provokacija

flutura-acka.jpg
nev ila22:38 | 18/02/2020

E ftuar në “Provokacija” me gazetarin Mustafa Nano, në ABC News ishte shkrimtarja Flutura Açka. Shkrimtarja e njohur ndau opinionet e saj si përgjigje ndaj pyetjeve provokuese të gazetarit Nano.

Açka tha se tekstet e këngëve tani në Shqipëri lënë për të dëshiruar, ato bëhen sipas saj për të firuar klikime  dhe disa para e asgjë më tepër.

Tekstet e këngëve sipas Açkës janë naive dhe të perceptueshme për njerëzit e zakonshëm. Ndërsa mori shembullin e teksteve të këngëve ajo përmendi edhe tekstet e festivalit të Sanremos  por edhe pjesëmarrjen e Alketa Vejsiut në këtë edicion.

“Mua askush deri tani nuk më ka kërkuar ndonjë kompozitor e të më thotë, Zonjë a bëni dot një tekst për mua? Do e kisha bërë me dashurinë më të madhe, askush. Duan ato tekstet e tyre naive, të perceptueshme për njerëzit e zakonshëm, nuk duan ti fusin njerëzit në mendime kur të dëgjojnë muzikë. Shikoni Sanremon, shiko tekstet çfarë tekstesh janë. Pas tyre janë poet shumë të mëdhenj që janë shumë të përgjegjshëm kur e nxjerrin fjalën. Këtu bëhen poezi të momentit për të fituar klikime për të fituar ca para dhe kaq. Nuk kanë asnjë vetëkontroll”, tha Açka.

Mustafa Nano: Meqë e keni ndjekur Sanremon, ju pëlqeu Alketa Vejsiu?

Flutura Açka: Shumë njerëz i pashë dhe debatet i ndoqa. Në fund të fundit, që një vajzë shqiptare të shkojë deri në Sanremo, pavarësisht si e qysh, është një gjë shumë e mirë dhe përgëzuese. Unë jam ndjerë shumë mirë që një vajzë shqiptare shkon deri në Sanremo. Do kisha dalë që ajo të ishte më e ngadaltë, që ato që thoshte ti artikulonte më e qetë, por kjo është në natyrë, ashtu si dhe unë kam natyrën time. Gjithsesi nga ana ime ka përgëzimet e mia.

Shkrimtarja Flutura Açka njihet edhe për rolin e saj në politikë, e tërhequr paksa kohët e fundit por i ndjek me vëmendje zhvillimet politike. Sipas Açkës shteti shqiptar është katandisur në një shtet qesharak.

Mustafa Nano: Ti je aktive në politikë, herë pas here, keni qenë një nga personazhet e kulturës që sa herë ke dashur të thuash një gjë, që lidhej me politikën, e ke thënë ndonjëherë edhe me nerv. Shqipëria vazhdon të përkeqësohet?

Flutura Açka: Çfarë t’ju them, ne jemi të çuditshëm, jemi në një fazë të çudisë. Shqipëria sot nuk është shtet. Bën një vendim presidenti nuk botohet, bën një vendim parlamenti nuk dekretohet, ç’është kjo? Dalin 10 kryetarë bashkie të korruptuar nuk ndodh asgjë, këtu nuk ndodh asnjë gjë. Një shtet që nuk komunikon me entet kryesore nuk është shtet. Çfarë shteti është ky? Ky nuk është shteti i shqiptarëve, ai që duan shqiptarët. Jemi gati, gati një shtet qesharak. Shikoni parlamentin, shikoni çfarë ndodh mes parlamentit dhe presidentit. Çfarë ndodh mes bashkive dhe shtetit. Krekosja që shohim çdo ditë nga politikanët shqiptarë tregon se me reformën në drejtësi nuk do të ndodhë asgjë./abcnews.al

babarama-1280x759.jpg
eri Ida22:25 | 18/02/2020

Gazetari  Ilir Babaramo këtë të martë në “Provokacija”, ka komentuar donacionet e grumbulluara në konferencën e Donatorëve me 17 shkurt në Bruksel ku ka theksuar se ishte një ngjarje e rëndësishme por nuk mund të cilësohet historike.

Babaramo përmballë gazetarit Muastafa Nano ka teksuar se ¾ e të ardhurave të mbledhura në konferencë nuk janë donacione por janë kredi.  Sipas tij mbledhja mund të cilësohet si sukses i qeverisë por jo ndonjë gjë historike, mbi të gjitha është një qasje e re Komisionin Evropian ndaj Ballkanit, një lloj meakulpa ndaj refuzimit që i bëri Shqipërisë dhe Maqedonisë së veriut për negociatat.

Ndër të tjera Babaramo në “Provokacija” është shprehur se është i papranueshëm fakti se si kryebashkiakët e zgjedhur nga kryeministri Edi Rama shpesh janë persona që herë pas here po dalin si persona të përfshirë në ngjarje kriminale.

Pjesë nga biseda:

A do të krijohet ideja se në muajin mars kur do të jepet dhe përgjigja e fundit ku duket se Shqipërisë dhe Maqedonisë së Veriut do ju çelen negociatat, Rama duke pas në dorë këto dy karta, të djeshmen dhe çeljen e negociatave mund ta fusë vendin në zgjedhje të parakohshme?

Nga pikëpamja pragmatike është një gjë shumë e mirë pasi do të maksimalizonte votat e të martës, por nuk besoj se do të kishte sukses pasi realiteti është se është e vështirë që Rama të marrë një mandat tjetër. Nuk është brë ndonjë gjë e madhe pasi morëm borxh, negociatat do të hapen pasi me procedurën e re të diktuar nga Macron zgjasin pafundësisht dhe ka rikthim pas. Shqiptarët kanë pasur lajme dhe më të rëndësishme se hapja e negociatave që është një lajm burokratik, kanë pas lajmin e liberalizimit të vizave një lajm që ndodhi në koën kur Berisha ishte në Pushtet ku njerëzit e refuzuan.

Në atë kohë Berisha kishte të fortë opozitën, por sot është e vështirë,

Ndoshta jemi mësuar që opozitën ta shikojmë përmes individëve, por duhet të largohemi nga këto qasje. Nëse do të pyesnim se kush është kryeministri i Sllovenisë asnjë nga ne nuk e di këtë ai mjafto që është administrator dhe pas katër vitesh ikën.Mjafto që një person të vijë në krye të vendit një person që di të drejtojë, pasi duhet të shikojmë në krye të vendit njerëz që ndryshe mund ti cilësojmë administrator. Por tek ne për të pasur drejtues anormal duhet të heqim dorë, këtë nuk e them për Ramën por në kuadër të 30 vjetëve.

Unë mendoj se Basha nuk inspiron, më duket si i fikur?

Ndoshta është dhe momenti pasi pas 7 vitesh populli opozitar ka luksin që duke kërkuar zgjedhje të parakohshme të kërkojë kalin e betejës. Vetë të djathtët duhet ti japin një shans për këtë. Por duhej që të ndizeshin para zgjedhjeve të 0 qershorit pasi të gjithë këta njerëz që ishin rreth ramës ishin njerëz të shantazhueshëm. Ndërsa po të shikojmë në kosovë peshën kryesore e mbante Albin Kurti dhe në fund të tjerët i shtrënguan dorën dhe bashkëpunuan me të.

Marrëdhëniet me Amrikën janë një marrëdhënie nënshtrimi, ne bëjmë se çfarë thotë Amerika dhe pse mendoj se është në të mirë të shqiptarëve, po mendoj se është në interesin kombëtar që ne ti themi po atyre. Dhe me ndoj se në këtë kuadër dhe Lurti tu thotë po atyre?

Ai është duke e përshtatur tërësisht me interesaty amerikane në rajon vizionin e tij. Ai nuk ka qëne asnjëherë kundër NATO-s, kundër qasjes së SHBA-së në Rajon këto duhen diskutuar dhe kjo duhet të shikohet në Organizatën e Kombëve të Bashkuara dhe jo lojëra tona të brendshme politike që shkojnë e vijnë.

Presidenti i Republikës në një konferencë për shtyp ai bëri disa deklarata me tone të forta kundër mazhorancës, foli për një grusht shteti duket sikur konflikti mes dy institucioneve është duke u thelluar?

Ne nuk duhet të shikojmë pasojën, por shkakun dhe shkaku është se ne gjendemi në një realitet ku kryeministri Rama kontrollon gjithaçka. Gjykatat janë inekzistente dhe kamikazët e Berishës po zëvendësohen nga ato të Ramës, pushteti lokal është inekzistent, nga të cilët 6 prej tyre një ka dal trafiknt një vrasës. Kjo është ajo që të bën përshtypje se si ka mundësi kur zgjedh një kryebashkiak shkon dhe e gjen një person të tillë. Unë besoj se ai e ka ditur por nuk mund ta provoj një gjë të tillë normalisht./abcnews.al

dom-gjergji.png
R D22:11 | 14/02/2020

I ftuari i parë i Mustafa Nanos mbrëmjen e kësaj të premteje në “Provokacija” ishte Gjergj Meta, Ipeshkv i Dioqezës së Rreshenit. Nano e fokusoi bisedën me Dom Gjergjin tek çështjet social-politike të vendit, ku ai ka qenë mjaft aktiv. I pyetur për fenomenin e ikjes masive të shqiptarëve, Dom Gjergji tha se nëse do të kishim një politikë më të përgjegjshme, largimet do ishin më të buta. “Shpopulli është protesta e heshtur e shqiptarëve! Janë dorëzuar përballë këtij sistemi”, u shpreh ai.

Ndërsa sa i takon debatit në media, ai tha se “këtu, ndonjëhere mediat i kanë zaptuar njerëzit me pushtet dhe para, ne dëgjojmë vetëm oligarkë, politikanë dhe ngjarje kriminale, kronika e zezë po na helmon shpirtin. Duhet të ngremë pozitivitetin e njerëzve të thjeshtë”.

INTERVISTA E PLOTE

Mustafa Nano: Kam të ftuar në studio Gjergj Metën, apo siç e quan komuniteti katolik dhe jo vetëm, Dom Gjergji. Shihemi pas një kohe të gjatë, pasi keni refuzuar më shumë se një herë të vini.

Dom Gjergji: Nuk e refuzoj median asnjëherë, por largësia dhe angazhimi në Dioqezën e Rreshenit nuk më lejojnë të bëj lëvizje të shpeshta.

Nano: Terhiqem! Gjergj Meta është nga ata njerëz që ka një këndvështrim të ndryshëm nga ai imi, por kam kënaqësi të bisedoj me të. Unë do ta nis me një gjë që ua thashë “off record” që është një përmasë e fortë laike në ato që thoni, për shqetësimin civil dhe qytetar. Ju shoh pak djathtas dhe antikomunist.

Dom Gjergji: Përpiqem të mpreh vështrimin tim mbi realitetin. Të qenurit prift nuk do të thotë të jesh i mbyllur rreth kontureve të dogmës, apo i rrethshkruar brenda kishës. Nëse i hedhim një sy historisë vëmë re se përgjatë historisë shumë priftërinj janë angazhuar në jetën sociale të vendit.

Antikomunizmi mund të duket si klishe, por kam mendimin se komunizmi ka qenë fatkeqsia më e madhe e këtij vendi. Diktatura ishte një mekanizëm pervers, çnjerëzor, vinte njeriun kundër njeriut, duke e shpërfytyruar njeriun. Duke parë këtë rezultat unë s’kam si pajtohem dhe çdo shqiptar i ndershëm duhet të jetë antikomunist.

Nano: Ju jeni prift dhe mund të kujtoj psh. se Voitila retorikën e vet e kishte të shkarkuar…

Dom Gjergji: Shkarkimi duhet të ndodhë kur të kesh të bësh me njerëzit. Unë refuzoj gjithë sistemin komunist, por ne jetojmë me njerëzit, që do të thotë se unë ulem me një person që ka qenë pjesë e komunizmit, por nuk mund të qendroj në tryezë nëse edhe sot e kësaj dite vazhdon ta mbrojë atë ideologji. Ai sistem kishte mekanizëm pervers.

Nano: Ju jeni në një linjë me klerin katolik shqiptar për sa i përket antikomunizmit.

Dom Gjergji: Po kleri katolik shqiptar iu kundërvu komunizmit dhe tashmë u vertetua ajo që kishte thënë kisha.

Nano: Me aktivizimin në jetën publike, ju jeni në rezonancë me traditën. Kleri katolik shqiptar para Luftës së Parë Botërore ishte i pranishëm, i zëshëm dhe shprehej për jetën publike, kulturore.

Dom Gjergji: Mendoj se ka ndryshuar situata e sotme krahasuar me vitet ’20, ’40 apo ’50, angazhimi i kishës sot njeh sektorë të tjerë. Nëse më parë angazhimi ishte në etnologji, histori e letersi sot ndoshta një prift s’ka nevojë të merret me këto gjëra, në ato vite ka bërë pune suplementare, sot ka kush ta bëjë historinë e gjuhësinë, ne mund të angazhohemi në gjëra të tjera për ti dhënë zë jetës njerëzore. Gjithsesi unë nuk e përjashtoj angazhimin në letersi, kam filluar të shkruaj letersi, të bëj tregime, pres të botoj një vëllim.

Nano: Kryqi që mbani në qafë…?

Dom Gjergji: Eshtë dhuratë e shokëve të klasës ku kam studiuar në Itali. Ditën që jam bërë Ipeshkv më kanë dhuruar këtë kryq prej druri që e ka mbajtur një prift Tonino Bello, ipeshkv i qytetit ku kam studiuar. Një person me frymë shenjtërie të jashtëzakonshme. Në 1991 hapi shkollën e priftërinjve për shqiptarët që zbarkuan atje.

Mustafa Nano: Dua që biseda të fokusohet tek çështjet social-politike të vendit. Dukuria e ikjes, ka shumë shqiptarë që duan të ikin dhe ju keni shprehur shqetësim?

Dom Gjergji: Po kjo është e vertetë e kam shkruar në shumë raste, kam bërë intervista dhe kam mendimin e qartë; e shoh problematike sepse përthan jetën shoqërore në Shqipëri, lë një boshllëk në hapësirën e përbashkët që ne kemi. Është dhe një shkulje nga tradita. Shqiptarët kur shkojnë në Europë dhe Amerikë s’kanë për të punuar për të ndryshuar sistemin. Ikja është një lloj dorëzimi për të mos ndryshuar realitetin, njësoj sikur lodhesh tek shtëpia me debate dhe thua ‘ke të drejtë po dal pak’. Shpopullimi është protesta e heshtur e shqiptarëve!

Mustafa Nano. Kjo është e vertetë, por unë nuk e shoh me syze dramatike, ata ikin por jo një here e mirë, duke qenë jashtë ata ndikojnë për vendin e shoh edhe pozitivsht.

Dom Gjergji: S’ka asgjë poztive, ne s’kemi statistika të kthimit, apo të ndikimit të tyre në jetën në vend. Pas viteve 1990-2000 shqiptarët që kanë ikur kanë krijuar një familje atje dhe nuk preferojnë të sjellin para në Shqipëri, por preferojnë të marrin pleqtë apo vëllezërit atje. Ky është një varfërim.

Nano: Se kam tek paratë, por tek fakti se ata kanë prindërit këtu dhe përfitimi është automatik sepse prindërit e emigrantëve janë më të emancipuar se të tjerët.

Dom Gjergji: Kjo ha debat, nuk më duket kështu dhe jemi në nivelin e opinioneve kështu mund të vlejë njësoj si opinioni y dhe i imi. Në Mirditë ka një rast një grua që ka 10 fëmijë në emigrim dhe është vetëm.

Nano: Pra mes shqipatarëve që dum me ndejt këtu dhe atyre që ikin ti empatizon të parët?

Dom Gjergji: Në një shkrim të para disa kohë kam thënë se kur të rinjtë vijnë e më thonë “Dom Gjergj ne po ikim…”, u kam thënë se “ju kuptoj nëse ikni ju admiroj nëse rrini”.

Duhet të ikin sepse secili duhet të kërkojë lumturinë e vet dhe kjo është që në kohën e Aristotelit. Çdo njeri ka të drejtën e tij të pamohueshme të gjejë lumturinë. Ata që duan të rrinë dhe të ndryshojnë diçka unë i admiroj dhe është ndjesi tejet personale.

Nano: Ikja është fenomen në botë, italianët, kroatët boshnajët, kosovarët janë të shqetësuar.

Dom Gjergji: Po kjo nuk prek vetëm Shqipërinë, por ne duhet të përgjigjemi për arsyet se pse ikin shqiptarët. Nëse do kishim klasë politike të përgjegjshme ikja do të ishte më e butë.

Nano: Problem janë ata që mbeten këtu, janë komunitetet që kanë katapultuar para të paraudhëve që sundojnë vendin…

Dom Gjergji: Mund të them se ka një anestezi, apati që tregon dorëzim. Ka nevojë për një moment reflektimi…mungon kreativiteti komunitar, mungon hapësira për të krijuar sepse kreativiteti është në dorë të pak njerëzve… qeverisë, vetëm ata janë kreativ në këtë vend. Nuk ka mundësi, hapësira për angazhim qytetar. Ka qytete që s’kanë librari, teatro, etj. Në Rreshen ku jetoj unë ka bibliotekë, por s’ka librari, por nga Rrësheni kanë dalë njerëz të pranishëm në media dhe në sektorë të ndryshëm të jetës shoqërore të vendit. Nga ata mësues dhe ata persona të jashtëzakonshëm, por s’ka një librari për të shitur libra, për të marrë libra…që është një aspekt social-kulturor.

Gjithçka në vend varet nga politika dhe kjo është e tmerrshme është tipike komuniste. Po pati diçka që vjen nga politika bëhet në të kundërt nuk bëhet. Njeriu duhet të priret nga kultura, për të mos mendu vetëm për barkun por edhe për mendjen. Eshtë e trishtueshme që i sheh lokalet plot me vajza e djem të rinj ndërsa libraritë janë bosh.

Nano: Kam vënë re mungojnë faktorët edukative, nuk janë në eficene të plotë kleri, media, shkolla, familja dhe për këto shkaqe apo të tjera shoh disponimin e njerëzve për tu korruptuar, për ta mirëkuptuar korrupsionin. Pra mendoj se shoqëria shqiptare është më e korruptuar. Ju si e shihni?

Dom Gjergji: Fenomeni i prishjes, degradimit vjen nga sistemi komunist, ai ishte sistem i korruptuar. Një pjesë e kemi marrë nga ai regjim, pjesën tjetër e kemi shtuar… kur hyn në lojë paraja sepse paraja është pushtet, njerëzit tundohen. Nga një zarf tundohet një mjek, një punonjës i tatimeve. Tani është kthyer në stil jetese prandaj sot kemi njerëz që nuk e bëjnë një hap pa marrë para. Familjet shqiptare vendosin edhe çmimin e korrupsionit, ata mendojnë se për të shkuar në spital duhet ta kesh xhepin plot, në administratë duhet njohësh njerëz apo të kesh para. Kjo është në mendje pavarësisht nismave që meren nga qeveria për digjitalizim, ka një bindje të brendshme që ‘nëse nuk njeh apo paguan s’mund të marrësh shërbim’.

Nano: Këtë stil korruptiv në familje e kanë të gjithë që nga intelektualët e deri tek njerëzit e thjeshtë, e kanë kthyer në stil.

Dom Gjergji: Po ne kemi një natyrë, mendësi korruptive dhe është vështirë për tu ç’gdhendur.

Nano: Edhe angazhimi politik është me motive korruptive, aktivizimi në një subjekt politik. Shkojmë tek kutia e votimit se do të marrim diçka në këmbim, me fut çunin në punë në shtet, për shembull.

Dom Gjergji: Në kështu është, nëse nuk është paguar më përpara vota me thesin e miellit. Ka ndodhur rëndom kjo në Shqipëri përgjatë gjithë këtyre viteve.

Nano: Natyra jonë konfliktuale në debatin publik…a është edhe faji i ynë, gazetarëve?

Dom Gjergji: Për mua stili i debatit në Shqipëri është gjëja më negative në jetën e shqiptarëve, është edhe faji i gazetarëve, por jo vetëm i tyre. Ju e nxisni debatin, jeni për këtë gjë, jeni medium, instrument, bota e medias duhet të nxjerrë të vertetën, sigurisht nuk po flas për rastet kur mediat manipulohen, gjobisin, paguhen, blehen përcaktohen nga forca politike.

Neve që dëgjojmë televizor, ne qytetarët që shohin TV jemi të neveritur si debatohet, ku askush nuk dëgjon askënd. Të gjithë akuzojnë njëri-tjetrin, kakofoni egersi një lloj lufte që nga ekrani hyn në mendjen dhe zemren e shqiptarëve dhe kjo reflektohet nesër në tryeza. Është e pamundur që të ulesh në mëngjes në kafe dhe të mos fillosh debatin politik. Janë të rralla bisedat për libra dhe i bëj me pak njerëz. Politikanët në mënyrë të veçantë kanë stil arrogant shpërfillës ndaj njëri tjetrit. Kjo nuk është politike është xhungël.

Nano: Pata një monolog për atë që pashë mbrëmjen e së enjtes në “Opinion”. E kam fjalën për Ramën ku përsëriti logjiken reciviste atë që ka bërë edhe herë të tjera. Unë i shoh këta personazhe publike, përfshirë edhe mua e ty në rolin e një edukatori. Në pjesën më të madhe jemi edukatorë të këqinj. Por kur sheh edhe Presidentin dhe Kryeministrin me gjuhën që përdorin, çfarë mendon për rolin e tyre?

Dom Gjergji: Këto kohët e fundit kam ndjekur një person që cilësohet si ati i kombit, është Mattarella, një person i jashtëzakomshëm që ka marrë njerëz të zakonshëm në Itali dhe i ka dekoruar për gjeste dhe veprime të tyre njerëzore duke u thënë se “faleminderit për atë që keni bërë për Italinë”. Ky është edukator i madh.

Këtu, ndonjëherë mediat i kanë zaptuar njerëzit me pushtet dhe para, ne dëgjojmë vetëm oligarkë e politike edhe ngjarje kriminale, kronika e zezë po na helmon shpirtin. Duhet të ngremë pozitivitetin e njerëzve të thjeshtë. /Abcnews.al

1170beb0-29bc-4955-974b-844ae62df7cb.jpg
in a22:41 | 11/02/2020

Mbrëmjen e sotme në “Provokacija” me Mustafa Nanon ishte i ftuar aktori i njohur Alfred Trebicka, ku edhe ka folur për situatën në të cilën është përfshirë kinemaja në Shqipëri. Trebicka u shpreh se kinemaja është një art kompleks që kërkon jo vetëm arsimim specifik por një regjisor kinemaje duhet të njohë edhe fusha të tjera që kanë lidhje direkte ose jo me artin.

Sa i përket kritikës për filmin “ I Love Tropoja”, ai u shpreh se nuk është thelbi i diskutimit përplasja me aktorët, por ngritja e një shqetësimi në parim. “Ajo që shoh është se ka një lloj diletantizmi që masakron çdo lloj principi që ka kinemaja. Kinemaja nuk ka lidhje fare me televizonin si koncept. Mos të thonë që po bëjnë kinema. Pra shqetësimi im është se kjo lloj kinemaje që po servirin ekstremisht komerciale, ka dëme të mëdha”, u shpreh Trebicka.

Gjithashtu aktori i njohur foli për probleme të filmave që sipas tij janë defekte të tmerrshme kinematografike.

Trebicka: Është një proces i cili kërkon formimin profesional të këtij profili. Nuk është aq e thjeshtë të bëhet skenar. Është një virus për të cilën duhet të vaksinohemi shumë shpejt. Kam parë statuse nga njerëz që kanë qenë pjesë e produksioneve të cilët kanë trumbetuar se kjo është e ardhmja e kinematografisë shqiptare. Të gjitha këto publiku i merr si të mirëqena. Reagimi im ka ardhur si rrjedhojë e këtij terreni. Kujt po i vendosim tagrin e kineastit?

Më tej ai u shpreh se kjo kategori nuk njeh ligjet bazike të kinemasë. “Këta çunat kanë kurajon e të paaftit ose kurajon e amatorit”, tha Trebicka.

Si e konsideron suksesin e filmit?

Trebicka: Sukses për çfarë? Ky është një fenomen kompleks që ka të bëjë edhe me shoqërinë. Një njeri që ka lexuar disa libra të mirë nuk shkon aty. Thuaj kam bërë një gjë për tu zgërdhirë, gjej çfarë emri të duash, por mos thuaj që po bëj kinema. Edhe pjesëmarrja e kryeministrit është 100% komerc, pra nuk është film. Nuk kam thënë që jam kundër, por për mua si njeri që e njoh këtë fushë është një shqetësim sepse ne po i largohemi kinemasë së vërtetë.

A egziston kinemaja e vërtetë në Shqipëri?

Trebicka: Sigurisht që egziston edhe pse ka shumë vështirësi.

Më tej ai u shpreh se një film i tillë është biznes jo kinema, “kineastët” e rinj duhet ta pranojnë. “I duhet gjetur emri kësaj shfaqjes, por jo kinema”, tha Trebicka./abcnews.al

zef-cobo.jpg
nev ila22:52 | 07/02/2020

Kompozitori Zef Çoba ishte i ftuar në mbrëmjen e sotme në emisionin “Provokacija” me gazetarin Mustafa Nano.

Në bisedën e zhvilluar në studio muzikanti Çoba tregoi sa e rëndësishme është muzika e çdo treve në Shqipëri dhe se ai vetë si studiues vazhdon ta bëjë shumë mirë punën e tij dhe me shumë pasion.

Nuk ka preferuar të zhvendoset nga Shkodra, aty Çobo ka zgjedhur të zhvillojë më tej suksesin e tij në muzikë, si studiues, si kompozitor etj.

Prej 4 vitesh merr pjesë në festivalin e këngës qytetare shkodrane gjithashtu është edhe pjesë e lëvizes muzikore kombëtare.

“Kudo në çdo trevë të Shqipërisë por edhe të botës, ku punohet mirë dhe ndërtohen vlera, aty jam unë”, tha Çobo gjatë bisedës në “Provokacija”.

Pjesë nga biseda në studio:

Mustafa Nano: Një nga të paktët studiues të vendit në fushën e muzikës që nuk ka preferuar të transferohet në Tiranë por ka preferuar të qëndrojë në Shkodër, pse?

Zef Çoba: Mendoj se sot që integriteti më i mundshëm se dikur, këto 15 kam jetuar në Shkodër por kam punuar në Tiranë. E njoh më mirë realitetin në Shkodër, kam menduar se aty ku jeton po të punosh mirë është shumë në rregull. I suksesshëm mund të ndihesh edhe aty ku me modestinë e një pune që zbulon dhe afron vlera.

Mustafa Nano: Ju jeni pjesë e lëvizjes muzikore kombëtare, e asaj që ndodh në planin kombëtar?

Zef Çoba: PO, e thatë shumë mirë. Madje edhe ndërkombëtar, jam anëtar i forumit ballkanik, prej vitesh bëj një aktivitet kombëtar.

Mustafa Nano: Kam vënë re se Shkodranët e kanë pak më të theksuar marrëdhënien me vendin e vet apo jo?

Zef Çoba: Vërtetë unë jam shkodran por interesat e mia si studiues janë shumë më të gjera, kam një vizion kombëtar madje edhe universal sepse muzika është art universal.

Mustafa Nano: Përpara disa kohësh isha në Shkodër për të ndjekur festivalin e këngës qytetare shkodrane dhe nuk e dija që është një event i përvitshëm. Në këtë festival ishit edhe ju që kishit kompozuar një këngë që më pëlqeu shumë dhe aty vendosa tju ftoja në emision, është aktivitet i përvitshëm apo jo?

Zef Çoba: Po. Ka katër vjet që zhvillohet. Në Shkodër ka patur një praktikë të tillë madje dua të them që festivali i parë i këngës në Shqipëri është zhvilluar në Shkodër. Nuk e them si vlerë e Shkodrës por si vlerë kombëtare, kudo në çdo trevë të Shqipërisë por edhe të botës, ku punohet mirë dhe ndërtohen vlera, aty jam unë.

Mustafa Nano: Ju më thatë se nuk keni lënë vend të Shqipërisë pa shkelur, keni qenë si muzikant ?

Zef Çoba: Në radhë të parë kanë qenë interesat e mia muzikore, dua tju falënderoj që ftuat një muzikant në studio sepse edhe në institucionet tona formuese pak mendojnë si duhet për muzikën. Janë ca vlera që na mundësojmë të dialogojmë në kohë dhe në vende të ndryshme, ndaj në këtë këndvështrim muzika është gjuhë komunikimi me botën./abcnews.al

spahiu.jpg
ger ta21:54 | 07/02/2020

Publicisti Nexhmedin Spahiu ishte i ftuar në “Provokacija” me Mustafa Nanon. Spahiu është ndalur në disa tema, ndërsa theksoi fillimisht se historia duhet të shkruhet siç është.

Historia duhet të shkruhet ashtu siç ka qenë. Ne kemi një qasje tjetër që ka dominuar në historigrafinë e Ballkanit, që historia duhet të verë në pah disa gjera dhe disa gjëra të tjera të heshten. Për t’ju thënë p.sh brezave të rinj që të parët tuaj kanë qenë patriotë dhe duhet të jemi të tillë se ne rrjedhim nga kjo. Pjesa tjetër, secila ana ka të mirat dhe të metat e veta. Në histori nuk duhet të gënjehet”, tha ai.

Ndërkohë, më tej është ndalur te figura e Xhafer Devës.

Në CIA-n amerikane është shkruar se punoi për Shqipërinë etnike. Në dokumentat e CIA shohim që ai ka qenë ideator për pavarësinë e Kosovës.

Ne lavdërohemi se Rama shkon dhe merr medalje në Amerikë prej hebrejve por nuk përmendet se pikërisht merita ishte e Xhafer Devës. Sepse ishte i vetmi ministër i Brendshëm në Evropën e pushtuar, ku adresoi hebrenjtë në kampet naziste”, tha Spahiu.

Si punën më të mirë të kryeministrit Rama vlerësoi atë të kthimit të eshtarve në atdhe të Mid’hat Frashërit.

“Puna më e vlefshme që ka bërë kryeministri aktual është që ka kthyer eshtrat e Mid’hat Frashëri në Tiranë, gjë së cilin Berisha nuk e ka bërë gjatë mandatit të tij si president apo kryeministrë, që Edi Rama në këtë aspekt ka dalë më demokrat sesa Berisha”, tha ai.

I pyetur nga Nano nëse konvertimi në Islam ka qenë shpëtimi i kombit shqiptar apo ka qenë fati i keq, publicisti tha: “Kjo nuk ka të bëjë me tëmën e kombit shqiptar, sepse kombi shqiptar u krijua kur shqiptarët ishin myslimanë dhe të krishterë.  Kjo është shumë hipotetike sepse nuk do e dinim se çfarë mund të kishte ndodhur në rast se shqiptarët nuk do ishin konvertuar. Është e vërtetë që konvertimi në masë deri në shekullin e 17-të. Islamizimi u solli benefite shumë të mëdha, kur më vonë në shekullin e 20 kjo u bë mungesë. Ndryshe do të sihte një fat sikur të gjithë shqiptarët do të sihin të krishterë. Ajo që është fakt tani është se kombi shqiptar u bë në bazë të kontratës midis të krishterëve dhe myslimanëve, është një komb myslimano-krishterë. A je më me fenë apo me kombin, kishte përgjigje vetëm në kohën e Enver Hoxhës. Në ditët e sotme kjo është një pyetje absurde”./abcnews.al

lulzim-zeqaj-1280x826.jpg
nev ila22:56 | 04/02/2020

I ftuar në Provokacija mbrëmjen e sotme ishte aktori Lulzim Zeqaj. Ai është pjesë e një kasti aktorësh që do të luajnë premierë dramën “Skena nga një ekzekutim” e shkruan nga një dramaturg i famshëm britanik, në skenën ë Art turbinës.

Kjo premierë do të luhet ditën e premte nga një kast shumë i mirë aktorësh me regji të Rovena Lule Kuka.

Aktori Zeqja gjatë bisedës në studio me Mustafa Nanon prezantoi veten dhe se si ishte bërë pjesë e skenës dhe kastit të aktorëve. Në bisedën e tij aktori Zeqaj ndërsa theksoi se nuk e kishte marrëdhënien shumë të mirë me kameran tha se teatri mbetet vendi ku ai gjen veten.

Pjesë nga biseda në studio:

Lulzim Zeqaj: Marrëdhënia me televizionin është e vështirë pasi kam një lloj kompleksi pasi nuk besoj se jam një njeri që artikuloj shpejt mendimin, kamerat i konsideroj pak të ftohta ose mbase nuk më ka takuar të përballem me gazetarët.

Mustafa Nano: E keni fjalën edhe për kamerat e filmit?

Lulzim Zeqaj: Jo është gjë tjetër kamera e filmit. Atë lloj kamera e kam bërë mik.

Mustafa Nano: Ju sot në Shqipëri jeni një aktor i afirmuar, a merrni pjesë në audicione?

Lulzim Zeqaj: Po unë shkoj, audicioni i fundit ishte me Bujar Limanin një produksion gjerman, “Virgjëresha shqiptare” dhe fitova.

Mustafa Nano: Përpara emisionit gati më përcolle mesazhin se ishe i ndrojtur…

Lulzim Zeqaj: Jo por nuk kam një raport të mirë me intervistën, e kam problem të flas për veten. Në fakt aktori duhet të promovojë veten.

Mustafa Nano: Ka aktorë që shfaqen në Tv për të folur për punët publike dhe jo për aktrimin.

Lulzim Zeqaj: Unë nuk merrem me analiza, unë merrem me analizat e tekstit.

Mustafa Nano: Si e keni nisur aktrimin?

Lulzim Zeqaj: Kam mbaruar fakultetin e artit skenik në 2001.

Mustafa Nano: Jeni bërë aktor se keni dashur apo se ashtu qëlloi?

Lulzim Zeqaj: Kur kam shkuar në teatër kam qenë në vitin e dytë në gjimnaz, më pëlqeu shumë dhe shkova më pas 3 -4 herë dhe fillova të pija kafen te teatri dhe më pëlqenin aktorët, më dukeshin si njerëz të drejtpërdrejtë. Një pakënaqësi nga realiteti e kishin shumë më të drejtpërdrejtë dhe jo formal dhe kjo më pëlqeu shumë. Një ditë, në gjimnaz vjen Alfred Trebicka dhe krijon një trupë teatrore në shkollë. Unë shkova u paraqita, Fredit i pëlqeu shumë dhe më tha se duhet të isha pjesë, pastaj mu fut në gjak, kisha shumë dëshirë .

Mustafa Nano: Dmth deri  në atë moment nuk kishe jetuar asnjë çast me idenë se mund të bëheshe aktor?

Lulzim Zeqaj: Jo nuk e kam pasur si ide, nuk më ka shkuar në mendje.

Mustafa Nano: Keni rol kryesor në premierën që do të shfaqet?

Lulzim Zeqaj: Jo kam rol dytësor. Galaxia është një vepër që në qendër të saj ka një piktore të cilës i jepet një detyrë nga shteti për të pikturuar një nga betejat më të famshme të njerëzimit, siç ishte beteja e Lepantos. Ngjarjet zhvillohen në Venecian e shek të 16. Piktorja has në një vështirësi shumë të madhe midis luftës që pushteti kërkon të manipulojë pikturën, kurse piktorja do ta paraqesë në mënyrë sa më realiste këtë betejë, pra siç ka qenë në të vërtetë. Është në diskutim lufta e madhe mes pushtetit dhe artit, se si pushteti herë pas here ndërhyn tek artisti për të mos thënë të vërtetën, siç ndodh edhe sot.

Mustafa Nano: Ju si aktor jeni nën presion?

Lulzim Zeqaj: Jo, unë jam ekzekutues, jam aktor kurse mund të ketë regjisor të cilët kanë një lloj presioni nga pushteti.

Beteja e Lepantos është një betejë mes ushtrisë osmane dhe frontit të krishterë. Për herë të parë osmanët pësuan një disfatë dhe ky moment merret si fillimi i fundit të perandorisë osmane./abcnews.al

irena-beqiraj.jpg
ger ta22:12 | 04/02/2020

Irena Beqiraj, ish-zëvendës ministre e Financave dhe njëherësh ish-drejtoreshë e Doganave në qeverinë Rama, ishte e ftuar në “Provokacija”.

Mes të tjerash, Beqiraj u ndal edhe njëherë te largimi i saj nga posti i zëvendës ministres në vitin 2017. Ajo u shpreh se vendimi i asaj kohe i befasoi të gjithë, por sipas saj më vonë kuptoi që kishte dështuar në të mësuarin e sjelljes politike dhe se nuk ishte akomoduar dot.

Ndërkohë, për Edi Raman si lider nuk kursen aspak kritikat. Sipas saj, në fillimim kishte pritshmëri të larta, por tashmë Rama do të jetë lideri i fundit i tranzicionit.

Pjesë nga biseda në studio:

Beqiraj: Jam dorëhequr në gusht të 2017-ës. Mund të biesh dakord të dorëhiqesh me shkarkim. Unë kam ikur në një mënyrë të papritur, nuk e kam diskutuar as me familjen. Shumë nga miqtë që punonim bashkë janë ndjerë të çuditur edhe vetë e kisha të vështirë se çfarë ndodhi dhe pse e kisha marrë këtë vendim.

Nano: Mund ta shpjegoni publikisht

Beqiraj: E kisha një arsyetim pse e kisha marrë, më vonë lexova “Pushteti i të menduarit, pa menduar” dhe e kuptova që në vitet që unë punova në qeveri, që kam shërbyer si zv.ministre, si këshilltare e kryeministrit, si drejtoreshë e doganave mund të them që kam dështuar në të mësuarit të sjelljes politike në ato qarqe. Për këtë arsye nuk u akomdova dot. Unë kam patur pozicione politike, por më shumë isha me kapacitet teknik, megjithëse funksioni ishte edhe politik.

Nano: Juve ju zgjodhi Rama?

Beqiraj: Po unë kam qenë një zgjedhje e Ramës.

Nano: Ju vjen mirë për këtë?

Beqiraj: Më vjen mirë se zoti Rama ka treguar vlerësim. Unë jam shumë mirënjohëse për këtë .

Nano: Çfarë mendoni për Ramën? Këtë pyetje nuk e prisnit

Beqiraj: Nga ana njerëzore unë kam një mendim tërësisht pozitiv për zotin Rama. Marrëdhënia jonë ka qenë e një respekti reciprok tërësisht profesionale. Si lider kam shumë vërejtje, për mënyrën se si drejtim. Si lider në të gjitha. Gjithmonë kam shpresuar, dhe kam menduar që Rama do të ishte lideri që do të hapte një epokë të re, por në rastin më të keq do të mbetet lideri i fundit i tranzicionit.

Nano: Sa vjet keni shërbyer?

Beqiraj: 3 vjet e gjysmë…

Nano: Është shumë, ekonomia sot është keq, është edhe përgjegjësia juaj?

Beqiraj: Po është edhe përgjegjësia ime, megjithëse unë nuk kam qenë në rol vendimarrës. Ajo që arritëm të ndërtonim, unë e quaj ekomonimë e pazarit jo të tregut. Kështu që kemi nevojë për një reflektim të thellë, dhe për reforma. Nuk është vetëm faji i Rilindjes, por të gjithë qeverieve qe e kanë drejtuar ekonominë me një vizion shumë të shkurtër. Një budalla nuk shikon dot pemën që shikon një i mençur dheunë mendojs se ne ishim budallenjtë. Nuk shikonim dot të njëjtën pemë te Gent Cakaj që shikonte Edi Rama. Por kur vjen puna në parti duhet të ketë standarte. Unë sot nuk pranoj asnjë post pa kontribuar në PS dhe jo rastësisht nuk jam asnjë post, dhe nuk jam deputete.

/abcnews.al

luan-rama.jpg
ger ta21:38 | 04/02/2020

Zv.kryetari i LSI, Luan Rama i ftuar në “Provokacija”, me Mustafa Nanon ka folur ndër të tjera për situatën politike në vend.

Gjatë bisedës në studio, Rama pranoi se personalisht nuk ishte pro djegjes së mandateve por respektoi vendimin e partisë. Mirëpo, siç thekson ai koha tregoi se opozita kishte të dretë.

Nëse e quaj sakrificë të guximshme, nuk e quaj vendim të mençur politik djegien e mandateve, por opozita arriti të imponohej sot dhe ka krijuar një institucion ekstraparlamentar siç është tryeza me dy përfaqësues të opozitës dhe mazhorancës”, tha ai, teksa e cilëson këtë tryezë si një fitore të opozitës.

Pjesë nga biseda në studio:

Nano: Ka shumë njerëz që mendojnë se ajo që po bën sot Lulzim Basha dhe opozita e bashkuar është gjë e gabuar. Në fakt unë mendoj se nuk është kjo e gabuar, por e gabuar është ajo që kanë bërë. Ajo që po bëjnë sot për mua është një përpjekje për tu afruar, për tu ulur, për t’u sjellë në mënyrë ultimative. Mua kjo më duket zgjedhje e duhur dhe jo ajo që është bërë.

Rama: Ka racionalitet në atë që thoni ju. Opozita sa herë që kryen ndonjë aksion politik, gjëja e parë që ndodh është paragjykimi. Në fund të fundit edhe opozita është pjesë e këtij realiteti. Nga kjo pikëpamje sot opozita është në një qasje më realiste përballë interesave të vendit dhe ka harmonizuar interesat e veta me interesat e vendit në funksion të krijimit të një klime politike, ku të dominojë arsyeja, dialogu dhe jo pasioni dhe konflikti.

Nano: Në interes të vet nuk është thua ti?

Rama: Ka harmonizuar thashë interesin e vet me interesat e vendit. Natyrisht që është edhe në interes të vet, se në fund të fundit në politikë operohet me instrumenta politikë dhe aktet e dhunës nuk kanë të bëjnë me instrumentat politikë. Unë ua kam thënë edhe njëherë tjetër që, një vit më parë kur në shkurtin e vitit të kaluar u mor vendimi për të djegur mandatet, kam qenë ndër ata pak opozitarë që jam shprehur kundër edhe në forume. Unë jam zv.kryetar i LSI, në momentin që është marrë një vendim në forumet  e partisë unë ka respektuar atë vendim dhe është brenda etikës normale të funksionimit të një partie komfornimi me vendimin dhe argumentimi i bindjes apo qendrimit tim. Mirëpo, duke kaluar kohë unë jam përpjekur ta shoh qendrimin tim në raport me veprimin e opozitës. Dhe sot shoh që veprimi i opozitës përligjet me atë çfarë po ofron realiteti politik shqiptar. Koha i dha të drejtë opozitës dhe pse gjithë çfarë ndodhi më pas në atë që u dokumentua, u konturua në rezolutën e Bundestagut gjerman në thelb i dha të drejtë opozitës. Po ta marrim dhe të shohim çfarë vendosi Bundestagu gjerman, i cili në qasjen time ishte më i rëndë sesa “Jo-ja” formale e Presidentit Macron.

Nano: Ti mendon se rezoluta e Parlamentit gjerman ishte produkt i rezistencës opozitare në Shqipëri?

Rama: Edhe i rezistencës së opozitës padyshim. Veprimi ekstrem i opozitës bëri që disa ndërkombëtarë të shikonim me me realizësmse çfarë ndodhte këtu.

Nano: Opozita mund t’i imponohej faktorit ndërkombëtar edhe duke qenë brenda…

Rama: Mund t’i imponohej, por opozita në Parlament ishte një fasadë. Mazhoranca nuk e trajtonte si një partnere opozitën, por si dekor. Ata thonin  që ne kemi opozitën në Parlament. Kryetari i opozitës ka të njëjtën kohë me kryeministrin dhe e masin vetëm me numrin e diskutimeve, por jo me produktin. Ta konsiderosh opozitën do të thotë ta vlerësosh atë si institucion. Kryeministri shkon në Kuvend dhe i thotë zonjës Hajdari se ti ke 150 fjalë gjithësej. Çdo të thotë ai me këtë? Ky është respekt ndaj opozitës, respekt ndaj një zonje? Dua të them se ka shumë shenja që kur i mbledh të tëra bashkë bëjnë atë qendrimin në grup. Pra opozita bëri një sakrificë dhe qendrim ekstrem.

Nano: Këtu ndahemi, ti e quan sakrificë, unë do e quaja të gabuar.

Rama: Sakrficat mund të jenë edhe të gabuara, por sakrificë në emër të një gjëje më të madhe se raporti i mandatit për deputet. Unë për të fituar mandatin e deputetit më është dashur të luftoj bashkë me mbështetësin e LSI kundër një lufte të pamoralshme që më është bërë edhe nga PS në pushtet edhe nga PD në opozitë. Mua më janë masakruar njerëzit në zgjedhje, më janë vjedhur votat realisht. Kthejuni realitetit të 2017-ës, gjithë retorikës elektorale, edhe PD edhe PS në atë kohë dukeshin sikur luftën e kishin me LSI. Por nga kjo pikëpamje opozita i dha mesazhin qytetarëve se raporti im nuk është thjeshtë me mandatin, por cilësia e demokracisë.  Nëse e quaj sakrificë të guximshme, nuk e quaj vendim të mençur politik djegien e mandateve, por opozita arriti të imponohej sot dhe ka krijuar një institucion ekstraparlamentar sic është trueza me dy përfaqësues të opozitës dhe mazhorancës.

Nano: Do krijohej sesbën, mazhoranca nuk do bënte ligjin me opozitën në Parlament.

Rama: Nuk është vetëm kjo, por fakti që është pranuar që cdo draft do të miratohet në komisinin Parlamentar dhe në Kuvend, çfarë bën? Deligjitimon Kuvendin në radhë të parë. Sepse unë po të isha deputet në atë sallë do të ndihesha i fyer, çfarë jam unë që ti e merr një vendim jashtë kësaj salle dhe ti e sjell këtu që unë vetëm të ngre dorën. Është arritur një “fitore” në kuptim ..

Nano: Kaq i sigurt je, mund të mos e votojnë, Hajdari…

Rama: Hajdari është pjesë e tryezës dhe nëse ajo del jashtë këtij vendimi…atje deri më sot shumica kanë votuar siç voton PS.

Nano: Ata e lidhin me listat e hapura

Rama: kjo është një grackë ku kanë rënë ata që nuk e njohin sistemin. Listat e hapura është një model, por nuke çbën kjo rolin e kryetarit. Sepse edhe listat e hapura kryetari i bën. Çfarë ka ndodhur në zgjedhjet e 2017-ës. Në listën që ka bërë Rama rezultojnë njerëz me të shkuar kriminale, në listën që ka bërë Lulzim Basha mund ketë njerëz që nuk dinë të shkruajnë, por nuk ka rezultuar sot ndonjë që të ketë me background kriminal. Lista e kryetarëve të bashkive është firmosur nga Edi Rama.

/abcnews.al

 

nano-hajdari.jpg
ger ta21:09 | 04/02/2020

“Rudina Hajdari nuk e ka të gjatë mbijetesën dhe jetesën në politikën shqiptare”. Kështu deklaroi Mustafa Nano, në monologun e tij në “Provokacija”.

Nano iu referua një deklarate të dhënë nga Hajdari pak kohë më parë, ku shprehej se nëna e saj do t’i nënshtrohet procesit të vettingut si çdo gjyqtare tjetër dhe ajo nuk futet fare në këtë mes.

Pikërisht kjo deklaratë ka befasuar Nanon, që sipas moderatorit dikush tjetër në këto rrethana nuk do e deklaronte një gjë të tillë.

Nano shprehet më tej se nëse bien dakord që Hajdari është naive, pikërisht për këtë fakt ajo nuk do e ketë të gjatë mbijetesën në politikë. Ndër të tjera moderatori e krahason atë me Rudina Seserin, ndërsa nuk heziton t’i japë edhe një këshillë.

Nëse do të mbijetosh në politikë, e para, ne do të donim që ti të ishe kështu siç je dhe e dyta duhet të bësh kujdes se ka shumë stërkëmbësha në politikë shqiptare”, thotë Nano.

Monolgu i plotë i Mustafa Nanos:

Para disa ditësh Rudina Hajdari ishte e ftuar në Top Channel në programin e Denis Dyrnjasë, aty ky i fundit i bëri një pyetje normale. Pyetja ishte “nëna juaj është gjyqtare dhe cili do ishte qendrimi juaj nëse në procesin e vettingut ajo do digje?. ‘Pra cili do ishte qëndrimi juaj nëse institucionet që bëjnë vettingun do e përjashtojnë nënën  tuaj nga sistemi i drejtësisë?” Përgjigjia e saj ishte e pazakontë, ishte atipike. Ajo tha me fjalë të tjera, nëna ime ka punën e vet dhe unë kam punën time. Nëna ime është gjyqtare dhe si të gjitha gjyqtaret ajo do ti nënshtrohet vettingut dhe do i bindet vendimit që do marrin isntitucionet dhe unë nuk hyj fare në këtë mes”.

Kjo ishte përgjigjia e saj që mua më kapi në befasi. Mu duk një përgjigje shumë interesante, një përgjigje që të tjerët nuk do ta jepnin, madje kam përshtypjen se çdokush tjetër në vendin e saj përballë së njëjtës pyetje do të sillej ndryshe. Do të thoshte fjala vjen ‘unë ka frikë se njerëz të caktuar brenda strukturave të vettingut janë njerëz që u shërbejnë interesave politike të caktuara.

Unë ka përshtypjen se njerëz të caktuar duan të njollosin imazhin publik të familjes time, imazhin publik timin. Janë njerëz që janë të shqetësuar nga rolet dh prania ime në politike, prandaj nuk është çudi që njerëz të tillë të aktivizohen dhe të bëjnë gjëra që nuk duhet  të bëheshin. Në këto rrethana unë do denoncoj këtë lojë të ndyrë politike’.

Pra kështu e përfytyroj unë reagimin e kujdo tjetër, anëtar të klasës politike në rrethana të ngjashme. Por Rudina Hajdari nuk reagoi kështu. Unë jam i befasuar nga kjo sjellje e Rudina Hajdarit, dhe nuk është hera e parë që më befason. Është një vajzë interesante e klasës politike shqiptare. Është një anëtare interesante e Parlamentit shqiptar. Unë e di që ajo ka limitete e veta, që janë evidente, madje që shumëkush ka dashur t’ja vërë në dukje. Janë limite që kanë të bëjnë me moshën e saj, është e re. Janë limite që kanë të bëjnë me faktin që ajo është arsimuar në Perëndim. Ka qenë për një kohë të gjatë jashtë vendit dhe kjo duket edhe në ndryshim me anëtarët e tjerë të klasës politike i mungon kontakti i drejpërdrejtë me realitetin shqiptar. Por unë kam dalluar tek ajo një karakteristikë që nuk e kanë as luanët e klasës politike. Ajo ka guximin për të qenë vetëvetja. Bën vaki që unë marr për guxim atë që në të vërtetë, ndoshta nuk është guxim është naivitet. Dhe në fakt ajo është naive, por unë do preferoja njerëz naivë si puna e Rudina Hajdarit, nëse bien dakord që është naive sesa njerëz të djallëzuar me të cilët është mbushur klasa politike. Dhe unë kam frikë që për shkak të naivitetit, gjithmonë nese bien dakord që është naive, Rudina Hajdari nuk e ka të gjatë mbijeteseën dhe jetesën në politikën shqiptare. Ajo nuk e di pse unë mendoj që do ketë fat të ngjashëm me fatin e një Rudine tjetër. Ju kujtohet Rudina Seseri.

Rudina Seseri para shumë vitesh erdhi në Tiranë nga Amerika. Atje ajo kishte biznesin e  vet, kishte ndërtuar një jetë të suksesshme, i la të gjitha dhe erdhi synimin për të dhënë një kontribut të vetin individual në përmirësimin e punëve të këtij vendi. Mirëpo nuk zgjati shumë kjo aventurë e saj në vendin e vet të origjinës. Një ditë prej ditësh, ajo e lodhur, e rraskapitur, duroi sa duroi dhe ia mbathi, u kthye në vendin e vet, ku ajo ka ndërtuar jetën e vet që e ka akoma. Ajo nuk mundi a përballonte këtë mjedis të çmendur, ku eleganca shpesh herë merret për dobësi, ku modestia shpeshherë merret për frikë, kur hilja shpesh herë merret për inteligjencë, kur robi i ndershëm merret për leshko. Dhe ku sa më shumë të jesh maskara, i ligë, me vese, aq më shumë ke shanse që të arrish suksesin.

Kjo ishte arsyeja që unë u befasova nga sjellja e Rudina Hajdarit. Prandaj doja t’i jepja një këshillë: “Kujdes! Nëse do të mbijetosh në politikë, e para, ne do të donim që ti të ishe kështu siç je dhe e dyta duhet të bësh kujdes se ka shumë stërkëmbësha në politikë shqiptare. Një shapo nga ana ime, unë e di që nuk është një gjë që ju e mirëprisni e dashur Rudina për shkak të kritikave që unë kam shprejur për rolin politk në adresë të babait tuaj, por kjo nuk më pengon t’ju bëj një shapo juve.

/abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono