rama

a9517464bb83a1c7c0a82cb1f66a706adef25802.jpg
R D09:41 | 12/12/2019

Albin Kurti që fitoi zgjedhjet në Kosovë, u pyet nga DW nëse Vetëvendosje do të marrë pjesë në zgjedhjet elektorale të Shqipërisë. Ai nuk e mohoi këtë, por theksoi se dega e VV në Shqipëri ka autonominë e saj. Sakaq ai thumboi Kryeministrin Rama, i cili ishte mbështetës i Thaçit për çështjen e kufijve të Kosovës.

“Besoj që emri Vetëvendosje është shumë demokratik, sepse vjen prej poshtë jo nga lart .Eshtë e kundërta e shkëmbimeve territoriale që vijnë nga lart, prej krerëve që silleshin në mënyrë monarkike”, tha Kurti.

Deutsche Welle: A do të dalë Vetëvendosja në garë kur bëhet fjalë për fushatën e ashpër elektorale në Shqipëri?

Albin Kurti: Aktivistët tanë në Tiranë kanë qendrën e tyre, që ka emrin “Lëvizja Vetëvendosje”, por kanë autonominë e qendrimeve dhe të veprimeve dhe të vendimeve. Besoj që emri Vetëvendosje është shumë demokratik, sepse vjen prej poshtë jo nga lart .Eshtë e kundërta e shkëmbimeve territoriale që vijnë nga lart, prej krerëve që silleshin në mënyrë monarkike. Vetëvendosja në Tiranë ka për qëllim që të ndërgjegjësojë dhe organizojë sa më shumë popullin atje për aktivitete në frymën e lëvizjes, por jo duke marrë direktiva nga Prishtina.

Lexo edhe:INTERVISTA E PLOTE/ Albin Kurti tregon si do i ndajë ministritë me LDK-në

Veliaj-gjate-inspektimit-te-pallateve-qe-kane-perfituar-nga-Fondi-i-Komunitetit-4-1280x853.jpg
R D11:55 | 11/12/2019

Pas tërmetit shkatërrues të 26 nëntorit, qeveria ka marrë vendimin për të pezulluar lejet e ndërtimit në zonat e prekura nga tërmeti, konkretisht në Tiranë, Durrës dhe Lezhë.

“Bazuar në kërkesën e disa bashkive të prekura nga dëmet e tërmetit të datës 26.11., si dhe në kuadër të shpalljes së gjendjes së fatkeqësisë natyrore për qarqet Tiranë, Durrës dhe Lezhë si pasojë e tërmetit të datës 26.11.2019, miratuar me vendim të Këshillit të Ministrave nr.750, datë 27.11.2019, ndryshuar me VKM Nr.751 datë 29.11.2019, ju njoftojmë se është realizuar me sukses pezullimi i aplikimi për leje ndërtimi në qarqet Tiranë, Durrës, Lezhë”, thuhet në njoftim.

Për këto qarqe mund të aplikohet shërbimi vetëm “Aplikim për leje ndërtimi, riparimi, restaurimi (rastet e emergjencave civile)”. Njoftimi i është shpërndarë edhe bashkive që janë në këto tre qarqe si Durrës, Tiranë, Vorë, Shijak, Krujë, Kavajë, Shijak, Kamëz dhe Kurbin.

rama-2.png
R D11:32 | 11/12/2019

Kryeministri Edi Rama ishte paraditen e sotme në disa fshatra të dëmtuar nga termeti në Fushë-Mamurras. Mesazhi i tij ishte i qartë se “kush është regjistruar deri më tani do ti ndërtohet shtëpia e re, të tjerët nuk do perfitojnë”. Sipas Ramës, ka shumë që duan të abuzojnë dhe po i shembin vete shtëpitë.

Por Kryeministri si gjithnjë nuk i kurseu batutat me banorët.

Teksa një burrë në moshë i shpjegonte se kanë marrë 1 çadër, por është e pamjaftueshme se janë dy kurorë brenda, Rama i thotë djalit të familjes me humor “mos luaj shumë natën dhe nëse do… dil në fushë”.

Pjesë nga bashkëbisedimi

Rama: Po nuk e keni sistemu çadrën?
Kryefamiljari: Andej çuni këndej nana me babën…se jemi dy familje. I kemi vendos dyshekët për ti ndarë çadren.
Rama: Mure për tu ndarë një çadër…hej Zot!
Kryefamiljari: Luan natën ky (djali)
Djali: Prej hallit…
Rama: Ca halli mo. Hej Zot, po dil në fushë.
Djali: Sa u fejova ra termeti.
Rama: Termet jashtë termet brenda. Nga gëzimi që ke shpëtu luan gjithë natën…

/abcnews.al

Screenshot_3-5.png
R D11:00 | 10/12/2019

Kryeministri Edi Rama vizitoi sot Qendrën Spitalore Universitare “Nënë Tereza”, për të parë dëmet e shkaktuara nga termeti.

Ai shoqërohej nga ministrja e Shëndetësisë, Ogerta Manastirlliu që i bëri një pasqyrim të gjendjes. Sipas ministres ka patur disa dëme, ku kanë rënë mure në disa shërbime, si tek Kardiologjia, Djegie-Plastika, etj.

Ajo tha se po ndërhyhet në kushtet e emergjences dhe muret e reja po bëhen me gipse. Teksa shihte muret e rëna, Rama u vendos në rolin e ekspertit, duke u shprehur “O Zot, veprimtari inxhinierike armiqësore”.

Gjatë inspektimit të mureve, një nga mjeket që shoqëronin Ramën i tha se ato rregullime që janë prishur tani ishin bërë në kohën kur ministër ishte Petrit Vasili.

“Lëre Tit Vasilin tani, se Tit Vasili është shoku yt, jo i imi”, u përgjigj kryeministri.

Manastirlliu e njohu edhe me gjendjen në rrethe, duke deklaruar se janë dëmtuar plotësisht 5 qendra shëndetësore që janë jashtë përdorimit. Po kështu tha ajo “kemi evakuuar spitalin e Laçit dhe shërbimet i kemi transferuar në Lezhë”./abcnews.al

Screenshot_11-2.png
R D21:17 | 08/12/2019

Kryeministri Rama ishte në Stamboll në konferencën e donatorëve, ku kërkoi ndihmë për të rindërtuar Shqipërinë e goditur nga termeti. Edhe pse konferenca u zhvillua paradite, Rama u kujdes që fjala e Presidentit Erdogan të pasqyrohet gjerësisht. Mbrëmjen e sotme, e shpërndau fjalimin e tij në facebook, të titruar në shqip.

“Konferenca Islamike ka 50 anëtarë. Ne po të kapemi dorë për dore, po të bashkojmë fuqitë, nuk ka rëndësi sasia, shumë apo apo pak, ne e ngremë Shqipërinë në këmbë. Kuptohet që dëshirat janë të mira. Por dëshirat po të mbeten vetëm në fjalë fluturojnë… Mjalti po nuk hyri në gojë, nuk ëmbëlsohet goja. Ky mjaltë duhet ngrënë, dhe ta ndajmë me vëllezërit tanë këtë mjaltë. Ne këtë duhet të bëjmë, të ndajmë mjaltin së bashku. Banka Islamike është ajo që do të hedhë hapin më të rëndësishëm. Ne si Turqi po punojmë, por e dimë që nuk është e mjaftueshme. Ne do punojmë, do të vazhdojmë. Zoti Kryeministër i ka dërguar letra dhe kërkesa shumë vendeve të tjera. Shpresojmë të marrin përgjigje pozitive këto kërkesa, sepse ne e kemi ndjerë dhimbjen e këtij tërmeti vite më parë në Turqi”, thotë mes të tjerash Presidenti i Turqisë Erdogan.

edi-paloka-kzaz.jpg
R D18:37 | 08/12/2019

Edi Rama bëri një thirrje për Lulzim Bashën në Twitter për tu ulur në tryezë, por më pas e fshiu postimin. Gjithsesi, Edi Paloka nuk ka hezituar ti përgjigjet Kryeministrit në emër të Bashës dhe të PD-së. Ai shkruan në facebook se nuk është i nevojshëm një takim që do pasuronte albumin propagantistik të Edi Ramës. Po kaq, numri II i PD-së thotë se pikësëpari duhet të dalin përgjegjesit, duke përmedur emrin e Vangjush Dakos për ndërtimet në Durrës dhe emrin e Artur Bushit që nuk mori masa për pallatet e Thumanës.

Deklarata e plotë e Palokës

Në ditën e 13-të pas tërmetit, ajo që ju duhet shqiptarëve nuk është pasurimi i albumit fotografik propagandistik i Edi Ramës me Lulzim Bashën në një tryezë.

Ajo që kanë nevojë shqiptarët është një qeveri e përgjegjshme, një kryeministër që nuk e mbush ditën me shfaqje te shëmtuara me fatkeqët. Shqiptarëve nuk i duhet një kryeministër që shfrytëzon fatkeqësinë për të nxjerrë nga sirtari projektet me PPP korruptive për të pasuruar klientët e tij mbi gërmadhat e vdekjes.

Shqiptarët duan ndihmë për njerëzit në nevojë. Shqiptarët meritojnë transparencë dhe përgjegjësi para ligjit për fajtorët.

Po të triumfojë ligji mbi partinë, të parët që shkojnë në burg janë ata që lejuan banorët të futen në pallatet e Thumanës të çertifikuara të pabanueshme pas tërmetit të 21 shtatorit, nga Artur Bushi te qeveritarët e Tiranës.

Po të triumfojë ligji mbi partinë, Gjush Dako në vend që të ri-emërohet dhe të ngarkohet për zhdukjen e letrave live në ERTV, e të shoqërojë Ramën në Turqi, duhet të ishte në burg për masakrën urbane në Durrës, që është bërë me firmën e tij dhe me betonin e tij.

Edi Rama nuk mund ta mbulojë dështimin e tij me thirrje hipokrite. Ai duhet të mbajë përgjegjësi për dështimet e njëpasnjëshme që çuan në viktima dhe vuajtje pa fund.

Pse emergjencat civile nuk kishin mjetet e duhura për të përballuar fatkeqësinë natyrore?
Pse i bëri lekët për paisje emergjencash, gaz helmues për popullin, dhe milionat për qen kërkimi, ushqim për babëzinë e qenveritarëve të korruptuar.
Pse nuk i heq 10 oligarkëve të tij 150 milionë dollarë të taksave të shqiptarëve që t’ua kalojë ato njerëzve në nevojë.

Shqiptarët tani ka nevojë për vepra dhe jo për llogje. Në vend të lotëve të krokodilit, shqiptarët kërkojnë siguri nga një qeveri që di dhe ka vullnet t’i zgjidhë problemet e tyre.

Deri tani në lartësinë e kërkesave të shqiptarëve është vetëm Lulzim Basha. Në këto 10 ditë, ai ka ofruar 2 plane për kapërcimin e shpejtë të fatkeqësisë: Planin e Emergjencës për banesat e dëmtuara dhe Planin për Rimëkëmbjen e Biznesit të prekur nga tërmeti.

Zgjidhjet e propozuara Edi Rama i ka mbi tryezë. Por si përherë atij nuk i intereson zgjidhja por shfaqja, nuk i interesojnë njerëzit por pushteti dhe paraja.

Lexo edhe:

“Është gabim i madh”/ I bëri thirrje Bashës, Rama fshin postimin në Twitter

Rama tjetër mesazh Bashës: Refuzimi i tryezës së përbashkët, gabim i madh

edi-rama-bratisllave.jpg
R D18:11 | 08/12/2019

Kryeministri Edi Rama ka fshirë papritur postimin në twitter vetëm një orë pasi i kishte bërë thirrje Lulzim Bashës të ulej në tryezën e bashkëpunimit. Madje Rama e gjykonte Bashën se po bënte një gabim të madh me refuzimin e tij.

Kryeministri Rama në Twitter:

@lulzimbasha_al
një pjesë e sugjerimeve të publikuara lidhur me bizneset e dëmtuara në Durrës, përkojnë me propozimet e hartuara nga kryetari i Komitetit Kombëtar të Rindërtimit & Ministrja e Financave😊 Por vazhdoj të them se refuzimi i tryezës së përbashkët është gabim i madh☹

Ku mesazh u postua në orën 16:05 por siç shihet tashmë është fshirë nga llogaria e Kryeministrit në twitter. /abcnews.al

rama-2.jpg
R D16:23 | 08/12/2019

Kryeministri Edi Rama i drejton një tjetër mesazh liderit të opozitës për bashkëpunim. Në rrjetin social Twitter ai shkruan: “Lulzim Basha, një pjesë e sugjerimeve të publikuara lidhur me bizneset e dëmtuara në Durrës, përkojnë me propozimet e hartuara nga kryetari i Komitetit Kombëtar të Rindërtimit & Ministrja e Financave, por vazhdoj të them se refuzimi i tryezës së përbashkët është gabim i madh”.

Kujtojmë se edhe më herët Rama i ka kërkuar Bashës të ulen në tryezë për të hartuar së bashku planin e masave për të dëmtuarit nga termeti, por vetë Basha është shprehur se “nuk është momenti për të dalë bashkë në fotografi por për të ndihmuar njerëzit e goditur nga fatkeqësia natyrore”.

Sot, kreu i PD-së ka propozuar paketën me 5 pika për rimëkëmbjen e biznesit të prekur nga tërmeti në Durrës:

1. Përjashtim nga taksa e pronës dhe nga të gjitha taksat dhe tarifat vendore gjatë periudhës së rindërtimit për të gjithë operatorët ekonomikë me aktivitet në zonat e prekura.

2. Përjashtimin nga tatim fitimi për të gjitha subjektet që e ri-investojnë fitimin për të rikuperuar dëmet e tërmetit.

3. Pezullimin e kontributeve të sigurimeve shoqërore dhe shëndetësore për periudhën deri në rikuperimin e dëmeve dhe pagesat e shtyra të kryhen me këste pas periudhës së rikuperimit.

4. Përjashtimin nga tvsh për të gjitha materialet, lëndët e para, mjetet kapitale që përdoren për rikuperimin e dëmeve.

5. Pezullimin dhe fshirjen e pagesave të faturave të energjisë dhe të ujit gjatë kohës së gjendjes së fatkeqësisë natyrore.

/abcnews.al

ramiu.jpg
Autor E14:58 | 07/12/2019

Kryeministri Rama dhe kryebashkiaku Veliaj vizituan sot disa familje të prekura nga tërmeti në Tiranë.

Teksa hyri në njërën prej familjeve në zonën e Saukut, Rama shprehi bezdinë për televizorin që mbahej ndezur në dhomë.

“Aman fike atë se është si shejtani në shtëpi”, tha Rama.

Ndërkohë, Veliaj shpjegoi se i kanë ofruar 1 000 familjeve bonuesin e qerase, nga i cili kanë përfituar 922 të tilla.

Gjatë bisedës Veliaj ndërhyn duke thënë se familja ishte në çadër në ditët pas tërmetit dhe se familja ishte transferuar një ditë më parë në atë shtëpi.

Rama u shpreh se familjet që janë të lidhura me pronën për shkak të bagëtive apo shtëpisë do të mbështeten me qera pranë lagjes së tyre.

Më pas Rama vizitoi edhe një tjetër familje, ku zonja e shtëpisë, një grua e moshuar, i tha se i vinte keq shumë për kryeministrin pasi sipas saj, ai lodhej shumë.  /abcnews.al

dakoooo.png
R D00:02 | 06/12/2019

Kryeministri Edi Rama ishte pasditen në Durrës, duke inspektuar punën që po bëhet për heqjen e inerteve të godinave të shembura nga termeti. Pamjet e publikuara në facebook, shoqërohen me statusin: “Në Durrës, ku punohet papushim për heqjen e inerteve deri në pastrimin e plotë, sapo kryhet marrja e mostrave dhe plotësohet dokumentacioni hetimor”. Ndërsa gjatë bisedës me ministrin fuqiplotë Blendi Çuci, ai shprehet: “Nuk duhet të shpëtojë asnjë nga ata që kanë përgjegjësi penale”.

Kamerat e ERTV janë të fokusuara gjatë gjithë kohës tek Rama dhe Çuçi… Papritur në fund shfaqet vetëm për pak sekonda ish-kryetari i Bashkisë së Durrësit, Vangjush Dako.

Dako thotë vetëm një fjali: Po bëj unë një gjë për ato letrat.

Ndërsa Rama përgjigjet : Ok!

Pyetja që shtrohet është: Për çfarë letrash po kujdeset Vangjush Dako, kur ai nuk ka asnjë funksion zyrtar?!

/Abcnews.al

 

*Video e ERTV-së


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono