Ramush Haradinaj

HARADINAJ-GJYKATA-1280x720.jpg
in a17:38 | 05/11/2019

Kryeministri në largim, Ramush Haradinaj ka komentuar paralajmërimet që janë bërë për arrestimet të ish-luftëtarëve të UÇK-së nga Gjykata Speciale në Hagë, gjithashtu Haradinaj nuk ka lënë pa përmendur edhe çështjen e taksës ndaj Serbisë.

Në një konferencë shtypi Haradinaj foli për arrestimet e disa ish-luftëtarëve të UÇK-së që do të gjykohen nga Gjykata Speciale. Haradinaj theksoi se për këtë duhet të pyeteshin ata që votuan në Parlament për Gjykatën Speciale.

Gjithashtu Haradinaj ka folur edhe për vendimin e ardhshëm të koalicionit VV-LDK rreth heqjes së taksës./abcnews.al

 

 

 

BLERTA-HARADINAJ-TAKIMI_ABC-M4-T2.mpg_snapshot_00.40-1280x720.jpg
nev ila11:05 | 04/11/2019

Kryeministri i Kosovës Ramiush haradinaj me anë të një statusi në rrjetet sociale është shprehur se armatosja e Serbisë me pajisje ushatarke nga Rusia dhge Kina është kërcënim i drejtëpërdrejtë për kosovën dhe paqen e brishtë sic e quan ai, në rajon.

“Armatosja e vazhdueshme e Serbisë me pajisje ushtarake nga Rusia dhe Kina (Pancirë, Sisteme të Mbrojtjes Ajrore, Dronë etj) është kërcënim i drejtpërdrejtë për Kosovën, paqen e brishtë në rajon, si dhe perspektivën Euro-Atlantike.

Serbia duhet ta ndalë këtë çmenduri para se të bëhet vonë!

RH“, shkruan Haradinaj./abcnews.al

ramushi.jpg
Autor E10:27 | 04/11/2019

Kryeministri në detyrë i Kosovës, Ramush Haradinaj, e quan kërcënim për Kosovën dhe paqen e rajonit, faktin se sipas tij, Serbia po armatoset me paisje ushtarake nga Rusia dhe Kina.

Në një postim në FB, ai shkruan se “Serbia duhet ta ndalë këtë çmenduri para se të bëhet vonë”.

Postimi i plotë

Armatosja e vazhdueshme e Serbisë me pajisje ushtarake nga Rusia dhe Kina (Pancirë, Sisteme të Mbrojtjes Ajrore, Dronë etj) është kërcënim i drejtpërdrejtë për Kosovën, paqen e brishtë në rajon, si dhe perspektivën Euro-Atlantike.

Serbia duhet ta ndalë këtë çmenduri para se të bëhet vonë!

RH

haradinaj-1-1280x696.jpg
nev ila12:32 | 01/11/2019

Kryeministri në detyrë Ramush Haradinaj sërish  ka thumbuar kryeministrin e Shqipërisë Edi Rama për çështjen e shkëmbimit të territoreve Kosovë- Serbi duke thënë se ai, së bashku me presidentin Thaçi dhe ambasadoren e Kosovës në Washington kanë punuar për ndarjen e Kosovës.

Në pyetjen e gazetarëve rreth debatit të mbrëmshëm në Këshill të Sigurimit të OKB-së të ministrit të jashtëm serb Ivica Daciq me ambasadorjen e Kosovës në Washington Vlora Citaku, kryeministri në detyrë Ramush Haradinaj akuzoi këtë të fundit se bashkë me kryeministrin Rama dhe presidentin e Kosovës Hashim Thaçi kanë punuar për ndarje të Kosovës.

“Plot zyrtarë të Kosovës që janë rreshtuar pro ndarjes në emër të shkëmbimit të territoreve kanë bërë gabim të madh, të gjithë ata që kanë qenë pjesë e kësaj, qoftë Vlora, presidenti Thaci qoftë kryeministri Rama. Ky gabim nuk ua ndalon atyre në situata të tjera ti shërbejnë vendit për tema të tjera. Por po është e vërtetë kanë qenë pjesë e kampanjës për ndarje të Kosovës në emër të shkëmbimit të territoreve“, tha Haradinaj.

Sipas tij angazhimet e tyre për këtë temë do të dalin në pah në të ardhmen.

“Krejt ekipa që e kanë përkrahur presidentin Thaci, kryeministrin Rama dhe presidentin Vuçiç gradualisht krejt do ti keni në media, në wekiliksa dhe në e-maila do ti gjeni angazhimet e tyre për këtë temë“.

Ka kohë që dy kryeministrat kanë përplasje verbale rreth cështjes së marrëveshjes finale Kosovë Serbi por që nga samiti I Berlinit këta të dy nuk kanë folur më asnjëherë mes vete./abcnews.al

 

ramush-haradinaj.jpg
ad min21:17 | 15/10/2019

Pas kalimit në opozitë në zgjedhjet e parakohshme parlamentare, kryeministri në detyrë Ramush Haradinaj dorëzon mandatin e deputetit.

Në një postim në Facebook ai shkruan se “Ulësen time në Kuvendin e Kosovës, do ta lë për kolegët, por pandalë, do të vazhdoj të mbaj të hapura dyert e Aleancës për reformën e nevojshme që e kërkoi sovrani, dhe për mbajtjen e vëmendjes së plotë e të pakursyer tek temat jetike për vendin, pa asnjë kompromis.”

Kreu i Aleancës për Ardhmërinë e Kosovës thotë se fati i tij personal e politik, asnjëherë nuk ka qenë më i mirë se fati i Kosovës. Në secilin rast, do të vazhdojë punën e pandalshme në mbrojtje të interesave të Kosovës dhe qytetarëve të saj dhe do t’u qëndrojë në krahë edhe kundërshtarëve politik, nëse ata do të vazhdojnë drejtimin që nisëm ne, për mbrojtjen dhe forcimin e interesit strategjik dhe sovranitetit të Kosovës.

Në postim Haradinaj falenderon secilin nga 100 mijë zgjedhësit qëi dhanë votën si kandidat për kryeministër e thotë se u ka borxh një rikthim të fuqishëm të partisë që drejton me kuadro të reja./ABC News Albania

anita-1.jpg
Autor E14:19 | 12/10/2019

Anita Haradinaj sot feston ditëlindjen. Në familjen e kryeministrit në detyrë, Ramush Haradinaj, sot ka një arsye për të festuar, kjo ngase Anita feston ditëlindjen.

E festën për ditëlindje, ajo e nisi qysh mbrëmë, në shoqërinë më të mirë, atë të bashkëshortit.

“Para Ditelindjes!!”, ka shkruar moderatorja në një fotografi, në të cilën u shfaq pranë Haradinajt në një lokal.

Me rastin e ditëlindjes, Anita ka pranuar urime të shumta nga familjarë, miq e kolegë.

anita.jpg
Autor E15:10 | 08/10/2019

Ramush Haradinaj ishte një ndër kryeministrat më të përfolur i viteve të fundit në Kosovë për shkak të vendimeve që mori qeveria e tij, por edhe nga raportet që ngriti me kundërshtarët politikë.

Megjithatë, gjatë zgjedhjeve të fundit ai nuk arriti të kapë rezultatin e nevojshëm për të qenë në krye të listës së kandidatëve për kryeministër, gjë të cilën e ka pranuar edhe përmes një reagimi publik pas qartësimit të rezultatit.

Haradinaj e pranoi humbjën duke falenderuar çdokënd që besoi tek ai.

E tani që zgjedhjet mbaruan e ai humbi, brenda shtëpisë së tij, dhimbja e humbjes po shuhet me verë.

Të paktën këtë të lë të kuptosh postimi i fundit në Instagram i bashkëshortes së Haradinajt, Anitës.

Postimi i Anita Haradinajt në InstaStory

Kjo e fundit ka hedhur në story-n e Instagramit një shishe me verë të markës së shtrenjta “Sassicaia”. Ccmimi një shisheje me këtë verë fillon nga 93 000 lekë dhe vijon deri në 247 000 lekë.

Çmimi i një shisheje verë “Sassicaia” sipas specifikave dhe vendeve ku shitet

“N’me t’mirin vend. Në shpi”, shkruan Anita ndërkohë që në sfond duken pamjet e ambienteve të shtëpisë. /abcnews.al/

KRIZA-HARADINAJ.mpg_snapshot_00.54-1280x720.jpg
ent ela13:50 | 08/10/2019

Ramush Haradinaj, lideri i Aleancës për Ardhmërinë e Kosovës u shpreh se zgjedhjet e 6 tetorit në vend ishin demokratike dhe se tashmë partia e tij është në opozitë. Ai theksoi se subjekti i tij politik nuk do të kërkojë rinumërim votash.

Jemi pjesë e opozitës. Me këtë deklaratë lideri I Aleancës për Ardhmërinë e Kosovës Haradinaj, i vlerësoi si demokratike zgjedhjet e 6 tetorit në vend.

“U jemi falënderues dhe do t’i jemi besnik votuesve. AAK e ka marr rezultatin zgjedhor siç jemi njoftuar nga KQZ, nuk kërkojmë rinumërim nuk e kundërshtojmë rezultatin zgjedhor. Nëse ndonjë kandidat ka vërejte ka të drejtën të kërkojë rinumërim, por ne si parti nuk kërkojmë pasi mendojmë se është e padrejtë me dëmtu të dëmtohet një proces kaq i mirë dhe i madh i demokracisë tonë”.

Haradinaj tha se nuk do të hiqte dorë nga temat që kishte ndjekur qeveria e tij dhe uroi partitë fituese duke shtuar se populli mund të zhgënjehej nga qeveria e Albin Kurtit.

“Ne vazhdojmë t’i jemi besnik temave të listuara dhe nuk do të bëjmë kompromis me askënd, si opozitë do të kontribuojmë në secilën temë veç e veç. Ju e dini se nuk dua të prishi vendimin e sovranit, ne e respektojmë atë. Ndërsa e dini mendimin tim për liderin e Vetëvendosjes, për fat të keq mendoj se nuk është ajo që është premtu. Ekziston mundësia reale e zhgënjimit pikërisht nga votuesit, pra shpresoj që të jem gabim, por ne nuk kemi pozicion për individ, por kemi pozicion për temat. Nëse kushdo që i shkel këto tema do të na ketë aty si opozitë”.

Lideri i AAK-së tha se nuk beson se koalicioni me PSD-në e ka dëmtuar partinë e tij.

“Nuk besoj që PSD na ka dëmtu, edhe kur s’ka sukses zakonisht lypet fajtor. Ne duhet t’i artikulojmë më mirë temat, pikëpamjet. Mendoj se partneriteti  me PSD-në ka qenë vlerë e shtuar”.

Në fund ai bëri një apel për qeverinë e re.

“Unë i lus me e lënë taksën dhe reciprocitetin deri në njohje. Le ta vendosin reciprocitetin pa e nguc taksën.  Ne do të bashkëpunojmë edhe me pozitën dhe opozitën kur kanë qëndrim t drejtë n temë, e nuk e lidhin me emër të partisë apo me rol. Kushdo që punon në interes të temave nacionale do ta ketë përkrahjen tonë. Kushdo që nuk bashkëpunon mund të kemi dallime në tema, ia atribuoj këtë PDK-së, kërcënimin me e nda Kosovën dhe mendoj se pengesa kryesore kam qenë unë. Kemi pagu çmimin që kemi pagu, por nuk ua lejuam ta ndajnë Kosovën”. /ABC News Albania 24/7

borrell-haradinaj.jpg
ad min22:25 | 07/10/2019

Kryeministri i Kosovës, Ramush Haradinaj, reagoi në rrjetet sociale në lidhje me një deklaratë të Josep Borrel, i cili pritet të jetë komisionari i BE-së për politikën e jashtme. Ai u shpreh se ndjen keqardhje për cektësinë e njohurive të Borrell për Ballkanin.

“Sot, kur dëgjojmë z.Borrell, i nominuar për të zëvendësuar znj.Mogherini, duke deklaruar gjatë seancës dëgjimore para Komisionit për Politikë të Jashtme, se Kosova asnjëherë nuk do jetë shtet përderisa nuk njihet nga Kina, Rusia, e India, ndjej keqardhje për cektësinë e njohurive të tij për rajonin tonë, ndërsa pretendon të udhëheqë politikën e jashtme të BE-së.

Ia kujtojmë z.Borrell parimin themelor – se njohja sipas të drejtës ndërkombëtare, nuk e bën apo zhbën qenësinë e shtetit. Njohja është akt politik, dhe nuk e percakton funksionalitetin juridik e politik të shtetit”, shkruan Haradinaj.

Haradinaj shprehet se është me fat që ka bekimin e shumicës së shteteve demokratike perëndimore, që vazhdojnë ta përkrahin vendin në secilën fushë. Ndërkohë deklarata e Borrell sipas tij, provon  nivelin e ulët të besimit dhe njohjes sipërfaqësore të rrethanave në Ballkan nga Borrell.

“Kosova pret seriozitet dhe respekt të ndërsjellë nga përfaqësuesit e Komisionit Evropian, sidomos tani që udhëhiqet nga Gjermania. Besojmë fuqishëm se degradimet, shkarjet, dhe ofendimet e tilla, nuk do të lejohen më nga institucionet e BE-së. Kosova që nga viti 2017, nuk pranon trajtime nën nivelin e shtetësisë dhe sovranitetit të plotë të saj”, shkruan Haradinaj.

Josep Borrell pritet të jetë shefi i ri i politikës së jashtme dhe sigurisë së Bashkimit Evropian. Ai pati ditën e sotme një dëgjesë në komisionin e punëve të jashtme të BE-së ku shpalosi idetë e tij.  Borrell theksoi se vizitën e parë do ta zhvillojë në Kosovë, ndërkohë që vendi i tij, Spanja, nuk e njeh akoma si shtet.

Ndër të tjera, Borrel është shprehur se “Njohja e Kosovës është çështje e shteteve anëtare. Ne kemi qasje të ndryshme për njohjen e pavarësisë, por jemi të bashkuar për angazhimin. Kosova dhe Serbia duhet të arrijnë një marrëveshje dhe do të bëj ç’është e mundur për të përmbushur këtë prioritet. Mendoj, se nëse nuk zgjidhim problemet e fqinjëve tanë më të afërt, do jetë e vështirë  të besohet se ne jemi një fuqi gjeo-strategjike. Nuk ka rëndësi se ç’po bën Spanja, pasi përsa kohë Rusia, Kina apo India nuk do njohin pavarësinë e Kosovës, Kosova nuk do jetë shtet”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono