qeveri

vlcsnap-error938-1-1280x720.jpg
gra moz15:35 | 15/02/2018

Kontrolli i Lartë i Shtetit kërkon më shumë bashkëpunim nga qeveria në lidhje me personat që kanë marrë masën e largimit nga detyra. Shqetësimin, kreu i këtij institucioni, Bujar Leskaj, e shprehu gjatë analizës vjetore .

Kontrolli i Lartë i Shtetit ka një kërkesë për qeverinë

“Kërkojmë më shumë bashkëpunim nga qeveria në lidhje me personat që kanë marrë masën e largimit nga detyra”.

Gjate anlizës vjetore të këtiij institutioni, kreu i Kontrollit të Lartë të Shtetit tha se me gjithë rritjen e trajnimeve dhe efikasitetit të punës, shtetit shqiptar vazhdon t’i shkaktohet nje dëm i madh ekonomik nga veprime dhe mosveprime të administrates publike.

“Pyetja a janë bërë gjatë vitit 2017, strukturat qeverisëse më të ndërgjegjshme në menaxhimin e fondeve publike për fat të keq merr një përgjigje jopozitive duke parë nivelin e dëmeve dhe shpenzimeve joefektive me efekte negative në buxhetin e shtetit”.

1007 masa disiplinore janë propozuar gjatë vitit të kaluar nga kontrollet e KLSH-së, ndërsa dëmi i shkaktuar shtetit është 11.5 milardë lekë./abcnews.al

vlcsnap-error199-1280x720.jpg
gra moz20:08 | 25/01/2018

Agresioni ushtarak ndaj pakicave në Mianmar ka bërë që Shtetet e Bashkuara të “fshikullojnë” fituesen e Nobelit për Paqen, Aung San Su Ki. Një diplomat amerikan e akuzoi lideren e vendit aziatik, se ka mbyllur sytë para dhunës.

Një diplomat amerikan në Mianmar ka braktisur një panel të thirrur nga liderja e këtij vendi mbi krizën e refugjatëve rohingia, një veprim ky që është konsideruar një shuplakë në fytyrë për fituesen e çmimit Nobel për Paqen, Aung San Suu Kyi. Diplomati veteran, Bill Richardson, u shpreh se paneli po mbahej vetëm “për të larë gojën”, ndërsa akuzoi Suu Kyi se nuk ka moral për të udhëhequr vendin.

Nga ana tjetër, stafi i lideres së vendit aziatik reagoi duke akuzuar Richardson se kishte ndjekur axhendën e tij personale. Mbi 650 mijë anëtarë të komunitetit rohingia, shumica e të cilëve myslimanë, u arratisën vitin e kaluar në Bangladesh për shkak të një ofensive ushtarake agresive. Aktualisht shumë prej tyre jetojnë në kampe refugjatësh në Bangladeshin fqinj, autoritetet e të cilit kanë deklaruar se do t’i kthejnë gradualisht në Mianmar brenda dy vitesh. Duke argumentuar qëndrimin e tij, Richardson theksoi se, zonja Suu Kyi kishte reaguar e irrituar kur i kishte përmendur rastin e dy gazetarëve të agjencisë “Reuters” që po gjykohen në Mianmar.

Gazetarët akuzohen për shkelje të ligjit për sekretet shtetërore teksa po punonin për të raportuar krizën e rohingiave. “Zonja Suu Kyi shpërtheu kur i përmenda gazetarët. Fytyra e saj po dridhej dhe po të kishte qenë më pranë meje do të më kishte goditur. Aq e nxehur ishte”, tregoi Richardson për “New York Times”./abcnews.al

vlcsnap-error648-1280x720.jpg
gra moz19:30 | 12/01/2018

Edi Rama mblodhi Qeverinë në Lezhë, ku tha se gjeti shembuj frymëzues për të miratuar një vendim të Këshillit të Ministrave që synon të stimulojë agroturizmin. Sipas kryeministrit, bëhet fjalë për një kornizë ligjore që vendos standarde për këtë veprimtari.

Edi Rama: “Të gjitha subjektet që do të klasifikohen si agroturizëm Brenda kësaj kornize të miratuar sot do të pajisen me një certifikatë të posaçme nga Ministria e Turizmit dhe Mjedisit dhe pastaj do të kenë akses në financime. Në javët në vijim ne do të miratojmë edhe programin përkatës të incentivave fiskalë”.

Pas konsultimeve me të gjithë kryetarët e bashkive, gjatë mbledhjes në Lezhë, Qeveria miratoi edhe listën me 100 fshatra, ku do të nisë projekti i zhvillimit të integruar rural.

Edi Rama:Fishta është një prej këtyre 100 fshatrave të ndryshme të këtij procesi të zhvillimit rural që do të mbështetet me një program të veçantë nga qeveria dhe ky model ka të bëjë me infrastrukturën me diversitersifikimin e ekonomisë, me zhvillimin e kapitalit social”.

Përsa i përket infrastrukturës, Këshilli i Ministrave miratoi vendimin për rrugën kombëtare Milot-Balldren, pjesë e programit 1 miliard për rindërtim, aksin e ri Shëngjin-Velipojë, rindërtimin e terminalit të pasagjerëve dhe të hyrjes në Portin e Shëngjinit, si dhe rrugën e Torovicës. Për këtë të fundit, Kryeministri u prit me protesta në nisje të mbledhjes së Qeverisë, të cilat i konsideroi si të porositura.

Edi Rama: “Më vjen shumë mirë që më në fund, ata që e kishin pas marrë këtë për sipër për ta bërë këtë rrugë po interesohen duke stimuluar protesta dhe i përshëndes sepse kjo do të thotë që pavarësisht se kur e kishin në dorë ta bënin rrugën, i bënë asaj atë që s’thuhet, tani duan që rrugën ta bëjnë përmes nesh. I përshëndes.”

Prej disa muajsh qeveris vetëm dhe gazetarët vendas e pyetën Ramën mbi integritetin e drejtorëve të rinj që ka caktuar në Lezhë. Tani që nuk i ka më aleatët, Kryeministri pranoi se ka hasur në vështirësi edhe brenda partisë së vet.

Edi Rama: “Vendosmëria ime për t’i shkuar deri në fund procesit të çuarjes së tepsisë për skrap është më e madhe se ç’ishte kur jam zotuar për këtë dhe do të jetë çdo ditë dhe më e madhe pasi vështirësia në këtë process nuk është çdo ditë e më e vogël por çdo ditë e më e madhe. Patjetër nuk është diçka që mund të ndryshojë nga sot nesër sa hap e mbyll sytë dhe nuk është diçka që lidhe me emrin e partisë. E kam thënë më parë e them dhe sot. S’është çështje partie”.

Qeveria miratoi edhe bonusin deri në 2.5 milionë lekë të vjetra mbi rrogën, për mjekët që duan të shkojnë të punojnë në spitalet rajonale dhe lokale./abcnews.al

keshilli-i-ministrave.jpg
us er17:18 | 30/12/2017

Qeveria i hapi rrugë 28 institucioneve që të kenë akses në verifikim online të gjendjes gjyqësore për individët që duhen të pajisen me këtë shërbim. Ky vendim u mor të premten duke u botuar edhe në fletoren Zyrtare. Institucionet që kanë akses janë zyra e presidentit të Republikës, Kuvendi, Kryeministria, të gjitha prokurorië dhe gjykata, Banka e Shqipërisë si edhe misionet diplomatike. Po kështu, do të operohet edhe me institucionet e tjera shtetërore, ku duhet të paraqiten pranë ministrisë së Drejtësisë e më pas do të pajisen me kodet përkatëse të regjistrimit Elktronik të gjendjes gjyqësore. Kjo formë e re e marrjes së kohë të shpejtë të gjendjes gjyqësore do të ndihmojë ndjeshëm në uljen e kohës së aplikimi dhe që merrej vetëm te ministria e Drejtësisë dhe në drejtoronë e përgjithshme të burgjeve./abcnews.al

vlcsnap-error102-2-1280x720.jpg
us er13:35 | 30/12/2017

Maqedonia duket se është sërish pranë një krize politke pas daljes nga ana e koalicionit qeverisës së Aleancës për shqiptarët  të ZIjadin Selës. Por kryeministri Zaev edhe pse konfirmois e është në kërkim të aleatev të rinj, në një intervistë të fundit mbrojti arritjet e qeverisë së drejtuar nga ai

Kryeministri maqedonas Zoran Zaev, ka mbrojtur arritjet e qeverisë së tij duke komentuar ligjin për përdorimin e gjuhëve, në një intervistë për televizionet në vend. Zaev këmbënmguli se ligji në fjalë është më shumë meritë e tij sesa e BDI-së, dhe do të vazhdojë ta mbrojë përpara atyre që e kundërshtojnë atë. Po sipas kreut të ekzekutivit ligji do të kalojë edhe votimin e dytë në Kuvend, i parashikuar për në muajin janar. Zaev e cilësoi veten si një maqedonas që lufton për minoritetet dhe të drejta të bvarabarta.

Nga ana tjetër Zaev nuk përjashtoi mundësinë që vendin e lënë bosh nga Aleanca për Shqiptarët në Qeveri të plotësohet nga PDSH-ja e Menduh Thacit, por duke theksuar se akoma nuk ka marrëveshje dhe bisedime konkrete me PDSH-në. Kryeministri maqedoas la si datë përfundimtare atë të 4 janarit për ët bërë publik emrin e partnerit të ri në koalicionin qeverisës. Ai nuk përjashtoi bisedimet me poartitë e vogla. Partia e Menduh Thaçit as nuk konfirmon e as nuk hedh poshtë informacionet se LSDM-ja i ka ofruar si paketë funksionet e ASH-së ose të paktën që janë në komunikim.

Ditë më parë, funksionarët e Aleancës për Shqiptarët dorëzuan dorëheqjet e tyre në Qeveri. Largimi i tyre nga shumica në pushtet erdhi si pasojë e mosmarrëveshjes mes Ziadin Selës dhe kryeministrit Zoran Zaev për ministrinë e Shëndetësisë. Aleanca për Shqiptarët është subjekti i parë politik i cili largohet nga Qeveria për çështje parimore./abcnews.al

 

image-1228131-860_poster_16x9-fjkq-1228131.jpg
us er14:57 | 19/12/2017

Martin Schulz ka një kusht të qartë për kancelaren gjerman Merkle në mënyrë qëtë jetë pjesë e qeverisë. Mediat gjermane shkruajnë se Schulz kërkon ministrinë e financave por është refuzuar nga Merkel

Mediat gjermane shkruajnë se Martin Schulz kërkon të ketë ministrinë e financave për partinë e tij nëse do të vendoste të ishte pjesë e një koalicioni të gjerë qeverisës në Berlin. Por kancelarja gjermane Merkel ka qenë e prerë në refuzimin e saj. Duke iu përgjigjur gazetarëve Merkel u shpreh se nuk mund të flasësh për një ndarje të ministrive në momentin që nuk është ende e sigurtë pjesëmarrja në koalicionin qeverisës. Sipas saj nuk është momenti i duhur për të folut për këtë. Schulz lideri i socialdemokratëve gjermanë kishte pohuar synimin e tij në një intervistë për gazetën ekonomoke “Handelsblatt” e cila kishte publikuar lajmin në faqen e saj të parë./abcnews.al

 

vlcsnap-error092-1280x719.jpg
us er22:15 | 14/12/2017

Shqipëria dhe Maqedonia do zhvillojnë nesër pasdite në Pogradec mbledhjen e parë të përbashkët mes dy qeverive, në fund të të cilës, kryeministri Edi Rama dhe homologu i tij maqedonas Zaev, do mbajnë një konferencë të përbashkët për shtyp.

Sipas njoftimit të qeverisë shqiptare, në fokus të bisedimeve do të jetë përmirësimi i marrëdhënieve dypalëshe përmes bashkëpunimit të shtuar në fushën e infrastrukturës, ndërtimi i korridorit 8, intensifikimi i shkëmbimit të mallrave dhe shërbimeve si dhe forcimi i bashkëpunimit në fushën e sigurisë.
Gjatë takimit do të nënshkruhen disa marrëveshje të përbashkëta e memorandume, si plani i konsultimeve periodike midis ministrive të Jashtme të të dy vendeve, një memorandum bashkëpunimi midis ministrive të Brendshme në luftën kundër ekstremizmit të dhunshëm dhe radikalizmit, një tjetër memorandum për intensifikimin e bashkëpunimit dypalësh përmes Institutit për Trashëgiminë Kulturore dhe Shpirtërore të shqiptarëve të Maqedonisë, një marrëveshje për ndihmë reciproke në manaxhimin e emergjencave, si dhe do të miratohet formimi i një Këshilli Ekonomik Dypalësh.

Të shtunën Kryeministrat Rama dhe Zaev do të vizitojnë Pustecin, ku do të priten nga autoritetet vendase dhe do të asistojnë në dorëzimin e mjeteve mësimore për studentët e një shkolle lokale./abcnews.al

vlcsnap-error899-1280x720.jpg
us er11:24 | 24/11/2017

Udhëheqja e Partisë Social Demokratike gjermane deklaroi mëngjesin e së premtes  se ishte e hapur për diskutim për krijimin e qeverisë së re, duke hequr dorë nga kundërshtimi  për një aleancë me Angela Merkel.

“PSD është e bindur se duhet të vijojë diskutimet  per krijimin e qeverisë së “, tha sekretari i përgjithshëm i i Partisë Social-demokrate Hubertus Heil, pas takimit 8 orësh me udhëheqësit e saj përfshirë dhe kreun e kësaj force Martin Schulz.

Deri më tani ky i fundit kishte hedhur poshtë kategorikisht çdo ide për të zgjatur koalicionin aktual mes partisë së tij dhe konservatorëvee të Angela Merkel pas zgjedhjeve parlamentare të shtatorit,  ku PSD-ja e shënoi një humbje të thellë. Maqrtin shulc kishte mbështetur deri tani opsionin e zgjedhjeve të reja.

Por presioni po rritet në lëvizjen e tij për një ndryshim të kursit, veçanërisht pasi Presidenti gjerman Frank-Valter Steinmeier, edhe ai vetë një Social Demokrat, deklaroi se dëshironte që të shmangeshin zgjedhjet e reja dhe iu bëri thirrje të gjitha palëve që të gjenin zgjidhje të krizës.

Sekretari i Përgjithshëm Heil tha se po pret propozimet nga Presidenti Steinmeier, i cili do të takohet përsëri javën e ardhshme me presidentët e grupeve parlamentare nga të gjitha partitë. “PSD nuk mund të sillet si një fëmijë që sulmon nga qoshja”, tha një tjetër përfaqësues i rëndësishëm i PSD-së, ministri aktual i drejtësisë Heiko Maas.

Zëra të tjerë brenda Partisë Social-Demokrate gjermane kanë folur në mbështetje të formimit të një qeverie të pakicës të udhëhequr nga Konservatorët, një opsion që Merkeli deri më tani e ka përjashtuar.

Të hënën e kaluar, vetëm disa orë pas dështimit të negociatave qeveritare për krijimin e një koalicioni mes konservatorët, liberalëve dhe ambientalistëve, udhëheqja social demokratik përsëriti refuzimin e saj për të marrë pjesë në një koalicion të madh të ri me konservatorët./abcnews.al

 

22854685_10212549296746364_114063373_n.jpg
us er12:55 | 26/10/2017

Qeveria e Katalonjës u mblodh në një takim maratonë për të vendosur hapin e rradhës para se senati spanjoll të miratojë kërkesën e Madridit për rimarrjen nën kontroll të Katalonjës. Palët janë ndarë në dy kahe pro dhe kundër shpalljes së pavarësisë. Nuk mjaftuan shtatë orë mbledhje gjatë natës për të gjetur një marrëveshje, me qeverinë katalanase e cila është e përcarë para mbledhjes së parlamentit ku mund të shpallet pavarësia. Sipas mediave spanjolle deri në orët e para të mëngjesit së të enjtes kanë vazhduar takimet dhe mbledhjet, presidenti katalanas Puidxhemont është këshilluar me anëtarët e ekzekutivit të tij, liderët e partive që kanë mazhoranvën por dhe me ente sovrane të ndryshme që mbështetën referendumin e 1 tetorit. Gjatë ditës pritet të nisë seanca e komisionit të senatit spanjoll ku do të analizohen dokumentet për hyrjen në fuqi të nenit 155 të kushtetutës spanjolle. Puidxhemon do të vazhdojë konsultimet e tij ndërsa një ditë më parë vendosi të mos flasë në senatin spanjoll. Presidenti katalanas është nën presion nga partitë që i kërkojnë të shpallë pavarësinë e njëanshme por dhe nga disa të moderuar të cilët kërkojnë që vendimi të shoqërohet nga mbajtja e zgjedhjeve të palrakohshme në vend. Asnjë nga drejtuesit që kanë marrë pjesë në mbledhjen maratonë nuk ka pranuar të komentojë për mediat. Vendimi mbetet në duart e Puidxhemon i cili gjatë natës pulbikoi në profilin e tij Tuiter hashtagun ” Republika e Ktalonjës” ku shkruan se nuk do të humbasë kohën me ata që duan të anulojnë vetëqeverisjen e rajonit


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono