Putin

vladimir-putin-dhe-erdogan.jpg
nev ila11:09 | 22/10/2019

Presidenti i Turqisë Erdoan dhe lideri i Kremlinit Vladimir Putin do të takohen për të diskutuar rreth situatës aktuale në Siri. Ndërkohë Erdoan u ka dhënë kohë deri pasditen e të martës kurdëve për tu tërhequr nga verilindja e Sirisë. Kurse armëpushimi skadon në 22 të ditës së sotme.

Civilët kurdo sirianë kanë hehdru patate dhe fruta të prishura kundër disa prej automjeteve ushtarake amerikane që po tërhiqeshin drejt Irakut. Në të njëjtën kohë rreth 50 automjete të militantëve të ushtrisë së lirë siriane, aleate të Turqisë, mbërrinte në qytetin e Ras al Ain, pas tërheqjes së militantëve kurdë. Ndërkohë armëpushimi skadon të martën në orën 22.00.

Ankara parashikon se në fund të kësasj faze të parëm do të marrë kontrollin e një zone prej 120 kilometrash. Në një moment të dytë Ankara do të shtrijë kontrollin e saj në një zonë prej 444 kilometrash.

Fati i armëpushimit varet dhe nga takimi mes presidentit turk Erdoan dhe liderittë Kremlinit Vladimir Putin të cilët do të diskutojnë për linhat e kuqe, bashkëpunimin me forcat e Asaddhe me policinë ushtarake ruse të pranishme në terren.

Erdoan paralajmëron kurdët se nëse tërheqja nga zona kufitare nuk do të ndodhë deri pasditen e të martës, atëherë sulmet do të rifillojnë. Presidenti rus Putin nga ana e tij do të duhet të bëjë ndërmjetësuesin në përpjekje për të arritur një kompromis mes Turqisë, Shteteve të bashkuara të AMerikës, presidentit sirian Al Asad dhe kurdëve.

Për Kremlinin është e rëndësishme që të gjitjha territoret aktualisht nën kontrollin turk në very, të kalojnë në duart e Damaskut, sidomos autostrada M4, e cils shtrihet rreth 30 kilometra në jug të kufirit me Turqinë. Kjo është rrugë lidhëse shumë e rëndësishme mes veriut dhe lindjes në Siri por dhe për pjesën tjetër të vendit. Rruga kalon nga kufiri me Irakun nëpër qytetin e Manbij, për  të mbërritur në Latakia ku ndodhet një nga dy bazat ushtarake ruse

Në tryezën e bisedimeve do të jetë dhe Irani i cili e konsideron të papranueshëm cdo veprim të Turqisë për të vendosur baza ushtarake në Siri./abcnews.al

trump-and-putin.jpg
ent ela15:16 | 13/10/2019

Presidenti rus Vladimir Putin nuk fajëson homologun e tij Donald Trump për nivelin e ulët të marrëdhënieve mes Uashingtonit dhe Moskës. Në një intervistë për mediat arabe, Putin ka deklaruar se shkak për gjendjen në të cilën raportet dypalëshe ndodhen është politika e brendshme amerikane.

Moska nuk fajëson presidentin Donald Trump për dështimin në përmirësimin e marrëdhënieve mes Shteteve të Bashkuara dhe Rusisë.

Deklarata është bërë nga presidenti rus Vladimir Putin, në një intervistë për televizionet arabe.

“Ne e dimë që edhe gjatë fushatës së mëparshme elektorale të tij ai foli në favor të normalizimit të marrëdhënieve, por për fat të keq një gjë e tillë nuk ka ndodhur ende”, ka thënë Putin për televizionet “Al Arabia”, “Skaj Njuz Arabia” dhe “Radio Televizionin Arab”.

“Por ne nuk kemi pretendime pasi të gjithë po e shohim se çfarë po ndodh në politikën e brendshme amerikane”, ka shtuar Putin.

Kreu i Kremlinit është shprehur se, pikërisht agjenda e brendshme politike nuk po lejon Trump që të ndërmarrë hapat në përmirësimin e marrëdhënieve dypalëshe.

Megjithatë, ai ka theksuar se Moska është e gatshme të bashkëpunojë me çdo administratë amerikane, në çdo nivel që vetë Uashingtoni të dëshirojë. Ndër të tjera, Putin ka deklaruar se Rusia ka armatime që mund të neutralizojnë çdo kërcënim që vjen nga raketat e NATO-s të vendosura në Poloni dhe Rumani.

“Këto raketa sigurisht që përbëjnë kërcënim për ne, pasi janë pjesë e një përpjekjeje për të ulur potencialin tonë bërthamor. Por nga ana tjetër është mëse e qartë se kjo përpjekje do të dështojë”, ka shtuar Putin.

Intervista e presidentit rus u transmetua ditën e diel, në prag të vizitës së tij për në Arabinë Saudite, më 14 tetor. /ABC News Albania 24/7

medvedev-vucic.jpg
nev ila12:50 | 12/10/2019

Kryeministri i Rusisë, Dimitri Medvedev, do të vizitojë Beogradin më 20 tetor. Merdiat serbe shkruajnë se ai do të tregojë qartë qëndrimin e Moskës zyrtare dhe presidentit, Vladimir Putin, për çështjen e zgjidhjes së problemit Kosovë-Serbi.

Kreu i ekzekutivit rus do të flasë dhe në parlamentin e Serbisë, ku do të jenë të pranishëm edhe krerë të politikës serbe dhe trupa diplomatike.

Medvedev do të pritet në Serbi nga kryeministrja Ana Brnabiç dhe do të takohet dhe me presidentin Vuçiç./abcnews.al

D7UHLZXI54I6TIZJON4PX6Q3MM-1280x854.jpg
ent ela12:38 | 09/10/2019

Me rastin e 67 vjetorit të tij, presidenti rus Vladimir Putin ka publikuar disa fotografi që janë realizuar në Siberi, teksa ai po pushon duke kërkuar kërpudha.

Pasurohet në këtë mënyrë seria e fotografive që tregojnë liderin e vendit në situata jo të zakonshme për një kryetar shteti.

Në të kaluarën ai ka pozuar me veshje sportive të ndryshme, por dhe me armë. Por Putin e ka vendosur veten dhe në rolin e arkeologut dhe peshkatarit. /ABC News Albania 24/7

 

PUTIN-SIRI-LUFTA-ABCM5T1.mpg_snapshot_00.01-1280x720.jpg
ent ela12:30 | 04/09/2019

Presidenti rus Putin i ka kërkuar homologut të tij sirian Asad një shumë prej 3 miliardë dollarësh. Sipas Putin, ky është shpërblimi për kontributin që Rusia ka dhënë gjatë luftës që ende vazhdon në Siri.

Miqësia mes Bashar Al Asad dhe Vladimir Putin nuk është më njësoj. Kriza mes dy aleatëve u shkaktua nga fatura e hidhur prej 3 miliardë dollarësh. Italiania “La Stampa” shkruan se Moska i ka kërkuar presidentit të Sirisë një shpërblim për kontributin që ka dhënë gjatë luftës.

Në fakt, Putin pretendon nga Damasku një shpërblim prej 3 miliardë dollarësh për mbështetjen ushtarake gjatë luftës së shpërthyer tetë vjet më parë e që zgjat ende. Por araka e shtetit në Siri është bosh e për këtë arsye Asad do të sakrifikojë pasurinë e tij personale.

Asad fillimisht u kishte thënë rusëve se nuk mund të paguante një shifër kaq të lartë. Si reagim, Moska ndërpreu furnizimet dhe nisi të sulmonte disa nga anëtarët e klanit të Asad, mes të cillëve dhe kushëririn e tij.

Rusët akuzuan këtë të fundit se ishte pasururar gjatë luftës. Putin ishte vënë në dijeni për llogaritë të ndryshme bankare të tij jashtë vendit. Ai u arrestua dhe pasuria e tij prej miliarda dollarësh u bllokua. Rusia në këtë mënyrë pranoi të qëndronte ende në krah të sirianëve në luftimet për të rimarrë kontrollin në provinvën e Idlib.

Asad gjithashtu shiti disa miniera dhe impiante industriale shtetërore që përfunduan në duart e oligarkut rus Genadi Timshenko, një mik i madh i Putin. /ABC news Albania 24/7

p054c3sb.jpg
ad min19:15 | 13/08/2019

Presidenti francez Emmanuel Macron do të përpiqet të bindë homologun e tij rus Vladimir Putin që të rifillojë bisedimet e paqes me Ukrainën. Putin do të udhëtojë në resortin e Macron në jug të Francës më 19 Gusht për një dialog dypalësh në prag të samitit të grupimit G7.

Lideri francez është i prirur t’i tregojë Moskës se nuk është e izoluar pavarësisht se u dëbua nga grupimi pas aneksimit të Krimesë në vitin 2014. Kërkesa e Macron do të vijë pasi presidenti i ri ukrainas i propozoi më 6 gusht kreut të Kremlinit rifillimin e bisedimeve pasi 4 ushtarë ukrainas mbetën të vrarë në rajonin e Donbasit.

Konflikti mes trupave ukrainase dhe atyre pro-ruse u ka marrë jetën 13 mijë personave që prej 2014-s. Një armëpushim i ndërmjetësuar nga Franca dhe Gjermania i dha fund konfliktit një vit më vonë, por megjithatë përleshje të përmasave të vogla regjistrohen rregullisht./ABC News Albania 24/7

putin-putin.jpg
nev ila18:04 | 05/08/2019

Pak ditë pas tërheqjes zyrtare të Amerikës nga traktati bërthamor i Luftës së Ftohtë, mes Rusisë dhe Shteteve të Bashkuara kanë filluar fërkimet. Presidenti rus Putin ka paralajmëruar se Moska është gati të zhvillojë raketa të reja nëse Uashingtoni ndërmerr një hap të tillë.

Presidenti rus Vladimir Putin paralajmëroi të hënën se Moska do të detyrohet të prodhojë raketa të reja bërthamore nëse Shtetet e Bashkuara e bëjnë një gjë të tillë. Bëhet fjalë për raketat me rreze të mesme veprimi dhe me bazë tokësore, që ndaloheshin në kuadër të traktatit të Luftës së Ftohtë, nga i cili Amerika u tërhoq të premten e kaluar.

Pas mbledhjes së këshillit të tij të sigurisë, Putin urdhëroi ministritë e Mbrojtjes dhe të Jashtme, si dhe shërbimin sekret SVR që të monitorojnë nga afër lëvizjet e palës amerikane në këtë aspekt.

“Dhe nëse Rusia merr informacion të besueshëm që Shtetet e Bashkuara kanë përfunduar së zhvilluari këto lloj sistemesh raketore, atëherë ajo nuk do të ketë rrugë tjetër veçse të angazhohet në një përpjekje analoge”, deklaroi Putin.

Shtetet e Bashkuara e braktisën traktatin me argumentin se Moska e kishte shkelur atë dhe kishte vendosur të paktën një model raketash të ndaluara në gjendje gatishmërie, akuzë kjo që është hedhur poshtë nga Kremlinit.

Në vijim të fjalimit të tij, Putin tha se është e domosdoshme që Shtetet e Bashkuara dhe Rusia të rifillojnë bisedimet për kontrollin e armëve, në mënyrë për të parandaluar atë që e quajti një “garë të shfrenuar armatimi”.

“Në mënyrë që të shmanget kaosi, ne duhet sa më parë të peshojmë pasojat e rrezikshme të tij dhe të nisim një dialog serioz, të çliruar nga çdo ambiguitet”, shtoi Putin./ABC News Albania 24/7

4095BAEB-CD53-40D6-947D-8FDCF1C1BFC9_w1023_r1_s.jpg
ent ela11:15 | 28/07/2019

Presidenti i Francës, Emmanuel Macron tha se e ka ftuar homologun e tij rus, Vladimir Putin për bisedime muajin e ardhshëm.

Bisedimet pritet të mbahen në kështjellën Breganco, që gjendet në brigjet e Detit Mesdhe.

Macron tha se do të takohet me Putinin më 19 gusht, vetëm disa ditë përpara se të jetë nikoqir i samitit të G7-ës.

Presidenti i Francës tha se bisedimet me Putinin do të mbahen në kështjellë, pasi sipas tij, një ambient i tillë mundëson “që të punohet në izolim… dhe pritjen e liderëve të huaj, ashtu siç do të bëj pas disa javësh me Vladimir Putinin”.

Agjencia e shtetërore e lajmeve ruse TASS raportoi se Kremlini ka konfirmuar se po bëhen përgatitjet për vizitën e Putinit në Francë.

Udhëheqësit e shtatë vendeve më të zhvilluara të botës pritet të takohen në qytetin francez Biarritz. Samiti do të nisë më 24 dhe do të përfundojë më 26 gusht.

Franca a presidencën e G7 këtë vit. Në këtë grup po ashtu bëjnë pjesë Britania, Kanadaja, Gjermania, Italia, Japonia dhe Shtetet e Bashkuara.

Ky grup më herët quhej G8 dhe bënte pjesë edhe Rusia, por u përjashtua nga ky grup pas aneksimit të gadishullit ukrainas të Krimesë. /REL

zelenski-putin-1280x670.jpg
nev ila23:59 | 08/07/2019

Sikurse kishte paralajmëruar, presidenti i ri i Ukrainës i ka bërë një ofertë për dialog homologut rus Putin. Volodimir Zelenskij ka deklaruar se është e nevojshme që palët të diskutojnë në lidhje me përkatësinë e Krimesë, në një proces ku të jetë i përfshirë edhe faktori ndërkombëtar.

Presidenti i Ukrainës, Volodimir Zelenskij deklaroi të hënën se është gati të takohet me liderin rus Vladimir Putin në Minsk dhe të përfshihet me të në një proces bisedimesh ku të pranishme të jenë edhe Shtetet e Bashkuara, Britania e Madhe, Gjermania dhe Franca.

Marrëdhëniet mes Ukrainës dhe Rusisë kanë qenë shumë të tendosura që nga aneksimi i gadishullit të Krimesë në vitin 2014 nga Moska dhe mbështetja që ajo u ofroi separatistëve në rajonin e Donbasit, në Ukrainë, konflikt që ka marrë 13 mijë jetë njerëzish.

Marrëveshja e armëpushimit e nënshkruar në vitin 2015 në kryeqytetin e Biellorusisë me mbështetjen e Francës dhe Gjermanisë ka patur sukses të kufizuar sa i takon dhënies fund të akteve luftarake.

“Tani dua t’i drejtohemi presidentit rus Vladimir Putin. Është e nevojshme të flasim, të diskutojmë se kujt i përket Kkrimea dhe çfarë po ndodh në rajonin e Donbasit”, deklaroi Zelenskij.

Nga ana e tij, Kremlini reagoi duke thënë se do ta shqyrtojë ofertën e presidentit ukrainas.

“Kjo është një iniciativë e re dhe sigurisht që do të merret në konsideratë”, deklaroi zëdhënësi i Kremlinit, Dmitri Peskov.

Megjithatë, ai nënvizoi se më parë duhet të shihen shanset nëse një takim i tillë është i mundur dhe se në çfarë formati do të zhvillohet ai. Më herët para zgjedhjes president, Zelenskij kishte deklaruar se ishte i gatshëm të negocionte me Rusinë për t’i dhënë fund luftës në lindje të Ukrainës, si dhe kishte shprehur vullnetin që Ukraina t’i bashkohet NATO-s dhe BE-së./ABC News Albania 24/7

putinn-1280x708.jpg
nev ila16:30 | 04/07/2019

Presidenti rus Vladimir Putin që prej mesditës së sotme ka nisur një vizitë zyrtare në Itali. Takimi i parë zyrtar ka qenë me Papa Franceskun në Vatikan. 43 makina sigurie dhe 8 motocikleta ishin eskorta e automjetit të kreut të Kremlinit. Dhe pse mund të duket i gjatë ky varg automjetesh – duhet 1 minutë e 47 sekonda filmim për ta parë të plotë – është gjithësesi më i vogël në krahasim me eskortën e Donald Tramp. Presidenti i Shteteve të Bashkuara të Amerikës, kur vizitoi Romën, shoqërohej nga 70 automjete.  Më pas kreu i Kremlinit do të takohet me Presidentin e Republikës Serxho Matarela në presidencë, dhe pasdite me kryeministrin italian Xhuzepe Konte. Darka do i rezervohet dy zëvendës kryeministrave italianë Luixhi Di Majo dhe Mateo Salvini. Ndërkohë që është parashikuar dhe një takim privat me ish kryeministrin italian Silvio Berluskoni. Çështjet ekonomike do te jene ne qender te takimeve te nivelit te larte.  Për shkak të sanksioneve reciproke te vendosura mes vendeve te BEse dhe SHBA me Rusine, Italia zbriti nga vendi i 3-4 në listën e partnerëve ekonomik ne rusine në 8. Rusia është vene ne sanksione evropiane dhe amerikane që nga viti 2014 për shkak të krizës ukrainase./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono