ps

olsian-celaaa.jpg
ger ta10:00 | 05/12/2019

Partia Socialiste do të votojë Olsian Çelën si Kryeprokuror të Përgjithshëm.

Gazetarja Esionona Konomi bën me dije se grupi i PS është mbledhur mëngjesin e sotëm dhe ka vendosur që votat e PS të shkojnë për të parin e renditur në listën e KLP. Vendimi është marrë në prani të kryeministrit Rama, ndërsa pas mbledhjes kreu i qeverisë është larguar për të ndjekur eurokomisonerin.

Në 14 nëntor, Këshilli i Lartë i Prokurorisë dorëzoi renditjen përfundimtare të 3 kandidatëve në garë.  KLP ka vendosur të parin në listë Olsian Çelën, i pasuar nga Arta Marku dhe e treta Fatjona Memçaj./abcnews.al

KRONIKE-ZGJEDHJET-NE-PS.mpg_snapshot_01.06-1280x720.jpg
ent ela12:35 | 16/11/2019

Partia Socialiste zgjodhi sot anëtarët e Kongresit kombëtar. Në proces u eksperimentua vota elektronike dhe ajo me postë, dy prej sfidave që po përpunon dhe reforma zgjedhore për zgjedhjet parlamentare. Vetë Rama që votoi përmes makinerisë, tha se kjo metodë mund të aplikohet.

 “Ne kemi përgatitur një proces të tërë para zgjedhjeve vendore për të qenë të gatshëm t’i përgjigjemi pozitivisht një kërkese për votimin elektronik, na ka rezultuara i mundshëm për ta shtrirë në Shqipëri duhet ta kishim pilotuar në zgjedhje të shkuara. Është votim offline mekanik dhe i papenetrueshëm nga forcat e errëta”.

Veç 706 anëtarëve që do të zgjidhen me këtë proces votimi, Kongresit të partisë Socialiste do ti shtohen automatikisht deputetët, kryetarët e bashkve, kryetarët e degëve, dhe ministrat. /abcnews.al

 

RAMA.mpg_snapshot_00.25-1280x720.jpg
ent ela10:20 | 16/11/2019

Në PS ka nisur që në orën 08:00 të mëngjesit procesi i votimit sipas parimit “një anëtar, një votë” për zgjedhjet e delegatëve të Kongresit. Për këtë proces, janë të regjistruar në listat e votimit  103 056 anëtarë partie. Procesi për zgjedhjen e tyre do të jetë i hapur deri në orën 16:00, ku anëtarët e PS në gjithë vendin do të zgjedhin mes 1 496 kandidaturave, 706 delegatët e rinj të Kongresit, nga të cilët më pas do të dalin edhe emrat e rinj të Kryesisë së PS. Për herë të parë, në Njësinë administrative Nr. 8 të Bashkisë së Tiranës, në procesin zgjedhor të një partie politike do të zhvillohet votim elektronik dhe votim on-line.

Deputeti Arben Pëllumbi tha se do të shikohet ecuria e këtij votimi, që mund t’i propozohet edhe Komisionit të Reformës Zgjedhore për t’u aplikuar edhe në zgjedhjet e parlamentare.

“Procesi ka filluar vazhduar normalisht në 333 qendrat e votimit dhe do t’ju infomrojmë për ecurinë. e rëndësishme se  në njësinë 8 po eksperimentojmë teknikat moderne si votimi elektronik dhe do shohim rezultatet si do implemetohen nga strukturat dhe do të shohim më pas për t’ia sugjeruar komisionit të reformës zgjedhore është e rëndësishme të kemi edhe votën e emigrantëve. Kongresi i PS do vendoset në Asamblenë e Ardhshme që besoj do të jetë fundi i shkurtit”.

Pas votimit edhe kryeministri Rama u shpreh se votimi elektronik duhet të ishte pilotuar që në zgjedhjet e shkuara.

“Ne kemi përgatitur një proces të tërë para zgjedhjeve vendore për të qenë të gatshëm t’i përgjigjemi pozitivisht një kërkese për votimin elektronik, na ka rezultuara i mundshëm për ta shtrirë në Shqipëri duhet ta kishim pilotuar në zgjedhje të shkuara. Është votim offline mekanik dhe i papenetrueshëm nga forcat e errëta”. /abcnews.al

edi-rama-del-nga-selia-e-partise-socialiste-ps_0-1280x1009.jpg
ent ela08:37 | 16/11/2019

Partia Sociailste do të zgjedhë sot delegatët për Kongresin Zgjedhor.

Sekretari i Partisë Socialiste dhe kreu i grupit parlamentar të PS, Taulant Balla zbuloi se për herë të parë në zgjedhjet e delegatëve të Kongresit të PS-së do të testohet votimi në rrugë elektronike.

Në të gjithë vendin janë hapur 365 vendvotime.

Zgjedhja e delegatëve do bëhet sipas parimit një anëtar, një votë. /abcnews.al

foto-1280x720.png
ent ela22:37 | 14/11/2019

Socialistët e kundërshtojnë kandidaturën e Marsida Xhaferllarit për gjyqtare kushtetuese, jo duke i bërë vërejtje profesionale, por ngaqë sipas tyre bashkëjeton me demokratin Enkelejd Alibeaj. Por brenda socialistëve ka disa raste të ngjashmë, që janë akuzuar, por që gëzojnë postet, si kreu i KLP-së Gent Ibrahimi që është kunat i Mimi Kodhelit, apo kunati gjyqtar i Xhafajt, e deri tek vëlli i Eglantina Gjermenit.

Qysh prej seancës së të hënës, socialistët kanë akuzuar Marsida Xhaferllarin si të papërshtatshme për të qenë gjyqtare kushtetuese.

Socialistët nuk kanë paraqitur ndonjë vërejtje mbi formimin e Xhaferllarit, e cila ka një karrierë të gjatë si ish drejtuese e kodifikimit në ministrinë e drejtësisë apo kryesipektore e Këshillit të Lartë Drejtësisë. Mëkati i vetëm që i përmendet, është jeta e saj sentimentale. Madje për këtë, Arta Marku dhe Ardian Dvorani, i kanë vënë pikë minimale në vlerësim, duke e renditur të fundit në vakancën ku kandidon së bashku me Arta Vorpsin.

Por socialistët nuk janë mbas në sisteminin e të afërmve të tyre në sistemin e drejtësisë, dhe disa herë janë akuzuar nga opozita, por nuk ka ndryshuar asgjë.

Gent Ibrahimi drejton tani Këshillin e Lartë të Prokurorisë. Ai është i martuar me motrën e Mimi Kodhelit dhe demokratët e kanë cilësuar emërimin e tij në qeverinë e prokurorëve si një dëshmi e kapjes së drejtësisë nga PS.

Fatmir Xhafaj është akuzuar herë pas herë për vëllain e gruas së vetë, Sokol Berberin, që arriti të bëhej gjyqtar Kushtetues.

Po ashtu Xhafaj është akuzuar që bashkëpunëtorin e tij të vjetër kur ishte ministër i drejtësisë, Ardian Dvoranin, e mbështeti duke e mbajtur si gjyqtar të lartë jashtë mandatit e duke e vendosur në krye të KED-së.

Rastet nuk mbarojnë këtu. Artur Metani, vëllai i deputetes socialiste Eglantina Gjermeni, është aktualisht Avokat i Shtetit. Metani njëkohësisht kandidon për një nga postet më të rëndësishme të drejtësisë së re, Inspektorin e Lartë të Drejtësisë. Edhe për këtë, opozita nuk i ka kursyer akuzat.

Familjarët e ministrave socialistë nuk mungojnë as në trupën e vettingut.

Pamela Qirko, anëtare e Komisionit të Pavarur të Kualifikimit, dhe njëherazi është motra e ministres së Infrastrukturës, Belinda Balluku. /abcnews.al

kuvendi.jpg
ger ta16:45 | 14/11/2019

Partia Socialiste ka hartuar një projekt rezoltutë, e cila pritet të votohet ditën e nesërme në Kuvend.

Në pr/rezolutë PS e quan nul dekretin e presidentit për emërimin e Xhaferllarit dhe i bën thirrje Gjykatës Kushtetuese dhe të gjitha organeve publike që ngarkohen nga ligji  të mos zbatojnë Dekretin e Presidentit.

Abcnews.al ka siguruar draftin  i cili pritet të votohet nesër në Kuvend, pas thirrjes së seancës së jashtëzakonshme.

Kuvendi i Shqipërisë vlerëson se Dekreti i Presidentit nr.11350, datë 13.11.2019 është një akt absolutisht i pavlefshëm, i nxjerrë në mungesë të kompetencave kushtetuese dhe ligjore të institucionit të Presidentit dhe si i tillë ai konsiderohet nul dhe sikur nuk ka ekzistuar asnjëherë.

Në mungesë të kompetencës për të emëruar gjyqtarin kushtetues, Presidenti, në mënyrë të kundërligjshme ka ndërhyrë në një proces kushtetues. Argumentet Presidentit në letrën e datës 05.11.2019 drejtuar Kuvendit dhe Këshillit të Emërimeve në Drejtësi, në lidhje me radhën e emërimit të gjyqtarëve kushtetuesnga Presidenti e Kuvendi, bien ndesh medispozitat kushtetuese dhe ligjore, pasi radha nuk përcakton kohën e veprimit të organit, por kompetencën për të vepruar për secilin vend vakant. Në kushtet kur plotësohen disa vende vakante njëherësh, secili organ ka të drejtë të ushtrojë kompetencën e vet kushtetuese,pa u kufizuar nga zgjedhja e organit tjetër dhe as nga koha e ushtrimit të kësaj kompetence prej secilit organ, duke emëruar/zgjedhur gjyqtarin/gjyqtarët kushtetues në mënyrë të pavarur nga vendimmarrja e organit tjetër. Nga procedura tërësore e ndjekur, që nga shpallja e vendeve vakante për gjyqtarët kushtetues, nga Presidenti ashtu dhe nga Kuvendi, deri në shqyrtimin, vlerësimin e kandidaturave dhe njoftimet e vendimeve përkatëse të Këshillit të Emërimeve në Drejtësi për secilin vend vakant të krijuar, është e qartëkompetenca e emërimit/zgjedhjes sëgjyqtarëve kushtetuespër vendin vakant respektiv, përkatësisht nga Presidenti dhe nga Kuvendi“, citohet në draftin e PS. 

Më tej PS  vijon se: “Presidenti ka tentuar të bllokojë emërimin/zgjedhjen e anëtarëve të Gjykatës Kushtetuese që sjell zvarritjen e rifillimit të funksionimit të kësaj Gjykate. Për më tepër, ky veprim synon të ndikojë në cenimin e pavarësisë së këtij institucioni nëpërmjet ndërhyrjeve antikushtetuesee në procedurat e emërimit të gjyqtarëve të kësaj Gjykate.

Presidenti në mënyrë të përsëritur ka kryer veprime në kundërshtim me Kushtetutën, duke nxjerrë akte në tejkalim ose në mungesë të kompetencës së tij kushtetuese dhe ligjore”./abcnews.al 

 

SINKRONE-PER-KAJMAKUN.mpg_snapshot_00.00-1280x720.jpg
ent ela15:12 | 11/11/2019

Partia Socialiste nuk komenton vendimin e drejtësisë për Agim Kajmakun. Belinda Balluku e deleguar politike e PS-së në Bashkinë Vorë tha se nuk ka asnjë koment për çështjen, ndërsa deputeti i zonës, Sadi Vorpsi u shpreh se nuk e mbështeste ish kryetarin e bashkisë në shkarkimin e dy nënkryetarëve. /abcnews.al

astrit-patozii.jpg
ger ta17:07 | 09/11/2019

Astrit Patozi kreu i Bindjes Demokratike ndan shqetësimin se pse po kalohen në heshtje zgjedhjet e brendshme në Partinë Socialiste.

Sipas Patozit lajmi sot ishte mungesa e kryeministrit Rama në takimin e socialistëve dhe jo se çfarë u tha nga përfaqësuesit e tjerë.

Dhe sipas kreut të BD kjo e ka një përgjigje dhe nuk ka të bëjë me faktin se shqiptarët e kanë humbur interesin për politikën, por sepse të gjithë e kanë kuptuar se gjithçka është teatër.

Sepse në partitë tona nuk bëhet zgjedhje, por emërime, dhe kjo epidemi ka prekur të gjithë sistemin politik. Sepse e njëjta histori vijon më pas me listat e deputetëve, emrat e kandidatëve për kryetarë bashkie dhe me çdo të zgjedhur tjetër në këtë vend”, shprehet Patozi mes të tjerash.

Komenti i plotë:

PSE NUK KA LAJM PËR ZGJEDHJET NË PARTINË SOCIALISTE?

Pothuajse po mbyllen zgjedhjet e brendshme të Partisë Socialiste dhe nuk ndjehet të ketë asnjë vëmendje mediatike. Sot lajmi ishte që në takim mungonte Edi Rama dhe jo se çfarë po ndodh realisht me forcën politike, që mban e vetme prej më shumë se dy vjetësh timonin e qeverisë.
Mos i kërkoni më kot arsyet tek frekuenca e lartë e ngjarjeve të pazakonta, që ne prodhojmë si shoqëri dhe aq më pak tek shtypi si pasqyrë e deformuar e tyre. Nuk është faji i publikut që njeh edhe detajet më të imta të jetës së Redian Rrahjes dhe nuk ka asnjë informacion për të ardhmen e partisë më të madhe në vend, sipas zgjedhjeve të fundit.
Dikush mund të thotë se është zbehur interesi i shqiptarëve për politikën në këto vitet e fundit, por kjo është shumë larg të vërtetës. Sepse, është e kundërta, për sa kohë që politIka vijon të mbetet shumë përcaktuese për fatet e tyre.
Problemi është se të gjithë e kanë kuptuar se gjithçka është teatër, ndaj edhe nuk kanë asnjë lloj kurioziteti për ta ndjekur shfaqjen. Sepse në partitë tona nuk bëhet zgjedhje, por emërime, dhe kjo epidemi ka prekur të gjithë sistemin politik. Sepse e njëjta histori vijon më pas me listat e deputetëve, emrat e kandidatëve për kryetarë bashkie dhe me çdo të zgjedhur tjetër në këtë vend.
Ndaj edhe lajmi sot ishte që në mbledhje mungonte Edi Rama, dhe jo se çfarë thanë, bënë apo vendosën gjithë të tjerët, që presupozohet të jenë rreth 100 mijë burra dhe gra në partinë e vetme qeverisëse në Shqipëri. Sepse gjithë të tjerët nuk kanë asnjë vlerë, ngaqë secili prej tyre e ka emrin më laps dhe karriera e gjithëkujt varet thjesht dhe vetëm nga humori i “udhëheqësit”.
Është pikërisht kjo arsyeja pse refuzimi për të reformuar sistemin tonë të dështuar politik vjen kryesisht prej aty, ku gravitacioni i pushtetit të kryetarokracisë është më i fortë. Nga shefat e partive kryesore, të cilët sot mund të jenë të gatshëm të zihen për gjithçka në këtë botë, madje edhe për datën, por jo për ruajtjen e statukuosë, për të cilën duket qartë se ka një pakt të heshtur midis tyre./abcnews.al

 

shkoder-1280x622.jpg
Autor E15:04 | 31/10/2019

Është shoqëruar me debate mbledhja e socialistëve të Shkodrës për përcaktimin e drejtorëve në këtë qark. Ky është një debat që vijon prej disa kohësh pas lëvizjeve të mëdha që u bënë në bashkitë e këtij qarku.

Gazetari Simon Shkreli bën me dije për abcnews.al se në mbledhjen me dyer të mbyllura debati është zhvilluar mes Senida Mesit dhe anëtarëve të Kryesisë të cilat e kanë akuzuar ish-zv.kryeministren dhe po përdor metodat përçarëse brenda radhëve të partisë.

Më i ashpër në mbledhje ka qenë ish-kreu i Komunës së Bërdicës, Besnik Brahimaj, i cili i ka kërkuar llogari Mesit dhe nga kush i merr votat dhe se kë përfaqëson.

“Ju nuk mund të injoroni bazën dhe ta përçani atë”, u shpreh Brahimaj duke rritur tensionin në sallë. Sipas tij Senida Mesi nuk ka marrë vota në asnjë zonë të Shkodrës, gjithçka është arritur nëpërmjet përfaqësuesëve të Partisë Socialiste në ato zona.

Gjithashtu debate pati edhe mes kreut të Partisë Socialiste të Velipojës Emiliano Nika dhe deputetes Senida Mesi.

Arben Pëllumbi koordinatori i caktuar nga qëndra i pranishëm në mbledhje nuk ka ndërhyrë në debat, ndërsa më vonë theksoi se pjesëmarrja në parti është çshtje personale dhe çdokush hyn apo del sipas zgjedhjes së tij.

“Shiko, është krejtësisht normale që njerëz të cilët heqin nga koha e tyre e lirë, sic është qënia përfaqësues i një force politike, ju e dini që forcat politike janë organizime vullnetare, pra dikush me vullnet të lirë është pjesë e këtyre strukturave, dhe heq nga koha e tij e lirë, sigurisht që e bënë këtë për një arsye të caktuar. Aryeja bazë që të gjithë ne merremi me këtë punë është se ne besojmë se PS-ja dhe qeveria e saj është ajo e cila e bënë më mirë shërbimin ndaj qytetarëve. Por nuk perjashtohen mundësitë që individ të caktuar të kenë edhe probleme personale”, tha Pëllumbi.

Partia Socialiste ndodhet në një fazë riorganizimi ku kryesia qëndrore e PS-së ka marrë përipër të shkrijë gjithë strukturën drejtuese të PS-së së Bashkisë Shkodër. /abcnews.al

arben-pellumbi.jpg
ad min20:48 | 21/10/2019

Do të presin për PD-në, por jo në pafundësi. Është ky përfundimi i PS-së në lidhje me komisionin për reformën zgjedhore.

Deputeti i saj, Arben Pëllumbi, deklaroi këtë të hënë në televizionin ABC News se nëse PD është e interesuar për reformën duhet të ulet dhe të fillojë puna.

Nëse PD nuk ulet, por vazhdon me qëndrimet ultimative, atëherë sipas deputetit do të realizohet një Kod i ri Zgjedhor i bazuar vetëm në rekomandimet e ODIHR.

“Ne mendojmë që rruga e vetme në të cilën mund të kryhet reforma është në përmjet komisionit që është rruga institucionale. PD nëse është e interesuar i ka të gjitha mekanizmat brenda këtij komisioni për t’i arritur çështjet që asaj i interesojnë sikurse ne kemi pikësynimet tona. Ne duhet të ulemi dhe të flasim për këtë gjë, duhet të fillojë puna për këtë gjë. Ne nuk do të presim në infinit. Nëse PD mban këtë qëndrimi refraktar si sot që thotë o kështu siç them unë o jo ne do të ecim përpara me reformën në parlament. Ne kemi bërë një sugjerim tonin që në raste se do të ecim në këtë rrugë që nuk e duam, por do jemi të detyruar të ecim, atëherë ndryshimet që do bëjmë në Kodin Zgjedhor do kenë të bëjnë vetëm nga rekomandimet e OSBE/ODIHR dhe nuk do reflektojmë në to asnjë nga kërkesat që kemi ne si forcë politike”, tha Pëllumbi.

Sekretari organizativ në PS ta gjithashtu se problemi në Shqipëri nuk është me sistemin zgjedhor. Sipas tij, duhet të ketë një administratë zgjedhore, e cila duhet të jetë jo politike.

“Ne si forcë politike jemi të hapur për ta diskutuar, por mendojmë që sistemi nuk ka nevojë për ndryshime, por ne jemi të hapur për të diskutuar nëse gjenden argumentet për të na bindur në këtë gjë. Shqipërisë nuk i vjen e keqja nga lloji i sistemit, por si e përdor sistemin që ka në dispozicion. Çdo lloj sistemi në vetvete është demokratik dhe nxjerr një produkt demokratik po e zbatove siç duhet. Çdo sistem ka të mirat dhe të këqijat e veta.

Kjo është një gjë që dëshirojmë ta zbatojmë që ta çdepolitizojmë sistemin e administratës zgjedhore. Që nga KQZ dhe gjithçka poshtë. E gjithë administrata zgjedhore duhet të jetë jo politike. Në 2003-2004 kemi patur administratë jo politike”, tha Pëllumbi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono