qendra shëndetësore

qendra-shendetesore-korce.jpg
G. P.17:40 | 12/05/2019

Banorët e Dersnikut në Korçë marrin ndihmë mjekësore në një barakë që është vendosur që në vitin 1991. Kur ka reshje shiu në këtë barakë mund të të zërë korrenti.

Për banorët e fshatit Dersnik, kjo barake, shërben si qendër shëndetësore prej vitit 1991. Dhurata e popullit belg, ende mbahet në këmbë edhe pse funksioni i saj ishte provizor. Dërrasat janë kalbur nga koha, ndërsa çatia është gati të shembet ,duke vënë në rrezik jetën e banorëve.

Të bësh një vizitë në qendrën shëndetësore të fshatit, duhet të mendohesh mirë. Jo vetëm amortizimi i barakës, por edhe linjat e energjisë elektrike, që shtrihen nga kabina pak metër larg, mund të sjellin pasoja fatale, sidomos në kohe me reshje.

Me rrezikun mbi kokë punon edhe stafi mjekësor, i cili prej vitesh detyrohet të shërbejë në kushte të vështira dhe te papërshtatshme. Në Qendrën Shëndetësore të fshatit Dersnik, marrin shërbim mbi 800 banorë, të cilët prej vitesh përsëritin kërkesën për bashkinë për ndërtimin e një godine të re./ABC News Albania 24/7

ogerta-manastirliuuu.jpg
G. P.12:26 | 18/04/2019

Qendra shëndetësore në Sauk i është nënshtruar rikonstruksionit të plotë. Ministrja e Shëndetësisë dhe Mbrojtjes Sociale, Ogerta Manastirliu, inspektoi punimet e kryera në bashkëpunim me donatorët.

Nga kjo qendër që do të ofrojë shërbim me standarde për rreth 13 mijë banorë të periferisë së Tiranës, ministrja tha se investimet do të vijojnë për t’u siguruar akses në shërbimet shëndetësore të gjithëve.

Vetëm në Bashkinë e Tiranës sipas Ministrisë së Shëndetësisë vitin e shkuar u rehabilituan 15 qendra shëndetësore, ndërsa në të gjithë vendin 80 qendra ndryshuan pamje./abcnews.al

ogerta-manastirliu.jpg
G. P.15:59 | 01/04/2019

Mbi 4 mijë banorët e Tufinës, në periferi të Tiranës do të marrin shërbim shëndetësor me standard. Ambulanca e kësaj zone i është nënshtruar rikonstruksionit të plotë.

Ministrja e Shëndetësisë dhe Mbrojtjes Sociale, Ogerta Manastirliu, pa nga afër investimin e kryer në kujdesin parësor, ndërkohë që tha se këtë vit do të rehabilitohen 100 qendra shëndetësore.

“Së shpejti pesë autoambulanca moderne do t’i shtohen shërbimit të urgjencës”, tha Manastirliu, falë bashkëpunimit të Agjencisë Turke për Bashkëpunim dhe Koordinim./abcnews.al

rama-5.jpg
ent ela16:46 | 26/02/2019

Kryeministri Edi Rama ka inspektuar qendrën shëndetësore të Kolonjës në Lushnje. Kjo është një ndër 300 qendrat që i janë nënshtruar rehabilitimit në të gjithë vendin.

Kryeministri Edi Rama shkon aty ku bëhet dallimi midis të djeshmes e të sotmes. Një prej shembujve të transformimit është edhe kjo qendër shëndetësore në Kolonjë të Lushnjes.

“Në 14 vjet që unë punoj në Qendrën Shëndetësore Kolonjë, unë nuk e mbaj mend që qendra dhe kushtet të jenë si këto që janë tani” – dëshmon  një prej pjesëtarëve të personelit mjekësor.

“Ka qenë shumë e rrënuar. Tani është bërë e përsosur. E shkëlqyer,” – shprehet një zonjë, e cila prej vitesh merr shërbimin në këtë qendër.

Këtë pamje ia ka dhënë rehabilitimi, zgjerimi dhe pajisja me aparatura të reja në kuadër të Programit Kombëtar të Rehabilitimit të 300 qendrave shëndetësore në të gjithë vendin.

Sipas njoftimit për shtyp të kryeministrisë për herë  të parë në qendrat e kujdesit parësor ofrohet një shërbim i veçantë për gratë, kryerja  e testit HPV, i domosdoshëm për identifikimin e kancerit të qafës së mitrës.

“Këtu është një shërbim dedikuar grave, pasi për herë të parë në qendrat e kujdesit  parësor  ofrojmë  testin HPV, një test, i cili parandalon kancerin të qafës së mitrës. Trajnimet janë kryer dhe doktoreshat kanë filluar për të depistuar gratë. Testet vijnë të gjitha janë blerë nga instituti i shërbimit publik,” – shpjegon ministrja Manastirliu.

 “Testet janë sjellë nga ISHP. Ne kemi nisur këtë si procedurë, njoftojmë gratë. Kemi nxjerrë numrin e banorëve sipas regjistrit elektronik. Për vitin 2019, kryhen depistimet tek gratë e datëlindjeve të viteve 70 deri 74. Gratë janë të interesuara,” – shprehet një nga mjeket.

Ndër të tjera, Ministrja e Shëndetësisë Ogerta Manastirliu informon se ka nisur edhe zgjerimin e paketës bazë të shërbimit shëndetësor për kujdesin parësor. /abcnews.al

spiten-ne-lezhe.jpg
G. P.16:25 | 03/02/2019

Qendra shëndetësore e fshatit Spiten në Lezhë i është nënshtruar rikonstruksionit të plotë. Kushtet e reja mundësojnë një shërbim më cilësor për rreth 2.000 banorë të zonës.

Tani e tutje këtu mund të marrin ndihmë mjekësore të gjithë grupmoshat që nga bebet deri tek mosha e tretë. Deputeti i PS-së, Pjerin Ndreu, i  pranishëm gjatë inaugurimit kërkoi nga personeli mjekësor që të përmirësojnë cilësinë e shërbimit.

Investimi për qendrën e fshatit Spiten u realizua në kuadër të programit të qeverise shqiptare për rehabilitimin e 80 qendrave shëndetësore në gjithë vendin./abcnews.al

ogerta-manastirliu.jpg
G. P.13:30 | 15/01/2019

Teksa inspektoi disa qendra të rehabilituara në fshatrat e Shkodrës, Ministrja e Shëndetësisë, Manastirliu bëri të ditur se investimet moderne do vijojnë në çdo qendër të vendit. Gjithashtu theksoi se qendrat shëndetësore që ndodhen në zonat e izoluara nga dëbora mund të përballojnë çdo emergjencë.

Në kuadër të programit të 80 qendrave shëndetësore, Ministrja e Shëndetësisë, Manastirliu inspektoi disa nga qendrat shëndetësore të qarkut të Shhkodrës. Manastirliu u ndal për të parë nga afër qendrën shëndetësore në Bërdicë dhe ambulancën në Rranxë të Bushatit. Në fjalën e saj ministrja Manastirliu tha se janë krijuar standarde të reja në shërbimin shëndetësor parësor.

Ogerta Manastirliu: Jemi në qendrën shëndetësore të Bërdicës së Madhe  shohim nga afër se si një qendër e cila ka qenë totalisht në gjendje të degraduar tashmë është një qendër me standarde bashkëkohore. Qendra i ofron shërbim rreth 4 mijë banorëve të kësaj njësie administrative. Programi ynë i 300 qendrave shëndetësore dhe ambulancave do të rehabilitohen me buxhetin e shtetit të vitit 2019.

Ministrja e Shëndetësisë gjatë vizitës në Bërdicë tha se qendrat dimërore që bllokohen nga dëbora kanë furnizimi të mjaftueshëm për të përballuar rastet emergjente. Sipas Ministrisë së Shëndetësisë në qarkun e Shkodrës janë rikonstruktuar dhe pajisur sipas standardeve disa qendra shëndetësore, përkatësisht qendra shëndetësore Bërdicë, Velipojë, ambulance në Rranxë dhe qendra shëndetësore në Malësinë e Madhe./abcnews.al

ogerta-manastirliu.jpg
G. P.14:49 | 25/09/2018

480 mijë qytetarë, sipas ministres së Shëndetësisë dhe Mbrojtjes Sociale do të marrin shërbim shëndetësor me standarde. 80 qendra shëndetësore do të rehabilitohen këtë vit. Manastirliu inspektoi punimet në një ambulancë në Pezë të Madhe.

Mjediset e 80 qendrave shëndetësore dhe ambulancave do të ndryshojnë pamje brenda vitit. Këtë e bëri të ditur ministrja e Shëndetësisë dhe Mbrojtjes Sociale gjatë inspektimit të punimeve në një qendër shëndetësore në Pezë të Madhe.

“480 mijë qytetarë do të kenë kushte dhe standarde bashkëkohorë në shërbimin shëndetësor parësor, me rehabilitimin e 80 qendrave shëndetësore që përfundojnë brenda këtij viti. Sjellim jo vetëm kushte më të mira të infrastrukturës por edhe shërbime të integruara, duke filluar nga kontrolli mjekësor bazë, duke vijuar me konsultorin e nënës dhe fëmijës dhe të gjitha shërbimet bazë, të cilat do të ofrohen pa burokraci për qytetarët, me përdorimin e recetës elektronike, tashmë nga çdo mjek familje, në çdo qendër shëndetësore në vend”, tha ministrja.

Ministrja e Shëndetësisë dhe Mbrojtjes Sociale u ndal tek portali “Infermierë për Shqipërinë”.  590 infermierë sipas Manastriliut u punësuan përmes tij ndërkohë që 800 të tjerë janë në listën e fituesve dhe presin të punësohen./abcnews.al

EDICIONI-VEROR-07-GUSHT-2018-1280x720.jpg
ent ela10:04 | 08/08/2018

Edicioni Veror i 7 gushtit eksploroi në një udhëtim të veçantë zonën e Borshit. Eksplorimi u bë i mundur nga “Albanian Free Guide”, grup i cili mundëson dhe shoqërimin e turistëve të huaj nga banorë të zonës, të cilët e njohin mirë Borshin, por edhe nga studentë vullnetarë.

Kamera e ABC News e Edicionit Veror vizitoi edhe Qendrën Shëndetësore Verore të Drimadhes, ku u informua për shërbimet dhe ndihmesën që kjo qendër ofron për turistët në raste nevoje. /abcnews.al

QENDRA-SHENDETESORE.mpg_snapshot_00.40-1280x720.jpg
ent ela19:54 | 07/08/2018

Ditët e pushimeve pranë detit janë gjithmonë të këndëshme, por çfarë duhet të bëjmë kur sëmuremi apo kemi helmim alkooli gjatë pushimeve tona?…
Edicioni Veror ka bërë një vizitë në Qendrën Shëndetësore Verore të Drimadhes, ku u informua për shërbimet dhe ndihmesën që kjo qendër ofron për turistët në raste nevoje. U dhanë këshilla vërtet të dobishme për ti mbijetuar të nxehtit dhe për pushime pa viroza. Funksionaliteti i godinës është 24 orë dhe ndihmesa mjekësore ofrohet deri më 15 shtator./abcnews.al

qendra-shendetesore.jpg
G. P.15:30 | 29/07/2018

Në qendrën shëndetësore të plazhit të Divjakës çdo ditë paraqiten pushues, të cilët kanë shqetësime pas qëndrimit të gjatë në diell ose me probleme të tjera të shëndetit. Mjekët u bëjnë thirrje që të tregojnë kujdes me ekspozimin në plazh sidomos të sëmurëve kronikë.

Kur pushuesit pësojnë dëmtimë ose kanë probleme me shëndetin i drejtohen qendrës shëndetësore të plazhit Divjakë.

“Unë kam ardhur për pushime. Në poliklinikë kam ardhur pas një lëndimi të lehtë që pësova në dorë dhe për ta ndërruar pak fashën”.

Mbi 100 raste në ditë, paraqiten në këtë qendër.

“Raste problematike ka pasur shumë. Dje më konkretisht ka qenë një pacient rreth të 70-ve. Është paraqitur me paralizë faciale dhe paralizë të gjysmës së gjymtyrëve. I dhamë ndihmën e parë. I bëmë EKG-në dhe e referuam në spital. Sot na u paraqit prapë në klinikë”.

Mjekët u kërkojnë pushuesve të tregojnë kujdes të shtuar për shëndetin e tyre.

Ekspozimi për orë të tera në diell, rrit rrezikun e sëmundjeve kardiovaskulare, për pushuesit. Më të prekurit janë të sëmurët kronikë.

“Sigurisht edhe dielli është një faktor që ndikon në përkeqësimin e problemeve kardiovaskulare”.

Shqetësimet shëndetësore me të cilat përballen pushuesit gjatë kësaj periudhe jane alergjitë e ndryshme, pickimet nga insektet, helmimet ushqimore dhe djegiet nga dielli.

Nuk përjashtohen edhe rastet e infarktit kardiak, ku një vit me parë dy persona të moshës mbi 60 vjeç humbën jetën pas qëndrimit të gjatë në diell./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono