reagime

byro-1280x615.jpg
ad min21:46 | 16/01/2019

Pas seancës parlamentare, opozita e bashkuar paralajmëroi fillimin e protestave popullore. Vendimi u bë publik para gazetarëve, nga kreu demokrat Lulzim Basha pas një takimi që pati me aleatët.

I ftuar në emisionin “Byro Politike”, gazetari Blendi Fevziu është shprehur se nëse 10% e elektoratit të PD-së do dilte në protestë, Shqipëria do ishte në një situatë tjetër.

“Protesta e studentëve kishte zëra të ndyshëm brenda. Protestat shërbejnë për t’a detyruar qeverinë që të rrëzohet. Unë nuk e di se çfarë nuk funksionon dhe funksionon te opozita. A ka mundësi opozita që të ngrejë një protestë masive në gjithë vendin? Unë nuk e di. Nëse 100 mijë vetë do dilnin nëpër sheshe ose 10% e elektoratit të opozitës, Shqipëria do të ishte në një situatë tjetër.

Opozita nuk e ka bërë këtë pasi e ka pasur ndoshta të pamundur që t’i bindë votuesit e saj.

Rotacioni në qeverisje në vetvete është i rëndësishëm dhe i domosdoshëm në çdo rast. Opozita thotë po ndërsa pozita thotë jo për rrotacion. Problemi kryesorë është se çfarë reagimi do të ketë elektorati gri. Opozita i afrohet pushtetit atëherë kur elektorati gri bindet që opozita bën për të drejtuar vendin.

Basha ka reagime normale dhe nuk ka gjeste të forta. Berisha ka bërë gjeste të forta. Nuk ishin protesta ku njerëzit dilnin dhe iknin. Ai bëri protesta që paralajmëronin marrjen e pushtetit”./abcnews.la

OK-SIKRON-REAGIME-PER-BERISHEN_ABC-M2-T1.mpg_snapshot_00.00-1280x720.jpg
ad min16:18 | 21/12/2018

Kjo deklaratë e ish-kryeministrit ka sjellë reagimin e menjëhershëm të mazhorancës, e cila paralajmëroi se do t’i drejtohet Byrosë së Kuvendit me kërkesa për përjashtimin e Berishës.

Gramoz Ruçi: “Zoti Berisha, është hera e dytë që e përmendni këtë shprehjen e partizanëve legjendarë, e partizanëve, e Rilindësve aq më mirë, por e përdorur nga një ish-kryeministër dhe ish-president “o djem rrëmbeni armët, ja vdekje ja liri”, sigurisht është e papranueshme, është e dënueshme dhe duhet të distancohen të gjitha grupet parlamentare”.

Taulant Balla: “Grupi parlamentar i Partisë socialiste i kërkon dhe do depozitojë në minutat në vijim kërkesat drejtuar byrosë së Kuvendit. Kërkesat janë të ndryshme. E para për marrjen e masës disiplinore të përjashtimit nga Kuvendi dhe sigurisht do i takojë byrosë që siç e përcakton rregullorja të thërrasë deputetin shkelës të rregullores për të dhënë shpjegimet dhe arsyet për thirrjet publike për të kryer vepra të dhunshme kundër rendit kushtetues kjo dënohet me gjobë deri në tre vite burg, por kjo është pjesa që i takon organeve të drejtësisë. Përsa i përket rregullores së Kuvendit unë do i bëja thirrje PD-së dje kryetari i PD-së kthehet në transportues vezësh me të cilat pastaj goditet kryeministeri apo kushdo tjetër në këtë sallë. Sot ish-kryeministri i Shqipërisë, Sali Berisha, bën thirrje për dhunë. Këto janë të papranueshme sepse nuk i bën mirë rrugës tonë europiane dhe besoj apeli im është që PD urgjentisht të distancohet nga këto thirrje. I bëj thirrje kryetarit të Kuvendit në përfundim të kësaj senace, byroja e kuvendit të shqyrtojë kërkesat tona sot, por edhe ato dje për Lulzim Bashën dhe deputetëve të tjerë shkelës të rregullores”.

Edi Paloka: “Përderisa këtu kanë dalë edhe vezët antikushtetuese nuk ka asgjë të keqe të nxirrni edhe një këngë antikushtetuese. Ajo nga zoti Berisha. Po jua them që mund ta gjeni te wikipedia është këngë patriotike e kohës së robërisë turke dhe kohës partizane zoti Gramoz”.

Dashamir Shehi: “Tani kjo puna e këngës fillon dhe bëhet serioze. Rrini të qetë se ne kur jemi këtu se kur ishte puna e armëve e bëmë me letra demokracinë kështu që rrini të qetë fare. S’ka për të marrë njeri armë. Përtej pasionit të Berishës s’ka për të marrë njeri armë. Jemi disa këtu që ishte koha për të marrë armët dhe nuk i morëm. Lëreni këtë muhabet dhe të merremi për atë që kemi ardhur sot”. /abcnews.al

juventus-inter.jpg
ad min22:43 | 08/12/2018

Juventusi e meritoi fitoren, por nuk e ka siguruar ende titullin. Ky, mendimi i trajnerit kampion, Allegri, ndërsa trajneri i Interit, Spalleti pati kritika për lojtarët e tij.

Diferenca me ndjekësit është vërtet e madhe. Juventusi e kënaqi trajnerin e vet, Masimiliano Alegrin, me suksesin ndaj Interit, edhe pse njeriu i stolit nuk ka iluzione. Për të, edhe një ekip i shkëputur në krye, dhe që la 14 pikë prapa një rival të rëndësishëm, nuk ka fituar ende asgjë. Vetëm kështu, sipas Allegrit, mund të luftohet për titullin e 8-të radhazi në Serinë A.

“Interi na vuri në vështirësi në pjesën e parë, ndaj e patëm të vështirë t’i përballonim. Gjithsesi, e kishim fajin vetë sepse bëmë gabime duke humbur topin. Pas pushimit zhvendosa Mandzukiçin majtas, ndërsa Paulo Dybala luajti shumë mirë. Në pjesën e dytë ishim me ritëm të lartë dhe me presion të fortë. Nuk i lejuam Interit thuajse asgjë, dhe patëm disa raste. Kampionati ende nuk ka përfunduar, ndërsa tani, le të mendojmë për Championsin”, u shpreh Allegri.

Luciano Spalleti, trajneri i Interit, kuptoi kufijtë e momentit të skuadrës së tij, diçka që mund të bëhej vetëm duke u ndeshur me më të fortët. Ai nuk e hodhi poshtë paraqitjen e lojtarëve të tij, por pati kritika për futbollistë të veçantë, ndonëse nuk i tregoi me emra.

“Për fat të keq, Juventusi ishte i zgjuar, dhe ne u treguam naivë. Kundërshtari gjeti mënyrën sesi të shkonte kot 5 minuta pas një faulli. Gjithsesi, ne bëmë shumë gabime banale, dhe Juvja përfitoi. Kjo bëri diferencën. Nuk luajtëm keq, pasi disa herë krijuam raste për gol, por nuk i shfrytëzuam siç duhet sulmuesit tanë. Sërish pati ndonjë lojtar që u tregua i ngadalshëm, i pakujdesshëm apo që foli më shumë sesa duhet”, tha ai.

Sfida ishte e tillë kur asnjëra nga skuadrat nuk dominoi, por me Juventusin që e meritoi fitoren.

Ky ishte edhe refreni i mediave.

“La Gazeta dello Sport”: Kampionët fitojnë 1-0! Juventusi kërcen përpara, Interi rrëzohet!

“Il Corriere dello Sport” lavdëron sulmuesin kroat, autor të golit: Atila! Juve rekord, Manxhukiç rrëzon Interin, 1-0!

“Tutosport”, gazetë e Torinos: Super Mario, super Juve!

Pas 15 javësh, kuptohet gjithnjë e më shumë se kampionët në fuqi po bëjnë një garë më vete, dhe se Interi ende nuk është aq i fortë sa duhet, madje duke rrezikuar ta ketë fare pranë, rivalin e madh, Milanin./abcnews.al

E-SAKTE-MBULIM-MBLEDHJA-NE-PEJE.mpg_snapshot_01.00-1280x609.jpg
ad min14:02 | 26/11/2018

Ministri i jashtëm serb Daçiç deklaroi se disa vende krijuan përbindëshin politik në Prishtinë. Sipas tij, nuk mund të ketë bashkëpunim rajonal me taksa 100%. Daçiç paralajmëroi se Beogradi nuk do të ndalet para këtij vendimi të qeverisë së Kosovës.

Për Serbinë më asgjë nuk ka kuptim. Shefi i diplomacisë serbe, Ivica Daçiç, e ka quajtur Kosovën monstrum politik të Perëndimit që ka humbur çdo kuptim dhe vendimet e saj si të vetmet në botë. Reagimi i Daçiç erdhi pas postimit të një fotoje dhe deklarimeve të kryeministrit, Edi Rama, gjatë takimit të dy qeverive në Pejë.

Ivica Daçiç, ministër i Jashtëm i Serbisë: “Ata sot flasin për fshirje kufijsh në mes të Shqipërisë dhe Kosovës, doganave dhe policisë. Nëse Evropa nuk e sheh se për çfarë bëhet fjalë dhe sa dyfytyrësi është kjo. Çfarë bashkëpunimi rajonal mund të ketë me taksa 100 për qind”.

Daçiç ka thënë së bashkëpunimi rajonal është shkatërruar dhe ka ironizuar që do të duhej të mbahej një konferencë për rivitalizimin e këtij bashkëpunimi.

“Rama do të mbaj leksione dikujt për bashkëpunim rajonal? Nxjerrin foto bashkë me ministrin me mbishkrime 100 për qind. Nëse e kanë keqpërdorur le të distancohet. Çarë mendojnë ata se ne do të ndalemi të mbrojmë interesat tona sepse kemi frikë nga Haradinaj? Dikush duhet ta zgjojë nga hipnoza”.

Serbia ka nisur të ndihmojë serbët në Kosovë pas taksës ndaj mallrave serbe. Premtimet janë për ndihma të mëdha, por i pari ka arritur në veri, shtypi serb./abcnews.al

juncker.jpg
ad min19:49 | 25/11/2018

Të menjëhershme ishin dhe reagimet e liderëve të Unionit pas aprovimit të marrëveshjes për Brexit. Presidenti i Komisionit Evropian e konsideron tragjedi largimin e Britanisë. Ndërsa presidenti francez thotë se kjo nuk është ditë feste por duhet menduar për reformimin e Unionit.

Pavarësisht se është një arritje e madhe, duke parë që ishte ajo që kërkohej nda të dy palët, reagimet për aprovimin e marrëveshjes për Brexit nuk ishin pozitive.

“Dalja e Britanisë së Madhe nga Bashkimi Evropian është një tragjedi”.

Kështu komenton presidenti i Komisionit Evropian, Jean-Claude Juncker.

“Është një ditë e trishtë, nuk është moment gëzimi, por një tragjedi pasi një vend i madh po largohet nga Unioni. Kemi gjetur një marrëveshje me Britaninë e Madhe, më të mirën të mundshme”, vijoi më tej ai. Ndërsa shprehu besimin se Parlamenti Britanik do ta ratifikojë këtë marrëveshje, “mbi të cilën BE nuk do të ndryshojë qëndrim”.

Listës së liderëve që e shikojnë këtë zhvillim me ngjyrë të zezë i është shtuar edhe presidenti francez, Emmanuel Macron.

“Nuk është ditë feste”, nënvizon kreu i Pallatit Elize.

Për Macron, lamtumira e Britanisë “tregon se BE-ja ka nevojë për një rithemelim të thellë mbi të cilin po punojmë dhe në të cilin duhet të vazhdojmë të punojmë”, dhe që “ka një pjesë brishtësie dhe të përsosur që duhet përmirësuar”.

Presidenti francez tha se kjo “duhet të shënojë unitet dhe përgjegjësi në një moment serioz” përpara “zgjedhjes së një populli sovran”. Marrëveshja në tryezë, e cila mbron interesat franceze, “është një marrëveshje e mirë, e mbështes,” tha ai. Macron shtoi më tej se mardhëniet mess BE-së dhe Britanisë mbeten për t’u përcaktuar në muajt e ardhshëm.

“Ky është një Këshill Europian historik por shkakton ndjenja të përziera” sepse Britania po largohet nga BE pas 25 vjetësh, por ne respektojmë vendimin e popullit britanik”.

Kështu është shprehur kancelarja gjermane Angela Merkel në fund të takimit të jashtëzakonshëm të BE-së për Brexit, duke theksuar se “bashkëpunimi midis 27 vendeve, Komisionit të BE-së dhe Parlamentit Evropian ishte i shkëlqyer” dhe se marrëveshja e divorcit “është në interesin tonë”.

“Unë kam një ndjenjë lehtësimi në arritjen e asaj që është arritur,” përfundoi ajo.

“Ky është përfundimi i dy viteve të punës së madhe që na kanë lejuar të arrijmë qëllimin tonë, atë të një marrëveshjeje që na mbron dhe mbron ekonominë tonë: sot e kemi atë”.

Këtë e theksoi kryeministri irlandez Leo Varadkar, duke renditur pikat kryesore të fituara nga Dublini në marrëveshjen e lamtumirës si një zonë të përbashkët udhëtimi dhe pa pengesa doganore.

Marrëveshja për Brexit është “një hap i rëndësishëm për të bërë të mundur një dalje të rregullt të Mbretërisë së Bashkuar nga BE,” jam optimist “, tha kancelari austriak Sebastian Kurz, duke theksuar se” rezultati duhet të miratohet nga Parlamenti britanik dhe askush nuk mund të parashikojë se si do të përfundojë “. Ndërkohë, aprovimi i marrëveshjes është përshëndetur edhe nga shumë liderë të tjerë të BE-së./abcnews.al

serbet-1280x548.jpg
ent ela21:53 | 23/11/2018

Serbët i kanë varur shpresat tek bashkësia ndërkombëtare sa i takon taksës së vendosur nga qeveria e Kosovës. Analistët në Beograd deklarojnë se për zhbllokimin e situatës është e nevojshme ndërhyrja e OKB-së, si institucioni përgjegjës për sigurinë në Kosovë.

Zyrat e presidentit serb, Alleksandar Vuçiç, kanë qënë të hapura që në mëngjes. Serbia ka humbur besimin edhe tek NATO dhe ka alarmuar Rusinë e Kinën, por edhe Perëndimin duke quajtur veprimet e Kosovës si të rrezikshme për sigurinë. E gjithë situata u kthye në një çështje të rrezikimit të serbëve në Kosovë. Takime me strukturat e sigurisë e deri në darkë me ministrat. Serbia nuk do të lëviz ushtrinë, por serbët duhet mbrojtur. Në njoftime për shtyp kritikat e Vuçiç ishin të vazhdueshme dhe këtë ia tha edhe gjatë një bisede telefonike komisarit të BE-së, Johanes Hahn. Analistët serb thonë se për Serbinë është e rëndësishme që të ndërhyjë bashkësia ndërkombëtare.

Zoran Milivojevic, analist: “OKB-ja duhet të përfshihet në këtë çështje pasi ata janë përgjegjës për sigurinë në Kosovë dhe faji do t’u mbetet atyre. Është e rëndësishme që Serbia të përmbahet dhe të mos ndërmarrë veprime që përshkallëzojnë më tej situatën. Natyrisht, këtu edhe Kina e Rusia janë të rëndësishme si pjesë e OKB-së”.

Serbia nuk ka marrë masa kundër Kosovës, të paktën jo masa publike. Por, përgatitjet duken për një betej të gjatë politike./abcnews.al

AC6F4FCC-A14F-4C79-BA90-469E287FFF3B_w1023_r1_s-933x445.jpg
ent ela09:14 | 18/11/2018

Të gjitha partitë politike shqiptare kanë kundërshtuar propozimin e Entit Shtetëror të Statistikave në Maqedoni, që gjatë regjistrimit të popullsisë të fshihet paragrafi rreth përkatësisë etnike dhe asaj fetare.

Këto reagime vijnë pasi drejtori i Entit Shtetëror të Statistikave ka paralajmëruar se në bazë të propozim-ligjit për regjistrimin e popullsisë, nuk parashihet paragrafi mbi përkatësinë etnike dhe religjionit.

Drejtori i Entit Shtetëror të Statistikave, Apostoll Simovski, ka theksuar se të dhënat rreth përqindjes së përkatësisë etnike dhe asaj fetare janë keqpërdorur për qëllime politike.

Në bazë të regjistrimit të popullsisë, që parashihet të realizohet në prill të vitit 2020, për të kuptuar se cilës bashkësi etnike i takon çdo qytetar i Maqedonisë, duhet të përgjigjet në pyetjen “cila është gjuha amë e tij, dhe cilën gjuhë flet në komunikim“.

Partitë politike shqiptare konsiderojnë se regjistrimi i popullsisë në asnjë mënyrë nuk paraqet vetëm një proces të thjeshtë statistikor, por ky operacion është dhe politik sepse pikërisht përqindja e përkatësisë etnike ndërlidhet me realizmin e shumë të drejtave të shqiptarëve që burojnë nga marrëveshja e Ohrit.

Një person duke votuar në referendumin e 30 shtatorit në Maqedoni.

Regjistrimi i fundit është realizuar në vitin 2002, që u shoqërua me debate të shumta lidhur me përqindjen e popullatës shqiptare, e cila rezultoi të jetë 25.17 për qind. Nga numri i përgjithshëm dhe në bazë të kësaj përqindjeje, u përcaktuan edhe dispozitat kushtetuese mbi të drejtat e bashkësive etnike.

Xhevdet Nasufi, njohës i çështjeve juridike, i cili ka qenë i kyçur në hartimin e marrëveshjes së Ohrit, për Radion Evropa e Lirë, thotë se në këtë formë që propozon Enti Shtetërorë i Statistikave, do të thotë dhe shlyerje e të drejtave të caktuara për popullatën shqiptare, të drejta këto që janë të garantuara me Dokumentin Kornizë të Ohrit që i dha fund konfliktit të armatosur gjatë vitit 2001.

“Këtë e them për një arsye shum të thjeshtë, sepse marrëveshja e Ohrit në fakt është një marrëveshje mes shqiptarëve dhe maqedonasve nga e cila buron ai postulati kryesor për pozitën, statusi si dhe avancimi i të drejtave të shqiptarëve, zhvillimi i demokracisë, zhvillimi i kulturës, arsimit, zhvillimin e gjithçkaje që është me interes të realizimit të të drejtave të shqiptarëve në Maqedoni“.

“Këtu si shtyllë kryesore kemi përfaqësimin e shqiptarëve në institucione në përputhje me përqindjen e shqiptarëve sa i përket numrit të përgjithshëm të popullatës si dhe përdorimit zyrtar të gjuhës shqipe”, thotë Nasufi.

Sipas tij, përderisa nuk është realizuar në tërësi marrëveshja e Ohrit, paragrafi i përkatsisë etnike mbetet element shumë i rëndësishëm në procesin e regjistrimit të popullsisë.

Por, Donco Gerasimovski ish drejtor i Entit Shtetërorë të Statistikave, për Radion Evropa e Lirë thotë se në shumë shtete të Bashkimit Evropian, gjatë procesit të regjistrimit fare nuk përfshihet përkatësia etnike dhe ajo fetare.

Sipas Gerasimovskit, regjistrimi duhet të paraqet një proces të pastër statistikor rreth numrit të popullsisë në Maqedoni, ku për bazë duhet të merret shtetësia maqedonase.

Me rëndësi është përfshirja e popullsisë në procesin e regjistrimit, në mënyrë që të sigurohen të dhënat e nevojshme për numrin e personave që jetojnë në Maqedoni, në mënyrë që institucionet përkatëse të mund të realizojnë planifikimin dhe zhvillimin e çënjtjeve në lëmi të caktuara”, thotë Gerasimovski.

Por, me këtë qëndrim nuk pajtohet Xhevdet Nasufi, sepse siç thotë, Maqedonia me marrëveshjen e Ohrit paraqet një shtet me shumë specifika të veçanta ku pikërisht përqindja e popullatës është vendimtare për realizimin e të drejtave të caktuara të shqiptarëve në Maqedoni.

“Akoma nuk mund të themi se është mbyllur çështja e integrimit të shqiptarëve në sistem. Integrimi i shqiptarëve në sistem është çështje madhore, ai përfshin vendimarrje ai përfshin zbatim dhe kontroll të politikave shtetërore dhe ne jemi të vetëdijshëm se shqiptarët në këto segmente nuk janë prezente, ose janë në nivel minimal, në margjina të përfillshme”, thotë Nasufi.

Ndryshe, regjistrimi i Popullsisë në Maqedoni për herë të fundit është realizuar para 16 viteve . Institucionet e ndryshme kanë theksuar se mungesa e regjistrimit të popullatës u shkakton probleme të shumta gjatë planifikimit të politikave ekonomike, arsimore, sociale.

Mungesa e regjistrimit të popullatës ka nxjerr shumë anomali dhe në listën zgjedhore.

Partitë politike shqiptare, veçmas ata në opozitë, thonë se pa një përfaqësim të drejtë dhe adekuat në pozitat drejtuese të Entit Shtetëror të Statistikave, regjistrimi i popullsisë nuk mund të jetë i besueshëm./REL

MBULIM-RAMA-REAGIMET-ABC-M1-T2-.mpg_snapshot_00.00-1280x720.jpg
ad min15:34 | 09/11/2018

Një ditë pas akteve që shoqëruan ceremoninë mortore të Kaçifas në Bularat kryeministri i Shqipërisë Edi Rama ka reaguar në rrjetet sociale.

Rama shkuran se “sipas kokave të përndezura të politikës greke e kazanëve të atjeshëm, dje i ka hedhur benzinë zjarrit, ndërsa sipas Kadrinjve të politikës e medias paska pranuar në heshtje përdhosjen e vendit! S’ka më mirë se sa i sulmuar nga dy palë që s’i duhen dreqit.” thote kreu i ekzekutivit.

Ndërsa një ditë më parë në përgjigje të kërkesës së disa komentuesve në Facebook për të treguar vlerat tona si komb përballë provokimeve greke kryeministri shprehet;

“Shteti ynë s’lufton as me arkmorte dhe as me provokatore varrimesh. Kush erdhi për të provokuar, hyri, turpëroi veten e flamurin e tij dhe iku. Patriotizmi nuk është të urresh tjetrin e gjuhën e tij, po të duash vendin e gjuhën tënde “– thotë Rama.

Sipas shefit të qeverisë “Shqipëria nuk “flliqet” nga ca të pagdhendur, që jetojnë si hiena e këndojnë si korba! Janë qenie të mjera që përdhosin të vdekurin”.

“Një komb që i ka dhënë shumë njerëzimit; një popull që s’ka qenë e s’mund të jetë kurrë armiku ynë; një vend ku shqiptarët kanë gjetur strehë, njësoj siç kanë gjetur grekët strehë tek ne dhe që edhe ai, si çdo vend, ka taksiratin të ketë derrat e gomerët e vet,”– përfundon reagimin kryeministri Edi Rama./abcnews.al

WhatsApp-Image-2018-11-09-at-14.36.25.jpeg
ad min14:39 | 09/11/2018

52 shtetas grekë u shpallën non-grata nga pas shfaqjeve ekstremiste që u regjistruan dje gjatë ceremonisë mortore te Kostandinos Kacifas. Lajmi u bë i ditur nga zëvendësministri i Brendshëm Sandër Lleshaj gjatë daljes së parë publike para mediave. Lleshaj i cilësoi aktet e djeshme provokime vulgare.

Shqipëria shpall “non grata” 52 ekstremistë grekë pas ngjarjeve të së enjtes në Bularat të Gjirokastrës gjatë ceremonisë funerale për Konstandin Kaçifa. Në një konferencë të jashtëzakonshme për mediat, dhe në daljen tij të parë si zv/ministri i Brendshëm, Sandër Lleshi se askush nuk mund të tallet me respektin dhe urtësinë e popullit shqiptar.

“Duke e konsideruar të papranueshëm, provokimin sa vulgar, aq edhe të rrezikshëm që iu bë dje shtetit shqiptar e qytetarëve të tij pa dallim, nga individëve e grupe të caktuara të ardhura nga Greqia, të cilët shpërdoruan respektin tonë ndaj normës tradicionale shqiptare të hapjes së dyerve të një familjeje në zi dhe e kthyen një ritual përbashkues varrimi, në një shfaqje të pa tolerueshme ekstremizmi, ka vendosur: Shpalljen persona të padëshiruar në vendin tonë, të 52 personave të shtetësisë greke, për veprimtari të organizuar në dëm të sovranitetit të Republikës së Shqipërisë dhe shfaqje e deklarata sfiduese ndaj rendit kushtetues, sigurisë kombëtare dhe qetësisë publike të këtij vendi”.

Gjeneral Sandër Lleshi, sfidoi ligjërisht shtetasit grekë nëse do ta përsërisin sërisht të sfidojnë shfaqjen e tyre të së enjtes në Bularat.

“Këta njerëz dhe të tjerë, që po analizohen nga forcat tona të sigurisë lidhur me shfaqjen e djeshme ekstremiste në fshatin Bularat, nuk do të lejohen të hyjnë më në këtë vend, për periudhën e parashikuar në ligj.  Askush nuk duhet ta marrë urtësinë tonë për dobësi dhe asnjë i huaj nuk mund të shkelë pa u përballur me pasojat, ligjin dhe traditat e mikpritjes së këtij vendi”.

Kjo është e hera e parë kur shteti shqiptar merr një vendim kaq të ashpër ndaj shtetasve grekë.

“Në funksion të ruajtjes së pacënuar të marrëdhënieve ndërkombëtare të vendit dhe konkretisht të marrëdhënieve miqësore me Republikën e Greqisë; e angazhuar për të mbrojtur e garantuar në çdo aspekt të drejtat e minoritetit grek në Shqipëri dhe praninë e çmuar, historikisht harmonike të këtij minoriteti në gjirin e familjes shqiptare; e ndërgjegjshme për historinë e marrëdhënieve të fqinjësisë së mirë dhe të ardhmen e përbashkët të shqiptarëve dhe grekëve si kombe me përkatësi dhe përgjegjësi të rëndësishme për familjen e kombeve evropiane”. /abcnews.al

 

 

mediat.png
ad min13:47 | 29/10/2018

Mediat greke e përshkruajnë si një vrasje të ftohtë dhe të mistershme atë të 35-vjeçarit grek në fshatin Bularat të Gjirokastrës nga policia shqiptare. Ndër të tjera mediat shkruajnë se banorët në zonë janë të zemëruar për ngjarjen.

Mister për vrasjen e një komandanti 35-vjeçar në jug të Shqipërisë. Viktima debatoi me oficerët e policisë shqiptare, të cilët u përpoqën të largonin flamujt grek në zonë. Ndërsa shoqata Omonia e cilëson si një vrasje të ftohtë dhe të paarsyeshme.

Është vetëm një nga titujt e mediave greke që gjatë ditës së hënë kanë raportuar gjerësisht ngjarjen e ndodhur në Bularat të Gjirokastrës, ku një shtetas grek u vra nga forcat special të Reneas, pas pothuajse 30 minutash debatesh. Një titull tjetër i dedikohet nënës së të vrarit, e cila deklaron se nuk do të jetojë më pa djalin e saj.

Policia shqiptare pranon vrasjen e Kostandinos Kaçifa, pas dy orë pëerpjekjesh për ta arrestuar”.

Por ka dhe media të tjera, kryesisht online, sipas të cilave, i riu u vra sepse po përpiqej të vendoste flamuj grekë në zonë. Media më pranë krahut ekstremist zgjedhin një titull më provokues: “Shqiptarët guxojnë! Vritet i riu grek”!


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono