provokacija

Sokol-Balla.jpg
nev ila21:45 | 24/05/2019

Sokol Balla, gazetar dhe analist, sot në mbrëmje ka qenë i ftuar në emisionin Provokacija, me gazetarin Mustafa Nano. Balla ka ndarë opinionin e tij në lidhje me situatën politike aktuale në vend. Gazetari u shpreh se nuk beson se ka arsye që situata politike, të çojë vendin në një përplasje civile. Më tej, Balla tha se, të gjithë ata që kërkonin që vendi të shkonte në përplasje civile për të larguar Edi Ramën,  ishin të njëjtit persona që kërkuan të njëjtën gjë në 1997 për të larguar Sali Berishën.

Mustafa Nano: Ke shumë zëra publikë, intelektualë, gazetarë, që unë i shoh aktiv, dhe  janë të rreshtuar dhe të sigurtë, në opinionet që japin, nuk i vënë kurrë në dyshim ato dhe promovojnë përplasjen, e quajnë si mjet natyral.

Sokol Balla: Të kesh opinion dhe një opinion të sigurtë, janë dy gjëra që nuk shkojnë. Opinioni nuk mund të jetë asnjëherë i sigurtë. Shumica e këtyre që flasin me siguri të plotë, për shkak se janë të rreshtuar nuk u intereson fare informacioni, atyre u intereson e vërteta e tyre subjektive. Unë jam gazetar i faktit dhe e di se për kë flisni. Është e njëjta kategori, që unë i njoh shumë mirë, kam punuar me ta, kam bashkëpunuar në ambiente profesionale me ta, dhe janë të njëjtit njerëz, që donin që Shqipëria të digjej në vitin 1997 vetëm të ikte Sali Berisha nga pushteti. Pra janë të njëjtat emra. Atë kohë për shkak të miqësisë së afërt me ta, debatoja, dhe nëse do kisha mundësi edhe tani do u thoja: Po digjet Shqipëria, po ne ku do jetojmë? Pra janë të njëjtët emra që kërkojnë të digjet gjithçka vetëm që të iki Edi Rama nga qeveria. Gjithsesi nuk besoj që sot janë të tilla kushtet dhe arsyet që të shkohet në përplasje civile./abcnews.al

xhufii-1280x713.jpg
Sej rie21:15 | 24/05/2019

Historia Pëllumb Xhufi i ftuar në “Provokacija”, ka komentuar idenë e krijuar tek qytetarët, ku ekziston një ndarje; ku veriorët janë përkrahës të njërës parti dhe jugorët të një partie tjetër. Historiani tha se kjo ndarje deri në vitin ’97 nuk ekzistonte. Ai është shprehu se Berisha dhe Basha janë me origjinë nga Veriu i vendit, por sipas tij nuk janë nga ata malësorët reflektivë, por janë persona reaktivë.

Mustafa Nano: “Më thoshte një ambasador i huaj me të cilin pata një takim para dy tre ditësh, që Shqipëria në Ballkan në ndryshim nga vendet e tjera, ka një avantazh të natyrës historike sepse ka një homogjenitet etnik. Mirëpo këtu konflikti është a thua se Shqipëria është e ndarë në dy etni dhe po ndeshen”.

Pëllumb Xhufi: “E thash unë ka qenë djalli në shishe, për këtë të ndarjeve Veri-Jug; Lindje – Perëndim. Mund të shpikësh çfarë të duash, myslimanë, katolikë, ortodoksë etj… Tani kanë dalë sheshit sepse shishen e hap politika, për fat të keq. Në ’97 u pah, ndarja e Veri nuk ekzistonte, nuk ekzistonte në konceptin tonë. Në jemi rritur në atë kohë para viteve ’90, nuk kemi pas neve ndarje.”

Mustafa Nano: “Nuk e di nëse e keni pyetur ndonjëherë veten, nuk të shkon mëndja se nuk ka një pajtueshmëri midis Shqipërisë dhe demokracisë? Nuk shkojnë bashkë të dyja këto?”

Pëllumb Xhufi: “Unë nuk e mendoj sepse nuk është as në kulturën e shqiptarit…. Unë bëj çudi që ne kemi lider sot që vijnë nga zona për shembull nga malësia. Zoti Barisha është nga malësia. Unë i njoh mirë malësorët, qoftë të malësisë së Tropojës, qoftë të Malësisë së mbi Shkodrës, brenda dhe jashtë kufirit. Janë me virtyte të jashtëzakonshme. Këto janë përjashtime. Po dibranët që është zoti Basha, ne i mbajmë në Shqipëri si njerëz të urtë që e peshojnë fjalën, ku pinë tre cigare dhe pastaj thonë një fjalë. Mendojnë dhe janë reflektivë. Ne na kanë ardhur njerëz reaktivë, jo reflektivë që fjalën e fundit e thonë të parën. Prishin muhabetin, e prishin me njëri-tjetrin, me partnerin, me kundërshtarin dhe e prishin edhe me të huajit”./abcnews.al

Pellumb-xhufiii-1280x712.jpg
Sej rie20:45 | 24/05/2019

Historia Pëllumb Xhufi i ftuar në “Provokacija” ka folur për situani politike në vend. Ai është përplasja është nxitur nga politikanë të papërgjegjshëm. Ai u shpreh kritik ndaj Bashës, duke thënë se është një lider edhe shkolluar jashtë. Sipas tij, Basha duhet të pyesë veten se si në radhë të parë do e gjykojnë fëmijët e tij për këtë që po bën.

“Përplasja për mua është e nxitur nga politikanë të papërgjegjshëm. Ajo që bën edhe kryetari për të cilin unë kam pasur të them të drejtën dhe mundohem ta ruaj një lloj respekti, për kryetarin e opozitës zotin Basha. Por them, zoti Basha është djalë i ri, i formuar jashtë shtetit, ka një familje të mrekullueshme. Ka më duket dy fëmijë, dy vajza. A e mendon ai kur bën thirrjet se ne do bëjmë luftë nga çdo rrugë e çdo shtëpi? Ose bëjnë thirrje se ne do heqim zvarrë këtë, ai krimineli këtu. Kur rraketat kalojnë para syve të tij dhe qëllojnë Kryeministrinë, këtë e shikojnë fëmijët. Unë këtë do bëja, unë do mendoja se si do më gjykojnë fëmijët e mi nesër? Për të mos thënë pastaj shokët e mi, rrethi im, etj. Përse? Çështje kjo? Do të sjellësh inovacion në politikë, që fitohet pushteti në revolucion. Si mund të vish me revolucion në shekullin e XXI ti partia që na ngrite mendjen dhe na bëre demokratë të gjithëve, apo jo? Ti tani thua do të vij se nuk i njoh zgjedhjet e bëra para dy vishesh, zgjedhje të cilat i ke bashkë ëre ti me partinë në pushtet sepse pate 6 ministritë kryesore. Tani doli dosja enigmatike dhe për këtë  nuk i njohin si qeveri si Parlament. Çuditën dynjanë, çuditën botën!”, tha Xhufi./abcnews.al

mustafa-nano-2-1280x707.jpg
Sej rie20:15 | 24/05/2019

Monologu Mustafa Nano në emisionin “Provokacija”: “Unë i rri larg dhunës fizike, dhe atyre që ushtrojnë dhunë fizike, dhe atyre që e nxisin këtë dhunë. Me njerëz të dhunshëm nuk dua të kem të bëj. Dhe me këtë fakt shpjegohen më së shumti edhe qëndrime të mijat publike kundër nerëzve të caktuar me ndikim të madh politik e publik. Njerëzit e dhunshëm ma shpifin. Njerëzit e dhunshëm janë të neveritshëm. Dhe Shqipëria, duhet ta themi këtë, është e mbushur me njerëz të dhunshëm. Më shumë se çdo gjë tjetër, në Shqipëri ka njerëz të dhunshëm. Ndoshta mund të ketë më shumë njerëz të korruptuar, por unë jam i prirur të besoj se ka më shumë njerëz të dhunshëm sesa njerëz të korruptuar, sidoqë e di që korrupsionin e kemi në gjak, bashkë me albuminën, proteinat, glukozën, kolesterolin, etj.

Ne e duam dhunën. E keni dëgjuar shprehjen “huri ka dalë nga xheneti”? Është e jona. Nuk di nga e kemi marrë. Nuk di nëse kjo shprehje, kjo frazë, ka qenë pjesë e ethosit osman apo arab, por edhe nëse ka qenë, është interesant fakti që ne e kemi pëlqyer kaq shumë, sa e kemi bërë tak-fak pjesë të ethosit tonë. Huri ka dalë nga xheneti. Pa mendojeni pak! Në xhenet, ç’është e vërteta, nuk ka hunj. Kështu thonë ata që besojnë se ka një xhenet. Në xhenet ka pemë, ka hije, ka lumenj, ka djem që shërbejnë shishe vere, ndoshta Brunello di Montalcino, ka edhe virgjëresha që janë në dispozicion të burrave që përfundojnë në parajsë, ka e çfarë nuk ka, por hunj nuk ka. Nuk ka se si të ketë. Huri në parajsë është i pamundur pa aq sa është i pamundur edhe mendimi në kokën e idiotit. Ne shqiptarët nuk është se nuk e dimë këtë gjë. E dimë, por ngaqë huri na pëlqen shumë, na vjen mirë t’i gjejmë për burim më të mirën e botëve, dmth parajsën. Sa të çmendur që jemi.

Ju prisni që këtë ide ta ilustroj me klasën politike. Jo, po e ilustroj me një ngjarje tjetër. Pardje, disa studentë dolën të protestonin te Ministria e Arsimit. Kanë kërkesa që ia drejtojnë qeverisë. Dhe kjo është punë e tyre. Dhe kjo është ok. Por në një moment të caktuar u mor vesh se ata kishin shkuar atje për të përdorur dhunë, për t’u sjellë si njerëz të dhunshëm. Dhe filluan të gjuajnë në drejtim të ndërtesës së Ministrisë. U thyen edhe xhama.

Ky është një veprim marrok, apo jo? Nëse nuk biem dakord që ky është një veprim marrok, unë nuk e di pse duhet të biem dakord që rruga Tiranë-Tropojë është më e shkurtër se rruga Tiranë-Tokio. Mirëpo ja që ata studentët e panë të udhës të sillen si të dhunshëm. Kushedi se çfarë u thotë truri. Nëse e kanë këtë të fundit, trurin. Sepse unë mendoj që ata kanë çdo gjë, por jo trurin. Ndryshe, do dilnin të protestonin, e jo të silleshin si rrugaçë.

Asnjë shqiptar nuk doli t’u thoshte: Hej, çfarë po bëni? Asnjë pedagog nuk doli t’u tërhiqte vërejtjen, e t’u thoshte se nuk ka nevojë të thyesh xhamat e ministrisë. Përkundrazi, të gjithë e kanë në majë të gjuhës justifikimin: Emo se ca xhama u thyen! A, ju kërkoj ndjesë, ishte një pedagog që e ngriti zërin. Ishte një pedagoge. Veçse ishte një pedagoge amerikane. Quhet Lory E. Amy. Nuk di pse u ndodh atje. Por në momentin që pa se të rinjtë po hidhnin sende të forta e gurë në drejtim të ministrisë, ajo shpërtheu. Dhe studentët e shihnin në sy, pa reaguar, si të kishin përballë një aliene. Nuk dinin ç’t’i thoshin. Ata që janë shumë të zotë të shtien me gurë e të kacafyten, mbetën si guakë përballë asaj zonje.

Hej studentë që ushtroni dhunë, ndoshta nuk ju bëhet vonë, por unë po ju them: Kur ju shoh që pëlqeni dhunën, mua m’i sillni zorrët te goja”./abcnews.al

Luan-rama.jpg
nev ila23:06 | 21/05/2019

Mbrëmjen e sotme në Provokacija me gazetarin Mustafa Nano, ka qenë i ftuar N/kryetari i LSI, Luan Rama.

Luan Rama ka folur për shoqërinë shqiptare dhe fenomenet që e karakterizojnë atë por edhe për situatën aktuale politike. Rama ka ndarë opinionin e tij për policinë shqiptare, veprimet e saj në protestat që ka zhvilluar opozita por edhe për deputetët e rinj të parlamentit shqiptar të cilët sipas tij janë të nivelit më mediokër të shoqërisë.

Luan Rama: Ka patur shfaqje publike të policisë së shtetit në tejkalim të kompetencave që i jep ligji. Ka shumë mjete të tjera që ligji i parashikon, që policia duhet ti përdorë deri sa të mbërrijë te agresiviteti i përdorimit të lëndëve neuroparalizuese.

Mustafa Nano: Çfarë qëndrimi keni për këtë situatë, që ka shpeshherë protesta të njerëzve që kanë ndërtuar pa leje dhe reagojnë dhunshëm?

Luan Rama: Mendimi im është se ka një qëndrim me dy standarde të vetë shtetit. Aty ka qytetarë që kanë arritur ti legalizojnë dhe po ashtu ka të tjerë që për arsye subjektive nuk kanë mundur ti legalizojnë shtëpitë mirëpo të dy palët kanë ndërtuar në të njëjtën kohë dhe ndodh që përzgjedhja nga ana e shtetit është selektive ndërkohë shteti ja u ka vjelë taksat njëlloj të dyve. Për mua kjo është shfaqje e papërgjegjshëmrisë së shtetit. Në protesta ka zhvillime të ndryshme, protesta nuk është ballo, ndodh që digjet edhe ndonjë makinë, thyhen edhe dy xhama por e rëndësishme është që të mos cenohet njeri, të mos dëmtohet shëndeti i cilitdo. Ata nuk mund të bëhen fajtorë sot, për një gjë që e ka bërë shteti dje.

Mustafa Nano: Ju keni qenë dakord për deputetët që të djegin mandatet por a keni qenë dakord që edhe pas djegieve të mandateve të adoptohet çdo lloj qëllimi tjetër mos të bojkotohen dhe zgjedhjet lokale?

Luan Rama: Arsyeja e djegies së mandateve lidhet me standardet e zgjedhjeve dhe për sa kohë standardi i zgjedhjeve nuk ka ndryshuar, nga zgjedhjet që prodhuan jo thjesht një qeverisje e dalë nga një rezultat fiktiv. Djegien e mandateve e konsideroj dhe është një veprim “in  extremis” dhe veprimet e tilla asnjëherë unë nuk i quaj të arsyeshme por kjo është një çështje që ha diskutim”.

Mustafa Nano: Këto deputetët që futen tani nga listat tuaja të PD dhe PS për mendimin tim kanë motive korruptive që janë në kuvend, si mendoni?

Luan Rama: Ata kanë bërë një zgjidhje pragmatike për të shfrytëzuar një oportunitet, që të jenë një herë në jetën e tyre deputet, të cilët s’do të jenë më kurrë në jetën e tyre, ka nga ata që janë aty, për të përfituar një pension më të mire se i zakonshmi, ka nga ata që janë atje për një lloj protagonizmi idiot saqë nuk e kontrollojnë dot veten.

Mustafa Nano: I keni futu ju nëpër lista apo jo?

Luan Rama: Ky është një moment përgjegjësie që unë e quaj të moralshme t’ju kërkoj ndjesë qytetarëve për mënyrën se si janë bërë listat, t’ju kërkojë ndjesë qytetarëve për çfarë lloj nivel përfaqësimi ka parlamenti. Ai parlament ka vite që nuk përfaqëson as mesataren e ponderuar të nivelit mediokër të shoqërisë shqiptare madje është më poshtë së kaq./abcnews.al

paskal-milo-1280x722.jpg
Sej rie21:15 | 21/05/2019

Historiani Paskal Milo i ftuar në “Provokacija” është shpreh se asnjëherë nuk është ndikuar nga politika në studimet mbi historinë. Ai është shprehur se nuk ka pasur qasje pozitive ndaj regjimit, madje ishte larguar nga Tiranë si djali i armikut të popullit, pasi ka qenë i persekutuar.

Mustafa Nano: “Ju përveç prezantimit të fakteve keni në dorë edhe interpretimin. Dhe kur vjen puna tek interpretimi historianët edhe mund të dallohen. Ju përmendët  faktin se një numër o caktuar historianësh shqiptarë marrin një vendim të caktuar nën ndikimin e politikës. Ju gjithashtu keni qenë i përfshirë në politikë, nuk ka pasur një lloj konflikti midis disponimit tuaj akademik dhe atij politik?”

Paskal Milo: “Asnjëherë! Ta them me sinqeritetin më të madh.  Nuk kam bërë koncesionin më të vogël përsa i përket ndikimit të politikës në studimet e mia historike. Në mënyrë absolute! E di pse, qoftë edhe për një arsye që t;i mund ta quash banale, unë në periudhën e komunizmit kam qenë i persekutuar në një farë mase, nuk kam qenë në burg. Por unë jam larguar nga Tirana më motivacioni djali i armikut të popullit. Dhe këtë shumë pak njerëz e dinë sepse unë nuk bëj propagandë për këtë punë. Për 8 vite të tëra nuk më është lejuar të shkruaj. Më është ndaluar të shkruaj. E drejta themelore e një intelektuali. Unë nuk kam pas ndonjë qasje pozitive ndaj regjimit. Pas viteve ’90 se unë pas viteve ’90 u futa në politikë si shumë intelektualë të tjerë isha profesor universiteti u ktheva, se 5 vjet shkova në Fier si dënim dhe kur edha kam ardhur me qasjen super të qendërzuar që të merrem me studime historike pa u influencuar nga politika”./abcnews.al

myslim-murrizi-1.jpg
G. P.22:25 | 17/05/2019

Deputeti Myslim Murrizi i ftuar në studion e emisionit “Provokacija” nga Mustafa Nano ka sqaruar një debat që ka pasur me moderatorin në lidhje me homoseksualët dhe perëndimin.

Murrizi është shprehur se nuk është racist ose kundër këtij komuniteti. Ai nuk e konsideron as sëmundje, por nuk e sheh këtë deviacion si një ndër arsyet për të qenë perëndimor.

Nënkryetari i Kuvendit solli në vëmendjen e moderatorit Mustafa Nano me humor edhe një fjali, kur i është drejtuar Ramës dhe ka thënë që “mua më përjashtoni nga Europa nëse e kanë kusht këtë gjë”.

Mustafa Nano: Ne kemi pasur një debat pak të ashpër. Kam pas faj unë, apo ju.

Myslim Murrizi: Në koshiencën time, i pagabueshëm është vetëm Zoti. Unë nuk kam ardhur që të ndaj përqindjet e fajit me ju.

Mustafa Nano: Unë mbaj mend që debati në thelb ka qenë te qëndrimet e Perëndimit. Ti e mban veten për perëndimor?

Myslim Murrizi: Nuk mendoj që ka qenë tamam kështu.

Mustafa Nano: OK ishte për gay-t, për homoseksualët.

Myslim Murrizi: Për tipin që kam unë nga natyra dhe nuk është se më lidh gjë me të majtën, nga pjesa e djathtë siç e konceptoj unë të djathtën, Zoti, familja dhe prona, siç e konceptoj unë, nuk jam racist, por jam tradicional dhe ky është ai debati që kemi pasur sëbashku. Nuk është se jam kundër atyre. Unë nuk e quaj as arritje të tyre, as sëmundje, por nuk e shoh që kolona kryesore për të qenë në perëndim është ai deviacion. Ky ka qenë në një farë mënyre përplasja në distancë me ju.

Mustafa Nano: As unë nuk e konsideroj arritje të jesh gay. Të jesh gay është gjendje e caktuar, nuk është as meritë. Thelbi perëndimit për mua, është që njerëzit sido që të jenë pavarësisht nga orientimi i tyre janë njësoj, duhet të respektohen.

Myslim Murrizi: Shumë mirë, çdokush është në të drejtën e tij. Unë edhe në një batutë pata disa ditësh kur iu ktheva Ramës thashë që “mua më përjashtoni nga Europa nëse e kanë kusht këtë gjë, unë nuk vij në Europë”. M’u drejtua dhe më tha që flet mes marrëdhëniet intime të dy bashkëkryetarëve, bëhej fjalë për Damianin dhe Oerdin”./abcnews.al

PROVOKACIJA-17-MAJ-MONOLOGU-ALFRED-PEZA-PJESA-1.mpg_snapshot_27.09-1280x720.jpg
ent ela20:45 | 17/05/2019

I pyetur për tentativën e PD dhe LSI për të prishur zgjedhjet e 30 qershorit, Peza thekson se kjo nuk është e mundur, pasi edhe matematikisht duhet të jenë  1, 2 ose 3 mijë kamikazë në 5300 qendrat e votimit në gjithë vendin, që të hedhin vetën në erë për t’u futur në burg se i duhet Bashës dhe Kryemadhit.

Nano: “Ti mendon që PD e LSI mund ta kenë në plan tentativën për të prishur zgjedhjet?”

Peza: “Kurrë mos thuaj kurrë në politikë e sidomos në Shqipëri. Në Shqipëri sipas KQZ janë 5300 qendra votimi në gjithë territorin.

Nëse ata kanë ndërmend t’i prishin janë 5300 -5400 qendra, mjafton një numër të tillë ku vihet në diskutim mandati i të zgjedhurit në atë territor. Nëse një kryetar bashkie do zgjidhet me një deiferencë 1 mijë vota dhe grupet e tyre do shkatërrojnë procesin që bëjnë difëerncën fituese, atëherë ky proces konsiderohet teknikisht i prishir. Por që kjo të ndodhë në gjithë territorin dhe kaq të kalkuluar matematikisht duhen nja 1, 2, 3 mijë kamizkazë që të hedhin veten në erë për t’u futur në burg se i duhet Lulit e Monikës që të prishet rezultati dhe ai të futet 7 vjet në burg. Unë nuk besoj që sot ka kaq shumë budallenj”. /abcnews.al

ALFRED-PEZA-1280x720.jpg
ent ela20:27 | 17/05/2019

“Ose Rama do ikë, ose opozita do shkrihet”. Është kjo vija e kuqe në gjykimin gazetarit Alfred Peza që ish-kryeministri Sali Berisha i ka caktuar Lulzim Bashës dhe Monika Kryemadhit. Duke e konsideruar Berishën jo vetëm si liderin historik të së djathtës, por edhe shpirtëror, Peza shprehet se Basha e Kryemadhi janë kukullat që zbatojnë atë që sufleri i tyre politik i thotë.

“Berisha si lideri historik e shpirtëror për atë që po ndodh sot në opozitë, ka thënë se kemi vetëm një rrugë:  Ose Rama do ikë, ose opozita do shkrihet dhe unë gjykoj që kjo është vija e kuqe që Berisha i ka propozuar Bashës e kryemadhit dhe të tjerëve dhe ata janë kukullat që zbatojnë atë që sufleri i tyre politik u thotë”.

I pyetur nëse do të ketë një takim, bisedë, dialog a negociata Rama-Basha, Peza thekson se nuk ka asnjë shans

“Kjo do të duhet të ishte normale por realisht nuk jemi aq afër nga sa po thuhet në media. Nuk ka shanse sa ne do të donim të kishte për një takim të tillë që në rrethana normale duhet të kishte ndodhur”. /abcnews.al

 

PROVOKACIJA-17-MAJ-MONOLOGU-ALFRED-PEZA-PJESA-1.mpg_snapshot_01.28-1280x720.jpg
ent ela20:10 | 17/05/2019

Monologu i Mustafa Nanos – Politikanët shqiptarë kanë krijuar një botë të vetën që shkon paralel, pa u prekur, me common sensin, dhe me logjikën humane. Ata janë në situatën kur thonë e bëjnë gjëra të çuditshme, që janë aq të çuditshme sa ta heqin trurin. Do të ishte njësoj si të thoshin që një dhe një bëjnë tre, apo që pas të martës vjen e hëna, apo që Janullatosi mban Ramazan, etj, etj. Këto të fundit janë gjëra të pabesueshme, apo jo? Epo kështu janë edhe shumë gjëra që bëhen e thuhen prej politikanëve. E jo vetëm.

Po e ilustroj:

Pas publikimit të një shkrimi shumë kritik ndaj qeverisë në gazetën më të madhe gjermane Bild, u pa të dilte Blerina Gjylameti dhe të fliste për “ata që paguajnë para të pista që vijnë nga vende të huaja për të nxirë imazhin e Shqipërisë në botë.” Pastaj tha se “kjo pistë është nën hetim serioz”.

Dha prova për këtë? Jo, nuk dha prova. Asnjë provë. Thjesht damkosi një zë kritik.

Një ilustrim tjetër: Monika Kryemadhi ka shkuar në Shtetet e Bashkuara të Amerikës. Ajo e ka bërë këtë vizitë në pikun e krizës politike shqiptare, dhe ne presim të marrim vesh se çfarë është diskutuar mbi këtë krizë mes saj dhe atyre që e presin. Mirëpo prej andej vijnë vetëm fotografi të Monikës, siç është ajo me kreun e Dhomës së Përfaqësuesve, Nancy Pelosin. Asnjë fjalë mbi rrethanat e takimit, mbi përmbajtjen e bisedës, mbi kohëzgjatjen e kësaj të fundit, mbi vendin e takimit, etj. ASNJË FJALË. Vetëm një fotografi.

Një ilustrim i tretë tregon se vesin e politikanëve shqiptarë e ka gjithë shoqëria shqiptare. Një agjenci sondazhesh ka bërë një të tillë, dmth një sondazh, dhe u ka bërë të intervistuarëve edhe këtë pyetje: Cili nga politikanët është i sinqertë në deklarimet publike. Dhe gati 30% e shqiptarëve mendojnë se Edi Rama është i sinqertë në ato që thotë. Një në tre shqiptarë pra është i bindur që Edi Rama thotë vetëm të vërtetën në publik. Fiu! Një në tre.

Nga i njëjti sondazh del se gati 5% e shqiptarëve janë të sigurtë që Sali Berisha thotë vetëm të vërteta në deklararat e veta publike. Disave iu duk një shifër e vogël kjo. Por 5% e njerëzve të rritur në Shqipëri bëjnë gati 70 mijë veta. Pa mendojeni pak. 70 mijë veta nuk janë pak. 70 mijë që besojnë se Berisha nuk gënjen asnjëherë. 70 mijë veta që në vend të trurit kanë krrunde, apo egjër, apo tallash. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono