pyetje

MBULIM-FLORENC-HOXHA.mpg_snapshot_00.06-1280x794.jpg
G. P.10:55 | 17/10/2018

Ish-drejtuesi i Policisë Bashkiake të kryeqytetit, Florenc Hoxha, ka pranuar te jetë autor i video-përgjimit të Fredi Alizotit, imituesit të zërit të Agron Xhafajt. Hoxha ishte në Prokurorinë për Krimet e Rënda ku për 2 orë e 45 minuta dha shpjegime në lidhje me këtë video para prokurorëve të çështjes “Babalja”.

Ish-drejtuesi i Policisë Bashkiake të Tiranës, Florenc Hoxha, ishte të mërkurën në Prokurinë për Krimet e Rënda, ku pranoi të jetë autor i video-përgjimit të bisedën me Fredi Alizotin, i dyshuar si aktruesi i zërit të Agron Xhafajt. Hoxha mbërriti tek Krimet në orën 09:30 për të dhënë llogari para prokurorëve që po hetojnë dosjen “Babalja”. Qëllimi i thirrjes ishte sqarimi i disa dyshimeve të ngritura pas publikimit të një videoje të dytë disa ditë më parë  nga deputeti Ervin Salianji në studion e “Opinion” në “TV Klan”. Në këtë video Fredi Alizoti pretendonte se ishte shoqëruar nga Fieri në Tiranë nga drejtori i Përgjithshëm i Policisë së Shtetit, Ardi Veliu.

Për 2 orë e 45 minuta Florenc Hoxha iu përgjigj të gjitha pyetjeve të njerëzve të hetimit. Burime të rezervuara bënë me dije se ish-shefi i Policisë Bashkiake ka pranuar autorësinë e videos. Para prokurorëve të çështjes ai ka pohuar se ishte Alizoti ai që i kishte kërkuar ta takonte. Sipas tij, duke pasur dyshime se Alizoti i ishte vetë-ofruar kishte vendosur ta regjistronte bisedën. Po sipas tij, mjeti i përdorur ishte një orë dore me kamera.

Në përfundim të seancës së dhënies së deklarimeve Hoxha zgjodhi të mos zbardhë asnjë detaj për median. Florenc Hoxha u listua në personat që do të pyeteshin për hetimin e çështjes “Babalja”, pasi emri i tij u përmend para prokurorëve në deklarimet e Fredi Alizotit dhe të deputetit demokrat, Ervin Salianji. Alizoti identifikoi atë si bashkëbiseduesin në bisedën e regjistruar, ndërsa deputeti Salianji rrëferu se video-përgjimi ishte lënë në recepsionin e selisë së PD nga ish-kreu i Policisë Bashkiake. Të martën për llogari të hetimit u mor në pyetje kreu i Policisë së Shtetit, Ardi Veliu, ndërsa në ditët në vijim pritet të merret në pyetje edhe drejtuesi i Policisë së Fierit./abcnews.al

MBULIM-ARDI-VELIU-NE-PROKURORI.mpg_snapshot_00.21.jpg
G. P.14:45 | 16/10/2018

Drejtori i përgjithshëm i policisë së shtetit Ardi Veliu është marrë në pyetje në Prokurorinë e Krimeve të Rënda për rreth 60 minuta, lidhur me hetimet për dosjen e Babales. Burime të besueshme konfirmuan për “ABC News” se Veliu ka mohuar pretendimet e Fredi Alizotit ndaj tij.

Ardi Veliu, drejtori i Përgjithshëm i Policisë së Shtetit, ishte personi i radhës që u mor në pyetje nga prokurorët e Krimeve të Rënda që po hetojnë çështjen “Babalja”. Pyetja e tij u kërkua pas deklaratave të Fredi Alizotit, personit të dyshuar si aktruesin e zërit të Agron Xhafës, se pas pranimit të këtij fakti ishte shoqëruar tek Krimet e Rënda me makinë nga kreu i Policisë së Shtetit. Ardi Veliu mbërriti në institucion në 13:00, ekzaktësisht në orarin e paracaktuar ku qëndroi për gati 1 orë duke dhënë shpjegime para prokurorit, Përparim Kulluri.

Burime të besueshme konfirmuan për “ABC News” se Veliu ka mohuar pretendimet e Alizotit. Sipas burimeve, Veliu ka pohuar se ditën kur është bërë shoqërimi i Alizotit në Prokurorinë e Krimeve ai ka qenë i angazhuar me çështje të tjera të punës së tij. Numri një i policisë u largua me automjetin e tij, duke mos dhënë asnjë prononcim për median. Deklarimet e Veliut janë në sinkron me deklaratë zyrtare të bërë nga Policia e Shtetit një ditë pas publikimit të video-përgjimit të Alizotit në programin “Opinion” në “TVKlan”. Në atë deklaratë u pohua se Policia e Shtetit nuk ka bërë asnjë veprim procedurial me iniciativën e saj dhe për çdo rast ka vepruar bazuar në urdhra të prokurorisë apo gjykatës. Në lidhje me shoqërimin e Alizotit, Policia tha se ky veprim është reakuzuar nga ana e Drejtorisë së Policisë Vendore Fier.

Për llogari të hetimit, prokurorët e Krimeve pritet të marrin në pyetje edhe drejtuesin e Policisë Fier, i pari që ka kontaktuar Fredi Alizotin, pasi ai i tha sallës operative të këtij qarku se audio-përgjimi i Babales ishte fakt. Ndërsa mëngjesin e së hënës, në Prokurinë për Krimet e Rënda pritet të paraqitet ish-dejtuesi i Policisë Bashkiake, Florenc Hoxha, i cili pretendohet nga Alizoti të jetë personi që ka realizuar videopërgjimi./abcnews.al

fredi-alizoti.png
ent ela18:58 | 11/10/2018

Prokurorët e dosjes “Babalja” morën në pyetje për tri orë me radhë Fredi Alizotin, personin e dyshuar si aktrues të zërit të Agron Xhafajt. Alizoti dha shpjegime të hollësishmë për video-përgjimin e publikuar në programin “Opinion” duke treguar vendin ku është bërë biseda dhe ka identifikuar bashkëbiseduesin. Ndërkohë Alizoti ankimoi në Apel masën “arrest në burg”.

Pa kaluar 48 orë nga publikimi i video-përgjimit në programin “Opinion” në TVKlan ku shfaqej Fredi Alizoti, personi i dyshuar si aktrues i zërit të Agron Xhafajt, ai u mor në pyetje nga prokurorët e Krimeve të Rënda.

Alizoti u përball me prokurorët e dosjes “Babalja” pak pas mesditës të së enjtes në një nga zyrat e Krimeve të Rënda. Për gati 3 orë me radhë, në praninë e avokatit mbrojtës, ai dha shpjegime të hollësishme në lidhje me fakte dhe rrethanat e bisedës në video-përgjim. Në videon e administruar si provë nga Prokuroria, Alizoti pretendonte se në qershor 2018, pasi ishte vetëdeklaruar si aktori i zërit të Agron Xhafajt, ishte shoqëruar për në Prokurorinë e Krimeve nga kreu i Policisë së Shtetit, Ardi Veliu dhe se ishte takuar nga deputeti socialist Taulant Balla.

Burime të rezervuara, konfirmuan për “ABC News” se Alizoti pohoi se biseda e regjistruar pa dijeninë e tij është zhvilluar në një bar pranë selisë së Partisë Demokratike.  Ai ka zbardhur edhe identitetin e bashkëbiseduesit dhe faktin se kjo bisedë ishte zhvilluar pas datës 1 qershor 2018, datën kur deklaroi në prokurori se përgjimi Albert Veliu-Agron Xhafaj ishte fals.  Sipas burimeve, Alizoti i ka qëndruar deklarimeve të dhëna më parë për faktin se kishte pranuar oferët e Albert Veliut, Babales, për të bërë zërin e Agron Xhafajt në një audio-përgjim, në këmbim të një shume prej 100 mijë euro.

Në ditët në vijim pritet të thirren në prokurori për të dhënë shpjegime personat e përmendur në deklarimet e Alizotajt. /abcnews.al

fredi-alizoti.png
G. P.13:30 | 11/10/2018

Fredi Alizoti, i dyshuari si aktrues i zërit të Agron Xhafajt, në audio-përgjimin e pretenduar mes tij dhe Albert Veliut, u thirr të enjten tek Krimet e Rënda ku u mor në pyetje për gati 3 orë. Burime të rezervuara konfirmuan për “ABC News” se Alizoti ka dhënë shpjegime të hollësishme për videon e publikuar dy ditë më parë në programin “Opinion”, ku ai pohonte se ishte transportuar në Tiranë nga kreu i Policisë së Shtetit dhe se ishte takuar nga një deputet. Para prokurorëve të çështjes ai ka sqaruar se biseda  e shfaqur në video-përgjim është zhvilluar në një bar pranë selisë së Partisë Demokratike. Alizoti ka pohuar për prokurorin edhe identitetin e bashkëbiseduesit, si edhe kohën kur është bërë kjo bisedë. Nga ana tjetër, Alizoti ankimoi masën e sigurisë “arrest në burg” dhënë për të nga Shkalla e Parë e Krimeve të Rënda. Përmes avokatit të tij Ilir Dode Alizoti ka depozituar një kërkesë në Apel ku kërkon ndryshimin e kësaj mase dhe caktimin e një mase më të butë.

Ndërkohë më herët gjatë ditës së sotme avokati mbrojtës i Alizotit ka kërkuar ndryshimin e masës së sigurisë për klientin e tij, i cili vetëm pak ditë më parë u la nga Gjykata e Krimeve të Rënda nën masën e sigurisë burg pa afat, pavarësisht se ia ka deklaruar me vullnet të lirë se ka aktuar në rolin e Agron Xhafës në videon e bërë sëbashku me Albert Veliun, të shpallur tashmë në kërkim.

Avokati: “Nuk kërkojmë lirimin, por caktimin e një mase më të lehtë sigurimi personal. Kriteret janë ato që thashë seancën e kaluar që Gjykata e Shkallës së Parë nuk i mori parasysh dhe që shpresojmë që Gjykata e Apelit t’i marrë parasysh”.

Pyetje: Ju keni komunikuar me klientin pas shfaqjes së një videoje të dytë dhe cili është versioni i tij paraprak mes një avokati dhe klienti?

Avokati: Kjo mbetet në kuadër të hetimit siç e thashë është sekret hetimor.

Pyetje: Klienti juaj do të pyetet për të dyja videot apo për më të fundit.

Avokati: Klienti im do të pyetet për të gjithë ngjarjen, nga fillimi deri në fund. Do të thotë të vërtetat e tij dhe do hetohet për të dalë e vërteta. Klienti im ka bërë disa deklarata, do bëjë deklarata të tjera, do thojë të gjithë të vërtetën e tij në funksion të drejtësisë.

Pyetje: Cila është e vërteta e Alizotit?

Avokati: Këtë do ta marrim vesh shumë shpejt.

Pyetje: Ju nuk keni informacion për këtë ngjarje?

Avokati: Unë kam informacion, por siç thashë është në kuadër të hetimit sekretit hetimor dhe dëmton hetimin nëse kemi shprehje paraprake të personave nën hetim.

/abcnews.al

vlcsnap-error873-1-1280x720.jpg
G. P.17:41 | 20/02/2018

Pa kaluar 24 orë nga momenti kur ish-ministri i Transporteve, Edmond Haxhinasto, dha shpjegime në Prokurorinë për Krimet e Rënda një tjetër ish-ministër kaloi pragun e këtij institucioni.

Ai ishte pasardhësi i tij tek Transportet, Sokol Dervishaj. Arsyeja e paraqitjes në Prokurori ishte e njëjta.
Dervishaj u pyet në lidhje me hetimin e nisur ndaj tre ish-zyrtarëve të Autoritetit Rrugor Shqiptar të akuzuar për “korrupsion” dhe “shpërdorim detyre” gjatë ndërtimit të rrugës Tiranë-Elbasan.

Ish-ministri i Lëvizjes Socialiste për Integrim, Dervishaj, mbërriti në Prokurori në 14:50 të së martës. Për gati 1 orë e 45 minuta, ai iu përgjigj pyetjeve të prokurores, Elisabeta Imeraj.

Ai është pyetur mbi rrethana të procedurave të ndjekura nga ana e ministrisë dhe institucioneve të varësisë gjatë zbatimit të projektit të segmentit Tiranë-Elbasan.
Jashtë Prokurorisë, Dervishaj nuk pranoi të japë asnjë koment mbi dëshminë e dhënë prej tij.

Hetimi që ka çuar në qeli tre ish-zyrtarë të Autoritetit Rrugor Shqiptar, Dashamir Xhika, Albens Alite dhe Askel Qurduka nisi në fund të vitit 2017, pas një kallëzimi nga ministri i Energjisë dhe Infrastrukturës, Damian Gjiknuri. Një audit i kësaj ministrie zbuloi se kishte ndryshime të kontratës bazë të ndërtimit të rrugës, pa iu miratuar në Këshillin Teknik dhe pa marrë mendimin e Avokaturës së Shtetit. Sipas Prokurorisë, këto veprime kanë shkaktuar dëm në buxhetin e shtetit në mbi
37 milionë dollarë.

Për llogari të këtij hetimi, në ditët në vijim do të pyeten të tjerë zyrtarë dhe ish-zyrtarë të Ministrisë së Transporteve, mes të cilëve edhe ministri aktual, Damian Gjiknuri./abcnews.al

vlcsnap-error770-2-1280x720.jpg
ent ela11:24 | 16/02/2018

Prokurori special Robert Mueller, i cili heton për çështjen “Russiagate”, ka marrë në pyetje për 20 orë ish-shefin e strategjisë të presidentit amerikan Donald Trump. Mediat bëjnë me dije se Steve Bannon i është përgjigjur të gjitha pyetjeve.

Steve Bannon, ish-shefi i strategjisë së presidentit amerikan Donald Trump, është marrë në pyetje si pjesë e një hetimi për dyshimet e ndërhyrjes së Rusisë në zgjedhjet e 2016-ës. Ai është takuar me prokurorin special Robert Mueller për dy ditë me radhë këtë javë. Bannon ka qenë drejtues i fushatës presidenciale të Trump përpara se të bëhej një zyrtar i Shtëpisë së Bardhë.

Ai u largua nga detyra në Gusht të viti të kaluar për shkak të tensioneve me ndihmës të tjerë. Mueller po drejton një hetim për dyshimet se ekipi i fushatës së Trump kishte lidhje me Rusinë, vend i cili akuzohet se ka ndikuar në zgjedhjet presidenciale amerikane. Por Moska dhe Trump mohojnë këtë gjë.

Hetuesit besojnë se Bannon posedon informacion kyç për administratën Trump, përfshirë detaje përse presidenti amerikan shkakroi ish-drejtorin e FBI James Comey. Ky i fundit ka thënë më herët se nuk ka asnjë dyshim se është shkarkuar nga Trump për të ndikuar tek hetimi për “Russigate”, një akuzë të cilën Shtëpia e Bardhë e mohon.

Ndërkohë, nuk është e qartë akoma se përse është pyetur Bannon, por raportohet se ka shpenzuar rreth 20 orë duke folur me ekipin e Mueller. Një burim afër procesit, tha për “Associated Press” se Bannon i është përgjigjur të gjitha pyetjeve që i janë bërë./abcnews.al

rruga-elbasan.jpg
ent ela17:01 | 09/02/2018

Albens Alite dhe Aksel Qurduka, dy ish-zyrtarë në Autoritetin Rrugor Shqiptar u morën në pyetje sot në Prokurorinë e Krimeve të Rënda, lidhur me hetimet per abuzimin me fondet e rrugës Tiranë- Elbasan. Ata akuzohen për “shpërdorim detyre” dhe “korrupsion pasiv”.

Qurduka dhe Alite mohuan akuzat e ngritura nga Prokuroria, duke thënë se përfshirja e tyre në këtë çështje ka vetëm prapavijë politike.

Ndërkohë, dy të ndaluarit kërkuan që kjo çështje të shkojë deri në fund, pasi vetëm atëherë do të zbulohet e vërteta.

Të hënën pritet të merret në pyetje edhe ish-drejtori i Përgjithshëm i Rrugëve, Dashamir Xhika, mbi të cilin rendojnë të njëjta akuza.

Të tre u kallëzuan nga KLSH në vitin 2016 pas një auditi që zbuloi shkelje financiare. Po ashtu kallëzim paraqiti në Prokurori disa muaj më parë edhe Ministria e Infrastrukturës, auditi i së cilës konstatoi dëm në buxhetin e shtetit në vlerën 54 milionë dollarë./abcnews.al

104766623-RTS1G3TN-trump.1910x1000-1280x670.jpg
ent ela14:00 | 24/01/2018

Prokurori special Robert Mueller kërkon të marrë në pyetje presidentin amerikan, Donald Trump lidhur me hetimet për çështjen “Russiagate”. Vetë kreu i Shtëpisë së Bardhë, duke komentuar kërkesën, tha se nuk ndihet i shqetësuar.

Prokurori special që heton çështjen “Russiagate”, Robert Mueller, dëshiron të marrë në pyetje personalisht presidentin amerikan, Donald Trump, në javët në vijim. Lajmi raportohet nga Uashington Post, që nënvizon se interesi i Mueller mbetet në veçanti tek shkarkimi I papritur I ish-kreut të FBI, James Comey dhe tek dorëheqja e ish-këshilltarit për sigurinë kombëtare, Michael Flynn. E përditshmja shkruan se hetimi po përqëndrohet gjithnjë e më shumë tek dyshimet se Trump ka penguar drejtësinë.

Ekipi I prokurorit special ka marrë në pyetje edhe drejtorinm e CIA-s, Mike Pompeo, lidhur me dyshimet për ndërhyrjen e Rusisë në zgjedhjet presidenciale të 2016 dhe për lidhjet e mundshme mes Moskës dhe ekipit të fushatës së Trump. NBC shkruan se Pompeo ka dëshmuar si dëshmitar në rastin e shkarkimit të Comey nga drejtimi i FBI.

Javën e kaluar, ministri i drejtësisë, Jeff Sessions dëshmoi për disa orë përballë ekipit të Mueller. Edhe 3 personazhe të tjerë afër presidentit amerikan janë marrë në pyetje kohëve të fundit, mes të cilëve dhëndrri dhe këshilltari Jared Kushner dhe drejtoresha e komunikimeve të Shtëpisë së Bardhë, Hope Hicks.

Uashington Post thekson se ekipi ligjor i Trump do t’i paraqesë Mueller-it, që në javët e ardhshme, kushtet për dëshminë e presidentit. Gjithashtu një reagim për këtë situatë ka ardhur nga vetë lideri amerikan. “Nuk jam I shqetësuar”, ka thënë Trump për reporterët të cilët e pyetën për një koment lidhur me thirrjen e Mueller. Ndërkohë, një sondazhi CNN, tregon se 8 në 10 amerikanë mendojnë se Trump duhet të dëshmojë në rast të një thirrjeje. 51% e qytetarëve mendojnë se  presidenti amerikan ka tentuar të ndërhyjë në hetime, ndërsa 41% besojnë tek pafajsia e tij.

Me 27 shkurt të 2017 Flynn dha dorëheqejen nga posti i këshilltarit për sigurinë kombëtare pasi kishte gënjyer zëvendëspresidentin Mike Pence lidhur me raportet e tij me funksionarë të Moskës. Ai diskutoi për sanksionet kundër Rusisë me ambasadorin e Moskës në Uashington, Sergej Kislyak. Kurse Comey është shkarkuar në muajin maj nga Trump. Duke dëshmuar në Kongres, ish-kreu i FBI tha se është hequr nga detyra pasi Trump ka dashur të ndihmojë tek hetimet për “Russiagate”./abcnews.al

23022426_10212578421114455_283968781_n.jpg
us er09:26 | 30/10/2017

Grupi hetimor në Lushnje ka marrë në pyetje njërin nga djemtë e 55 vjecarit, trupi i të cilit u gjet dje i pajetë i hedhur në një kanal, në anë të rrugës Fier- Lushnje. Sipas informacioneve, djali dhe viktima kishin një marrëdhënie kontradiktore. Nga sa mësohet ai u tha hetuesve se kishte denoncuar në polici që në momentin që babai ishte zhdukur. Albert Bullgari 55 vjeç nga Fieri u gjet i zhveshur, me plagë të rënda në trup dhe në kokë. Sipas prokurorisë së Lushnjës ekspertiza mjeko-ligjore nuk është shprehur akoma dhe hetimet vazhdojne në tri drejtime, për vrasje, vdekje nga aksidenti, apo vetëvrasje. Ndërkohë vazhdon marrja në pyetje e familjarëve dhe e të njohurve të 55 vjeçarit Bullgari.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono



TE FUNDIT