerin. Gjithsesi, unë e kam thënë para ndeshjes, që mënyra si ka drejtuar, asgjë nuk është perfekte. Perfeksionin e ka Zoti, jo Reja.

Por, nëse bëjmë bilancin, peshorja shkon pozitivisht. Gjithsesi, nuk mund t’i harroj dy ndeshjet e fundit, që ka përgjegjësi dhe trajnerin. Eksperienca e tij nuk duhet të na lejonte të shkonim e të nënvlerësonim Andorrën. Peshorja është nga ana pozitive dhe do të ulemi të bisedojmë.

Këto dy ndeshje, kanë lëkundur disi, pasi ishim emocionalë pas vërshëllimës së fundit. Ndeshja me Andorrën ishte rezultat negativ, por nuk duhet të merrja vendime emocionale. Nëse një trajner merr nota pozitive në 7 muaj, siç ka marrë Reja, nuk është profesionale që të ndërpresim bashkëpunimin”./abcnews.al

duka-6-1280x668.jpg
Veronik Istrefaj22:34 | 18/11/2019

Presidenti i Federatës Shqiptare të Futbollit, Armando Duka, është i ftuar në studiot e ABC News, në emisionin Pressing. Numri një i FSHF-së foli për rinovimin e trajnerit Reja dhe për grumbullimet.

RINOVIMI – “Nuk i kam lexuar deklaratat e trajnerit, nuk kam biseduar as sot me trajnerin. Gjithsesi, unë e kam thënë para ndeshjes, që mënyra si ka drejtuar, asgjë nuk është perfekte. Perfeksionin e ka Zoti, jo Reja. Por, nëse bëjmë bilancin, peshorja shkon pozitivisht. Gjithsesi, nuk mund t’i harroj dy ndeshjet e fundit, që ka përgjegjësi dhe trajnerin. Eksperienca e tij nuk duhet të na lejonte të shkonim e të nënvlerësonim Andorrën. Peshorja është nga ana pozitive dhe do të ulemi të bisedojmë. Këto dy ndeshje, kanë lëkundur disi, pasi ishim emocionalë pas vërshëllimës së fundit. Ndeshja me Andorrën ishte rezultat negativ, por nuk duhet të merrja vendime emocionale. Nëse do të kishim një rezultat pozitiv me Francën, e mendoja. Kisha shumë besim para ndeshjes. Kishim mbështetje, stadiumin e ri. Gjithsesi, kështu është futbolli”.

LARGIMET – “Nuk kam vënë re që të kenë ikur njerëzit nga stadiumi. Jo, nuk e kam parë. Kjo është pjesë e negativitetit që shkruajnë mediet. Unë, përveç të qenit tifoz i kombëtares, kam dhe përgjegjësinë e drejtimit të Federatës. Gri bëhet çdo njeri kur nuk arrihet rezultati ose kur zhgënjehet. Tek unë, është dopio zhgënjimi, prandaj bëhem dopio-gri. Kështu është futbolli. Reja? E thashë, unë nuk vendos, pasi të paktën deri dje, kemi qenë një palë, tani jemi dy palë, pasi trajneri e ka mbaruar kontratën. Në fund të fundit, bëhet fjalë për një kontratë profesioniste. Ne do të tentojmë për të rinovuar. Është një lloj risie që rreth 80 femra kanë ndihmuar tifozët të rregullohen në stolat e tyre e të mos krijojnë trazira. Këto 80 vajza kanë ndihmuar në organizimin e kësaj ndeshje futbolli në mënyrë vullnetare, prandaj dua t’i falënderoj dhe t’i promovoj këtu. Më ndodh gjithmonë kur shkoj në kampionatet europiane, dhe shoferët janë europiane. Shqipëria ka pak vullnetarë”.

GOLAT – “Unë them të gjuajmë më pak dhe të shënojmë më shumë”.

RASTET DISIPLINORE – “Absolutisht Federata nuk ndërhyn. Ky vendim merret në mënyrë profesionale kur zgjedh trajnerin. Më pas, nëse futesh në vendimet e trajnerit, ajo nuk është puna e tij. Nëse ti je pjesë e vendimmarrjes, në formacion ose grumbullim, kjo nuk na lejon të gjykojmë trajnerin. Ato vendime, çdo lloj trajneri i konsulton me stafin e vet teknik dhe nuk ka pse të diskutojë me FSHF-në. Ky është një rregull që duhet të zbatohet në çdo klub në futboll. Ne nuk duhet të humbin asgjë, por duhet të fitojmë skuadër”./abcnews.al

Reja-1.png
Veronik Istrefaj16:34 | 16/11/2019

Trajneri i Shqipërisë, Edoardo Reja, ishte i pranishëm në konferencë për shtyp para sfidës kundër kampionëve të botës, Francën. Në fjalën e tij, strategu italian tha:

TAKTIKAT – “Nuk mendoj se taktika është gjëja më e rëndëisshme në futboll. Janë futbollistët ata që e luajnë rolin dhe që vendosin fatin e një ndeshje. Prsh, Roshi është lojtar krahu dhe ne luajmë me futboll nga krahët. E kemi mënyrë tonën si luajmë dhe e dime se me këtë stil, kemi shans ndaj çdo kundërshtari. E dimë si Franca mund të na vërë në vështirësi, por dimë dhe si ta sulmojmë. Duhet të shfrytëzojmë më mirë ato pak raste që mund të krijojmë”.

DESCHAMPS – “Në radhë të parë, doja t’i bëja komplimente trajnerit Deschamp, që është kampion bote. Unë kam punuar shumë në karrierën time në klube në Itali. Kur drejton një klub, çdo javë kërkohet konferencë para medieve, që janë shumë stresuese. Kur je në kombëtare, ke kohë të studiosh dhe të qetësohesh. Fola me Deschamps kur u takuam në Francë. Më tha se ai është i kënaqur me atë që ka arritur te Franca dhe nuk është e njëjtë si kur ishte te Juventusi”.

KARRIERA – “Më vjen keq që nuk kam ardhur më përpara te Shqipëria, pasi mund të krijonim një grup më të mirë. Mund të kisha marrë rezultate më të mira. Në të ardhmen, premtoj se Shqipëria do të marrë rezultate më të mira”.

DËMTIMET – “Mungesa kemi. Mungon Cikalleshi, lojtar i rëndësishëm, Abrashi dhe Xhaka, që kanë pasur probleme muskulore. Por e kam thënë dhe herë të tjera, që kemi zgjedhje dhe alternativa shumë të vlefshme për të zëvendësuar lojtarët e dëmtuar. Ata që do të zbresin në fushën e lojës nesër, do të jenë në 100%. Franca është një ekip shumë i fortë, kampion bote, por nuk janë të pathyeshëm. Ne e kemi strategjinë tonë, planin tonë. Shpresoj që nesër ta shikoj në fushën e lojës”.

REZULTATI – “Ne futemi në fushën e lojës në çdo ndeshje për të fituar. E thamë që kundër Andorrës gabuam, pasi nuk ishim gati nga ana psikologjike. Elsi tha që duhet ta harrojmë atë ndeshje, por jo pa nxjerrë leksione. Andorra na shënoi dy gola shumë të evitueshëm, si dhe shpërdoruam shumë raste. Do të luajmë kundër Francës që nuk mbyllet në mbrojtje, gjë që na jep më shumë mundësi neve”, përfundoi Reja. /abcnews.al

bushi.png
Vladimir Prenga12:30 | 17/10/2019

Alban Bushi, trajneri i kombëtares U21, ka dalë sot para mediave dhe ka folur për fitoren e fundit me Kosovën. Ai prek shumë tema, deri te lojtarët që Shqipëria e madhe merr nga Shpresat. Nuk mungon një koment edhe për festën që kuqezinjtë bënë pas ndeshjes me dardanët në “Elbasan Arena”.

NDESHJA ME KOSOVËN – “Mendoj se kanë bërë një ndeshje të mirë, ishin të mobilizuar. Kishim kohë në dispozicion, ndaj u sollën mirë ndaj detyrave taktike. Nuk ndodhi si herët e tjera. Dhanë maksimumin dhe i falënderoj, pasi nuk ishte një ndeshje e lehtë. Kosova është një ekip i fortë”.

LOJTARËT ME PAK MINUTA – “Gjithmonë kemi pasur probleme me lojtarë me pak minuta. E vuajtëm në pjesën e dytë. U munduam të aktivizojmë ata që kanë pasur minuta, përveç Tafës. Në atë repart nuk kemi shumë alternativa. Mihaj dhe Kumbulla janë në ekipin e parë. Nuk kemi qenë shumë fanatikë në qendër të mbrojtjes, mund të kishim pësuar në fillim”.

LOJA – “Nëse e keni parë ndeshjen me qetësi, e kemi dominuar. Kishte vetëm 15 minuta në pjesën e dytë që ata kishin më shumë kontrollin e topit. Kishin dy raste për gol, me Kastratin në pjesën e parë dhe me Mustafën pjesën e dytë. Kishim më shumë raste, zotëruam shumë mirë lojën në fillim. Luajtëm rrjedhshëm kryesisht, por dolëm para edhe me topa të gjatë me Brojën. Ai ishte pika jonë e fortë dhe duhet të shërbenim për të dhe të përdornim më pas sulmuesit e krahut”.

Shqipëria U21, para ndeshjes me Kosovën

ECURIA – Kemi ekip të mirë. Po t’i marrësh ndeshjet të gjitha, me Turqinë humbëm në mënyrë të pamerituar. Me Andorrën nuk na falet. Në Turqi mund të fitonim, por dolëm 2-2. Kishim rast të pastër me Omar Imerin dhe gjërat do shkonin ndryshe. Humbëm me Austrinë dhe është një ndeshje për t’u harruar. U munduam të rregullojmë gjërat. Kemi edhe pesë ndeshje, dy me Anglinë. Në futboll ndodh diçka. Mund të dalim edhe të dytët, nuk i dihet. Por mund të rrimë edhe me kaq pikë. Po të luajmë si me Turqinë dhe Kosovën, kemi shanset tona.

FESTA E FITORES – “Është njëlloj si me çdo ekip. Sa kohë lodhesh dhe punon, normal vjen ai lloj shpërthimi, adrenaline. Unë gëzohem edhe kur fitoj në kalceto, edhe pse mund të kem vëllanë tim përballë. Edhe Kosova ka festuar kur mundi Shqipërinë 3-0 në Zvicër, është normale. Kur luan Kosova dua që ata të fitojnë, e dua më zemër. Këtë herë doja fitoren e Shqipërisë”.

PRESIONI PËR FITORE – “Humbjet të mërzisin. Këtu nuk është klub. Këtu shihet si luajmë futboll dhe nuk kemi çaluar. Kemi qenë mirë, përveç ndeshjes me Austrinë. Nuk kam pasur asnjë presion. Shuëm lojtarë të Shpresave janë në ekipin A. Sadiku e Balaj kanë shkuar në ekipin A, por kanë bërë një pauzë dhe më pas kanë luajtur aty. Tani shihet te Shpresat direkt dhe kjo është gjë e mirë. Kjo vjen prej punës së mirë me moshat. Normal për ne ka probleme kur na marrin shumë lojtarë. Nuk jemi Gjermania të kemi aq shumë lojtarë. Na gëzon fakti që kemi lojtarë të mirë tek ekipi kombëtar. Me Selahin, Mihajn dhe Kumbullën do ishim ekip tjetër. Do kishim më shumë fitore me ekip të plotë”.

KUALIFIKIMI – “Shqipëria mund t’ia dalë edhe tani, pa menduar për lojtarët që janë pjesë e kombëtares tani. Po të ishin edhe ata, do ishte më mirë. Por edhe ekipi i parë ka një fazë tranzicioni. Kur të stabilizohet, atëherë do të jetë ndryshe dhe mund të kemi shanset tona që të kualifikohet në të ardhmen”.

KOMUNIKIMI ME REJËN – “Reja flet i pari, kur i duhen lojtarët i merr. Edhe nëse më duhen, unë nuk mund t’i them jo. Kombëtarja është më e rëndësishme. Edhe Panucci nuk i merrte të na bënte dëm, I duheshin dhe nuk mërzitem pse i marrim. Gëzohem dhe mundohem të bëj më të mirën me të tjerët. Edhe unë i kam marrë Brojën dhe Bullarin ekipit U19”. /abcnews.al

Reja.png
Veronik Istrefaj18:14 | 13/10/2019

Trajneri i Shqipërisë, Edoardo Reja, ishte i pranishëm në konferencën për shtyp para sfidës kundër Moldavisë. Në fjalën e tij, kreu i stolit kuqezi tha:

TURQIA – “Ishim pak nervozë pas ndeshjes kundër Turqisë, për rezultatin më shumë. E rëndësishme për ne është të mbajmë këtë intesitet loje dhe të fokusohemi te gjërat pozitive, rezultatet do të vijnë. Shpresoj që të marrim edhe rezultate përveç lojës së bukur”.

FORMACIONI – “Më duhet pak më shumë kohë për të vendosur formacionin. Mendoj se do të bëj shumë pak ndërrime. I kemi rikuperuar të gjithë, por do të vendosim nesër në mëngjes. Do të doja të shikoja të njëjtën lojë edhe kundër Moldavisë”.

MOLDAVIA – “Skuadrat e mia në përgjithësi nuk nënvlerësojnë askënd, kushdo qoftë kundërshtari. Moldavia është një skuadër e fortë, na vuri në vështirësi edhe në Elbasan. Do të futemi me të njëjtin mentalitet si kundër Turqisë dhe nuk pres asgjë tjetër vec maksimumit”.

STRATEGJIA – “Ne e dimë që të luash atje kundër Moldavisë, nuk do të jetë e thjeshtë. E përsëris që na kanë vënë në vështirësi edhe në Shqipëri. Ne do t’i studiojmë me vëmendje dhe do t’i përgjigjemi zgjedhjeve të tyre”.

E ARDHMJA – “Normalisht, do të më pëlqente të vazhdoja punë me këtë skuadër. Do të flasim për të gjitha pikat, çfarë shkoi, çfarë nuk shkoi gjatë kohës time këtu. Për këtë pyetje, duhet të flasim edhe me presidentin. Jam i lumtur për të vazhduar punë këtu, skuadra më jep impulse pozitive. Do të shohim deri ku mund të arrijmë me këtë grup që kemi”.

RIVALI – “Për t’u përballur me një trajner me të njëjtën eksperiencë si e imja, do të jetë e vështirë. Duhet të kenë përgatitur ndonjë “grackë” për ne, shpresoj të jemi të përgatiur. Ne si Shqipëri, synojmë vendin e dytë deri në fund. Do të jetë shumë e vështirë, pasi varemi nga rezultatet e skuadrave të tjera. Për ne, e vetmja gjë që ka mbetur, është të marrim pikët maksimale”, përfundoi Reja./abcnews.al

REja-1.png
Veronik Istrefaj18:31 | 10/10/2019

Trajneri i Shqipërisë, Edoardo Reja, ishte i pranishëm në konferencën për shtyp para ndeshjes kundër Turqisë. Në fjalën e tij, numri një i stolit kuqezi tha:

GRUPI – “Grupi i ri po funskionon, po punojmë mirë në të gjitha aspektet. Kemi konsideratë të lartë për skuadrën turke. Calhanoglu e njoh, pasi jam italian dhe e ndjek kampionatin Serie A. Ne duhet të jemi në maksimumin e potencialit tonë dhe ta shprehim në fushën e lojës. Nëse nuk jemi në 100%, do e humbin ndeshjen. Duhet të bëjmë një përfaqësim sa më dinjitoz, pasi ky ekip e meriton”.

TAKTIKAT – “E njoh skuadrën turke, kam ndjekur ndeshjet më të rëndësishme të saj. Ka fituar kundër Francës dhe ka treguar një lojë shumë të mirë. Ne duhet të jemi taktikisht shumë të vendosur, të rregullt, sepse Turqia është ekip i fortë, me lojtarë perfekt fizikisht. Kanë shënuar dhe në goditje standarte. Duhet te jemi 100% të fokusuar. Në radhë të parë, dua të shoh përmirësim nga skuadra ime, përqëndrim dhe vëmendje maksimal. Duhet të shprehim sa më mirë veten tonë”.

DEBUTUES – “Nuk do të kemi debutues nga minuta e parë, por kemi dy lojtarë në pankinë që po presin shansin e tyre. Mund të aktivizohen si zëvendësues”./abcnews.al

REja.png
Veronik Istrefaj17:11 | 10/10/2019

Trajneri i Shqipërisë, Edoardo Reja, feston sot ditëlindjen e tij të 74. Strategu italian e ka festuar këtë ditë të shënuar së bashku me lojtarët e kombëtares tonë kuqezi, si dhe presidentin e FSHF-së, Armando Duka.

Në videon e publikuar nga FSHF në faqet e tyre zyrtare, Edoardo Reja është parë duke festuar, duke kënduar e duke kërcyer. Më pas, trajneri i kombëtares ka mbajtur dhe një fjalim, para futbollistëve kuqezi, ku ka thënë:

“Fizikisht, jam akoma mirë, por e dini cili është sekreti? Qëndroj gjithmonë me të rinjtë, pasi jam i ri në kokë. Më dhatë një kënaqësi të jashtëzakonshme në ndeshjen kundër Islandës. U rritëm, dhe kjo gjë më lumturoi pa masë. Është shumë e rëndësishme të mbërrish në moshën time dhe të jesh në gjendje të jaspësh, por unë gjithashtu edhe marr. Nesër në mbrëmje do të doja dhe një ‘dhuratë’ të vogël, nëse është e mundur.

Do ta doja këtë kënaqësi të vogël, jo për vete, por për ju. Nuk po them që po arrijmë majën, sepse është rrugë e gjatë, por jemi afër. “Jemi në rrugën e duhur, do ta shikoni që do të ketë kënaqësi për të gjithë, sidomos për mua, meqë kam ditëlindjen”, përfundoi strategu italian./abcnews.al

Partizani-Teuta.jpg
Veronik Istrefaj17:08 | 05/10/2019

Në takimin mes Partizanit dhe Teutës, që po luhet në “Selman Stermasi”, i pranishëm është dhe trajneri i kombëtares, Edy Reja. Strategu italian, së bashku me Ervin Bulkun dhe Hamdi Salihin, po ndjekin nga afër këtë sfidë, para se të vendosin për listën përfundimtare të grumbullarve.

Alban Hoxha dhe Lorenc Trashi janë grumbulluar dhe më parë për kombëtaren e Shqipërisë, ndërsa Esat Mala dhe Sherif Kallaku kanë qenë pjesë kryesore e Shpresave U-21. Kjo sfidë mes Partizanit dhe Teutës po ndiqet me mjaft interes nga stafi teknik i kombëtares./abcnews.al

trumpo.jpg
ad min21:30 | 13/08/2019

Presidenti Trump ka vendosur të shtyjë aplikimin e tarifave të reja tregtare mbi produktet kineze. Lëvizja e papritur përfshin kryesisht objekte të fushës së teknologjisë, me kompanitë e njohura që kanë reaguar pozitivisht në tregjet financiare.

Shtetet e Bashkuara do të shtyjnë vendosjen e tarifave të reja mbi produktet kineze deri më 15 dhjetor, për arsye që kanë të bëjnë me shëndetin, sigurinë kombëtare dhe motive të tjera. Produktet përfshijnë telefonë celularë, kompjuterë, platforma video-lojrash, monitorë dhe disa lloje veshjesh. Lajmi surprizë nga administrata amerikane ka bërë që aksionet e kompanisë së njohur “Apple” të rriten me 5 për qind në tregjet financiare.

Ndërkohë, tarifat prej 10 për qind për produkte të tjera do të hyjnë në fuqi sipas parashikimeve më 1 shtator. Njoftimi zyrtar erdhi pak minuta pasi Ministria kineze e Tregtisë bëri të ditur se zëvendës kryeministri Liu He kishte patur një bisedë telefonike me autoritetet amerikane të tregtisë.

Investitorët në sektorin e teknologjisë mirëpritën ndërkohë shtyrjen e afatit, gjë që bëri që treguesit financiarë për qarqet elektronike të arrinin në 2.8 për qind. Presidenti Donald Trump deklaroi më 1 gusht se do të vendoste një tarifë prej 10 për qind mbi produktet kineze me vlerë 300 miliardë dollarë, pasi fajësoi Kinën se nuk kishte përmbushur premtimin për të blerë më shumë produkte agrikulturore nga Shtetet e Bashkuara./ABC News Albania 24/7

kqzz-1280x717.jpg
ad min15:35 | 28/06/2019

Fletët e votimit për bashkinë e Vaut të Dejës janë shkatërruar thuajse tërësisht nga flakët, ndaj KQZ ka porositur menjëherë fletë të reja nga kompania në Slloveni. Ato parashikohet të vijnë në rrugë tokësore që zgjat rreth 15 orë, ndërsa komisioni ndryshoi edhe vendin ku do të vendoset KZAZ-ja numër 6 që u dogj.

“Për dëmtimin thuajse total të materialeve në KZAZ-në nr.6., Bashkia Vau i Dejës, Qarku Shkodër , KQZ ka marrë masa dhe do të pajisë KZAZ-në nr.6., me të gjitha materialet zgjedhore, përfshirë këtu edhe fletët e votimit për të zhvilluar procesin zgjedhor të datës 30 Qershor. Pavarësisht ngarkesës së shtuar për shkak të problematikes së njohur nga publiku, KQZ ka vijuar si në çdo proces zgjedhor me veprimtarinë për aftësimin dhe rritjen profesionale të komisionerëve të qendrave të votimit”./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono