pushteti

PROVOKACIA-8-NENTOR-MONOLOG-YLLI-RAKIPI.mpg_snapshot_14.33-1280x720.jpg
ent ela22:05 | 08/11/2019

Ylli Rakipi rrëfeu në studion e “Provokacija” se ishte duke shkruar një libër për të gjitha ato që ka parë në këto 30 vite dhe sesi pushteti i ka bërë qesharakë si Ramën dhe Berishën.

“Rama nuk mban dot peshën e pushtetit, pesha e pushtetit të vret të bën qesharak. Pesha e të gjithë këtij pushteti të bën qesharak. Edhe Berisha në fare pak vite, pesha e madhe e pushtetit e bëri qesharak. Mbeti vetëm. Luftonte me Don Kishotin. Në ‘97 ra gjithçka kishte rënë ishte krijuar një rrënojë e madhe. Ishte vetëm Sali Shehu në qendër të qytetit me dy autoblinda kalonte nga universiteti tek Presidenca dhe nuk kuptonte kë komandonte. Kishte rënë gjithë shteti”.

Të gjitha këto Rakipi mendon t’i përfshijë në librin e tij.

I pyetur nëse ka bërë mea culpa për ato gjëra që ka bërë pas viteve ’90 ai shprehet se në këtë stad ku ka arritur gazetaria sot është e turpshme të bësh një gjë të tillë, por sipas tij kjo kategori gazetarësh dhe pronarësh i duhen regjimit.

“Ne jemi përpjekur të jetojmë në këto kohë. Vija nga një pjesë e shtypur dhe isha atje ku duhej të isha me idenë që ikën këta dhe duhej të vinim ne…! Sa u përket medias unë besoj që kam ardhur drejt një përmirësimi të dukshëm. Nëse i bashkohesh politikës je kot aty, je një njeri që nuk ke vlera.

Pjesë e jetës sime është ajo që kam shkruajtur. Siç ishim në vitin 1998 me “Koha Jonë”: e fortë për socialistët dhe ne “Albania” por të besh mea culpa duke parë se si kanë hequr mender bre*et sot gazetarët, është e turpshme. Kjo kategori gazetarësh dhe pronarësh i duhen regjimit. Ndryshe regjimi nuk jeton dot”. /abcnews.al

bashkia-rrogozhine-1280x720.jpg
ad min11:03 | 30/07/2019

Pushteti i Bashkisë së Rrogozhinës kaloi paqësisht në duart e socialistëve. Këtë të hënë u konstituua Këshilli i ri Bashkiak, ndërkohë që më pas u betua edhe kryetari i ri, Haxhi Memolla. Ky i fundit pasi kreu betimin mori një përqafim nga ish-kryetari Beqir Nuredini.

“Pushteti kaloi paqësisht. Falenderoj të gjithë palët që ishin pjesëmarrëse. Gjithashtu edhe kryetarin e bashkisë aktual sepse kemi pasur marrëdhënie të mira gjatë këtyre 4 vjetëve që kam punuar dhe kam qenë nënkryetar bashkie bashkë me të”, tha Haxhi Memolla.

Ndërkohë nga ana tjetër, ish-kryetari Beqir Nuredini në një prononcim të shkurtër për mediat deklaroi se e konsideron të pavlefshëm procesin e 30 Qershorit. Ndër të tjera, Nuredini theksoi se nuk ka ndërmend të përplasë qytetarët e Rrogozhinës me njëri-tjetrin, kështu që ka vendosur ta lirojë paqësisht godinën ku punoi për katër vite.

“Sigurisht që e konsiderojmë të pavlefshëm të gjithë këtë proces për aq kohë sa edhe dekreti i Presidentit për ne është i vlefshëm dhe është akoma në fuqi. Një qeveri që ka kapur të gjitha pushtetet sigurisht që ka gjykuar të vlefshme të merrte dhe këtë godinë në Bashkinë e Rrogozhinës. Unë nuk kam ndërmend të përplas njerëzit me njëri-tjetrin për aq kohë sa janë bashkëqytetarë dhe jetojnë me njëri-tjetrin, kështu që kam vendosur ta liroj paqësisht këtë godinë me këtë arsyetim besoj të logjikshëm”, tha Nuredini.

21 anëtarë do të ketë Këshilli Bashkiak i Rrogozhinës, 20 prej të cilëve i përkasin Aleancës për Shqipërinë Europiane dhe 1 i përket Demokracisë Sociale. Në mbledhje qw u zhvillua këtë të hënë ishin të pranishëm edhe Arben Ahmetaj dhe Elisa Spiropali. Rrogozhina është një prej bashkive ku Partia Socialiste nuk pati kundërshtarë përballë më 30 Qershor dhe nga PDIU-ja kalon në drejtimin e PS-së. /abcnews.al

pushteti.jpg
ad min10:25 | 30/07/2019

Elita në pushtet në Moskë reagon gjithnjë e më me nervozizëm ndaj protestave të popullit. Përkundrazi, opozita po e humbet frikën.

Ato që të forcojnë janë fitoret. Në konfliktin në Moskë midis pushtetit shtetëror dhe opozitës,kjo e fundit ka dalë fituese morale. Kush e mbron një polic që rreh me shkop një vajzë të shtrirë përtokë, vetëm sepse ajo kërkon zgjedhje korrekte? Kush duartroket për punonjësit e shërbimit sekret, që transportojnë të rinjtë e përgjakur prej tyre, sepse ata shfrytëzojnë të drejtën e tyre për të demonstruar?

Kush e merr anën e nëpunësve me maska, që nxisin qentë e tyre të stanit kundër protestuesve? Simpatia është në anën e protestuesve. Madje gjithmonë. Imazhet e trupave të Kremlinit që rrahin pa mëshirë të shkaktojnë neveri. Ato bëjnë të qartë se në Rusi, pushteti ka përparësi ndaj së drejtës. Në një demokraci është e kundërta.

Pamjet që tregojnë demonstruesit që i rrahin i panë miliona; njerëzit janë indinjuar me atë që kanë parë, në Rusi dhe në mbarë botën. Kompanitë perëndimore, duke përfshirë Siemens-in, Wintershall-in ose Daimler-in, që vazhdojnë të investojnë në Rusi, duhet t’i shohin në fakt ato. Ai që e mbështet tani regjimin, duhet ta justifikojë veten në Perëndim.

Një zgjedhje në thelb e parëndësishme

Si mund të vinte puna deri këtu në Rusi? Bëhet fjalë për zgjedhjet për Parlamentin e qytetit të Moskës, më 8 shtator. Kjo të çudit. Sepse ky parlament vendos për pak gjëra. Për shkak të rëndësisë së vogël, askush nuk ka qenë i interesuar për këtë zgjedhje lokale, as votuesit. Megjithatë, këtë herë donin të konkurronin dhjetëra kandidatë të opozitës, gjë që Kremlini e pengoi me argumenta jo bindës. Prandaj edhe protestat. Por kur qeveria godet edhe në një votim politik relativisht të parëndësishëm, çfarë do të ndodhë kur të vijë puna vërtet për çështjen e pushtetit: për zgjedhjet për në Duma, për zgjedhjet presidenciale?

Elita në pushtet që sundon me Presidentin Putin i frikësohet gjithnjë popullit. Dhe ka arsye të forta për këtë. Aparati shtetëror është i korruptuar. Ai duhet të përgjigjet për rrethanën që standardi i jetesës së rusëve po bie prej vitesh, që ekonomia është në stanjacion, që infrastruktura jashtë qyteteve të mëdha po shkatërrohet, që të rinjtë e arsimuar po largohen nga vendi.

Që nga e ashtuquajtura reformë e pensioneve, miliona të moshuar ndihen të mashtruar nga shteti. Presidenti Putin ka vite që u premton përmirësime bashkatdhetarëve të tij. Por atij nuk i beson më thuajse askush. Votuesit ka mundësi t’i ikin qeverisë. Prandaj nuk lejohet që të kandidojnë politikanët e opozitës. Prandaj, kontrollohet shtypi, prandaj përndiqen penalisht gazetarët e pavarur. Kremlini u frikësohet protestave si djalli temjanit; një refleks tipik i pushtetit në një shtet ku nuk sundon e drejta.

Fundi i frikës

Elita e tanishme e pushtetit ende mbahet. Ajo ka frikë se do të humbasë burimet e të ardhurave. Por ajo sfidohet nga politikanët e opozitës, që e kanë humbur plotësisht frikën: që sakrifikojnë karrierën e tyre, që pranojnë t’i burgosin e përndjekin, që nuk kursejnë as jetën e tyre dhe as të shokëve të tyre. Ata fitojnë veçanërisht shumë autoritet, kur shteti përdor kundër tyre dhunën – si të shtunën./DW

sudan.jpg
ad min14:30 | 03/06/2019

Republika e Sudanit po kalon në një valë protestash për të rrëzuar sistemin autoritar, i cili e ka përfshirë vendin prej 30 vitesh. 9 viktima janë shënuar ditën e sotme nga forcat ushtarake. Edhe pas reagimeve të ndërkombëtarëve duket se kjo situatë nuk do të ndalet.

Të paktën 9 protestues janë qëlluar për vdekje nga ushtria e Sudanit me qëllim për të larguar protestuesit nga baza ushtarake e Khartumit. Një grup mjekësh kanë thënë se të shtënat janë dëgjuar edhe në qytetet e tjera.

Forcat ushtarake kanë marrë masa të forta sigurie duke vendosur një numër të madh armësh në të gjithë kryeqytetin. Protestuesit kanë mbyllur të gjitha rrugët e qytetit për të penguar çfarëdo lloj lëvizjeje të ushtrisë.

Shtetet e Bashkuara dhe Britania kanë reaguar duke bërë thirrje për t’i dhënë fund sulmeve ndaj protestuesve të cilët dëshirojnë që forcat e armatosura të kontribuojnë në dorëzimin e presidentit veteran Omar al-Bashir.

Tubimet kundër sundimit autoritar të presidentit Omar al-Bashir, i cili e udhëhoqi vendin për tre dekada , nisën në muajin prill. Ndërsa protestuesit vazhdojnë betejën kundër forcave ushtarake u bëjnë thirrje gjeneralëve të heqin dorë nga ky sistem tranzitorë në të cilin ndodhet vendi i tyre.

Ambasadori i Shteteve të Bashkuara reagoi duke thënë se sulmet kundër civilëve dhe protestuesve të tjerë janë të gabuara dhe duhet të ndalen menjëherë. Edhe Ambasadori i Britanisë në Khartoum, Irfan Sidik, tha se kish dëgjuar të shtëna të shumta nga banesa e tij.

“Jam jashtëzakonisht i shqetësuar nga situatë. Bëhet me dije se forcat ushtarake Sudaneze po sulmojnë protestuesit duke çuar në viktima pa patur ndonjë arsye për të ndodhur diçka e tillë”, shkroi ai në Twitter./ABC News Albania 24/7

Basha-ne-vore-1280x701.jpg
ad min19:15 | 01/06/2019

Kryetari i Partisë Demokratike Lulzim Basha publikoi një video në rrjetin social “Facebook”, me mesazhin se Edi Rama nuk ka më shanse të vazhdojë të drejtojë qeverinë bashkë me krimin. Në video renditen faktet që sipas kreu të PD do duhej ta kishin detyruar një kryeministër normal të jepte dorëheqjen e të largohej pa kosto për vendin.

Sipas Bashës, në rastin e Kryeministrit, këto fakte lidhen me marrjen e pushtetit përmes blerjes së votave me krimin e paratë e korrupsionit. Në video Basha rendit 20 rase për të cilat Rama duhej të ishte larguar, që nga pakti me krimin, tek keqqeverisja, dhunimi i qytetarëve e korrupsioni. Postimi mbyllet me mesazhin “Për çlirimin e Shqipërisë nga e keqja! Asnjë hap pas!”/ABC News Albania 24/7

mirela-kumbaroo-1280x715.jpg
ad min21:05 | 10/05/2019

Pushteti i transformon njerëzit, por a ka qenë ky rasti i Mirela Kumbaros. Ish-ministrja ishte e ftuar në emisionin “Provokacija” nga Mustafa Nanos. Ajo iu përgjigj pyetjes së moderatorit duke thënë se gjithkush ka të drejtën e tij për ta menduar atë gjë edhe pse nuk e beson se ka ndodhur një gjë e tillë.

Ajo theksoi gjithashtu se të qenit ministre nuk ka qenë pjesë e ambicies së saj.

“Për fat të mirë u bëra ministre në një moshë kur ka kam kaluar eksperienca jo të vogla dhe jo të pakta në jetë, kur i kam vendosur tashmë shtyllat e stabilitetit tim profesional dhe intelektual dhe duke pohuar dhe ripërsëritur se të qenit ministre nuk ishte pjesë e ambicies time të jetës dhe pjesë e planit tim, as të karrierës sime.

Unë e pranova si një detyrë dhe si një evolucion të natyrshëm të një individi që ka ndërtuar gjithë jetën me shpatullat e veta, ka punuar në profesionin e vet dhe ka mbërritur në majat e karrierës akademike dhe që krejt si detyrë qytetare ato që ka kërkuara nga shoqëria dhe klasa politike të marri përgjegjësinë dhe të bëjë një pjesë prej tyre.

Deri këtu nuk shoh asnjë gjë të keqe, por e gjitha më ka bërë që të jem me mendje të hapur dhe më ka bërë që të jem mbase unë kuptuese karshi ëndërrimtarëve sesa ëndërrimtarët karshi meje. Kush e mendon se unë jam transformuar është e drejta e tij. Unë nuk e besoj se ka ndodhur një gjë e tillë sepse po të ishte kështu ju vetë do ma thonit”, tha ish-ministrja Kumbaro./abcnews.al

Mile-1280x777.jpg
ad min22:00 | 03/05/2019

Pedagogu Klementin Mile, i ftuar në “Provokacija”, ka folur për temën e tij të doktoraturës “Kafsha e pabindur e pushtetit”. Ai është ndalur duke komentuar se pse njerëzit janë të prirur të ndjekin një lider karizmatik që thyen rregullat.

Mustafa Nano: Ndonjëherë është më i rëndësishëm një lider që dhunon rregullat sesa rregullat që e pengojnë liderin të marri vendime të mëdha. Njerëzit parapëlqejnë liderin e fortë dhe të rendësishëm dhe në kokën e tyre e shikojnë si një lider që ka qëllime shumë të mira. Parapëlqejnë këtë lloj lideri në raport me rregullat dhe normat me ligjet.

Klementin Mile: Kjo është e vërtetë dhe është një vëzhgim që e bëni me të drejtë. Por për mua kjo tregon se kur parapëlqehet lideri i fortë nënkuptoi se parapëlqehet një lider karizmatik, i cili ai e di se çbën. Ai që hedh më larg se të tjetër. Duket sikur ka ndonjë lloj hiri që i është dhënë nga Perëndia ose i është dhënë një fuqi mistike që është bekuar dhe e ka vetëm ky lider. Kur ne besojmë tek një lider karizmatik dhe kur preferojmë atë përkundër pushteti të kushtëzuar. Kjo do të thotë se ne kemi një dëshirë të fortë për imitim. Duke qenë se ne nuk jemi dot si ai përpiqemi thjesht ta imitojmë. As nuk e kundërshtojmë, as nuk e imitojmë dhe as nuk hyjmë në debat me të vetëm e ndjekim duke e imituar. Bëmi një shoqëri imituese, që nuk reflekton dhe që nuk ka mendim kritik./abcnews.al 

trump-3-1280x709.jpg
ad min22:40 | 18/02/2019

Presidenti Donald Trump ka ashpërsuar tonet pas zërave se elita politike në Shtetet e Bashkuara po thur një plan për rrëzimin e tij nga pushteti. I irrituar, Trump e ka cilësuar episodin një përpjekje ilegale për grusht shteti ndaj presidentit amerikan.

Presidenti Donald Trump ka reaguar ashpër ndaj një interviste televizive ku thuhej se zyrtarë të lartë amerikanë kishin diskutuar për shkarkimin e tij. Trump i është referuar intervistës së dhënë ditën e diel nga ish-shefi në detyrë i FBI-së, Endriu Mek Kejb, i cili tha se bisedimet ishin zhvilluar në vitin 2017 dhe të pranishmit i ishin referuar thirrjes së një klauzole kushtetuese që shkarkon presidentin për paaftësi.

Duke ironizuar me besueshmërinë e Mek Kejb, Trump e ka cilësuar episodin një akt tradhtie. “Kjo është tradhti. Është një përpjekje ilegale për grusht shteti”, ka thënë Trump në profilin e tij në Tëitter. Duke reaguar, kryetari i komisionit gjyqësor të Senatit amerikan, Lindsi Graham ka deklaruar se deklarata e ish-zyrtarit do të hetohet dhe e ka cilësuar atë një “përpjekje burokratike për grusht shteti”.

Në intervistën e dhënë, Mek Kejb tha se në takimin e zhvilluar dy vjet më parë kishte qenë i pranishëm edhe zëvendës prokurori i përgjithshëm Rod Rozenshtejn, si dhe anëtarë të kabinetit të Trump që mendonin se ai duhej shkarkuar përmes amendamentit të 25-të të Kushtetutës së Shteteve të Bashkuara. Por në serinë e postimeve në Tëitter, Trump ka kritikuar ashpër gënjeshtrat të treguara sipas tij nga një ish-zyrtar gënjeshtar. “Ka shum gjëra që u duhen shpjeguar miliona qytetarëve amerikane që zgjodhën një president që e pëlqenin dhe që ka bërë për ta një punë të shkëlqyer me ushtrinë, ekonominë dhe fusha të tjera”, ka thënë Trump. Sipas tij, ky episod është një akt politik tradhtar dhe ilegal në çdo aspekt. Lidhur me intervistën ka reaguar edhe Shtëpia e Bardhë që ka deklaruar se deklaratat e Mek Kejb nuk kanë besueshmëri. Ndërsa Departamenti i Drejtësisë ka thënë se informacionet e ish-shefit të FBI-së ishin të pasakta./abcnews.al

bashaselia-1280x657.jpg
ent ela13:22 | 25/10/2018

“Krimi i ka siguruar Edi Ramës 10 deri në 15 mandate përmes kërcënimit, grabitjes dhe blerjes së votës duke kthyer kriminelët në faktorin kryesor elektoral në vend.” Deklarata erdhi nga kreu i opozitës Lulzim Basha, sipas të cilit janë sërisht dokumenta zyrtarë ato të cilat nxjerrin në dritë marrjen e pushtetit nga Edi Rama në këtë formë.

“Përgjimet kanë nxjerrë në dritë faktin se kriminelët e grupit të rrezikshëm Avdylaj kanë punuar për grabitjen e votave për llogari të PS, Vangjush Dakos dhe deputetëve të Edi ramës”.

E njëjta gjë në Fushë-Krujë me Rrajat, në Lezhë me Ndokën, Kavajën e Elvis Rroshit dhe Gent Dajës, Elbasanin e Qazim Sejdinit dhe dosjen e Dibrës ku hetohen për vjedhje votash me përfshirjen e Ulsi Manjës, Damian Gjiknurit dhe Saimir Tahirit, thekson kryeopozitari Basha, sipas të cilit një pushtet që buron nga krimi do të punojë për kriminelët dhe pasqyrën më të qartë të saj e sheh tek akuzat, të akuzuarit dhe ata që shpëtojnë prej tyre.

“Sot një gazetar dhe një deputet i opozitës janë nën hetim sepse kanë denoncuar një kriminel; kryetari i opozitës thirret në prokurori se ka denoncuar një kriminel në Fushë Krujë, dhe thirret sërish në prokurori se ka nxjerrë sekretin që Taulant Balla është garant politik i pastrimit të parave.

Kush nuk është sot nën hetim: Vangjush Dako, Taulant Balla, Qazim Sejdini, Ervis Çyrbja, Damian Gjiknuri dhe të tjerë politikanë të lidhur me krimin”.

Dekriminalizimi i zgjedhjeve dhe ndarja e politikës nga krimi janë prioritete absolute të Partisë Demokratike, thekson Basha, i cili në funksion të akuzave ndaj socialistëve por edhe organit të prokurorisë shtron disa pyetje.

“Kush bën presion që mos arrestohe Dako, a po hidhen miliona.”

Partia Demokratike është e gatshme që sëbashku me aleatët e saj të përballet në zgjedhje dhe të fitojë por prioritet është rikthimi i zgjedhjeve të lira e të ndershme, përfundoi kreu i selisë blu./abcnews.al

 

edi-rama-1280x665.png
ad min10:46 | 08/10/2018

Kryeministri Edi Rama e di se kush e ka vënë tritolin në banesën e Xhisiela Malokut.

“Kush është i interesuar për të krijuar idenë se vajza është në një trysi psikologjike? Kush është i interesuar, ne? S’ka mendje, as peshqit e liqenit artificial, s’e besojnë këtë. S’ka mendje normale që e beson këtë. Ata kanë interest të cysin këtë histori me lëndë plasëse”, tha ai.

Në mbledhjen e grupit parlamentar socialist, kryeministri Edi Rama njoftoi se do të dalë e vërteta edhe për vajzën e “Babale 2”. Se sa për “Babale 1” ai është akoma më i sigurtë me zbulimet e reja që ka në duar.

E hëna është dita që Lulzim Basha të zgjohet nga gjumi sipas këshillës së kryeministrit Edi Rama dhënë në fundjavë. Sepse kishte lajme të reja pas dyshimit të prokurorisë se zërit të vëllait të ministrit të Brendshëm i është gjetur emri.

“Nuk është vetëm analiza shkencore, por vetë aktori i pa paguar sipas premtimit të Bashës, që i ka dalë për zot zërit të vet në përgjim. Edhe një herë si zakonisht ky që kërkon Vetting për thashetheme nuk ka mbajtur fjalën e dhënë dhe aktori e ka tradhtuar regjisorin se nuk i ka marrë njëlloj si Babalja eurot e premtuar për rolin”, u shpreh kryeministri.

Edi Rama thotë se zullumi është më i trashë se kaq. Dhe këtë e di edhe Lulzim Basha sipas kryeministrit që nuk jep më shumë detaje, por që paralajmëron se lojës po i vjen fundi.

“Sepse Babalja nuk ra nga qielli dhe nuk e çoi te SHQUP-i ai gazetari kurajoz dhe këtë e di mirë kryetari i opozitës, prandaj kërcënoi prokurorinë”, theksoi Rama.

Denoncimet dhe akuzat e opozitës për një pjesë të deputetëve dhe ministrave të tij e kanë bërë kryeministrin Edi Rama që të investigojë dhe të kërkojë të vertetën.

Kështu ka vepruar edhe me akuzat ndaj Taulant Ballës. Prandaj i kërkon ish-ministres së integrimit Klajda Gjosha, një ndër firmëtaret e opozitës që kërkon largimin e Taulant Ballës nga kryesimi i delegacionit parlamentar të Stabilizim Asociimit që të shohë filmimet në komisaratin e Fushë-Krujës.

“E dashur Klajda, qetësohu! Taulanti është ai që ka qenë kur bashkëpunoje me të si drejtues i delegacionit. Ai nuk e ka bërë kurrë atë që e ka tronditur kaq shumë Monikën dhe për pasojë edhe ty”, tha Rama.

Pas kësaj ose ish-ministrja do të shkruajë një letër ndjesë për Parlamentin Evropian ose kryeministri do të jetë pro përjashtimit të kryetarit të grupit parlamentar socialist.

“Nëse do gjesh gjëkundi në ato filmime Taulant Ballën, apo qoftë dhe vetë heroin, të cilin Taulanti e paska kërcënuar me pistoletë në kokë, unë do votoj bashkë me ty, jo për të hequr Taulantin nga drejtimi i delegacionit për Brukselin, por për t’i hapur rrugë arrestimit të tij, pasi ta kem kallëzuar po unë dhe ti në prokurori. Të jap fjalën publikisht për këtë. Por, ama, edhe ti, nga ana jote, po s’gjete as Taulant, as oficer policie, as deputet, as kryetar bashkie që të ketë kapërcyer pragun e komisariatit në filmimet e të gjithë asaj dite që përshkruan heroi i “Babale 2”-shit, do ia shkruash, besoj, një letër ndjese Parlamentit Europian, pavarësisht se Monika do të të thotë, Klajda, mos e bëj”, u shpreh kreu i PS-së.

Por kryeministri thotë se e di të vërtetën ndaj nuk pret reagime të ndryshme nga opozita.

“Lehje sa gdhihet deri kur ngryset dhe “të dalë, ku të dalë, motra”. Kjo është opozita”, tha Rama.

Këtë të hënë ka vendosur të nxjerrë një sekret deri më sot nga biseda e natës së 17 Majit të vitit 2017 ku dëshmitar është vetëm Lulzim Basha.

“Po çfarë duan? Ua them unë, sepse ma ka thënë Luli, pushtetin me marrëveshje në tavolinë; Njëherë ti, njëherë unë”, u shpreh Rama.

Pushtet me marrëveshja nuk ka për të patur kurrë është përgjigja përfundimtare e kryeministrit Edi Rama.

“Por është e vetmja gjë që unë Lulit nuk ia jap dot. Mund t’i jap dhe gjysmën e zemrës, por këtë nuk ia jap dot, sepse pushteti nuk është i yni, është i atyre që kanë votën dhe ata, edhe po të dal unë me Gramozin dhe t’iu lutemi, nga veriu në jug, – se Taulanti, ndërkohë, nuk del dot, se do presë sa Klajda të shikojë filmimet – dhe t’iu themi, aman na e hiqni neve pushtetin dhe jepjani Lulzim Bashës, harrojeni. Ne na marrin me gurë, por Lulzimit pushtetin s’ia japin kurrë”, theksoi Edi Rama.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono