qytetaret

rruga-durres-1280x724.jpg
nev ila15:12 | 09/10/2019

Rikonstruksioni i rrugëve krahas kostove është shndërruar në problem për qytetarët e Durrësit. Pas përfundimit të punimeve, rrugët hapen sërish për të tjera ndërhyrje. Sipas qytetarëve, kjo është një dëshmi e shpërdorimit te taksave.

Një njërën prej rrugëve të Durrësit siç është  “Aleksandër Goga”  pasi ka mbaruar se asfaltuari është hapur serish për rrjetin e ri të ujësjellësit. Rruga nuk është kthyer në gjendjen e mëparshme dhe kjo ka shqetësuar banorët . Ata thonë për ABC News se ky është një rast i përsëritur dhe një dëshmi e shpërdorimit të taksave.

Rruga Aleksander Goga që lidh Mazoleumin e Dëshmoreve me sheshin “Liria” ka përfunduar se rehabilituari para pak kohësh. Ky segment rrugor është dëmtuar sërish nga një ndërhyrje e ujësjellësit për shtrirjen e rrjetit të ri.

Kur puna është mbyllur rruga nuk është kthyer në gjendjen e mëparshme dhe gjysma e asfaltit ndodhet në këtë gjendje sot. Durrsakët nuk e njohin  si rastin e vetëm, megjithatë ndihen të nervozuar.

Rehabilitimi i rrugës  me vlerë 700 milion lekë nisi në mars të 2018 për lehtësimin e trafikut. Në projektet për rrugët që ristrukturohen nuk përfshihen investimet që do të bëhen nga ndërmarrje të tjera shtetërore apo edhe private.  Për pasojë ndërhyrjet që u kryen vetëm sa e vështirësuan qarkullimin në aksin me ngarkesë të madhe lëvizjeje./ABC News Albania 24/7

OK-SINKRON-TAHIRI.mpg_snapshot_00.22-1280x720.jpg
ent ela12:43 | 21/09/2019

Në daljen para mediave pas dënimit nga gjykata për shpërdorim detyre Saimir Tahiri ka nënvizuar se ka ndërmend të vazhdojë të luftojë për të vërtetën e tij, duke apeluar vendimin. Ish ministri i brendshëm shprehu ndjesë për gjykime në të kaluarën, një reflektim në situatën ku ndodhet vetë.

“Nuk komentoj vendimet e gjykatave. Në kulturën time është normale ta presësh, ta lexosh dhe pastaj të japësh një opinion.

Po i shkoj deri në fund një rruge, duke respektuar dhe bërë time drejtësinë që kërkoj. Nëse sistemi do ishte gabim do e thoja me siguri, po shpresoj shumë që drejtësia të bëjë drejtësi edhe për qytetarët, dhe më vjen keq për të gjithë ata që janë dënuar padrejtësisht dhe gjithë të tjerëve që u kemi rënë më qafë e kam kuptuar shumë vonë këtë, po më vjen shumë keq”.

I pyetur nëse ka ndonjë emër konkret, Tahiri theksoi se më shumë e shqetëson fenomeni.

“Më shumë se emrat më shqetëson fenomeni, me emrat e zgjidh kollaj, më shqetëson fenomeni”

Ndërsa deklarata e ambasadave të huaja në vend pas vendimti të gjykatës për të, Tahiri i cilësoi dekurajuese. /abcnews.al

rama-e-merkure-1280x698.jpg
ent ela13:14 | 18/09/2019

Nuk kanë munguar denoncimet e qytetarëve ndaj administratës publike edhe në takimin e përjavshëm të platformës së bashkëqeverisjes. Kryeministri Edi Rama ka paraljmëruar se do të bëhen të gjitha verifikimet për ata zyrtarë të sigurimeve shoqërore që kanë refuzuar të japin përgjigjet që kanë për detyrë.

Janë mbi 800 persona nga drejtorë në specialistë që kanë marrë masa ndëshkimore në adresë të tyre, nga ndjekjet penale të paralajmërimet për pushime nga puna, sepse ka rezultuar se i kanë zvarritur qytetarët. Këto rezultate ka prodhuar platforma e bashkëqeverisje sipas kryeministrit Edi Rama.

“Sigurisht është sfida jonë të përmirësojmë administratën çdo ditë dhe ky komunikim i drejtpërdrejtë mes qytetarit e qeverisë bën që pasi ne adresojmë problemin, të merremi me shkaktarët”.

Në takimin e përjavshëm kreu i qeverisë dëgjoi të tjerë shembuj zgjidhje të problemeve të vjetra e të reja me administratën shtetërore. Një pre tyre punëve të mira të kësaj platforme, kryeministri renditit mbështetjen e menjëhershme që i jep pensionistëve.

“Prej shumë vitesh para daljes së platformës, pensionistët kanë pasur pamundësi të plotë për të adresuar çështjen e përllogaritje së drejtë të pensionit të tyre, si rezultat i një administrate të pavëmendshme dhe një sistemi funksionimi të ankesave, i dështuar prej thuajse 30 vitesh. Qindra mijëra letra drejtoheshin çdo vit vetëm këtu në këtë godinë, pa llogaritur letrat në ministri dhe drejtori, dhe nuk rezulton që qoftë edhe 1% e tyre të merrnin përgjigje”.

Thirrja që përsërit kryetari i këshillit të ministrave është që ankesat të vazhdojnë të adresohen në platformën e bashkëqeverisjes sepse në në fund të ditës administrata vihet në punë. /ABC News Albania 24/7

 

KARTE-VLORE-MBULIM_ABC-M2-T1.mpg_snapshot_00.02-1280x720.jpg
ent ela13:20 | 17/09/2019

Në Vlorë qytetarët që duan të pajisen me kartën e identitetit apo pasaportë biometrike presin me orë të tëra pranë zyrës së aplikimit.

Kjo situatë po ndodh, edhe pse është hapur një ambient i ri më 12 sportele. Banorët thonë se kjo situatë është shkaktuar për shkak se jo të gjitha sportelet janë në funksion.

Aktualisht në ambjentet e reja, të cilat u inaguruan në 9 gusht, çdo ditë janë në punë për të kryer procedurat 3-4 sportele.

Kurse vetë punonjësit thonë se radhët janë për shkak të numrit të madh të qytetarëve që aplikojnë. /ABC News Albania 24/7

 

b2336020-939b-4cd9-a5b7-59cb79932d63.jpg
ent ela11:52 | 06/09/2019

Një 19 vjeçar i cili udhëtonte në linjën e transportit publik Tiranë-Vorë me armë zjarri me vete, ra në prangat e policisë së kryeqytetit, falë njoftimit nga qytetarët.

19 vjeçari me iniciale K. M., nga Librazhdi dhe banues në Tiranë, u vu në pranga për veprën penale “Mbajtja pa leje e armëve dhe municionit luftarak”;, ndërsa shoku i tij që udhëtonte me të për moskallëzim krimi.

Këta dy shtetas ndërsa po udhëtonin me linjën e transportit publik Tiranë-Vorë, janë vënë re nga qytetarët se njëri prej tyre kishte armë zjarri me vete. Pas njoftimit që qytetarët kanë bërë në sallën operative, në vendin e quajtur “Mbikalimi i Vorës” është bërë ndalimi dhe kontrolli i dy shtetasve nga shërbimet e Policisë Vorë. Gjatë kontrollit, shtetasit K. M., 19 vjeç (lindur në Librazhd dhe banues në Tiranë), i është gjetur një armë zjarri pistoletë, me krehër me fishekë.

Materialet iu referuan për veprime të mëtejshme Prokurorisë së Rrethit Gjyqësor Tiranë. /abcnews.al

SINKRON-BASHA-PAS-PYETJEVE-ABCM5T1.mpg_snapshot_00.49-1280x720.jpg
nev ila10:19 | 12/08/2019

Kreu i demokratëve Lulzim Basha ka vazhduar akuzat e tij ndaj kryeministrit Rama. Basha shkruan se Edi Rama është kërcënim për jetën e qytetarëve sepse ka uzurpuar, sipas tij, të gjitha pushtetet.

Më tej Basha ka përsëritur akuzat ndaj Valdrin Pjetrit duke thënë se ai duhet të merret urgjentisht i pandehur pasi ka shkelur Ligjin e Dekriminalizimit duke fshehur të dhënat mbi të kaluarën e tij si trafikant droge.

Sipas kreut të PD, për sa kohë që Edi Rama do të jetë në zyrën e kryeministrit, nuk do ketë as drejtësi dhe as demokraci, banditët, kriminelët dhe hajdutët do të sundojnë Shqipërinë.

Edi Rama është kërcënim dhe rrezik për jetën dhe sigurinë e çdo familje shqiptare! Ai ka uzurpuar të gjitha pushtetet me një bandë kriminelësh e hajdutësh që i duhen për të vjedhur Shqipërinë.

Valdrin Pjetri duhet të merret urgjentisht i pandehur sepse ka shkelur Ligjin e Dekriminalizimit duke fshehur të dhënat mbi të kaluarën e tij si trafikant droge. Por Edi Rama i ka dhënë urdhër prokurorisë së korruptuar që ta mbrojë nga ligji i dekriminalizimit.

Por sa kohë Edi Rama është në zyrën e kryeministrit, nuk do ketë as drejtësi dhe as demokraci, banditët, kriminelët dhe hajdutët do të sundojnë Shqipërinë.

Krimi dhe Edi Rama janë të pandashëm. Që të largojmë krimin duhet të largojmë Edi Ramën! Shporrja e Hajdutit Psiqik dhe bandës së tij është jetike për sigurinë dhe jetën e çdo familje shqiptare!“, shkruan Basha./abcnews.al

 

merlin_158889453_89860de0-af45-4b32-994b-d89e59c60d3d-superJumbo-1280x800.jpg
Sej rie14:15 | 07/08/2019

Ka marrë tiparet e një vizite kontradiktore ajo që presidenti Donald Trump do të zhvillojë në El Paso, qytet ku të shtunën e kaluar u vranë mbi 20 persona. Komuniteti është i ndarë sa i takon vizitës, me një pjesë që e konsideron Trump fajtor për dhunën dhe një tjetër që mirëpret ardhjen e tij.

Presidenti amerikan Donald Trump po bëhet gati të vizitojë El Pason, qyteti me shumicë hispanike, që ka ndjerë më shumë se të gjithë retorikën e tij për një pushtim emigrantësh.

Vizita e kreut të shtetit konsiderohet kontradiktore, nisur nga fakti se El Paso ka qenë në vijën e frontit të administratës Trump sa i takon fluksit të emigrantëve, që synojnë të hyjnë në Shtetet e Bashkuara përmes kufirit meksikan.

Vetëm në janar, Trump e quajti El Pason qytetin më të rrezikshëm të vendit, pikërisht për shkak të pranisë së theksuar të hispanikëve. Megjithatë, edhe pse nuk është në një mendje me të, kryebashkiaku i qytetit, Di’ Margo dhe disa banorë kanë deklaruar se do ta mirëpresin presidentin.

“Kjo nuk është një vizitë politike. Pastaj, ai është presidenti i Shteteve të Bashkuara dhe në këtë aspekt unë do të përmbush detyrat e mia si kryebashkiak. Pra, do të takohem me të për të diskutuar mbi nevojat e këtij komuniteti”, ka deklaruar Margo.

Ndërkohë, disa aktivistë që ditën e hënë mbajtën një ceremoni në nder të viktimave të sulmit në qendrën tregtare Uollmart, ia vënë fajin presidentit për gjakderdhjen. “Ai është bashkëpunëtor i dhunës dhe terrorit që po shohim”, ka deklaruar 26-vjeçarja Rejçëll Çek. Ndërsa Hames Peinado, me prejardhje latine dhe kryetar i një grupi për të drejtën e posedimit të armëve, vlerëson se vizita e presidentit është mëse e përshtatshme. Megjithatë, ai ka shprehur shpresën që Trump ta shfrytëzojë rastin për të përdorur një gjuhë më diplomatike, në një kohë kur El Paso po vajton.

“Le ta lëmë politikën mënjanë, sepse në këto momente duhet të bëhemi të gjithë bashkë”, ka thënë Peinado. Ish-kongresmeni i Teksasit, Bet Ou Rurk, lindur në El Paso dhe që kërkon të kandidojë në presidencialet e vitit të ardhshëm, i tha të hënën presidentit që të mos qasej.

Por të martën, Shtëpia e Bardhë përveç se konfirmoi vizitën në El Paso bëri të ditur se kreu i shtetit do të vizitojë edhe Dejtonin, qytet ku të dielën u vranë 9 persona në një masakër të ngjashme me atë të Uollmart.

teatri-kombetar-1280x720.jpg
nev ila22:00 | 24/07/2019

21:45- Çahet kordoni i policisë nga protestuesit të cilët arrijnë të futen brenda godinës së teatrit. Janë tërhequr forcat e policisë dhe FNSH.

21:13- Aktori Gentian Zeneli është lejuar që të futet e të dërgojë ujë për të ngujuarit brenda godinës. Ndërkohë numri i qytetarëve vazhdon të rritet pranë godinës së teatrit në mbështetje të personave të ngujuar. Nga të dhënat e fundit mësohet se qytetarët dhe aristët që janë ngujuar brenda teatrit, kanë bërë me dije se nuk do të dalin nga ambientet e teatrit.

Gjatë gjithë situatës së tensionuar është vënë re mungesa e një autoambulance në vendngjarje. Edhe pse është njoftuar për vështirësitë e një personi, i cili humbi ndjenjat nga përdorimi i sarajit djegës nga ana e policisë, asnjë autoambulancë nuk shihet në teatrin kombëtar. Ajo që është vihet re më shumë është shtimi i forcave nga ana e policisë.

20:38- Një person ka humbur ndjenjat pas përplasjes me policinë gjithashtu për pak momente është ndërprerë edhe energjia elektrike. Policia nuk ka lejuar të futet ujë për personat që janë të ngujuar brenda godinës së Teatrit Kombëtar si dhe ka përdorur spraj djegës kundër protestuesve.

19:40-Ka patur një përplasje fizike mes qytetarëve dhe policisë në sheshin para Teatrit Kombëtar. Shkak është bërë një përpjekje e policisë për të larguar prej aty kundërshtarët e prishjes së Teatrit Kombëtar.

Anëtarët e Aleancës për mbrojtjen e Teatrit Kombëtar u kanë bërë thirrje qytetarëve që t’u bashkohen në kauzën e mbrojtjes së godinës. Janë rreth 100 qytetarë e artistë që ndodhen të ngujuar brenda godinës së teatrit, e cila prej gjashtë ditësh e netësh ruhet prej tyre me turne.

Lëvizja e Aleancës për Mbrojtjen e Teatrit vijon prej 17 muajsh. Ata kundërshtojnë prishjen e godinës, duke kërkuar rikonstruksionin e saj.

Artistë e qytetarë thanë se duhet referendum për mbrojtjen e teatrit./ABC News Albania 24/7

ambasada-amerikane-ne-shqiperi-2.jpg
nev ila18:50 | 08/07/2019

Ambasada e Shteteve të Bashkuara të Amerikës i bën thirrje qytetarëve të saj në Tiranë që të tregohen të kujdesshëm gjatë kohës që zhvillohet protesta e opozitës.

Në njoftimin për shtyp të ambasadës amerikane thuhet se:

“Një demonstrim i madh pritet të zhvillohet pranë Zyrës së Kryeministrit të hënën, më 8 korrik 2019, duke filluar rreth orës 20:00. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës së pritshme është e panjohur. Demonstrimet e kohëve të fundit kanë përfshirë dhunën. Forcat e sigurisë kanë përdorur kanalet e ujit dhe gaz lotsjellës për të shpërndarë turmat. Personeli i Ambasadës dhe anëtarët e familjeve të tyre  udhëzohen që të shmangin të gjitha pikat e grumbullimit dhe vendet ku demonstratat janë në zhvillim ose në vazhdim”, njofton ambasada amerikane qytetarët e saj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono