raport

legtjislacioni.jpg
G. P.16:08 | 07/12/2018

 “Raporti i miratuar gjatë mbledhjes së përbashkët të komisionit të ligjeve dhe këshillit të legjislacionit që i përcillet seancës plenare, do i kërkojë kësaj të fundit rrëzimin e propozimit të opozitës për Vettingun në politikë”.

“Debatet nuk sollën asnjë ndryshim në qëndriumin mes palëve, nëse i tillë nuk quhet propozimi i demokratëve për miratim në parim dhe ndryshim në tekst në shqyrtimin nen per nen”.

Oerd Bylykbashi: “Ajo që thotë Komisioni i Venecias, Vettingu ka qëllim legjitim. Shqipëria ka një problem të madh. Marrëdhënia e krimit me politikën është në nivele më të larta. Pra vetë Komisioni i Venecias konstaton situatën specifike në Shqipëri me lidhjen mes krimit dhe politikës. Çdo gjë tjetër është teknikalitet dhe i zgjidhshëm. Është qëndrimi i mazhorancës, nuk e ka dashur Vettingun e politikanëve me krimin që në momentin e parë që e kemi propozuar dhe sot ende pa dalë raporti përfundimtar i Komisionit të Venecias këndoi qëndrimin zyrtar për të vazhduar të mbajë këtë raport. Propozimi ynë është shumë i thjeshtë ju bëjmë ofertë që të miratojmë tekstin nëse është i nevojshëm nen për nen që t’i hapim rrugën që një ligj garantis t për të drejtat të mos garantoj ëvazhdimësinë e krimineëve dhe politikanëve të lidhur me taKështu bëjmë çfarë thotë Venecia: të vazhdojmë dialogun konstruktiv dhe ftesa është për ju”.

Por, si ndodh shpesh herë, atë çka Venecia tha për propozimin e opozitës, palët e lexojnë ndryshe.

Ulsi Manja: “A thua se jemi mbledhur në pazar këtu dhe po të duam ne dy palët këtu fusim në Kushtetutë njëherë fjalën kontakt, njëherë fjalën kontakt të papërshtatshëm, por procesi i rregullt ligjor nuk ka rëndësi për opozitën. Rëndësi ka objektivi, qëllimi legjitim. Projektamendamendet kushtetuese të propozuara nga opozita shënojnë kufizimin e një të drejte të garantuar në Kushtetutë siç është e drejta për t’u zgjedhur dhe për t’u ofruar në shërbimin publik. Shqipëria ka kuadrin e plotë kushtetues dhe ligjor për t’ia adresuar këto probleme dhe shqetësime që ka opozita. Nisma në vetvete synon asgjesimin e nenit 1 të pikës 3 të Kushtetutës”.

Bazuar në rregullorën e Kuvendit, seanca plenare për votimin e amendamenteve kushtetuese thirret jo më parë se dy javë dhe jo më vonë se tre javë nga paraqitja e raportit, gjë që lë të mendohet se ky raport i votuar në Këshill pritet të përfshihet në rendin e ditës së seancës plenare të 20 Dhjetorit./abcnews.al

renea-dhe-kostandinos-kacifa.jpg
G. P.15:55 | 31/10/2018

Shërbimi për Çështjet e Brendshme dhe ankesat në Ministrinë e Brendshme ka nxjerre një raport paraprak për vrasjen e Konstandinos Kaçifa në Bularat, ku thuhet se Forcat RENEA zbatuan ligjin.

Policia zbatoi të gjitha procedurat standarte për ngjarjen e rëndë të ndodhur në fshatin Bularat të Gjirokastrës, ku mbeti i vrarë gjatë shkëmbimit me armë zjarri me forcat speciale të RENEA, Kostandinos Kaçifa. Ky është konkluzioni paraprak i Shërbimit për Çështjet e Brendshme dhe Ankesa në Ministrinë e Brendshme për ngjarjen e së dielës.  Në të njëjtën përfundim ka dalë edhe drejtoria e Standarteve Profesionale në Policinë e Shtetit, që thekson se Kaçifa u ekzektua pas disa thirrjeve për dorëzim nga reparti special RENEA.

Sipas dinamikës së zbardhur për ngjarjen, mësohet se viktima ka hapur zjarr me breshëri automatiku jo vetëm ndaj mjeteve dhe forcave elite të policisë së shtetit edhe ndaj forcave “Shqiponja” të policisë së Gjirokastrës, të cilat erdhën në ndihmë, përpara se të mbërrinte RENEA nga kryeqyteti. Në vendngjarje forcat speciale kanë bërë kontrollin e terrenit për vlerësimin e situatës, si dhe një plan operacional për lokalizimin dhe neutralizimin e 35-vjeçarit. Por megjithëse u lokalizua, Kaçifa për 30 minuta nuk iu bind thirrjeve për dorëzim të negociatorit të RENEA-s duke hapur sërish zjarr ndaj efektivëve të policisë. Pranë depos së ujit në Bularat u gjeten 31 gëzhoja automatike.

Gjithashtu janë analizuar edhe pamjet filmike që RENEA-s kishin regjistruar gjatë aksionit në Bularat. Këto matariale filmike regjistrohen sipas protokollit nga forcat speciale në të tilla ngjarje me rrezik të lartë, dhe në rastin konkret hedhin poshtë çdo pretendim për veprim të njëanshëm në drejtim të Konstandinos Kaçifa./abcnews.al

mogherii.png
G. P.12:45 | 09/10/2018

Mediat serbe raportojnë se parlamenti europian do të nisë hartimin e një teksti, sipas raportit për Serbinë, të përgatitur nga raportuesi Dejvid Mekalister. E në këtë raport përfshihet edhe ideja për korrigjimin e kufijve me Kosovën.

Janë 239 amendamente që përfshihen në raportin e këtij viti rreth Serbisë. Raport i përgatitur nga raportuesi për Serbinë në Parlamentin Europian, Dejvid Mekallister. Në raportin e Parlamentit Evropian për Serbinë përfshihet edhe korrigjimi i kufijve.

Sipas mediave serbe, Parlamenti Evropian pritet të fillojë hartimin e një teksti të raportit për Serbinë, që pritet të përfshijë edhe një amendament për kompromisi në lidhje me korrigjimin e kufijve mes Serbisë dhe Kosovës.

Rëndësi të veçantë ka amendamenti i kompromisit me numrin rendor 25, që ka të bëjë me debatin rreth korrigjimit të mundshëm të kufijve mes Serbisë dhe Kosovës, duke përfshirë edhe temën e shkëmbimit të territoreve.

Në fillim të tekstit i cili mund të jetë dhe version përfundimtar i raportimit të Parlamentit Evropian për Serbinë, por edhe për Kosovën, përmendet “e kaluara multietnike e Kosovës dhe Serbisë”.

Po ashtu, përfaqësuesit evropianë nëpërmjet tekstit të raportimit rreth Serbisë përmendin shembujt e të gjitha marrëveshjeve të arritura deri më tani mes Beogradit dhe Prishtinës ku në veçanti këmbëngulet në krijimin e bashkësive të komunave me shumicë serbe në veri të Kosovës./abcnews.al

elton-haxhi.png
G. P.19:27 | 04/10/2018

Zëvendësministri i Financave dhe Ekonomisë, Elton Haxhi ishte i ftuar në ABC News për të folur lidhur me raportin e publikuar nga Banka Botërore për rritjen ekonomike të vendit, por dhe për Eurobondin.

Sipas Haxhit, fakti që Banka Botërore e korrigjoi parashikimin për rritjen ekonomike të vitit 2018 tregon që reformat janë të suksesshme.

“Fakti që Banka Botërore e korrigjoi parashikimin për rritjen ekonomike të vitit 2018 tregon që reformat që qeveria ka ndërmarrë prej shumë vitesh tashmë janë të suskseshme dhe kjo mbështetur në disa indikatorë të tjerë siç është rritja në punësim, e cila është fakt që Shqipëria është i vetmi vend i Ballkanit Perëndimor që ka pasur një rritje në pjesëmarrjen në punë. Kemi një rritje 4.1% dhe norma më e lartë e punësimit në Ballkanin Perëndimor. Këto të dyja tregojnë që kemi një përmirësim në të gjitha aspektet shoqëruar kjo dhe me ulje të borxhit publik, që parashikohet dhe kjo që të ulet për herë të parë nën shifrën 70% dhe tregon një ekonomi të shëndoshë dhe një perspektivë të mirë në terma afatmesëm”, u shpreh Harxhit.

Përsa i përket eurobondi, Haxhi tha se “i tejkaloi pritshmëritë e opinionit publik më tepër sepse pritshmëritë në qarqet e Ministrisë së Financave ishin që të arrinim një sukses në këtë emetim pasi gjithë reformat që janë ndërmarrë në vitet e fundit do të jepnin një efekt në perceptimin e investitorëve për këtë instrument financiar”./abcnews.al

newbornii.jpg
G. P.17:20 | 26/09/2018

Në një raport të përbashkët ambasadorët europianë në Prishtinë theksojnë ndër të tjera se ndryshimi i kufijve nuk mund të ndodhë pa dhunë. Lajmi konfirmohet nga mediat kosovare, të cilat shtojnë se një pikë tjetër e raportit ishte dhe se presidenti Thaçi ka nisur të humbasë mbështetjen e vëzhguesve të huaj në vend.

Çdo ndryshim kufijsh të Kosovës nuk mund të kalojë pa dhunë. Mediat kosovare citojnë në këtë mënyrë vlerësimin e disa ambasadorëve europianë në Prishtinë, në një raport konfidencial të hartuar për nevojat e Këshillit Europian për Marrëdhëniet e Jashtme, një organizatë paneuropiane me ndikim të madh.

Raporti vlerëson se edhe presidenti Thaçi ka nisur ta humbasë përkrahjen e vëzhguesve të huaj në Kosovë, ndërsa si kundërshtarë të idesë së tij për ndryshimin e kufijve dhe këmbimin e territoreve përmenden kryeministri Ramush Haradinaj, kryeparlamentari Kadri Veseli dhe Lëvizja Vetëvendosje.

Raporti trifaqësh, një kopje të së cilit e ka dhe media e shkruar në Kosovë, është hartuar nga Norbert Roettgen, kryesues aktual i Komisionit për Politikat e Jashtme në Parlamentin e Gjermanisë “Bundestag” dhe Robert Kuper, ish-mbikëqyrës i dialogut teknik mes Kosovës dhe Serbisë, dhe trajton çështjen e referendumit për emrin e ri të Maqedonisë, si dhe debatin në Kosovë rreth ndryshimit të kufijve.

Në pjesën për Kosovën, ata nënvizojnë se nuk është e besueshme që një plan konkret për marrëveshjen Kosovë-Serbi është i gatshëm, e theksojnë se qeveritë dhe vëzhguesit ndërkombëtarë “nuk duhet të gëzohen së tepërmi me idenë për ndryshimin e kufijve. Nëse kjo ndodh, gjasat janë se do të kalojë kohë para se të shfaqet një propozim funksional në tavolinë”.

“Luftimet dhe konfrontimet politike mes partive, spekulimet dhe teoritë e konspiracionit karakterizojnë debatin në vend”, thuhet më tej në raportin e titulluar “Një epokë e re në Ballkan?”, ku seksioni për Kosovën është emërtuar “Çështja e kufijve në Prishtinë”./abcnews.al

edi-ramaa123.jpg
G. P.15:15 | 31/07/2018

Edhe kryeministri Edi Rama ka reaguar në Facebook për raportin e DASH. Shefi i qeverisë akuzon opozitën se i lexon sipas interesit të saj konkludimet e raportit.

“Selia e Përkthimeve të Gabuara e di raportin vjetor të Departamentit të Shtetit për 170 vende, ferman kundër qeverisë; Do luftë kundër korrupsionit e lufton Vetingu; Do pushtetin, e thotë: kur ishim më keq ishim më mirë; Po do s’do ajo seli, plagët po luftohen sot si kurrë më parë”, shkruan kryeministri Rama në rrjetet sociale./abcnews.al

lul-basha-2-1280x858.jpg
G. P.11:57 | 31/07/2018

Për raportin e DASH mbi klimën e biznesit në botë, ka reaguar kryetari i PD-së, Lulzim Basha. Në një deklaratë për shtyp thuhet se qeveria amerikane është institucioni më i fundit që po konfirmon politikën korruptive dhe kriminale të Edi Ramës, se Shqipëria nuk është vend i përshtatshëm për bizneset amerikane për shkak të korrupsionit, mungesës së shtetit ligjor, korrupsionit në prokurime publike dhe mungesës së konkurrencës.

Fakti më i rëndë sipas kryetarit të PD, që dëshmon nivelin kriminal të qeverisë Rama në ekonomi është pohimi, se investitorëve të huaj, Edi Rama u bën shantazh të bashkëpunojnë me klientët e tij, ose përndryshe nuk kanë shans të investojnë. Prandaj shkruan Basha, Shqipëria është vendi i vetëm në botë që nuk ka patur asnjë investim të ri të huaj gjatë pesë viteve të fundit, nuk janë krijuar vende të reja pune e nuk ka mundësi për sipërmarrje ekonomike.

Kombinimi “krim i fortë me ekonomi të dobët” është minë me sahat për çdo shoqëri, thuhet në deklaratën e Bashës, e kjo minë duhet çaktivizuar sa më parë, ndryshe do të shkretojë gjithçka.

“Është koha që të gjithë të bashkohemi për të ndalur rënien e vendit në humnerë, duke ndalur Edi Ramën dhe çmontuar bandën e tij të oligarkëve dhe kriminelëve”, përfundon qëndrimi i kryetarit të PD për raportin e DASH./abcnews.al

jorida-tabaku.jpg
G. P.14:29 | 25/07/2018

Departamenti Amerikan i Shtetit përjashton pas 7 vitesh Shqipërinë nga lista e vendeve mikpritëse për bizneset amerikane. Raporti, i publikuar në faqen zyrtare të DASH, ndërtohet mbi analizën ekonomike të mbi 170 shteteve të botës, duke vlerësuar klimën e biznesit dhe potencialin e tyre për të qënë treg për bizneset amerikane.

Kjo bazuar në vlerësimin specifik për çdo shtet të lirisë për investim, sistemit ligjor dhe rregullator, të drejtat e pronësisë dhe intelektuale, transparencën, vlerësimin e sipërmarrjeve me pronësi shtetërore dhe korrupsionin në vend. Përjashtimi i Shqipërisë nga lista e vendeve që ofrojnë treg për biznesin amerikan, është këmbanë alarmi për vendin, sipas Partisë Demokratike.

“Është një rrufe në qiellin e hapur të një vendi të qeverisur nga narkotrafikantët dhe oligarkët. Të mos jesh vend mikpritës për bizneset amerikane do të thotë se në Shqipëri ka klimë armiqësore ndaj tyre me taksa të larta, ka konkurencë të pandershme nga paratë e pista të trafikut të drogës dhe korrupsionit, ka përqendrim të ekonomisë tek një grusht oligarkësh dhe klientësh të Edi Ramës”.

Opozita e ka denoncuar këtë tendencë shkatërruese të ekonomisë edhe kur Dhoma Amerikane e Tregtisë ka theksuar klimën armiqsore ndaj biznesit, gjë e cila ka sjellë si reagim të qeverisë vetëm sulmin publik të kryeministrit ndaj denoncuesit, thekson Tabaku, duke listuar edhe arsyet që sipas demokratëve, kanë sjellë futjen e Shqipërisë në listën e zezë për bizneset amerikane.

“Opozita e ka denoncuar me forcë këtë sjellje të qeverisë, për shkak të së cilës Shtetet e Bashkuara të Amerikës, vendi më i fuqishëm ekonomik në botë, partneri ynë strategjik, renditet në vendet e fundit sa i takon investimeve të huaja në Shqipëri.  Sot në Shqipëri nuk ka më vend për investitorë amerikanë, sepse ato i kanë zënë investitorët rusë e gjeorgjianë. Sot të vetmit që marrin tendera janë miqtë e kryeminsitrit. Sot çdo PPP jepet nga qeveria pa garë, me ofertë të pakërkuar. Sot ligjet bëhen me emra biznesesh. Sot praktikisht në ekonomi nuk ka më garë”.

Kjo krizë ka vetëm një zgjidhje, sipas demokratëve. Planin politik për rikthimin e ekonomisë në duart e sipërmarësve dhe tregtarëve të ndershëm, rikthimin e investimeve të huaja në rajon dhe kjo për Partinë Demokratike, kalon përmes rikthimit tek shqiptarët të çdo qindarka pasuri publike të grabitur nga kjo qeveri, përmes ndryshimit dhe më pas zbatimit të ligjit Antimafia.

nintchdbpict000261270267-1280x852.jpg
G. P.16:42 | 18/07/2018

Janë rreth 195 mijë viktimat e mjekimit të gabuar apo ngatërrimit të ilacit dhe të dozave të tij, cdo vit në Europë. Shifra është publikuar nëraportin më të fundit të organizatës botërore të shëndetësisë.

Në Europë pjesa më e madhe e ilaçeve të dhëna me recetë, deri në 50%, nuk merret ashtu si duhet, duke shkaktuar vdekjen e 194.500 personave në vit. Është kjo shifra alarmuese që del nga raporti i Organizatës Botërore të Shëndetësisë, ku theksohet se kostoja e gabimeve në marrjen e ilaçeve shkon deri në 125 miliardë euro në vit.

Ilaçet harrohen, kapërcehet orari i tyre, ngatërrohen apo merren në doza jo të sakta si përcaktohen nga mjeku. Përballë një problemi që prek sidomos të sëmurët kronikë e që marrin më shumë ilaçe, në rajone ka më pak informacione dhe mungesë mjetesh për mbështetjen e pacientëve.

Sipas ekspertëve disa nga arsyet që ndikojnë tek një pacientë për të mos u kuruar si duhet janë pasja e më shumë se një sëmundjeje kronike, mos kuptimi i përfitimeve të mjekimit, dhe informacion të mangët për terapinë që duhet ndjekur.

Për këtë arsye shumë rajone në Europë janë përqendruar më shumë në rolin  mjekut të familjes, e më pas të specialistëve, farmacistëve e infermierëve./abcnews.al

 

mesi.jpg
G. P.15:29 | 18/07/2018

Zëvendëskryeministrja Senida Mesi ka prezantuar për herë të parë në Organizatën e Kombeve të Bashkuara “Raportin Vullnetar Kombëtar”.

Shqipëria, sipas numrit dy të qeverisë ka marrë të gjitha masat për arritjen e objektivave universale vendosur nga OKB, ndërkohë që për monitorimin e tyre është ngritur një komitet ndërministerial.

Ndërkohë “Axhenda 2030” miratuar me konsensus nga të gjitha vendet anëtare të OKB-së që në vitin 2015-të,  Mesi theksoi se është në linjë të plotë me integrimin evropian të vendit tonë.

OKB me anë të kësaj axhende synon ndërmarrjen e veprimeve konkrete me qëllim çrrënjosjen e varfërisë, mbrojtjen e planetit, sigurimin e barazisë gjinore dhe garantimin që çdo popull të gëzojë paqe e prosperitet./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono