Real Madrid

Zidane-Real.png
Igli Nikolli19:46 | 28/01/2020

Real Madrid përfitoi nga humbja e Barcelonës në fundjave, fitoi kundër Valladolid dhe ia doli të ngjitet i vetëm në krye të La Ligës. Gara për titullin vijon të jetë shumë e fortë, teksa Zinedine Zidane nuk i ka kursyer thumbat për ekipin katalanas.

Gjatë konferencës për shtyp përpara ndeshjes së Kupës së Mbretit ndaj Zaragosës, trajneri francez i Real Madrid tregon se çfarë ka rëndësi dhe çfarë pret të shohë në fushë publiku i Santiago Bernabeut.

Nuk e di nëse Bernabeu do të pranonte mijëra pasime pa krijuar asnjë rast për gol, por çdokush ka stilin e tij të lojës. Kam luajtur këtu dhe e di mirë se çfarë kërkojnë tifozët tanë. Publiku kërkon që të japim gjithçka në fushë dhe kjo nuk ka ndryshuar kurrë. Nuk mund të fitohet gjithmonë, por gjëja më e rëndësishme për një tifoz është kur e sheh që e ke fanellën plot djersë“, thekson Zinedine Zidane. /abcnews.al

Courtois-1.jpg
Klejdi Kaimi12:15 | 28/01/2020

Reali rimori kreun e renditjes së La Ligës mbrëmjen e djeshme pas plot 3 vitesh. Madrilenët arritën një fitore shumë të rëndësishme në transfertën e Real Valladolid, ku ishte Nacho ai që i dha fitoren 0-1. Një nga çelësat të ekipit të Zidane është dhe portieri, Thibaut Courtois, i cili është rikthyer në formën e tij më të mirë.

Ish-portieri i Chelsea nuk e nisi aspak mirë sezonin e tij e dytë tek galaktikët. Belgu po vuante shumë në muajt e parë të sezonit dhe këtë e konfirmoi dhe trajneri i kombëtares së Belgjikës. Me kalimin e kohës Courtois rifilloi të luante si dikur dhe falë tij Reali fitoi dhe Superkupën e Spanjës.

Formën e tij të mirë e konfirmojnë dhe statistikat, të cilat flasin pro portierit të Realit. Courtois është aktivizuar në 18 ndeshje këtë sezon, ku ka pësuar 10 gola. Por, njëkohësisht ai e ka mbajtur portën e paprekur plot 10 herë. Kjo tregon se ai po rikthehet ashtu siç të gjithë e mbajnë mend në Premier League, ku ka qenë një nga portierët më të mirë. Thibaut gjithashtu fitoi dhe çmimin si portieri më i mirë në Kupën e Botës 2018. /abcnews.al

Zidane-1.jpg
Igli Nikolli11:50 | 27/01/2020

Real Madrid arriti një fitore të rëndësishme mbrëmjen e kaluar kundër Valladolid. Djemtë e Zidane fituan 0-1 jashtë fushë falë golit të Nachos në minutën e 78-të. Mbrojtësi shfrytëzoi një kros të Toni Kross dhe realizoi me kokë golin vendimtar.

Lojtari vrapoi për të ndarë festën me Zidane dhe trajneri zbulon se çfarë i kishte kërkuar disa minuta më parë. Francezi ndalet edhe te humbja tragjike e Kobe Bryant, legjendës së basketbollit, i cili u shua në moshën 41-vjeçare.

Jam i lumtur për Nachon. Pak para golit i kërkova që të dilte në sulm dhe të qëndronte në shtyllën e parë. Ai është një mbrojtës, nuk i qëllon shpesh të shënojë, prandaj jam shumë i lumtur që ia doli. Bryant? Është një ndjesi e tmerrshme. Lajmi i vdekjes së tij na ka trishtuar të gjithëve. Nuk kam fjalë, është një lajm i tmerrshëm. Ndihem shumë keq“, përfundon Zinedine Zidane. /abcnews.al

Benzema.jpg
Veronik Istrefaj23:09 | 26/01/2020

Real Madridi ka arritur të fitojë me rezultatin e ngushtë 0-1 në transfertë përballë Real Valladolid, falë një goli të mbrojtësit Nacho Fernandez. Spanjolli shënoi në minutën e 78-të të sfidës, për t’i dhënë fitoren “Los Blancos”.

Madrilenët vuajtën shumë në këtë takim dhe mbrojtja e Valadollid dukej e pathyeshme. Megjithatë, rezistenca e tyre zgjati vetëm 77 minuta. Toni Kroos ekzekuton një goditje nga këndi fillimisht, por topi largohet nga mbrojtja vendase.

Topi shkon sërish në këmbët e gjermanit, i cili krosimin e dytë e ka perfekt dhe Nacho shënon me kokë. Me këtë fitore, Reali ngjitet në kuotën e 46 pikëve dhe në krye të tabelës, me tre pikë më shumë se Barcelona ndjekëse./abcnews.al

Klopp.jpg
Igli Nikolli20:19 | 24/01/2020

Liverpool po thyen rekord pas rekordi dhe askush nuk po arrin të frenojë armatën e Jurgen Klopp. Çdo repart është i blinduar, por drejtuesit e “The Reds” kanë një preferencë për repartin e mesfushës.

El Desmarque raporton se i preferuari i kampionëve të Europës është Isco. Klubi anglez ka bërë ofertën e parë prej 56 milion eurosh, por kreu i Real Madrid, Florentino Perez, kërkon minimalisht 70 milion euro për ta lënë të lirë.

Klopp ka edhe planin B nëse nuk arrin te fantazisti andaluzian. Trajneri gjerman pëlqen shumë edhe Fabian Ruiz. 23-vjeçari i Napolit, njësoj si Isco, premton shumë kreativitet në mesin e fushës, por kushton më shumë se lojtari i “Los Blancos”, pavarësisht se nuk po zhvillon sezonin e tij më të mirë. /abcnews.al

 

Fabian Ruiz dhe Isco
David-Silva.jpg
Igli Nikolli16:43 | 24/01/2020

Të rrallë janë ata që refuzojnë Real Madrid, por David Silva e ka bërë më shumë se një herë. Një ndër mesfushorët më të mirë të dekadës së fundit ka zbuluar detajin interesant në një prononcim për spanjollen AS. 34-vjeçari po luan sezonin e fundit me Manchester City, aty ku luan prej vitit 2010.

Spanjolli ishte një talent që në moshën të vogël. Silva bëri një provë të Reali dhe e kaloi me sukses, por babai i tij refuzoi me shkakun që djali i tij ishte shumë i vogël për t’u larguar nga shtëpia.

“Los Blancos” nuk hoqën dorë, por David Silva nuk ndryshoi mendje. “Real Madrid më telefononte çdo ditë, por unë i refuzoja gjithmonë. Kam luajtur me San Fernandon, ekipin e qytetit tim, deri në moshën 14-vjeçare dhe më pas kalova te Valencia“, thekson mesfushori ofensiv spanjoll. /abcnews.al

Martinelli.jpg
Igli Nikolli19:59 | 23/01/2020

Arsenal po zhvillon një sezon larg pritshmërive të tifozëve dhe problemet në ekip janë të shumta. Një ndër gjërat e pakta të bukura të “Topçinjve” është Gabriel Martinelli. Sulmuesi italo-brazilian është surpriza më e bukur e këtij sezoni dhe 18-vjeçari ka shënuar 10 gola deri tani.

Paraqitjet pozitive kanë tërhequr vëmendjen e klubeve të mëdha europiane, mbi të gjitha atë të Real Madrid. Arsenal nuk ka ndërmend të humbasë shërbimet e tij dhe ka gati planin për ta “blinduar”. Daily Mail raporton se drejtuesit e klubit londinez do të refuzojnë çdo ofertë në drejtim të lojtarit të talentuar.

Jo vetëm kaq, Arsenali po përgatit një ofertë fantastike për 18-vjeçarin. Martinelli përfiton aktualisht 1.2 milion euro në sezon, ndërsa kontrata e re (aktualja i përfundon në verën e vitit 2024) do ia trefishojë rrogën vjetore. /abcnews.al

Carvajal-1.jpg
Igli Nikolli19:13 | 23/01/2020

Dani Carvajal vijon të jetë një pjesë fikse e formacionit të Real Madrid. Mbrojtësi i djathtë është pjesë e “Los Blancos” prej vitit 2013, teksa ka zbuluar për revistën GQ Spain momentin më të vështirë të përjetuar në ekipin spanjoll. Ishte 24 maji i vitit 2014 dhe Reali përballej me Atletico Madrid në Lisbonë për trofeun e Champions League.

Ekipi i Simeones ishte pak sekonda larg fitores falë realizimit të Diego Godin, por goli i Sergio Ramos me kokë në minutën e 93-të barazoi ndeshjen, ndërsa në shtesë nuk pati më histori. Reali i Ancelottit shënoi edhe tre gola të tjerë, fitoi 4-1 dhe dërgoi kupën me veshë për herë të dhjetë në Madrid.

PANIKU – “Vetëm një herë kam pasur frikë ndërsa luaja, në finalen e Champions League që luhej në Lisbonë kundër Atletico Madrid. E dalloja që po e humbnim ndeshjen dhe rivalët tanë të qytetit po bëheshin kampionë”.

FORMA – “Po përjetoj një nga momentet më të mira në karrierë. Falë besimit të trajnerit dhe shokëve të skuadrës, po luaj me inteligjencë dhe po shfrytëzoj eksperiencën që kam krijuar. Ndodhem në klubin më të madh në botë dhe nuk është e lehtë të jesh pjesë e Realit për kaq shumë vite.

Jo të gjithë e përballojnë presionin e të luajturit te Reali. Tifozët janë shumë kërkues, mjafton një pasim i gabuar për të dëgjuar pakënaqësitë e tifozëve”, përfundon Dani Carvajal. /abcnews.al

JAmes-1280x854.jpg
Veronik Istrefaj22:56 | 22/01/2020

Janë mbyllur takimet e Copa del Rey dhe pas fitores së Barcelonës në transfertë përballë UD Ibiza, kanë fituar edhe Real Madrid dhe Valencia. Los Blancos fituan me rezultatin 1-3 përballë modestëve të Unionstas.

Gareth Bale, një autogol i Gongoras dhe një supergol i Brahim Diaz mjaftuan që Reali të fitojë. Madje, talenti Diaz shënoi një gol të shkëlqyer, duke “kopjuar” dhe vetë Lionel Messin.

Ndërsa Valencia, fitoi me shumë vështirësi përballë UD Logrones. Një gol nga sulmuesi Gomez në minutën e 15-të mjaftoi që të besuarit e Celades të merrnin triumfin./abcnews.al

Odriozola-Real-Madrid.jpg
Igli Nikolli22:10 | 22/01/2020

Alvaro Odriozola ka thënë fjalët e para tifozëve të Bayern Munchen. Mbrojtësi i djathtë erdhi në huazim nga Real Madrid dhe është i lumtur për këtë aventurë të re. 24-vjeçari ndihet i karikuar në maksimum dhe është gati të luajë që në ndeshjen e së shtunës.

Është nder dhe privilegj të jem pjesë e këtij klubi historik si Bayern Munchen. Jam gati dhe shpresoj të zbres menjëherë në fushë kundër Schalkes. Kam ardhur këtu për të dhënë gjithçka nga vetja dhe për të fituar çdo trofe.

Rikthimi te Real Madrid? Nuk e kam mendjen aty, jetoj me të tashmen dhe sot jam një futbollist i Bayernit. Nuk ja kam idenë se çfarë do të ndodhë nesër, preferoj të jetoj në maksimum të tashmen“, deklaron Alvaro Odriozola. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono