qarkullimi

auto_Screenshot_11544080702.jpg
Sej rie10:15 | 05/08/2019

Bashkia e Tiranës ka nisur punimet për të transformuar Bulevardin “Zogu i Pare”. Për rreth 18 muaj qarkullimi i automjeteve në këtë zonë do të kufizohet. Trajektorja e lëvizjes së makinave do të ndryshoje sipas fazave të punimeve.

Bulevardi “Zogu i I” ne Tirane do të ndryshojë pamje. Bashkia parashikon ta ktheje zonën në një rrugë tregtare të rehabilitojë fasadat e ndërtesave dhe të krijojë lulishte të vogla. Punimet do të kryhen në katër faza, do të shoqërohen me devijime të trafikut të automjeteve dhe pritet të përfundojnë pas 18 muajve.

Qarkullimi i makinave në këtë zonë ka nisur të kufizohet.  Ndërkohë Bashkia e Tiranës bën të ditur ndryshimin e lëvizjes për automjetet. Gjatë fazës së parë të punimeve makinat nuk do të lejohet të kalojnë nga rruga “Urani Pano” deri në kryqëzim me rrugën “Dervish Hatixhe”. Qarkullimi në këtë zonë do të kryhet me dy sense lëvizjeje sipas drejtimit veri-jug. Ndalohet parkimi dhe pezullohen hyrje-daljet në rrugën “Ferit Stermasi”.

Në fazën e dytë të punimeve do të ndalohet lëvizja e automjeteve në segmentin nga rruga “Dervish Hatixhe” deri në kryqëzimin me rrugën “Asim Vokshi”. Qarkullimi do të bëhet me dy sense lëvizje sipas drejtimit veri-jug. Ndërsa hyrje daljet në maternitetin “Mbretëresha Geraldinë” nuk do te pengohen.

Gjatë fazës së tretë ndalohet qarkullimi në segmentin nga rruga “Urani Pano” deri në kryqëzimin me rrugën “Dervish Hatixhe”. Lëvizja do të kryhet sipas drejtimit jug veri ndërsa parkimi i mjeteve në këtë zone do të ndalohet. Ndërkohë do të pezullohen dhe hyrje-daljet në rrugën “Maliq Muço”.

Ndërsa në fazën e katër të punimeve automjetet nuk do të lejohet të qarkullojnë nga rruga “Dervish Hatixhe” deri në kryqëzimin me rrugën “Asim Vokshi”. Qarkullimi do të kryhet me dy sense lëvizjeje sipas drejtimit jug –veri ndërkohë që parkimi i mjeteve është i ndaluar.

Bulevardi “Zogu i Parë” në Tiranë parashikohet të jetë si në këto pamje të projektit të publikuara nga bashkia pas rreth një viti e gjysmë kur dhe pritet të përfundojnë punimet./ABC News Albania 24/7

FIER-GJIROKASTER-QARKULLIMI_ABC-M2-T1.mpg_snapshot_00.07-1280x720.jpg
ent ela13:20 | 22/07/2019

Trafiku dhe aksidentet e ditëve të fundit në këtë sezon turistik ka bërë që Policia Rrugore të kalojë në gatishmëri në plotë. Patrulla të shumta kanë dalë në terren në Fier dhe në Gjirokastër.

Trafiku dhe radhët e gjata të mjeteve drejt jugut ka ngritur policinë e Fierit në këmbë. Nga kjo e hënë patrulla të shumta të qarkullimit u vendosen në rrugët e këtij qarku.

Hapja e by pass-it të Fierit ka lehtësuar situatën, por fluksi drejt Jonit dhe Adriatikut është i lartë

Edhe në Gjirokastër gatishmëria është në të njëjtin nivel. Por duket se në segmentet e rrezikshme ende nuk ka një zgjidhje për të shmangur aksidentet.

Kthesa e Jergucatit, kthesa në Pikën tursitike të Viroit në Gjirokastër, si dhe pika turistike e Ujit të Ftohtë në Tepelenë mbeten tre zonat më problematike .

Vetëm këtë vit në Kthesën e  Viroi u shënuan gjashtë aksidente për shkak të mungesës së sinjalistikës rrugore.

/ABC News Albania 24/7

rruga-1-1280x725.jpg
Sej rie22:15 | 15/07/2019

Sezoni turistik i këtij viti do ta gjejë qytetin e Pogradecit me rrugë të përfunduar. Aksi Lin- Pogradec është hapur tërësisht për qarkullimin e automjeteve, duke mundësuar shmangien e terrenit vështirë në dy kilometrat e fundit ku hyn për në qytet. Përmes ndërhyrjes së emergjencës ka përfunduar edhe tuneli i dytë panoramik në këtë rrugë, ndërtimi i të cilit u bë i domosdoshëm pas shembjes së malit në janar të këtij viti.

Rruga Lin-Pogradec është hapur plotësisht për qarkullimin e automjeteve. Nëse më parë në hyrje të Pogradecit makinat duhet të kalonin në një terren të vështirë për shkak të rrëshqitjeve që ndodhën, tashmë tuneli panoramik ka përfunduar. Tuneli dhe trotuaret janë pajisur me ndriçues për automjetet dhe këmbësorët që udhëtojnë natën.

Punimet për ndërtimin dhe sistemimin e segmentit që lidh Qafë – Thanën me pjesën juglindore të vendit filluan përpara 3 vjetësh, në shkurt të 2016-s.

Në total kontrata e parë për të përfunduar këtë aks panoramik buzë liqenit të Ohrit ishte 9.7 milion dollarë, por rrëshqitjet e skarpatit të malit detyruan shtesën e vlerës së projektit, dhe hartimin e një zgjidhjeje të re, përmes ndërtimit të tunelit të parë.

Rrëshqitja e parë ndodhi në janar të vitit 2018-ë, e menjëherë pas përfundimit të tunelit të parë, Autoriteti Rrugor u detyrua të miratonte një tjetër ndërhyrje emergjence në janar të këtij viti për shkak të një rrëzimit të një pjese tjetër të malit afër të njëjtit vend. Nikollaq Mihali, inxhinier në Autoritetin Rrugor Shqiptar, thotë se punimet ishin të vështira, por tuneli i dytë përfundoi 3 muaj përpara afatit të kontratës.

Në total rruga e riparuar ka një gjatësi prej 1050 metrash, ndërsa tunelet arrijnë në 350 metra. Rruga është e ndarë në dy korsi, ku bashkë me trotuarin në krahun e majtë të saj për kalimin e këmbësorëve dhe biçikletave kap një gjerësi prej 10.5 metrash.

Përgjatë gjithë zonës janë mbjellë pemë dekorative dhe po ashtu edhe mbi tunelet e ndërtuara janë mbjellë pemë bliri  dhe lule dekorative.

Në të gjithë gjatësinë e rrugës Lin – Pogradec është vendosur ndriçim, i cili funksion me sensorë drite edhe në brendësinë e tunelit duke shmangur komandimin manual.

Tani po punohet për rregullimet e fundit.

Punimet për riparimin e skarpatit të malit ku ndodhën rrëshqitjet përfunduan 3 muaj përpara afatit. Rruga është e hapur për sezonin turistik të këtij viti, ndërsa tashmë po bëhet sistemi dhe sheshimi i rrugës së vjetër ku kalonin automjetet./ABC News Albania 24/7

KRONIKE-RRESHJET-NE-VLORE.mpg_snapshot_00.11-1280x720.jpg
ent ela10:02 | 05/05/2019

Reshjet e shiut kanë përfshirë të gjithë vendin mëngjesin e sotëm. Por, në qytetin e Vlorës situata ka qenë më e rëndë. Rrugët kryesore u bllokuan dhe uji doli në sipërfaqe.

Për më shumë se pesë orë Vlora ishte kështu. Vetëm varkat munguan. Bulveradi u mbush me ujë dhe çdo rrugë e qytetit. Reshjet e shiut e përmbytën Vlorën brenda natën. Mjetet ndaluan qarkullimin. Po ashtu edhe këmbësorët nuk patën mundësi të lëviznin

“Kjo është gjendje nëpër filma, rregullohet bulevardi për të zbukuruar Vlorën dhe këto probleme janë të përditshme dhe bie e shi shiko ça gjendje. Kjo është skandaloze”.

“Vit për vit kjo punë është, ujërat e zeza janë mbledhur bashkë me të bardhat. Këtë ka bërë shteti shqiptar”.

“Kjo është katastrofë”.

Situata më e rëndë ishte në zonen e qujatur Albano dhe Romina, lagja Rilindja. Por jo vetëm rrugët kryesore. Në ato dytësore gjendja ishte edhe më e rëndë.

Bashkia nxorri në terren ekipet për zhbllokimin e pusetave. Dhe vetëm pasi reshjet ulën intensitetin situata u përmirësua dhe në Vlorë nisi qarkullimi i banorëve.

/ABC News Albania 24/7

SITUATA-MOTI-RRETHE-1280x691.jpg
ent ela13:01 | 23/02/2019

Reshje të dëborës  ka patur në disa zona të Shqipërisë, por rrugët kombëtare janë të hapura dhe qarkullohen pa zinxhirë. Ndërsa raportohet për mungesë të energjisë elektrike në fshatra të Krujës dhe Korçës.

Durrës-Kjo është bora e parë në Durrës për këtë sezon dimëror, e cila u shoqërua me temperatura të ulëta dhe erë të fortë. Reshjet ishin të pakta. Drejtoria e Përgjithshme Detare do të zgjasë dy ditë, duke ndikuar ne lundrimin e mjeteve detare. Referuar kushteve atmosferike u kërkua pezullimi i lundrimit të anijeve të peshkimit si dhe atyre tregtare. Tragetet e udhëtarëve mbërritën në port me disa orë vonesë për shkak të detit të dallgëzuar.

Krujë-Në këtë qark furtuna ka dëmtuar disa pjesë të rrjetit elektrik në Fushë Krujë dhe Malësinë e Krujës. Në këtë fundit ka patur edhe reshje dëbore. OSHEE njofton se po punon për riparimin e linjave, por furtuna është bërë pengesë për riparimin e defekteve.

Vlorë- Në portin e Vlorës nuk lejohen të dalin në det anijet e peshkimit. Por bora ka zbardhur Qafën e Llogarasë. Rruga qarkullohet pa probleme.

Korçë– Edhe në Korçë janë rikthyer reshjet e dëborës. Në gjithë territorin e qarkut ka reshje të dobëta bore, të shoqëruara me temperatura të ulëta rreth -2 gradë. Trashësia e borës në zona malore si Dardha, Voskopoja, Vithkuqi, Qafa e Qarrit rreth 5-10 cm ndërsa në qytete rreth 2-3 cm. Të gjitha akset rrugore nacionale janë të kalueshme normalisht për mjetet me përjashtim të segmentit Boboshticë – Dardhë dhe pjesërisht Qafa e Qarrit kalohen me zinxhirë.

Qarkullimi i mjeteve në rrugët rurale deri në qendrat e Njësisë Administrative kryhet normalisht me përjashtim të segmentit Voskopojë – Lekas dhe Ura e Floqit – Vithkuq, ku kalimi bëhet me zinxhirë.

Moti i keq ka sjellë mungesë të energjisë elektrike në fshatrat, Progër, Cangonj, Zemblak, Zvezdë, Shëngjergj. /abcnews.al

tiranedurres.jpg
ent ela16:46 | 13/02/2019

Që nga e enjtja në orën shtatë të mëngjesit, Autostrada Tiranë-Durrës do të bllokohet për qarkullimin e automjeteve. Autoriteti Rrugor Shqiptar dhe Policia e Qarkullimit Rrugor bëjnë të ditur se në segmentin nga Tirana deri tek kthesa e Rinasit, do të punohet për ndërtimin e pusetave hyrëse dhe dalëse të dy tombinove për kullimin e ujërave.

Ndërsa në segmentin rrugor Tiranë – Kamëz do të realizohet riparimi i shtresave asfaltike të dëmtuara.  Gjatë kryerjes së punimeve në segmentin e parë, trafiku do të devijohet në rrugë dytësore.

Ndërsa në segmentin e dytë qarkullimi i automjeteve do të kufizohet në një korsi. Punimet parashikohet të zgjasin deri më 17 Shkurt./abcnews.al

 

rruga-1280x696.jpg
ent ela14:30 | 03/02/2019

Një pjesë e rrugës Pajovë- Belsh është fundosur nga reshjet e ditëve të fundit. Kjo rrezikon izolimin e mijëra banorëve të fshatrave përreth. Drejtuesit e mjeteve thonë që qarkullimi është mjat i rrezikshëm në pjesen ku ka ndodhur shembja ndërkohë që Bashkia Belsh nuk ka fonde për të kryer ndërhyrje.

 Rreth 40 mijë banorë të Shezës, Belshit, Dumresë, por edhe fshatrave të Lushnjës dhe më gjërë, rrezikojnë të mos kalojnë më në këtë aks rrugor. Reshjet e ditëve të fundit kanë fundosur nje pjese te  rruges në afërsi të fshatit Grykësh i Vogël duke u bërë tepër e rrezikshme për qarkullimin e automjeteve.

Nga investigimi i kryer nga ABC News, rezulton se shembja ka ndodhur në një segment ku nga njëra anë eshte lumin Shkumbin dhe në anë tjetër ndodhet kodra. Ndërkohë një kthesë e papritur u shfaqet drejtuesve të automjeteve dhe fill pas saj gropa e thellë.

Por nuk mbaron me kaq. Shembja ka përparuar poshtë bazamentit të rrugës dhe qarkullimi mbi asfalt është thjesht një shans.

Të vetmet shenja sinjalizuese janë disa fije plasmasi dhe nuk ka asnjë bllok apo pritë mbrojtëse.

Banorët dhe drejtuesit e automjeteve shprehen se është shumë e rrezikshme të qarkullosh në këtë segment edhe pse aty çdo ditë, levizin furgonë, autobuzë dhe mjete të tonazhit të rëndë.

Bashkia Peqin ka njoftuar Shtabin e Emergjencave, Drejtorinë e Përgjithshme të Rrugëve dhe Instancat përkatëse.

Por deri më tani askush nuk është dukur. Sipas projektit, nevojitet një shumë e konsiderueshme financiare, praktikisht e papërballueshme nga bashkia Peqin për të rindërtuar rrugën./ FATOS SALLIU

elbasan-1280x700.jpg
ent ela14:51 | 31/01/2019

Reshje të vazhdueshme shiu dhe dëbore kanë përfshirë gjatë ditës së sotme territorin e qarkut të Elbasanit. Shiu ka qenë prezent në zonat e ulëta, ndërsa në zonat malore janë rikthyer stuhitë e dëborës. Si pasojë e kësaj situate ka pasur vështirësi në disa akse rrugore,por jo në rrugët nacionale. Kështu, sipas të dhënave, aksi Elbasan-Qafëthanë qarkullohet pa problem.Drejtuesit keshillohen te tregojne kujdes në disa segmente si në Kthesat e Murrashit apo edhe pika të tjera të rrezikshme ku bien vazhdimisht gurë dhe inerte. Në zonat e thella malore si Stëblevë, Lunik, Qarrishtë, Sopot, Polis, Lenie, Poroçan, ka pasur reshje dëbore, por nuk eshte raportuar per bllokim te fshatrave. Mësimi dhe furnizimi me energji paraqitet i normalizuar./abcnews.al

ARRSH-ZINXHIRET-ABC-M5-1280x720.jpg
ent ela09:53 | 13/01/2019

Autoriteti Rrugor Shqiptar njofton mëngjesin e sotëm për përmirësim të situatës në disa qarqe të vendit nga reshjet e borës, ndërsa bën apel për të respektuar sinjalistikën dhe përdorimin e zinxhirëve në zonat problematike. Sipas ARRSH në Rajonin Jugor Gjirokastër, gjatë gjithë natës është punuar dhe vazhdojnë të punojnë për pastrimin dhe shpërndarjen e kripës. Në të gjitha akset kombëtare të këtij Rajoni ku përfshihen rrugët e qarkut të Korçës, Vlorës dhe Gjirokastrës qarkullimi kryhet pa zinxhir.

Në Rajonin Verior Shkodër është punuar gjatë gjithë natës dhe vazhdojnë të punojnë për pastrimin dhe shpërndarjen e kripës. Sipas ARRSH në të gjitha akset e këtij Rajoni ka përmirësim të dukshëm të gjendjes së akseve, ndërsa rekomandon përdorimin e zinxhirëve në segmentet; Qafë Mali-Fierzë, Ura e Cerenecit-Steblevë, Qafë Bualli-Krastë, Trebisht-Doganë dhe përdorimin e pjesshëm të zinxhirëve në akset rrugore; Kuben-Vasije, Peshkopi-Qafë Draje, Peshkopi-Ushtelencë, Domaj-Draj Rec, Bulqizë-Fushë Bulqizë.

Për s ai përket rajonit qëndror të Tiranës ARRSH thekson se qarkullohet pjesërisht me zinxhirë në akset rrugore; Rrugët e Dajtit (Qafë Priskë – Qafë Mollë, Qafë Priskë – Shëngjergj),  Rruga Lunik –Steblevë, Krujë-Sarisalltik, ndërsa në akset e tjera të këtij Rajoni qarkullimi kryhet normalisht pa zinxhirë, ndërkohë që vijon puna për pastrimin e akseve dhe shpërndarjen e kripës.

Për shkak të temperaturave të ulëta, rekomandohen përdoruesit e rrugës të bëjnë kujdes, të lëvizin me shpejtësi të reduktuar dhe të përdorin gomat e dimrit.  Gjithashtu gjatë lëvizjes duhet të respektojnë sinjalistikën rrugore.  /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono