puc

balla-1.png
G. P.13:16 | 11/10/2018

Pasi kryeministri e konsideroi komplot për rrëzimin e qeverisë, numri dy e Partisë Socialiste e ka konsideruar çështjen “Babalja” një puç me video i organizuar nga Partia Demokratike.

“Kryetari ende në detyrë i kësaj partie duhet të vinte të kërkonte ndjesë publike për përfhsirjen e turpshme të një prej partive më të mëdha të këtij vendi. Dhe kontakti i tyre me partinë demokratike sipas materialeve të prokurorisë është deputeti, koordinatori i Lulzimit, Ervin Salianji, i cili ka qenë dhe personi, i cili ka vënë në shërbim edhe gazetarin Jetmier Olldashi dhe që po aq e rëndë është nga ajo që është bërë publike, që ky gazetar paskësh punuar apo pjesë e infiltrimit edhe nga SHISH. Kjo e bën edhe më të rëndë të gjithë këtë histori puçi ku në krye të saj është Partia Demokratike e Shqipërisë”, u shpreh Balla.

Nga salla e seancave plenare ku opozita mungoi, Taulant Balla tha se videoregjistrimi i Alizotit është gatuar në selinë blu.

“Edhe transmetimi i pretenduar për të hedhur poshtë provën përforcon dyshimin e kësaj maskarade të dakordësuar mes një deputeti të PD-së nën hyqmin e Lulzim Bashës dhe dy personazheve”, theksoi kreu i grupit parlamentar të PS-së./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono



TE FUNDIT