protestat

aeroporti-1280x704.jpg
Sej rie20:30 | 13/08/2019

Protestat kanë paralizuar për të dytën ditë rresht aeroportin e Hong Kongut, duke bërë që shumë fluturime të anulohen. Manifestuesit kanë përdorur valixhe dhe objekte të tjera për të ngritur barrikada dhe për t’u bllokuar udhëtarëve aksesin në pikat e nisjes.

Fluturimet u ndalën për të dytën ditë rresht në aeroportin ndërkombëtar të Hong Kongut, për shkak të protestave anti-qeveritare. Aeroporti, që është ndër më të ngarkuarit në botë, është kthyer në qendër protestash ditët e fundit.

Video të publikuara në rrjetet sociale tregojnë pasagjerë që përpiqen të kalojnë përmes demonstruesve, të cilët qëndrojnë të ulur në tokë duke bllokuar aksesin tek pikat e nisjes.

Brenda aeroportit ata përdorën valixhe dhe objekte të tjera për të ngritur barriera për të penguar udhëtarët. Protestat masive vazhdojnë të trondisin Hong Kongun prej 10 javësh dhe nuk po japin sinjale se po shkojnë drejt fundit. Ato filluan si reagim ndaj projektligjit të ekstradimit në Kinë dhe tani janë kthyer në një lëvizje pro-demokracisë. Manifestimet janë të ushqyera nga frika se liria që Hong Kongu gëzon si një rajon i veçantë administrativ i Kinës do të çrrënjoset.

Të martën, komisionerja e OKB-së për të Drejtat e Njeriut, Mishel Baçelet u bëri thirrje autoriteteve që të tregohen të moderuara në reagimin ndaj protestuesve. Ndërkohë, në një komunikim me mediat, policia në Hong Kong ka bërë të ditur se që prej 9 qershorit, kur protestat morën jetë, janë arrestuar 700 persona.

Të arrestuarit akuzohen për pjesëmarrje në revoltë, grumbullim të paligjshëm, agresion ndaj policisë, rezistencë ndaj arrestimit dhe posedim armësh ofensive. Nëse shpallen fajtor ata rrezikojnë deri në 10 vjet burg. /ABC News Albania 24/7

8256-1280x768.jpg
Sej rie23:45 | 03/07/2019

Protestat që kanë përfshirë prej disa javësh Hong Kongun kanë përplasur Londrën me Pekinin. Mbretëria e Bashkuar ka kërkuar nga pala kineze respektimin e autonomisë dhe të drejtave të ish-kolonisë së saj; ndërsa Kina ka deklaruar se kushdo që shkel ligjin duhet të trajtohet si kriminel.

Kina dhe Britania e Madhe janë përfshirë në një debat të ashpër lidhur me protestat që prej disa javësh zhvillohen në Hong Kong. Ka qenë një deklaratë e ministrit të Jashtëm britanik, Xheremi Hant, që shprehte mbështetjen për protestuesit e rajonit autonom të Kinës, që ka trazuar ujërat mes dy vendeve.

Pekini zyrtar i ka bërë thirrje Londrës që të mos ndërhyjë në çështjet e brendshme të Kinës. Edhe ambasadori kinez në Mbretërinë e Bashkuar deklaroi se marrëdhëniet janë dëmtuar nga deklarata e ministrit Hant dhe ato të zyrtarëve të tjerë që mbështesin protestuesit.

Ai tha se personat që kanë zaptuar ilegalisht Parlamentin e Hong Kongut duhet të dënohen si shkelës të ligjit. Më pas, diplomati u thirr për sqarime në Ministrinë e Jashtme britanike lidhur me këtë deklaratë. Një zëdhënës i dikasterit bërë të ditur se diplomatit kinez iu komunikua se deklarata e tij ishte e papranueshme.

“Ne vazhdojmë t’ia bëjmë të qartë qeverisë kineze, në mënyrë publike dhe private, se të drejtat e banorëve të Hong Kongut duhet të respektohen tërësisht”, thuhet në një deklaratë të Forein Ofis. Më herët kryeministrja Theresa Mej deklaroi se e kishte ngritur çështjen e ish-kolonisë britanike në takimet me liderët kinezë në takimet e G20-s. “Është jetike që shkalla e lartë e autonomisë së Hong Kongut dhe të drejtat dhe liritë e qytetarëve të tij të respektohen maksimalisht”, tha Mej.

Banorët e rajonit autonom protestojnë prej javësh kundër ligjit të ekstradimit, që do të mundësojë dërgimin në Kinë të të kërkuarve dhe disidentëve, por që sipas tyre rrit vartësinë nga Kina mëmë.

bujar-osmani-bdi-maqedoni-1280x717.jpg
nev ila18:22 | 24/06/2019

Zëdhënësi i BDI-së, Bujar Osmani duke komentuar protestën e mbajtur në Tetovë, ka deklaruar se qytetarët nuk i përkrahin politikat e shpifjeve. Ai ka hedhur kritika ndaj opozitës duke thënë se rruga e tyre për të ardhur në pushtet është rrugë e verbër.

“Protestat, nëse mund të quhen të atilla, treguan se qytetarët nuk përkrahin politika të përpjekjeve për të marrë pushtetin përmes zbulimit të privatësisë së funksionarëve dhe përmes shpifjeve, por kërkojnë programe serioze, njerëz serioz, me bagazh të përvojave paraprake, por edhe projekte serioze që mund t’i realizojnë. Dhe, qartazi u pa se cila është politika dhe mendoj se është mesazhi më i mirë për opozitën se cilën rrugë duhet ta zgjedhin, për shkak se qartazi duket se këtë rrugë që kanë zgjedhur, disa herë është dëshmuar se është një rrugë e verbër, dhe nuk i çon drejt fitores. Më së miri është që të na ndjekin neve, të përpunojnë programe, pojekte dhe kandidatë serioz dhe njerëz që kanë besimin e popullit dhe në këtë mënyrë të jenë konkurrues. I siguroj se vetëm humbin kohë nëse në këtë mënyrë dëshirojnë të vijnë në pushtet”, tha Bujar Osmani, BDI./ABC News Albania 24/7

46354c29-1bbb-4ffc-a5cc-41789c1c8335-1280x853.jpg
Sej rie14:20 | 14/06/2019

Kryetari i Partisë Demokratike Lulzim Basha ka mbledhur sot në një takim aleatët opozitarë për të diskutuar lidhur me zhvillimet më të fundit politike si dhe vazhdimësinë e aksionit opozitar. Njëri nga drejtuesit e partive aleate, Fatmir Mediu i Partisë Republikane, tha pas mbledhjes se protestat do të vazhdojnë deri në largimin e Kryeministrit Edi Rama, por pa dhënë një datë për tubimin e radhës.

“Është shumë e rëndësime të kuptojmë se EDI Ram po frymëzon dhe organizon një grusht kushtetues në vend, jo vetëm duke u shprehu ,kundër dekretit të Presidenti në mënyrë anti-kushtetuese, por duke kontrollua të gjitha institucionet e këtij vendi dhe anti-kushtetuese. I gjithë organizimi i diskutimit të sotëm është që ne duhet të marrim çdo hap bashkë me qytetarët për të ndaluar këtë grusht shteti të organizuar nga Edi Rama”, tha Meta.

Më tej mediu tha: “Sjellja e Edi Ramës, duke arrestuar protestuesit e PD, është kriminale. Arrestimet e protestuesve na kthejnë në diktaturë dhe shqiptarët duhet të reagojnë përballë kësaj situate.  Ne vazhdojmë që të kërkojmë qeveri transitore dhe largimin e Edi Ramës, që të garantohen zgjedhje të lira.

Nëse Edi Rama kur erdhi në pushtet e gjeti Shqipërinë në NATO, ai ka sjell vetëm rrënim, e prandaj duhet të ikë që mos pengojë integrimin e vendit. Ne kemi thënë që  duhet të ikë Rama, duhet qeveri tranzitore”./abcnews.al

HAHN-DW_ABC-M4-T2.mpg_snapshot_00.01-1280x720.jpg
ent ela18:10 | 16/05/2019

Komisioneri për Zgjerimin, Johanes Hahn ka deklaruar se protestat e fundit të opozitës në Shqipëri, kanë gjasa të ndikojnë tek rekomandimi për hapjen ose jo të negociatave të anëtarësimit. Në një intervistë për “Dojçe Vele”, Hahn ka paralajmëruar se hapja e negociatave është një proces individual, që nuk lidhet me progresin e një vendi tjetër.

Komisioneri i BE për Zgjerimin, Johanes Hahn ka paralajmëruar se aktet e dhunës të verifikuara në protestat e opozitës në Shqipëri mund të ndikojnë në vendimin për hapjen e negociatave të anëtarësimit. Në një intervistë për “Dojçe Vele”, Hahn ka nënvizuar se, imazhi që lë një vend ka ndikim shumë të madh tek vendimmarrësit në Bashkimin Evropian.

“Këta janë përfaqësuesit e popullit dhe qytetari i thjeshtë që shikon pamjet e transmetuara në televizion e ka të vështirë ta kuptojë kur dëgjon se ky vend na qenka gati për të filluar bisedimet e anëtarësimit në BE”, ka deklaruar Hahn.

Ai ka përsëritur apelin për krerët politikë që të gjejnë një rrugëzgjidhje për këtë situatë, pasi dëmet e saj janë të padiskutueshme. “Pra, edhe një herë apeli im për përgjegjësit është që të jenë të vetëdijshëm për këtë situatë sepse dihet që një pamje flet më shumë se një mijë fjalë”, ka vijuar Hahn.

Personalisht, komisioneri është shprehur pro hapjes së negociatave të anëtarësimit, pasi sipas tij ato ofrojnë mundësinë që të ndikohet në zhvillimin e vendit në aspektin evropian. Por më tej ai ka paralajmëruar se hapja e negociatave është një proces individual për secilin vend, duke lënë të kuptohet se nuk është e thënë që Shqipëria të marrë një rekomandim pozitiv vetëm sepse një të tillë do ta marrë Maqedonia e Veriut.

“Negociatat e zgjerimit janë një proces që bazohen në meritat dhe arritjet e secilit vend. Do të ishte e padrejtë nëse një vend do të priste sepse një vend tjetër nuk arrin rezultate”, ka theksuar Hahn.  /ABC News Albania 24/7

 

Dumaaaa-1280x726.jpg
Sej rie19:51 | 01/05/2019

Ish-deputetja e PD-së Grida Duma ka thënë se protesta e opozitës do të përshkallëzohen. E ftuar në “Mbrëmje Ide”, Duma ka theksuar se është mosbindja e qytetarëve ajo që do të përcaktojë se si do të shkojnë protesta që do të organizojë opozita.

“Sigurish strukturat e PD vijojnë  me planifikim e cilat janë pikat kyçë për bllokimin e rrugëve. Prite  nga momenti në moment që të caktohen pikat për të gjitha qarqet. Kjo do të jetë në të gjithë vendin. Do të kemi këtë përshkallëzim të protestë për mosbindje të qytetarëve. Pritet të vijojë më shumë sesa një orë. Nuk kemi naivitetin politik që gjërat të ndodhin brenda dy muajve. Do vijojmë me përshkallëzim në rritje për të justifikuar sakrificën e madhe dhe nuk mund të relativizohet situata se jemi në gjendje normale. Tashmë Rama e ka hequr nga verbi i tij që jemi në normalitet. Janë shumë pak ata symbyllur se jemi në një gjendje normale në këtë vend. Në dy muaj nga pikëpamja e komunikim kemi arritur një rezultat maksimal. Ishte krijuar bindja e ky kryeministër nuk lëviztë për shkak të parave të pista në treg. Këtu kemi një prurje të parave të zeza dhe kishte krijuar përshtypjen e ky njeri nuk lëvizte nga pushteti. Rama është i lëkundur dhe më i dobët se kurrë në perceptimin publik. Sot mbështetësit e PD thonë se kur do përfundojë kjo sepse Rama i ikur është. Opozita tani ka nevojë për një strategji të qartë sepse pa këtë strategji nuk mund të realizojë qëllimin”, tha Duma./abcnews.al

erion-veliaj-mbremje.jpg
nev ila21:48 | 25/04/2019

Kryetari i Bashkisë së Tiranës në Mbrëmje ABC me MIrela Milrin mbrëmjen e sotme ka dhënë opinionin e tij për protestat e opozitës. Në këndvështrimin e kryebashkiakut ato janë ekskursione dhe aspak mendimi i shumicës së popullit.

I pyetur nga Mirela Milori në lidhje me këtë cështje Veliaj tha se:

“Këto ekskursionet më duken autogol spektakolar, shoqëria jonë ka evoluar dhe askush nuk vritet për parti. Shumica e shqiptarëve, të djathtë gjithashtu thonë se, partia ime është familja ime dhe nuk bëhemi “mish për top” për të ardhur Luli në pushtet. Për sa kohë që 42 parti janë regjistruar, mungesa e 4 apo 5 partive nuk bën problem për zhvillimin e zgjedhjeve”./abcnews.al

astrit-patozi-3.jpg
nev ila20:30 | 23/04/2019

I ftuari në studio në “Mbrëmje në ABC News” me Mirela Milorin, Astrit Patozi, i është përgjigjur një sërë pyetjesh, në lidhje me ish bashkëpunëtorët e tij të dikurshëm, Lulzim Basha dhe Sali Berisha. Marrëdhënien që ruan me ta dhe bindjet politike. I pyetur nga Mirela Milori se a do të ketë një 97-të të dytë, duke parë strategjinë e opozitës për të ndjekur rrugën e protestave, Patozi u përgjigj:

Unë nuk e qortoj dot opozitën dhe nuk jam për djegien e mandateve, nuk është ky instrumenti. Partia demokratike nuk ka ditur ti përdorë me efiçencë mandatet. Në këtë çark ku është futur, nuk i mbetet gjë tjetër. Tani janë një “asgjë”, të vetmin mjet që kanë janë protestat”.

Mirela Milori: Si është marrëdhënia juaj me opozitën?

Astrit Patozi: Marrëdhënia ime me Partinë Demokratike është kapitull i mbyllur, jam munduar të bëj maksimumin.

Mirela Milori: Keni kontaktuar me të ikurit e Partisë Demokratike, Majlinda Bregun, Genc Rulin, Jozefina Topallin apo të tjerë dhe a keni ndarë mendime me ta për “Bindjen Demokratike”?

Astrit Patozi: Nuk është çështje emrash dhe e imja, por tjetri shikon cili është koncepti, ideologjia dhe i bashkohet ose jo, sot kam patur komunikime me disa prej tyre të cilët me kanë uruar.

Mirela Milori: Si po e menaxhon opozitën Z. Basha?

Astrit Patozi: Shume keq dhe është keqardhje. Bashës i mungon aftësia dhe cilësia, e ka futur Partinë Demokratike në një çark, ne kemi qenë bashkë në një “shtëpi” por jemi ndarë dhe tashmë rrugët tona janë të ndryshme.

Mirela Milori: Si duket strategjia për protestat?

Astrit Patozi: Rama ka përfituar nga djegia e mandateve. Rama ishte në vështirësi në rastin e protestës së studentëve, protestës së teatrit, astirit të cilat u mbivendosën dhe po të ishte vepruar si duhet nga opozita mund të ishte rrëzuar që atëherë. Akti i djegies së mandateve për mendimin tim ka një arsye të fortë që ose ka ndodhur diçka shumë e rëndë, në Partinë Demokratike që ne nuk e dimë, ose është një kalkulim i gabuar i momentit. Djegia e mandateve nuk është rrugë që të çon te rezultati.

Mirela Milori: A mendoni se do kemi një përplasje civile? Zoti Berisha nuk e përjashtoi mundësinë e përplasjes civile?

Astrit Patozi: Jo unë nuk e shoh kështu. Ndryshe nga disa njerëz që nuk kanë eksperiencë unë e di që është shumë e vështirë ta bësh këtë gjë, kjo do ishte vëllavrasje. Gjithsesi përplasja civile as nuk parashikohet dhe as nuk planifikohet.

Mirela Milori: Çfare garancie keni që Rama nuk i blen zgjedhjet?

Astrit Patozi: Nuk kam garanci por nuk kam mundësi tjetër përveç se të shkojmë në zgjedhje dhe të ruajmë votën.

Mirela Milori: Doja një përgjigje për zotin Berisha, çfarë impresioni keni për të?

Astrit Patozi: Unë jam bashkëpunëtori i tij më i ngushtë, kam kujtime shumë të mira dhe marrëdhënie të ndërsjelltë korrekte por se çfarë kam qenë unë për Zotin Berisha, duhet të pyesni atë. Z. Berisha është në të njëjtin vend që ka qenë, ndërsa unë jam diku tjetër. Politikisht ne mendojmë ndryshe.

Mirela Milori: Ju jeni në ditën e parë të themelimit të partisë “Bindja Demokratike” a do ketë emra me peshë në të?

Astrit Patozi: Shpresoj që “Bindja Demokratike” të mos jetë portë për të mos vajtur te Lulzim Basha. Kjo është forcë që duhet të jetë shtëpi e të gjithëve dhe ti bashkohen sa më shumë të rinj. Duhet t’ja u kalojmë stafetën të tjerëve, pra “Bindja Demokratike” duhet te jete partia ku vërshojnë të rinjtë dhe mezi e pres këtë ditë, kjo është ëndërra ime më e madhe.

Mirela Milori: Keni filluar të mendoni për kandidatët?

Astrit Patozi: Jo nuk kemi menduar, jemi herët, çdo gjë do jetë transparente për publikun në kohën e duhur./abcnews.al

protesta.jpg
nev ila13:22 | 18/04/2019

Opozita pritet të vendosë sot për vazhdimësinë e protestave të saj. Në mesdite në selinë blu është mbledhur Kryesia e PD-së dhe grupi i ish-deputetëve. Nga burime brenda mbledhjes mësohet se kryetari i PD-së, Lulzim Basha, i propozoi kryesisë marrjen e 3 vendimeve të rëndësishme. I pari është që Partia Demokratike të regjistrohet në zgjedhje, vetëm pasi të jenë krijuar kushtet për zgjedhje të lira dhe të ndershme.

Sipas Bashës, situata aktuale politike në Shqipëri nuk mundëson standardet demokratike për zgjedhje të lira dhe të ndershme, pasi është provuar se qeveria e Edi Ramës ka bashkëpunuar me  krimin e organizuar për blerjen e votave. Pika e dytë që Basha i ka paraqitur për miratim Kryesisë është që Partia Demokratike të mos lejojë mbajtjen e zgjedhjeve fasadë, që shkatërrojnë demokracinë dhe vullnetin e qytetarëve shqiptarë.

Po ashtu Kryesisë së PD-së i është kërkuar të mandatojë Kryetarin e Partisë dhe Sekretarin e Përgjithshëm për të negociuar me partitë politike të opozitës marrëveshjen për garantimin e zgjedhjeve të lira dhe të ndershme, mbrojtjen e interesit publik dhe formalizimin e aksionin opozitar për arritjen e këtyre qëllimeve. Mbledhja e Kryesisë dhe ish-deputetëve të PD vijon ende, ndërsa në orët e pasdites së sotme do të zhvillohet edhe mbledhja e Këshillit Kombëtar të PD-së./abcnews.al

1371138215caf4a54eec3d163624646_v4big.jpg
ent ela10:24 | 12/04/2019

Aleksandër Vulin, ministri serb i Mbrojtjes së bashku me 30 anëtarë të asamblesë kombëtare serbe do të hyjnë në grevë urie për të denoncuar dhunën në protestat e opozitës në Beograd.

Ministri serb i mbrojtjes Aleksandër Vulin hyn në grevë urie në asamblenë kombëtare serbe. Mediat serbe bëjnë të ditur se së bashku me Vulin janë pjesë e kësaj greve dhe 30 anëtarë të asamblesë, të gjithë i përkasin partisë në pushtet, por dhe këshilltarët të asamblesë së qytetit të Beogradit.

Në këtë mënyrë këta zyrtarë synojnë të theksojnë dhe denoncojnë dhunën e ushtruar nga politikanër e opozitës: Bosko Obradovic, Dragan Djilas dhe Vuk Jeremiç.” Vulin ka njoftuar për vendimin e tij, presidentin Vucic, kryeninistren Brnabbic dhe  kolegë të ministrive.

Vulin dhe më parë ka orgamizuar një protest të ngjashme. Në vitin 2003 ai hyri në një grevë urie e cila zgjati tre javë. Në atë kohë ai u arrestua pas trazirave të shpërthyera në protestën ku kundërshtohej ekstradimi në gjykatën e Hagës i majorit Veselin Sljivancanin.

Denoncimi i Vulin ka të bëjë me trazirat e ndodhura gjatë protestave të opozitës në Beograd ku kërkohej dorëheqja e presidentit Vuçiç dhe zgjedhje të parakohshme./ abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono