recep tajip erdogan

Capture-6-933x445.jpg
G. P.10:05 | 29/03/2019

Në Turqi, Partia në pushtet AKP, me premtimet e saj për përmirësimin e jetesës, shtimin e vendeve të punës dhe rindërtimin e zonave të shkatërruara, po përpiqet të mposhtë partinë kryesore pro-kurde HDP në zgjedhjet lokale të së dielës. Një nga betejat kryesore është Dijarbakiri, qyteti qendror në juglindje të Turqisë, me popullsi kryesisht kurde, qendër e një kryengritjeje të gjatë të separatistëve prej disa dekadash. Korrepondenti i Zërit të Amerikës Dorian Jones njofton:

Në distriktin Baglar të Diyarbakirit, partia në pushtet e Turqisë, AKP, po sfidon në zgjedhjet e së dielës partinë pro-kurde HDP në një prej bastionet të saj elektorale.

Kandidati kryesor i AKP-së, Huseyin Beyoglu po përgatitet për një tjetër ditë të fushatës:

“Njerëzit në Baglar duan shërbime, qetësi, duan punë dhe besojnë se këto do të vijnë vetëm prej zyrtarëve komunalë të Partisë AKP. Ata kërkojnë largimin e Partisë HDP, që për 20 vitet e fundit nuk solli asgjë, veç pakënaqësisë në distriktin e tyre”, thotë Huseyin Beyoglu, kandidati i partisë AKP.

Pjesë të distriktit Dijarbakir u shkatërruan nga luftimet e ashpëra, ndërsa forcat e sigurisë dëbuan separatistët kurdë nga qyteti.

Tani qeveria e partisë AKP është duke dhënë fonde të shumta për rindërtimin e kësaj zone.

Në një kohë që gjatë luftës janë shkatërruar zonat më të varfëra të qytetit, mbetet e paqartë se kush do të jetë në gjendje të përballojë banesat e reja.

Zyrtarë të lartë nga Ankaraja e vizitojnë rregullisht qytetin, për të vlerësuar përparimin para zgjedhjeve të rëndësishme lokale të së dielës.

Partia AKP beson se imazhet e luftimeve pranë atyre të rindërtimit, japin një mesazh fitoreje.

Në rrugët e Baglarit, aktivistët e AKP besojnë se njerëzit janë gati për ndryshim.

“Ata nuk duan t’i rikthehen së shkuarës. Dy vjet më parë qepenët e dyqaneve ishin pothuajse të mbyllura në Baglar, nuk kishte qetësi, kishte vazhdimisht shpërthime me bomba gazi, luftime dhe shumë zhurmë. Nuk kishte paqe, shërbime, punë… ”

Policia mbron aktivistët e AKP-së. Në të kaluarën, pjesa më e madhe e disktriktit ishte një zonë ku nuk lëviznin forcat e sigurisë.

Në bastionin e partisë pro-kurde HDP banojnë rreth 400 mijë njerëz.

Gjatë luftës kundër separatistëve kurdë PKK, forcat e sigurisë i kishin detyruar që të largoheshin nga fshatrat e tyre shumë banorë të cilët jetojnë tani këtu,

Megjithatë, qyteti Beyoglu duket po e mbështet mesazhin e ndryshimit.

“Ne si tregtarë, ishim shumë të pakënaqur: nuk mund t’i hapnim dyqanet, kishte gjithmonë shkatërrime, aksidente; falë Zotit që këta njerëz e ndryshuan gjendjen, prandaj zgjedhja jonë është Partia AKP”, – thotë një pronar dyqani.

Beyoglu është përballë një beteje të vështirë, duke patur parasysh nga njëra anë mbështetjen për Partinë HDP në bastionin e saj Baglar dhe në anën tjetër, zemërimin e banorëve ndaj masave shtypëse të kësaj partie kohët të fundit.

Por duket se qyteti po i var shpresat tek njerëzit që shohin drejt së ardhmes./VOA

erdoganjpg-thumb-large.jpg
G. P.23:50 | 28/03/2019

Presidenti i Turqisë Erdogan akuzon Perëndimin për luhatjet e lirës turke. Sipas  tij, ato janë një përpjekje për të manipuluar zgjedhjet administrative, një proces ku partia e kreut të shtetit rrezikon të humbasë bastionet kryesore, përfshirë Ankaranë dhe Stambollin.

Presidenti Recep Taip Erdogan ka deklaruar të enjten se është ai në krye të ekonomisë turke, teksa rriti presionin ndaj bankës qendrore të Turqisë për të shkurtuar normat e interesit, pavarësisht inflacionit me dy shifra dhe lirës së zhvlerësuar.

Për këtë të fundit Erdogan ka akuzuar Perëndimin me në krye Shtetet e Bashkuara, që sipas tij kanë ndërmarrë një operacion për t’i bërë kontrast Turqisë.

“Bëhet fjalë për një përpjekje manipulimi teksa Turqia ndodhet në një periudhë elektorale”, ka deklaruar Erdogan, tre ditë nga mbajtja e zgjedhjeve administrative.

Në këto zgjedhje, partia e presidentit, që qeveris Turqinë që prej vitit 2002, ka gjasa të pësojë humbje të mëdha për shkak të pakënaqësisë së krijuar mes votuesve si pasojë e situatës së rëndë ekonomike.

Ditën e enjte lira turke ra me 5 për qind kundrejt dollarit, pasi bankat nisën të ofronin sërish likuiditet, operacion ky që për ditë të tëra ishte ndaluar nga autoritetet me qëllim përforcimin e monedhës vendase.

“Kush është kryetar shteti tani? Është Taip Erdogan bashkë me 14 ministra. Jam unë në krye të ekonomisë turke”, ka thënë Erdogan në një miting elektoral të mbajtur në Ankara.

Sondazhet elektorale sugjerojnë se partia e tij mund të humbasë kontrollin e kryeqytetit dhe ndoshta edhe të Stambollit, qyteti më i madh i Turqisë ku Erdogan ka shërbyer si kryetar bashkie.

Kjo do të ishte një goditje e rëndë për një parti që ka udhëhequr ndër vite, edhe gjatë periudhës së lulëzimit të ekonomisë turke./abcnews.al

erdogan-1.jpg
G. P.09:27 | 02/03/2019

Presidenti turk, Recep Tayyip Erdogan po akuzohet se po sillet si “diktator” pas kërcënimit për të hequr kryebashkiakët pro-kurdë që zgjidhen në votimet lokale të këtij muaji. Paralajmërimi i Erdoganit vjen ndërsa partia e tij AK përballet me humbje të thella në gjithë vendin.

Zoti Erdogan, duke folur para përkrahësve të tij, bëri një paralajmërim të fortë për votuesit e juglindjes me shumicë kurde në Turqi, duke thënë që nëse votojnë për kandidatët që simpatizojnë grupin separatist kurd PKK, ata që zgjidhen do të hiqen nga detyra.

“Nëse mundësitë që jep shteti, ia kaloni Kandilit (vendi ku kanë bazën udhëheqësit e PKK-së në Irakun Verior fqinj), ne do të emërojmë menjëherë dhe pa pritur aspak, të besuarit tanë”, u tha zoti Erdogan përkrahësve të tij që brohorisnin.

Paralajmërimi ka në shënjestër partinë e dytë më të madhe të opozitës në Turqi, HDP-në pro-kurde, të cilën Ankaraja e akuzon se është krahu politik i PKK-së, një akuzë që vetë forca politike e mohon.

Udhëheqja e HDP-së po u bën thirrje votuesve që të rimarrin kontrollin e qyteteve, që janë në duart e Ankarasë.

Partia pro-kurde hedh poshtë akuzat për terrorizëm kundër kandidatëve të saj.

“Nëse heqin një nga kandidatët tanë të suksesshëm, nuk është se kryebashkiakët tanë që zgjidhen janë terrorisët, por se Erdogan është diktator”, tha kreu honorifk i HDP-së, Ertugrul Kurkcu.

Ai vuri në dukje se Bordi i Lartë i Zgjedhjeve i ka verifikuar kandidatët e HDP-së dhe se çdo pretendim për shkelje nga kandidatët e saj, duhet të jenë objekt i sistemit të drejtësisë, jo presidentin.

Paralajmërimi i Erdoganit po interpretohet si përpjekje për frikësim të votuesve./VOA

erdogani.png
G. P.10:35 | 28/09/2018

Presidenti turk Recep Taip Erdogan ka nisur të enjten vizitën treditore në Berlin, objektivi i të cilës është ulja e tensioneve me ata që ai i ka quajtur “miqtë gjermanë”.

“Është detyra jonë t’i çojmë marrëdhëniet tona përpara duke u bazuar në interesat e përbashkëta dhe duke u distancuar nga frika iracionale”, ka thënë Erdogan.

Një nga lëvizjet që sipas presidentit turk Gjermania duhet të bëjë për të përmirësuar marrëdhëniet është përcaktimi i lëvizjes Gylen një organizatë terroriste. Gjithashtu, Erdogan ka paralajmëruar për rrezikun që vjen nga rritja e islamofobisë dhe ndikimit të së djathtës ekstreme në Gjermani.

Erdogan do të qëndrojë në një hotel pranë Portës së Brandenburgut dhe i gjithë qyteti është thuajse i blinduar nga forcat e sigurisë. Ndërkohë, lajmi se një oficer i policisë gjermane ka përgjuar disidentët turq, për Ankaranë është tregues i mosbesimit reciprok.

Marrëdhëniet mes dy vendeve janë dëmtuar prej vitesh, me Berlinin që është i shqetësuar për tendencat autokratike të Erdogan dhe për arrestimin e 5 shtetasve gjermanë në Turqi, të cilët kanë statusin e të burgosurve politikë./abcnews.al

erdo.jpg
G. P.08:45 | 18/09/2018

Presidenti turk Rexhep Tajip Erdogan pranoi një avion luksoz prej 400 milionëdollarësh nga emiri i Katarit javën e shkuar, duke shkaktuar një valë kritikash ngakundërshtarët politikë.

Në përgjigje të akuzave, Erdogan tha të hënën se avioni Boeing 747-8 ishte një”dhuratë” nga emiri Tamim Bin Hamad Bin Al Thani, duke hedhur poshtëpretendimet se avioni ishte blerë. Udhëheqësi turk u tha gazetarëve se Ankarajakishte qenë e interesuar për ta blerë avionin, por emiri këmbënguli ta ofronte atë sidhuratë.

Zoti Erdogan pohoi gjithashtu se avioni i përkiste popullit të Turqisë dhe jo atijpersonalisht, duke shtuar se ai do ta përdorte avionin për udhëtimet e tij. Sipasnjoftimeve, avioni ka disa salla konferencash madje edhe një spital funksional. Aeroplani i madh është projektuar për të transportuar 76 pasagjerë.

Presidenti turk e bëri të ditur çmimin prej 400 milionë dollarësh të avionit pasi u përball me pyetje lidhur me koston dhe kur një anëtar i partisë opozitare kërkoihetim zyrtar për çështjen.

Erdogan është vënë para kritikash në të kaluarën përshpenzime të tilla si një pallat presidencial dhe një flotë automjetesh luksoze. Turqiapo përballet me inflacionin dyshifror dhe vështirësi valutore.

Doha ka kërkuar lidhje më të ngushta me Ankaranë, pasi marrëdhëniet midis Katarit dhe fqinjëve të tij në Gjirin e Arabisë janë përkeqësuar lidhur me mbështetjen e supozuar të këtij vendi për ekstremistët myslimanë. Arabia Saudite, Emiratet e Bashkuara Arabe, Bahreini dhe Egjipti prenë marrëdhëniet diplomatike, tregtare dhe të transportit me Katarin vitin e kaluar, duke thënë se ai mbështet terrorizmin. Katari i ka mohuar akuzat./Zëri i Amerikës

erdogan-1.jpg
G. P.12:56 | 20/08/2018

Presidenti i Turqisë, Erdogan ka uruar besimtarët myslimanë për festën e Kurban Bajramit dhe ka dhënë mesazhe politike. Ai theksoi se çdo sulm kundër ekonomisë turke është dhe sulm kundër flamurit të Turqisë.

Presidenti turk, Rexhep Tajip Erdogan, u zotua të luftojë “sulmet ekonomike” kundër vendit të tij në një video-mesazh në prag të festës së besimit islam, Kurban Bajramit.

“Sulmet ndaj ekonomisë sonë nuk ndryshojnë nga sulmet ndaj thirrjeve tona për lutje dhe flamurit. Qëllimi është i njëjtë. Qëllimi është që Turqia dhe populli turk të gjunjëzohen dhe të mbahen në robëri”, tha Erdogan.

Kjo deklaratë e tij vjen për të kundërshtuar sanksionet ekonomike të vendosura nga SHBA, pasi Turqia mban të burgosur një pastor amerikan. Për shkak të kësaj, monedha zyrtare turke ka pësuar humbje të madhe të vlerës kundrejt dollarit amerikan.

Më tej në mesazhin e tij, Erdogan tha se shpreson që Kurban Bajrami të sjellë mirësi për të gjithë botën myslimane dhe njerëzimin.

“Ata që u përpoqën të bënin Turqinë të përkuleshin para tyre duke përdorur grupe terroriste, tradhtarë midis nesh dhe komplote, së shpejti do të shohin se Turqia nuk do të heqë dorë nga kurset e këmbimit”, shtoi ai.

Gjithashtu shprehu lutje për të shtypurit në Palestinë, Siri, Azinë Jugore dhe pjesë të tjera të botës.

Në video-mesazh, presidenti turk përmendi dy beteja të rëndësishme që i përkasin kohës së Perandorisë Osmane, që përkojnë me festën e Kurban Bajramit. Njëra prej tyre, beteja e Dumlupinarit e zhvilluar më 30 Gusht të 1922 gjithashtu pa mposhtjen e forcave greke./abcnews.al

turqia.jpg
G. P.15:15 | 19/07/2018

Turqia ka hequr zyrtarisht gjendjen e jashtëzakonshme, të vendosur që pas grushtit të dështuar të shtetit në Korrik të 2016-s. Megjithatë opozita dhe BE ngre shqetësimin lidhur me normat e reja shumë të ashpra, që do të vendosen nga qeveria.

Ka përfunduar gjendja e emergjencës e vendosur pas grushtit të dështuar të shtetit në Turqi. Por opozita denoncon se shumë shpejt do të vendosen masa legjislative shumë më të ashpëra. Presidenti Rexhep Tajip Erdogan shpalli gjendjen e emergjencës me 20 Korrik të 2016-s, 5 ditë pas tentativës së dështuar për grusht shteti.

Masat e jashtëzakonshme, që zakonisht zgjasin 3 muaj, janë rinovuar për 7 herë dhe mbetën në fuqi deri mëngjesin e së enjtes. Por qeveria e Ankarasë ka premtuar të mos ndryshojë sjellje dhe se do të eleminojë deri në terroristin e fundit.

Gjendja e emergjencës ka sjellë arrestimin e 80 mijë personave dhe rreth 200 mijë të tjerë janë larguar nga puna në institucionet publike. Përveç puçistëve, përndjekjet janë zgjeruar edhe në rrethet filo-kurde dhe të opozitës, duke goditur gjykatës, mësues, aktivistë, mbrojtës të të drejtave të njeriut dhe gazetarë.

Me një dekret të publikuar me 8 Korrik, qeveria ka urdhëruar pushimin nga puna të mbi 18 mijë funksionarëve shtetëror, përfshirë 9 mijë agjentë policië, 6 mijë ushtarakë dhe dhjetëra profesorë universitetesh.

Ndërkohë, parlamenti i Ankarasë, ku partia e Erdogan ka maxhorancën absolute bashkë me nacionalistët e MHP, mund të miratojë paketën e re të rregullave që do të mbesin në fuqi për 3 vjet. Masat forcojnë kompetencat e prefekturave dhe policisë, ndalojnë protestat dhe tubimet në zonat publike pas perëndimit të diellit, me përjashtim të autorizimit të veçantë.

Autoritetet lokale do të jenë në gjendje të kufizojnë lëvizjet e njerëzve dhe kushdo që dyshohet për ndonjë gjë mund të arrestohet pa akuza dhe të burgoset për 48 orë ose edhe për 4 ditë në rast të shkeljeve të shumëfishta.

Ndërkohë, Bashkimi Europian e konsideron heqjen e gjendjes së jashtëzakonshme në Turqi si “një hap në drejtimin e duhur”, por gjykon të pamjaftueshme dhënien e kompetencave të jashtëzakonshme për autoritetet dhe ruajtjen e disa elementeve kufizuese të lirive.

“Ne presim që Turqia të heqë të gjitha masat që vazhdojnë të kenë një ndikim negativ në sundimin e ligjit; pavarësia e gjyqësorit dhe liritë themelore janë zemra e çdo shteti demokratik”, tha zëdhënësja e kryediplomates evropiane Federica Mogherini në një deklaratë./abcnews.al

erdogan-sot-betimi.jpg
G. P.17:12 | 15/07/2018

Qeveria e presidentit turk, Erdogan, ka marrë në kontroll ushtrinë e vendit dhe shtabin qëndror. Ky zhvillim ka ndodhur në përvjetorin e dytë të grushtit të dështuar të shtetit. Erdogan njoftoi se do të vijojë beteja kundër ndjekësve të imamit Gylen, të cilin e akuzon si organizator të grushtit të shtetit.

Presidenti i Turqisë nuk njeh limite dhe vijon të zgjerojë pushtetin e tij. Qeveria e re turke e Rexhep Tajip Erdogan do të kontrollojë stafin e përgjithshëm të ushtrisë. Kjo u mundësua me një dekret të lëshuar në bazë të fuqive të reja të sistemit presidencial, në ditën kur Turqia përkujton përvjetorin e dytë të grushtit të dështuar të shtetit. Tashmë Forcat e armatosura kalojnë nën autoritetin e Ministrisë së Mbrojtjes, në kokën e të cilit Erdogan emëroi ish-shefin e shtabit të Ankarasë disa ditë më parë, Hulusi Akar.

Ndërkohë, në një event për 15 Korrikun, Presidenti i Turqisë tha se organizata e drejtuar nga imami Fetullah Gylen, ashtu si kurdët dhe ISIS, si dhe organizata të tjera të ngjashme duan të rrezikojnë unitetin dhe të ardhmen e vendit. Me rastin e përvjetorit të dytë të përpjekjes së dështuar të grusht shtetit, për të cilin Ankaraja akuzon imamin Gylen dhe organizatën e tij, duke iu referuar me shkrutimin FETO, Erdogan porositi se Turqia dhe populli i saj nuk do ta harrojnë dhe as nuk do të lejojnë që të harrohet 15 Korriku.

“Nuk do të ndalojmë së luftuari kundër FETO-s. Do t’i zbulojmë dhe do t’i shkatërrojmë të gjitha celulat dhe poret ku ata kanë deportuar”, paralajmëron Erdogan, duke lënë të kuptohet se do të vijojë me heqjen nga puna të qytetarëve që dyshohen se kanë qenë pjesë e strukturave të Gylen. Ndërkohë, nga ana tjetër, kleriku që jeton në ekzil në Shtetet e Bashkuara, ka mohuar çdo përfshirje në ngjarjet e 15 Korrikut të 2016-s./abcnews.al

nato.jpg
G. P.10:04 | 11/07/2018

Presidenti turk Rexhep Tajip Erdogan do të takohet me homologët e tij perëndimorë në një samit të NATO-s të mërkurën në Bruksel. Samiti vjen në atmosferën e pikëpyetjeve lidhur me angazhimin e Turqisë ndaj aleancës ushtarake, duke pasur parasysh lidhjet në rritje të Ankarasë me Moskën.

Nën Erdoganin, marrëdhëniet turko-ruse janë thelluar politikisht dhe ekonomikisht. Të dy vendet, së bashku me Iranin, po bashkëpunojnë ngushtë në përpjekjet për t’i dhënë fund luftës në Siri. Shqetësimin e NATO-s e shton vendimi i Ankarasë për të blerë raketa ruse S-400, për të cilat aleanca ka paralajmëruar se mund të komprometojnë sistemet e saj ushtarake.

“Duhet të vendosim midis NATO-s e BE-së nga njëra anë dhe Iranit e Rusisë nga ana tjetër”, thotë analisti politik Atilla Yesilada i organizatës “Global Source Partners”. “Kjo do të jetë zgjidhja më e vështirë. Por nuk mund të rrimë më në mes; cilado anë që marrim, pala tjetër do të japë ndëshkimin”.

Ankaraja pohon se mbetet e përkushtuar ndaj aleancës së saj strategjike me Perëndimin, duke argumentuar se marrëdhëniet e saj me Teheranin dhe Moskën janë të bazuara në tregtinë dhe nevojën për të punuar së bashku për të zgjidhur konfliktin sirian.

“Turqia gjithmonë e ka përdorur këtë diplomaci të balancës së forcës,” thotë profesori i marrëdhënieve ndërkombëtare, Husein Bagçi, i Universitetit Teknik të Lindjes së Mesme në Ankara.

“Marrëdhëniet turko-ruse po shkojnë gjithnjë e më shumë në një drejtim pozitiv, por Turqia e di kufizimin e kësaj marrëdhënieje. Turqia nuk dëshiron të largohet nga NATO-ja; kjo është jashtë çdo diskutimi”, thotë Bagci.

Zoti Erdogan pritet të takohet me Presidentin e SHBA Donald Trump në periferitë e samitit. Bashkë me çështjen e blerjes së raketave ruse nga Ankara, pritet që në rend të ditës të jenë edhe sanksionet e prishtme amerikane kundër Iranit.

Ankaraja po lobon për ta përjashtuar Iranin nga sanksionet që pritet të hyjnë në fuqi më vonë këtë vit pas tërheqjes së Presidentit Trump nga marrëveshja ndërkombëtare mbi programin bërthamor të Teheranit. Irani është një furnizues i rëndësishëm i naftës dhe gazit për Turqinë, e cila është e varfër në burime energjie./VOA

erdongan.jpg
G. P.14:48 | 10/07/2018

Erdogan ka prezantuar kabinetin e tij qeverisë, në të cilin bën pjesë edhe dhëndri i tij. Ky i fundit po shikohet si një figurë politike që po projektohet për të zëvendësuar presidentin turk. Për ndërrimin e sistemit qeverisës në Turqi, analistët shprehen me ironi se filloi epoka e sulltanit.

Pa humbur kohë, presidenti i Turqisë, Rexhep Tajip Erdogan, ka prezantuar kabinetin e tij qeveritar, me të cilët do të udhëheqë vendin për 5 vitet e ardhshme. Ajo që bie në sy është posti që ka rezervuar për dhëndrin e tij, që cilësohet si një figurë gjithnjë e në rritje në politikën turke. Berat Albayrak, bashkëshort i Esra Erdogan, ka marrë një rol tepër të rëndësishëm në qeverinë presidenciale. Ai është emëruar në drejtim të Ministrisë së Financave, ndërsa më përpara udhëhoqi Ministrinë e Energjisë.

Në kabinetin e tij, Erdogan ka rezervuar vetëm dy poste për gratë. Ministre e Punës, Shërbimeve Sociale dhe Familjes është emëruar Zehra Zümrüt Selçuk. Kurse në drejtim të Ministrisë së Tregtisë është vendosur Ruhsar Pekcan. Zëvendëspresident është caktuar akademiku Fuat Oktay.

Për drejtimin e dy ministrive kyçe, atë të Drejtësisë dhe të Jashtme, Erdogan i ka besuar ish-kryeministrit Mevlüt Çavuşoğlu që do të merret me marrëdhëniet me jashtë dhe Abdulhamit Gül, i cili do të prezantojë reformat e tij në sistemin e gjyqësorit. Presidenti turk filloi mandatin e tij të hënën me një ceremoni betimi, ku morën pjesë rreth 10 mijë të ftuar. Aty Erdogan tregoi edhe njëherë planet e tij për të ardhmen e vendit.

Megjithatë, analistët ndërkombëtar shprehen shumë skeptikë lidhur me programin e kreut të shtetit, i cili është në gjendje të aprovojë çdo lloj dekreti pa miratimin e parlamentit, pasi kjo lejohet në bazë të ndryshimeve kushtetuese për sistemin e ri qeverisës. Për këtë analistët e krahasojnë qeverisjen e Erdogan me atë të sulltanëve dhe shkruajnë se ai do të vijojë me përndjekjen e kundërshtarëve të tij politikë, duke nisur nga ndjekësit e imamit Fetullah Gylen e deri tek kurdët./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono