reforma zgjedhore

LAJME-ORA-19-00002.mpg_snapshot_13.32-1280x720.jpg
ent ela21:06 | 14/10/2019

“PD duhet t’i qaset shqiptarëve se me ata do e fitojë këtë betejë, të frymëzojë njerëzit dhe të kuptojë për çfarë do e bëjmë këtë betejë”. Kështu u shpreh në studion e Mbrëmje në ABC News të Mirela Milorit, ish deputetja demokrate Grida Duma, teksa u pyet nëse PD ka vullnet për të gjetur një mënyrë që të hyjë në institucione.

“Duhet të tregojmë që nuk jemi më pak të këqinj, por shumë më të mirë. Pjesa tjetër është të themi që ne jemi zgjidhja, të diskutojmë reformën zgjedhore, ndryshimet në kod elektoral i leverdisin Ramës. Partia duhet të punojë drejt atyre që e besojnë dhe kjo e bën njëshin të sigurt. Për mua sistemi i Kosovës është shumë i mirë”.

Ajo vlerëson Bundestagun gjerman i cili bëri të mundur që opozita jashtë parlamentare të ketë veton për reformën zgjedhore.

“Unë vlerësoj që Bundestagu bëri të mundur një gjë, që reforma zgjedhore të kalojë në ekstraparlamentare, që do të thotë se do ketë veton sikur të jetë në parlament, sikur të ishte në sistem”.

E pyetur për zgjedhjet e parakohshme, Duma sqaron qëndrimin e saj, kur thotë se logjika drejt asaj të çon. Sipas Dumës nëse në 18 tetor nuk hapen negociatat, duhet të ketë radikalitet me çdo mjet.

Zgjedhjet e parakohshme?

“Duhet të ketë dhe logjika aty e çon. Unë e kam qëndrimin tim, një herë e draftuar reforma zgjedhore dhe pasi kemi dalë me platformën tonë vendosen piketat që kërkohet dhe garanci e ndërkombëtarëve, që ne duhet t’i kemi aleatë se çfarë kërkojmë ne dhe se ajo që kërkojmë është e bëshme dhe jo e dhuruar. Dhe pas kësaj pas 18 tetorit, protesta nëse nuk hapen negociatat. Duhet të kemi radikalitet me mjetet nga më të ndryshmet më pas”. /abcnews.al

 

edmond-spahoo.jpg
nev ila15:19 | 11/10/2019

Opozita do të refuzojë të marrë pjesë në tryezat e organizuara nga Kuvendi për Reformën Zgjedhore, nëse më herët maxhoranca nuk do të shprehet për draftin me 5 pika të propozuar prej tyre. Në një intervistë për ABC NEËS, nënkryetari i PD, Edmond Spaho kërkon largimin e menjëhershëm të Damian Gjiknurit nga drejtimi i komisionit.

Partia Demokratike refuzon të ulet në tryezën e reformës zgjedhore me maxhorancën pa marrë më parë një përgjigje për platformën me 5 pika që paraqiti në takimin e zhvilluar me OSBE-në pak ditë më parë. Në një intervistë për ABC News, nënkryetari i PD, Edmond Spaho thekson se drafti i opozitës i jep zgjidhje jo vetëm çështjeve thelbësore të reformës por edhe krizës politike.

Bashkëkryetari i Komisionit të Reformës Zgjedhore, Damian Gjiknuri deklaroi një ditë më parë se miratimi i reformës mund të bëhet në dy faza.

Por për Spahon në vend të propozimeve Gjiknuri në pozitat e personit të kapur në përgjime në shit-blerje votash aktin e parë që duhet të bëj është të jap dorëheqjen.

Partia Demokratike refuzoi të marrë pjesë në mbledhjen e zhvilluar në Kuvend për Reformën Zgjedhore. Ndërkohë që maxhoranca ka premtuar se propozimet e demokratëve do të mund të diskutohen në një tjetër tryezë që do të organizohet me përfaqsues ndërkombëtarë dhe anëtarë të shoqërisë civile./ABC News Albania 24/7

gjiknuri.jpg
G. P.21:21 | 10/10/2019

Damian Gjiknurit i duket justifikim dhe absurditet kërkesa nga e opozitës për largimin e tij nga bashkëdrejtimi i Komisionit të Posaçëm për Reformën Zgjedhore. Gjatë një interviste në televizionin ABC News me gazetaren Mirela Milori, deputeti tha se nuk ka pushtet të madh në atë komision pasi është thjesht përfaqësues i Partisë Socialiste.

Sipas Gjiknurit, e gjitha është një sulm politik për shkak të rolit të tij. Ish-ministri theksoi se do t’i qëndrojë premtimit të tij për t’u larguar nga pozicioni për hir të vendit. Megjithatë problemi nuk është tek ai, por tek fakti që PD nuk njeh komisionin dhe parlamentin.

“Kjo është një përrallë, justifikim, është një absurditet. Unë s’kam ndonjë pushtet të madh aty, jam përfaqësues i PS në atë komision. Pastaj unë nuk kam asnjë hetim penal, as nuk jam i akuzuar për asgjë, nuk jam thirrur nga prokuroria, nuk kam kryer asnjë vepër të tillë që të vihet në dyshim personi im. Nëse unë do kisha përballje me drejtësinë, natyrshëm do përballesha me drejtësinë. Akuza politike. Pse jam sulmuar unë? Jam sulmuar për shkak të rolit tim politik. Unë kam qenë një nga drejtuesit e lartë elektoral. Kam bërë beteja dhe kam fituar kështu mund të bësh edhe armiq, por të zgjedhësh kundërshtarin në tavolinë nuk është normale. Të gjithë kanë akuza.

Unë kam thënë, po të isha unë pengesa kryesore ata le të vinin në komision. Do bëja një gjest që nuk është normal politik, por do e bëja për hir të vendit sepse do më dukej absurde që gjithë ajo trysni të përfundonte vetëm tek një emër. Nuk është problemi aty, por PD nuk e njeh komisionin, nuk njeh Parlamentin në tërësi”, shtoi Damian Gjiknuri, bashkëkryetari i Komisionit për Reformën Zgjedhore.

Bashkëkryetari socialist i komisionit parlamentar për reformën zgjedhore, Damian Gjiknuri deklaroi më 19 Shtator se është gati të rishikojë këtë pozicion, me kushtin që PD të përfshihet në këtë Reformë.

Intervista e plotë

 

/abcnews.al

GJIKNURI-hajdari-1280x649.jpg
ent ela13:20 | 10/10/2019

Partia Socialiste është e vendosur të miratojë një pjesë të reformës zgjedhore, brenda këtij viti. Komisioni i Reformës Zgjedhore ju kërkoi ekspertëve që brenda një jave të përgatisin një draft për rekomandimet e OSBE-ODIHR, ndërsa ndryshe nga Damian Gjiknuri, Rudina Hajdari thotë se nuk do të votojë një reformë me dy faza, pa ndryshimin e sistemit zgjedhor.

Mazhoranca është e vendosur që brenda vitit t’i japë një provë Gjermanisë duke plotësuar një prej kushteve për negociatat: reformën zgjedhore.

Komisioni i Posaçëm ju ka lënë detyrë ekspertëve që brenda një jave të hartojnë një dokument se si mund të ndryshojë kodi zgjedhor, për të reflektuar rekomandimet e OSBE ODHIR.

Por ndryshe nga Gjiknuri, bashkëkryetarja e opozitës, Rudina Hajdari nuk pranon një reformë me dy faza.

Gjiknuri, në emër të Partisë Socialiste, thotë se e mirëpret çdo propozim të Partisë Demokratike, edhe nëse ata vetë nuk vijnë në Komision.

Rekomandimet e OSBE-ODIHR për zgjedhjet në Shqipëri, kërkojnë ndërhyrje në ligjin për financimin e partive, ndërsa ndërhyrja që kërkon më shumë guxim politik është depolitizimi i komisioneve zgjedhore./ABC News Albania 24/7

damian-gjiknuri.jpg
ent ela14:42 | 09/10/2019

Partia Socialiste i ka kërkuar opozitës të rikthehet në Komisionin e Posaçëm të Reformës Zgjedhore në Kuvend. Bashkëkryetari i këtij Komisioni, Damian Gjiknuri i ka bërë ftesë Sekretarit Zgjedhor të PD, Ivi Kaso të marr pjesë në mbledhjen që Komisioni do të mbajë këtë të enjte në Kuvend. Por, PD ka refuzuar sërish ftesën.

Bashkëkryetari socialist i Komisionit të Reformës Zgjedhore, Damian Gjiknuri i ka bërë ftesë zyrtare Partisë Demokratike për të marrë pjesë në mbledhjen e rradhës të Komisionit në Kuvend. Ftesa e Gjiknurit i është drejtuar Sekretarit për Çështjet zgjedhore në PD, Ivi Kaso, i cili ishte edhe përfaqsuesi kryesor i opozitës në tryezën e organizuar nga OSBE një javë më parë.

I nderuar z. Kaso,Komisioni i Posaçëm Parlamentar për Reformën Zgjedhore do të zhvillojë një mbledhje ditën e enjte, datë 10 tetor 2019, në orën 10:00, me rend dite:”Diskutimi mbi ecurinë e axhendës së punës së komisionit dhe konkluzionet e tryezës së organizuar nga OSBE, më datë 25 shtator mbi sistemin zgjedhor”. Bashkëlidhur po Ju nis minutat e konferencës “Të mohuar nga sistemi: ndërtimi i një sistemi gjithëpërfshirës për të mbrojtur demokracinë”

I kontaktuar nga ABC Neës, Sekretari Zgjedhor i demokratëve, Ivi Kaso ka theksuar se qëndrimi i opozitës është ai i shprehur në platformën e bërë publike në Konferencë. Partia Demokratike përmes kreut të demokratëve, Basha i ka kërkuar qeverisë të japë një përgjigje për propozimin e opozitës së Bashkuar për reformën zgjedhore.

Kryedemokrati është shpehur me bindje se pa prezencën e Partisë Demokratike, reforma zgjedhore nuk mund të miratohet në Parlament. /ABC news Albania 24/7

 

 

basha-2-1280x675.jpg
G. P.18:03 | 03/10/2019

Opozita e bashkuar i ka dërguar kryeministrit Rama një platformë për zgjidhjen e krizës politike ku në fokus është reforma zgjedhore. Këtë të enjte, kreu i Selisë blu, Lulzim Basha në një reagim në rrjetet sociale bëri publike 5 pikat e planit të opozitës.

“Në respekt të transparencës, ky është propozimi i Opozitës së Bashkuar për Reformën Zgjedhore. Dëshiroj që konsultimi të nisë me JU! Ndaj ju ftoj të ndani me mua mendimet dhe sugjerimet tuaja”, shkruan Basha në Facebook.

Në platformën e opozitës thuhet se diskutimet mbi reformën zgjedhore duhet të jenë transparente, gjithëpërfshirëse dhe publike, duke përfshirë në hartimin e saj edhe përfaqësues të të gjitha grupeve të interesit dhe shoqërisë civile.

Gjithashtu opozita propozon që procesi të drejtohet nga një strukturë e përbërë nga përfaqësues të organizmave ndërkombëtar (OSBE/ODIHR, BE, SHBA, etj.), një përfaqësues i parlamentit dhe një përfaqësues i opozitës së bashkuar. Sipas opozitës, reforma zgjedhore kërkon vullnet politik për t’u realizuar dhe zbatuar.

Ndërkohë njësoj si një ditë më parë, edhe këtë të enjte kreu i Partisë Demokratike përsëriti se nëse Rama nuk e zbaton këtë plan, duhet të hapë krahun.

/abcnews.al

KRONIKE-RAMA-NE-PARLAMENT.mpg_snapshot_00.06-1280x720.jpg
ent ela15:31 | 03/10/2019

Edi Rama ju propozoi sot deputetëve të opozitës parlamentare që të lënë mënjanë kushtet për ndryshimin e sistemit zgjedhor, dhe të bëhem patriotë për të miratuar brenda vitit reformën zgjedhore me rekomandimet e OSBE-së, për t’ia dërguar Gjermanisë si provë për plotësimin e kushteve për negociatat.

Edi Rama ju kërkoi deptuetëve të mos presin shumë nga Bashkimi Evropian në këto kushte kur vetë unioni është në krizë.

Krahasimin kryesministri e shtrim tek të gjitha vendet e BE-së.

Kreu i qeverisë sfidoi opozitën parlamentare, të tregojë që është patriote dhe të lërë mënjanë për momentin kushtin për ndryshimin e sistemit zgjedhor.

Kryeministri propozon që reforma zgjedhore të miratohet brenda këtij viti, duke zbatuar vetëm rekomandimet e OSBE-ODIHR.

Një mesazh se duhet të heqë dorë nga kushtet, ja dërgon dhe Lulzim Bashës.

Megjithë seriozitetin e çështjet, seanca nuk kaloi pa batuta, në një gricje të vazhdueshme të deputetit Kujtim Gjuzi me kryeministrin. /ABC News Albania 24/7

basha-i-pergjigjet-rames.jpg
G. P.15:03 | 03/10/2019

Shprehjen e tij “Rama ik” që më pas u kthye edhe në refrenin e protestave të opozitës, Lulzim Basha e ka zëvendësuar me një thirrje të re. Prano kërkesat e opozitës për zgjidhjen e krizës ose hap krahun. Pasi kishte ndjekur deklaratat e Ramës pak metra larg selisë së PD në Parlament, kreu i opozitës ia bëri të qartë kryeministrit se nuk e miraton dot i vetëm reformën zgjedhore.

“Flasin vetë kushtet e Bundestagut. A ju tha vjet që u hapën negociatat. Mos të bëhemi dhe ne pjesë e mashtrimit. Si do ta bëjë ai reformën zgjedhore pa opozitën? E ke në kushtet e Bundestagut. Merreni dhe lexojeni. Keni edhe përkthimin zyrtar të institucioneve dhe autoriteteve gjermane që e thotë fare qartë. Plani është mbi tavolinë ta marrë ta zbatojë, jo për hirin tim apo të PD, por për hir të Shqiptarëve. Ta zbatojë ose të hapë krahun. Nuk është për Ramën, nuk është për Bashën, kjo është një betejë për të nxjerrë Shqipërinë nga kriza”, tha Basha.

Kushtet e shprehura në rezolutën e Bundestagut gjerman për Bashën janë udhërrëfyes për zgjidhjen e krizës, ndaj apelon që t’i jepet fund lojërave politike. Paralajmëron një përgjigje negative për negociatat dhe gishtin e drejton te vetëm një person, kryeministri i vendit.

“9 kushtet dhe kërkesat e Bundestagut përbëjnë shprehjen më koncize të një udhërrëfyesi për daljen nga kjo krizë”.

Është i bindur se atë që nuk bëri dot në dy mandate qeverisëse, Edi Rama nuk mund ta bëj dot brenda një kohe të shkurtër ndaj edhe i drejtohet socialistëve me një apel që sipas Bashës do të jetë i fundit i ardhur nga opozita.

Partia Demokratike dhe aleatët e saj kanë propozuar një platformë me 5 pika për reformën zgjedhore, ku çështja kryesore lidhet me krijimin e një strukture esktraparlamentare me prezencë ndërkombëtare për të të udhëhequr ndryshimet në Kodin Zgjedhor. /ABC News Albania 24/7

SINKRON-RAMA-PARLAMENT.mpg_snapshot_00.13-1280x720.jpg
ent ela13:53 | 03/10/2019

Reforma zgjedhore është një ndër dy kushtet kryesore që ka propozuar Gjermania për tiu afruar hapjes së negociatave me Bashkimin Evropian. Kryeministri Edi Rama këmbëngul se do të jetë gati brenda vitit me apo pa opozitën. Kryetarin e Partisë Demokratike e paralajmëron të vendosë kushte për zgjedhoren por të miratojë propozimet e OSBE ODIHR. /ABC news Albania 24/7

kaso1-1280x720.jpg
ent ela19:59 | 26/09/2019

“Reforma e vërtetë zgjedhore kërkon bashkëpunimin e të gjitha forcave politike dhe certifikimin e  faktorit ndërkombëtar, që t’i vërë vulën një produkti, që duhet të jetë në lartësinë e pritshmërive të Shqipërisë”.Është ky qëndrimi i palëkundur i opozitës sa i takon reformës zgjedhore, i shprehur edhe në studion e Mbrëmje në ABC Neës të Mirela Milorit nga sekretari për çështjet zgjedhore në PD Ivi Kaso.

Kaso theksoi se në tryezën e djeshme të organizuar nga OSBE, u dëgjuan me seriozitet propozimet e opozitës dhe një pikënisje e mirë për diskutime serioze për reformën zgjedhore si kusht për çeljen negociatave, ndërsa mbeten në pritje të reagimeve.

“Tryeza synonte të adresonte disa problematika të vërteta dhe kësaj ftese nuk kishte si të mos i përgjigjeshim pozitivisht dhe ka qenë një rol aktiv për të zgjidhur problematikën e zgjedhjeve në Shqipëri.

Qëndrimi ynë u përcaktua qartë, u dëgjua me seriozitet. Ngelemi në pritje të reagimeve , qëndrimet otna ishin të studiura dhe u qëndrojmë plotësisht. Që në përfundim të tryezës kam vërejtur që qëndrimet tona i kanë konsideruar si pikënisje e mirë për diskutime serioze për një reformë që po bëhet e domosdoshme për hapjen e negociatave”.

Sipas Kasos, propozimet kërkojnë vullnet politik për të përmbushur një sërë detyrimesh që i përkasin qevrisë.

“Jo domosdoshmërisht kërkojnë adresim nga qeveria, por vullnet politik për të përmbsushur një sërë detyrimesh që i përkasin qeverisë që deri më sot nuk janë kryer.

Detyrime për listën e  zgjedhësve, karta e identitetit, detyrime që lidhen me rolin policisë në zgjedhje.

Reforma e vërtetë zgjedhore kërkon bashkëpunimin e të gjitha forcave politike dhe certifikimin faktorit ndërkombëtar që ti vërë vulën një produkti që duhet të jetë në lartësinë e pritshmërive të Shqipërisë”.

Tryeza e djeshme synonte të dëgjonte të gjitha palët, t’i ulte dhe t’i dëgjonte. Tryeza e cila do të zbërthejë qëndrimet e palëve duhet të jetë një tryezë e ndryshme nga çka presupozohet të jetë i ndryshëm nga ai i komisionit të reformës zgjedhore. Ne kemi propozuar një mekanizëm”.

Duke konsideruar jolegjitim parlamentin dhe komisionin e reformës zgjedhore, Kaso thotë se në kushtet kur parlamenti është monopartiak dhe ka asnjë përfaqësues të opozitës së bashkuar, opozita propozon një forum që të drejtohet nga ndërkomëbtarët për reformën.

“Instrumenti i vetëm ekzistues është komisioni i posaçëm i reformës zgjedhore që ne vazhdojmë ta konsiderojmë jolegjitim, se parlamenti nuk është legjitim se ka dalë nga vota e blera nga krimi i organizuar, legjitimiteti i parlamentit dhe nënprodukteve të tij është në pikëpyetje serioze, dhe nga ana tjetër ky komision dominohet vetëm nga një forcë politke. Në përbërje të tij nuk ka asnjë përfaqësues të opozitës së bashkuar. Shqipëria sot ka vetë një opozitë dhe kjo është opozita e bashkuar.

Aksioni politik i atij parlamenti është unison nuk ka dallim nga mazhoranca e opozita. Ata janë të gjithë deputetë që votojnë në unison dhe në këtë koncept komisioni i reformës zgjedhore është i dominuar nga deputetë të parlamentit monopartiak dhe propozimi ynë është të ngremë forum që të drejtohet nga ndërkombëtarë pasi ata janë të vetmit që gëzojnë respektin, kanë ekspertizën dhe do i vënë vulën”.

Kaso u shpreh optimist për një zgjidhje të ngjashme për sa kohë ka angazhim politik mes palëve.

“Unë jam shpresplotë që një zgjidhje në një format të ngjashëm do jetë e pranueshme për sa kohë ka angazhim politik mes palëve. Do jetë një garanci edhe për palët, secila palë do mbajë përgjegjësitë e veta. Më duket propozim zgjidhës”. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono