reforma ne drejtesi

ballanca.jpg
ger ta21:46 | 13/12/2019

Për Avokaten e Popullit Erinda Ballanca rezultatet e para të Reformës në Drejtësi do të jenë të prekshme pas 7-8 vitesh.

E ftuar në emisionin “Provokacija” me Mustafa Nanon, Ballanca u shpreh se  aktualisht jemi më keq se para se të implementohej Reforma në Drejtësi.

Në momentin e parë refoma ishte e kërkuar dhe e shumë pritur nga populli shqiptar por edhe nga profesionistët. Në momentin që është kërkuar reforma unë nuk kam qenë në këtë pozicion, por realisht kisha kërkesën se duhet të kishte një ndryshim në sistemin e drejtësisë. Në momentin që u miratua refoma të gjithë mendonin do të kishte një periudhë që do të duhej të tundej dhe shkundej mirë nga rrënjët për të liruar një sistem të ri drejtësie, ajo që ne prisnin, gjyqtarë të pakorruptuar, të zotë.

Unë mendoj se ne jemi shumë afër të mospasjes fare të një sistemi të drejtësisë dhe ky është një shqetësim shumë i madh në gjykimin tim. Ne kemi një sistem që është në mos themi paralizuar ende pas tre vitesh që është miratuar paketa e ndryshimeve. Ne rezultojmë të jemi më keq se kemi qënë para se kjo reformë të implementohej. Ndoshta mendoj unë pas 7 apo 8 vitesh ne do arrijmë në ato rezultatet e para.

Një nga problematikat thelbësore është që duhet së pari të kemi afate më të shkurtra gjykimi. Ne për 7-8 vite nuk do kemi mundësi të mbushim vendet në sistemin e drejtësisë që mbetën bosh për shkak të largimit të gjyqtarëve”, u shpreh ajo.

Më tej Ballanca u ndal edhe tek ngritja e Gjyaktës Kushtetuese, për të cilën tha se ndonëse janë emaruar disa anëtarë, do të duhen afërsisht 10 muaj për të pasur të plotë Kushtetuesen.

Për sa  i përket Gjykatës Kushtetues unë ju kam thënë se pritshmëritë  ishin entuziaste, ne ende sot nuk kemi një Gjykatë Kushtetuse funksionale, kemi disa anëtarë, por për të pasur gjykatën e plotë do të na duhet minimalisht edhe 10 muaj të tjerë”, u shpreh Avokatja e Popullit .

olsian-cela-ambasadoret-.jpg
nev ila16:51 | 11/12/2019

Ambasadori i Bashkimit Europian në Tiranë, Luigi Soreca, dhe e ngarkuara me punë e SHBA-ve, Leyla Moses-Ones zhvilluan sot një takim me Prokurorin e ri të Përgjithshëm, Olsian Çela.

Me një shënim në Twitter, Soreca shkruan se në takim u diskutua për përparësitë kryesore të zyrës së re të Çelës, ndërsa shton se zgjedhja e tij si kryeprokuror “paraqet një hap tjetër të rëndësishëm përpara në zbatimin e reformës në drejtësi”.

“Së bashku me Leyla Moses-Ones sot takova Prokurorin e Përgjithshëm të sapozgjedhur Olsian Cela. Ne diskutuam përparësitë kryesore të zyrës së tij të re, përfshirë rolin kryesor të hetimeve financiare proaktive, veprimin e zyrave të prokurorisë në pas tërmetit, si dhe për fazën kalimtare drejt krijimit të SPAK. Zgjedhja e Z. Cela paraqet një hap tjetër të rëndësishëm përpara në zbatimin e reformës në drejtësi, e cila është një përparësi kryesore për Shqipërinë në rrugën e saj të integrimit në BE”, shkruan Soreca.

Edhe Ambasada Amerikane ka njoftuar në rrjetet sociale takimin me Kryeprokurorin e Përgjithshëm Olsjan Çela ndërsa ka përsëritur mbështetjen e SHBA-ve për reformën në drejtësi.

“E Ngarkuara me Punë, a.i. Leyla Moses-Ones dhe Ambasadori i Bashkimit Europian Luigi Soreca u takuan sot me Prokurorin e Përgjithshëm të sapozgjedhur Olsian Çela. E Ngarkuara me Punë përsëriti sërish mbështetjen e Shteteve të Bashkuara për reformën në drejtësi dhe rolin e rëndësishëm që institucionet e prokurorisë luajnë në luftën kundër krimit ndërkombëtar dhe korrupsionit”, thuhet në njoftimin e ambasadës.

Më herët gjatë ditës së sotme, kryeprokurori Çela zhvilloi një takim edhe me ambasadorin gjerman Peter Zingraf, i cili e vlerësoi zgjedhjen e Kryeprokurorit të ri “si një hap thelbësor në zbatimin e reformës në drejtësi dhe do të konsolidojë besimin e qytetarëve në sistemin e drejtësisë”./abcnews.al

jj.jpg
nev ila12:45 | 20/11/2019

I ashpër në qëndrimet e tij ka qenë ditën e sotme Ish –Presidenti Sali Berisha pas takimit të zhvilluar në Presidencë me kreun e shtetit Ilir Meta. Gjatë fjalës së mbajtur përpara gazetarëve Berisha tha se Betimi është një akt solemn dhe nuk mund të bëhet në çdo vend.

Ata që nuk i nënshtrohen ligjit në lidhje me këtë nuk kanë integritet dhe moral, tha Berisha duke iu referuar kështu Arta Vorpsit e cila bëri betimin si anëtare e Gjykatës Kushtetuese përpara noterit.

“Ajo që duan ata, zonja.. që tani më duhet të them, e betuara në Lanë dhe do më falni ëëë…, unë kam qenë Presidenti i vendit. Betimi është betim për ata që kanë moral dhe integritet.

Presidenti i SHBA Barak Obama gjatë betimit gaboi në perifrazim dhe u betua sërish në Shtëpinë e Bardhë. Dua të them se betimi nuk është nja akt i bërë në Lanë. Betimi bëhet përpara flamurit dhe ky është një akt solemn që i detyron të gjithë të përmbushin detyrën.

Betim në Lanë bëjnë horrat e narkoshtetit e askush tjetër.

Çfarë ndodh me KED?

Ligjet e detyrojnë KED dhe avokatin e shtetit të monitorojë çdo akt të KED-it. Reforma në drejtësi tashmë është e dështuar pasi janë kapur KLP, KED dhe po bëhet përpjekje edhe për Gjykatën kushtetuese.

I Shpreha mbështetjen time presidentit për të gjithë veprimet në vazhdim për hapjen e dritës jeshile Shqipërisë.

Është koha që shqiptarët të ndërgjegjësohen se në këtë bllokim të gjithçkaje për interesa politike të kreut të meduzës Edvin Kristaq Rama po paguan çdo njeri i këtij vendi”, tha Berisha./abcnews.al

ilir-meta-1.jpg
nev ila11:51 | 20/11/2019

Pas takimit që Presidenti meta pritet të zhvillojë me ish-presidentin Berisha në presdencë,  burime për abcnews.al njoftojnë se Meta do të takohet sot në ora 17.30 me përfaqësues të organizatave të shoqërisë civile tëe angazhuara me monitorimin e  zbatimit të reformës në drejtësi.

Mësohet se mes këtyre organizatave do të marrin pjesë në takim edhe përfaqësues të Fondacionit Shoqëria e Hapur (SOROS)./abcnews.al

berisha-1280x720.jpg
ent ela22:55 | 14/11/2019

Sali Berisha e vlerëson si nul deklarimin para noterit të kandidates për Gjykatën Kushtetuese Arta Vorpsi. Në studion e Mirela Milorit në ABC News, ish kryeministri tha se ajo sjellje antikushtetuese ishte e diktuar nga kryeministri. Duke folur për opozitën, Berisha tha se kushti i Bundestagut për reformën zgjedhore është edhe për opozitën, e cila sipas tij duhet të marrë pjesë aktive në atë proces.

Ish-kryeministri Sali Berisha e konsideron të paimagjinueshme situatën me emërimet në Gjykatën Kushetuese. Në një intervistë në studion e ABC News, Berisha shprehet i befasuar nga sjellja e kandidates kushtetuese Arta Vorpsit që e zëvendësoi presidentin me një noter, ndërsa tha se Rama po synon të kapë gjykatën më të lartë në vend.

“Nga të gjithë kandidatët unë e kam njohur Vorpsin e kam patur mendim pozitiv. Me aktin e sotëm: në rast se ta diktuan për të poshtëruar institucuionin është keq, në rast se e ke bërë vetë, dy herë më keq. Ajo duhet të largohet e të kalojë në politikë. Nuk mund të imagjinohet t’i marrësh tjetrit kandidaturën. Në interpretimin tim, Vorpsi është nul, nul është edhe këshilltaja që u vu në listë me Besnik Muçin. Për t’u bërë tre emra Gramoz Ruçi vuri në listë jo kandidatin, por gjykatësin që ka filluar punë në Gjykatë Kushtetuese Besnik Muçin”.

I pyetur për qëndrimet përshëndetëse të ndërkombëtarëve, Berisha tha se po i bëjnë dëm vendit me ato deklarata.

“Në mënyrë absolute nuk them dot se qëndrimet e tyre janë antikushtetuese, ata s’kanë asnjë detyrim ndaj kushtetutës së këtij vendi. Është jashtëzakonisht e dëmshme për vendin të inkurajohet dhunimi i kushtetutës. Tërësisht të pamerituar të Ramës. Nëse shihni të gjitha deklaratat e tyre ata janë për një realitet që s’ekziston kund në Shqipëri”.

Ish-kryeministri rrëfen edhe një episod mbi një kërkesë të ndërkombëtarëve në kohën e hartimit të reformës në drejtësi.

Më erdhën në zyrë e më thanë  se kërkonin një nen në kushtetutë që ata që svetoheshin të mos emëroheshin në Gjykatë Kushtetuese, Basha i refuzoi …zgjodhën metodën top doën nga lart poshtë…por a pranoja unë të lija vendin pa gjykata”

Sipas Berishës jo të gjithë në BE janë entuziastë me këtë lloj reforme në drejtësi

Mos mendo se kanë të njëjtin mendim për këtë reformë vende të ndryshme, apo të futet minarja në thes me këtë situatë, kushdo të vijë gjen kunatin në krye të KLP, që nuk është magjistrat e ka bërë reformën në drejtësi, në krye të KED një njeri që ka fshehur 120 milionë lekë, që shkonte në mbledhjet e PS”.

Berisha e vlerëson si institucional qëndrimin e Metës, përballë përpjekjes së Ramës për t’i marrë kompetencat. Nga ana tjetër, lideri historik i PD thotë se opozita duhet të marrë pjesë në hartimin e reformës zgjedhore sepse kushti i Bundestagut është edhe për të.

“Nga një anë citohen 9 kushtet, por nga ana tjetër ai kusht edhe për opozitën jo vetëm për Ramën. Unë jam që opozita të marrë pjesë aktive e të japë kontributin e saj për reformën zgjedhore. Opozita e qeveria duhet të bien dakord të marrin ekspertët e ODIHR-it…Pa ODIHRIin, unë  jam për pjesëmarrje 100 % në reformë”.

Sipas Berishës, opozita ka program shumë të mirë e duhet të bëjë punë intensive, ndërsa zgjedhjet e parakohshme duhet të mbahen sa më parë. /abcnews.al

sokol-hazizaj.jpg
ad min22:26 | 11/10/2019

Disa ditë më parë, kryeministri Edi Rama akuzoi publikisht një prokuror në Durrës se i shërben një grupi kriminal. Madje, zv/kryeministri shkoi në një seancë ku u dha masa ndaj drejtorit të Kadastrës së qytetit bregdetar. Juristi i njohur, Sokol Hazizaj ha se ky veprim i dy drejtuesve më të lartë të qeverisë ka ndikuar në reformën në drejtësi.

“Cili interes i kryeministrit drejtpërdrejtë është prekur në rastin konkret? Nëse një subjekt pretendohet se është ndaluar në mënyrë të padrejtë, ai që e vlerëson kërkesën është gjyata , gjykata dhe vetëm gjykata. Sa do ndikojë vajtja e zv/kryeministrit atje? Përveçse për mua, vajtja e zv/kryeministrit për këdo, kudo e shkelmoi reformën në drejtësi pafundësisht. Nëse do isha këshilltar i tij mund ta përpunoja nëpërmjet një shkrimi, diku në një media, nëpërmjet mbrojtjes që është themelore. Çfarë tregoi? Çfarë simuloi në pushtetin e gjyqësorit? Asnjë gjë. E shkelmoi”, tha Hazizaj.

“Do doja ta dëgjoja përgjigjen që dhatë, kjo është një ndërhyrje brutale e kryeministrit”, iu përgjigj Nano juristit./abcnews.al

gent-ibrahimi-1280x725.jpg
ad min10:16 | 01/10/2019

Kryetari i KLP, Gent Ibrahimi zhvillon këto ditë një vizitë punë në Holandë në kuadër të informimit të qeverisë holandeze mbi progresin në zbatimin e reformës në drejtësinë dhe ngritjes së institucioneve të reja ligjizbatuese në luftën kundër korrupsionit dhe krimit të organizuar para vendimit që Këshilli i Europës pritet të marrë këtë muaj përsa i përket hapjes së negociatave me Shqipërinë. Holanda është një nga vendet skeptike brenda Bashkimit Europian e pozicionuar qartë kundër procesit të zgjerimit me vendet të Ballkanit Perëndimor.

Në takimin zhvilluar në Qendrën për Bashkëpunim Ligjor Ndërkombëtar (Center for International Legal Cooperation) me selinë në Hagë me drejtuesin e saj, Willem van Nieuwkerk është nënvizuar nevoja për një veprim të menjëhershëm, koherent dhe efikas në implementimin e reformës në drejtësisë me ngritjen e prokurorisë speciale SPAK dhe Byrosë Kombëtare të Hetimit (BKH). Gjithashtu Nieuwkerk ka theksuar faktin se Holanda pret rezultate reale në luftën kundër korrupsionit, krimit organizuar, konfiskimi i aseteve me burim të paligjshëm dhe vendosja para drejtësisë të personave të inkriminuara.

Kryetari i KLP-së paraqiti punën e deritanishme të Këshillit, risitë dhe vështirësitë që përballojë sistemi i drejtësisë në Shqipëri gjatë zbatimit të reformës. Si një nga hartuesit të saj, Ibrahimi ka ofruar shpjegime për mënyrën e re të zgjedhjes se Prokurorit të Përgjithshëm dhe prokurorëve të SPAK nga ana e Këshillit të Lartë të Prokurorisë, duke vlerësuar kriteret të meritës, integritetit dhe profesionalizmit të kandidatëve për këtë pozicion.

Kreu i KLP-së tha se Shqipëria ka bërë hapa para në zbatimin e reformës në drejtësisë duke ndërtuar një sistem të ri, të pavarur dhe pa ndikuar politikisht, në të cilin publiku të ketë besim dhe i cili të vijë në përmbushjen e pritshmërisë së tij sepse populli shqiptar tregon se pret me padurim funksionimin dhe rezultatet nga institucione të reja të drejtësisë.

Ibrahimi është shprehur se hapja e negociatave do të ishte një garant se reforma po ecën në drejtimin e duhur dhe Shqipëria ka nevoje për ekspertizën dhe mbikëqyrjen e faktorit ndërkombëtar gjatë këtij procesit shpeshherë të komplikuar për shkak të aktorëve të shumtë të përfshirë dhe afateve kohore të paracaktuara.

Kryetari Gent Ibrahimi kërkoi vazhdimin e asistencës dhe ekspertizës juridike holandeze për zbatimin e reformës në drejtësinë dhe ngritjen e institucioneve te reja, SPAK dhe BKH. Gjatë qëndrimit në Hagë, Ibrahimi ka parashikuar takime me ekspertë ligjor të EUROJUST dhe një bisedë të hapur me rreth 70 gazetarë, pedagogë dhe aktivistë të të drejtave të njeriut mbi sfidat të ndryshimit gjatë zbatimit të reformës në drejtësisë në Shtëpinë e Europës (House of Europe).

Gjithashtu, Gent Ibrahimi pritet të takohet me Prokurorin e Përgjithshëm të Mbretërisë së Holandës, Gerrit van der Brug dhe Presidentin e Këshillit të Lartë të Gjyqësorit të Mbretërisë së Holandës Henk Navis./abcnews.al

us.jpg
ad min15:30 | 24/09/2019

Ambasada e Shteteve të Bashkuara të Amerikës paralajmëron se shumë shpejt aktivitetet korruptive të zyrtarëve do të ndalen. Kjo do të ndodhë nëpërmjet disa ndryshimeve, thotë zëvendës shefi i misionit në detyrë pranë kësaj ambasade, pa zbuluar detaje se për çfarë bëhet fjalë konkretisht.

Ditë të zeza do të vijnë për zyrtarët e koruptuar. Mesazhin ua dërgon ambasada e Shteteve të Bashkuara të Amerikës nëpërmjet zëvendës shefit të misionit në detyrë Dan Koski.

“…jo të gjithë ndajnë qëllimet tona për të përmirësuar zbatimin e ligjit dhe qeverisjen e mirë në Shqipëri. Për zyrtarët e korruptuar, ndryshimi që ne po sjellim është një lajm i keq. Është si rëra në ingranazhe, e cila shumë shpejt do bëjë që aktivitetet e tyre korruptive të ndalen. Ne e dimë se ata do të luftojnë dhe do të përpiqen në çdo moment të bllokojnë përpjekjet tuaja për të çuar përpara këto qëllime të rëndësishme. Mos u stepni. Mos u shkurajoni. Vazhdoni të qëndroni në këmbë dhe të luftoni për reformat që do të forcojnë shoqërinë shqiptare për ju dhe brezat e ardhshëm. Ju besoni që në horizont është një e ardhme më e ndritur për Shqipërinë. Të njëjtën gjë mendojmë edhe ne, dhe do ta vijojmë këtë rrugëtim së bashku me ju.”

Nga pas i shkon edhe numri dy i qeverisë Erjon Braçe i cili gjatë aktivitetit mbi Projektin për Planifikimin dhe Qeverinë Vendore të USAID/Albania shpreh bindjen se çdo reformë pa Drejtësinë e pavarur, të barabartë, funksionale është e cungët, vë në rrezik rezultatet e saj.

“Presionet, sulmet e politikanëve të përjetshëm e me pushtet po të tillë, të paprekshëm, biznesmenëve me ta, të fuqizuar prej tyre, bërë edhe këta të paprekshëm, kriminelëve të rëndësishëm për shkak të organizatave të tyre e për shkak të fuqisë ekonomike, lidhjeve me politikën, nuk duhet të ndryshojnë reformën, nuk duhet të ndalin vetingun, nuk duhet të pengojnë ndërtimin e institucioneve të drejtësisë së re, profesionale, të pavarura, të pastra, si një garanci për qytetarët, organizatat politike, organizatat e biznesit, si garanci që institucionet do udhëhiqen veç nga ligji, nderi e dinjiteti”.

Të gjitha këto duhet të përmbushen konkretisht dhe me shembuj të qartë nga politika e pistë, biznesi klientelist e krimi i organizuar, thotë Erion Braçe, sipas të cilit pritshmëritë e shqiptarëve të zakonshëm të dhunuar prej tyre kërkojnë drejtësi të barabartë për të pushtetshmit./ABC News Albania 24/7

ambasada-amerikane-1280x702.jpg
ent ela11:18 | 03/09/2019

Në një tjetër video informuese në rrjetet sociale,  Ambasada Amerikane thotë se reforma në drejtësi do të sigurojë gjyqtarë e prokurorë të paster si dhe barazi për të gjithë para ligjit. SHBA është investuar maksimalisht për reformën në drejtësinë shqiptare, që me hartimin e miratimin e saj 3 vite më parë.

Përmes një videomesazhi tjetër ambasada amerikane në Tiranë ka shpjeguar të tjera detaje lidhur me reformën në drejtësi, zbatimin e saj dhe ndikimin që do të ketë në jetën e qytetarëve.

Duke bërë një përmbledhje të videove informuese, te publikuara gjate 2 muajve te fundit, theksohet se reforma në drejtësi do të sigurojë që çdokush të jetë i barabartë përpara ligjit.

Si edhe në videon e mëparshme theksohet se vetingu do të spastroje sistemin e drejtësisë nga gjyqtarët dhe prokurorët e korruptuar apo të paaftë.

Në videon e ambasadës amerikane shpjegohet dhe garantohet gjithashtu se së shpejti gjykata kushtetuese në Shqipëri do të jetë funskionale me gjyqtarë që kanë kaluar procesin e rivvlerësimit kalimtar.

Një tjetër strukturë e rëndësishme e sistemit të ri të drejtësisë, SPAK, pritet të ngrihet së shpejti. Ajo do të jetë prokruroria që do të hetojë ata që deri tani cilësoheshin të paprekshmit me pushtet.

Njësia hetimore e prokurorisë së posaçme antikorrupsion është Byroja Kombëtare e Hetimit, BKH.

SHBA, përmes ambasadës në Tiranë, është investuar maksimalisht prej më shumë se 3 vitesh për reformën në drejtësinë shqiptare. Ngritja e institucioneve të saj dhe funksionimi i tyre sa më parëe është apeli i vazhdueshëm i zyrtarëve amerikanë drejtuar politikës shqiptare.

/abcnews.al

JULI-ME-TE-FTUAREN.mpg_snapshot_11.04-1280x720.jpg
ent ela12:00 | 25/07/2019

Dekan i Fakultetit të Shkencave Juridike dhe Marrëdhënieve Ndërkombëtare në Universitetin Mesdhetar të Shqipërisë, Ksenofon Krisafi ka folur në studion e  ABC News për risitë e këtij universiteti në vitin e ri akademik.

Sipas tij fryma dhe filozofia e reformës është bërë pjesë e kurikulave dhe këta studentë do jenë pjesë përbërëse e kësaj reforme, për t’u përfshirë menjëherë në strukturat e drejtësisë.

“Reforma në drejtësi po ecën dhe këta studentë do jenë pjesë përbërëse e kësaj reforme.

Ne që kur u hap ky fakultet bëmë një lloj rikoncpetimi të fakultetit juridik që studentët të përfshihen menjëherë në strukturat përkatëse të drejtësisë që do dalin nga reforma. Refoma është bërë pjesë përbërëse e kurikulave tona dhe vërehet dëshirë për të përvetësuar këto risi që sjell reforma në drejtësi.

Është e re për vendin, për ne, por jo e pamundur dhe ne gjykojëm që e kemi arritur. Fryma dhe filozofia e reformës është bërë pjesë e kurikulave tona”.

Për shqetësimin e superprodhimit të juristëve dhe mundësisë së punës, Krisafi shprehet se ky shqetësim nuk është i përligjur, pasi shkalla e punësimit të studentëve është mjaft e lartë.

“Një nga shqetësimet e mëdha është që ka superprodhim juristësh dhe meraku është  se ku do punojnë. unë gjykoj që ky shqetësim nuk është i përligjur. Juristi është profesion interesant, i kërkuar. Shkalla e punësimit të studentëve tanë është mjaft e lartë”.

Ai foli edhe për marrëveshjet me institucionet dhe universitete të tjera brenda e jashtë vendit me qëllim formimin dhe punësimin e studentëve. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono