qukes shkumbin

BALLA-NE-PERRENJAS_ABC-1280x720.jpg
ent ela14:02 | 10/02/2019

Falë një fondi të dhënë nga Ministria e Arsimit, rreth 300 nxënës të shkollës së Qukës-Shkumbinit në Prrenjas do të ulen në ambiente të rikonstruktuara. Punimet u inspektuan nga drejtuesi politik i PS-së të Qarkut te Elbasanit, Taulant Balla.  

Shumë shpejt 290 nxënës që ndjekin mësimin në shkollën 9 vjecare “Dilaver Nezha” në Qukë-Shkumbim të Prrenjasit të ndjekin mësimin në ambiente krejtësisht të transformuara.

Dhe ajo çka pritet të jetë më e rëndësishme për fëmijët dhe prindërit e tyre, shkolla e re pritet të ketë një sistem ngrohje qendrore plotësisht bashkëkohor.

Investimi prej 289 milionë lekë të vjetra të dhëna nga Ministria e Arsimit, Sportit dhe Rinisë u inspektua nga Drejtuesi politik i Qarkut të Elbasanit, Taulant Balla, i shoqëruar nga deputeti socialist Nuri Belba.

“Ky projekt në fakt u nis si projekt rikonstruksioni, por për shkak të problematikave që ndodhën gjatë implementimit të projektit u desh të ndryshohet projekti për të vazhduar me një ndërtim tërësor të shkollës.

I kemi kërkuar kompanisë të planifikojë edhe sistemin e ngrohjes. Duhet të kemi parasysh që gjithmonë në gjithë këto shkolla sistemi i ngrohjes ka qenë jo vetëm jo-efiçent, por edhe në dëm të mjedisit dhe nuk garantonte një arsimim funksional në klasa.

Këtë do ta ndjekim deri në fazën e fundit me qëllim që të garantohet që  të jetë një cilësi shumë e mirë e punës dhe që sa më shpejt të jetë e mundur të vihet në funksion të nxënësve”– u shpreh Balla.

Ndërsa deputeti Nuri Belba u shpreh se ky investim do të pasohet nga të tjerë. Sipas tij, shkolla e mesme “Sabri Halili” në Rrajcë, e cila ka 800 nxënës, eshte e para, por jo e fundit në listen e rikonstruksioneve të ardhshme. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono