qarkullimi

tiranedurres.jpg
ent ela16:46 | 13/02/2019

Që nga e enjtja në orën shtatë të mëngjesit, Autostrada Tiranë-Durrës do të bllokohet për qarkullimin e automjeteve. Autoriteti Rrugor Shqiptar dhe Policia e Qarkullimit Rrugor bëjnë të ditur se në segmentin nga Tirana deri tek kthesa e Rinasit, do të punohet për ndërtimin e pusetave hyrëse dhe dalëse të dy tombinove për kullimin e ujërave.

Ndërsa në segmentin rrugor Tiranë – Kamëz do të realizohet riparimi i shtresave asfaltike të dëmtuara.  Gjatë kryerjes së punimeve në segmentin e parë, trafiku do të devijohet në rrugë dytësore.

Ndërsa në segmentin e dytë qarkullimi i automjeteve do të kufizohet në një korsi. Punimet parashikohet të zgjasin deri më 17 Shkurt./abcnews.al

 

rruga-1280x696.jpg
ent ela14:30 | 03/02/2019

Një pjesë e rrugës Pajovë- Belsh është fundosur nga reshjet e ditëve të fundit. Kjo rrezikon izolimin e mijëra banorëve të fshatrave përreth. Drejtuesit e mjeteve thonë që qarkullimi është mjat i rrezikshëm në pjesen ku ka ndodhur shembja ndërkohë që Bashkia Belsh nuk ka fonde për të kryer ndërhyrje.

 Rreth 40 mijë banorë të Shezës, Belshit, Dumresë, por edhe fshatrave të Lushnjës dhe më gjërë, rrezikojnë të mos kalojnë më në këtë aks rrugor. Reshjet e ditëve të fundit kanë fundosur nje pjese te  rruges në afërsi të fshatit Grykësh i Vogël duke u bërë tepër e rrezikshme për qarkullimin e automjeteve.

Nga investigimi i kryer nga ABC News, rezulton se shembja ka ndodhur në një segment ku nga njëra anë eshte lumin Shkumbin dhe në anë tjetër ndodhet kodra. Ndërkohë një kthesë e papritur u shfaqet drejtuesve të automjeteve dhe fill pas saj gropa e thellë.

Por nuk mbaron me kaq. Shembja ka përparuar poshtë bazamentit të rrugës dhe qarkullimi mbi asfalt është thjesht një shans.

Të vetmet shenja sinjalizuese janë disa fije plasmasi dhe nuk ka asnjë bllok apo pritë mbrojtëse.

Banorët dhe drejtuesit e automjeteve shprehen se është shumë e rrezikshme të qarkullosh në këtë segment edhe pse aty çdo ditë, levizin furgonë, autobuzë dhe mjete të tonazhit të rëndë.

Bashkia Peqin ka njoftuar Shtabin e Emergjencave, Drejtorinë e Përgjithshme të Rrugëve dhe Instancat përkatëse.

Por deri më tani askush nuk është dukur. Sipas projektit, nevojitet një shumë e konsiderueshme financiare, praktikisht e papërballueshme nga bashkia Peqin për të rindërtuar rrugën./ FATOS SALLIU

elbasan-1280x700.jpg
ent ela14:51 | 31/01/2019

Reshje të vazhdueshme shiu dhe dëbore kanë përfshirë gjatë ditës së sotme territorin e qarkut të Elbasanit. Shiu ka qenë prezent në zonat e ulëta, ndërsa në zonat malore janë rikthyer stuhitë e dëborës. Si pasojë e kësaj situate ka pasur vështirësi në disa akse rrugore,por jo në rrugët nacionale. Kështu, sipas të dhënave, aksi Elbasan-Qafëthanë qarkullohet pa problem.Drejtuesit keshillohen te tregojne kujdes në disa segmente si në Kthesat e Murrashit apo edhe pika të tjera të rrezikshme ku bien vazhdimisht gurë dhe inerte. Në zonat e thella malore si Stëblevë, Lunik, Qarrishtë, Sopot, Polis, Lenie, Poroçan, ka pasur reshje dëbore, por nuk eshte raportuar per bllokim te fshatrave. Mësimi dhe furnizimi me energji paraqitet i normalizuar./abcnews.al

ARRSH-ZINXHIRET-ABC-M5-1280x720.jpg
ent ela09:53 | 13/01/2019

Autoriteti Rrugor Shqiptar njofton mëngjesin e sotëm për përmirësim të situatës në disa qarqe të vendit nga reshjet e borës, ndërsa bën apel për të respektuar sinjalistikën dhe përdorimin e zinxhirëve në zonat problematike. Sipas ARRSH në Rajonin Jugor Gjirokastër, gjatë gjithë natës është punuar dhe vazhdojnë të punojnë për pastrimin dhe shpërndarjen e kripës. Në të gjitha akset kombëtare të këtij Rajoni ku përfshihen rrugët e qarkut të Korçës, Vlorës dhe Gjirokastrës qarkullimi kryhet pa zinxhir.

Në Rajonin Verior Shkodër është punuar gjatë gjithë natës dhe vazhdojnë të punojnë për pastrimin dhe shpërndarjen e kripës. Sipas ARRSH në të gjitha akset e këtij Rajoni ka përmirësim të dukshëm të gjendjes së akseve, ndërsa rekomandon përdorimin e zinxhirëve në segmentet; Qafë Mali-Fierzë, Ura e Cerenecit-Steblevë, Qafë Bualli-Krastë, Trebisht-Doganë dhe përdorimin e pjesshëm të zinxhirëve në akset rrugore; Kuben-Vasije, Peshkopi-Qafë Draje, Peshkopi-Ushtelencë, Domaj-Draj Rec, Bulqizë-Fushë Bulqizë.

Për s ai përket rajonit qëndror të Tiranës ARRSH thekson se qarkullohet pjesërisht me zinxhirë në akset rrugore; Rrugët e Dajtit (Qafë Priskë – Qafë Mollë, Qafë Priskë – Shëngjergj),  Rruga Lunik –Steblevë, Krujë-Sarisalltik, ndërsa në akset e tjera të këtij Rajoni qarkullimi kryhet normalisht pa zinxhirë, ndërkohë që vijon puna për pastrimin e akseve dhe shpërndarjen e kripës.

Për shkak të temperaturave të ulëta, rekomandohen përdoruesit e rrugës të bëjnë kujdes, të lëvizin me shpejtësi të reduktuar dhe të përdorin gomat e dimrit.  Gjithashtu gjatë lëvizjes duhet të respektojnë sinjalistikën rrugore.  /abcnews.al

MBULIM-STUDENTET-BLLOKOJNE-RRUGET.mpg_snapshot_00.00-1280x690.jpg
G. P.11:39 | 17/12/2018

Të paktën dy akse të Tiranës janë bllokuar nga të rinj protestues. Kryqëzimi që lidh Rrugën e Dibrës me atë të Barrikadave është bllokuar nga protestues që përsërisin thirrjet që të plotësohen kërkesat e studentëve. Një numër i gjatë makinash janë ndalur pasi qarkullimi është bllokuar. Qarkullimi ka ndaluar edhe tek kryqëzimi i 21 Dhjetorit. Të rinj me pankarta protestojnë e u bëjnë thirrje qytetarëve që të bashkohen në kauzën e tyre./abcnews.al

BORA-KORCE-MBULIM.mpg_snapshot_00.13-1280x720.jpg
ent ela19:35 | 18/11/2018

Prej 3 ditësh, Qarku i Korçës është përfshirë nga reshje të dendura të dëborës. Në orët e mbrëmjes rruga Korçë–Dardhë është bllokuar pasi trashësia e borës ka arritur 80 cm. Vështirësi në qakullimin e automjeteve ka edhe në disa segmente të tjera rrugore të këtij qarku si Korçë-Voskopojë dhe Korçë-Kapshticë. Autoritetet greke në pikën e kalimit kufitar në Kapshticë, kanë urdheruar, që për shkak të motit të keq si dhe bllokimit të një aksi rrugor në territorin Grek, të mos lejohet kalimi i autobusëve dhe mjeteve të tonazhit të rëndë drejt Greqisë, deri në normalizimin e situatës.

Kurse kalimi i mjeteve të vogla, në Kapshticë lejohet vetëm me zinxhirë. Edhe Autoriteti Rrugor Shqiptar dhe Policia Rrugore u bëjnë thirrje drejtuesve të mjeteve të përdorin zinxhirët dhe të tregojnë kujdes maksimal, ndërsa udhëtojnë në këto akse. Ndërkohë Autoriteti Rrugor Shqiptar thotë se kompanitë e mirëmbajtjes po vijojnë punën për kriposjen dhe mbajtjen hapur të rrugëve./abcnews.al

 

thumbnail_maratona-1-1280x852.jpg
ent ela14:41 | 06/10/2018

Maratona e Tiranës është gati të nisë rrugëtimin e saj për të tretin vit radhazi. Më shumë se 5 mijë vrapues, një pjesë e të cilëve fëmijë, do t’i japin jetë eventit më të madh sportiv që zhvillohet në vendin tonë, që vjen si garë e certifikuar nga institucionet ndërkombëtare të atletikës. Kryetari i Bashkisë së Tiranës, Erion Veliaj, ambasadorja e Greqisë në vendin tonë, Eleni Sourani dhe organizatori i Maratonës së Athinës, Spiro Zakaris, në një konferencë të përbashkët për mediat prezantuan detajet e festës sportive, që do të nisë të dielën në orën 9.00.

Kryebashkiaku Veliaj falenderoi miqtë grekë për dhuratën simbolike që i sollën Maratonës së Tiranës, kurorat e ullirit që vijnë nga zona e Maratonës në periferi të Athinës. Ai theksoi se dhurata që i bëhet Maratonës së Tiranës ka një vlerë simbolike, sidomos për marrëdhëniet njerëzore mes qytetarëve të të dyja vendeve, Shqipërisë dhe Greqisë. “Është shumë e rëndësishme që shteti grek dhe shteti shqiptar kanë një raport të shkëlqyer mes tyre, po ashtu edhe që kryetari i Bashkisë së Athinës dhe kryetari i Bashkisë së Tiranës kanë një raport të shkëlqyer, por mbi të gjitha janë të rëndësishme raportet mes njerëzve. Qeveritë, kryetarët, ambasadorët, ndërrohen, por njerëzit mbeten. Ky në fakt është një investim i marrëdhënieve mes njerëzve, jo se ne nuk kishim degë ulliri, apo dikë që të bënte kurorat, por është shkëmbim njerëzor përtej kombësive. Shpirti i maratonës, i garës, i skuadrës, i atyre që përpiqen, është fantastik”, shtoi Veliaj.

Ai theksoi faktin që maratona përveçse do jetë një festë sportive, është edhe një mundësi shumë e mirë për promovimin e qytetit të Tiranës. “Kemi shumë garues, nga Shqipëria dhe Greqia. Në Bulevard pashë flamujt nga Pakistani, Zelanda e Re, për herë të parë në Tiranë pashë edhe një flamur nga Hondurasi. Fakti që Maratonës iu bashkuan 5 mijë vrapues nga 40 vende të botës, është një mënyrë për ta bërë Shqipërinë më ndërkombëtare, më metropolitane, më mikpritëse për kombësi që vijnë nga distanca shumë të largëta, për të treguar shpirtin e vërtetë jo vetëm të Shqipërisë, por edhe të Ballkanit”, u shpreh Veliaj.

Gjithashtu, ai veçoi faktin që kjo ngjarje sportive është edhe një shans që i vjen Tiranës për të zhvilluar sado pak edhe ekononominë e qytetit. “Vijnë mijëra njerëz që do të konsumojnë vakte, do të qëndrojnë nëpër hotele; ajo që kemi mësuar nga Athina është se jo vetëm duhet ta dish historinë, por edhe ta marketosh atë. Me qenë krenar është diçka shumë e mirë, por nuk të sjell ndonjë dobi të madhe; ama, me qenë krenar dhe me e tregu krenarinë duke ftuar njerëz për t’i rrëfyer historinë tënde, peizazhet, kulinarinë, për të kaluar disa netë në Tiranë, sjell disa përfitime që i mbeten qytetit”, tha kryetari i bashkisë.

Veliaj tha se Maratona e Tiranës këtë herë do dalë përtej pjesës urbane, duke kaluar edhe në pjesën panoramike të Liqenit Artificial të Tiranës, ku falë përkushtimit dhe punës intensive, tashmë çdo gjë është kuruar për të qenë gati. Ai shprehu një falënderim të veçantë edhe për të gjithë donatorët që kanë kontribuar që Tirana të jetë gati të presë këtë ngjarje të madhe sportive. “Maratona e vërtetë në fakt, është maratona e progresit, e miqësisë që kemi mes vendeve, e paqes që duam të kemi në rajon. Sot jemi në një moment shumë të rëndësishëm për të dakordësuar njëherë e mirë shumë çështje me Greqinë, me fqinjët tanë. Sot kemi një mundësi fantastike për të filluar një tjetër maratonë të integrimit në Bashkimin Europian dhe unë besoj fort që simbolika e garës sportive të na frymëzojë për ato që janë garat jetike për kombin tonë. Jetike për kombin tonë është fqinjësia e mirë, anëtarësimi në Bashkimin Europian, progresi që duhet të bëjmë çdo ditë në Tiranë. E mezi pres që të dalim të gjithë faqebardhë dhe të kemi një garë të shkëlqyer të dielën”, u shpreh kryebashkiaku Veliaj.

Për herë të parë, kurora e ullirit për fituesit do të vijë nga vendi i origjinës së Maratonës, 40 km nga Athina. Teksa vlerësoi Tiranën për organizimin e maratonës, Ambasadorja e Greqisë në Shqipëri, Eleni Sourani, tregoi dega e ullirit simbolizon edhe miqësinë mes dy vendeve. “Është një gjë shumë simbolike, një simbol shumë i mirë për sportin. Më vjen shumë mirë që Tirana, qyteti ku unë jetoj e jam qytetare prej këto dy vitesh, ka një maratonë. Gjithashtu, dua t’u uroj suksese të gjithë pjesëmarrësve sepse në maratonë nuk ka rëndësi kush do fitojë, por kush arrin ta përfundojë garën”, tha Sourani.

Spiro Zakaris, përfaqësues i Maratonës së Athinës dhe president nderi i shoqatave të qytetit për paqen, vlerësoi organizimin e maratonës edhe në Tiranë. “Ju falenderoj për ftesën për të qenë këtu në Tiranë, i cili është kryeqyteti më i afërt i ngjashëm me maratonën e Athinës. E konsideroj një nder të madh sepse transmetoj këtu në Tiranë mesazhin që jep rrugëtimi i maratonës. Ashtu siç besoj e dini, i vetmi sport olimpik që ka emrin e një vendi është maratona. Është e vetmja garë që ka një prejardhje historike. Duke lidhur historinë arkeologjike kam sjellë kurorat me degë ulliri nga vendi i lashtë. Gjithashtu, kam sjellë edhe medaljen që japim në maratonën origjinale të Athinës, që bashkëpunimi ynë të zgjatë sa më shumë”, tha Zakaris.

Për arsye të mbarëvajtjes së Maratonës së Tiranës, ditën e dielë do të kryhet devijimi i qarkullimit të automjeteve në Bulevardin “Dëshmorët e Kombit”, në Rrugën e Kavajës dhe atyre që të shpien në Parkun e Liqenit Artificial.

policia-fier-924x445.jpg
ent ela18:13 | 14/09/2018

Një 35 vjeçar është arrestuar pasi në makinën e tij u gjetën 70 mijë euro. Ndalimi i tij u bë rastësisht nag forcat e qarkullimit rrugor, por më pas në lojë u futën edhe ato të antikrimit dhe prokuroria. I arrestuari është Antonia Bregu 35 vjeç dhe policia në njoftimin e saj thotë se ai po qarkullonte me mjetin tip Range Rover në gjendje të dehur.

Për 70 mijë eurot që iu sekuestruan, policia dyshon se vijnë nga veprimtari kriminale. Materialet i kaluan Prokurorisë për veprime të metejshme për veprat penale “Pastrimi i produkteve të veprës penale”, dhe “Drejtimi i automjetit në gjendje të dehur apo pa dëshmi”. Antonio Bregu ka qënë i dënuar në Itali dhe Zvicër për trafikim të lëndëve narkotike. Para 2 vjetësh ka dalë nga burgu në Zvicër./abcnews.al

ARRSH-DOGANA-PREZE-1280x720.jpg
ent ela18:26 | 13/09/2018

Në më pak se 24 orë nga njoftimi për nisjen e punës për rehabilitimin e aksit Vorë-Fushë Krujë, mjetet zbritën në terren. Por bllokimi i kësaj arterieje të rëndësishme rrugore, pa i dhënë kohë drejtuese të mjetee për marrjen e masave, duket se do sjellë kaos në qarkullim.

Bashkë me punimet ka nisur edhe kaosi në trafik. Kjo situatë është me e lehta që mund të ndodhë, pasi në pak orë pritet që lëvizja në segment të bllokohet plotësisht.

Ndërprerja e qarkullimit të mjeteve në segmentin Kthesa e Doganës-Kthesa e Prezez, çka paralizon aksin Vorë-Fushë Krujë, ku kalojnë gjithë mjetet e tonazhit të rëndë nga veriu i Shqipërisë drejt Portit të Durrësit dhe anasjelltas u njoftua nga ARRSH dhe Policia Rrugore mbrëmjen e së mërkurës.

Në mungesë të një fushate informuese dhe sensibilizuese nga ARRSH, derisa drejtuesit e mjeteve të mësojnë bllokimin e rrugës, do të ketë nga ata që do kthehen në mes të rrugëtimit.

Tabela “surprizë” për rrugë të bllokuar shfaqet 100 metër larg pikënisjes së punimeve.

Një tjetër e vendosur vetëm mëngjesin e së enjtes disa metra para rrethrrotullimit nga Vora drejt Fushë-Krujës kalon pa vemendjen e drejtuesve të mjeteve.

Ndërkohë që nuk ka një tabelë orientuese për itenerarin devijues.

Sipas ARRSH-së, segmenti në fjalë do të qëndrojë i bllokuar për 45 ditë, kohë gjatë së cilës do të prishen shtresat ekzistuese asfaltike, do të bëhet shtrese e re si dhe sinjalistike rrugore. /abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono