refuzon

Gjermani-Merkel.png
nev ila19:45 | 08/07/2019

Gjermania ditën e hënë refuzoi kërkesën e Shteteve të Bashkuara për të dërguar trupa tokësore në Siri.

Përgjigjia e Berlinit zyrtar mund të acarojë presidentin Donald Trump, që kërkon që kancelarja Angela Merkel të luajë një rol më të madh ushtarak në Lindjen e Mesme.

“Angazhimi i Gjermanisë në koalicionin kundër Shtetit Islamik nuk parashikon kurrësesi angazhimin e trupave tokësore”, ka deklaruar Shtefen Zajbert, zëdhënës i qeverisë gjermane.

Kërkesa e Trump drejtuar qeverisë gjermane tingëllon paksa paradoksale, duke qenë se vetë shefi i Shtëpisë së Bardhë ka qenë ai që ka vendosur tërheqjen e trupave amerikane nga Siria./abcnews.al

edi-rama.jpg
nev ila12:07 | 03/07/2019

Kryeministri Rama përmes një mesazhi në rrjetet sociale ka komentuar refuzimin nga Komisioni Europian të kërkesës së qeverisë holandeze për vendosjen e vizave me Shqipërinë.

“Ja dhe vizat s’u rikthyen siç predikuan e trumpetuan lajmësit e qametit që s’ndodhi! Komisioni Europian e refuzoi kërkesën e qeverisë holandeze dhe e vërteta doli fiks siç ishte kur e thamë e shumëkush s’e besoi: Vizat nuk rikthehen sepse Shqipëria s’ka shkelur asnjë kriter“, shkruan kryeministri Rama./abcnews.al

edi-rama.jpg
nev ila21:54 | 26/06/2019

Përmes një statusi në rrjetet sociale Rama ka refuzuar takimin e kërkuar me presidentin Meta.

Për shkak të fushatës elektorale që po zhvillohet sipas dekretit presidencial,ku 30 qershori është përcaktuar datë zgjedhjesh,kabineti im ka komunikuar telefonikisht pamundësinë për këtë takim.Po meqë Ilir Meta vazhdon të luajë letrash, ja dhe me shkrim:Kemi zgjedhje,jam i zënë!”, shkruan Rama.

Me pas kryeministri gjithashtu ka reaguar me nje status tjeter ku thote se pret edhe 1 cmenduri nga Ilir Meta.

 

“E meqë ra llafi tek loja e letrave të Ilir Metës, ju kam thënë pas antidekretit se pas asaj çrmendurie pres edhe nje tjetër, Se ç’kam një ndjesi që do ta bëjë, po për këtë do flasim nga e hëna e më tej se tani kemi vetëm një punë: Zgjedhjet në 30 qershor“, shkruan Rama./abcnews.al

kqz-2-1280x715.jpg
ad min15:40 | 25/06/2019

Komisioni Qendror i Zgjedhjeve ka shpërfillur të gjitha shkresat e kryebashkiakëve opozitarë, të cilët refuzuan dhënien e disa ambienteve për qendra votimi. Në mbledhjen e sotme, KQZ vendosi që të shtunën, t’i marrë në dorëzim me ndihmën e policisë të gjitha ato ambiente.

Dhjetëra letra që kanë mbërritur në protokollin e Komisioni Qendror i Zgjedhjeve nga 27 bashkitë e drejtuara nga opozita, kanë rënë në vesh të shurdhët….

KQZ ka vendosur të mos ndryshojë asnjë ambient që ishte parashikuar për qendër votimi në këto bashki, edhe pse kryetarët kanë njoftuar se nuk do t’ia vendosin KQZ-së në dispozicion.

“Të shtunën KQZ do ta marrë në dorëzim rreth 2000 qendra votimi në këto bashki të djathta, dhe, nëse do të ketë rezistencë nga pushteti lokal, do të kërkohet ndihma e policisë”.

KQZ ka nisur këtë të martë shpërndarjen e fletëve të votimit në qarqet e largëta, si Korça, Vlora dhe Gjirokastra.

“Kjo është bërë përmes kamionëve të ushtrisë, të shoqëruar dhe nga policia e shtetit. Qarqet problematike, si Shkodra dhe Kukësi do të shpërndahen në fund”.

Në këtë mbledhje KQZ miratoi përbërjen e grupeve të numërimit. Në rreth 500 tavolina numërimi, Partia Socialiste do të jetë e vetmja që do të ketë numërues.

“Formula ekstra e miratuar nga KQZ për këto zgjedhje, është që grupet e numërimit të bëhen me 4 anëtarë, 2 të propozuar nga PS dhe 2 me short mes aplikuesve të shoqërisë civile”. /abcnews.al       

pep_guardiola_mancity2012.jpg
ad min19:50 | 03/06/2019

Trajneri spanjoll Pep Guardiola ka refuzuar publikisht kalimin tek Juventus. Kreu i pankinës së Mançester Sitit pohon se do të respektojë kontratën me ekipin anglez.

Pep Guardiola shuan ëndrrën e tifozëve të Juventusit. Trajneri spanjoll që drejton skuadrën e Manchester Sitit në Angli ka deklaruar se do të vijojë të qëndroje tek qytetarët për sa kohë ka besimin e drejtuesve.

“Kam një kontrate me Manchester Sitin dhe do ta respektoj. Nuk dua të largohem nga kjo skuadër përsa kohë kam besimin e klubit”, Guardiola.

Ish-trajneri i Bayern Munchen i mbyll përfundimisht derën Juventusit që interesohej për spanjollin. Tashmë trajneri favorit për të përfunduar te kampionët në fuqi të Italisë është Mauricio Sarri, i cili pak ditë më parë fitoi Evropa League me skuadre e Chelseat. Mediat italiane raportojnë se trajneri ka një marrëveshje me drejtuesit e bardhezinjve për një pagë prej 6 mln euro në sezon. Presidenti i Chelseat Roman Abramoviç ka dhënë dritën jeshile për largimin e Sarrit i cili e renditi skuadrën londineze në vendin e tretë në kampionat.

Sarri admirohet nga drejtuesit e klubit juventin për lojën sulmuese që aplikon. Mauricio Sarri ka drejtuar më parë skuadrën e Napolit duke ia vështirësua jo pak rrugëtimin drejt titullit skuadrës së Juventusit./ABC News Albania 24/7

idrizi-1280x660.jpg
ad min22:45 | 24/05/2019

Lojtarët e Flamurtarit i kanë dërguar një shkresë administratorit të klubit Sinan Idrizi për të konkretizuar një takim mes tyre. Ftesa është refuzuar nga Idrizi i cili thekson se nuk ka arsye për ta bërë diçka të tillë.

Histori letrash edhe në futboll, këtë radhë në kërkim të pagesës. Vlonjatët po luftojnë fort që të kapin pjesëmarrjen në Europa League, pavarësisht se kanë një sezon pa u paguar. Së fundmi lojtarët i kanë dërguar administratorit Sinan Idrizi një shkresë ku kërkojnë të kenë një takim me të. Epiqendra e bisedës dihet: Ata do të flasin për rrogat e prapambetura. Zyrtari më i lartë i kuqezinjve ka refuzuar ftesën e tyre duke lëshuar mesazhe enigmatike. Fjalë që nuk i beson më askush.

Numri një i klubit në një prononcim për gazetën “Panorama Sport” u shpreh: “Çështja e pagave është përgjegjësia ime. Një histori përgjegjësie më shumë se gjithçka. Prisni se mos vjen ndonjë surprizë me të mbaruar kampionati. Të presim dhe të shikojmë. Unë do të pres dhe jam i detyruar të pres. E në lidhje me kërkesën e futbollistëve për një takim, Idrizi deklaron: “Nuk kam përse takohem me futbollistët, pasi me ta jam takuar në çdo kohë dhe përditë jam me ta. U them vetëm të pres dhe aq. Tani unë agjëroj, jam me Ramazan. Duroni dhe një javë për të dëgjuar programin e Flamurtarit, pasi do të them gjëra të bukura. Sa të mbarojnë këta djem do të them histori të tjera”, – u shpreh administratori i Flamurtarit.

Megjithatë, cështja e Flamurtarit në Europë, jo vetëm që varet nga pozicionimi në renditje në fund të garës, por patjetër edhe nga konfirmimi për një licensim të mundshëm. Në këtë pikë, ana financiare mund të bëhet pengesë që Flamurtari të ngecë në rrjetën e licensimit, edhe pse në kontrast këtë, skuadra është duke luajtur fare mirë./ABC News Albania 24/7

endrit-hoxha-1280x745.jpg
ad min10:41 | 08/05/2019

Një situatë e pazakontë ndodhi sot në Kuvend. Ndërsa kryeparlamentari Ruçi po drejtonte seancën për betimin e deputetëve të rinj, Indrit Hoxha nga listat e PD-së nuk pranoi që të merrte mandatin e deputetit. Ai e ka  refuzuar mandatin në sallën e Kuvendit.

Në momentin që kryetari i Kuvendit, Gramoz Ruçi thirri emrin e tij të betohej ai u ngrit dhe u shpreh: “Unë Indrit Hoxha, kandidat në listën vijuese të Partisë Demokratike të Shqipërisë ndërmarr sot  këtë akt politik në emër të babait tim të ndjerë Fatmir Hoxha, i burgosur politik i regjimit kriminal që nuk reshti deri në frymën e fundit luftën për liri dhe demokraci. E ndërmarr ketë akt politik në shenjë revolte dhe neverie kundër krimit të rilindur të këtij parlamenti ilegjitim dhe në respekt të vlerave të familjes time dhe sidomos ato që im atë me la trashëgimi. Refuzoj të marr mandatin e deputetit në një vend ku klika kriminale ne pushtet ka asgjësuar Gjykatën Kushtetuese dhe Gjykatën e Lartë dhe ka kapur drejtësinë. Refuzoj të marr mandatin në Parlamentin ilegjitim që e drejton urdhëruesi i vrasësve të Arben Brocit dhe shokëve të tij në masakrën e 2 Prillit. Refuzoj të bëhem pjesë e një Parlamenti ilegjitim ku ulen hetues dhe prokurore te diktaturës të cilët kanë torturuar dhe vrarë të rinj shqiptarë. Refuzoj të marr mandatin në një parlament ilegjitim ku në karrigen e kryeministrit ulet i biri i njeriut që firmosi për varjen e poetit Havzi Nela. Refuzoj të bëhem pjesë e një parlamenti ilegjitim ku ndodhen urdhëruesit e vrasjes se tribunit të demokracisë Azem Hajdari. Ky nuk është Parlament, por galeri e krimit. Fundi i kësaj farse kriminale është shume i afërt. Unë refuzoj të bëj betimin dhe të marr mandatin sepse ai mandat i takon popullit dhe jo kriminelëve, hajdutëve dhe delenxhinjve që ndodhen sot këtu. Rroftë Shqipëria! Rroftë Demokracia! Zoti i bekoftë shqiptarët”.

Gramoz Ruçi: Zoti Indrit këtë mund ta bëje deklaratë për shtyp  jashtë seancës dhe në sallë mund të mos vije. Ti me vullnetin tënd ke bërë kërkesën dhe kë kërkuar mandatin e deputetit. Është e drejta jote kushtetuese të mos bësh betimin. Rrugë të mbarë dhe suksese në jetë!/abcnews.al

edi-rama-1.jpg
nev ila14:27 | 30/04/2019

Bashkia e Dibrës ka shpallur qytetar nderi kryeministrin Edi Rama. Vendimi është marrë në mbledhjen e sotme nga këshilli bashkiak i qytetit.

Motivacioni për dhënien e titullit është kontributi që ka dhënë Rama në ndërtimin e Rrugës së Arbërit, edhe pse kjo e fundit ende nuk është përfunduar.

Ndërkohë  Zyra e shtypit të kryeministrit Rama, pasi ai është njoftuar  për titullin e marrë, përmes një njoftimi për median, bën me dije se Kryeministri Rama, e ka refuzuar titullin qytetar nderi i qytetit të Dibrës duke theksuar se Rama është kundër titujve honorifikë.

Por kryeministri është nderuar edhe më parë me tituj nderi, kujtojmë këtu titullin e  marrë nga Komuna e Ulqinit për të cilin Rama atëherë është shprehur se ishte kënaqësi e madhe të merrte këtë titull.

Njoftimi i zyrës së shtypit të Kryeministrit:

Zyra e shtypit e Kryeministrit,

Kryeministri Rama ka qenë, mbetet dhe do të jetë gjithmonë kundër titujve honorifike për politikanët në detyrë. Duke falënderuar të gjithë ata që mund të jenë nisur për mirë, Kryeministri Rama e refuzon titullin e qytetarit të nderit, dhënë sot nga Bashkia Dibër“./abcnews.al

tereza-mey.jpg
ent ela14:25 | 02/04/2019

Parlamenti Britanik ka refuzuar të gjitha alternativat ndaj marrëveshjes së arritur mes Kryeministres Mej dhe Brukselit për Brexit.  Tashmë mbeten vetëm dy mundësi: dalja pa marrëveshje nga Bashkimi Europian në 12 prill, ose një votim i katërt për marrëveshjen e arritur nga Mej.

Mbetet ende e bllokuar situata në Britaninë e Madhe për sa i përket Brexit. Parlamenti Britanik rrëzoi sërish katër opsionet e planit B, alternativë e marrëveshjes së divorcit të arritur nga kryeministrja Mej. Propozimet për të mbajtur lidhje ekonomike shumë më të ngushta pas Brexit, mbajtja e një referendum të dytë apo ndalimi i Brexit, për të shmangur një divorc nga Brukseli pa marrëveshje, nuk kanë arritur të marrin mazhorancën e votave në parlament.

Ministri Britanik për Brexit, Stefën Barklei, hodhi hipotezën e një votimi të katërt për marrëveshjen e Tereza Mej. Ai theksoi se në mungesë të një marrëveshjeje të miratuar nga parlamenti atëherë Britania e Madhe do të dalë nga Bashkimi Evropian pa një të tillë.

Barklei propozoi ndër të tjera, një votim të katërt të marrëveshjes së Mej në fundjavë. Lideri i laburistëve Xheremi Korbin, kritikoi përpjekjen e qeverisë për të ripropozuar marrëveshjen e Mej duke përmendur tre dështimet e mëparshme.

Ndërkohë ka reaguar dhe koordinatori i Parlamentit Europian Gaj Verhofstad. Në profilin e tij në Twitter ai shkruante se një Brexit i ashpër është pothuajse i paevitueshëm. Sipas tij e mërkura mbetet mundësia e fundit e Britanisë së madhe për të zhbllokuar situatën./abcnews.al

 

ivanov-1280x658.jpg
ent ela22:14 | 11/03/2019

Presidenti i Maqedonisë së Veriut, Gjorge Ivanov ka refuzuar të dekretojë 11 ligje që janë miratuar me emrin e ri kushtetues të vendit. Sipas mediave maqedonase, Ivanov e ka mbrojtur vendimin e tij me argumentin se, gjatë ushtrimit të funksionit si kryetar shteti gjithmonë ka vepruar në bazë të betimit se do të mbrojë Kushtetutën dhe interesat e Republikës së Maqedonisë dhe jo të “Republikës së Maqedonisë Veriore”. Për Ivanov, marrëveshja e emrit me Greqinë, e arritur më 17 qershor 2018, nuk është në përputhje me interesat e shtetit. Ligjet që presidenti ka refuzuar të dekretojë janë miratuar pas 11 janarit, kur dhe kanë kaluar ndryshimet kushtetuese për ndryshimin e emrit të vendit. Mes tyre janë edhe ligje të miratuara me dy të tretat e votave, që kanë të bëjnë me reformën në gjyqësor dhe reforma të tjera që lidhen me integrimin e vendit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono