protestat

protesta.jpg
nev ila13:22 | 18/04/2019

Opozita pritet të vendosë sot për vazhdimësinë e protestave të saj. Në mesdite në selinë blu është mbledhur Kryesia e PD-së dhe grupi i ish-deputetëve. Nga burime brenda mbledhjes mësohet se kryetari i PD-së, Lulzim Basha, i propozoi kryesisë marrjen e 3 vendimeve të rëndësishme. I pari është që Partia Demokratike të regjistrohet në zgjedhje, vetëm pasi të jenë krijuar kushtet për zgjedhje të lira dhe të ndershme.

Sipas Bashës, situata aktuale politike në Shqipëri nuk mundëson standardet demokratike për zgjedhje të lira dhe të ndershme, pasi është provuar se qeveria e Edi Ramës ka bashkëpunuar me  krimin e organizuar për blerjen e votave. Pika e dytë që Basha i ka paraqitur për miratim Kryesisë është që Partia Demokratike të mos lejojë mbajtjen e zgjedhjeve fasadë, që shkatërrojnë demokracinë dhe vullnetin e qytetarëve shqiptarë.

Po ashtu Kryesisë së PD-së i është kërkuar të mandatojë Kryetarin e Partisë dhe Sekretarin e Përgjithshëm për të negociuar me partitë politike të opozitës marrëveshjen për garantimin e zgjedhjeve të lira dhe të ndershme, mbrojtjen e interesit publik dhe formalizimin e aksionin opozitar për arritjen e këtyre qëllimeve. Mbledhja e Kryesisë dhe ish-deputetëve të PD vijon ende, ndërsa në orët e pasdites së sotme do të zhvillohet edhe mbledhja e Këshillit Kombëtar të PD-së./abcnews.al

1371138215caf4a54eec3d163624646_v4big.jpg
ent ela10:24 | 12/04/2019

Aleksandër Vulin, ministri serb i Mbrojtjes së bashku me 30 anëtarë të asamblesë kombëtare serbe do të hyjnë në grevë urie për të denoncuar dhunën në protestat e opozitës në Beograd.

Ministri serb i mbrojtjes Aleksandër Vulin hyn në grevë urie në asamblenë kombëtare serbe. Mediat serbe bëjnë të ditur se së bashku me Vulin janë pjesë e kësaj greve dhe 30 anëtarë të asamblesë, të gjithë i përkasin partisë në pushtet, por dhe këshilltarët të asamblesë së qytetit të Beogradit.

Në këtë mënyrë këta zyrtarë synojnë të theksojnë dhe denoncojnë dhunën e ushtruar nga politikanër e opozitës: Bosko Obradovic, Dragan Djilas dhe Vuk Jeremiç.” Vulin ka njoftuar për vendimin e tij, presidentin Vucic, kryeninistren Brnabbic dhe  kolegë të ministrive.

Vulin dhe më parë ka orgamizuar një protest të ngjashme. Në vitin 2003 ai hyri në një grevë urie e cila zgjati tre javë. Në atë kohë ai u arrestua pas trazirave të shpërthyera në protestën ku kundërshtohej ekstradimi në gjykatën e Hagës i majorit Veselin Sljivancanin.

Denoncimi i Vulin ka të bëjë me trazirat e ndodhura gjatë protestave të opozitës në Beograd ku kërkohej dorëheqja e presidentit Vuçiç dhe zgjedhje të parakohshme./ abcnews.al

protestat-1280x661.jpg
ent ela11:15 | 09/04/2019

Prestigjiozja “The Independent” në një shkrim kushtuar situatës aktuale politike në shumë vende të rajonit, komenton ndër të tjera se protestat anti-qeveritare në Mal të Zi, Serbi dhe Shqipëri po frymëzojnë një pranverë Ballkanike

Britanikja prestigjioze “The independent” I ka kushtuar një analizë të gjatë situatës aktuale politike në disa nga vendet e rajonit

“E gjitha filloi me një video të postuar në mediat sociale: një regjistrim sekret nga viti 2016 që duket se tregon një manjat të mirënjohur lokal dhe një zarf me para të gatshme për një bashkëpunëtor partiak të udhëheqësit të vjetër të Malit të Zi. Biznesmeni i shquar, një ish-mik i ngushtë dhe i besuar i Presidentit malazez Milo Gjukanoviç, lëshoi videon në fund të vitit të kaluar në hakmarrje për akuzat e ngritura kundër tij për mashtrim dhe pastrim parash, të cilat e kanë nxitur atë të ikte në Londër për të shmangur ndjekjen penale”.

Kështu e nis prestigjiozja “The Indepedent” lajmin lidhur me protestat që kanë pushtuar rajonin e Ballkanit, Shqipërinë, Malin e Zi dhe Serbinë.

Nën titullin “Protestat anti-qeveritare në Mal të Zi, Serbi dhe Shqipëri frymëzojnë shpresat për një “Pranvere Ballkanike”, gazeta britanike pasqyron edhe protestat në vendin tonë, teksa përmend edhe kërkesat e opozitës: dorëheqje të qeverisë dhe zgjedhje të parakohshme.

“Partitë opozitare shqiptare janë rikthyer në rrugë që nga mesi i muajit shkurt për të kërkuar dorëheqjen e qeverisë dhe zgjedhje të parakohshme. Atje, opozita e qendrës së djathtë akuzon qeverinë e majtë të Partisë Socialiste dhe kryeministrin Edi Rama për korrupsion dhe lidhje me krimin e organizuar.

Sa i përket ngjashmërisë me protestave në Shqipëri, Serbi dhe Mal të Zi, gazeta prestigjioze britanike shkruan:

“Karakteristika e përbashkët e protestave është se, njerëzit janë të lodhur nga regjimet e gjata dhe të korruptuara, mllef i akumuluar prej vitesh, dhe pse jo prej dekadash”./abcnews.al

IDRO-TE-BURGOSURIT-_ABC-M4-T2.mpg_snapshot_00.32-1280x720.jpg
ent ela23:15 | 19/03/2019

Të arrestuarit për protestat anti-qeveritare në Serbi duket se janë në mëshirën e presidentit Aleksander Vuçiç. Ky i fundit ka akuzuar sërish opozitën se kërkon destabilizimin e Serbisë dhe se ka keqpërdorur protestuesit për qëllimet e saj.

Presidenti serb, Aleksandër Vuciç ka patur një ditë  të  qetë. Ka ndarë medalje dhe ka bërë takime. Protestat duan destabilizimin e Serbisë dhe sërish ka akuzuar opozitën për dhunë. Tani është  bërë  çështje nëse të arrestuarit do të rrinë në burg. Pesë prej tyre janë dënuar dhe ndodhen në burg. 30 apo 60 ditë dhe rreth 300 orë punë me dobi shoqërore. Por, shtypi ka shkruar se presidenti Vucic mund të ketë mëshirë për ta. Si president ndoshta mund tua falë burgun.

Aleksandër Vuçiç, president i Serbisë: “Nuk mund të ndikoj në ketë, por si njeri i thjeshtë mund të them që do të doja të liroheshin në shkallën e dytë, pasi besoj se nuk janë ata përgjegjës, por ata që dje u thanë ‘ejani fëmijë të luftoni me ne’ dhe i keqpërdorën që në pushtet të vijnë dy miliarderë dhe një fashist”.

Vuçiç i qeshur ka dalë edhe me anëtarin e Presidencës boshnjake nga radhët e serbëve, Millorad Dodik.

Opozita ka paralajmëruar protesta, por pa saktësime. Është përmendur edhe televizioni privat Pink si mundësi protestash pasi shihet si mbështetës i Vuçiç. Presidenti ka rrëfyer ditën e tij brenda presidencës.

Aleksandër Vuçiç, president i Serbisë: “Unë i kam pritur këtu dhe konferencën e kam bërë që t’u them ‘ejani futuni, pasi këtu nuk jemi më shumë se 20 veta, pasi e keni parë që nuk ka patur policë’. Ata ikën pas një ore pasi shkuan të hanin bukë dhe lanë fëmijët dhe nënat e tyre”.

Tetë nga 18 të arrestuarit janë të akuzuar për vepra penale dhe jo për shkelje të lehta. Opozita i ka dhënë  afat Vuçiç pas kalimit të ankesave se nëse nuk lirohen do të organizojnë protesta vazhdimisht. /abcnews.al

GJUKANOVIC-KLAN-MAQEDONIA-1280x720.jpg
ent ela14:40 | 19/03/2019

Presidenti i Malit të Zi, Milo Gjukanoviç, u shpreh i gatshëm për bisedime me organizatorët e protestave qytetare, ku po kërkohet dorëheqja e tij dhe e qeverisë. Në një tubim në Berlin, Gjukanoviç tha se elementi i përbashkët e protestave antiqeveritare në Podgoricë, Beograd dhe Tiranë është vendosmëria e opozitës që të vijë në pushtet pa proces zgjedhor.

Këndellja e opozitës shqiptare, serbe, malazeze, por dhe e asaj maqedonase, duket se ka për të sjellë një pranverë politikisht të nxehtë në Ballkanin Perendimor. Emërtues i përbashkët i kësaj zemërate, që po thellohet gjithnjë e më shumë, është pakënaqësia me atë që quhet mirëqenie, me mungesën e shtetit të së drejtës dhe për pasojë, me korrupsion e krim të organizuar, në rritje. Në kryeqytetin e Malit të Zi, Podgoricë, fundjavën që lamë pas protestuan disa mijëra vetë me kërkesa politike për dorëheqjen e presidentit, të kryeministrit, të prokurorit suprem dhe special shtetëror, të drejtorit të agjencisë për luftimin e korrupsionit dhe si dhe të anëtarëve të këshillit dhe të drejtorit të përgjithshëm të televizionit shtetëror malazez.

Akuzave të pushtetit për mungesë të flamurit kombëtar në tubimet e protestës, njëri nga organizatorët e tyre, të dielën u dha këtë përgjigje:

Xhemal Peroviç lëvizja qytetare “Kundërshto 97 mijë”:  “Kur plaçkitni resurset shtetërore  dhe përderisa laheni nëpër Dubai dhe San Trope… Kur çoni paratë nëpër banka të huaja, jashtë vendit, kur hapni kompani off-shor, ku e keni flamurin shtetëror?”

Ndërkohë, presidenti malazez, Milo Gjukanoviç,në një tubim në Gjermani, në protestat aktuale në vendin e tij, por edhe në mbarë rajonin, shikon  një përpjekje  të forcave të caktuara  për të lënë Ballkanin Perëndimor jashtë Bashkimit Evropian dhe protestat në Podgoricë, Beograd, por edhe në Tiranë, sipas Gjukanoviç, kanë element të përbashkët: ndërrimin e pushtetit pa proces elektoral.

Për dallim nga presidenti malazez Gjukanoviç, i cili së fundmi ka pranuar të bisedojë për shqetësimet e organizatorëve të protestave, si strukturë qytetare, homologu i tij serb, Aleksandar Vuçiç, një mundësi të këtillë e ka përjashtuar kategorikisht. Për që të dy, ndërkaq ka cilësime të ndryshme: malazezi përshkruhet si pro-perëndimor dhe falë vendosmërisë së tij, Mali i Zi sot është anëtar i NATO-s, ndërkaq serbi edhe vetë e ka thënë se nuk merr asnjë vendim të vështirë pa u këshilluar me presidentin rus Vladimir Putin./abcnews.al

serbi-1-1280x686.jpg
ent ela12:00 | 17/03/2019

Protestat kundër presidentit Aleksandar Vuçiç në Serbi janë zhvendosur përpara televizioni publik të vendit, ku manifestuesit kanë arritur të hyjnë. Ata kanë kërkuar kohën e tyre të transmetimit,  por janë nxjerrë me forcë jashtë nga policia.

Kështu ka përfunduar protesta e opozitës në Serbi. Ata ishin futur pa paralajmërim në një nga hyrjet e Radio televizionit Publik, për të cilin thonë se nuk raporton për protesta kundër qeverisjes së presidentit Alleksandar Vuçiç. Policia ka zbrazur lehtë katet e tjera, përveç asaj ku ishin deputetët dhe liderët e opozitës. Në fund, të gjithë u nxorën me forcë dhe pati përplasje. Protesta kishte nisur si zakonisht, një herë në javë dhe qetë. I dhanë ultimatum presidentit Vuçiç disa ditë fillimisht, por duket se nuk kishin durim dhe pas qëndrimit para televizionit, një pjesë gjetën një hyrje. Ata dëshironin pesë minuta transmetim, por kjo nuk ndodhi.

Liderët e opozitës deklaruan se ky është fundi i Vuçiç dhe ftuan të gjithë qytetarët të mblidhen rreth televizionit.

Boshko Obradoviç, deputet i “Dveri”“Radio Televizioni i Serbisë ka moto të sajën fjalinë “E drejta juaj për të ditur të gjitha”. Ne si qytetarë kemi ardhur këtu vetëm për të marrë atë që na takon dhe për t’i thënë Vuçiç se ky është fundi i regjimit dhe gënjeshtrave të tij dhe se ne duam vetëm liri për të thënë ato që mendojmë”.

Policët megjithatë zbatuan urdhrat megjithëse rekuizimi ishte i madh. Protestuesit kënduan himnin dhe këngë për Kosovën. Njësitë special, xhandërmaria, njësitet e ndërhyrjes së shpejt rrethuan ndërtesën dhe protestuesit qëndruan për disa orë duke rezistuar. Ata paralajmëruan vazhdimin e protestave në kohën kur të dielën presidenti do të mbajë konferencë të jashtëzakonshme./abcnews.al

GAZETA-GJERMANE-PER-OPOZITEN.mpg_snapshot_01.50-1280x720.jpg
ent ela14:16 | 03/03/2019

Media e njohur gjermane “Der Spiegel” ka përmbledhur në një artikull të gjithë valën e protestave që ka përfshirë prej muajsh Ballkanin Perëndimor. Sipas saj: “Në Shqipëri protestat janë drejtuar në përgjithësi kundër qeverisë socialiste të kryeministrit Edi Rama dhe kundër lidhjeve të dyshuara me krimin e organizuar”.

Pranvera e protestave në Ballkanin Perëndimor kanë tërhequr vëmendjen e revistës së njohur në Gjermani Der Spigel. “Ne jemi shteti!”: Në vendet e Ballkanit Perëndimor, njerëzit e pakënaqur dalin në rrugë kundër qeverive të tyre të korruptuara dhe autoritare. BE nuk shikohet më si shpresë për të pakënaqurit – pse jo?”.

Kështu e përmbledh media gjermane situatën politike që ka përfshirë Shqipërinë, Serbinë, Bosnjen dhe Malim e zi. Në analizën e saj der spigel shkruan se në këto vende po demonstrojnë vazhdimisht qytetarë të pakënaqur kundër sunduesve të tyre të korruptuar dhe autoritarë. Kryesisht të shtunave, disa për disa javë, disa madje edhe për muaj.

“Në Shqipëri, ndër të tjera, në dhjetor të vitit të kaluar, studentët filluan të demonstronin kundër taksave të shkollimit dhe kushteve të mjerueshme të jetesës. Ndërkohë, protestat janë drejtuar në përgjithësi kundër qeverisë socialiste të kryeministrit Edi Rama dhe kundër lidhjeve të dyshuara me krimin e organizuar”.

Megjithëse konsiderohet si një farë shprese, Bashkimi Europian ka humbur reputacionin e tij në terren, sepse, në sytë e shumë njerëzve, mbështetet shumë tek udhëheqësit autoritarë si partnerë politikë – shkran der spigel.

“Edhe politikanët e Bashkimit Evropian po shkaktojnë zemërim: Pasi partitë e opozitës në Serbi, Mal të Zi dhe Shqipëri deklaruan një bojkot parlamentar, Brukseli nuk u mendua gjatë dhe e preu shkurt me frazat lapidar se vetëm parlamenti mund të ishte skena e një dialogu politik dhe se opozita duhet të kthehej atje. Bojkoti është i kuptueshëm, thotë shkencëtari politik Dzhiç”.

Der Spiegel, publikon foto nga protestat shqiptare duke nënvizuar se për herë të parë nuk ka flamuj të Bashkimit Evropian në protesta. /abcnews.al

balla-4-1280x696.jpg
ent ela14:04 | 28/02/2019

Nuk do të ketë tërheqje të qeverisë nga protestat e opozitës. Sigurinë e jep kryetari i grupit parlamentar të Partisë Socialiste Taulant Balla sipas të cilit zgjedhjet e tjera do të zhvillohen në vitin 2021.

Mandatet e djegura të opozitës tashmë janë një histori që e ka hedhur pas krahëve mazhoranca.  Të paktën kështu duket nga deklaratat e numrit të Partisë Socialiste Taulant Balla.

“Në 25 Qershor 2017 PS fitoi një mandat për të qeverisur me popullin dhe do ta vijojë këtë mandat deri në vitin 2021 kur do të zhvillohen zgjedhjet e ardhshme parlamentare. Ata vetë vendosën të dalin nga sistemi demokratik ndërsa ne kemi detyrën t’i qëndrojmë strikt dhe besnik mandatit që na është besuar në 25 Qershor. Mandati i 25 Qershorit ishte referendum”.

I sigurt shprehet kryetari i grupit parlamentar të Partisë Socialiste edhe për mbështetjen që do ti japin ndërkombëtarët në të ardhmen.

“Unë jam krenar ta them që sot Partia Socialiste e Shqipërisë është e konsoliduar në të njëjtin krah me SHBA dhe BE dhe siç e keni ndjekur vetëvrajsen politike të PD dhe LSI, nuk e ka mbështetur askush dhe nuk ka për ta mbështetur askush”.

Shprehja e dikurshme “fajin e ka Sali Berisha” është rikthyer në fjalorin e të majtës qeverisëse, një tjetër përpjekje se Partisë Socialiste për të venitur figurën kryesor të Partisë Demokratike, Kryetarin Lulzim Basha.

 “Ne të gjithë e dimë se cili është Sali Berisha. Ne e dimë se çfarë metodash përdor dhe gjithçka ndodhi në 16 Shkurt, gjithçka patë në ekranet e televizioneve janë skenar i përsëritur i një simbioze kriminale të Sali Berishës sa herë që cenohen interesat e tij apo të familjes”.

Këto qëndrime Kryetari i Grupit Parlamentar të Partisë Socialist, Taulant Balla I bëri publike në takim që zhvilloi me Asamblenë e Zgjeruar Socialiste të Bashkisë Belsh./abcnews.al

qytetaret-1280x692.jpg
ent ela14:50 | 27/02/2019

Teksa javët e fundit janë intensifikuar protestat e opozitës para godinave të qeverisë, nuk kanë munguar edhe momentet e tensioneve apo përplasjeve të ndryshme. Të pyetur nga ABC News, qytetarët shprehen se protestat duhet të zhvillohen, por nuk duhet kaluar në akte dhune apo përplasje.

Në protestat e fundit të opozitës të zhvilluara para Kryeministrise dhe Parlamentit, nuk munguan tensionet dhe përplasjet fizike mes protestuesve dhe efektivëve të policisë. Të pyetur nga ABC News qytetarët mendojnë se duhet të protestohet në mënyrë paqësore dhe nuk duhet të kalohet në akte dhune apo vandale

Nga ana tjetër opozita ka hedhur akuza kundrejt forcave të policisë për përdorimin e tepruar të gazit lotsjellës, duke deklaruar se pavarësisht gjithçkaje ata do të dalin në protesta edhe në javët në vijim./abcnews.al

turiste-1280x742.jpg
ent ela16:00 | 26/02/2019

Duket se protestat dhe kriza politike në vend, sipas operatorëve turistikë kanë ndikim të drejtpërdrejtë në frenimin e turistëve të huaj për të vizituar Shqipërinë. Gjithashtu edhe mbajtja e zgjedhjeve në qershor, dëmton turizmin vit pas viti.

Edhe pse na ndajnë disa javë nga hapja e sezonit turistik, shoqata e turoperatorëve turistikë ka ngritur një sërë problematikash. Sipas shoqatës përveç problematikave të zakonshme, këtë vit kriza politike është një problem i shtuar i cili ndikon në ardhjen e turistëve.

Kreu i shoqatës së turoperatorë, Kliton Gërxhani, thekson se mund të kemi një frenim të turistëve për shkak të krizës politike dhe protestave të fundit. Po ashtu edhe Arben Malaj i ftuar në Byro Politike në ABC News deklaroi se dëmet në ekonomi janë të mëdha

Një problem tjetër shqetësues sipas ekspertëve, që ka një impakt negativ në turizëm janë edhe zgjedhjet të cilat zhvillohen në qershor

Edhe sipas një raporti të fundit të INSTAT bëhet e ditur se hyrjet e shtetasve të huaj në janar 2019 kanë pësuar një rënie me 5.2% në krahasim me janarin e 2018, ku shkak kanë qenë edhe protestat./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono