pyetje

policia-spitali-1280x712.jpg
nev ila15:48 | 12/10/2019

Abc News” zbardh rrëfimin e autorit të vrasjes në Kavajë, Bledar Toçi, dhënë mëngjesin e sotëm nga ambientet e spitalit të Durrësit. Para oficerëve të policisë gjyqësore ai deklaroi se u thirr nga Marsida pas problemeve që kishte me Haxhollin. Përplasja mes dy burrave ka ndodhur nga një distancë 2 metra, ndërsa ekspertiza do të përcaktojë numrin e saktë të plumbave në trupin e viktimës.

Polici i plagosur Bledar Toçi është marrë në pyetje nga oficerët e policisë gjyqësore.

Në dëshminë e tij ai ka thënë se u thirr nga Marsida pas përndjekjeve  të vazhdueshme që i bëheshin asaj nga Dritan Haxholli. Toçi nuk ka dhënë shumë detaje rreth ngjarjes.

Rrezikun për jetën e ka kaluar dhe është i aftë për të komunikuar me këdo që hyn e del nga dhoma e repartit ku është shtruar.

Pavarësisht kësaj ai nuk është transferuar në ambientet e paraburgimit pasi mjekët kanë vlerësuar se  duhet të mbahet ende në vëzhgim.

Nga hetimet e deritanishme por edhe nga dëshmitë e Bledar Toçit , rezulton se Dritan Haxholli ka qëlluar policin nga një distancë dy metër duke e lënë të plagosur. Kurse Toçi i është kundërpërgjigjur me disa të shtëna Haxhollit . Për pasojë  41 vjeçari gjeti vdekjen. Aty ndodhej Marsida Qatja dhe Xhulio Biturku kurse fqinji tjetër ishte larguar për të marrë pije dhe ushqime.

Në trupin e Haxhollit janë gjetur disa plumba, por ekspertiza mjeko ligjore do të përcaktojë  numrin e saktë të tyre. Nga këqyrja e vendit të ngjarjes në banesë janë gjetur rreth 17 gëzhoja prej të cilave 16 i përkasin pistoletës së Bledar Toçit.

Sasia e madhe e gëzhojave të mbetura nga qitja me armë e policit të burgjeve, ngre dyshime se punonjësi i policisë, ka qëlluar në kushtet e vetëmbrojtjes.

Nga hetimet mësohet gjithashtu se viktima Dritan Haxholli që prej dy javësh para se të ndodhte ngjarja ka qenë me vendim arresti me burg në mungesë për mosbindje të punonjësve të policisë dhe largim nga vendngjarja.

Abc news u përpoq të kontaktonte me Bledar Toçin në ambientet e spitalit por nga pas derës sapo ai dëgjoi se mediat po interesoheshin për të, u përgjigj se:

“Nuk ndodhet këtu por ka ikur në Tiranë”. Në këtë mënyrë ai përpiqet të shmangë interesin e mediave.

Bledar Toçi, ruhet nga dy policë të cilët ndodhen në hyrje dhe në brendësi të dhomës.

Deri tani oficerët e policisë gjyqësore nuk janë të bindur në deklarimet e Toçit dhe Marsida Qatjas, pasi sipas tyre edhe në deklaratat e fundit, ata ende vazhdojnë të japin deklarime kontradiktore, përfshirë këtu edhe ato në media./abcnews.al

Ariane-Chemin-933x445.jpg
ad min10:50 | 24/05/2019

Polemika të shumta ka ngjallur në Francë marrja në pyetje e 6 gazetarëve dhe thirrja për llogari e 2 të tjerëve nga Shërbimi i Sigurisë së Brendshme, DGSI, për aktivitetin e tyre profesional.

Në mesin e të pyeturve është edhe reporterja e “Le Monde”, Ariane Chemin, e cila u thirr lidhur me publikimin e identitetit të një oficeri sigurie në një artikull.

Këto praktika janë cilësuar si intimidim i gazetarëve dhe cënim i lirisë së shtypit. Reporterët e marrë në pyetje thanë se u është bërë presion për të treguar burimet e informacionit.

Por këto akuza i hodhi poshtë zëdhënësja e qeverisë, Sibet Ndiaj, e cila tha se edhe gazetarët janë persona që duhet të përgjigjen përpara ligjit.

“Është normale që një shtet të mbrojë disa të dhëna që janë të nevojshme në fushën e sigurisë së jashtme dhe të aktivitetit ushtarak. Ka pasur një informacion të klasifikuar sekret që ka dalë në publik. Kjo nuk është normale. Qeveria apo shteti francez të pyesë për rrjedhjet e informacionit të brendshëm”.

Një tjetër çështje për të cilin gazetarët duhet të japin llogari është publikimi i skandalit të përdorimit të armëve franceze në luftën mes Arabisë Saudite dhe Jemenit.

Tv Klan

maturantet.jpg
ad min16:20 | 29/04/2019

Maturantëve iu ka mbetur dhe rreth një muaj kohë për t’u përgatitur për provimet e maturës. Matura Shtetërore këtë sezon ndryshon për herë të parë pas 13 vitesh. Testi do të ketë më shumë pyetje, të cilat do të jenë kryesisht logjike ndonëse maturantët do të japin një provim më pak.

Më pak provime, por më shumë pyetje në teste. E tillë do të jetë matura e këtij viti. Qershori po afron dhe maturantët për herë të parë pas 13 vitesh këtë sezon do te përballen me ndryshime ne maturën shtetërore.

Me kurrikulën e re maturantët do të japin katër provime, tre të detyrueshme dhe një me zgjedhje nga pesë që i janë nënshtruar vitet e shkuara. Ndërsa testi do të ndryshojë strukturë dhe do të vlerësohet me 10 pikë më tepër.

Teza, tregojnë specialistet, e Ministrisë së Arsimit do të përmbajë më shumë pyetje. Ndonëse parashikohet të jenë me alternativa kryesisht do të jenë pyetje logjike në mënyrë që të bëjë diferencën mes nxënësve.

Sa i përket lëndëve me zgjedhje për të cilën këtë vit maturantët duhet t’i nënshtrohen vetëm një testi, gjimnazistët i kanë zgjedhur që në muajin Janar.

Ministria e Arsimit, e cila ka analizuar shifrat thotë se pjesa më e madhe e maturantëve kanë zgjedhur lëndët e psikologjisë dhe sociologjisë, ndjekur nga biologjia dhe ekonomia.

Maturantet i nisin provimet e maturës me testin e gjuhës se huaj me 7 Qershor, për të vijuar me gjuhën shqipe dhe letërsinë me 12 qershor, provimin e matematikës më 17 Qershor dhe i mbyllin me provimin e lëndës me zgjedhje më 24 Qershor./abcnews.al

ylli-manjani.jpg
ad min14:51 | 20/02/2019

Ish-ministri i Drejtësisë, Ylli Manjani ka dëshmuar dje në Prokurorinë e Tiranës.  Ai eshte thirrur nga prokuroret për t’u pyetur në lidhje me dosjen hetimore per abuzimin me disa tenderat, në kohën kur drejtonte Ministrinë e Drejtësisë.

Organi i akuzës disa ditë më parë nisi hetimin për 12 zyrtarë dhe ish-zyrtarë të Ministrisë së Drejtësisë pas dyshimeve për abuzime me 5 tenderë të dhënë në periudhën 2016-2017.

Kallëzimi penal është bërë nga Ministria e Financave, pas auditit financiar. Raporti  i inspektimit financiar rendit një sërë shkeljesh të kryera nga institucioni dhe kompanitë private, të cilat kanë dalë fituese në tendera.

Përveç Manjanit, Prokuroria pritet të marrë edhe dëshminë e Petrit Vasilit dhe ministrit të qeverisë teknike, Gazmend Bardhi, ndërsa është duke u verifikuar përgjegjësia e tyre./abcnews.al

rama.jpg
ent ela12:03 | 02/02/2019

Pas paralajmërimit të pedagogeve të Universitetit të Tiranës për grevë pa afat, vjen reagimi i kryeministrit Edi Rama i cili thotë se po mbajnë peng realizimin e kërkesave të studentëve. Në një bashkëbisedim me një grup studentësh shefi i qeverisë i sugjeron t’u bëjnë pedagogëve tri pyetje për të mësuar arsyen e protestës së tyre.

Pedagogët e Universitetit të Tiranës të cilët kanë paralajmëruar grevë pa afat, kryeministri Edi Rama i akuzoi se po keqpërdorin lirinë universitare.

Arsyeja e grevës aludoi kryeministri është përgjigjia e tre pyetjeve, të cilat nxiti studentët që takoi në sallën e re te studimit në konviktet e Mjekësisë t’ja bënin pedagogëve.

“A janë dakord me vlerësimin e titujve akademikë dhe të thonë si dhe kur e duan? Por këtë nuk e thonë këtë.
Keni parë që thonë të ndalohet denigrimi i pedagogëve, por për cfarë? A janë dakord ata që të ndalohet tregtaria e librave të pedagogëve për notën? Dhe pyetja e tretë është, a janë dakord që cdo vit studentët të bëjnë një vlerësim të performancës së pedagogëve, e përdor gjithë bota? Aty do të kuptojmë nëse e bëjnë grevën për ju, apo se nuk duan të përgjigjen për këto tre pyetje”.

Ndërkohë që nxitoi të shfajësohej se nëse kërkesat e studentëve nuk plotësohen nuk është faji i tij.

“Po s’na solli sekretaria që kemi kaq me ndihmë ekonomike dhe kaq me 9 e dhjeta, ku ti cojmë ne lekët. Se ti do të bllokosh univeristetin për kë? Për Saliun, Lulin, Monikën?

Autonomia universitare sqaroi kryeministri nuk lejon qeverinë të dërgojë policinë për të çliruar fakultetet pa kërkesë të titullarit të insitucionit të arsimit të lartë. Kryeminstri Edi Rama gishtin e akuzës e drejtoi tek Rektori I Universitetit të Tiranes Mynyr Koni.

“Çfarë borxhi i kanë rektorti prindërit e kësaj vajze këtu?

Në këtë pikë Kryeministri nxiti studentët të reagojnë.

Për kushtet e vështira të konvikteve përgjegjëse vijojë të bëjë qeverinë e shkuar. Për të ilustruar situatën, studentëve iu tregoi një rast.

Gjeti rast për t’i dërguar një përgjigje dhe ish-Presidentit të Republikës Bujar Nishani i cili e ka paditur për shpifje.

Megjithëkëtë kryeministri tha se puna për rehabilitimit e institucioneve të arsimit të lartë e konvikteve ka nisur. Ashtu si dhe për ndërtimin e Kampusit Universitar punimet do të kryhen në partneritet me privatin.

Nderkohe kryeministri kishte dhe një merak. Atyre që e kritikojnë për mënyrën sesi vishet dhe sesi flet, nisur dhe nga seanca e fundit parlametare iu dërgoi këtë mesazh.

“Pika e parë e besnikërisë është të them atë që mendoj të vishem ashtu siç dua dhe në vitin 2018-19-20 të jap kontributin tim q ënjërezit të mos jenë kaq të prapamendur me si e tha, si u vesh, gjithë muhabete katundi”.

abcnews.al

ylli-rakipi.jpg
ad min17:05 | 19/12/2018

Gazetari Ylli Rakipi, drejtues i programit “Të paekspozuarit” ishte të mërkurën në Prokurorinë e Tiranës. Për dy orë me radhë ai është marrë në pyetje nga titullarja e institucionit, prokurorja Elisabeta Imeraj, në lidhje me kallëzimin e bërë një ditë më parë për disa kërcënime me jetë. Burime bënë me dije se Rakipi ka shpjeguar me detaje për kërcënimet e marra në adresë të tij dhe dijeninë nëse këto kërcënime kanë lidhje me faktin se në programin e tij u denoncua javën e kaluar skandali i kompanisë “DH Albania”. Të martën për kërcënimet drejt gazetarit Rakipi reagoi Presidenti i Republikës, Autoriteti i Mediave Audiovizive dhe Partia Demokratike./abcnews.al

ZAEV-PYET-SHQIPERINE.mpg_snapshot_00.20-1280x739.jpg
ad min22:31 | 25/11/2018

Kryeministri i Maqedonisë është shprehur i habitur me lejimin e arratisjes së Nikolla Gruevskit nga Shqipëria, Mali i Zi dhe Serbia. Zoran Zaev tha gjithashtu se nuk ka komunikuar me ish kryeministrin që prej muajit prill.

Kryeministri Zoran Zaev pret që opinioni shumë shpejt të informohet çfarë ka ndodhur në Maqedoni rreth arratisjes së Nikolla Gruevski. Por ai u shpreh i habitur dhe shtroi pyetjen se si katër vende mike të Maqedonisë lejuan arratisjen e ish kryeministrit.

Zoran Zaev, kryeministër i Maqedonisë: “Jam informuar nga Ministria e Brendshme dhe e di deri më tani ku kanë mbërritur punët dhe besoj se shumë shpejt opinionit do t’i bëhen të ditura detajet çfarë ka ndodhur në Republikën e Maqedonisë, sepse e dimë çfarë ka ndodhur në Shqipëri, Mal të Zi, Serbi dhe në Hungari. Mbetet pyetja si miqtë tanë, katër vende, e kanë lejuar këtë dhe gjithsesi mbetet pyetja si tre vende anëtare të NATO-s, duke demonstruar sundim të së drejtës, e them këtë nën thonjëza, në kohën kur shoqëria e Maqedonisë, Parlamenti i Maqedonisë seriozisht është fokusuar për shkak të frymëzimit të madh me të drejtë për të qenë anëtare e BE-së dhe e NATO-s, pikërisht kjo ndodh. Por, për këtë janë hetimet, për këtë janë informacionet të cilat do të ndahen me opinionin”.

Ai nënvizoi më tej se është parë nga të gjithë dhe konfirmuar se me automjete diplomatike të Hungarisë dhe i shoqëruar nga diplomatë hungarezë, Gruevski ka mbërritur në Budapest. Zaev i referohet udhëtimit të ish kryeministrit nga Shqipëria për në Mal të Zi, Serbi e më pas në Hungari. Ndërkohë, Zaev tha më tej se nuk është e vërtetë që ka komunikuar me Nikolla Gruevskin një ditë para se ai të arratiset nga shteti. Ai thotë se kontakti i fundit me të ishte me 27 prill./abcnews.al

TRUMP-FLORIDA.mpg_snapshot_00.00.jpg
ad min23:51 | 13/11/2018

Presidenti Donald Trump do t’u përgjigjet me shkrim pyetjeve të hetuesit të posaçëm Robert Myler në lidhje me nderhyrjen ruse në zgjedhjet presidenciale të 2016-s. Lajmin e ka bërë të ditur një burim i afërt me çështjen për agjencinë “Rojters”, sipas të cilit përgjigjia e presidentit ka gjasa të vijë këtë javë. Pyetjet e Myler të cilave Trump u duhet t’u japë përgjigje kanë të bëjnë vetëm me përfshirjen e Moskës në zgjedhje dhe jo me përpjekjet eventuale të kreut të shtetit për të penguar hetimet.

Mes pyetjeve është edhe një që lidhet me takimin e mbajtur në qershor të 2016-s mes djalit të presidentit, Donald Trump Xhunior dhe disa anëtarëve të stafit elektoral të tij me një avokate ruse. Burimi i cituar nga “Rojters” shton se, shefi i Shtëpisë së Bardhë është takuar tashmë me avokatin e tij për të përgatitur përgjigjet./abcnews.al

VRASJA-E-EDISON-HARIZAJ-VIJON-PA-AUTOR-1280x720.jpg
ent ela15:13 | 10/11/2018

Policia nuk ka asnjë të dyshuar nga autorët që vranë Edison Harizaj bashkë me mikun e tij me bresheri plumbash automatiku pranë vendit të njohur si Bregu i Kanalit në Durrës. Familjarët e të ndjerit nuk kanë pranuar të flasin për grupin hetimor ndërsa, kërkojnë zbardhjen e ngjarjes. 

Edhe pse kanë kaluar disa ditë nga ekzekutimi i tipit mafioz të Edison Harizaj dhe shokut të tij Genci Caca, policia ende nuk asnjë person të prangosur apo të dyshuar për ngjarjen e rëndë që tronditi qytetin bregdetar të Durrësit mbremjen e 6 nëntorit.

Pista kryesore që pohetohet është “larje hesapesh” mes grupeve rivale që operojnë në qytetin e Vlorës, Durrësit dhe Tiranës. Prej më shumë se 1 viti Harizaj lëviste me automjet të blinduar në rrugët e qytetit të Vlorës, ndërsa Caca ishte njeriu i besuar i tij që kishte rolin e shoferit dhe të badigardit. Familjarët e të ndjerit nuk kanë pranuar të flasin dhe të japin hollësira para oficerëve të policisë së qytetit bregdetar për të kaluarn e Harizajt, por, kanë këruar që policia të zbardh ngjarjen sa më parë të jetë e mundur dhe autorët të vihen para ligjit. Gjithashtu po kqyret edhe aparati telefonik i viktimës, për të parë se kush kanë qenë personat e fundit që ka komunikuar Edison Harizaj. Grupit hetimor dyshon se, 39-vjeçari ishte monitoruar hap pas hapi dhe se atentatorët ishin siguruar që nuk po udhëtonte me automjet të blinduar, duke i bërë pritë në rrugën dytësorë në unazën e Plazhit të Durrësit. Uniformat blu shoqëruan mbi 30 persona, me precedentë, persona që u gjetën afër vendit të ngajres si edhe persona me të cilët dy viktimat kanë pasur komunikime, por që më pas u lanë të lirë.

Burime nga policia e shtetit theksojnë se disa muaj më parë kishte mbërritur nga Belgjika një dosje voluminoze për Edison Harizaj, ku dyshohej si i përfshirë në trafikun e lëndëve narkotike dhe në shfrytëzimin e prostuticionit.  Edison “faqedjeguri” ose Edisoni i “shtatë pallateve” siç e njihnin vlonjatet viktimen, ka qenë i hetuar për vrasjen e Gjyqtarit Skerdilajt Konomi të ndodhur në gusht të 2011. Por hetuesit nuk siguran prova për përfshirjen e tij në atë ngjarje. Në Tiranë, i ndjeri kishte lidhje të ngushte e Emiljano Shullazit, ndërsa prej disa kohësh zotëronte disa lokale dhe hetole në Vlorë dhe Durrës. /abcnews.al

kosovaa.png
ad min17:50 | 20/10/2018

Presidenti serb Aleksandër Vuçiç është parë në vështirësi gjatë një konference për shtyp në Beograd. Shkak u bë një pyetje nga gazetarja e Kosova Press e cila e pyeti në anglisht se çfarë kushtesh kishte Serbia për njohjen e Kosovës. Presidenti serb u përpoq të përgjigjej me diplomaci në gjuhën serbe, por çdo gjë në pamjen e tij tradhtonte qetësinë.

Moment shumë i vështirë, për presidentin e Serbisë, Aleksander Vuçiç në Beograd, gjatë një konference për shtyp në Beograd. Gazetarja nga Kosova e Agjencisë së Lajmeve KosovaPress, Nerënxa Jakupi e pyeti shkurt në gjuhën angleze se “çfarë kushtesh ka Serbia për njohjen e Kosovës si shtet?”.

Vuçiç u përpoq të tregohej i ftohtë ndaj gazetares shqiptare, por nuk ia doli. Megjithatë, pavarësisht tensionit të krijuar presidenti serb është përgjigjur. Kreu i shtetit serb përsëriti dhe njëherë më shumë qëndrimin e njohur të vendit të tij, sipas të cilit dëshiron kompromis me shqiptarët ku të dyja palët do të humbisnin diçka. Menjëherë pas kësaj, kur po pyetej nga një gazetar tjetër, presidenti serb po fshinte fytyrën duke mos qenë aspak i përqendruar. Ndonëse pyetja iu bë në gjuhën angleze, ai është përgjigjur në serbisht, por gjatë konferencës është përgjigjur edhe në gjuhën angleze./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono