proteste

policia-1.jpg
G. P.09:15 | 03/04/2019

Këtë të mërkurë në orën 10:00 do të zhvillohet seanca parlamentare e radhës. Ndërkohë që Kuvendi vazhdon punimet, selia blu ka njoftuar se do të protestojë përpara godinës. Skenari i shoqërimit të çdo seancë parlamentare me protesta para Kuvendit, po përsëritet nga opozita prej rreth 1 muaji e gjysmë, që kur ka nisur aksioni opozitar.

Ndërkohë në seancën e sotme plenare, grupi parlamentar i deputetëve të mazhorancës do të kërkojë shtyrjen me tre muaj të afatit të komisionit të posaçëm parlamentar të reformës zgjedhore.

Gjithashtu ata do të propozojnë Damian Gjiknurin si bashkëkryetar të komisionit të reformës zgjedhore, duke zëvendësuar në këtë post Blerina Gjylametin. Deputetëve të opozitës në parlament do t’u drejtohet një ftesë që të bëhen pjesë e komisionit të posaçëm të reformës zgjedhore./abcnews.al

korce-1280x677.jpg
ent ela17:31 | 01/04/2019

Tregtarët e Tregut të Fruta – Perimeve kanë protestuar kundër zhvendosjes së aktivitetit tek markatoja e re, ku tarifa është më e lartë në krahasim me atë ekzistuese. Fillimi i muajit prill, ishte afati i fundit i caktuar nga bashkia për mbylljen e tregut të vjetër.

Kanë vendosur të mos lëvizin nga vendi ku tregtojnë aktualisht, derisa Bashkia të rishikojë tarifat. Bëhet fjalë për tregtarët e fruta perimeve në Korçë të cilët nuk duan të zhvendosen tek markatoja e re.

Ata kundershtojnë vendimin e Bashkisë sepse tarifat janë disa fish më lartë, krahasuar me ato ekzistuese.

Ata pranojnë, që markatoja e re ofron kushte të përshtatshme si për tregtimin ashtu edhe për konsumatorët por fitimet që nxjerrin nga ky aktivitet, nuk justifikojnë nivelin e tarifës së vendit dhe shpenzimet e tjera.

Tregtaret i janë drejtuar me një peticion Këshillit Bashkiak të Korçës, por ende kërkesa e tyre nuk është futur në rendin e ditës./abcnews.al

 

PRAG-KUKESI-PARTIZANI.mpg_snapshot_00.04-1280x720.jpg
ent ela22:00 | 30/03/2019

Kukësi proteston për sjelljen e tifozëve të Partizanit dhe të golashënuesit Jasir Asani, në ndeshjen e së shtunës në Shkodër. Klubi verior kërkon ndëshkim nga Komisioni i Disiplinës

Barazimi u përjetua si humbje, por nuk mjaftoi vetëm rezultati. Drejtuesit e Kukësit gjykuan se sjellja e tifozëve të Partizanit në “Loro Boriçi” ishte e papranueshme, ashtu si edhe festimi i golit nga Jasir Asani.

Tifozët patën si shënjestër presidentin kuksian, Safet Gjici, duke e ngacmuar për batutat që ai ka lëshuar gjatë këtij viti.

Të njëjtën gjë bëri edhe Asani, i bëri me shenjë nga tribuna VIP e stadiumit të Shkodrës, që ta mbyllnin gojën, me referim të qartë për Gjicin.

Kukësi doli me deklaratë zyrtare për shtyp, ku dënoi këto sjellje, dhe kërkoi nga Komisioni i Disiplinës në Federatën Shqiptare të Futbollit që të merrte masa për t’i dënuar.

“Tifozët e Partizanit, – shkruhet në deklaratë, – lëshuan kore ofenduese ndaj presidentit, si dhe hodhën kartëmonedha me fytyrën e numrit 1 të klubit tonë, duke cënuar imazhin e tij. Lojtari që shënoi golin, u soll në mënyrë të pakulturuar”.

Nuk dihet nëse Disiplina do të marrë masa për këto veprime, por ndoshta mund të ketë edhe ndëshkim me gjobë.

Partizani, ndërkaq, festoi në Shkodër, i bindur se barazimi 1-1 ishte një hap i madh drejt titullit kampion.

Fillimisht, lojtarët u drejtuan tek rreth 400 tifozët e tyre, që ishin në epërsi dërrmuese ndaj atyre të Kukësit, edhe pse luhej në fushë kundërshtare.

Më pas, ata brohoritën në dhomën e zhveshjes, duke postuar fotot në rrjetet sociale. Në kthim nga Tirana, tifozët i bënë një të papritur skuadrës, duke hyrë në restorantin ku ajo po darkonte, e duke nisur sërish festën.

Edhe kjo video u hodh në rrjetet sociale. Kukësi-Partizani doli barazim me golat e shënuara nga Rezhinaldo në minutën e 55-të për kuksianë, dhe Jasir Asani në të 68-ën me penallti për kryeqytetasit. Partizani kryeson renditjen e Superligës me 54 pikë ndaj 45 të Kukësit, kur mbeten edhe 10 javë deri në përfundim./abcnews.al

opozita-1-1280x712.jpg
G. P.17:17 | 28/03/2019

Jo vetëm shqetësimet dhe problemet, por edhe zgjidhjen dhe shpresën përfaqësojnë sipas Lulzim Bashës protestuesit që për të shtatën herë ju përgjigjën thirrjes së opozitës së bashkuar për protestë. Protestë, e cila zgjati mbi 3 orë dhe u zhvillua në dy pika, përpara parlamentit dhe përpara Ministrisë së Brendshme.

Ajo që i bashkon sipas opozitës, mungesa e legjitimitetit dhe lidhja me krimin, në kurriz të qytetarëve të ndershëm por edhe atyre që luftojnë për një Shqipëri më të mirë. Mesazhin që kjo valë protestash opozitare ka në thelb të saj, e artikuloi më herët vetë kryetari i demorkatëve Lulzim Basha.

“Nuk ka gardh, nuk ka tel me gjemba që e mban vrullin popullor për ndryshim. Ndryshimi ka nisur, ai nuk do të kthehet mbrapsht. Ne jemi këtu jo vetëm për të konfirmuar verdiktin e pakthyeshëm popullor të 16 Shkurtit e 16 Marsit, largimin pa kushte të kryehajdutit Edi Rama, por jemi për të nisur së bashku një rrugëtim, në fund të të cilit kurrë më nuk do të ketë rrethana që t’ju vjedhin votën, t’ju vjedhin parlamentin, t’ju vjedhin qeverinë e me qeverinë e vjedhur nga krimi dhe nga oligarkët dhe banditët, t’ju vjedhin bukën e fëmijëve tuaj, të ardhmen tuaj, dinjitetin tuaj. Kjo do të marrë fund njëherë e mirë. Ndaj së bashku me protestat që nuk do të ndalen deri në rrëzimin e qeverisë kusare të Edi Ramës dhe largimin e kryehajdutit”.

Kujdes i këshilloi kryeministrit Rama, ndaj qytetarëve që prej orës 9:30 minuta të mëngjesit zunë vend përpara godinës parlamentare.

“Edi Rama thirri mendjes se ti në atë karrige i ke orët e numëruara, por me këto kërcënime ta dish se populli do të të përgjigjet sy për sy e dhëmbë për dhëmbë”!

Bashkë me atë që quan arkitektin e paligjshmërisë shtetërore, kreun e qeverisë Rama, fundi sipas Lulzim Bashës po i vjen edhe kujtdo që është pasuruar në kurriz të një populli punëtor.

“Sikundër i paralajmëroj prerë dhe qartë të gjithë bashkëpunëtorët e këtij regjimi kriminal me kostum, me kollare, me atlete, me miliarda të vjedhura, me gojën e dhënë me qira se populli as nuk ju harron as nuk jua fal shërbimet ndaj klikës mafioze në pushtet”.

Pas shpalosjes së mesazheve politike dhe atyre simbolike nga stacioni i fundit i çdo proteste opozitare, selia blu, kryedemokrati Basha veç falenderimit ndaj protestuesve i tregoi atyre një rreze reflektimi…

“Për ata që u bënë milionerë në pushtetin tonë, mbi djersën, gjakun dhe sakrificën tuaj dhe shqiptarëve të ndershëm. Ora e drejtësisë po afron dhe në këtë orë ne e dimë se betejën që bashkë kemi nisur, bashkë do ta përfundojmë, por bregu i lirisë dhe i demokracisë, ku do të dalë kjo anije kombëtare e shpresës, nuk mund të pranojë më kurrë gabimet e së kaluarës. dua t’i kthej në mësim ato pësime. Për këtë zotohem përpara Zotit dhe përpara jush, misionarëve të lirisë dhe demokracisë”.

protesta-7-1280x723.jpg
ent ela16:15 | 28/03/2019

Mbi 1000 efektivë u angazhuan në protestën e opozitës, të mbajtur para Parlamentit. Por ndryshe nga herët e tjera, tensionet në nisje të manifestimit u kryen pranë ministrisë se Brendshme.

Protestues e zonës së Astirit bashkë me qytetarë të tjerë tentuan të pengojnë takimin ndërmjet ministrit të Brendshëm të Shqipërisë me homologun e tij Holandes.

Në ndihmë të forcave të rendit erdhën edhe ato të Ndërhyrjes së Shpejtë. E  njëjta situatë vijoi edhe para Parlamentit

Disa here u zhvilluan tentativa nga protestuesit për çarë me forcë kordonin e parë të policisë. Për disa momente u krijua kjo gjendje mes manifestuesve dhe uniformave blu. Në drejtim të këtyre te fundit u hodhën kapsolla dhe lëndë piroteknike.

Pas shumë tentativash, protestuesit u tërhoqën duke ndjekur kreun e opozitës Basha me marshimin e heshtjes drejt Ministrisë së Brendshme. Në drejtim të godinës u hodh boje e zezë, duke shprehur inatin e shumë të arrestuarve nga protestat e mëparshme të organizuar nga opozita./abcnews.al

qumshti-1280x686.jpg
ent ela13:20 | 19/03/2019

Ashtu siç ishte paralajmëruar, blegtorët dhe fermerët në Lushnje nuk kanë arritur as sot ta shesin qumështin. Grumbulluesit nuk ua morën prodhimin, ndërsa paralajmëruan protestë të madhe ditën e nesërme.

Priten më tepër se dy orë që dikush t’u merrte qumështin. Por siç edhe ishte thënë më parë, këtë të martë grumbulluesit injoruan prodhimin e blegtorëve në Lushnje.

Asnjë litër qumësht nuk u shit dhe me kova plot u kthyen mbrapsht.

Nga ana tjetër fabrikat mbyllën aktivitetin në shenjë proteste kundër vendimit të ndryshimit të TVSH.  Kanë vendosur që për tre ditë të mos ua grumbullojnë qumështin blegtorëve.

Edmond Gjata, thotë se shteti ose të barazojë taksën ose bojkoti mbi blegtorët, do të zgjasë pa afat. Të mekurën është lajmëruar të organizohet protesta më e madhe e punëtorëve dhe blegtorëve të Jugut të vendit në Lushnje.

Gazetare: Anila Sefa

Operator: Kastriot Toshkollari

53827784_2312356715482163_844472114642681856_o-1280x636.jpg
ent ela11:15 | 19/03/2019

Opozita thërret protestën e radhës ditën e enjte në orën 9:30 përpara Parlamentit gjatë kohës kur ky i fundit do të mblidhet në seancë plenare. Pas përcaktimit nga Konferenca e Kryetarëve të Kuvendit që seanca e radhës të zhvillohet ditën e enjte në orën 10:00, opozita ka njoftuar vijimin e aksionit të saj përmes protestave, ku e radhës do të jetë pikërisht më 21 mars përpara godinës së seancave plenare. Kjo do të jetë hera e katërt që mbledhja e deputetëve në seancë parlamentare shoqërohet me protestë të thirrur nga opozita, herë përmes grumbullimit të qytetarëve jashtë ambientit të Parlamentit, apo përmes simbolikave të shpalosura gjatë zhvillimit të seancës parlamentare./abcnews.al

lusen-1280x734.jpg
ent ela13:30 | 17/03/2019

Banorët e fshatit Lusen në Kukës kanë protestuar në qendër të fshatit kundër ndërtimit të një hidrocentrali, punimet e të cilit kanë nisur para pak ditësh.

Sipas banoreve, ky hidrocentral, i dyti në fakt brenda një kohe të shkurtër, i sjell dëme të pallogaritshme fshatit. Ato pak burime që janë në ketë zonë do të futen në tubacione e nuk do të kenë mundësi përdorimi nga fshatarët, qoftë për vaditje, gjënë e gjallë apo edhe si përdorim për ujë të pijshëm.

Në Kukës deri tani janë ndërtuar 13 hidrocentrale të vegjël, dhe shtatë të tjerë janë në proces ndërtimi. Banorët e Lusenit thonë se nuk do të tërhiqen nga protestat deri kur ky HEC të anulohet./abcnews.al

frpd-1280x728.jpg
ent ela13:10 | 17/03/2019

Një ditë pas protestës së opozitës ku qytetarët u përballën me gaz lotsjellës të përdorur nga forcat e policisë për të shpërndarë turmën në momentin që protestuesit thyen traun e hyrje-daljeve të automjeteve në godinën e zbrazët të seancave plenare, pamja e një vajze të vogël që mbulonte fytyrën për t’i shpëtuar gazit lotsjellës, është kthyer në simbolin e një marshimi të Forumit Rinor Demokratik.

Me fotografinë e vajzës të printuar në bluza dhe vogëlushe të veshura me maska kundra-gazit përdore, ne shenjë simbolike zonjat marshuan nga selia blu, përgjatë bulevardit “Dëshmorët e Kombit”, dhe drejt sheshit “Skëndërbej”, ku zhvillohen festimet e ditës së verës, të spostuara nga dita e enjte në ditën e shtunë, për shkak të motit./abcnews.al

 

milva-1280x770.jpg
ent ela19:00 | 16/03/2019

Deputetja e PS-së Milva Ekonomi është shprehur se opozita nuk po mëson dot të bëjë protesta paqësore. Më tej ajo është shprehur se në proteëstë kishte vetëm militantë dhe jo qytetarë që dalin për hallet e tyre.

“Në të gjitha këto protesta që janë bërë një nga mesazhet kryesore që i është dhënë opozitës jo vetën nga kombëtarët por edhe nga ndërkombëtarët se, është e ligjshme të protestojnë, pro protestat nuk duhet të shoqërohen me dhunë.Kjo karakteristike e protestave të opozitës që nuk e di se çfarë ndodh por pas pak ata degjenerojnë dhe shkojnë drejt dhunës është një mësim që nuk po mësohet dot nga opozita.   

Ajo që vura re unë sot se natyrisht që e ndjemi jetën politike në Shqipëri për detyrën që kemi dhe për me tepër duke qenë qytetarë të këtij vendi. Protesta e opozitës nuk kishte numra të rritur dhe ata kishin më shumë kohë për të bindur persona për të ardhur në protestë. Shumica e protestuesve ishin fytyra militantësh. Kjo është një protestë politike dhe jo një protestë popullore. Unë nuk mendoj që  ka qytetarët që protestojnë dhe ajo pjesë nuk përbën shumicën, ata nuk përbejnë shumicën”.

Ndër të tjera ajo u shpreh se opozitës i është bërë e qartë nga mazhoranca dhe ndërkombëtarët se qeveria është legjitime.

“Mesazhet deri më tani janë të paqarta dhe kanë një mesazh “Rama ik”, por kësaj i është dhënë përgjigje se Parlamenti është legjitim, qeveria dhe Kryeminisiri janë legjitim. Këtë përgjigje nuk ia ka dhënë vetë mazhoranca por edhe ndërkombëtarët që thonë se qeveria është legjitime”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono