punonjesit

spiunet-e-twiter.jpg
nev ila13:42 | 07/11/2019

Departamenti amerikan i drejtësisë akuzoi zyrtarisht dy ish nënpunës të rrjetit social Twitter për spiunazh për llogari të Riadit. Njëri prej tyre me shtetësi amerikane, u arrestua.

Dy ish nënpunës të Twitter janë akuzuar nga departamenti amerikan i drejtësisë se janë spiunë në shërbim të Arabisë Saudite. Sipas akuzave, të dy kishin për detyrë që të mblidhnin informacione në llogaritë e disa disidentëve apo kritikëve të Riad. Një nga të dy, me nënshtetësi amerikane, u arrestua.

Kjo është hera e parë që autoritetet federale amerikane akuzojnë publikisht Riadin, një nga aleatët kryesorë në Lindjen e Mesme, për spiunazh.

Ish nënpunësi i dytë i Twitter, që akuzohet për spiunazh, është saudit, dhe sipas departamentit amerikan të drejtësisë , në vitin 2015 ai ka arritur të marrë informacione personale nga 6 mijë llogari, për t’ia dorëzuar më pas Riadit.

Njëri nga këto profile i përkiste Omar Abdulaziz, nëj nga personat më të afërt me Jamal Khashoggi, disidenti saudit dhe gazetarit të Uashington Post që u vra një vit më parë nga agjentë sauditë në Stamboll./abcnews.al

burgu-fushe-kruje-1280x709.jpg
nev ila17:37 | 03/11/2019

Tetë punonjës të burgut të Fushë-Krujës janë pezulluar nga detyra, pas zbulimit të një rasti të futjes së lëndëve narkotike brenda ambienteve të burgut. Policët ishin kryesisht kontrollorë të familjarëve dhe policë të regjimit të brendshëm.

Shërbimi i Kontrollit të Brendshëm në Sistemin e Burgjeve ka zhvilluar një hetim disa mujor me metoda speciale, duke bërë të mundur zbulimin dhe dokumentimin e një aktiviteti kriminal, ku bashkëshortja e një të dënuari i dërgonte bashkëshortit të saj në qeli lende narkotike, të cilën më pas ai e shiste brenda ambienteve të burgut të Fushë-Krujës.

Personi i dënuar lëndën narkotike e shiste tek të dënuarit e tjerë kundrejt kartave telefonike, me kosto 1 mijë lekë secilën./abcnews.al

 

 

 

 

dures.jpg
ad min13:30 | 03/08/2019

E shtuna i ka gjetur në punë punonjës të bashkisë së Durrësit dhe institucionet në varësi të saj. Një ditë pasi mori detyrën Valbona Sako, kryebashkiakja e re doli në terren nga ku zhvilloi një aksion të gjerë për pastrimin e qytetit dhe zonave bregdetare. Qëllimi mbetet ofrimi i një mjedisi të pastër dhe mikpritës për të gjithë turistët të cilët Durrësin e zgjedhin për të kaluar pushimet verore. Kryebashkiakja tha se pastërtia mbetet prioritet i institucionit që ajo drejton, ndaj dhe ditën e nisi kështu./ABC News Albania 24/7

mirela-bogdani-1280x722.jpg
nev ila21:16 | 12/07/2019

E ftuara në mbrëmjen e sotme të emisionit “Provokacija” me gazetarin Mustafa Nano ka qenë Anëtarja e Këshillit Bashkiak Mirela Bogdani. Bogdani ka shprehur qëndrimin e saj lidhur me lirinë e cdo individi në shqipëri, se sa i dukshëm dhe sa shprehet. Sipas Bogdanit njerëzit e lirë po kalojnë në një minorancë të frikshme pasi njerëzit kanë frikë të komentojnë dhe të mbajnë qëndrimet e tyre të lira, lidhur sidomos me politikën shqiptare. Bogdani gjithashtu komentoi zgjedhjet e 30 qershorit, dhe qëndrimet e KQZ. Ajo tha se sjelljet e qeverisjes shqiptare lidhur me këtë situatë ishin të një neodiktature ku produktivitetin e saj e mat me numrin e pëlqimeve dhe komenteve në rrjetet sociale.

“Njerëzit e lirë po kalojnë në një minorancë të frikshme, për sa i përket lirisë së mendimit apo së fjalës etj. Këtë e shoh në fobinë e madhe të njerëzve për tu shprehur në lidhje me çdo gjë që ka të bëjë me qeverisjen apo me stablishmentin politik. Kjo gjë është aq e dukshme sidomos më median sociale. Unë e kam parë vetë që, nëse unë botoj një status në Facebook, me natyrë politike, me kritikë apo me qëndrimin tim lidhur me një situatë të caktuar, ka shumë pak njerëz që reagojnë dhe shoh një numër minimal komentesh apo pëlqimesh. Kur i takoj në rrugë, më thonë se: “i pëlqejmë shumë statuset që bën por nuk na e mban të shkruajmë sepse monitorohemi”. Flas për të gjithë ata që janë të punësuar në administratën shtetërore shqiptare. Pra ka arritur një paradoks dhe për mua është tamam një neodiktaturë, sepse të monitorosh punonjësit e tu të administratës, se si e kanë sjelljen e tij…., përpara ca kohësh doli dhe një ish zv/ Ministër i Arsimit ku tha se në mbledhjen e qeverisë, produkti më kryesor i saj, ishte që kryeministri kërkonte me grafik sa pëlqime ka, e kuptoni se ku ka arritur produktiviteti i një qeverisjeje? Unë di gjithashtu, që në ministri të caktuara, mbledhin të rinj e të reja, ku puna e tyre është të monitorojnë të gjithë punonjësit, se çfarë qëndrimi kanë ndaj statuseve të caktuara, sidomos me titullarin. Kështu që në këtë kuptim, liria është një gjë e madhe që e dëshiron çdo njeri por jo çdo njeri mund ta ketë, pse? Sepse liria vjen me një kosto shumë të madhe. Ajo fillon me kosto financiare, kosto  materiale, sociale etj. Të jesh i lirë në Shqipëri, sot, nuk duhet të kesh lidhje me shtetin shqiptar por edhe me biznesin privat, sepse edhe aty ta gjejnë anën etj, etj. Unë jam një njeri i lirë dhe fatkeqësisht jam një nga njerëzit shumë të pakët që po kalojnë në minorancë të frikshme në këtë vend. Unë jam e lirë se nuk kam lidhje me shtetin shqiptar, nuk jam e punësuar nga shteti shqiptar. Për sa i përket zgjedhjeve të 30 qershorit, kam qenë vetë te shkolla Avni Rustemi, dhe qëllimi i opozitës nuk ishte për rezultatin por për çështjen e numrit, e nivelit të pjesëmarrjes. Jam kurioze për qendrën ku isha, ku u mbajtën shënim njerëzit si numër, edhe para dy ditësh kam kontrolluar faqen e KQZ, për të parë se a kanë nxjerrë numrin, se sa vetë kanë votuar në këtë qendër votimi, dhe fakti është që nuk kanë dalë akoma. Në gjithë zgjedhjet e tjera kanë dale, vetëm në këto zgjedhje nuk kanë dalë akoma. Kjo ishte një arsye që grupet e opozitës shkuan në qendrat e votimit për të mbajtur shënim numrin e votuesve. Unë mund ta them që tani sa kanë qenë te shkolla “Avni Rustemi”, dhe jam kurioze të dëgjoj se sa do nxjerrë KQZ. Pra ky ka qenë misioni kryesor Dua të them që me analizën e pas zgjedhjeve, ajo që më ka ardhur jashtëzakonisht keq, është për presionin e ushtruar ndaj administratës, duke filluar që nga kontrolli i gishtave. Dhe rezultati në këto zgjedhje ishin 2 gjëra: Në këto zgjedhje doli një numër rekord i fletëve të pavlefshme dhe mbushja e kutive me fletë votimi tepër. Hapja e disa kutive në Lezhë më duket se është në vijim të farsës, për të thënë që: “ja shikoni po i hapim”. Jam e sigurtë që ato kuti do dalin mirë, pra siç do KQZ dhe partia në pushtet. Pyetja ime është, pse nuk e bënë me partinë që kërkoi e para këtë gjë siç ishte Bindja Demokratike por u hapën për këtë? Pra ka standard të dyfishtë, domethënë një teatër i radhës”, tha Bogdani.

Por si qëndron problemi me demokracinë e brendshme të partive? Në diskutimin e saj me gazetarin Mustafa Nano, Mirela Bogdani shpjegoi se, sipas saj të gjithë partitë e tranzicionit shqiptar kishin shumë probleme lidhur me demokracinë e brendshme./abcnews.al

E238E5B4-AA31-41B1-9B00-B6FF82173E90.jpeg
ent ela11:31 | 29/06/2019

Bashkia e Pogradecit ka reaguar pas arrestimit të dy punonjësve të cilët mbyllën me çelës 4 shkolla që ishin miratuar si qendra votimi nga KQZ. Një një dekalratë të shpërndarë për mediat Bashkia e Pogradec dënon këtë akt, ndërsa i bën thirrje Policisë të Shtetit dhe Prokurorisë të lirojë menjëherë dy punonjësit e Bashkisë. Sipas saj këta punonjës kanë kryer punën e tyre.

Njoftimi i Bashkisë Pogradec

Dje më datë 28.06.2019 forcat e Policisë të Shtetit, të Komisariatit të Policisë Pogradec, kanë arrestuar padrejtësisht punonjës të Administratës të Bashkisë, të cilët ishin në zbatim të plotë të ligjit dhe të detyrës të tyre funksionale.

Bashkia Pogradec dënon këtë akt të turpshëm, i cili sjell në mëndjen e çdo qytetari, masat e patetike të regjimit komunist, duke dashur të përcjellë frikë dhe kërcënim ndaj banorëve të Bashkisë Pogradec.

I bëjmë thirrje Policisë të Shtetit dhe Prokurorisë të lirojë menjëherë dy punonjësit e administratës të Bashkisë, pasi këta punonjës si çdo ditë tjetër ndodheshin pranë këtyre shkollave duke kryer punën e përditshme për përmirësimin e kushteve të shkollave, kopshteve dhe ruajtjen e ambjenteve të tyre.

Ju bëjmë thirrje të gjithë qytetarëve, të mos tremben dhe frikësohen nga ky lloj presioni.

Të mos bien pre e asnjë lloj provokimi duke shmangur çdo lloj situate konfliktuale për të treguar qytetari dhe përgjegjshmëri duke mos u bërë shkas për përplasje civile

Gjithashtu denoncojmë dhe kërkojmë masa të mënjehershme për arrestimin e personave, të cilët nga mengjësi i sotem po shkatërrojnë në mënyrë të paligjshme dyert e institucioneve arsimore që janë në pronësi të Bashkisë .

Bashkia Pogradec është në mbrojtje të ligjit dhe Kushtetutës si dhe në zbatim të plotë të Dekretit të Presidentit të Republikës. /abcnews.al

 

82a3e639-028b-46d7-8e5b-df06b6981d8e-1280x853.jpg
ad min14:30 | 28/06/2019

Jorida Tabaku në një deklaratë pë media tha se “Punonjësit e administratës dhe të kompanive shtetërore po shantazhohen në mënyrë kriminale dhe antidemokratike për të marrë pjesë në votimet moniste të 30 Qershorit”.

DEKLARATA E JORIDA TABAKUT

Edi Rama edhe kur është i vetëm në votime, nuk mund të rrijë pa i manipuluar ato, megjithëse kontrollon gjithçka vetë – kontrollon Komisionin Qendror të Zgjedhjeve, listat e zgjedhësve, komisionet zonale, qendrat e votimit, numërimin e votave, madje edhe vëzhguesit.

Një nga mjetet e manipulimit është presioni ndaj administratës publike për të marrë pjesë forcërisht në votime. Një presion i njëjtë me atë që shqiptarët dëgjuan që ishte ushtruar në votimet e pjesshme të Dibrës e në çdo palë zgjedhje që ka organizuar kjo qeveri.

Punonjësit e administratës dhe të kompanive shtetërore po shantazhohen në mënyrë kriminale dhe antidemokratike për të marrë pjesë në votimet moniste të 30 qershorit.

Mesazhe zanore, urdhra verbale, formularë detyrues që shkelin të drejtat kushtetuese të u janë dhënë njerëzve të administratës, duke i paralajmëruar që mosdalja në votime të dielën, do të shoqërohet të hënën me largim nga puna.

Është e njëjta gjë bënte Pjerin Ndreu në zgjedhjet e Dibrës, i dalë në përgjimet e gazetës gjermane Bild.

Skema kriminale e detyrimit të paraqitjes me dhunë është e tillë që detyron këta individë që të marrin me vete të paktën 5 persona të tjerë në votime. Emrat e tyre janë në formularët e shpërndarë punonjësve në çdo bashki të vendit të kontrolluar nga Partia Socialiste, në çdo ministri dhe institucion varësie prej tyre, madje e kanë shtrirë edhe në bizneset private, që kontrollojnë nëpërmjet tenderave korruptivë.

Të kërcënosh një nënë, një baba me vendin e punës është njësoj si t’I kërcënosh ata se do t;u heqësh bukën e fëmijëve. Është njësoj si t’i kesh kërcënuar me jetën e tyre.

Përdorimi i burimeve shtetërore dhe presioni i administatrës janë evidentuar si problemet kyç në zgjedhjet e shkuara të organizuara nga Edi Rama dhe OSBE/ODIHR, i përfshiu ato si prioritetin numër tre, të rekomandimeve në zgjehdjet e 2017-ës, pas blerjes së votës.

Partia Demokratike beson fuqimisht se faktet e presionit kriminal ndaj administratës do të zënë vend sërish në raportin e misionit vëzhgues të OSBE/ODIHR.

Të nderuar qytetarë,
Demokracia është shpresë se nesër guximi ynë për të refuzuar shantazhin kriminal që po ushtrohet sot ndaj familjarëve, do të krijojë një Shqipëri më të mirë.

Guxoni, refuzoni, denonconi çdo rast të tillë.

PD dhe Opozita janë të vendosur për ta refuzuar këtë farsë elektorale. Te gjithë së bashku duhet te bëjmë gjithçka per te garantuar shqiptareve zgjedhje te lira dhe te ndershme.

Një proces që vjen vetëm pasi armiku i tyre, armiku I demokracisë të jetë larguar me turp.

Sot është e sigurt se me Edi Ramen nuk ka zgjedhje te lira dhe te ndershme, nuk ka hapje negociatash.

Demokracia është guxim për t’i thënë jo të keqes dhe diktaturës. Dhe shqiptarët do ta bëjnë këtë dielën!/abcnews.al

ademi-1280x705.jpg
ad min17:45 | 15/06/2019

Në një deklaratë për mediat kryetarja e bashkisë se Shkodrës Voltana Ademi u shpreh e vendosur për të zbatuar deri në fund dekretin e Presidentin Meta për zgjedhjet lokale. Ademi denoncoi një rast ku punonjës të bashkisë që po merrnin në ruajtje pallatin e sportit janë shantazhuar nga disa civilë të cilët u paraqiten si punonjës të Policisë së Shtetit.

Kryetarja e Bashkisë së Shkodrës Voltana Ademi ka denoncuar një rast ku punonjësit e policisë bashkiake janë shantazhuar gjatë ushtrimit të detyrës së tyre për të marrë në ruajtje objektet në pronësi të këtij institucioni.

“Gjatë ushtrimit të detyrës, punonjësit e sipërpërmendur, ditën e sotme, janë shantazhuar nga disa persona civil, që janë prezantuar si punonjës të Policisë së Shtetit. 
Ata ndër të tjera i kanë kërkuar verbalisht, që në orën 15: 30 të paraqiten në zyrën e oficeres së policisë gjyqësore- OPGJ, Suela Gerxhaliu. Ky është një veprim i paligjshëm dhe që nxit konflikt.  Ky është një veprim që i trajton zyrat e shtetit si sekretar privat të Edi Ramës dhe punën shtetërore si punë partie. Nëse organi i prokurorisë ka ndonjë kërkese ligjore lidhur me veprimtarinë e Bashkisë Shkodër, i kërkoj zyrtarisht të na informoje sipas procedurave të përcaktuara qartë”, tha Ademi.

Bashkia Shkodre është e vendosur të zbatoje ligjin dhe i kërkon policisë dhe prokurorisë, të ndale menjëherë provokimet, nxitja e konfliktit nga vartësit e Edi Ramës nuk i shërben stabilitetit të vendit.

“Cenimi dhe shanatzhimi i Bashkie së Shkodrës, është provokim i rëndë që i bëhet vetë qytetarëve të lirë e të ndershëm të Shkodrës, që e duan dhe janë të vendosur për të mbrojtur demokracinë”. 

Në deklaratën për mediat kryebashkiakja Ademi a është shprehur se do të zbatoje deri në fund dekretin e Presidentit të Republikës për shfuqizimin e datës 30 Qershor, për zgjedhjet lokale./ABC News Albania 24/7

BESA-SHAHINI-1280x714.jpg
ad min17:20 | 19/04/2019

Ministria e Arsimit Sportit dhe Rinisë do të riorganizojë shpërndarjen e drejtorive dhe zyrave arsimore në terren. Shpesh ato sipas ministres Besa Shahini për shkak të largësisë nga zona që mbulojnë nuk kanë punuar me kapacitet të plotë. Nga 38 që janë aktualisht numri i tyre do të shkojë në 51. Reforma garantoi ministrja nuk do të prekë punonjësit por drejtuesit po. Synimi i reformës sipas ministres Shahini është të çoje shërbimin sa më afër nxënësve dhe mësuesve dhe rritje të cilësisë në arsim./abcnews.al

TAKSAT-DHE-TATIMET-PAS-1-JANARIT-1280x720.jpg
ent ela15:57 | 30/12/2018

Një sërë ndryshimesh fiskale hynë në fuqi me ardhjen e vitit të ri. Ndër to renditen ulja e dividentit për bizneset dhe rritja e fashës së pagës që taksohet me 23%.

Punonjësit me paga të larta dhe bizneset janë dy kategoritë që kryesisht prej janarit të vitit 2019  do të përfitojnë nga ndryshimet në legjislacionin fiskal.

Rreth 15 mijë e 400 punëmarrësve sipas Ministrisë së Financave pritet t’u ulet barra fiskale me 2 mijë e 600 lekë në muaj. Kjo pasi fasha e pagës që taksohet me  23% do të rritet në 150 mijë lekë nga 130 mijë në muaj që është aktualisht.

Ndërsa bizneset nga janari tatim mbi dividentin do të paguajnë 8% dhe jo 15% që është aktualisht.  Ulja e tatimit mbi dividentin do të aplikohet edhe për fitimet e pashpërndara realizuar para vitit 2019 përfshirë rezervat dhe fitimet e kapitalizuara, me kusht që tatimi mbi dividendin, që i përket fitimeve të pashpërndara të viteve 2017 e më parë, të paguhet brenda datës 30 shtator 2019, ndërsa tatimi mbi dividendin për fitimin e vitit 2018 të paguhet brenda datës 20 gusht 2019.

Industritë fasone nuk do të paguajnë TVSH për lëndët e para, ndërkohë që shoqëritë e bashkëpunimit bujqësor do të paguajnë tatim fitimi 5% dhe jo 15%. Normë të reduktuar tatim fitimi, 5% për një periudhë 10 vjeçare do të aplikohet edhe për bizneset e agroturizmit.

Ndërkohë që për produktet e duhanit do të paguhet akcizë më e lartë. Për duhanin e grirë, purot, cigarillos dhe cigaret me zëvendësues duhani taksimi shkon në 6 mijë lekë për kilogram nga 4400 që është aktualisht. Në listën e mallrave me akcizë është shtuar edhe cigarja elektronike.

Ndërsa në ligjin për taksat kombëtare janë propozuar dy ndryshime kryesore. I pari propozon që përqindja e rentës minerare nga 6%, të bëhet 9%, për “Mineralet e kromit për eksport” me ellim nxitjen e përpunimit te mineralit në vend. Ndryshimi i dytë synon uljen e taksës së ambalazheve mbi produktet e plastikës në 35 lekë, nga 100 lekë për kilogram që është aktualisht ndërsa për prodhimin brenda vendit, niveli i propozuar i taksës është 25 lekë/kg. /abcnews.al

PRESIDENTI-HUNGAREZ.mpg_snapshot_00.15-1280x698.jpg
ad min14:22 | 21/12/2018

Pavarësisht protestave që vazhdojnë jo vetëm në Budapest por dhe në qytete të tjera të Hungarisë, presidenti i vendit ka firmosur ligjin shumë të kundërshtuar të skllavërisë. Presidenti i Hungarisë, Janos Ader, ka firmosur ligjin e punës, arsye e protestave masive kundër qeverisë dhe i pagëzuar si ligji i skllavërisë nga sindikatat dhe punëtorët.

Ligji i ri vendos 400 orë pune jashtë orarit që punëdhënësit mund tu kërkojnë punëtorëve çdo vit, por që mund ti paguajnë për një periudhë vjetore prej tre vjetësh.
Presidenti, një aleat politik i kryeministrit nacionalist Viktor Orban, deklaroi se ligji nuk redakton aspak të drejtat e punëtorëve. Një protestë e re e lajmëruar nga sindikatat pritet të zhvillohet mbrëmjen e së premtes./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono