PSG

Mbappe-Di-Maria-Neymar.png
Vladimir Prenga12:19 | 10/12/2019

PSG ka nisur të bëjë llogari në rast largimi të Neymar. Braziliani është kontestuar më parë nga tifozët, ndërkohë që edhe vetë e ka shprehur dëshirën për t’u larguar. Barcelona ka qenë në “pole” këtë verë, por edhe zërat për një kalim te Real Madrid kanë qenë konstantë. Në Francë raportohet se te PSG po mendojnë edhe për pasuesin e tij.

Sadio Mane është lojtari i preferuar për sulmin dhe Liverpool e vlerëson atë për 100 milionë euro, shumë që nuk përbën problem për PSG-në, që nga ana tjetër do të përfitonte të paktën dyfishin nga shitja e Neymar> Në Francë janë të interesuar të bëjnë edhe dy lëvizje të tjera, në repartin e mbrojtjes.

“France Football” raporton se për qendrën e mbrojtjes synohet futbollisti i Napolit, Kalidou Koulibaly. Thiago Silva mund të largohet në verë dhe afrikani shikohet ai pasuesi i denjë i brazilianit. Gjithashtu në Itali është piketuar edhe Mattia De Sciglio, për linjën e djathtë të mbrojtjes. /abcnews.al

Neymar.jpg
Veronik Istrefaj21:36 | 09/12/2019

Trajneri i Montpellier, Michel Der Zakarian, ka akuzuar Neymar për aktrim dhe për mungesë respekti ndaj rivalëve. Në minutën e 72-të, Neymar shënoi nga goditja e dënimit në atë fitore 1-3 të PSG-së përballë Montpellier.

Der Zakarian tha në fjalën e tij se Neymar “provokon kundërshtarët”, si dhe tregon një mungesë profesionalizmi dhe respekti të tepruar: “Neymar ka një lojë që provokon gjithmonë kundërshtarët me aftësitë dhe driblimet e tij. Kur i ndërhyn, ai gjithmonë “qan”.

Është një lojtar i shkëlqyer dhe është për të ardhur keq në fund të ndeshjes flitet vetëm për veprimet që bën gabim. Kur jeni një nga lojtarët më të njohur në botë, duhet të tregoni vlerat e duhura. Qëndrimi i tij që kur ai ka ardhur në Francë, nuk ka nevojë për koment. Të gjithë flasin keq për të”, përfundoi Zakarian./abcnews.al

Herrera.jpg
Veronik Istrefaj17:14 | 09/12/2019

Mesfushori i PSG-së, Ander Herrera, është në mesin e 36 lojtarëve që janë pastruar nga akuzat për fiksimin e rezultatit të një ndeshje mes Levantes dhe Real Zaragoza në vitin 2011.

Zaragoza e fitoi ndeshjen, por u akuzuan se paguan lojtarët e Levantes 965,000 euro për t’i falur ndeshjen, kështu që ata mund të shmangnin rënien nga kategoria në sezonin 2010-11.

Trajneri i Leganes, Javier Aguirre dhe ish-kapiteni i Atletico Madridit, Gabi Fernandez, ishin gjithashtu në mesin e atyre që ishin në gjyq. Të 41 personat e akuzuar nuk u gjetën fajtorë për korrupsion sportiv.

Në një deklaratë, gjykata përmendi mungesën e provave, megjithatë, dy ish-zyrtarë të Zaragozas u dënuan për mashtrim: “Gjykatësi e shpalli fajtor ish-presidentin Agapito Iglesias dhe ish drejtorin e financave, Javier Porquera, për përdorimin e 1.73 milionë euro nga llogaritë e Zaragozas në mënyrë të gabuar. Atyre u dha një dënim me burg prej një viti e tre muajsh”./abcnews.al

Neymar-Mbappe.png
Vladimir Prenga09:58 | 09/12/2019

Neymar shënoi golin e barazimit në ndeshjen kundër Montpellier dhe më pas PSG realizoi edhe dy herë të tjera për të fituar me rezultatin 1-3 në transfertë. Sulmuesi ka zbuluar një prapaskenë në lidhje me golin e shënuar.

“Ishte një ndeshje e vështirë, por pjesa e dytë e jona ishte më e mirë. Fitorja për ne ishte shumë e rëndësishme. Para ndeshjes fola me stafin dhe të gjithë e kemi ndjerë që do të shënoja një gol me goditje dënimi.

Kisha besim dhe e provova. Ishte një gol i shkëlqyer për të ndihmuar skuadrën të fitonte”, është shprehur Neymar për PSG TV. /abcnews.al

Mbappe-2.png
Klejdi Kaimi09:21 | 08/12/2019

Gjigantët e PSG-së arritën të fitojnë 1-3 me përmbysje dje në transfertën kundër Montpellierit në ‘Stade de la Mosson’. Kylian Mbappe u zëvendësua në minutën e 90-të, për t’ia lënë vendin Eric Maxim Choupo-Moting, pasi shënoi golin e avantazhit për ekipin e tij duke e çuar rezultatin në 1-2.

Ishte një vendim i çuditshëm nga ana e trajnerit, Tomas Tuchel, dhe siç duket dhe në video francezi nuk është aspak dakord. Ylli i PSG-së as nuk e shikon në sy trajnerin, edhe pse ky i fundit përpiqet që Mbappe ta kuptojë.

Ndeshja ishte shumë fizike dhe në fundin e takimit 20-vjeçari u përfshi në disa duele fizike, ku kujtojmë se ai nuk ka shumë që është rikuperuar nga dëmtimi. Ndoshta trajneri Tuchel ka dashur që ta mbrojë francezin, por ata që kanë mbetur të kënaqur nga ky episod janë në Madrid. Reali Madrid ka kohë që e monitoron Kylian dhe në merkaton e verës pritet të vijë dhe oferta nga klubi mbretëror. /abcnews.al

Navas.jpg
Igli Nikolli19:31 | 07/12/2019

E vështirë të gjesh rivalë për PSG-në në kampionatin francez. Kampionët në fuqi shënuan tre gola brenda 6 minutave dhe përmbysën avantazhin e Montpellier. Vendasit kishin kaluar përpara në fundin e pjesës së parë me një autogol të Paredes.

Montpellier mbeti me dhjetë lojtarë në minutën e 72-të dhe ekipi i Tuchel përfitoi nga diçka e tillë. Neymar barazoi ndeshjen me një goditje dënimi perfekte, ndërsa pas një minute pasoi për Mbappe, i cili kaloi PSG-në në avantazh.

Miqtë nuk u ndalën dhe shënuan sërish me Icardin, i cili shfrytëzoi pasimin e Mbappe dhe goditi fluturimthi. PSG vazhdon të kryesojë me tetë pikë më shumë se Marseille, teksa ndodhi edhe një episod i turpshëm në këtë ndeshje.

Portier i PSG-së, Keylor Navas u godit me një objekt nga tifozët vendas gjatë një sulmi të Montpellier. 32-vjeçari nga Kosta Rika u shtri në tokë disa momente, ndërsa ndeshja rinisi dhe u mbyll me festën e miqve. /abcnews.al

Montpellier – PSG 1-3
(Paredes (aut) 41′ / Neymar 75′, Mbappe 76′, Icardi 81′)

Mbappe-Di-Maria-Neymar.png
Vladimir Prenga08:24 | 05/12/2019

Lëvizja e shekullit në merkaton e futbollit. Gjithçka për Kylian Mbappe dhe është Barcelona që është gati të bëjë një çmenduri për sulmuesin francez të PSG. Real Madrid, që gjithashtu e do kampionin e botës, do të duhet të shohë për ndonjë sulmues tjetër.

Gazetari i njohur, Edoardo Inda, tregon edhe se si Barcelona synon të arrijë te Mbappe dhe kemi të bëjmë me një operacion gjigant që përfshin dy futbollistë dhe 120 milionë euro. PSG duhet ta marrë në konsideratë, nëse realisht një ofertë e tillë mbërrin në zyrat e tyre.

Veç milionave të mësipërme, rrugën drejt Francës do të merrnin edhe Antoine Griezmann dhe Ousmane Dembele, dy sulmues që do t’i bënin shumë punë PSG-së. Leonardo dhe drejtuesit e klubit francez duhet të mendohen mirë. /abcnews.al

Mbappe-Di-Maria-Neymar.png
Veronik Istrefaj23:30 | 04/12/2019

PSG ka marrë një tjetër fitore në Ligue 1, përballë Nantes me rezultatin 2-0. Neymar shënoi fillimisht për parisienët në pjesën e parë, në minutën e 40-të, por iu anulua me VAR, për shkak të një faulli gjatë aksionit. Pjesa e parë u mbyll me rezultatin 0-0.

Në të dytën, PSG shtyu përpara dhe Mbappe gjeti rrjetën në minutën e 52-të. Talenti francez e çon në 6 numrin e golave të shënuar këtë sezon në Ligue 1.

Nantes luftoi shumë për të shmangur humbjen, por lanë hapësira mbrapa dhe Neymar përfitoi. Braziliani tregohet i saktë nga pika e bardhë e penalltisë në minutën e 85-të, duke mbyllur përfundimisht historinë e takimit.

Rumenigge.png
Igli Nikolli15:43 | 04/12/2019

Hans-Dieter Flick po bën mirë te Bayern Munchen dhe ka arritur t’i bindë drejtuesit që të mbyllë këtë sezon në stolin bavarez. Vetëm kaq pasi në verë do të vijë një emër me peshë.

Bild është e bindur për zgjedhjen e drejtuesve dhe raporton se i preferuari është Thomas Tuchel. Trajneri gjerman po drejton PSG-në prej vitit 2018 dhe vështirë që do të konfirmohet edhe për sezonin e ardhshëm.

Thomas Tuchel

46-vjeçari do e mirëpriste një rikthim në Bundesligë në krye të klubit më të madh gjerman. Tuchel cilësohet si profili i duhur për të dërguar Bayernin drejt trofeve europiane dhe për momentin qëndron në krye të listës së klubit të njohur. /abcnews.al

Navas-Keylor.png
Igli Nikolli13:31 | 04/12/2019

Keylor Navas realizoi ëndrrën e tij në vitin 2014. Portieri nga Kosta Rika u transferua nga Levante te Real Madrid dhe fitoi gjithçka me “Los Blancos”, mbi të gjithë 3 herë trofeun e Champions League. Verën e kaluar mori fund aventura në Madrid dhe Navas zgjodhi PSG-në për të vijuar karrierën.

32-vjeçari tregon për El Chiringuito se firmosi me Realin pa e lexuar fare kontratën. Për Zidane ruan vetëm kujtime të mirë dhe e falënderon për besimin e treguar, teksa zbulon edhe një detaj interesant gjatë ndeshjes Real Madrid-PSG (2-2), kur u kthye si kundërshtar në stadiumin ku kaloi vitet më të bukura të karrierës.

Gjithmonë pyesja veten se çfarë do të bëja nëse një klub i madh do të blinte kartonin tim. Do të ulërija, qaja apo do të hidhesha përpjetë nga gëzimi? Kur më treguan se do të transferohesha te Real Madrid, pranova menjëherë pa i ditur kushtet e kontratës time.

Dua të kujtoj vetëm gjërat e bukura nga aventura në Madrid. Kam kaluar një eksperiencë pozitive me Zidane, me atë trajner arritëm të fitonim gjithçka. Jam zbavitur dhe ai më ka mbrojtur shumë herë. Dua ta falënderoj për besimin që ka treguar kundrejt meje.

Rikthimi në Madrid? Ishte një ndjesi e çuditshme dhe tentova ta përjetoj gjithçka natyralisht. Nuk kishte shumë që isha larguar. Sapo dolëm në fushë për të bërë nxehjen, ika drejt tifozëve për t’i përshëndetur. U nisa majta, më pas e kuptova se kisha ngatërruar drejtim. Kur nisi takimi unë isha pozicionuar në anën ku zakonisht Reali zgjedh të nisë ndeshjen“, thekson Keylor Navas. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono