PSG

PSG-2.jpg
Veronik Istrefaj12:24 | 17/01/2020

Skuadra e PSG-së ka një grup të shkëlqyer futbollistësh dhe po bëhet gjithmonë e më e vështirë për lojtarët që të zënë një vend titullari në formacionin e Tuchel. Një ndër lojtarët që e ka humbur vendin në formacion, është belgu Thomas Meunier.

Mbrojtësi i djathtë nuk po gjen hapësirat që pretendon në formacionin e kampionëve të Francës dhe ka vënë në lëvizje agjentin e tij që t’i gjejë skuadër të re. Situatën e mbrojtësit, po e studiojnë plot 5 ekipe big europiane.

Juventus, Inter, Bayern Munchen dhe dy klube angleze po interesohen për firmën e 28 vjeçarit. Me Europianin që luhet në këtë verë, Meunier synon me doemos të gjejë ekip të ri, në mënyrë që të ketë minutat e duhura./abcnews.al

Thomas Meunier, PSG
Arsenal-1.jpg
Veronik Istrefaj08:56 | 17/01/2020

Merkato e janarit vazhdon të ketë zhvillime shumë interesante. Lajmi më befasues vjen nga Franca, pasi mbrojtësi i PSG-së, Layvin Kurzawa është shumë pranë largimit. Francezi ka dështuar në kryeqytet dhe më shumë ka qenë “turist” në kampin e kampionëve të Ligue 1.

Megjithatë, interesimi për të nuk ka munguar, edhe pse minutat kanë qenë të limituara në fushën e lojës gjatë viteve të fundit. Ekipi i Arsenalit është gati të paguajë deri në 7 milionë euro për shërbimet e 27 vjeçarit, i cili konsiderohet si dështim në Francë.

Gjatë kohës kur Kurzawa luante për Monacon, ishte një ndër talentet më premtues, por që nga transferimi i tij te PSG, ka bërë paraqitje për t’u harruar. Arsenali është në krizë dëmtimesh, sidomos në prapavijë, dhe është gati të bëjë këtë lëvizje befasuese, për të transferuar në Londër mbrojtësin francez.

mbape.jpg
Vladimir Prenga09:52 | 16/01/2020

PSG mposhti 1-4 skuadrën e Monaco dhe protagonist në këtë përballje ishte edhe sulmuesi Kylian Mbappe, autor i dy golave. Francezi i shënoi ish-skuadrës së tij golin e parë dhe të fundit, ndërkohë që respekti i la vendin festës në minutat shtesë.

Mbappe ka treguar për “Canal +” se pse festoi te goli i dytë: “Nuk festova te goli i parë, më duhet t’i respektoj tifozët e Monaco. Jam zbuluar në atë klub dhe kam pasur momente të shkëlqyeshme, ndaj duhet t’i respektoj.

Festimi te goli i dytë? Disa më ofenduan dhe duhet t”u përgjigjesha”. Mbappe u transferua në verën e vitit 2017 te PSG, që pagoi te Monaco shumën e 180 milionë eurove. Sulmuesi është një nga lojtarët më të mirë, i cili në të ardhmen mund të fitojë edhe “Topin e Artë”. /abcnews.al

Mbappe-2.jpg
Igli Nikolli22:58 | 15/01/2020

PSG nuk mund të gabonte dy herë radhazi ndaj Monacos. Sot u luajt ndeshja e prapambetur e fazës së parë. Kësaj radhe u luajt në Principatë, u shënuan sërish shumë gola, por në fund triumfoi ekipi i Tuchel në ndryshim nga barazimi 3-3 i së dielës.

Mbappe zhbllokoi ndeshjen në mesin e pjesës së parë pas një asisti fantastik të Di Marias. Dyfishimi erdhi në fundin e pjesës së parë. Kampionët fituan një penallti dhe Neymar nuk gaboi.

PSG nuk u ndal as një pjesën e dytë. Sarabia trefishoi rezultatin në minutën e 72-të pas një asisti të bukur të Verrattit. Bakayoko shënoi golin e nderit për Monacon tre minuta përpara fundit, ndërsa Kylian Mbappe shënoi të dytin personal në minutat shtesë. Fitorja e 16 në kampionat për PSG-në, që kryeson Ligue 1 me 49 pikë, tetë më shumë se ndjekësit e Marseille. /abcnews.al

Monaco – PSG 1-4
(Bakayoko 87′ / Mbappe 24′, 90+1′, Neymar (pen) 45+2′, Sarabia 72′)

Mbappe-1.jpg
Veronik Istrefaj21:34 | 15/01/2020

Sfida mes Monacos dhe PSG-së, është zhbllokuar pas 24 minutash lojë. Ishte Kylian Mbappe ai që shënoi për PSG-në kundër ish-ekipit të tij.

Angel Di Maria dha një pasim të shkëlqyer me të jashtmen nga krahu i djathtë, duke nxjerrë totalisht të lirë Mbappen përballë portierit.

Sulmuesi francez është shumë i shpejtë për mbrojtjen e Monacos dhe i vetëm përballë portierit vendas, nuk e ka të vështirë të shënojë. Në shenjë respekti, Mbappe vendos të mos festojë. Kampionët në avantazh…

Ligue 1, java 15 (e prapambetur)

Monaco – PSG   0-1
Mbappe 24′

Cavani.jpg
Igli Nikolli20:28 | 15/01/2020

E ardhmja e Edinson Cavanit lidhet me Atletico Madrid. Sulmuesi i PSG preferon transferimin tek ekipi i Diego Simeones dhe “Colchoneros” kanë ofruar 10 milionë euro për kartonin e tij sipas raportimeve të spanjolles Marca.

Ndryshe mendojnë kampionët e Francës. PSG kërkon 30 milionë euro për ta lënë të lirë menjëherë 32-vjeçarin latin, shumë që do e investonte në merkato. Kontrata e “El Matador” me klubin aktual përfundon në fund të këtij sezoni dhe Atletico e cilëson tepër të lartë këtë shumë.

Gjithsesi, raportet mes dy presidentëve janë shumë pozitive dhe mund të arrihet në një akord. Merkato mbyllet me 31 janar dhe ka kohë për të arritur një marrëveshje, pavarësisht se diferenca prej 20 milionë eurosh midis kërkesës dhe ofertës është shumë e madhe. /abcnews.al

Eriksen.jpg
Igli Nikolli17:20 | 15/01/2020

Drejtuesit e Inter po punojnë për të gjetur akordin me Christian Eriksen. Mesfushori i Tottenham është objektivi i madh i mesit të fushës, por një lajm i keq vjen nga Anglia. The Mirror raporton se në garë për organizatorin danez është futur edhe PSG.

Thomas Tuchel i ka kërkuar drejtuesve të kampionëve të Francës një mesfushor të madh dhe Eriksen është preferenca kryesore. Lojtarit i përfundon kontrata me Spurs në fund të sezonit, por PSG mund të plotësojë kërkesat e klubit londinez për ta lënë të lirë menjëherë.

Zikaltrit kanë avantazhin se po negociojnë prej ditësh me agjentët e organizatorit, por paratë nuk janë aspak problem për klubin francez, që mund t’i ofrojë Eriksenit një kontratë më të majme se propozimi i italianëve. /abcnews.al

Mbappe-Di-Maria-Neymar.png
Vladimir Prenga09:56 | 15/01/2020

France Football ka përzgjedhur formacionin më të mirë të dekadës te PSG dhe bie në sy mungesa e lojtarit të transferuar për shumën rekord të 223 milion eurove. Neymar nuk është mes yjeve dhe kjo për shkak të shifrave të regjistruara me fanellën e kampionëve të Francës.

Edinson Cavani është bërë shënuesi më i mirë në historinë e PSG, me 198 rrjeta të tundura dhe normalisht nuk mund të lihej jashtë formacionit më të mirë të dekadës së fundit.  Zlatan Ibrahimovic është ylli i parë që PSG afroi dhe është shënuesi i dytë më i mirë në historinë e klubit francez.

Mbappe gjithashtu ka shkëlqyer dhe ka realizuar  79 gola, po aq sa Di Maria me të cilin ndan vendin e katërt. Para tyre renditet Pauleta, me 109 gola të realizuar në periudhën 2003-2008. Neymar, i lënë jashtë formacionit më të mirë të PSG në dekadën e fundit, renditet i shtati me 63 gola.

France Fotball ka zgjedhur formacionin e dekadës për PSG-në

POZICIONET E TJERA – Salavatore Sirigu është zgjedhur për portën dhe prej faktit që ka luajtur më shumë kohë me PSG, nga viti 2011 në vitin 2016. Portieri aktual, Keylor Navas, vlerësohet si më cilësor, por ka shumë pak kohë te francezët që të përfshihet në formacionin e dekadës.

Mbrojtja me tre është e gjitha braziliane. Maxwell, pjesë e PSG në periudhën 2012-2017, Thiago Silva pjesë e parisienëve prej vitit 2012 dhe Marquinhos që u afrua në ekip një sezon më vonë. Një tjetër brazilian, por para mbrojtjes dhe që ka luajtur me Italinë.

Thiago Motta ishte ai që bënte punët e pista, ndërkohë që mes yjeve të dekadës është zgjedhur edhe Marco Verrati, pjesë e ekipit akoma. Blaise Matuidi Angel Di Maria si trekuartist plotësojnë formacionin e përzgjedhur nga France Football. /abcnews.al

Marotta-Conte-e1578943863903.jpg
Igli Nikolli20:14 | 13/01/2020

Përveç një mesfushori, Inter po kërkon edhe për një mbrojtës krahu. Një ndër të preferuarit e klubit zikaltër është Layvin Kurzawa, por lojtari i PSG-së ka refuzuar ofertën e parë.

L’Equipe raporton se klubi italian i ka ofruar një bonus të mirë në momentin që do të firmosë, teksa zbulohet shkaku i refuzimit. Kurzawa, të cilit i përfundon kontrata me PSG-në në fund të këtij sezoni, preferon transferimin në Premier League dhe po pret oferta nga ishulli. Inter nuk dorëzohet dhe beson se do arrijë të bindë francezin.

Drejtuesit zikaltër po përgatisin propozimin e radhës dhe pritet t’ia paraqesin atij në ditët e ardhshme me shpresën që kësaj here do të sigurojnë “po”-në e Kurzawës. /abcnews.al

 

Layvin Kurzawa
PSG.jpg
Veronik Istrefaj19:34 | 13/01/2020

PSG ka arritur të sigurojë firmën e brazilianit Marquinhos. 25 vjeçari ka rinovuar deri në vitit 2024 me kampionët e Francës. Një futbollist i cili mbulon shumë role, Marquinhos konsiderohet si një nga futbollistët më të rëndësishëm i parisienëve.

18 muajt e fundit, braziliani është aktivizuar në mesfushë, rol të cilin e ka mbuluar mjaft mirë. Roli natyral i tij është në qendër të mbrojtjes, aty ku krijoi një dyshe thuajse perfekte me patriotin e tij, Thiago Silva, por Tuchel e sheh si mesfushor.

Edhe para mbrojtjes, Marquinhos ka bërë një punë të shkëlqyer, duke i dhënë më shumë liri Verrattit. Kjo firmë është konsideruar shumë e rëndësishme nga drejtuesit e klubit, të cilët paguan 32 milionë euro në vitin 2013 për ta transferua nga Roma, asaj kohe ishte vetëm 18 vjeç./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono