qendra

manastirliu-1280x706.jpg
Sej rie16:30 | 17/08/2019

Qendra shëndetësore në Voskopojë është gati për 2200 banorët e zonës dhe për pushuesit që vizitojnë fshatin turistik. Ministrja e shëndetësisë Ogerta Mnastirliu gjatë inspektimit të përfundimit të punimeve u shpreh se ndërkohë ka nisur puna për rehabilitimin e 100 qendrave të tjera shëndetësore që përfundojnë brenda vitit.

Është një ndër 300 qendrat shëndetësore në të gjithë Shqipërinë që iu nënshtruan rehabilitimit.

Tashmë e përfunduar dhe funksionale për banorët e zonës dhe turistët që e vizitojnë Voskopojën gjatë gjithë vitit.

“Po ndërhyjmë me investime rrënjësore me programin kombëtar të rehabilitimit të 300 qendrave shëndetësore dhe ambulancave në gjithë vendit, ku zonat turistike janë pjesë e këtij programi. Qendra shëndetësore e Voskopojës është transformuar për të ofruar shërbim cilësor banorëve të kësaj zone por edhe shumë turistëve që e frekuentojnë Voskopojën gjatë gjithë vitit”.

Ministrja e Shëndetësisë dhe Mbrojtjes Sociale tha se ka nisur puna për rehabilitimin e 100 qendrave shëndetësore në vend.

 “80 qendrat e para përfunduan, tani ka nisur puna për 100 qendra të tjera shëndetësore që do të rehabilitohen këtë vit”, tha Manastirliu.

Qendra shëndetësore e Voskopojës ofron shërbim 7 ditë të javës, duke i shërbyer banorëve dhe turistëve gjatë gjithë vitit.

Voskopoja ka sot një qendër model të kujdesit parësor, investim i qeverise shqiptare me vlerë  2.9 milion lek. E rehabilituar me standarde bashkëkohore, kjo qendër i shërben rreth 2200 banorëve të kësaj zone./ABC News Albania 24/7

elbasasn-1280x696.jpg
Sej rie16:45 | 07/08/2019

Në Elbasan deri vonë kanë ekzistuar një sërë repartesh ushtarake shumë të rëndësishme për të gjithë vendin. Por me kalimin e viteve sot aty shikon një gërmadhë që vizitohet shpesh nga narkomanët.

 Dikur një kurorë e rrethuar me reparte ushtarake. Kurse sot një strehë për narkomanët. Një gërmadhë, shiringa droge e plehra.

Behët fjalë për kodrat e Elbasanin. Ishte një mburojë e rëndësishme edhe për kryeqytetin. Aty ishte komanda të rëndësishme, brigade tankesh, reparte të artilerisë së rëndë,  reparte të xhenios, të kimisë, komanda mbështetëse, depo të rëndësishme municionesh e pajisjesh luftarake. Në kufi me Cërrikun ishte edhe një pistë avionësh. Reparti dhe komanda në Krastë ishin nga më të rëndësishmet. Ajo rezistoi deri vonë, edhe pas ndryshimeve demokratike në vend.

Në 1997, aty u vendosën forcat franceze dhe daneze në kuadër të operacionit “Alba”. Ishte funksionale edhe pas largimit të tyre. Por kjo qytezë ushtarake me pas e humbi rëndësinë edhe për shkak të reformave që ndodhën tek Forcat e Armatosura.

Ka patur disa projekte për transformimin e saj si një qendër e rëndësishme për  Elbasanin. Në fillim u mendua të ngrihej një stadium, qendra rinore dhe sportive. Më pas u hodh ideja e ngritjes së një qendre spitalore madje dhe me pistë helikopteresh deri kur ne vitin 2011 ku me një vendim të posaçëm të Këshillit të Ministrave kalimin në përgjegjësi administrimi, nga Ministria e Mbrojtjes te Ministria e Arsimit dhe Shkencës

Në të njëjtin vendim citohet se  sipas planvendosjes të hiqen nga lista e inventarit të pronave paluajtshme shtetërore dhe se dorëzimi i mjediseve dhe truallit  funksional i këtyre  pronave do të bëhej pas transferimit të Komandës së Mbështetjes Rajonale dhe pas heqjes së materialeve e të pajisjeve të Forcave të Armatosura.  Ministrisë së Arsimit dhe Shkencës i ndalohet të ndryshojë destinacionin e pronave të përcaktuara në pikën 1, të këtij vendimi, t’i tjetërsojë ose t’ia japë në përdorim të tretëve.

Kanë kaluar 8 vjet nga ajo kohë dhe asgjë nuk  bë. Reparti ushtarak në Krastë të Elbasanit u kthye në një gërmadhë  madje edhe në një problem shqetësues për komunitetin. Edhe pse ekzistojnë vendime dhe akte ligjore për transformimin e saj  në një destinacion të rëndësishëm për qytetin, ende nuk dihet se ku ka mbetur  dhe kush e pengon këtë proces.

FATOS SALLIU

GAZETAR I ABCNEWS, ELBASAN 

portugal_fire_afp_000_1iz1aj.jpg
ent ela11:30 | 22/07/2019

20 të plagosur dhe 1700 zjarrfikës të impenjuar në terren, si pasojë e zjarreve  që kanë përfshirë zona të tëra në qendër dhe në jug të portugalisë. Ndërkohë autoritetet kanë nisur hetimet për të verifikuar nëse zjarret kanë qenë të qëllimshme.

Me qindra zjarrfikës punojnë pa pushim në Portugali, ku flakët po shkatërrojnë zona të mëdha në qendër të vendit. Rajoni maloi Kastelo Branko është përfshirë që nga e shtuna nga zjarre dhe erëra të forta, të cilat së bashku me thatësirën dhe temperaturat deri në 35 gradë, vështirësojnë edhe më shumë punën e zjarrfikësve.

Njerëzit e përfshirë në operacionet e shpëtimit janë të paktën 1.700. Zjarret kanë shkaktuar deri tani 20 të plagosur, tetë zjarrfikës dhe 12 civilë, sipas të dhënave të ministrisë së brendshme në vend. Një civil i plagosur rëndë u nis për në Lisbonë me helikopter, ndërsa mes të shtunës dhe të dielës shumë fshatra janë boshatisur si masë paraprake, teksa flakët kishin mbërritur pranë disa banesave të izoluara.

Për shkakun e zjarreve kanë nisur dhe hetimet për të verifikuar se nuk kanë qenë të qëllimshme. Por ministri i brendshëm portugez u shpreh se ishte e çuditshme që pesë zjarre të mëdha të kenë nisur pothuajse njëkohësisht në zona pranë njëra tjetrës. Ndërsa Presidenti i vendit u solidarizua me qindra zjarrfikësit që punojnë në terren. Në gjashtë rajone të qendrës dhe Jugut në Portugali është shpallur gjendje e jashtëzakonshme për shkak të zjarreve. /ABC News Albania 24/7 

 

veliaaj-erion-1280x720.jpg
nev ila14:44 | 19/07/2019

Po krijojmë vizionin e Tiranës policentrike. Deklarata vjen nga kryetari i bashkisë Erion Veliaj i cili mori pjesë në hapjen e qendrës së integruar adisa në Kombinat.

Qytetarët e Kombinatit do t’i marrin më afër shërbimet e kërkuara. Në këtë zonë bashkia në bashkëpunim me qeverinë dhe mbështetjen financiare të Bankës Botërore ka hapur Qendrën e Integruar ADISA e cila ofron mbi 368 shërbime publike.

“Ky bashkëpunim mes qeverisë qendrore me qeverisë lokale e sheh rezultatin në këtë hapësirë. Dilema është: shkojnë njerëzit te shërbimet, apo shërbimet te njerëzit? Besoj sot jemi përgjigjur qartë: shkojnë shërbimet ku janë njerëzit, shkon shteti te njerëzit, shkon qeveria, bashkia, deputetët, dhe të gjitha institucionet e tjera që kanë shërbime konkrete dhe të prekshme për qytetarët. Me zgjidhjen e kësaj dileme kemi një hapësirë të transformuar për Njësinë 6”, tha Veliaj.

Një nga projektet e Bashkisë së Tiranës që do të marrë jetë këtë katërvjeçar është edhe krijimi i Tiranës policentrike, ku përfshihet qendra e Kombinatit. Për këtë, Bashkia e Tiranës do të zhvillojë një konkurs për sheshin “Garibaldi”.

“Me gjithë këto ndërtesa të trashëgimisë industriale shqiptare, pavarësisht se si rrodhën ngjarjet me ndërrimin e sistemit, duam që ta kthejmë pjesën e Kombinatit në një pjesë jo vetëm që të ruhet, por  të restaurohet. Ata që i kanë zënë në vitet e fundit këto ndërtesa, do të trajtohen në një mënyrë sociale, pra o me një bonus qiraje, o me kredi të butë, ose me një banesë sociale. Duhet që ky shesh që është, le të themi, simbolikë e asaj që kemi si vizion i Tiranës policentrike, të materializohet. Do të kemi tre konkurse: Kinostudio, Kombinat dhe Laprakë”, tha kryebashkiaku.

Kryebashkiaku i Tiranës u shpreh se ndryshimi do të vijojë në çdo zonë të Tiranës./ABC News Albania 24/7

5612799630_a9e7ca6ffc_o-1024x768.jpg
nev ila19:55 | 09/07/2019

Autoritetet italiane kanë mbyllur një qendër emigrantësh të ngritur në ishullin e Siçilisë, që ishte dhe më e madhja në Europë. Procesi është ndjekur nga afër nga zëvendës kryeministri Mateo Salvini, i njohur për linjën e ashpër ndaj emigrantëve.

Një qendër emigrantësh në ishullin italian të Sicilisë, dikur më e madhja në Europë, është mbyllur nga autoritetet. Ministri i Brendshëm Mateo Salvini ndoqi nga afër mbylljen e qendrës Mineo, që në momentet e pikut strehonte mbi 4 mijë emigrantë.

Lideri i partisë populiste Liga e Veriut është i njohur për linjën e ashpër kundër emigrantëve. Ai e transmetoi direkt shëtitjen e tij në kampin e boshatisur. Italia është porta hyrëse kryesore e emigrantëve që nga Afrika e Veriut, përmes Mesdheut synojnë të arrijnë Europën.

Qeveria e saj populiste është përpjekur të reduktojë numrin e ardhjeve duke u ndaluar anijeve që shpëtojnë emigrantët të hyjnë në portet e saj. E ndërsa numri i emigrantëve që mbërrijnë në territorin italian ka rënë në mënyrë drastike nga 181 mijë në 2016 në 3 mijë e 71 këtë vit, përpjestimi i atyre të vdekur ose të humbur është rritur me 667 njësi.

Disa orë përpara mbylljes së të martës, një varkë e doganave italiane mbërriti në portin siçilian të Pocalos me 47 emigrantë të shpëtuar që synonin të arrinin ishullin e Lampeduzës.

Sipas mediave italiane, emigrantët ishin nga Tunizia dhe vende të Afrikës nën-Sahariane. Komisioneri i BE për Punët e Brendshme dhe Emigracionin, Dimitris Avramopulos i ka bërë thirrje bllokut europian që të arrijë një marrëveshje të përkohshme për pranimin e emigrantëve derisa të bihet dakord për reforma të përhershme./ABC News Albania 24/7

shkoder-6-1280x557.jpg
Sej rie12:50 | 30/06/2019

KQZ bëri të ditur se janë hapur të gjithë qendrat e votimit në të gjithë vendin, duke përjashtuar 7 Qendra Votimi në Postrribë të qarkut Shkodër. Nga këto, 6 qendra votimi nuk ka filluar ende votimi, ndërsa për 1 qendër votimi janë djegur materialet zgjedhore.

Lidhur me këtë situatë ka folur për ABC News anëtari i KQZ-së Bledar Skënderi.

“Kemi një situatë në Shkodër ku në 7 qendra votimi nuk ka vazhduar procesi i votimit. Po presin që KZAZ-të të marri masa për të nisur procesi i votimit në këto qendra. Derisa jemi brenda afatit dhe orarit besoj se ka kohë. Nuk përsëritet votimi vetëm në ato qendra nëse shpallet pavlefshmëri në disa qendra. Vetëm nëse numri i zgjedhësve në këto qendra ndikon në rezultatin përfundimtar do përsëritet e gjithë zona zgjedhore. Unë mund të them sot meqë në Shkodër është vetëm një kandidat , pavlefshmëria e zgjedhjeve në këto shtatë qendra votimi nuk e çon gjithë zonën në pavlefshmëri. Nëse numri i zgjedhësve është më i madh se diferenca mes dy kandidatëve çon në pavlefshmëri të gjithë zonës zgjedhore”./abcnews.al

rozalba.jpg
G. P.13:37 | 23/06/2019

Një nga qendrat më të rëndësishme në vend për të strehuar dhe mbrojtur vajzat që kanë kaluar përvoja të rënda në jetën e tyre në familje është ajo në Gjadër të Lezhës, qendra “Rozalba”. Në këtë qendër tentohet që vajzat të nisin një jetë re duke harruar dhe lënë pas atë çfarë u ka ndodhur.

Vargje të shkruara nga një vajzë, fëmijëria e së cilës nuk i ngjan të zakonshmes. Është diku mes këtyre fëmijëve si pjesë e strehës Rozalba në fshatin Gjadër të Lezhës. Gjithsesj 15 vajza nën kujdesin e motrave Venerini.

Secila ka një histori tragjike për të treguar, por kanë vendosur të shohin para të ardhmen. Rina LLeshi mbërriti këtu kur ishte 13 vjeçe. Ka përjetuar një drame të cilën e ka hedhur pas krahëve pas 4 vitesh tek “Rozalba”.

“Realisht ka qenë shumë e vështirë. Me kalimin e kohës kaloi sepse njoha persona që më donin shumë dhe më donin falas, pa kushte”, tha ajo.

Bashkë me shumë fëmijë të tjerë të qendrës Oratorio po në fshatin Gjadër, prezantuan një shfaqje që është puna e një viti.

Në mes të këtij grupi fëmijësh, askush nuk i njeh ato që vijnë nga një e kaluar me thyerje të mëdha. Motër Alma Zogaj e tregon këtë fakt si një falenderim edhe për fshatin që i ka bërë pjesë të tyre.

“Shtëpia “Rozalba” është një shtëpi e cila siç e keni vënë re kemi dashur të prezantojmë, por jo ta dallojmë”, tha ajo,

Duhet një punë e madhe me fëmijët. Por motër Alma thotë se ndodh të ndjehen të pafuqishme kur dëgjojnë rrëfimet e tyre.

“Edhe ne ndihemi shumë të pafuqishme në momentin kur ato paraqesin vuajtjet e tyre dhe thonë ‘pse pikërisht mua’. Ky është një moment ku e kemi shumë të vështirë që t’u japim arsyet se pse u ka ndodhur pikërisht asaj apo kësaj, por kërkojmë në të përditshmen tonë të plotësojmë atë boshllëk që ka lënë mangësia e dashurisë së personave të afërm ose sepse nuk janë fare në këtë jetë, ose sepse realisht i kanë lënduar”, tha ajo.

Shtëpia “Rozalba” nuk i ekspozon fëmijët që vijnë nga realitete të hidhura, nuk e propagandon punën e saj.

“Është pjesë e një ecje shpirtërore, një heshtje, një dashurie që kemi pa pasur nevojë që të ekspozohet apo shitet sepse është ajo që na i bën qejfin zemrës tonë dhe pastaj sjell frytet. Si një farë e vogël që e mbjell dhe sjell fryte”, tha ajo.

Mbështetja vjen nga kisha dhe donatore vendas, por motër Alma kërkon  të mos jenë të vetme.  Vajzat nuk kanë nevojë vetëm për fjalë, por për mbështetje reale dhe financiare.

“Ne jemi të mbështetura shumë nga ana sociale, por kjo nuk mjafton, sepse vajzat nuk kanë nevojë vetëm për pak fjalë por që të dihen të mbështetura edhe nga ana ekonomike”, tha ajo.

Shtëpia “Rozalba” është një dere e hapur për ato që fati u doli kundër shumë herët. Prej vitesh qendra rehabiliton me dhjetëra vajza. Tentohet rikthimi i tyre në jetën normale. Dikur ato do të ikin prej këtu, por çdo gjë do të jetë ndryshe nga koha kur bota rreth tyre u shemb./ABC News Albania 24/7

ogerta-1280x712.jpg
Sej rie14:00 | 13/06/2019

Pas rehabilitimit te 80 qendrave shëndetësore, brenda muajve të verës pritet të nisë puna edhe për 100 të tjera në të gjithë vendin. Njëra prej tyre është edhe qendra shëndetësore e Poliçanit, në qarkun e Beratit.

Qendra shëndetësore e Poliçanit pritet të ofrojë për banorët shërbime me standarde të arta, pas rehabilitimit të plotë të saj. Ministrja e Shëndetësisë dhe mbrojtjes Sociale Ogerta Manastirliu tha gjatë inspektimit të punimeve, se pas përfundimit të rehabilitimit të 80 qendrave të para, brenda verës do të nisë puna për 100 qendra të tjera, nga Veriu në Jug.

“Jam e kënaqur që kjo qendër shëndetësore së bashku me Njësinë e Urgjencës 24 orë do t’i nënshtrohen rehabilitimit të plotë, si pjese e programit kombëtar të rindërtimit të 300 qendrave shëndetësore”, tha Manastirliu, gjatë inspektimit në qendrën shëndetësore të Poliçanit. “Pas përfundimit të rehabilitimit me standardin më të lartë të 80 qendrave shëndetësore në të gjithë vendin, jemi gati për fazën e dytë të rehabilitimit të 100 qendrave të tjera, si pjesë e programit kombëtar të rehabilitimit të 300 qendrave shëndetësore dhe ambulancave në të gjithë vendin”, tha Manastirliu.

Godina 2-katëshe në qendër të Poliçanit, ku marrin shërbim shëndetësor rreth 6,800 banorë do të ketë edhe pajisje të reja mjekësore. Në qarkun e Beratit këtë vit  pritet të rehabilitohen edhe katër qendra të tjera shëndetësore./ABC News Albania 24/7

ogerta-manastirliu-1.jpg
nev ila15:38 | 16/04/2019

Njësitë Administrative 3 dhe 4 në kryeqytet tashmë do të kenë një qendër shëndetësore të kujdesit parësor të rehabilituar me fondet e buxhetit të shtetit, duke ofruar shërbim për 39 mijë banorë.

Ministrja e Shëndetësisë dhe Mbrojtjes Sociale, Ogerta Manastirliu, teksa inspektoi qendrën shëndetësore deklaroi se investimet sa më afër komunitetit do të vazhdojnë edhe në zona të tjera.

Investojmë në zemër të komunitetit, për të garantuar akses në shërbime aty ku qytetarët jetojnë, afër vendbanimit. Ambulanca 10/1 në këtë zonë periferike, ku nuk investohej prej 20 vitesh, sot siguron jo vetëm kushte më të mira infrastrukture por edhe shërbime të reja si ofrimi falas i testit për depistimin e kancerit të qafës së mitrës si dhe Kontrollin Mjekësor Bazë”, deklaroi ministrja Manastirliu.

Ministrja Manastirliu deklaroi se do të ketë për herë të parë edhe një ndërthurje të shërbimeve sociale dhe shëndetësore.

Strategjia e re e kujdesit parësor që prezantojmë së shpejti, do të mundësojë ofrimin edhe të shërbimeve sociale, brenda qendrave shëndetësore, në shërbim të komuniteteve më vulnerabël”, tha Manastirliu.

Sipas Ministrisë së Shëndetësisë në vitin 2018 u rehabilituan dhe u mobiluan me pajisje të reja mjekësore 15 qendra shëndetësore vetëm në Tiranë. Për 2019 do të kryhen investime edhe për 100 qendra të tjera shëndetësore dhe ambulanca në të gjithë vendin./abcnews.al

rama-6-933x445.jpg
ent ela10:30 | 09/03/2019

Kryeministri Edi Rama ka vizituar këtë të shtunë, Qendrën e re Shëndetësore të Patosit e cila u shërben 45 mijë banorëve. Ai ishte i shoqëruar nga Ministrja e Shëndetësisë dhe Mbrojtjes Sociale Ogerta Manastirliu. Gjatë inspektimit kreu i qeverisë takoi dhe qytetarët të cilët kishin shkuar për të marrë shërbimin.

Pacientja: Më ç’ka qënë është si nata me ditën dhe them që shëqyr zotin që i është gjetur këtij vendi njeriu i duhur.

Rama: Nuk ka lidhje me njeriu ka lidhe me gruan e duhur!

Pacientja: Ku je o flori.

Rama: Si jeni ju?

Qytetarja: Pasqyrë është në të tëra anët. Bravo iu qoftë!

Rama-pacientit: Si je çfarë ke, ke ndonjë problem?

Pacienti: Jam kam pak tension dhe do marr ilaçet. Keni bërë një punë të madhe më këtë. Rrofsh!

Rama: Ti e ke parë më parë, ke qënë këtu?

Pacienti: Kam qenë se jam rritur këtu në Patos. Lyhej vetëm nga jashtë me bojë blu…/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono