reforme

gjonajj.png
ad min21:18 | 04/10/2018

Vendi ynë ka bërë hapa para përsa i përket Reformës në Drejtësi. Kështu tha ministrja e Drejtësisë, Etilda Gjonaj gjatë takimit që zhvilloi me ministrin e Brendshëm të Austrisë, Josef Moser dhe përfaqësuesen e BE-së Vera Jourova. Sipas Gjonajt, ky është një tregues i qartë i vlerësimit dhe mbështetjes së partnerëve tanë strategjikë për rrugën e reformave të thella që kemi nisur.

“Pata kënaqësinë të ndaj me homologët e mi të Ballkanit Perëndimor faktin se reforma shqiptare në drejtësi është hartuar në përputhje me standardet më të mira ndërkombëtare falë asistencës dhe ekspertizës më të mirë vendase dhe asaj të huaj. Me këtë reformë ne kemi tranformuar rrënjësisht sistemin tonë të drejtësisë dhe po ecim ditë pas dite drejt zbatimit të suksesshëm të saj. Në përfundim të këtij procesi shtetformues, Shqipëria do të ketë një sistem gjyqësor tërësisht profesional, të pavarur, të pandikuar politikisht dhe të krahasueshëm për nga efiçencreforma ka ria dhe cilësia me sistemet më të konsoliduara europiane. Nëpërmjet procesit të Vettingut po pastrohet pallati i drejtësisë nga gjyqtarët dhe prokurorët e korruptuar, të paaftë, apo të lidhur me krimin e organizuar. Deri më sot, ky proces ka dhënë rezultate mbreslënëse duke rikthyer besimin e munguar të qytetarëve shqiptarë në sistemin e drejtësisë”, deklaroi Gjonaj./abcnews.al

warren-buffet-1280x670.jpg
ad min09:33 | 25/02/2018

Paralajmërimet e analistëve se reforma fiskale e Donald Trump do të pasuronte të pasurit ka gjetur konfirmimin e parë. Një nga pasanikët më të mëdhenj të Amerikës, Warren Buffett ka deklaruar se reforma i ka “dhuruar” atij rreth 30 miliardë dollarë.

Miliarderi amerikan Warren Buffett ka deklaruar se kompania e tij ka marrë një financim prej 29 miliardë dollarësh si rezultat i reformës së taksave të presidentit Donald Trump. Duke publikuar bilancin e konglomeratit të tij “Berkshire Hathaway” këtë të shtunë, Buffett ka bërë me dije se fitimet në nivel mujor dhe vjetor kishin arritur nivele rekord.

Reforma fiskale e republikanëve, e miratuar në dhjetor, reduktoi taksat për korporatat nga 35 në 21 për qind dhe vetë Buffett asokohe ishte shprehur kundër saj. Këtë të shtunë, në një letër dërguar investitorëve, pasaniku ka bërë me dije se kuota e shkurtimit përbënte thuajse gjysmën e fitimeve neto të kompanisë së tij gjatë vitti 2017.

“Një pjesë e mirë e fitimit tonë nuk erdhi nga ndonjë projekt. Vetëm 36 miliardë erdhën nga operacionet tona, 29 miliardë të tjerë na u dhanë në Dhjetor kur Kongresi rishkroi kodin e taksave”, thuhet në letrën e Buffett. Analistë të shumtë kishin paralajmëruar se përfituesit më të mëdhenj të paketës fiskale do të ishin korporatat shumëkombëshe./abcnews.al

leje-qarkullimi-1280x578.jpg
ad min15:48 | 23/02/2018

Shërbimi i Transportit Rrugor në Tiranë i është nënshtruar reformimit. Ndryshimet e kryera, sipas qyetarëve, kanë reduktuar radhët dhe kanë rritur cilësinë e shërbimit ndaj qytetarëve.

Për të marrë lejen e qarkullimit apo certifikatën e pronësisë së mjetit, qytetarëve në Tiranë nuk iu duhet më që fillimisht të aplikojnë pranë Drejtorisë së Shërbimeve të Transportit Rrugor, të presin rreth dy orë për t’u kryer verifikimi, e më pas të rikthehen për të marrë dokumentin.

Tashmë mund të pajisen me të sapo të paraqiten në sportel.

Kjo është vetëm një nga arsyet që qytetarët thonë se presin më pak kohë në radhë e mbarojnë punë më shpejt.
Drejtoria Rajonale e Shërbimeve të Transportit Rrugor i është nënshtruar reformimit.

Vetëm çregjistrime mjetesh kryhen rreth 250 në ditë. Për këtë ka një kategori drejtuesish që nuk kanë pse të paraqiten në sportel, pasi procedura është kryer nga Shërbimi i Transportit Rrugor.

Ndërkohë ka nisur pajisja me targa për motorët.
Ndërkohë, drejtori Hoxha paralajmëron ndryshime të tjera me qëllim rritjen e cilësisë së shërbimit ndaj qytetarëve./abcnews.al

donald-lu-1280x743.jpg
ad min21:07 | 08/02/2018

Menjëherë pas votimit në Parlament të KLGJ dhe KLP, reagoi ambasada amerikane në Shqipëri.

Në një postim në faqen zyrtare thuhet se, “politikanët në të djathtë dhe të majtë kanë frikë nga reforma gjyqësore. Mos u fokuso në lajmet e këqija që politikanët përsëri nuk kanë punuar së bashku për të zgjedhur anëtarët e KLGJ dhe KLP. Përqëndrohu në lajme të mira se Kushtetuta e parashikoi këtë dhe ai zgjodhi anëtarët e rastit sot. Sinqerisht, kam më shumë besim në zgjedhjen e rastësishme, sesa në zgjedhjen e politikanëve. Reforma gjyqësore merr një hap tjetër përpara”, u shpreh ambasadori, Donald Lu./abcnews.al

vlcsnap-error346-4-1280x720.jpg
ad min16:58 | 30/01/2018

Këshilli i Legjislacionit u mblodh për herë të dytë për të vendosur shqyrtimin e vendimeve të Gjykatës Kushtetuese që prekin ligjet e Reformës në Drejtësi.
Pas një debati të përsëritur nga mbledhja e mëparshme, Këshilli vendosi shqyrtimin e tre vendimeve të Gjykatës Kushtetuese që prekin ligjin për organet e qeverisjes së sistemit të drejtësisë dhe atë për statusin e magjistratëve.
Nga dy ekspertë do të angazhojë seicila palë politike për shqyrtimin e tyre. Mbledhja e radhës u përcaktua për javën e ardhshme, ku anëtarët do të vendosin edhe kalendarin e punimeve bazuar në këto vendime të Gjykatës Kushtetuese.
Këshilli pa anëtare të re zëvendësuese, Vasilika Hysin të zinte karrigen e ish-ministrit Saimir Tahiri, anëtar i Këshillit nga mazhoranca, por i përjashtuar nga grupi parlamentar socialist. I njëjti zëvendësim nuk erdhi për Bashkim Finon, i dorëhequr nga i njëjti grup parlamentar që Tahirin e zëvendësoi në Këshill./abcnews.al

vlcsnap-error629-2-1280x720.jpg
ad min20:27 | 29/01/2018

Sipas ministres së Drejtësisë, Etilda Gjonaj, Nezar Seitaj u ekstradua konform ligjeve dhe akteve ndërkombetare. Ajo shprehet se opozita po bën alarm fals për këtë ekstradim.

Në një reagim në rrjetet sociale ministrja e Drejtësise, Etilda Gjonaj, shkruan se Nezar Seitaj u ekstradua ne Itali, në zbatim të vendimeve të gjykatave shqiptare dhe kërkesës për ekstradim nga Ministria e Drejtesise italiane, konform ligjeve dhe akteve ndërkombetare.

Ministrja Gjonaj thotë se opozita vijon të konsumojë përditë energji për një alarm fals, duke e trajtuar rastin sikur i pandehuri u arratis apo u la i lirë dhe jo që iu dorezua pikërisht drejtësise italiane. Sipas ministres se Drejtësisë, organet e akuzës shqiptare nuk i pengon asgjë, përkundrazi kanë të gjitha mjetet ligjore të parashikuara për të bashkëpunuar me ato italiane për të marrë dhe për të përfituar çdo informacion që do t’ju nevojitet për efekt hetimi.

“Çdo veprim ndryshe nga ekstradimi do të përkthehej dhe nga shteti italian si mungesë vullneti për të bashkëpunuar në luftën kundër krimit të organizuar.
Jam e bindur se nëse nuk do të ishte ekstraduar, kjo opozitë kaq haptaz e trembur prej Reformës në Drejtësi, do të thoshte “nuk i’a dorëzuan antimafias italiane, po e mbajnë këtu për ta mbrojtur me duart e kapura të drejtësisë”.

Ministrja e Drejtësisë, Etilda Gjonaj, e mbyll reagimin e saj me fjalët ” ligjshmëria është busulla e vetme që orienton vendimmarrjen tonë”./abcnews.al

vlcsnap-error291-1-1280x720.jpg
ad min12:00 | 28/01/2018

Numri i madh i emigrantëve e bën të pamundur votimin e tyre në selitë diplomatike. Ndërsa mungesa e besimit mes palëve vështirëson metodën e votimit përmes postës. Në këto përfundime kanë dalë ekspertët e cështjeve zgjedhore Oerd Bylykbashi, Ilirjan Celibashi dhe Çlirim Gjata. Ata kanë analizuar propozimet e Ministrisë së Shtetit për Diasporën, të cilat janë dorëzuar në komisioni parlamentar të reformës zgjedhore.

Ministria e Shtetit për Diasporën ka dorëzuar në Komisionin parlamentar të Reformës Zgjedhore një propozim, ku paraqiten dy variante se si emigrantët mund të ushtrojnë të drejtën e votës në vendet ku ata jetojnë. Mënyra e parë është ajo e votimit të drejtpërdrejtë në selitë diplomatike dhe e dyta përmes postës së shpejtë. Votimi në selitë diplomatike nuk gjen mbështetjen e bashkëkryetarit demokrat të komisionit parlamentar të Reformës Zgjedhore, Oerd Bylykbashi.

Oerd Bylykbashi: “Që t’i garantosh një proces super garantist, siç është ky që kemi ne, ku një fletë votimi ka karakteristika që shpesh i afrohet kartmonedhës, përsa i përket sigurisë dhe kjo bëhet për një numër shqiptarësh që është një million e 500 mijë, në mos më shumë, që janë jashtë Shqipërisë. Sigurisht që kjo është një përpjekje shumë e madhe dhe kush mendon postën si zgjidhje është e qartë që nuk e kupton problemin. Po kaq keqkuptim thelbësor i problemit është mos të kuptosh që 500 mijë vetë në Itali do të shkojnë të votojnë në tre pika diplomatike”.

I këtij mendimi është edhe ish-kryetari i Komisionit Qendror të Zgjedhjeve, Ilirjan Celibashi.

Ilirjan Celibashi: “Kjo nuk është shumë përshtatshme pasi numri i selive diplomatike që kemi nëpër botë apo kryesisht në Europë, ku kemi edhe numrin më të madh të emigrantëve është një numër relativisht i vogël dhe në raport me numrin e qytetarëve shqiptarë me të drejtë vote që banojnë jashtë territorit shqiptar, numri i selive diplomatike është shumë shumë i vogël. Është gati e pamundur për mendimin tim që ta përballojë fluksin e votuesve”.

Mënyra e dytë e votimit me postë, që gjen mbështetje nga Ministria e Diasporës, duket më i realizueshem në gjykimin e ish-kreut të KQZ, Celibashi.

Ilirjan Celibashi: “Votimi me postë është votimi më klasik, ku është i përdorshëm edhe në vendet e tjera, ofron më shumë siguri. Kuptohet, kjo lidhet shumë me shërbimin postar që ti zgjedh. Por në kuptimin e lehtësisë dhe thjeshtësisë së votimit për mua ngelet ndër më të thjeshtët”.

Ndërkohë për Bylykbashin, ky proces kërkon një studim më të thelluar.

Oerd Bylykbashi: “Për çështje të tilla na duhen politikbërje dhe vendime të mëdha të bëra nga komisioni. Nuk është kompetencë e qeverisë. Nuk është kompetencë e ministrisë që mbulon çështjen e emigracionit. Është një nga proceset më komplekse për të cilat kërkon zgjidhjet më të kujdesshme, përndryshe impakti që do kishte procesi zgjedhor me efekte shkatërruese do të ishte shumë i madh”.
Dakordësia mes partive politike, vullneti dhe besimi mes tyre qëndron në themel të problemit sipas ish-kryetarit të Komisionit Qëndror të Zgjedhjeve, Çlirim Gjata. Sipas tij, pa këta elementë, vështirë që emigrantëve t’u jepet së afërmi e drejta për të votuar.

Çlirim Gjata: “Problemi nuk është sesi mund të gjendet forma e votimit për emigrantët shqiptarë në vendet ku ata jetojnë dhe punojnë. Problemi është te garancitë që jepen që kjo votë most ë preket. Zgjedhjet janë vullnet dhe besim. Po ekzistoi vullneti për të bërë zgjedhje të lira dhe të ndershme e të gjitha palëve politike, po ekzistoi dhe besimi se këto bëhen, pra bijnë dakord që të mos prekin, por t’ia lenë në dorë popullit që të votojë, që të zgjedhë, atëherë çdo gjë është e arritshme”.

Eskpertët e çështjeve zgjedhore shkojnë përtej propozimeve të Ministrise së Shtetit për Diasporën.

Oerd Bylykbashi: “Kemi votimin elektronik. Ndoshta kjo zgjedhje e tillë mund të na ndihmojë në votimin e emigrantëve, por nëse është e vështirë zgjidhja e votimit elektroonik sot, pra kërkon shumë punë dhe analizë më pas zbatim, kjo është po aq e vështirë në mos më kompleks”.

Ilirjan Celibashi: “Personalisht do të më pëlqente votimi elektronik, por është një mënyrë, e cila lidhte fort me çështjen e besimit”.

Komisioni i Reformës Zgjedhore është organi përgjegjës për të bërë ndryshimet e nevojshme ligjore për t’i mundësuar emigrantëve të drejtën e votës. Aftai i tij mbaron më 13 Prill të këtij viti. Deri tani ky komision ka zhvilluar vetëm dy mbledhje dhe propozimet vazhdojnë të mbeten në tryezën e punës se deputetëve./abcnews.al

vlcsnap-error626-1280x720.jpg
ad min17:34 | 09/01/2018

Presidenti Ilir Meta akuzoi mazhorancën socialiste se po përpiqet që të dështojë reformën në drejtësi, duke fajësuar për këtë të tjerët. I pyetur nëse i trembet drejtësisë së reformuar, Meta tha se Kryeministri Rama ishte i qartë se përgjigjia për këtë ishte mohuese.

Ilir Meta nuk qëndroi në heshtje përballë akuzave të Edi Ramës për reformën në drejtësi. Pak ditë pasi Kryeministri e rreshtoi mes atyre që nuk e donin këtë reformë, arsye për të cilën, sipas Ramës u prish edhe aleanca brenda të majtës, Presidenti i Republikës, ka një tjetër lexim, duke nisur nga votimi vetëm me votat e PS-së të Kryeprokurores së përkohshme, Arta Marku.

Ilir Meta: “Duket sikur jemi kthyer përpara 21, 22 Korrikut të vitit 2016, ku për fat të keq diku me një mungesë transparence, diku me një dredhi, diku me forma nga më të ndryshmet kishim gjithmonë përpjekje jo për të bërë një reformë me konsesus dhe sipas rekomandimeve të Venecias, që ka dhënë një kontribut të jashtëzakonshëm, por thjesht për të bërë një reformë dhe për të faturuar fajin diku tjetër.”

Pyetjes direkt nëse ai i trembej drejtësisë së reformuar, Meta i dha këtë përgjigje.

Ilir Meta: “Besoj se zoti Rama e di shumë mirë këtë gjë dhe nuk besoj se e ka patur me mua. E dinë dhe të tjerë, nuk ka fuqi jashtëtokësore jo tokësore që të më trembë mua as me drejtësi dhe as me padrejtësi. Unë jam një politikan që jam ballafaquar më drejtësinë, të cilit i janë shkelur të drejta, i cili ka kërkuar vetë të hetohet dhe jam këtu ku jam dhe do të vazhdoj të jem në politikë për një kohë të gjatë.”

Ish-lideri i LSI-së, tashmë Kryetar i Shtetit, theksoi se si politikan i vetmi shqetësim që ka është drejtësia e popullit./abcnews.al

vlcsnap-error154-1280x720.jpg
ad min14:12 | 09/12/2017

Ministri i Infrastruktures dhe Energjise Damian Gjiknuri inspektoi drejtorine e targave dhe patentave ne Shkoder.  Ministri u shpreh i vendosur per te luftuar korrupsionin ne kete sector nderkohe qe foli dhe per lehtesi ne sherbimin per qyetaret.

Ministri i Infrastruktures dhe Energjise Damian Gjiknuri paralajmeron reforme ne sistemin e dhenies se lejeve te drejtimit.

“Reforma do të përqëndrohet tek integriteti i këtij shërbimi, për të luftuar korrupsionin masiv për të cilin fatkeqësisht ky institucion e ka patur reputacionin. Nga ana tjetër, krahas lehtësimit të shërbimeve përmes sistemeve online do të përmirësohet puna për integritetin e procesimit të ccdo kërkese në këtë shërbim. E gjithë kjo strukturë do ti nënshtrohet një reforme të thellë e cila do të synojë elementët e sigurisë rrugore. Qeveria do të investojë nga ana materiale, pra investimi nuk do të mungojë por mbi të gjitha sjellja e drejtuesve të automjeteve varet shumë nga integriteti i shërbimit të kësaj drejtorie”

 Deklaraten ministri Gjiknuri e beri nga Shkodra ku inspektoi zyrat e Drejtorisë së Shërbimit të Transportit Rrugor.

Pasi u njoh me mjediset e punës dhe sportelet e shërbimit për qytetarët ministri e cilesoi kete si nje tjeter element te rendesishem  ne fushen  e transportit, përtej përmirësimit të infrastrukturës dhe rritjes së sigurisë rrugore./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono