provokacija

erion-brace-ok.jpg
R D21:46 | 06/12/2019

Zv/ Kryeministri, Erion Braçe mori në mbrojtje ish-kryetarin e Bashkisë së Durrësit, Vangjush Dako që drejtoi këtë qytet 12 vitet e fundit, kur u dhanë leje të shumta ndërtimi. I ftuar mbrëmjen e sotme në emisionin “Provokacija” të Mustafa Nanos, në Abc News, Braçe tha se për 6 pallatet e shembura në Durrës nuk është përgjegjës Vangjush Dako. “Prokuroria të shkojë të marrë lejet e ndërtimit. Aty i ka! Të bëhen verifikimet sepse pallatet e shembura në Durrës dhe në Thumanë ishin ndërtuar në kohën e komunizmit dhe në vitet ’93-’94”.

Pjesë nga bashkëbisedimi në studion e “Provokacija”

Nano: Pse ishte Thumana më e goditura?

Braçe: Ka qenë zonë kënetore dhe ndërtimet kanë qenë shumë të dobëta. Ajo është një zonë rurale edhe pse është pjesë e bashkisë së Krujës. Aty janë njerëz të dërguar kryesisht nga regjimi i Enver Hoxhës. Pra janë çuar për krah pune. Cilësia e pallateve në Thumanë është mizerabël. Ato që sollën viktimat më të shumta ishin ndërtesat e kohës së komunizmit.

Nano: Po në Durrës?

Braçe: Pra janë dy kategori ndërtesash që janë rrëzuar: 1 – të kohës së Enverit, 2- të viteve 1993-1994. Në Durrës për shembull është rrëzuar një pallat i ndërtuar në ’93.

Nano: Po e theksoni vitin ’93, kush është përgjegjës?

Braçe: Duhet ta thonë dy organe…

Nano: Se njerëzit e njohin si “Durrësi i Dakos”, është si legjendë urbane kjo

Braçe? Po legjendë mediatike se kështu nis kjo dhe përfundon si perceptim popullor.

Unë s’kam pse ta mbroj por ato 6 objekte që u shemben s’janë të kohës së Dakos.

Çdo leje që ka lëshuar nga Bashkia e Durrësit të verifikohet 1 për 1, kushdo që i ka dhënë Lefter Koka dhe Vangjush Dako.

Prokuroria dhe gjykata të bëjnë punën e tyre, dhe të hetojnë se pse u rrëzuan objektet dhe kush është përgjegjës. Hotel “Lubjana” psh nuk është dhënë me leje nga Dako. “Miramare” dhe “Palmat” janë lejet e ndërtimit aty, edhe këto të hetohen… Edhe pallati i vitit ’93-’94 ku humbi jetën edhe një koleg i joni, ish-deputet le të hetohet se kush dhe si e dha lejen.Prokuroria të nxitojë ta bëjë këtë proces.

/Abcnews.al

endri-xhafo-provokacija-1280x708.jpg
nev ila23:21 | 29/11/2019

“Mungesë metodologjie, jo vetëm e qeverisë, por e çdo institucioni shtetëror shqiptar”, e ka quajtur gazetari Endri Xhafo, menaxhimin e situatës dramatike, që la tërmeti i 26 nëntorit.

I ftuar në “Provokacija” me Mustafa Nanon, gazetari tha se, qeveria dhe instancat shtetërore, duhet ta kishin parashikuar që ndoshta do të vinte kjo ditë, dhe se duhet të ishin marrë masa. Kjo pasi të gjithë e dinë se, Shqipëria ndodhet në zonë me sizmologji të lartë, e si e tillë duhet të ishte e parapërgatitur.

Gjatë bisedës së tij Endri Xhafo tha se, menaxhimi i tragjedisë që shkaktoi tërmeti, la për të dëshiruar, e kjo u duk edhe në hezitimin e qeverisë për të shpallur “Gjendjen e Emergjencës”, ligji i të cilës është bërë nga vetë kryeministri, theksoi gazetari.

Pjesë nga biseda:

Mustafa Nano: Kam vënë re një solidaritet mes shqiptarëve që nuk e shoh në rrethana normale…

Endri Xhafo: Ka qenë i jashtëzakonshëm! A nuk është e jashtëzakonshme të shohësh Kosovarët, duke punuar dorë për dorë me Serbët?! Këto janë momente rrënqethëse. Apo të shohësh një person, i vogël në 1999, kur kishte ardhur nga Kosova në Shqipëri. Kishte ardhur përsëri tani, si pjesë e FSK (Forcave Speciale të Kosovës) për të ndihmuar. A ka histori më prekëse se kjo? Si këto gjen plot histori këto ditë, pra ka qenë një solidaritet, jo vetëm mbarëshqiptar, por edhe një solidarizim njerëzor shumë prekës”, tha ndër të tjera Xhafo./abcnews.al

PROVOKACIA-22-NENTOR-GJERGJ-BOJAXHI-PJESA-2.mpg_snapshot_13.09-1280x720.jpg
ent ela22:57 | 22/11/2019

Arsyeja kryesore që Gjergji Bojaxhi angazhohet në politikë është se nuk ndjehet i përfaqësuar. Në studion e Provokacijas ai tha se përgjegjësinë nuk e ka votuesit, por nuk kuptonte ata votues që i qëndronin besinik premtimeve të hajdutëve dhe maskarenjve të politikës.

“Problemi ynë kryesor nuk është që ka pak të ndershëm e shumë masakrenj. Problemi ynë është se këta të ndershmit kush i përfaqëson. Arsyeja që unë angazhohem në politikë është se nuk jam i përfaqësuar. Fajin e ka personi që kandidon nuk e ka votuesi. Si në biznes nuk e ka fajin konsumatori, edhe në politikë përgjegjësinë nuk e ka votuesi. Nuk jep zgjidhje duke kritikuar votuesin. Nëse unë do bëj një kritikë është me gjysëm humori. E kuptoj që nga halli varfëria, nevoja për t’i gjet një vend punës fëmijës, njerëzit bëjnë premtime për votën. Ajo që unë nuk kuptoj është një gjë, pse kur shkojnë te kutia e votimit i mbajnë premtimin hajdutëve dhe msakarenjve në politkë, por në anonimitetin e kutisë së votimit nuk kontrollohet dot më dhe prapë është si të shkosh te prifti, t’i thuash më fal dhe më lejo të bëj mëkate edhe për 4 vitet e ardhshme, se do të krijosh varësi edhe për 4 vitet e ardhshme”.

Sipas tij politika jonë është kanibaliste nuk di të prodhojë të mira dhe po fut duart në xhepat tanë.

“Politika jonë është kanibaliste nuk di të prodhojë të mira. Këta kanibalë kanë kapur se çfarë ishte e ndërtuar e përbashkët nga e kaluara. Këta janë më të më shumtë, më të fortë e më agresive dhe po fusin duart në xhepat tanë dhe me këto taksa bëjnë më shumë korrupsion me tendera e vende pune. Po marrin burimet tona natyrore”.

Bojaxhi akuzoi partitë se bëjnë gara se kush e shkel ligjin më pak, apo kush do vjedhë më pak apo më shumë. Sipas tij qytetarët nuk kanë të ardhme

“Fakti që Rama futi kriminelë brenda parlamentit është skandaloze, një parti që i ka mbajt mbrapa skene dhe po merr pikë se partia tjetër u tregua më e guximshme dhe i mori në parlament. Unë si qytetar njëlloj po vidhem e abuzohem njëlloj si me krimineleë në parlament si me kriminelë pas.

Po mua si shoqëri që s’kam të ardhme dhe po më shkatërrohet vendi dhe e ardhmja e fëmijëve të mi. Për mua njësoj është si kriminela para politikanit dhe ai pas, ai mburret se shkel ligjin më pak, nuk mund të ketë politikë normale kur politikanët bëjnë gara kush e shkel ligjin më pak. Ligji duhet të zbatohet. Ne kemi ndikuar një sistem ku prtitë politike nuk kanë më frikë të vjedhin, thjesht kush na vjedh më pak apo më shumë. Ne si qytetarë na ofrohet kjo alternativë ky ose ky. Si e ndryshon ky jetën time si qytetar që do të paguajë taksa, që do ti rrisë fëmijët e ndershëm. si do im mëosjmë fëmijët tanë? Shko mëso, bëhu i zoti, apo shko sa për të marrë diplomën se kemi miq e shokë bëjmë ca ndere. Cili është modeli, një prind si duhët ta edukojë fëmijën e vet? Në Amerikë, në Gjermani është e qartë; shko, mëso, edukohu bëhu i zoti se shoqëria do të ketë nevojë për ty. këto shoqri ecin ëprpara prandaj shqiptarët po ikin jashtë”.

Bojazhi thekson se çdo problemet i zgjidhin ata që jetojnë aty dhe jo të huajt, se ekemi të keqen brenda.

“Të huajt nuk do na shpëtojnë, nuk e besoj dot kur të keqen e ke brenda”. /abcnews.al

 

550c394e-e6d8-4a10-9d43-68488a9a35ae-1280x710.jpg
ent ela22:09 | 22/11/2019

Për Gjergji Bojaxhiun reforma në drejtësi është një grackë që iu është shitur shqiptarëve, pasi mjeti kryesor për të pastruar politikën nga krimi është vota.

“Qytetarëve u është shitur sikur një reformë e thellë në drejtësi do pastrojë politikën, drejtësia mund të mos bëjë pastrime në politike, por unë mendoj që çdo mjet ka rolin e vet kur bën diçka.

Mendoj që drejtësia është një mjet kirugjikal për të bërë pastrime rregullime. Politika shqiptare ka problem ka një problem rrënjësor dhe të gjerë të korrupsionit dhe mendoj që mjeti i parë është një pastrim me votë. Është një grackë që ia ka shitur qyteraëve këtë gjë dhe duke i thën që vazhdoni në rutinën tuaj, në ato pazaret që bën secili qoftë me votën e vet dhe mënyrën si mendon se ne do zgjedhim 100 gjyqtarë e prokurorë të cilët do bëjnë me dedikim e heroizëm atë që ne si qytetarë refuzojmë ta bëjmë, që me votën tonë të pastrojmë pisllikun nga politika”.

Bojaxhiu shprehet se alternativat krijohen me votë, ndërsa akuzon partitë që e kanë marrë peng vendin.

“Alternativat krijohen me votë. Këto parti e kanë marrë peng vendin dhe shoqërinë. Po me votë ne ose do të reformojmë këto parti, ose do krijojmë të reja. Mendoj se është e pamundur për t’u reformuar nëse nuk jepen mesazhe të forta me votë dhe ne e kemi provuar që kemi ndëshkuar një palë, por duke qene të ngjashme në nepotizëm.

Ne nuk jemi një shoqëri adoleshente si në vitet ‘90 dhe ishim më të gatshëm për të ndëshkuar një që bënte gabim. Ka ardhur momenti që shoqëria është pjekur e lodhur se nuk është e gatshme të bëjë eksperimente. Jo se qytetarët e duan Ramën, por kreu i opzitës nuk i kënaq.

Reforma në drejtësi mund të bëjë pastrime në mënyrë targetuar të politikës jo në volum”. /abcnews.al

 

 

miraaa.jpg
ger ta22:28 | 15/11/2019

Gazetarja e njohur Mira Kazhani ishte e ftuar në “Provokacija” me Mustafa Nanon.

Kazhani bëri xhiron e mediave sociale këtë javë, ndërsa sqaroi atë që kishte ndodhur. Gjithçka nisi pas një komenti të gazetares për protestën e Unazës së Re, ndërsa vëmendje tërhoqi reagimi i aktorit Julian Deda, ku mes të tjerash deklaronte “gjejini një burrë të qetësohet”.

Ndërkohë, në “Provokacija”, Kazhani iu përgjigj sërish Dedës teksa citoi edhe se çfarë i kishte thënë dikur avokati Spartak Ngjela.

Në fakt ai ishte një mesazh i aty për atyshëm unë u mërzita kur e lexova… Spartak Ngjela më thoshte vetëm në komunizëm martoheshin njerëzit për të bërë seks”, tha gazetarja.

Pjesë nga biseda në studio:

Kazhani: Për fat të keq deklarata e gruas që pushtoi ekranet se mendonte që qeveria ishte tallur me të pasi kishte marrë 130 mln lekë. Mund ti fal Tiranapost-in, shtëpinë time, unë të marrë dëmshperblimin e saj dhe ajo të bëjë punën time si gazetare. Jam gati ta shkëmbej punën për atë dëmshpërblim. I qendroj idesë që ishte një protestë që mbron zaptuesin. Mua më vjen keq për prindërit e mi, për borxhet dhe për kondicionerin që e fikte babi se nuk ia dilnin dot.

Pse duhet ti harrojmë këto dhe duhet të solidarizohemi me këta njerëz. Unë nuk e di fare si është projekti i Unazës, parimisht jam kundër çdo gjëje që shkel ligjin.

Nano: Një pjesë e reaksionit ndaj shkrimit tënd unë mendoj se duhet parë si kritikë normale. Janë me mijëra familje që kanë zaptuar, një pjesë janë legalizuar. Këto familje po digjen se janë të pafat.

Kazhani: Unë nuk e di që ato familje nuk do dëmshpërblehen. Detyra e shtetit është që të justifikojë edhe gabimet e qeverisë së mëparshme. Unë nuk shkruaj që ti bëj qejfin rrjetit.

Nano: Pas shkrimit doli një reagim nga Julian Deda. Menjëherë pas kësaj erdhi reagimi i Mira Kazhanit. Ky shkëmbim mesazhesh ka marrë vëmendje?

Kazhani: Në fakt ai ishte një mesazh i aty për atyshëm unë u mërzita kur e lexova. Nqs ka merak se unë nuk kam krevat. Spartak Ngjela më thoshte vetëm në komunizëm martoheshin njerëzit për të bërë seks.

Nano: Fraza e dytë e Julit është një gjë që nuk duhej thënë, “gjejini burrë të qetësohet”.

Kazhani: Unë nuk e gjykoj fare, unë di çfarë duhet të them vetë. Unë u mërzita për momentin, është një djalë që bën humor unë i kam kthyer përgjigje. Por u habita me ato që më sillnin mesazhe me emoji me lot, i kisha bërë njerëzit për të qeshur…Kam shumë respekt për babain e tij, por kam menduar “ç’të bën fëmija s’ta bën perëndia”./abcnews.al

ermir-gjinishi-1-1280x735.jpg
nev ila22:08 | 15/11/2019

Teologu Ermir Gjinishi, i ftuar në studion e “Provokacija” me gazetarin Mustafa Nano tha se, fetarët në Shqipëri devijojnë dhe deformojnë sjelljen e njerëzve që frekuentojnë kultet. Sipas Gjinisht, sfida e fesë qëndron se sa ajo e shfaq modelin e saj, dhe se tek disa prej fetarëve shqiptarë ka parë se nuk përcjellin zërin e fesë.

Pjesë nga biseda në studio:

Ermir Gjinishi: Në shqiptarët kemi arsye për të bërë debate ku fetarët të jenë prezent, jo vetëm për të shkuarën por edhe për rolin që ka në shoqëri feja. Pra një imam duhet të marrë pjesë sa më shumë në studio televizive. Ajo që vë re është se shpesh herë imamë apo klerikë nuk vijnë aty për të thënë zërin e fesë. Ne kemi rënë në qorrsokak sepse Islami është një. Ne të gjithë kemi mënyrën se si i qasemi Islamit, ne jemi ndjekësit e Islamit, por nuk jemi fytyra reale e Islamit. Islami është gjë tjetër. Ne kemi nevojë të bëjmë këtë diferencë.

Mustafa Nano: Të gjithë muslimanët që takoj janë muslimanë të ndryshëm, si e shpjegoni këtë ?

Ermir Gjinishi: Ju mendoni se të gjithë gazetarët janë si ju? Ajo që duhet të dallojmë është se sa e kanë kuptuar fetarët të vërtetën e fesë, çështja e të cilës është sfidë shumë e madhe. Por a po krijon feja modelin e saj të fetarit në shoqëri? Këtu qëndron sfida. Unë mendoj se ka shumë punë për të bërë në lidhje me këtë.

Mustafa Nano: Ka disa klerikë që janë të pranishëm në jetën publike, dhe janë të pranishëm si imamët dhe priftërinjtë. Në të njëjtën kohë ata luajnë edhe funksione laike ose politike shpesh herë, sillen si politikanë, kam parë priftërinj që janë agresiv në opinionet e tyre, ndërsa Imamët janë paksa më të kujdesshëm, por kam përshtypjen se ndaj edhe janë më të rrezikshëm, se e maskojnë mirë anën politike.

Ermir Gjinishi: Ata nuk janë të rrezikshëm, por rreziku qëndron në paaftësinë, pamundësinë, mungesën e dëshirës që këta njerëz kanë për tu përballur me njeriun ndryshe, mendimin ndryshe me kritikën. Ajo që i çon njerëzit përpara është kritika. Ne duhet të përballemi me njerëzit që kanë mendimin ndryshe, nuk ka rëndësi shumë se sa objektiv apo subjektiv është.

Mustafa Nano: Çfarë thonë muslimanët për ty?

Ermir Gjinishi: Nuk kam qenë kurrë i interesuar për të ditur se çfarë mendon një musliman, dhe një jo musliman për mua, sepse unë marrëdhënien time fetare e kam shumë intime. Unë jam xheloz dhe nuk futem fare në këtë pjesë, se kështu e mendoj, dhe kështu është. Marrdhënia e njeriut me zotin është thellësisht intime dhe personale. Në momentin që prodhon pushtet mediatik, me këtë lloj marrëdhënie, fillon mban leksione, kjo është një fasadë që klerikët nuk duhet të bien pre. Na mungon zëri i klerikëve, si klerikë nëpër media, po jemi të tejmbushur me klerikë që vijnë në media për të folur gjithçka, por vetëm për fenë jo.

Mustafa Nano: Pashë në youtube një video ku ishte një moment ku Elvis Naçi ishte diku edhe kishte njerëz aty që donin ta takonin, ishte dikush që e shoqëronte aty dhe tha: jepi dorën tani këtij njeriu se nuk ju vjen më ky rast. Unë u shokova.

Ermir Gjinishi: Problemi nuk është me njeriun është me idetë. Këto ide ekzistojnë, nëse nuk i kemi ne i ka dikush tjetër. Muçi duhet falenderuar se del dhe i bën publike, por edhe Elvisi duhet falenderuar se i bën publike. Çështja është, kur një njeri paraqitet si një klerik, të gjithë e shikojnë si një klerik, dhe nëse sjellja ose produkti i tij nuk ka lidhje me të qenurit klerik, atëherë njerëzit kanë gjithë të drejtën e zotit të krijojnë pikpyetjet e tyre. Unë jam kritik me këtë, një imam apo një prift mund të merret me çfarëdolloj pune, po kur vjen puna që të japë një opinion, ai nuk mund të dalë jashtë kontekstit të tij doktrinar./abcnews.al

 

ali-aliu.jpg
ger ta21:41 | 15/11/2019

Ali Aliu, anëtar i Akademisë së Shkencave të Maqedonisë  ishte i ftuar në emisionin “Provokacija” me Mustafa Nanon në Abc News.

Gjatë bashkëbisedimit në studoi, Aliu foli për Ismail Kadare dhe Dritëro Agollin.

Ndërkohë, Nano i rrëfeu akademikut se ka personazhe që e kritikojnë emisionin e tij, pasi ka një emër serb.

Lidhur me këtë Aliu u shpreh se ka një keqkuptim dhe ka të bëjë me ndjeshmërinë. “Unë e kam parë nga një ngjarje që ka ndodhur në Beograd, e kam lidhur me atë“, tha akademiku.

Pjesë nga biseda në studio:

Nano: Kadareja është një shkrimtar i madh, si është e mundur që një shkrimtar i tillë kaq i madh lindi në Shqipëri dhe si e shpjegoni ju fenomin Kadare që lidni në një truall që nuk premtonte shumë?

Aliu: Me një aspekt kështu siç na pëlqen ta themi ne që merremi me letërsi, ndihemi mirë kudo që shkojmë në botë. Por ka fenomene të tjera në këtë botë kaq të afërt, të prekshme, cdo skaj të botës e ke me fenomene. Teorikët që merren me këtë çështje thonë që nuk është për tu habitur që në vende me tradita të vogla lindin talente të mëdhenj. Është çështje e individit.

Nano: Po Dritëro Agolli, me të cilin ju keni qenë miq.

Aliu: Po kishim një lidhje nga stërgjyshërit. Ne kur u njohëm në vitet 70 ai gjeti një lidhje andej nga Devolli, por na afroi puna dhe atë e kisha lexuar dhe e dija para se ta takoja, në fillim të vitve 70 kur nisi lidhja Prishtinë-Tiranë.

Nano: E kanë kritikuar Agollin si funksionar partie?

Aliu: Po, për mua Dritëroi është shkrimtar i madh që nga vitet ’90 e këtej. Poezi, se prozator më i madh është ai me Zylon. I madh se gjeti një mënyrë për të thënë dicka që nuk thuhej dot asaj kohe. Është edhe “Komisari Memo”.

Nano: Edhe ai është i shkruar bukur,  nëse e shohim nga ana stilistike është libër shumë i mirë.

Aliu: Tek “Komisari Memo” është personazhi kryesor, është komandanti. Ky është i bartur si stil edhe në luftë. Duhet lexuar ose “Njeriu me top”, e merr topin në shtëpi po diku duhet të shkrepë, e shkrep me vëllain. Kështu lexohet. Kështu e kam lexuar Dritëroin.

Nano: Ju thatë që shihni programe televizive shqiptare.

Aliu: Shumë kam qenë dy vite në Tiranë dhe gati i njoh të gjithë personazhet. Më shumë më tërheqin cfarë po ndodh në Tiranë. I njoh njerëzit të njerit dhe të krahut tjetër. I shoh ndonjëherë në formate të tjera, ndryshe i kam njohur dhe ndryshe shfaqen në debate. Edhe juve ju shoh ndryshe në këto debate. Ndonjëherë jeni i qetë, në përgjithësi i shoh edhe këto emisine dhe besoj në atë që ju jeni i hapur.

Nano: Unë e pretendoj këtë gjë.

Aliu: Ajo duket dhe mbron kauzën e vet.

Nano: Do më bëni një nder…Unë ka një marrdhënie të vështirë me disa njerëz në Kosovë dua ti kem këtu, por ata më kritikojnë për emrin e emisionit që është serb Provokacija. Unë do doja që ju të bëheshit ndërmjetësi që ata të vinë këtu.

Aliu: Unë nga natyra gjithnjë e shoh anën pozitive të çdo fenomeni.

Nano: Kjo edhe juve ju ka nervozuar.

Aliu: Unë e kam parë nga një ngjarje që ka ndodhur në Beograd e kam lidhur me atë.

Nano: Po ajo ështën burimi.

Aliu: Një parodi, unë e kam marrë si të tillë. Pashë atje në Beograd një superoritet. Siç thashë më parë në rastin e Kadaresë. Gjithnjë e kemi vuajtur edhe kur përmendej Shqipëria në ato rrethe të ish-Jugosllavisë përmendej me një nënçmim. Madje edhe në Maqedoni. Konsideroj një mosmarrëveshje këtu.

Nano: Edhe unë e kuptoj këtë gjë, por kam menduar se nuk ka si të merret si provokim. Nuk jam dakord kur thonë Nano, tradhtar, serboman etj…/abcnews.al

 

dritan-dragusha-1280x711.jpg
nev ila22:39 | 12/11/2019

Dritan Dragusha, autor dhe moderator i emisionit “Prizma” në Kosovë ishte i ftuar sot në mbrëmje në emisionin “Provokacija” me gazetarin Mustafa Nano.

Moderatori Dragusha foli për çështjet e religjionit në Shqipëri dhe Kosovë. Sipas tij në çështjet e religjionit ende nuk është arritur një komunikim normal për to.  Sipas tij njerëzit me përgjegjësi publike në Kosovë hezitojnë të deklarohen rreth besimit, sepse ata kalkulojnë në veprime të thjeshta personale.

Kjo shkakton problem, pasi nuk debatohet për këto çështje. Si shkak të këtyre çështjeve sensitive sipas Dragushës është edhe konteksti historik që kanë të dy vendet.

Dragusha komentoi gjithashtu edhe fitoren e Albin Kuriti në Kosovë. Sipas tij, është e paqartë nëse në Kosovë është votuar për Albin Kurtin që është për bashkimin e Kosovës me Shqipërinë,  i kundërshtimit të aparatit, apo është votuar për Albin Kurtin,  i moderuar që është i gatshëm për dialog dhe nuk e përmend bashkimin./abcnews.al

joni-peci-dhe-edi-rama-1280x715.jpg
nev ila22:32 | 12/11/2019

Joni Peci i ftuar mbrëmjen e sotme në Provokacija komentoi veshjen e kryeministrit Rama.

Në bisedën e tij me gazetarin Mustafa Nano, Peçi vlerësoi mënyrën e veshjes së kryeministrit Rama dhe e cilësoi atë si një nga politikanët, që shpesh herë është i veshur shumë “shik”.

Mustafa Nano: Është një diskutim që e kemi bërë shpesh herë lidhur me veshjen, sepse unë jam shumë kritik lidhur me veshjen e kryeministrit Rama.

Joni Peçi: Unë mendoj së ne shpesh herë kapemi dhe referohemi te individi. Mua nuk më shqetëson veshja, se sa më shqetëson ndoshta puna dhe detyra, që ka për këtë vend. Pra me pantallonat e Edi Ramës, në këtë moment, mendoj që do ishte banale të merreshim. Veshja është çështje shijesh, është e njëjta gjë sikur të më thonin edhe mua pse vishem kështu? Ekstravaganca si ajo e Edi Ramës nuk më shqetëson. Është çështje këndvështrimi.

Mustafa Nano: Zëre se është një njeri që nuk e njeh, nga 0 deri në 10, çfarë note i vendos veshjes së tij?

Joni Peçi: Unë do i jepja ndoshta 9. Nuk i përkas asnjë force politike, dhe po them mendimin tim në lidhje me të. Kur unë kam bërë modë dikur, më tregonin gishtin duke më vendosur epitete të ndryshme, ndaj nuk më pëlqen të komentoj për veshjen një personi tjetër. Por dua të them që kryeministri Edi Rama shpesh herë është i veshur mjaft këndshëm.

Mustafa Nano: Kam dëgjuar që Edi Rama ka në axhendën e vet të bëhet stilist, e ke frikë si konkurrent?

Joni Peçi: Shpresoj mos të bëhet sepse do ta konkurroj. Gjithsesi unë preferoj një njeri që eksperimenton me veshjen sepse është më i lexueshëm, se sa një person që i ruan ato kornizat formale, dhe në fakt nuk është ai që duket./abcnews.al

joni-peci-provokacija-1280x720.jpg
nev ila22:11 | 12/11/2019

I ftuar mbrëmjen e sotme në Provokacija me gazetarin Mustafa Nano ishte stilisti  i njohur, Joni Peçi.

Stilisti prezantoi linjën e tij të parfumit “Enciklopedi” i krijuar në Francë. Sipas Pecit, kishte përzgjedhur Francën për krijimin e “Enciklopedisë”, pasi njihet si shtëpia e parfumit.

Pyetjes se nëse në Shqipëri kishte stilistë të mirë ose jo, Joni Peçi iu përgjigj:

“Mendoj që Shqipëria ka stilistë shumë të mirë, ka emra të ndryshëm, Ardi Asllani, Enada At’ Nikolla dhe emra të tjerë që operojnë në këtë treg, por ende nuk është kthyer në një industri të madhe siç e kam kthyer unë. Si në Kosovë ashtu edhe në Shqipëri, jemi ende në fazat që kjo gjë nuk është kthyer në industri të madhe”.

Stilisti Joni Peçi theksoi se pjesa më e madhe e klientelës së tij, ishin emrat e famshëm të VIP-ave shqiptarë, por që nuk mungonin edhe njerëzit e thjeshtë.

Pjesë nga biseda:

Mustafa Nano: Ka një ide që shqiptarët vishen tmerrësisht keq…

Joni Peçi: Shqiptarët janë veshur tmerrësisht keq. Por tani kanë filluar të ndryshojnë pak. Dikur visheshin femrat keq por të paktën tentonin të visheshin. Më pas vazhdoi një periudhë tranzicioni shumë e gjatë për meshkujt që visheshin shumë keq, por tani kanë filluar që edhe meshkujt të përmirësohen.

Mustafa Nano: Po këta shqiptarët që janë në skenën publike?

Joni Peçi: I vetmi problem tani është që shqiptarët nuk dinë të zgjedhin veshjen e duhur në momentin e caktuar. Ke femra që vishen në punë me fustane “cocktail dress” i cili vishet pasdite apo në ndonjë cocktail, dhe ndërkohë shkojnë e veshin paraditeve në punë. Unë mendoj që veshja e paradites, dhe veshja në punë, është ajo që duhet të tërheqë më pak vëmendje, dhe duhet të jetë sa më komode, ashtu si e kërkon profesioni./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono