referendum

bardhi-ok.png
R D21:37 | 18/01/2020

Sekretari i Përgjithshëm i Partisë Demokratike, Gazment Bardhi pasi zhvilloi takim me strukturat partiake në Korçë iu përgjigj interesit të medias, për tryezën e reformës zgjedhore. Po kështu ai u pyet edhe mbi debatin për ndryshimin e sistemit zgjedhor. Bardhi tha se “sistemi zgjedhor është një çështje për të cilen PD-ja është e hapur ta diskutojë bashkë me qytetarët”.

Sipas tij, sistemi elektoral nuk përbën pengesë që PD-ja të fitoje zgjedhjet. Sakaq ai propozoi se kjo çështje të vendoset me referendum.

“Unë gjykoj që lidhur me sistemin zgjedhor duhet të ketë një debat të hapur publik dhe të jenë qytetarët që do të vendosin se cili eshte sistemi me i mire. Në këtë kuadër unë kam vetëm një vote si qytetar i Republikës së Shqipërisë. Janë në proces verifikimi të paktën 15 kandidate të Partisë socialistë që janë emëruar si kryebashkiake në 30 Qershor nga Edi Rama. Reforma Zgjedhore është një nga kushtet e vendosura nga Bundestagu German dhe BE për hapjen e negociatave të anëtarësimit të Shqipërisë në BE, ndaj dhe në këtë kuadër opozita është angazhuar që ne momentin kur 9 kushtet e Budenstagut u bënë publike që do të ishte prezent dhe do të jepte kontributin e vet për realizimin e reformës zgjedhore kemi patur një zvarritje të qëllimshme nga pala tjetër për 4 muaj në gjetjen e një mekanizmi propozuar nga ana jonë që në tetor për ti bërë të gjitha palët bashkë në realizimin e reformës zgjedhore ky është një moment ku opozita e bashkuar, PD do të bëjë të gjitha propozimet e veta për të garantuar standardet minimale për zgjedhje të lira dhe të ndershme”, u shpreh Bardhi.

Më tej ai tha se kërkesa imediate e PD vazhdon të jetë mbajtja e zgjedhjeve të parakohshme, si një mundësi reale për ti dhënë fund krizës politike dhe mbi te gjitha krizës ekonomike dhe sociale në vend.

“Jam i bindur që shumica e shqiptarëve duan të shkojnë në zgjedhje për të vendosur qeverine që punon në interes te tyre. Ne i qendrojme zgjidhjes politike që kemi ofruar per te eleminuar problematika qe cenojne zgjedhjet e lira dhe te ndershme, qeverine kujdestare per zgjedhjet e kemi ofruar si mundesi per te eleminuar problemet qe jane evidentuar. Edi Rama ka provuar që nuk garanton zgjedhje te lira dhe te ndershme dhe kjo u faktua më 30 qershor 2019”, deklaroi numri II i PD-së. /abcnews.al

basha-referendum-1280x720.jpg
in a19:54 | 24/11/2019

I sapo kthyer nga udhëtimi në Gjermani, Lulzim Basha zhvilloi një bashkëbisedimin me gazetarët, për tu rreshtuar përkrah Presidentit në dy kërkesat e tij të fundit: referendumin dhe tubimin e njoftuar për në 8 dhjetor.

Por ndryshe nga Meta, Basha nuk pranoi të etiketonte ndërkombëtartët në palaço e karagjozë, siç disa i ka cilësuar Ilir Meta.

Kreu demokrat tha se ligji special i Ramës, i quajtur anti KÇK, është një tentativë e kryeministrit për të penguar SPAK-un dhe BKH-në.

Lideri i opozitës u shpreh se Rama ka edhe pak javë kohë për të zgjidhur krizën, përndryshe, përplasja është e pashmangshme. Sipas Bashës, Rama po përpiqet të zgjasë me zor pushtetin, me parimin se koha për të, është para./abcnews.al

ilir-pogradec.jpg
ger ta10:43 | 24/11/2019

Presidenti Ilir Meta do të zbulojë nesër idetë e tij të qarta për Referendumin, ashtu sikurse ka lajmëruar.

Meta kërkoi që të kalohet e qetë fundjava dhe duket se kështu po vepron. Teksa e pret një javë e ngjeshur politike, Presideti ka zgjedhur Pogradecin për të pushuar, ndërsa thekson se i kishte munguar.

“Sa më kishte munguar Pogradeci! T’ia kaloni mirë dhe qetë të gjithë me familjet tuaja!”, shkruan Meta.

Kreu i shtetit vazhdimisht tërheq vëmendjen me postimet e tij në mediat sociale që shpesh janë të shoqëruara me mesazhe të koduara./abcnews.al

ILIR-META.jpg
ger ta09:39 | 23/11/2019

Në një konferencë shtypi, të paralajmëruar nga presidenca si të jashtëzakonshme, Presidenti Meta deklaroi sot (22.11.2019) se do t’i drejtohet popullit shqiptar për referendum në mbrojtje të Kushtetutës.

“Shqipëria do të drejtohet vetëm me Kushtetutë, jo me rezolutë. Presidenti do të kërkojë mbështetjen e mbarë popullit shqiptar për të bërë referendum në mbrojtje të Kushtetutës. Le të jetë populli shqiptar nëse vendos të rikthehet në diktaturë apo të mbrojë demokracinë. Referendumi është demokracia direkte. Presidenti do të bëjë gjithçka që kjo e drejtë të ushtrohet,“ deklaroi Presidenti në konferencën e jashtëzakonshme.

Ku është shkelur Kushtetuta? 

Autori i shkeljes së Kushtetutës, sipas Presidentit Meta, është Kryeministri Rama, që po „e shkel atë hapur dhe dhunshëm me qëllimin e vetëm të përqendrimit të të gjitha pushteteve në duart e tij“.

„Jemi në kushtet ku qeveria nuk është llogaridhënëse ndaj askujt në Republikën e Shqipërisë, ku pushteti ekzekutiv është unifikuar me pushtetin legjislativ, ku nga Kuvendi i Shqipërisë janë dorëhequr 182 deputetë dhe kandidatë për deputetë të opozitës, ku numrin kushtetues të përcaktuar qartë prej 140 deputetësh të Kuvendit Rama nuk e plotëson dot më prej gati 10 muajsh, ku ka kapur të gjitha bashkitë e vendit, në një proces antiligjor me votime njëpartiake, duke dhunuar edhe parimin kushtetues të autonomisë vendore; ku vendi është lënë qëllimisht për dy vite radhazi pa Gjykatë Kushtetuese dhe ku po bëhet çmos për bllokimin e mëtejshëm të krijimit të saj siç e parashikon Kushtetuta“ tha Presidenti Meta.

Ai premtoi se „do të qëndrojë si kryegarant i Kushtetutës dhe do t’i kundërvihet me gjithë forcat përpjekjeve shkatërrimtare dhe antikombëtare“.

Meta e cilësoi në Kushtetutën e miratuar në vitin 1998 “si më demokratiken që ka patur ndonjëherë Shqipëria“. Ai tha se ajo „u zhbë në errësirë, brenda natës në vitin 2008 nga marrveshja politike e partive“. Ishte PS, atëhere në opozitë dhe PD në pushtet me kryetar dhe kryeministër Berishën, që bënë ndryshime kushtetuese në sistemin zgjedhor, nxorrën jashtë loje partitë e vogla dhe i dhanë pushtet kryetarëve të partive, që bëjnë zgjedhjen e kandidatëve për deputëtë dhe kandidatëve për kryetarë bashkie.

„Si pasojë e kësaj marrëveshjeje, deputetët e Kuvendit të Shqipërisë nuk përfaqësojnë më vullnetin e drejtpërdrejtë të popullit dhe të qytetarëve shqiptarë, por vetëm vullnetin e kryetarëve të partive“ tha Meta në konferencën e jashtëzakonshme të shtypit.

„Kushtetuta u kthye në një rregullore me data dhe afate, të shkelura që të gjitha”

Sipas Metës, ndryshimet që iu bënë Kushtetuës për t’i hapur rrugën Reformën në Drejtësi, të miratuara me unanimitet me votat e 140 deputetëve të Kuvendit, shkaktuan deformime të tjera.

„Kushtetuta, nga dokumenti themeltar i shtetit që lartëson parimet, u kthye në një rregullore me data dhe afate, të cilat për fat të keq janë shkelur që të gjitha. Ky tejkalim afatesh ka shkaktuar një kaos kushtetues dhe ligjor, që po çon në paralizimin dhe destabilizimin e të gjithë sistemit të drejtësisë në vend“ theksoi Ilir Meta.

Ai tha se zbatimi i reformës në drejtësi „vazhdon të jetë i njëanshëm dhe larg transparencës“, se vendi ka mbetur pa Gjykatë të Lartë dhe Gjykatë Kushtetuese, se „po dhunohen të drejtat e qytetarëve në mënyrë arbitrare, duke u rrëmbyer pronën, shtëpitë e bizneset në mes të ditës,  kanë kaluar mbi 20 ligje antikushtetuese që cenojnë hapur interesin publik”. Ai shto se qeveria, “për të pasuruar një kastë oligarkësh, që i shërben asaj verbërisht, ka krijuar një borxh që qytetarët shqiptarë do të duhet ta shlyejnë në 20 vitet e ardhshme“.

Me referendumin popullor, Presidenti i Shqipërisë Ilir Meta tha se dëshiron të mbrojë „Kushtetutën dhe demokracinë nga përqëndrimi i të gjitha pushteteve në duart e kryemnistrit Rama.“/DW

 

 

239.jpg
in a19:47 | 22/11/2019

Thirrjet e Presidentit Meta drejtuar popullit shqiptar për një referendum, juristi, Çlirim Gjata i ka vlerësuar si të drejta. Në një lidhje telefonike për “ABC News”, Gjata tha se vendi është në një moment politik shumë të rëndësishëm.

“Ky është një moment politik shumë i rëndësishëm që presidenti po shfaq për gjendjen e rëndë ku ndodhet shteti dhe me manovrat që po bën qeveria për të kapur drejtësinë, qëndresa e Metës është shumë e drejte. Nga pikëpamja teknike, duhet zgjidhur njëherë se çfarë referendumi do jetë dhe për cilën çështje”, tha Gjata.

Sipas tij referuar Kushtetutës populli e ka të drejtën e referendumit. “Popullit i është dhënë e drejta e referendumit me Kushtetutë, por mënyra se si është ndërtuar kjo  e drejtë është e vështirë që të arrihet”, deklaroi Gjata.

Çështja është e një rëndësie të jashtëzakoshme, ky regjim po shkatërron demokracinë, tha Gjata.

“Vendimi i Metës është i rëndësisë së veçantë, ka disa procedura penguese për shkak të mënyrave sesi janë sjellë procedurat, duhet të dalë njëherë çështja se për çfarë do të jetë rëferendumi për të vlerësuar më pas në Parlamenti ka hapësira ligjore për ta bllokuar”, tha ndër të tjera Gjata.

Theksojmë që Presidenti Ilir Meta tha në një konferencë të jashtëzakonshme se do të bëjë gjithçka për të bërë referendum në mbrojtje të Kushtetutës, ndërsa kërkoi mbështetjen e mbarë popullit shqiptar për këtë lëvizje.

“Unë do të qëndroj si kryegarant i Kushtetutës dhe do iu kundërvihem me gjithë forcat e mia përpjekjeve shkatërrimtare dhe antikombëtare. Shqiptarët të marrin fatin e tyre në dorë, që fëmijët e tyre të mos ikin më. Shqipëria do të drejtohet vetëm me Kushtetutë, jo me rezolutë. Kushtetuta është vija e kuqe flakë, Shqipëria nuk do të jetë shpresëhumbur”, deklaroi Meta.

/abcnews.al

ESIONA-1.jpg
in a19:18 | 22/11/2019

Pas përfundimit të konferencës së Presidentit të Republikës, Ilir Meta, gazetarja Esiona Konomi raporton për abcnews.al se presidenti i bëri një thirrje shqiptarëve për të mbrojtur Kushtetutën.

Presidenti Meta deklaroi se për të ndalur degradimin e shtetit vendi ka nevojë për një referendum.

Në vija të përgjithshme për të shkuar në referendum për ndryshimin e Kushtetutës duhen përafërsisht 50 mijë firma. Ndër të tjera Meta tha se populli përmes votës duhet të vendosë nëse do të rrijë në demokraci apo të kthehet në diktaturë.

Ndërkohë Meta thekson se Reforma në Drejtësi ka degraduar dhe se po zhvillohet në mënyrë të njëashme.

Konferenca e jashtëzakonshme vjen pas takimit që kreu i shtetit zhvilloi sot me Besnik Muçin, të cilit i kërkoi të rishqyrtojë qëndrimin e KPA-së. Ish-kandidati për në Prokurorinë e Posacme, akuzoi Kolegjin e Apelimit se e vetoi në kundërshtim me ligjin, përderisa ai e ka humbur statusin e magjistratit, në momentin kur u betua para presidentit si gjyqtar Kushtetues./abcnews.al

78165169_2626075920771998_2692942634871160832_o.jpg
ger ta11:19 | 22/11/2019

Teksa Komisioni Hetimor i ngritur për kontrollin e ligjshmërisë së veprimeve të Presidentit Ilir Meta ka nisur mbledhjen, kreu i shtetit ka ndarë një mesazh.

Meta ka zgjedhur rrjetet sociale, teksa kujton se sot është dita e referendumit, ku qytetarët vendosën për Kushtetutën, ndërsa thekson se është koha për një të ri.

“Sot është dita e Referendumit të tradhtuar. KOHA PËR REFERENDUM TË RI!”, shkruan Meta.

Ditën e djeshme Meta sfidoi hapur kryeministrin Edi Rama duke i kërkuar Referendum për çështjen e Gjykatës Kushtetuese, pas ngërçit të krijuar./abcnews.al

rumania-referendum-1280x684.jpg
ent ela14:55 | 26/05/2019

Qytetarët në Rumani po votojnë këtë të diel në një referendum të thirrur nga presidenti për të shprehur vullnetin mbi reformat në drejtësi, të cilat koalicioni qeverisës po kërkon t’i zhbëjë.

Rumunët kanë dalë të dielën në votime për referendumin mbi nismën e koalicionit qeverisës për të zhbërë reformat anti-korrupsion, në vendin që konsiderohet më i korruptuari në Bashkimin Europian. Referendumi, që po mbahet paralelisht me votimet për Parlamentin Europian, u organizua nga presidenti Klaus Iohanis, i mbështetur nga opozita e qendrës së djathtë.

“Drejtësia është çështje e interesit kombëtar dhe qytetarët kanë të drejtë të vendosin nëse duan ose jo që korrupsioni të kthehet në një politikë shtetërore”, deklaroi Iohanis kur thirri referendumin. Disa mijëra rumunë protestuan në shkurt pasi qeveria e majtë miratoi pa një debat publik një masë që kufizon pavarësinë e prokurorisë. Lëvizja ishte e fundit e një seri ndryshimesh legjislative dhe personeli nga Partia Social-Demokrate, që kur ajo mori pushtetin 2 vjet më parë.

PSD e kundërshtoi referendumin dhe miratoi një dekret që ndryshoi pragun e votimit, duke bërë që referendumi të jetë i vlefshëm vetëm nëse në votime marrin pjesë 30 për qind e votuesve të regjistruar në listat kombëtare në vend të atyre të regjistrit elektoral, që janë rreth 600 mijë më shumë. Përpara se PSD të vinte në pushtet, Bukureshti kishte fituar çmimin e BE-së për luftën kundër korrupsionit nën drejtimin e prokurores speciale Laura Koevesi, që u shkarkua vitin e kaluar për abuzim me anë të detyrës. /ABC News Albania 24/7

JOHNSON-BREXIT.mpg_snapshot_00.03-1280x722.jpg
ad min20:04 | 02/03/2019

Një referendum i ri për Brexit do të ngjallte shumë zemërim të britanikët. Deklarata është bërë nga Boris Johnson, një nga propozuesit e daljes së Mbretërisë së Bashkuar nga Bashkimi Europian, i cili ka kritikuar dhe ata që i cilëson si bastardë që drejtojnë Europën. Ish-ministri i Jashtëm britanik u shpreh se nuk e mendonte si të mundur një referendum të dytë për Brexit.

“Mendoj se zemërimi i popullit të zhgënjyer do ishte shumë i fortë”, theksoi ai./abcnews.al

 

britani-1280x623.jpg
ent ela09:15 | 26/02/2019

Laburistët në Mbretërinë e Bashkuar kanë bërë një kthesë të papritur në qëndrimin e tyre për Breksit. Lideri Xhermi Korbin ka deklaruar se ata janë të gatshëm ta çojnë vendin në një referendum të dytë për daljen ose qëndrimin në BE.

Laburistët në Britaninë e Madhe kanë deklaruar se janë gati të mbështesin një referendum të dytë për qëndrimin në BE, në mënyrë që të shmangin daljen e dëmshme të përgatitur nga konservatorët. Lideri Xheremi Korbin i ka thënë grupit të tij parlamentar se partia do ta mbështesë një Breksit të dytë nëse varianti i propozuar prej saj hidhet poshtë në votimin e së mërkurës. Sipas BBC, bëhet fjalë për një zhvillim shumë domethënës nisur nga fakti se më parë zoti Korbin ka qenë një kundërshtar i thekur i një votimi të dytë. Por ndërsa kryeministrja Theresa Mej ndodhet nën presion për të shtyrë datën e daljes nga BE-ja më 29 mars, laburistët nuk i kanë sqaruar ende karakteristikat e referendumit të dytë. I pyetur nga mediat, një zëdhënës ka deklaruar se, laburistët thjesht do të mbështesin një votim të dytë popullor për të shmangur variantin e dëmshëm të konservatorëve. Ndërkohë, në një komunikatë drejtuar Parlamentit thuhet se çdo referendum tjetër duhet të përmbajë në mënyrë të qartë opsionet e largimit dhe qëndrimit në BE. Kryeministrja Mej insiston ndërkohë se Mbretëria e Bashkuar mund të largohet nga Unioni muajin e ardhshëm, siç është parashikuar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono