rama-meta

aldo-bumci-dt-11.mpg_snapshot_18.47-1280x720.jpg
ent ela16:00 | 11/01/2019

Përplasja mes institucionit të Presidencës dhe Kryeminsitrit për deputetin demokrat Aldo Bumçi është dhe politike dhe juridike, pasi sipas tij politika është menaxhim i interesit publik. I ftuar në studion e ABC News Bumçi tha se vendimi i Presidentit është gjykuar gjërësisht i drejtë, ndërsa argumentat që Presidenti është sjellë në mënyrë të papërgjegjshme bien.

“Në rastin në fjalë Presidenti ka dekretuar të gjithë ministrat përveç njërit, edhe minstren e arsimti nga kosova pra argumentat që Presidenti është sjellë në mënyrë të papërgjegjshme bien sepse edhe Besa Shahini është nga Kosova. Këtu kemi të bëjme me shkelje ligjore dhe me konsiderata më të gjëra që nuk janë vetëm të Presidentit.

Kemi parë një reagim se nuk është thjesht një debat i ngurtë teknik. Vendimi i Presidentit është gjykuar i drejtë dhe çështja nuk është thjesht një ministër, por është një çështje më e madhe se kaq.

Këtu ne nisim me një qëndrim të qartë, se Kryeministri është i vetmuar, nuk ka mbështetje as nga PS, është pa mbrojtje, Edi Rama është i vetëm”.

Për Bumçin Shërbimi i interesit publik është gjykuar me mosdekretim, ndërkohë që rendit argumentat ligjorë të Presidentit për mosdekretim që janë: mospasja e çertifikatës së sigurisë për 7 muaj, dhënia e certifikatës për 24 orë, që është shkelje e ligjit.

“Presidenti ka rreshtuar 3 argumenta. Po e nisim me atë ligjor, me certifikatën e sigurisë, është shkelje e ligjit, është përgjegjësi politike. Është problem politik. Ke kaluar informacion të klasifikuar për 7 muaj pa pasur çertifikatën e  sigurisë. Kjo është shkelje.

Shkelja e dytë nga shkëmbimi i shkresave u tregua publikisht që brenda 24 orëve DSIK i ka dhënë zotit Cakaj certifikatën e sigurisë. Ky proces nuk mund të kryhet brenda 24 orësh.  

Në argumentimin e Presidentit kemi argumenta ligjorë ku janë shkelur dhe kjo mjafton për të mos bërë dekretimin dhe për të filluar hetimin. Ky institucion (DSIK) sot ka humbur besueshmërinë . Nga aspekti ligjor është i përmbushur plotësisht me dy shkelje”.

Duke kaluar te argumentat politikë të Presidentit për mosdekretimin e Cakajt,  Bumçi sqaron se Presidenti bazohet jo vetëm te çështjet ligjore e juridike, por edhe më të gjëra për interesin e shqiptarëve dhe Presidenti rreshton dy argumenta që janë: procesi i hapjes së negociatave,  marrëdhëniet me fqinjët, negociatat Serbi-Kosovë, ku shqipëria nuk mund të jetë indiferente.

“Nga ana tjeter argumenti politik ëhstë që të bazohesh në interes amë të gjera dhe presidenti ka rreshtuar disa sfida. Presidenti bazohet jo vetëm te çështjet ligjore e juridike, por edhe më të gjëra për interesin e shqiptarëve dhe Presidenti rreshton dy argumenta që janë: procesi i hapjes së negociatave, marrëdhëniet me fqinjët, negociatat Serbi-Kosovë, ku Shqipëria nuk mund të jetë indiferente dhe një ministër i ri duhet të njihet me punën, njerëzit, homologun e një shteti tjetër. Dhe vendosja e një personi pa përvojë do ngadalësojë çdo proces”.

Për Bumçin problemi kryesor është Kryeministri Rama, i cili qeveris i vetëm.

“Ne po merremi me ministrin, por problemi kryesor është Kryeministri. Edi Rama qeveris i vetëm. Nga ana tjetër ndryshimi i gjithë qeverisë do të thotë dështim i kryeministrit”. /abcnews.al

 

meta-rama.jpg
ent ela12:18 | 11/01/2019

Mosdekretimi i Gent Cakajt si propozim i kryeministrit për ministër të jashtëm rikthen tensionet mes kreut të Shtetit dhe atij të qeverisë. Pas deklaratave të një dite më parë në rrjetet sociale nga ana e Ramës, Meta ashpërson gjuhën dhe i kujton Kryeministrit se askush nuk mund t’i bëjë presion e shantazh Presidentit të Shqipërisë. Nuk mungoi sërish reagimi i Ramës me nota ironie.

Kreu i Shtetit Ilir Meta ka reaguar ashpër përmes një mesazhi të gjatë në rrjetet sociale, pas deklaratave të kryeministrit Rama në rrjetet sociale lidhur me mosdekretimin e Gent Cakajt nga presidenti Meta.

Kreu i shtetit akuzon Ramën për kërcënim duke e lidhur me ngjarje të ndryshme.

“Ai që guxoi të kërcënojë komisar Zaganin pse denoncoi bashkëpunimin e trafikantëve të drogës me pushtetarët, ai që guxoi të kërcënojë nënkomisarin e Fushë-Krujës pse hetoi dhunimin e një vajze nga djali i një deputeti, ai që guxoi të kërcënojë një profesor të nderuar vetëm pse i shkruajti një letër Presidentit të Republikës në mbrojtje të interesit kombëtar, ai që kërcënon çdo ditë gazetarë e pronarë mediash, ai që kërcënon prokurorë e gjyqtarë, ai që kërcënon opozitarë dhe dëshmitarë, ai që urdhëron falsifikimin e letrave të tenderave e deri tek dokumente të sigurisë kombëtare bëri gabimin fatal të kërcënojë edhe Presidentin e Republikës së Shqipërisë në mënyrë të drejtpërdrejtë”.

Kreu i shtetit i kujton Kryeministrit se askush nuk mund të shantazhojë Presidentin.

“Nuk ka fuqi në botë t’i bëjë presion e shantazh Presidentit të Republikës së Shqipërisë”– vijon më tej Kreu i Shtetit.

Meta thekson se për të si Presidenti i Republikës, interesi kombëtar është mbi çdo gjë.

“Nuk ka Gjykatë Kushtetuese në botë që ndalon e interpreton kompetencat që i jep Kushtetuta e Republikës së Shqipërisë, Presidentit, për emërimin e shkarkimin e ministrave e në veçanti të atyre që janë anëtarë të Këshillit të Sigurisë Kombëtare.Interesi kombëtar i pari! Shqipëria e Para”.

Por permes Twiterit, kryeministri Rama ka lëshuar një reagim për Presidentin:

“Mos e merrni seriozisht ju lutem, ose i ka vjedhur Doktorresha e Shkencave paswordin e faqes zyrtare ose pastaj është në atë fazën kur i bën thirrje popullit për të marrë armët, ngaqë s’di si të dalë nga gropa që i hap vetes. I çova provat e mekatit ndaj Gentit dhe vuan tani”– shkruan Rama.

Përplasja verbale në distancë mes dy krerëve të Shtetit dhe Qeverisë nisi menjëherë pasi Presidenti refuzoi të emërojë Gent Cakajn si ministër të jashtëm, i vetmi ndër propozimet e paraqitura nga Rama për ministrat e rinj që nuk u miratua nga Meta. /abcnews.al

RAMA-META-PER-MINISTRIN-E-BRENDESHME-1280x720.jpg
ent ela15:47 | 05/11/2018

Nesër do të zhvillohet një seancë e jashtëzakonshme parlamentare, ku do të votohet shkarkimi i Fatmir Xhafës. Ndërsa Sandër Lleshi do të mbajë detyrën e  zv/ministër i Brendshëm me kompetencat e ministrit. Kryeministri Edi Rama paralajmëron se nuk mbaron me kaq e me sa duket detajet do të mësohen nesër në seancën e jashtëzakonshme. Nuk ka munguar dhe reagimi i kreut të shtetit qe bën të qartë se nuk do të lejojë asnjë përpjekje sfiduese ndaj autoritetit të institucionit që përfaqëson.

Nuk ka rëndësi nëse e bind apo jo Presidentin e Republikes, Kryeministri e ka vendosur që Gjeneral Sandër Lleshi të drejtojë Ministrinë e Brendshme.  Madje ka gjetur një rrugë më të shkurtër, atë të emërimit në detyrën e zëvendës ministrit të parë duke i deleguar kompetencat e ministrit të brendshëm. Me këtë lëvizje kryetari i qeverisë vendos e firmos vetë dhe për këtë është në dakordësi të plotë edhe me Grupin Parlamentar socialist. Konfirmimi vjen nga vetë Kryeministri nëpërmjet një statusi në rrjetet sociale.

Në mbledhjen e zhvilluar me dyer të mbyllura mësohet që Edi Rama ti ketë njoftuar deputetët mbi takimin që zhvilloi një ditë më paë kokë më kokë për 90 minuta me presidentin e republikës në zyrën e këtij të fundit. Duket se nuk ka qenë aq konstruktiv dhe i hapur siç deklaroi këshilltari i tij për mediat pas takimit të së dielës.

“Presidenti nuk ka dhënë asnjë arsye po vetëm mosbindjen e tij. Ne nuk duhet të biem në këtë situatë që nuk është e jona. Ne duhet t’i dalim për zot situatës”.

Sipas kryeministrit Edi Rama, Presidenti ka shkelur Kushtetutën me mosdekretimin në detyrën e Ministrit të gjeneral Sandër Lleshit i cili duhet vlerësuar pasi si Pandeli Majko edhe ai e ka çertifikatën  më të lartë të sigurisë nga NATO, Top Cosmic u ka thënë kryeministri deputetëve.

Këto deklarata nuk i la pa përgjigje Kryetari i Shtetit. Është Zëdhënësi i Presidentit të Republikës që bëhet zëri i takimit kokë më kokë  Meta-Rama.

“Informacioni i dhënë nga Kryeministria lidhur me takimin ka qenë ezaurues.

Presidenti i Republikës bën të qartë se nuk do të lejojë asnjë përpjekje sfiduese ndaj autoritetit te institucionit qe përfaqëson si Kryetar i Shtetit, Komandant i Përgjithshëm i Forcave te Armatosura dhe Kryetar i Këshillit të Sigurisë Kombëtare.

Presidenti i Republikës ka shprehur gjithmonë gatishmërinë e tij t’i japë shpjegime në mënyrë transparente dhe të përgjegjshme Kuvendit të Republikës së Shqipërisë për të gjitha çështjet që Kuvendi do të shprehë interes.

Presidenti Meta ka bindjen e plotë se koha e drejtimit të shtetit shqiptar me Sekretar të Parë ka përfunduar njëherë e përgjithmonë”.

E marta shënon ditën e fundit të afatit të votimit nga parlamenti të dekretit të presidentit për shkarkimin e ministrit të dorëhequr Fatmir Xhafaj. Për këtë arsye Grupi Parlamentar i mazhorancës  kërkoi mbledhjen e seancës së jashtëzakonshme parlamentare ku do të ngrihen kartonët jeshilë të socialistëve. Megjithatë seanca nuk do të mbyllet me kaq paralajmëron Kryeministri Edi Rama. Deputetëve të tij u thotë që do të jetë dita që do të bindin Presidentin e republikës, ndërsa ndjekësit e tij në rrjetet sociale i njofton që të mbajnë frymën pezull.

Në këtë ditë kur ekzekutivi dhe Presidenca kanë bërë lëvizjet e tyre, ministri i dorëhequr Fatmir Xhafaj i kujton publikut se loja e shahut vazhdon. /abcnews.al

 

meta-rama.jpg
ent ela20:40 | 13/06/2018

Kryeministri Edi Rama është takuar sot pasdite me Presidentin e Republikës Ilir Meta. Burime për abc News bëjnë të ditur për rreth 30 minuta është diskutuar për ecurininë e negociatave me Greqinë. Ky takim u bë pas deklaratës që ministri i jashtëm grek Nikos Kotzcias ka bërë në një ligjëratë të mbajtur në Moskë se shumë shpejt përfundojnë negociatat me Shqipërinë. Kreu i shtetit ka kërkuar informacion për cfarë është diskutuar deri më tani mes grupeve negociatore, e në mënyrë të vecantë mbi marrëveshjen për kufijtë detarë. Duke iu referuar burimeve, presidenti Meta dhe Kryeministri Rama kanë folur edhe për cështje të tjera të aktualitetit në vend./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono