reforma zgjehdore

basha-pas-takimi-1280x651.jpg
ent ela10:36 | 02/10/2019

Opozita nuk tërhiqet nga propozimet e saj për reformën zgjedhore. Kryetari i Partisë Demokratike pas një takimi të zhvilluar me aleatët e tij në opozitë i kërkoi kryeministrit të shprehet nëse është i gatshëm të pranojë propozimet e opozitës ose në të kundërt të largohet. Të njëjtin qëndrim mbajtën edhe aleatët e PD, Kryemadhi dhe Mediu.

Partia Demokratike dhe aleatët e saj janë të vendosur të angazhohet në reformën zgjedhore, por 5 pikat e propozuara në tryezën e thirrur nga OSBE i kanë të panegociueshme. Lulzim Basha ishte i prerë kur deklaroi se Edi Rama ka vetëm një rrugë: Të zbatoj planin e propozuar nga opozita ose të largohet.

Qëndrimi ultimativ i kreut të demokratëve erdhi menjëherë pas takimit konsultues që zhvilloi me aleatët e tij në opozitë. Takimi i koalicionit opozitar erdhi pak orë pasi kryeministri Rama në një intervistë televizive rikonfirmoi qëndrimin e tij se nuk do ta pranonte propozimin e demokratëve për krijimin e një strukture të posaçme me prezencë ndërkombëtare për reformën zgjedhore.

Aleatët e demokratëve, Kryemadhi e Mediu ishin në sinkron me qëndrimet e Bashës kur kërkuan që Edi Rama fillimisht të shprehet për propozimet e opozitës së bashkuar për reformën zgjedhore.

E mërkura ka qenë një ditë intensive takimesh në selinë blu. Mëngjesin e tij të punës, Basha dhe aleatët e tij e nisën me një takim me aktivistin amerikan, David Philips, ndërkohë që në mesditë një grup deputetësh të CSU-së gjermane bashkë me ambasadorin gjerman Peter Zingraf zbarkuan në selinë blu për të diskutuar mbi krizën politike./ABC News Albania

LAJME-19_-GJATA.mpg_snapshot_15.42-1280x720.jpg
ent ela19:39 | 25/09/2019

“Duhet vullnet politik për të bërë reformën zgjedhore”. Është ky qëndrimi i lakuar shumë herë në studion e Mbrëmjë në ABC News i Sekretarit për Çështjet ligjore  të PD Çlirim Gjata, pas uljes së opozitës në tryezën e OSBE-së për reformën zgjedhore.

Opozita e bashkuar ka paraqitur 5 pika, ku ndër to veçon mbajtjen larg të personave të inkrimuar dhe përfaqësues seriozë ndërkombëtarë. Vetëm me realizmin e këtyre pikave opozita e bashkuar do të ulet në tryezë për reformën zgjedhore. Pa u realizuar 5 pikat e opozitës së bashkuar nuk ka reformë zgjedhore, thotë Gjata.

“Ne mbajmë qëndrimin zyrtar politik si opozitë e bashkuar. Janë paraqitur 5 pika, ka qëndrim të opzoitës të bashkuar për 5 pika të përcaktuara.

Një nga pikat është se nuk mundet të bëhet reformë zgjedhore me personalitete politikë që kanë konflikt interesi. Nuk është çështje emrash, por principi. Tryeza duhet të drejtohet nga ndërkombëtarët.

Opozita i përgjigjet pozitivisht ftesës, jo të inkriminuar, të ketë përfaqësues seriozë e më peshë ndërkombëtarë, duhet rregulluar faktori politik, duhet vullnet politik. Kuadri ligjor ekzistues plotëson kushtet por mungon vullneti politik. Nuk mund të bëhet reformë zgjedhore pa u zgjidhur 5 pikat e opozitës. Jemi të interesuar që të rivendoset sistemi, të zgjidhen gjërat instuitucionalisht”.

Gjata theksoi se po nuk u vendos para përgjegjësië personat e përfshirë në dosjet 184 dhe 339 nuk ka garanci për çlirimin e prokurorisë.

“Nuk kemi besim por nuk u vunë para përgjejgësië 184 -339. Po nuk u vu para përgjegjisë. Këto janë garancia që vendos drejtësi dhe çlirimin e prokurorisë nga kapja”.

I pyetur se me këto 5 pika duket sikur anashkalohet ndryshimi i sistemit Gjata shprehet: “Nuk mund të bëhet me Ramën  rëforma zgjedhore. Rama shkon në darkë takohet me kriminelët. Pa u zgjidhur kjo është e kotë që të rregullohet sistemi, kërkon ndërhyrje në kushtetutë. Në kushtetutë ndërhyeht për rregullimin sistemit politik, dhe në kuadër të tyre rregullohet dhe sistemi zgjedhor. Problemi është që duhet zgjidhur vullneti politik”. /abcnews.al

 

ivi-kaso.jpg
ad min10:02 | 25/09/2019

Përfaqësuesi i opozitës në konferencën për reformën zgjedhore të organizuar nga OSBE, Ivi Kaso, shprehu angazhimin e koalicionit opozitar për mbështetjen e realizimit të kësaj reforme.

Kjo është pika e parë e qëndrimit të opozitës, që po bëhet i njohur nga sekretari demokrat për çështjet zgjedhore. Opozita konsideron se personat që janë subjekt i dosjes 339 dhe 184 janë në kushtet e konfliktit të interesit me zgjedhjet e lira e të ndershme dhe me reformën e vërtetë zgjedhore që ka nevojë vendi.

“Për këtë arsye, reforma e vërtetë zgjedhore mund dhe duhet të realizohet e zbatohet vetëm nga institucione apo subjekte zgjedhore që kanë vullnet për të garantuar zgjedhje të lira dhe të ndershme”, tha në deklaratën e tij Kaso.

Në qëndrimin e saj zyrtar, opozita nuk e njeh legjitimitetin e Komisionit Parlamentar për Reformën Zgjedhore. Duke e cilësuar si një organ që nuk përfaqsëon vullnetin e qytetarëve, pasi ka dalë nga zgjedhjet e blera me krimin në 20017-n, qëndrimi i opozitës për mosnjohjen e këtij komisioni është i qartë: “Asnjë Komision që ka në përbërje dhe drejtim individë që duhet të ishin në burg për krime elektorale, nuk gëzon legjitimitetin për realizimin e Reformës Zgjedhore. Asnjë Komision që ka në përbërje dhe drejtim individë që nuk përfaqësojnë opozitën, nuk mund të përcaktojë rregullat për pjesëmarrje në zgjedhje të partive politike opozitare”.

Propozimi i opozitës për zgjidhjen e këtij problemi është ngritja e një grupi të posaçëm për reformën, që përfaqëson drejt elektoratin shqiptar, në përbërje të të cilit të ketë edhe përfaqësues të partnerëve kryesorë ndërkombëtarë.

“Opozita e Bashkuar propozon që procesi të drejtohet nga një strukturë e përbërë nga përfaqësues të organizmave ndërkombëtarë (OSBE/ODIHR, BE, SHBA, etj.), një përfaqësues i Parlamentit monopartiak dhe një përfaqësues i Opozitës së Bashkuar.. Produkti i dakordësuar nga kjo strukturë, pasi i nënshtrohet konsultimit me publikun, nëpërmjet formave dhe metodave që mundësojnë marrjen e mendimit të qytetarëve, miratohet pa ndryshime”, thuhet në qëndrimin zyrtar të opozitës së bashkuar për reformën zgjedhore.

Ky qëndrim ka në përbërje 5 çështje kryesore që opozita i shikon si një rrugë e mirë për të zgjidhur problemin e reformës zgjedhore, një nga kushtet kryesore për nisjen e negociatave./abcnews.al

BALLA-SINKRON.mpg_snapshot_00.03-1280x720.jpg
ent ela15:15 | 19/09/2019

Partia Socialiste përsërit apelin ndaj Demokratëve për t’u ulur në tryezën e bisedimeve për reformën zgjedhore. Taulant Balla tha se çdo ditë që kalon, vendos zgjedhjet e 2021-shit në vështirësi, ndërsa e cilësoi Damian Gjiknurin si një prej ekspertëve më të mirë zgjedhorë.

Opozita jo parlamentare nuk do të marrë pjesë të mërkurën në tryezën e reformës zgjedhore e thirrur nga OSBE.

Socialistët  e përsërisin apelin, duke thënë se koha nuk pret.

Kërkesën e opozitës për të mos negociuar me Damian Gjiknurin si bashkëkryetar të reformës zgjedhore, numri dy i socialistëve nuk e sheh serioze.

Kreu i grupit socialist nuk sheh rrezik tek kushtet e Gjermanisë për të hapur negociatat.

Një prej kërkesave të grupit më të madh parlamentar gjerman është dhe arrestimi i peshqve të mëdhenj të krimit dhe korrupsionit. /ABC News Albania 24/7

komisioni-1280x818.jpeg
ad min18:04 | 07/05/2019

Në mbledhjen e parë të komisionit të reformës zgjedhore, të rindërtuar me anëtarët e opozitës së re parlamentare, anëtarët votuan miratimin e kalendarit të punës dhe ekspertët që do t’i ndihmojnë. Deputetët e rinj kërkuan ndryshimin e sistemit zgjedhor.

“Rekomandimet e OSBE-së dhe propozimet për ndryshimin e sistemit zgjedhor do të adresohen njëkohësisht nga komisioni i reformës elektorale. Arritja në një draft të gjithë pranuar duket se do të kalojë përmes atij të punuar nga mandate paraardhës i këtij komisioni i drejtuar nga z. Blendi Çuçi dhe Oerd Bylykbashi por u depozitua në mënyrë të njëanshme nga mazhoranca. Për t’u njohur me këtë draft, anëtarët që nuk ishin pjesë e komisionit në mandatin e mëparshëm, do të kenë një muaj kohë që të njihen me këtë draft”.

Vullnetin politik të qeverisë, bashkëkryetari socialist Damian Gjiknuri e njoftoi përmes vendimeve të Këshillit të Ministrave që do të miratojë.

Si përfaqësuese e opozitës parlamentare, Rudina Hajdari theksin e vuri tek kushti që kjo opozitë i vuri mazhorancës për pjesmarrjen e saj, diskutimin për sistemin zgjedhor.

Për këtë të fundit, kreu i misionit të OSBE-së në Tiranë Berndt Borchardt deklaroi se misioni që drejton nuk mund të sjellë propozime, por një këshillë e ka.

Në përfundim komisioni miratoi kalendarin, pa afate kohore për përfundimin e çështjeve që janë për t’u adresuar, afate të cilat do të përcaktohen në mbledhjen e radhës, si dhe ekspertët përkatës. Dritan Cakaj për socialistët dhe një ekspert britanik për demokratët./ABC News Albania 24/7

MBYLIM-SHTYERJA-E-ZGJEDHORES.mpg_snapshot_00.01-1280x720.jpg
ent ela15:55 | 03/04/2019

Kuvendi shtyu deri në 5 maj afatin e komisionit ad hoc parlamentar të reformës zgjedhore. Në seancën e Kuvendit sot pati debate mes deputetëve të maxhorancës dhe demokrates Rudina Hajdari, lidhur me kërkesën e socialistëve drejtuar opozitës për t’u ulur për ndryshimet në Kodin Zgjedhor.

Nëpërmjet Damian Gjiknurit, mazhoranca nuk i ka hequr të drejtën opozitës për të përfunduar reformën zgjedhore të kërkuar nga ndërkombëtarët.

Por opozitarët e rinj nuk janë dakord.

Deputetja Rudina Hajdari ka marrë përsipër të sqarojë edhe prapaskenat e kësaj zgjatje dore siç e quan ajo kërkesën e socialistëve për t’u ulur për ndryshimet në kodin zgjedhor.

Nuk replikoi por sqaroi kryetari i Grupit Parlamentar Socialist se kjo është një kërkesë e detyruar.

Zgjedhjet nuk janë larg i kujtoi numri dy i Partisë Socialiste duke i sugjeruar që të krijojnë grupin e tyre parlamentar. Ndërsa Komisionit Qendror të Zgjedhjeve i kujtoi se duhet të marrin paratë që u kanë dhënë partive që nuk hyjnë në zgjedhje.

Që zgjedhjet të zhvillohen normalisht nevojiten të plotësohen vendet vakante të krijuara nga dy partitë e opozitës në komsionet zonalë dhe qendrat e v otimit. Thirrja e mazhorancës iu drejtua të gjithë qytetarëve që të kontribuojnë vullnetarisht, por për kreun e komisionit nuk është e rëndësishme thjesht të votosh.

I pyetur për financimin e partive politike kohët e fundit ai iu përgjigj edhe një herë se për shkeljet e konstatuara, partitë politike, duke përfshirë edhe selinë blu, u gjobitën.

Për t’i dhënë fuqinë e munguar mazhoranca propozoi disa ndryshime në Projekt/rezolutën e veprimtarisë vjetore të Komisionit Qendror të Zgjedhjeve të cilën e votuan me 76 vota pro.

Ndërsa zgjatja me një muaj e afatit për Komisionin e Reformës Zgjedhore u miratua me 75 vota pro, 15 kundër dhe 4 abstenim.

/abcnews.al

FLECKENSTEIN-PER-REFORMEN-ZGJEDHORE-1280x720.jpg
ent ela13:27 | 11/02/2019

Raportuesi për Shqipërinë në Parlamentin Evropian, Knut Felckenstein, kërkon që reforma elektorale të zbatohet përpara zgjedhjeve lokale. Ndërsa për fondet e IPA, Fleckenstein e vë theksin tek mirëmenaxhimi i fondeve të Bashkimit Evropian.

Pret të tregojne vullnet të mirë mazhoranca dhe opozita për ta miratuar reformën elektorale përpara zgjedhjeve vendore në 30 qershor. Shpresën se kjo do të arrihet Raportuesi për Shqipërinë në Parlamentin Evropian, Knut Felckenstein e shpreh në një intervistë për gazetën “Shekulli”.

“Po sigurisht! Presim që shumica në parlament dhe opozita të tregojnë vullnet të mirë dhe ne shpresojmë seriozisht se do të miratohet puna e mirë e dy grupimeve të komitetit ad-hoc, në mënyrë që tashmë të hyjë në fuqi për zgjedhjet lokale”.

Pak ditë më parë Parlamenti Evropian, ka miratuar ligjin e fondeve IPA të Bashkimit Evropian, të cilat kanë për qëllim investimin në vendet e Ballkanit Perëndimor. Bashkë me menaxhimin e fondeve IPA, Parlamenti Evropian është e interesuar që Shqipëria dhe Maqedonia të plotësojë edhe kriteret e përcaktuar nga BE.

“Ne shohim se ekonomitë në Ballkanin Perëndimor po rriten ngadalë por pa probleme, por kushtet e jetesës për njerëzit nuk po përmirësohen. Procesi i pranimit duhet gjithashtu të kontribuojë në përmirësimin e kushteve të jetesës së njerëzve, në mënyrë që njerëzit e rinj dhe të arsimuar të mos largohen nga vendi i tyre. Mendoj se kjo është një gjë e mirë për Shqipërinë dhe për përfituesit e tjerë të fondit”.

Sipas bashkëraportuesit të Instrumentit të Ndihmës së Para-Anëtarësimit dhe zëdhënës i Social Demokratëve për çështjet e jashtme Knut Fleckenstein “Propozimi i Komisionit Evropian për të rritur zarfin e fondeve të para-aderimit në buxhetin 2021-2027 në 14.5 miliardë euro është një fillim i mirë. Gjithçka duhet të bëhet tani është shpërndarja e fondeve në mënyrë jo-diskriminuese, duke arritur në të gjitha rajonet dhe duke mos u shpërndarë nga qeveritë sipas interesit politik. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono