pune

lulzim-basha123-1.jpg
ad min12:41 | 09/02/2019

Kryetari i Partisë Demokratike, Lulzim Basha, ka vijuar turin e takimeve nëpër Shqipëri. Ai është ndalur në Mirditë, ku i ka garantuar banorët se zgjidhja për një jetë më të mirë nuk është emigrimi, por largimi i qeverisë Rama.

Edhe mirditorët thotë se i kanë dhënë të njëjtin mesazh.

“Jam këtu për t’ju thënë se duke i dëgjuar e kuptuar këto probleme, të cilat i kemi qarë së bashku për vite me radhë, po kështu shoh se, bashkë me diellin që ka dalë, po kështu,  ka dalë e ka lindur një shpresë e re për ndryshim, një vendosmëri për të mos iu larguar problemit, duke e konsideruar vendin tuaj problem, por për ta zgjidhur të gjithë së bashku problemin”.

Duke marrë shkas nga eksperienca e tij personale kryetari i Partisë Demokratike i siguron se zgjidhja nuk do të jetë largimi nga Shqipëria, por ndërtimi i një shteti që i shërben qytetarëve të vet.

“Unë e di se nuk ka gjë më të rëndë se të largohesh nga vendi yt. 18 vjeç jam larguar në kërkim të mundësive dhe e di se nuk ka gjë më të çmuar se vendi yt. Ndaj dua t’ju them, nisur edhe nga përvoja ime personale, se ajo që duhet të bëjmë është një detyrë e shenjtë, jo vetëm për veten tuaj, por, në radhë të parë, për fëmijët tuaj, për të rinjtë e Mirditës dhe për brezat që vijnë”.

Zgjidhja që propozon Lulzim Basha është largimi i kryeministrit Edi Rama me qëllim që Shqipëria të realizojë ëndrrën e saj për t’u bërë si gjithë Evropa.

“Dhe patjetër do ta bëjmë si e gjithë Evropa. Ky është testament prej ditës së parë të krijimit të saj në Partinë Demokratike, me çdo mirditore dhe çdo mirditor, ne do ta bëjmë Shqipërinë si gjithë Evropa. Mirupafshim, më 16 shkurt, në Tiranë”.    

Të njëjtën ftesë u drejton edhe banorëve të Gjirokastrës.

“Pa përmbysur këtë sistem të kalbur vendi nuk ka të ardhme. Koha për fjalë ka mbaruar. Në datën 16 Shkurt ejani flisni me pjesëmarrjen tuaj. Të bashkuar të hapim rrugën e bllokuar nga kjo klikë oligarkësh”.

Në takimet në jug të vendit, kreu demokrat u njoh me problemet ekonomike që kanë qytetarët e tregëtarët. Kryetari Partisë Demokratike premtoi stabilizim të ekonomisë duke ulur cmimin e naftës, çmimin e energjisë dhe duke vendosur një sistem të ndershëm për biznesin e vogël./abcnews.al

dite-pune.jpg
ad min08:33 | 04/02/2019

Filozofët kanë thënë prej shumë kohësh që avancimet në teknologji do të mundësojnë që të kemi një ditë më shumë pushim gjatë fundjavës. Sipas kësaj ideje, rritja e pajisjeve automatike në vendet e punës, do t’i lejojnë njerëzit që të largohen një ditë më herët dhe punën do ta marrin në dorë robotët.

I këtij mendimi është edhe psikologu Adam Grant, i cili punon në Pennsylvania. Këtë javë ai e shprehu idenë gjatë Forumit Ekonomik në Davos. Sëbashku me historianin Rutger Bregman, ata thanë se katër ditë pune në javë do të rrisnin lumturinë tek punëtorët si dhe do të rrisnin produktivitetin.

“Mendoj se kemi disa eksperimente shumë të mira që tregojnë se nëse reduktohen orët e punës, njerëzit mund t’i fokusojnë qëllimet në mënyrë më efektive, prodhojnë më shumë, shpeshherë me kualitet dhe kreativitet më të lartë”, tha Grant.

Nga anat tjetër Bregman solli në kujtesë sipërmarrësit e viteve 1920 dhe 1930. Në këtë kohë, ata kuptuan se duke u shkurtuar orët e punëve punëtorëve, këta të fundit bëhen më produktivë.

“Për shembull Henry Ford zbuloi se nëse se nëse ia ndryshon punonjësve orët e punës nga 60 në 40 orë, ata do të bëhen më produktivë sepse nuk do të jenë të lodhur në kohën e tyre të lirë”, tha historiani.

Një raport i fundit tregoi se kultura japoneze e të punuarit me orar jashtëzakonisht të gjatë shkakton të paktën 10.00 të vdekur në vit. Ndërkohë nga ana tjetër, në Suedi shëndeti dhe mirëqenia e infermiereve u rrit pasi orari i tyre i punës u reduktua nga 8 në 6 orë./abcnews.al

763.jpg
ent ela16:59 | 22/01/2019

Ngritja e bazës së re të NATO-s në Kuçovë duket se ka tërhequr vëmendjen e mediave ndërkombëtare. Media holandeze “trouw.nl”, i ka kushtuar një reportazh ngritje së kësaj baze në Shqipëri. Ajo shkruan se qytetarët e Kuçovës e shikojnë si mundësi për punësim dhe zhvillim krijimin e bazës së NATO-s.

Një shofer taksie Skënder Caushi 56-vjeç duket se e urrente të qëndruarit brenda makinës së tij  të vjetër tip Mercedes. Por nëse baza e NATO-s do të ngrihet në qytetin ku ai punon, pra në Kuçovë, duket se situata do ndryshojë. “Sigurisht që është mirë për Kuçovën,” thotë ai.

Më tej ai flet për termocentralin e madh të prishur, i cili dikur zhvilloi qytetin e vogël me 31,000 banorë. Ai u shkatërrua në vitet 1990 pas rënies së komunizmit, dhe vetëm një pjesë e fasadës dhe një oxhak qëndron në këmbë.

“Ushtarët e NATO-s së shpejti do të pinë kafe në qytet dhe do të hanë në restorantet shqiptare”, thotë Caushi. Tashmë në Kuçovë sipas tij  numri i të papunëve është shumë i madh. Ai kujton se: “Me ngritjen e bazës së NATO-s, jetesa këtu mund të përmirësohet”.

Ndryshk

Në aeroportin ushtarak të Kuçovës avionët e vjetër sovjetikë po shkatërrohen, por kryeministri Edi Rama njoftoi në verë se do të transformohet në një bazë ajrore supermoderne e cila do të jetë e para në Ballkanin Perëndimor. Shqipëria është bërë anëtare e NATO-s që në vitin 2009. Aleanca konfirmon një investim prej 50 milionë eurosh, të cilat duhet ta bëjnë bazën të përshtatshme për çështje të tilla si; mbikëqyrja e hapësirës ajrore, furnizimi me karburant i avionëve dhe mbështetje logjistike për avionët. Më vonë, mund të ketë pajisje të stacionuara.

Zgjedhja për ngritjen e bazës ajrore në Kuçovë nuk është krejt e rastësishme. Qyteti ka një vendndodhje të favorshme gjeografike në një fushë të madhe dhe kushtet e motit janë pothuajse të favorshem për gjatë gjithë vitit. Kjo ishte edhe arsyeja pse regjimi i rreptë komunist në atë kohë ndërtoi bazën ajrore këtu me mbështetjen e Bashkimit Sovjetik. Ata vendosën dinamit nën tokë për të hedhur në erë çdo gjë, nëse baza përfundonte në duart e armikut. Kuçova u bë zonë ushtarake, u mbyll dhe zyrtarisht quhej “Stalingrad”.

Kjo zgjati deri në rënien e komunizmit. Rënia ndodhi dhe baza u shkatërrua pjesërisht dhe u plaçkit. Në vitin 2005 ushtria vendosi të ekspozonte avionë 224 MiG. Pjesa më e madhe u shit. 88 avionët e mbetur tani po ndryshken. Kopetë e deleve janë vizitorët e vetëm në ish- bazën ajore të regjimit komunist.

Në letër

“Forca ajrore shqiptare ekziston vetëm në letër. Vetëm duhet se kemi një Kushtetutë “, thotë Redion Qirjazi, hulumtues i mbrojtjes në Institutin për Demokraci dhe Ndërmjetësim në Tiranë. “Shpresa është që ardhja e bazës së NATO-s do të sigurojë një shtysë, por pak dihet se çka do të ndodhë saktësisht. Qeveria nuk është transparente me informacionet”.

Përveç vendndodhjes së favorshme gjeografike, ai gjithashtu përmend një arsye tjetër që syri i NATO-s ka rënë në Kuçovë: lidhjet jashtëzakonisht të mira midis SHBA-së dhe Shqipërisë  mund të mundësojnë që aleanca dhe Amerika të kenë raporte me të mira. “Në pranim, jo më pak se 95 për qind e shqiptarëve ishin pro. Ata nuk do kishin mundësi tjetër në rajon. Dhe le të jemi të sinqertë, nëse SHBA-ja dëshiron diçka brenda NATO-s, atëherë ndodh. Shqipëria gjithashtu përfiton nga kjo. “

Në një deklaratë, Ministria e Mbrojtjes thekson se rëndësi e kësaj baze është për të gjithë rajonin. “Ne mendojmë se prania e madhe e NATO-s sjell më shumë paqe, siguri dhe stabilitet. Duke i mbajtur larg ndërhyrësit që duan të mbjellin pasiguri, ndarje dhe tensione”.

Kur është pyetur se kujt po i referohet me këtë deklaratë, një zëdhënëse thotë se nuk ka ndonjë person apo shtet specifik të cilit i drejtohet.

Por ka indikacione të panumërta se Rusia po përpiqet gjithashtu të forcojë kontrollin e saj në Ballkanin Perëndimor. “Ky investim strategjik nga NATO do e dërgojnë ushtrinë tonë drejt një standardi të ri. Dhe pa dyshim ajo ofron mundësi të reja për zhvillimin ekonomik dhe social të zonës rreth bazës”.

Majlinda Spahiu 53-vjeç kujton kohën kur ka punuar në bazën ajrore të Kuçovës. Rreth tridhjetë vjet më parë ajo punoi në bazën ajrore dhe vendoste pullat në gomat që prodhoheshin atje.

Ajo ngeli pa punë kur ra regjimi komunist . Tani ajo merret me skrap. “Punë të reja, por për kë? Për ushtarët e huaj? Apo për miqtë e politikanëve? “, pyet ajo.

Ajo nuk ka asnjë shpresë që baza ajrore do i ndihmojë. “Unë nuk mendoj se kjo ka rëndësi për ne. Kush e di për brezat e ardhshëm”./abcnews.al

kejvina-kthjella123.jpg
ad min21:22 | 15/12/2018

Jemi mësuar ta shohim ekstravagante në skenë, por “Thumb” e sjell këtë puntatë Kejvina Kthjellën si rrallë herë. Bukuroshja e “Xing me Ermalin” hoqi takat e larta dhe u kthye në një gocë fshati. Ajo nisi punët që në mëngjes punët gjë që është mësuar ta bëjë duke qenë se ka lindur në një fshat të Lezhës.

Kejvina: Kam lindur në një fshat të Lezhës dhe pak a shumë edhe pse kam shkuar në Itali edhe kur u ktheja isha në atë ambientin e kopshtit serave, pulave, lopës.

Nëse personi yt i zemrës do jetonte në një fshat dhe ty duhet të bëje gjithë jetën punë të tilla do e bëje këtë sakrificë?

Kejvina: Po pse jo.

Qofsh ti që je, unë nuk do e kisha bërë kurrë.

Kejvina: E para punës të kesh gjithë këtë do ishte shumë mirë sepse do rriteshe shëndetshëm duke e ditur çfarë po ha. Edhe do e bëja nuk është diçka që më tremb sinqerisht.

Jo vetëm kaq. Të jetosh në fshat do marrësh edhe qumështin dhe vezën, por përpara se t’i bësh duhet të ushqesh lopën dhe pulën. Sfidë e vështirë, por që Kejvina e realizoi. Në fund ajo përgatiti recetën e saj, por për personin që i rrëmbejë zemrën në të ardhmen ka disa fjalë që ndoshta nuk do t’i pëlqejnë.

“Të them të drejtën nuk jam as unë ai tipi i darkës me qirinj. E them tani që burri im i ardhshëm do hajë nga unë vetëm sallatë dhe bukë të thatë”, tha ajo./abcnews.al

OK-SHKODRA-STUDENTET-1280x695.jpg
ent ela09:54 | 07/12/2018

Studentët e Shkodrës  e mbyllën protestën e tyre me një marshim në qendër të qytetit. Tubimi zgjati dy orë dhe bashkë me studentët në protestë shkuan edhe pedagogë. Nuk jemi bankomat duam përgjysmim të të gjitha tarifave, thonë ata. Duam kushte më të mira, bursa dhe punë. Nuk duam të marrim kredi për kreditet. Ndryshe nga dita e djeshme në Shkodër, sot protesta ishte masive dhe më e fuqishme.  Ata marshuan në mes të qytetit dhe kërkuan të bashkoheshin edhe qytetarët. Pedagogu Arben Prendi mbajti një fjalim para tyre dhe u tha studentëve ta vazhdojnë protestën deri në fund, deri atëhere kur atyre t’u plotësohen të drejtat./abcnews.al

haradinaj-1.jpg
ad min11:52 | 19/11/2018

Kryeministri i Kosovës, Ramush Haradinaj, ka marrë pjesë në një mëngjes pune në Vjenë bashkë me kryeministrat e Ballkanit Perëndimor. Takimi në fjalë është organizuar nga kancelari austriak, Sebastian Kurz, për të diskutuar rreth perspektivës evropiane të rajonit.

Në këtë takim ka qenë i pranishëm dhe kryeministri i Shqipërisë Edi Rama, ajo e Serbisë, Ana Brnabiç, ai i Malit të Zi, Dushko Markoviç dhe Denis Zvizdiç si përfaqësues i Bosnje Hercegovinës.

Ndryshe nga kolegët e tij, kryeministri i Maqedonisë, Zoran Zaev ka anuluar shkuarjen në takim për shkak të problemeve të brendshme politike. I pranishëm në Vjenë ka qenë edhe komisioneri evropian për Politika të Jashtme të Zgjerimit dhe Fqinjësisë, Johannes Hahn dhe Komisionerja e BE-së për Ekonomi dhe Shoqëri Digjitale, Maria Gabriel./abcnews.al

TRUMP-AZILANTET-1280x720.jpg
ad min08:47 | 19/11/2018

Pothuajse në gjysmën e mandatit të tij katërvjeçar në Shtëpinë e Bardhë, Presidenti Donald Trump thotë se e sheh veten në mesin e presidentëve më të mirë amerikanë.

“Do t’i jepja vetes një A +,” tha Trump në një intervistë me Fox News Sunday. “A mund të shkoj më lart se kaq?”

Por presidenti Trump, në një intervistë të regjistruar në Shtëpinë e Bardhë, të premten dhe të transmetuar të dielën, pranoi një gabim në gjykim, duke thënë se duhet të kishte shkuar të hënën e kaluar në Varrezat Kombëtare të Arlingtonit për të përkujtuar Ditën e Veteranëve duke nderuar ata që kanë shërbyer në forcat e armatosura amerikane ose që shërbejnë aktualisht në një nga degët e saj ushtarake.

“Në retrospektivë, duhet të kisha shkuar,” i tha presidenti Trump intervistuesit Chris Wallace. Udhëheqësi amerikan, i cili ende nuk ka vizituar trupat në ndonjë zonë lufte jashtë vendit, tha gjithashtu, “Ka gjëra që po planifikohen, do ta bëj këtë.” Ai nuk pranoi të komentonte se kur mund të ndodhte një vizitë e tillë për shkak të shqetësimeve të sigurisë.

Në zgjedhjet e 6 nëntorit për në kongres, demokratët e opozitës morën kontrollin e Dhomës së Përfaqësuesve për herë të parë në tetë vjet dhe fituan garat për guvernatorë në shtetet industriale që ishin të rëndësishme në zgjedhjet presidenciale në vitin 2016.

Por presidenti Trump nuk pranoi fajësinë për humbjet sepse emri i tij nuk ishte personalisht në fletëvotime, edhe pse ai tha në disa tubime politike përpara zgjedhjeve se votuesit duhet t’i vlerësonin zgjedhjet si një referendum për politikat dhe ecurinë e punës së tij gjatë 22 muajve të parë të presidencës.

“Fitova Senatin dhe kjo është historike,” tha Trumpi. “Kjo është një fitore e madhe.” Partia republikane e presidentit Trump mund të shtojë dy vende në bllokun e tanishëm 51-49 të shumicës në Senat, kur të vendosen dy gara të kontestuara./Zëri i Amerikës

etilda.png
ad min13:20 | 01/11/2018

Nuk janë më 70 inspektorë në Inspektoriatin Shtetëror të Mjedisit, Pyjeve, Ujërave dhe Turizmit në Tiranë. Arsyen e sqaron Koordinatorja e Task Forcës Antikorrupsion, Ministrja e Drejtësisë, Etilda Gjonaj.

Është rekomanduar largimi nga detyra për. Kryeinspektorin e Inspektoriatit Shtetëror të Mjedisit, Pyjeve, Ujërave dhe Turizmit – Drejtoria Rajonale e Qarkut Tiranë si dhe për 8 inspektorë pyjorë dhe për 6 inspektorë mjedisorë të po këtij institucioni. Për këtë institucion janë rekomanduar gjitashtu edhe 13 masa të tjera disiplinore”.

Një numër i konsiderueshëm për një institucion shtetëror, por nuk është i vetmi.

Ndërkohë Spitalin Universitar Obstetrik Gjinekologjik “Koço Gliozheni” në Tiranë janë rekomanduar 8 masa disiplinorepër staf drejues dhe administrativ të këtij institucioni”.

Denoncimet e qytetarëve në platformën e bashkëqeverisjes kanë bërë që në total të merren 36 masa disiplinore prej të cilave 15 largime nga puna. Por nuk janë këto rezultatet e vetme të Task Forcës Antikorrupsion. Në bashkëpunim me ministrine e drejtësisë  është dërguar në Prokurorinë e Rrethit Gjyqësor Tiranë, një raport lidhur me shkeljet e gjetura në Drejtorinë e Përgjithshme të Burgjeve për një procedurë të prokurimit publik.

“Shërbimi i Kontrollit të Brendshëm në sistemin e burgjeve ka rekomanduar marrjen e masave administrative për 3 drejtues të Insitucioneve të Ekzekutimit të Vendimeve Penale:

1 Drejtor

1 Shef Policie burgu

1 Shef i Regjimit të Brendshëm”.

Sipas ministres Gjonaj të gjitha këto janë një thirrje më shumë që denoncimet të vazhdojnë./abcnews.al

blog-34-energy.jpg
ad min22:20 | 12/09/2018

Studimet e fundit sugjerojnë se në ambjentin e punës, ashtu si dhe në një lidhje dashurie, çdo gjë ka të bëjë me kiminë. Në të dyja rastet pjesa më e madhe e situatave varet nga ndërveprimet mes substancave që prodhon trupi ynë.

Flitet shpesh për kiminë në dashuri duke theksuar se tërheqja recirpoke, apo dashuria me shikim të parë mes dy personave është rezultat i veprimit të hormoneve që prodhohen nga trupi ynë. E njëjta gjë mund të thuhet për të gjithë sferën e marrëdhënieve njerëzore ku marrëdhëniet e tërheqjes apo të refuzimit, simpatisë apo antipatisë, por dhe të mirëqënies apo sikletit në ambjentin ku punon lidhet në të vërtetë me produktin e reagimeve reciproke të hormoneve tona.

Kimia influencon në shumë mënyra jetën tonë në punë, fakti që punon në një ambjent ku ndihesh mirë, apo në të kundërtën kur je në stres mund të ketë pasoja të rëndësishme në jetën e përditshme, rendimentin në punë por dhe në nivelin e motivimit. Nëse punohet në një ambjent armiqësor dhe aspak bashkëpunues, apo njerëzit përreth tregojnë shenja të një niveli të lartë të hormonit të stresit, reagimi nga pala tjetër do të jetë sigurisht negative, duke mos i lejuar organizmit të prodhojë apo çlirojë hormone të humorit të mirë apo lumturisë për të ndihmuar në lehtësimin e situatës.

Studimet sugjerojnë se për të punuar në një ambient të qetë dhe pozitiv, nuk është e domosdoshme eliminimi total i hormoneve të stresit. Pasi deri diku mund të jenë stimuluese duke nxitur një konkurrencë të shëndetshme në ambjentin e punës. Por nëse tejkalohet dhe sjelljet bëhen të pakënaqshme apo stresuese, atëherë duhet të jetë e qartë se negativiteti prodhon vetëm negativitet. Më mirë pak adrenalinë herë pas here, por vetëm aq sa duhet./abcnews.al

edi-rama123456.jpg
ad min13:37 | 16/07/2018

“Akademia e 100 fshatrave” është rrjeti më i ri i bashkëpunimit mes qeverisë dhe botës universitare. Në funksion të 100 fshatrave, të përzgjedhur për tu kthyer në destinacione të reja turistike është nënshkruar në kryeministri, marrëveshja për projektet e Programit Kombëtar të Rilindjes Rurale.

Projekti “100 fshatrat” është fitimprurës për të gjithë sipas kryeministrit Edi Rama. Të parët janë familjet, shtëpitë e të cilëve do të shndërrohen në destinacione të mirëfillta turistike.

“Për t’i dhënë hov një zhvillimi ekonomik dhe social aty ku deri sot kjo duket e pamundur”.

Me nënshkrimin e marrëveshjes së bashkëpunimit ndërmjet qeverisë dhe universiteteve, do të jenë studentët, ata që nuk do t’i kthejnë më sytë nga rrogat e shtetit tha kryeministri Rama.

“Po krijojmë rrugë dhe mundësi për shumë studentë të sotëm që të jenë nesër aktorë dhe protagonistë të zhvillimit dhe ta shikojnë jetën e tyre profesionale jo të lidhur domosdoshmërisht me një punë në shtet.”

Të ardhurat do të rriten edhe për vetë pedagogët që do të jenë pjesë e ndërveprimit të munguar qeveri-botë akademike.

“Por edhe duke krijuar për veten e tyre mundësi që të përfshihen në një rrjet konsulencash që nesër mund të japë një vlerë të shtuar në të ardhurat e tyre”.

Lista e atyre që do të përfitojnë nga zgjerimi i Shqipërisë turistike vazhdon me emigrantët.

“Si një instrument, ku secili që do të investojë do të fitojë më shumë se emigracioni çfarëdo qoftë ajo”.

Akademia rurale që lindi pas nënshkrimit të këtyre marrëveshjeve shënon sipas kryeministrit Rama, rrugën e re të dijes që do t’i vihet në dispozicion njerëzve të zakonshëm, duke i mësuar jo vetëm se si të bëjnë më shpejt e më mirë aplikimet për të marrë financime për prodhimin bujqësor e blegtoral, jo vetëm se si ta shndrrojnë shtëpinë në një bujtinë  për të ndërtuar një agroturizëm  por mbi të gjitha se si ta shohin ardhmen aty ku kanë tokën e prindërve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono