rama

META-RAMA-PER-LLESHIN-1280x720.jpg
ent ela15:31 | 12/11/2018

Presidenca publikoi sot një shkresë me 14 pyetje që Kreu i Shtetit i ka drejtuar Ministrisë së Mbrojtjes, lidhur me Sandër Lleshajn. Kreu i Shtetit shprehet se sipas Kushtetutës një ushtarak në detyrë nuk mund të marrë asnjë detyrë tjetër shtetërore, përfshirë edhe atë të ministrit. Por në një reagim, kryeministri Rama paraqet një kërkesë të Sandër Lleshajt drejtuar Kreut të Shtetit për çdekretimin si gjeneral.

Është Presidenti Ilir Meta që ka vendosur ta bëjë publikisht lëvizjen në fushën e shahut politik të kryeministrit. Ky i fundit e akuzoi se shkeli Kushtetutën me mosdekretimin e Sandër Lleshajt si Ministër i Brendshëm.

Por kreu i shtetit i rendit disa nene të kushtetutës së republikës së Shqipërisë nëpërmjet të cilave i kërkon sqarim është apo nuk është ushtarak aktiv Sandër Lleshi?

“Neni 167

  1. Ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti ose në veprimtari politike.

Neni 103

  1. Ministër mund të caktohet kushdo që ka cilësitë për deputet.

 Neni 69

  1. Nuk mund të kandidojnë e as të zgjidhen deputetë, pa hequr dorë nga detyra:
  2. b) ushtarakët e shërbimit aktiv”

Nëpërmjet 14 pyetjeve institucioni i presidences i kërkon Ministrisë së Mbrojtjes të përgjigjet nëse gjeneral Lleshaj është propozuar nga kryeministri për në postin e ministrit të brendshëm ndërkohë që është një ushtarak i shërbimit aktiv.

Madje kreu i shtetit kërkon të dijë  se a ka qenë në dijeni ministria e mbrojtjes gjatë shqyrtimit gjyqësor së Sandër Lleshaj se  ndërkohë që zhvilloheshin proceset gjyqësore ishte i emëruar si Këshilltar i kryeministrit

Si ka vlerësuar dhe si parashikon ministria e mbrojtjes ekzekutimin e vendimit gjyqësor me të cilin Gjykata e Apelit Administrativ urdhëron: Kthimin e paditësit Sandër Lleshi në detyrën e Zv/shefit të shtabit të përgjithshëm të Forcave të Armatosura, apo në një detyrë tjetër në përputhje me gradën që mban.

Këto sqarime munguan në propozimin e parë që i dërgoi kryeministri Edi Rama e po në të dytën- sqaron presidenca.

Përgjigja nuk vonoi, jo nga ministria e mbrojtjes por nga kryeministri.

Aty ku njoftoi dorëheqjen e ministrit Fatmir Xhafaj dhe zëvendësimin e tij me Sandër Lleshajn, në rrjetin social twitter kreu i qeverisë publikon zgjidhjen shterruese të problemit të ngritur nga presidenti të cilën e konsideron vorbull të panevojshme.

“Bashkëngjitur ju keni kërkesën e zëvendësministrit Sandër Lleshaj për ta çdekretuar si gjeneral aktiv, në rast se ndryshe nga ne që mendojmë se ky nuk është rasti, Ju mund të mendoni se statusi i tij aktual është ai i gjeneralit aktiv.

Ekspertët tanë mbrojnë gjithashtu bindjen se edhe nëse ky do të ishte rasti, pra edhe nëse gjeneral Sandër Lleshaj do të ishte ushtarak në detyrë, çdekretimi i tij si i tillë nga Presidenti i republikës do të duhej bërë pas miratimit nga Kuvendi të dekretit tuaj për të si ministër”.

Në të njëjtën linjë qëndron edhe shkresa e zëvendës Ministrit Sandër Lleshaj. Ai pranon se ndërkohë që ishte në proces gjyqësor ka nisur punë si këshilltar në kryeministri. Megjithëse ka fituar një shkallë të gjyqësorit e cila e rikthen në detyrën e zëvendës shefit të përgjithshëm të forcave të armatosura, dosja e tij po shqyrtohej në gjykatën e lartë. A ka shkelur ligjin kryeministria duke punësuar një ushtarak për të cilëin drejtësia nuk e ka thënë fjalën e fundit? Nëse kabineti i kryeministrit  Rama e ka dhënë përgjigjigjen e tij, për presidentin Ilir Meta është shkelje e kushtetutës .

Nëpërmjet dy shkresave , kreut të shtetit iu tha se gjeneral Lleshaj është ushtarak aktiv dhe këtë e tregon kërkesa e tij për ta cdekretuar si gjeneral aktiv.

Do ta dekretojë apo jo?  Lëvizja e fundit është në duart e Presidentit Ilir Meta./abcnews.al

edi-ramaaa1.png
ent ela12:56 | 12/11/2018

Menjëherë pas publikimit të 14 pyetjeve josekrete të Presidentit Meta drejtuar Ministrisë së Mbrojtjes ka ardhur dhe reagimi i Kryeministrit Edi Rama në rrjetet sociale.

Në shkresën drejtuar kreut të shtetit Kryeministri Rama shpreh keqardhjen për faktin që nëse Presidenti do t’i kishte shtruar këto 14 pyetje më herët lidhur me statusin e gjeneral Sander Lleshajt, me siguri nuk do të ishte përjetuar krisja e herës së parë, siç e quan Rama, në procesin e dekretimit të Ministrit të Brendshëm.

Në reagimin e tij, kreu i qeverisë, Rama thotë se bashkangjitur i dërgon Presidentit kërkesën e zëvendësministrit Sandër Lleshaj për ta çdekretuar si gjeneral aktiv. Sipas kryeministrit Rama kjo shkresë shteron të gjithë vorbullen e panevojshme lidhur me këtë çështje. /abcnews.al

rama-nato-1280x642.png
ent ela12:21 | 12/11/2018

Për të folur për rritjen e buxhetit të Ministrisë së Mbrojtjes zgjodhën bazën ku do të investohen mbi 50 milionë euro, Kucovën.

Edi Rama: “Buxheti i mbrojtjes për vitin 2019 arrin faktikisht në 22 miliardë lekë, ose 220 milionë dhe përbën një rritje prej më shumë se 10% krahasuar me këtë vit”.

Ky buxhet do t’i vihet në dispozicion ushtrisë për të realizuar një sërë objektivash të rëndësishëm, që nga modernizimi i grup batalionit të këmbësorisë së lehtë, tek përmirësimi i kapaciteteve të tjera dhe pajimeve bazë për ushtarakët e Forcave të Armatosura; blerja e armatimit të lehtë, municioneve dhe aksesorëve të nevojshëm për këto forca; vënin në funksion të sistemit të integruar të vëzhgimit të hapësirës ajrore, projekt që po zhvillohet në bashkëpunim me parterin tonë strategjik Shtetet e Bashkuara të Amerikës.

“Gjatë të gjithë kësaj kohe, ne e kemi çuar përpara bashkëpunimin me partnerin tonë strategjik, Shtetet e Bashkuara, lidhur me modernizimin e kapaciteteve ajrore shqiptare dhe rijetëzimi në tërësi i këtyre pikave kyçe do të vazhdojë, sepse, përveç modernizmit të kësaj baze ajrore këtu në Kuçovë, do të vijojmë me projektin e modernizimit të bazës ajrore të Farkës”.

Jo vetëm infrastrukturë moderne por dhe paga të kënaqshme do të dalin nga buxheti i vitit 2019.

Olta Xhaçka: “Kjo është rritja më e madhe e pagave e bërë në historinë e Forcave të Armatosura e stërmerituar sipas kryetarit të qeverisë”. /abcnews.al

 

RAMA-NGA-SARANDA-NE-SHKODER-ABC-M3-T1.mpg_snapshot_00.13-1280x720.jpg
ent ela16:39 | 10/11/2018

Këto ditë Kryeministri Edi Rama ka vendosur të udhëtojë nga veri në jug duke u përqendruar tek fëmijët. Në Sarandë inspektoi maternitetin e ri ku vijën në jetë foshnjat ndërsa në Postribë të Shkodrës premtoi ndërtimin e një shtëpie të re për fëmijët që janë me nota të shkëlqyera në shkollë edhe pse jetojnë në një familje të varfër.

Ka vetëm dy orë që ka ardhur në jetë dhe kjo vajzë do ta mësojë pas disa vitesh se ka lindur në një maternitet të ri në Sarandë që sic ndodh rëndom  inspektohet nga kryeministri pasi përfundon.

Investimi 336 milionë lekë është bërë jo vetëm për foshnjat e Sarandës, por edhe Konispolit, Delvinës e Finiqit.

“Kemi investuar në spitalin bashkiak të Sarandës, në maternitetin e ri të qytetit. Dikur ka qënë në një zonë në qendër të Sarandës, por komplet i degraduar, sot ne një ndërtim të ri, investim i buxhetit të shtetit i nisur  në vitin 2017, në vlerën 336 milionë lekë, bashkë me pajisjet. Ndërkohë  jemi duke mobiluar patologjinë dhe kirurgjinë, pra, është një tjetër investim së bashku me maternitetin, kështu që përfundojmë të gjithë korpusin e spitalit të Sarandës.”

Duke e cilësuar maternitetin e ri një model shërbimi, ministrja Manastirliu tha se me buxhetin e vitit 2019 do të investohet edhe në maternitetet e qyteteve të tjera.

“Në buxhetin e vitit 2019 kemi planifikuar fillimin e rikonstruksionit dhe ndërtimit të ri të maternitetit të Beratit, të Lezhës dhe do të përfundojmë gjithashtu dhe projektet për dy maternitete e tjera, siç është materniteti i Pogradecit dhe materniteti i Kukësit, faza e parë e të cilit tashmë ka filluar,”

Jo vetëm ambiente të reja  por mbështetje fo të kenë edhe stafet mjekësore tha kryeministri Rama.

“Në janar kemi daljen e 300 specialistëve të parë, se ishte 4 vjet vakum, pasi nuk u bënë specializime dhe do kemi menjëherë mbushjen e vakumit të krijuar në vite. Do keni rritje tjetër rrogash për infermieret, mjekët dhe gjithë personeli. Besoj që krahasuar me nga u nisem, jemi përpara, krahasuar me ku duam të shkojmë, kemi shumë akoma. Por e dini ju, fëmijët rriten ngadalë, nuk rriten menjëherë.”

Fëmijët e detyruan që të udhëtojë edhe drejt Shkodrës kryeministrin Edi Rama.

Por nuk e ka zgjedhur rastësisht të vizitojë këtë familje të varfër prej 9 anëtarësh në fshatin Postribë. Errësira nuk i ka penguar fëmijët që të shkëlqejnë në shkollë.

“Këto janë dhurata më e madhe që i bëni mamit dhe babit dhe investimi më i madh për veten tuaj. Do bëjmë diçka patjetër! Do e zgjidhim këtë sepse ti, vëllai, motrat, që jeni nxënës të shkëlqyer nuk thoni, nuk kam këtë, nuk kam atë, s’kemi ku mësojmë, s’kemi ku flemë, s’kemi çfarë hamë, s’kemi, s’kemi, s’kemi, kështu që s’po bëjmë asgjë, siç bëjnë ata që kanë edhe që llastohen gjithë ditën dhe që rrinë nëpër kafe me lekët e mamit dhe të babit dhe merren me “Facebook” dhe duan vetëm rrogë në shtet, se nuk shkojnë as të punojnë siç punon Vullneti”.

Vajza më e madhe e familjes Shabaj, është e para e klasës, edhe pse i duhet plot 1 orë për të shkuar në shkollë

 “Jam në klasë të 10-të. Shkoj në shkollë në këmbë. Është 1 orë larg dhe nëpër shi është shumë e vështirë”.

Qëllimi se pse Kryeministri i kishte vizituar është ndërtimi i një shtëpie të re por edhe të një pune për kryefamiljarin.

“Do bëjmë një shtëpi sic duhet dhe do ta bëjmë shpejt. Do t’ju çojmë me qira diku. Do ta prishim këtë, se kjo nuk riparohet. Është pak ngushtë koha, se mirë do ishte me e kap për vit të ri. Do të gjejmë një mundësi punësimi konstant dhe të bëjmë shtëpinë e re”. /abcnews.al

 

rama-sarande.png
ent ela12:32 | 10/11/2018

Kryeministri Edi Rama ka inspektuar paraditen e sotme maternitein e ri të ndërtuar në Sarandë. I shoqëruar dhe nga ministrja  e Shëndetësisë Ogerta Manastirliu, kreu i qeverisë vizitoi ambjentet e reja të nënave dhe fëmijëve.

“Një maternitet i ri që ta shohin tërë kadrinjtë e të qepin gojën për ca kohë, ndërkohë që ja si ky do të bëhen edhe të tjera maternitete të tjera gjatë këtij mandati, Kukësi, Korça, Pogradeci, Berati” – shkruan Rama në facebook.

Një maternitet me kapacitet të dyfishuar që do t’i shërbejë jo vetëm Sarandës, por edhe Konispolit, Finiqit. Ai përmendi sërish rritjen e pagave për mjekët dhe infermierët.

“Do bëjmë edhe rritjen e rrogave për infermnierët, mjekët  e gjithë personelin dhe krahasuar me nga u nisëm jemi përpara, krahasuar me ku do shkojmë kemi shumë akoma. Fëmijët rriten avash, jo menjëherë”- u shpreh Rama. /abcnews.al

ANTARSIMET-E-PS-NE-SARANDE-1280x720.jpg
ent ela19:15 | 09/11/2018

Banorët e Sarandës i kërkuan kryeministrit Edi Rama t’i zgjidhë problemet e vjetra që kanë me pronësinë. Ankesat ia drejtuan në fushatën e anëtarësimeve të reja që kreu i qeverisë zhvilloi në qytetin bregdetar.

Partisë Socialiste i shtohen edhe 200 anëtarë. Janë të rinjtë e Sarandës që kanë vendosur ti bashkohen familjes socialiste.

Nga anëtarësimet përfituan edhe sarandiotët e vjetër që t’ia thonin drejtëpërdrejtë çështjet që kanë mbetur pa zgjidhur. Më së shumti ankesat ishin për pronat e pacertifikuara.

Disa të tjerëve u sugjeroi t’i drejtohen platformës së bashkëqeverisjes. Por problemet e pazgjidhura me pronat në Sarandë do të marrin zgjidhje shumë shpejt u premtoi kryeministri Rama.

Në fund bëri atë për të cilën kishte udhëtuar deri në Sarandë. Ia dorëzoi teserat e partisë socialistëve më të rinj. /abcnews.al

RAMA-KUNDER-METES-1280x720.jpg
ent ela22:11 | 08/11/2018

Kryeministri Rama do të çojë nesër në Presidencë sërish dekretin për emërimin e Sandër LLeshit në detyrën e ministrit të Brendshëm. Teksa bëri këtë deklaratë në studion e emisionit “Real Story”, të gazetarit Sokol Balla, kreu i qeverisë tha se dekretin do ta shoqërojë dhe me një relacion shterues për emrin e propozuar prej tij për ministër të brendshëm. Në këtë mënyrë kreu i shtetit, sipas Ramës, do të mund të krijojë bindjen për ministrin e ri të Brendshëm në 7 ditët e ardhshme, sipas afatit kushtetues. Rama u shpreh i sigurt se në përfundim të këtij afati, presidenti Meta do të dekretojë Sandër Lleshin për ministër të Brendshëm.

Rama deklaroi gjithashtu se të hënën do të çojë në Gjykatën Kushtetuese një kërkesë për të interpetuar të drejtën e Presidentit për të rrëzuar emrat e ministrave. Rama tha se kjo kërkesë do të arkivohet dhe do të merret në shqyrtim nga Gjykata Kushtetuese, që sipas tij do të jetë funksionale brenda pranverës. /abcnews.al

KESHILLI-EKONOMIK-KOMBETAR-RAMA-1280x712.jpg
ent ela21:02 | 08/11/2018

Për aktet e shfaqura sot gjatë ceremonisë mortore të Kacifas në Bularat është shprehur edhe kryeministri i Shqipërisë Edi Rama përmes një reagimi ndaj kërkesës së disa komentuesve në FB për të treguar vlerat tona si komb përballë provokimeve greke.

“Shteti ynë s’lufton as me arkmorte dhe as me provokatorë varrimesh. Kush erdhi për të provokuar, hyri, turpëroi veten e flamurin e tij dhe iku. Patriotizmi nuk është të urresh tjetrin e gjuhën e tij, po të duash vendin e gjuhën tënde “– shkruan Rama.

Sipas tij, minoriteti grek, njerëzit e mirë të minoritetit e të Bularatit, janë qytetarë të respektuar e të pazëvendësueshëm të Shqipërisë.

“Shqipëria nuk “flliqet” nga ca të pagdhendur, që jetojnë si hiena e këndojnë si korba! Janë qënie të mjera që përdhosin të vdekurin “– thekson kryeministri shqiptar .

“Një komb që i ka dhënë shumë njerëzimit; një popull që s’ka qenë e s’mund të jetë kurrë armiku ynë; një vend ku shqiptarët kanë gjetur strehë, njësoj siç kanë gjetur grekët strehë tek ne dhe që edhe ai, si çdo vend, ka taksiratin të ketë derrat e gomerët e vet“– përfundon reagimin kryeministri Rama. /abcnews.al

 

 

 

RAMA-ANETARSESIMET-NE-LEZHE-1280x720.jpg
ent ela20:23 | 08/11/2018

Kryeministri Rama shperndau disa tesera partie gjatë një aktiviteti në Lezhë për anëtarësimet e reja në PS. Nuk munguan as batutat e kryeministrit me të rinjtë.

Është radha e lezhianëve të marrin një teserë partie. Të rinjtë e Lezhës janë anëtarët më të rinj të Partisë Socialiste. Janë rekrutuar vullnetarisht apo jo këtë e tregojnë përgjigjet e tyre.

Por se pse duhet të bëhen pjesë e politikës ia sqaron kryeministri Rama. Sa më pak njerëzit të merren me politikën aq më vështirë do të kenë të vendosin zgjedhjen e duhur. Dhe ia lë vendin në dorë të pak vetave. Të merresh me politikë s’do të thotë të lesh familjen, të lesh mësimet etj, por të jesh një qytetar që di të vendosë. Sepse politika vendos për çdo gjë.

Vendos politika por mndësinë ia jep vota dhe këtë kryetari i qeverisë nuk e harron. “Jemi 100 mijë, por kemi 700 mijë”.

E siç ndodh në të tilla shpërndarje teserash të partisë Kryeministri Edi Rama nuk harron shakatë por as kundërshtarët politikë.

Por emocionin më të veçantë ia dha deputeti Pjerin Ndreu. /abcnews.al

 

 

PROVOKACIJA-ARMAND-SHKULLAKU-1280x720.jpg
ent ela22:47 | 06/11/2018

Refuzim politik e konsideron gazetari Armand Shkullaku mosdekretimin e Sandër Lleshit në postin e ministrit të Brendshëm nga Presidenti Meta. I ftuar në studion e “Provokacija” në ABC News, Shkullaku shprehet se qëndrimi i Presidentit është politik dhe nuk ka të bëjë me argumentime juridike dhe konstitucionaliste.

“Mendova se ishte një lloj karshillëku brenda lojës politike që luhet në Shqipëri. Refuzimi për mua ishte i papritur. Deri sot mund të hamendësoja një lloj pozicionimi të fortë ndaj kryeministrit, por sot në deklaratën që bëri zëdhënësi i Presidentit. Qëndrimi i Presidentit është politik dhe nuk ka të bëjë me argumetime juridike e konstitucionaliste. Refuzimi është për motiv politik”.

Duke iu referuar citimit të Ngjelës për mbrojtje në terma fetarë, të Sandër Lleshit, Shkullaku thotë se nuk beson në zërat që mbrojnë përzgjedhjen fetare e krahinore. Sipas tij Rama ka pasur tjetër motivim kur ka vendosur Lleshin, pasi nuk vjen nga politika dhe nuk është pjesë e organizatës së Rilindjes.

“Rama ka patur tjetër motivim kur ka vendosur Lleshin të vërë njeri pa ngarkesë politike të mos ishte pjellë e organizatës, por dikush që nuk kishte mbi shpinë mëkatet e organizatës së Rilindjes”.

Sipas Shkullakut dorëheqja e Fatmir Xhafës është kërkuar nga kryeministrit Rama, kur historia e implikimeve filloi të trashej.

“Dorëheqja e Xhafës ishte paplanifikuar. Kjo e Xhafës kulmon kur kryeministri (alla Erdogan) tha se  skutat e errëta kanë kryer konspiracion të madh për të rrëzuar qeverinë dhe opozita ka paguar një njeri Fredi Alizotin. Rama ka kërkuar largimin e Xhafës, pasi histioria filloi të trashej më shumë se ç’mbante që nga implikimi i drejtorit të policisë filloi të shndërrohej në serial, polici dhe vettingu i paragjykuar”.

Sa përket zgjedhjeve, Shkullaku i qëndron mendimit që opozita nuk duhet të futet në zgjedhje.

“Kemi demokraci parlamentare ku opozita shërben si fasadë dhe pushteti në fund shënon shifrën që i duhet. Mendimi im është që opozita nuk do duhej të futej, por sa ka b … opozita të marrë këtë vendim…” /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono