qytetaret

basha-5-1280x717.jpg
nev ila10:46 | 21/06/2019

Kreu i opozitës Lulzim Basha me një postim në rrjetet sociale ka ftuar gjithë shqiptarët të bashkohen në protestën e sotme të thirrur në orën 20.00.

“Si njerëz të lirë, si qytetarë me dinjitet, si shqiptarë kurajozë, prindër, motra, vëllezër, bij e bija shqiptarësh, të gjithë bashkë sonte në orën 20:00 në manifestimin kombëtar të vullnetit tonë të pakthyeshëm për Shqipërinë si gjithë Europa! ShqipëriaSiEuropa”, – shkruan kreu demokrat në postimin e tij të shoqëruar me ftesën video.

Në mesazhin video Basha rendit të gjithë arsyet se pse shqiptarët e bashkuar duhet të ndalin qeverinë e ardhur me krimin, me ndihmën e krimit dhe për të qeverisur me krimin. “Kriminelë në qeveri dhe parlament. Banditë në krye të bashkive. Hajdutë votash dhe banda në policinë e shtetit. Qeveria e krimit i ka përdhosur shqiptarët. Lukunia e hienave u demaskua Shqiptarëve dhe fëmijëve të tyre nuk ja vret dot kush të ardhmen!” – thuhet në spotin e shpërndarë në rrjetet sociale./ABC News Albania 24/7

kk-1280x705.jpg
ent ela19:50 | 20/06/2019

Kryetari i Bashkisë së Devollit Bledion Nallbati, ka akuzuar strukturat drejtuese të Policise lokale se po ushtrojnë terror mbi qytetarët, duke i shoqëruar dhe arrestuar në mënyrë të paligjshme. Ditën e sotme policia shoqëroi duke mbajtur për tri orë në komisariat edhe vëllanë e kryebashkiakut si dhe një punonjës të bashkisë, me akuzën e pengimit të fushatës elektorale të kandidatëve të Devollit. Kjo situatë, sipas tij, ka për qëllim shtypjen e revoltës popullore. /ABC News Albania 24/7

super-kunji-1280x766.jpg
Sej rie17:20 | 11/05/2019

Edhe superkunji argëtohet duke përgjuar komshinjtë. Qytetarët komentojnë situatat e përditshme komike që bëhen burim thashethemesh. Nga zona e Liqenit të Tiranës herë duke fol në telefon dhe herë duke iu drejtuar qytetarëve, superkunji ka shkaktuar jo vetëm të qeshura me historitë e krijuara aty për aty, por edhe kuriozitet tek të intervistuarit. Kanë qenë mosha e tretë, ajo e cila këtë herë ka rënë në “rrjetën” e superkunjit, i cili i ka habitur jo pak me historitë dhe thashethemet që iu ka treguar./abcnews.al  

NJOFTIMET-NE-PEME-DHE-FASADA-1280x720.jpg
ent ela15:10 | 09/05/2019

Pemët, shtyllat apo fasadat e ndryshme, prej kohësh përdoren për të vendosur njoftime të ndryshme në kryeqytet. Fenomeni sjell shqetësim për qytetarët që thonë se kryeqyteti duhet të ketë kënde të caktuara për të interesuarit.

Kjo është një panoramë që ndeshim vend e pavend në përditshmërinë tonë në kryeqytet

Lajmërimet dhe njoftimet e ndryshme i gjejmë nëpër pemë, shtylla apo dhe fasada të ndërtesave, qofshin ato te reja apo të vjetra.

Të pyetur nga ABC News qytetarët shprehen se vendosja e këtyre njoftimeve kudo, ngjan shumë shëmtuar e përbën edhe ndotje, ndaj ata shprehen se duhet të ketë kënde të caktuara për diçka të tillë

Prej zgjedhjeve të fundit pati një dakordësi mes aktorëve politikë, për të shmangur vendosjen e posterave e njoftimeve elektorale nëpër qytet, por duket se ky rregull nuk vlen për qytetarët e ndryshëm, ndërsa këto veprime përbëjnë kundravajtje administrative. /ABC news Albania 24/7

 

QYTETARET-PER-LOTARINE-AMERIKANE.mpg_snapshot_00.28-1280x720.jpg
ent ela14:35 | 08/05/2019

Entuziazmi për të jetuar në SHBA përmes llotarisë amerikane, duket se është më I fortë në perceptim sesa në realitet. Një ditë pas nisjes së shpalljes së rezultateve për aplikuesit shqiptarë, ABC Neës konstaton se të rinjtë nuk janë shumë entuziastë për “ëndrrën amerikane”.

Jo pak qytetare shqiptarë mezi e kanë pritur këtë njoftim për të kontrolluar nëse janë shpallur fitues të Lotarisë Amerikane DV 2020.

ABC News pyeti kryesisht të rinjtë, nëse kishin aplikuar apo kishin aspirata personale e profesionale jashtë vendit. Me gjithë sfidat, një pjesë preferon Shqipërinë, e mes atyre që duan të largohen, preference është për Europën para SHBA.

Qytetarët: “Jo besoj se jo nuk më pëlqen shumë Amerika, dua më shumë Europën. Shqipëria është si është po nuk do e ndërroja me Amerikën”.

“Mund të shkoja me studime, mund të shkoja për një bashkëpunim me kompani të ndryshme, nuk do braktisja Shqipërinë, do investoja në Shqipëri”.

“Ka gjëra të mira për të bërë edhe në Shqipëri”.

“Patjetër që do e braktis, një arsye është kushtet e jetësës, vendet e punës”.

“Normal që po”.

“Nuk kam aplikuar, por çdo njeri duhet ta bëjë vetë të ardhmen e tij dhe pse në Shqiëpria është e vështirë ta bëjë këtë gjë”.

“Me vrap, me vrap”.

Rezultatet e Lotarisë Amerikane kanë dale prej ditës së martë në orën 18:00 dhe si çdo vit tjetër mijëra shqiptarë donin të dinin nëse ishin shpallur fitues apo jo, gjë që solli dhe një bllokim të serverit të Lotarisë. /ABC News Albania 24/7

1557141737_thumbnailVeliajgjateregjistrmitsibanorilagjes133.jpg
Sej rie14:20 | 06/05/2019

10 Maji është afati i fundit kur mund të regjistrohesh në lagjen ku banon pa u gjobitur. Bashkia e Tiranës i bën thirrje qytetarëve të përfitojnë nga koha e mbetur dhe të zhvendosin adresën.

Kryebashkiaku i Tiranës është banori më i ri i Lagjes nr. 13. Erion Veliaj dha shembullin e tij për çdo banor të kryeqytetit, i cili nuk është regjistruar ende në njësinë ku banon. Ndërkohë bëri thirrje të përfitojnë për të transferuar adresën pa u gjobitur deri me 10 Maj.

 “Për të marrë shërbimet e bashkisë sime, jam regjistruar aty ku banoj. Procesi zgjati vetëm dy minuta, mjafton karta e identitetit, mbushja e formularit dhe prova që jam banor në këtë lagje. Si provë mund të jetë kontrata e qirasë ose hipoteka e shtëpisë. Duke qenë banor i kësaj lagjeje, bashkia ime, pavarësisht se kush është kryetar bashkie, do të buxhetojë invesime për këta banorë që janë regjistruar këtu. Ndaj, 10 mijë herë faleminderit, për 10 mijë banorët që e kanë kryer këtë procedurë të thjeshtë”. 

Ky ndryshim i vendbanimit do t’u vijë në ndihme vetë banorëve të cilët sipas kryebashkiakut mund të marrin shërbim më afër vendbanimit.

 “Unë si prind i ri mund të regjistroj fëmijën në një kopsht, çerdhe, apo deri tek nevojat e shërbimeve funerale në fund të jetës, nëse jam i regjistruar në Tiranë. Do të thotë, nëse dikush ka nevojë për ndihmë ekonomike, banesë sociale apo për çfarëdo lloj shërbimi tjetër, qoftë edhe për investimet që bëjmë në lagje, nga pastrimi, tek gjelbërimi, asfalti që hedhim, na duhet numri i saktë i banorëve. Shfrytëzoj rastin që të ftoj të gjithë qytetarët e Tiranës, sidomos në lagjet e reja, 12, 13, 14  apo edhe banorë që mund të kenë vite në Tiranë, por prej ndonjë legjende urbane e mbajnë gjendjen civile në një qytet tjetër, të regjistrohen në njësinë ku banojnë. Kush jeton në Tiranë duhet të jetë i regjistruar në Tiranë, që të marrë shërbimet në Tiranë. Nxitoni, nxitoni, nxitoni! Kemi kohë deri në datën 10 maj, që ta bëjmë këtë pa gjobë. Pas kësaj date rikthehet ligji dhe nuk përfitojmë nga amnistia”.

Veliaj i referohet dhe zgjedhjeve vendore ndërsa thotë se qytetaret do të kenë më afër qendrat e votimit./ABC News Albania 24/7

siguria-ushqimore-1.jpg
nev ila15:55 | 04/05/2019

Siguria ushqimore në vend, qytetarët shprehen se ndihen të pasigurt dhe i kërkojnë shtetit të marrë masa të rrepta.

Diskutimi mbi sigurinë ushqimore dhe atë çfarë konsumojmë, ditët e fundit ka qenë një nga temat të cilat është bërë e pandashme për shumicën e qytetarëve. Qytetarët shprehen se nuk i besojnë produkteve që janë të detyruar të konsumojnë në tryezat e tyre, e pavarësisht rrezikut ata i blejnë.

Kur bëhet fjalë për përgjegjësit, të gjithë drejtojnë gishtin nga shteti i cili sipas tyre duhet të marrë masa ndëshkuese për ata që abuzojnë në kurriz të konsumatorit.

Kryeministri Rama ka paralajmëruar ashpërsime në Kodin Penal, 10 vjet burg për ata që do të cënojnë sigurinë ushqimore përmes përdorimit të kimikateve apo shitjes së tyre jashtë afateve të skadencës./ABC News Albania 24/7

Diber-1-1280x711.jpg
G. P.20:30 | 02/05/2019

Aksioni i opozitës për bllokimin e rrugëve është shtrirë sot në 12 qarqe të vendit. Qytetarët janë solidarizuar në disa raste të veçanta duke u liruar rrugën automjeteve, edhe pse protesta kishte për qëllim bllokimin e akseve dhe moslejimin e kalimit të makinave. Në Dibër shikohet që protestuesit i kanë hapur rrugën autokolonës së makinave të një nuseje. Madje dëgjohen zëra ambiental në video ku qytetarët e urojnë çiftin e sapomartuar. Ndërsa në qytetet e tjera si Shkodër, Elbasan, Durrës dhe Fier qytetarët janë solidarizuar duke u hapur rrugë ambulancave të cilat transportonin të sëmurë./abcnews.al

LIBRI-ZEVENDESON-BILETEN-ABC-M3-T1.mpg_snapshot_00.35-1280x720.jpg
ent ela14:22 | 23/04/2019

Libri sot zëvendëson biletën e udhëtimit në linjat e transportit publik në Tiranë. Nisma është ndërmarrë nga Ministria e Kulturës dhe Bashkia e kryeqytetit, por qytetarët ishin të pa informuar rreth saj.

Morëm linjën Kinostudio –Kombinat.  Asnjë prej udhëtarëve nuk mban një libër. Ata shprehen të pa informuar për iniciativen e ndërmarrë nga Ministria e Kulturës dhe Bashkia e Tiranës me rastin e ditës ndërkombëtare të librit.

“S’kam informacion, më vjen keq. Lexoj kur me jepet mundësia se jam e angazhuar me fëmijet e punët”.

“S’dija gjë, nuk kam lexuar as lajm asgjë”.

Informacioni i mungon dhe faturinos.  Ai na tregon se askush nuk e ka vënë në dijeni se sot një libër vlen sa një biletë.

“Normale që të gjithë paguajnë. Autobusi është për udhëtarët. S’kemi dijeni për këtë nismën e re”.

Qyetarët vlerësojnë nismën e ndërmarrë, ndonëse thonë se duhet të ishin gjetur dhe mënyrat për t’i vënë në dijeni rreth saj.

Gazetare e ABC News: Ajgena Korbi

/abcnews.al

i-riu-ne-vlore.jpg
G. P.11:09 | 16/04/2019

Një i ri nga Vlora është arrestuar nga policia pasi qarkullonte me armë zjarri me vete. Në një njoftim, policia thotë se ai qëndronte pranë një lokali në Ujin e Ftohtë. Sapo ka parë uniformat blu, 29-vjeçari E.H. ka tentuar të largohet. Por autoritetet u vunë menjëherë në ndjekje të tij, ku bënë të mundur edhe kapjen e tij në flagrancë.

Gjithashtu sipas policisë, gjatë tentativës për t’u larguar, i riu ka hedhur armën në tokë. Bëhet fjalë për një pistoletë CZ-P09, me 16 fishekë. Gjithashtu ai ka qenë edhe në vitin 2012 i arrestuar për armëmbajtje pa leje.

Në njoftimin e saj, policia thekson se kapja e 29-vjeçarit u bë në bashkëpunim me qytetarët. Ishin këta të fundit që lajmëruan uniformat blu, të cilët falenderojnë qytetarët për bashkëpunimin dhe i ftojnë ata të denoncojnë çdo paligjshmëri duke ju garantuar anonimat të sigurtë dhe reagim të menjëhershëm e të paanshëm./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono