protesta

spaho.jpg
ger ta16:35 | 20/01/2020

Nisja e sesionit të ri Parlamentar për Partinë Demokratike nuk ka asnjë pritshmëri për aq kohë sa institucioni cilësohet ilegjitim. Nënkryetari i Partisë Demokratike, Edmond Spaho në një intervistë për ABC NEWS sqaron se angazhimi i vetëm për opozitën do të jetë Reforma Zgjedhore.

Në përputhje me marrëveshjen që u nënshkrua pak kohë më parë do të japim kontributin tonë. Është e vetmja çështje në të cilën opozita është e angazhuar në nëntë çështjet që ka vendosur Bundestagu si kushte për të hapur negociatat. Do ta japim këtë kontribut. Më pas duhet që Reforma Zgjedhore të zbatohet, që do të thotë se duhet të ketë zgjedhje të parakohshme të përgjithshme, mundësisht së bashku me ato vendore në të njëjtën ditë”, shprehet Spaho.

Ndonëse janë pjesë e të njëjtën tryeze, demokratët i druhen lojërave politike të maxhorancës dhe paralajmërojnë se nëse do të ketë tentativa për zvarritje opozita do të dalë në rrugë.

Nëse mazhoranca do të fillojë të rihyjë në lojën e zvarritjeve, pasi në fund të 2019 e zvarriti procesin e Reformës Zgjedhore, ne do të shikojmë opsionet tona dhe të jeni të bindur se protestat do të jenë mjeti më i sigurtë për t’ju përgjigjur atyre në përpjekjet që do bëjnë për të zvarritur procesin e përfundimit të Reformës Zgjedhore”, deklaron ai.

Kur drafti i reformës do të jetë përmbyllur, Spaho flet për pritshmëri reale të opozitës për ta çuar vendin në zgjedhje të parakohshme.

Zgjedhjet e parakohshme janë i vetmi mjet për të kapërcyer krizën e thellë dhe e vetmja rrugë do të ishte një qeverisje e re që të marrë përgjegjësitë për të adresuar të gjithë këto probleme. Ne nuk kemi hequr dorë nga kërkesa për një qeveri tranzitore pa Edi Ramën kryeministër”, shprehet Spaho.

Në tryezën e reformës, PD do të paraqesë edhe propozimin që një qeveri kujdestare të jetë ajo që të administrojë vendin përpara çdo procesi zgjedhor.

Deri sa vendi të anëtarësohet në BE, 2-3 muaj përpara zgjedhjeve të krijohet një qeveri kujdestare, e cila t’ju sigurojë palëve asnjëanësinë dhe zgjedhje me kredibilitet”, thotë Spaho.

Krahas angazhimit të saj për Reformën Zgjedhore, Partia Demokratike do të vijojë betejën e saj publike dhe ligjore me denoncimin e kryebashkiakëve socialistë me të kaluar kriminale./abcnews.al

smog.jpg
in a12:38 | 20/01/2020

Beogradi nuk merr frymë dhe zbret në shesh. Shkak janë emetimet e gazrave, nga autmjetet e vjetra, centralet elektrike dhe industrive që prodhojnë jashtë çdo norme ambientale. Në fund të vitit të kaluar kryeqyteti i Serbisë ishte qyteti i katërt më i ndotur në botë sipas renditjes së Air Vizual.

Por smogu përkeqëson cilësinë e ajrit në pjesën më të madhe të Ballkanit. Autoritetet në Serbi, Bosnjë e Hercgovinë dhe Kroaci, mes të tjerave, minimizojnë situatën. Sipas tyre bëhet fjalë për një ndotje sezonale, që pasi të kalojë dimri do i lërë vendin kushteve më të mira. Smogu ka të bëjë me kombinimin e dy faktorëve, një vjeshtë e ngrohtë dhe trafiku i rënduar në mënyrë të veçantë në metropolet e Ballkanit.

Të dhëna të tjera nga Uorld Air Kualiti Indeks, që përfshin aktivitete të kësaj natyre në 70 vende, tregojnë një situatë shumë kritike. Me apo pa maska në fytyrë shumë qytetarë në Beograd protestuan duke i kërkuar qeverisë të marrë masa të menjëhershme./abcnews.al

liban.jpg
in a12:08 | 20/01/2020

Vijojnë protestat në Bejrut ku manifestuesit janë përballur me forcat e rendit, ndërsa mediat flasin për qindra të plagosur. Protestuesit janë kundër klasës politike në vend e cila akuzohet për korrupsion, në një kohë që gjysma e popullsisë kërcënohet nga varfëria.

Protestat e të shtunës në kryeqytetin e Libanit shkaktuan rreth 400 të plagosur. Objektiki i forcave të rendit ishte që të pengonin manifestuesit që të arrinin në ndërtesën e Parlamentit. Një vend që sipas protestuesve është djepi i korrupsionit të klasës politike, prej tre muajsh e kundërshtuar në shesh në një protestë që tashmë ka paralizuar vendin.

Me parullën “revolucion” manifestuesit u përballën me pompat e ujit dhe me dhunën e ushtrisë dhe agjentëve të policisë. Një përplasje që përshkallëzohet për ditë në një vend ku situata ekonomike vijon rënien. Dikur i konsideruar si Zvicra e Lindjes së Mesme, sot vendi është një hap larg varfërisë që kërcënon pothuajse gjysmën e popullsisë./abcnews.al

467c031bd18fc57bb765f4738a699570d8a70cc7a98a83092f574cf25e737235.jpg
So Nila09:51 | 18/01/2020

Aktivistja suedeze, Greta Thunberg, dhe një turmë prej rreth 10.000 protestuesish marshuan në qytetin zviceran të Lozanës, para se të shkojnë në Davos, për të kërkuar nga liderët botëror dhe ata të biznesit, të bëjnë më shumë për të luftuar krizën e klimës.

Në fillim të javës së ardhshme, në Davos të Zvicrës, mbahet Forumi Ekonomik Botëror.

Forumi organizohet çdo vit, në muajin janar, dhe në të marrin pjesë liderë politikë dhe ata biznesorë.

Thunberg, 17-vjeçare, e filloi vite më parë një lëvizje kundër ndryshimeve klimatike.

Fushata e saj sot ka marrë përmasa botërore.

 

“Për udhëheqësit botërorë dhe ata që janë në pushtet, unë do të doja të them se nuk keni parë asgjë akoma”, tha Thunberg, gjatë fjalimit.

Thunberg do të drejtojë samitin në vendpushimin zviceran Alpin të Davos javën e ardhshme me një thirrje qeverive dhe institucioneve financiare që të ndalojnë investimet t në karburantet fosile.

 

Kjo është hera e dytë që Thunberg merr pjesë në Forumin e Davosit. Këtë vit, ajo do të jetë pjesë e dy paneleve të diskutimeve.

Disa nga protestuesit e rinj morën frymëzim nga ngjarjet më të fundit ekstreme të motit në të gjithë botën.

Klimastreik Schweiz, i cili organizoi marshimin, tha në Twitter se 15,000 njerëz morën pjesë.

Mbledhja e këtij viti mbahet në sfondin e zjarreve që kanë përfshirë pjesë të mëdha të Australisë.

Derisa qeveria australiane ka refuzuar ta ndërlidhë këtë situatë me ndryshimet klimatike, megjithatë është shtuar shqetësimi i publikut për ngrohjen e planetit.

Viti i kaluar, ishte i dyti më i nxehti në Tokë, që kur filluan regjistrimet e temperaturave, tha të mërkurën Organizata Botërore e Meteorologjike e Kombeve të Bashkuara (WMO).

Revista Time e ka shpallur aktivisten kundër ndryshimeve klimatike, Greta Thunberg, person të vitit 2019-të.

Thunberg ka qenë favorite për të fituar Çmimin Nobel për Paqe, mirëpo i njëjti është ndarë për kryeministrin e Etiopisë, Abiy Ahmed./abcnews.al

protesta-2-qershor-43-1920x1280-1-1280x853.jpg
So Nila18:16 | 15/01/2020

Gjatë mbledhjes së zhvilluar këtë pasdite në selinë e PD-se është diskutuar mes kolegjit të kryetarëve dhe kryedemokratit Basha mbi aksionin opozitar.

Burimet thanë se kryetarët e degëve kanë kërkuar që tu rikthehen protestave në shkurt.

Akoma nuk ka një njoftim zyrtar në lidhje me datën perfundimtare, por si mundësi për zhvillimin e ri të një tubimi kombëtar kanë qenë datat  16 ose 20 shkurt.

Gazetari Juxhin Mustafaraj nga selia e PD-së u shpreh se për 60 minuta është zhvilluar mbledhja mes Bashës dhe kryetareve të PD-së në rrethe. Basha ka sqaruar se vendimi për të djegur mandatet ka qenë veprim i drejtë. Ka patur një ide nga kryetarët e degëve për të zhvilluar një protestë ndërmjet datave 16 shkurt dhe 20 shkurt që do të simbolizonte 1 vit protestë për zgjedhje të lira dhe të ndershme. Aktualisht nuk ka një vendim final nëse do të ketë apo jo protestë-marshim./abcnews.al

iran-protesta.jpg
nev ila11:38 | 13/01/2020

Liderët iranianë po përballen me ditën e dytë të protestave pasi pranuan se ushtarët rrëzuan avionin ukrainas duke vrarë të 176 personat në bord, pjesa më e madhe e tyre iranianë.

Të dielën në Teheran, në sheshin Azadi, u përsëritën përplasjet e ditës së shtunë kur policia përdori gaz lotsjellës për të shpërndarë turmën e cila hidhte parulla kundër liderit supreme Ajatollah Khameni, rojeve të revolucionit dhe vetë republikës islamike.

Agjentët e policisë kanë qëlluar dhe me armë zjarri sipas disa filmimeve që qarkullojnë në rrjetet sociale. Njësi antiterror me pompa uji dhe policë janë mbledhur në pika të ndryshme të qytetit, si pranë universiteteve, ndërsa anëtarët e pasdaran patrullojnë rrugët.

Manifestime ka pasur dhe në qytete të tjera iraniane.

Në një akt simbolik, një video tregon disa studentë iranianë të cilët ecin me kujdes për të mos shkelur me këmbë flamujt amerikanë dhe izraelitë të vizatuara në rrugën që çon në një nga universitetet e Teheranit.

Në disa filmime në rrjetet sociale mund të dëgjohen manifestuesit të cilët hedhin parulla kundër qeverisë, duke thënë se armiku nuk është Amerika por armiku gjendet në vendin e tyre.

Presidenti amerikan Donald Trump publikoi në profilin e tij twitter fraza në gjuhën perse për t’iu drejtuar manifestuesve të rikthyer në shesh në Iran kundër regjimit. Këtë herë pas gënjeshtrave të thëna nga qeveria për rrëzimin e avionit ukrainas.

“Ndjek me kujdes protestat tuaja dhe frymëzohem nga kurajoja  juaj,” shkruan Trump.

“Popullit guximtar dhe shumë të vuajtur të Iranit: Jam në krahun tuaj që nga fillimi i presidencës sime dhe administrata ime do vazhdojë ‘tju mbështesë. Mos vrisni atë që proteston” paralajmëroi kreu i shtëpisë së bardhë autoritetet iraniane.

Ai shtoi se me mijëra iranianë janë vrarë dhe burgosur nga qeveria e vendit të tyre, dhe tashmë bota i ka sytë nga Irani. Por më e rëndësishmja është sipas tij, se Shtetet e Bashkuara të Amerikës po monitorojnë situatën.

‘Zhbllokoni internetin dhe lejojini gazetarët të bëjnë punën e tyre lirisht. Mjaft vratë popullin tuaj të madh,” përfundoi ai.

Ndërkohë ministria e jashtme britanike kërkon shpjegime të qarta për arrestimin e shkurtër të ambasadorit britanik në Teheran. Sipas ministrit të jashtëm britanik Dominik Raab, Irani është në një udhëkryq aktualisht.

Por Teherani nuk pranon se e ka arrestuar diplomatin britanik duke saktësuar se ai është ndaluar vetëm 15 minuta, koha që duhet për të kontrolluar dokumentet dhe për të verifikuar statusin diplomatik.

Kreu i pentagonit Mark Esper u shpreh në një intervistë për CBS se nuk kishte parë asnjë provë të qartë se Irani po planifikon një sulm ndaj katër ambasadave amerikane si pretendohet nga Donald Trump.

Por më pas shtoi se kishte të njëjtin mendim si presidenti për sa i përket mundësisë së sulmeve.

Qeveritë e Francës, Mbretërisë së Bashkuar dhe Gjermanisë, kërkojnë që Irani të respektojë plotësisht marrëveshjet për programin bërthamor. Me anë të një deklarate të përbashkët thuhet ndër të tjera se dyert për vazhdimin e dialogut mbeten gjithnjë të hapura./abcnews.al

PRC_118870444.jpg
So Nila08:50 | 13/01/2020

Presidenti amerikan Donald Trump shprehu mbështetje për protestuesit iranianë që dolën në rrugë pas rrëzimit “aksidental” të avionit ukrainas në Teheran.

“Për njerëzit e guximshëm dhe të përvuajtur të Iranit: Unë kam qëndruar me ju që nga fillimi i presidencës sime dhe administrata ime do të vazhdojë të qëndrojë me ju”, tha Trump në Twitter.

 

Protestat shpërthyen në Teheran dhe qytete të tjera kundër liderit suprem Ayatollah Ali Khamenei pasi Irani pranoi se “gabimisht” qëlloi aeroplanin e pasagjerëve që i përkisnte Linjës Ajrore të Ukrainës.

Sipas New York Times, bazuar në disa video, disa protestues kanë brohoritur “Khamenei është vrasës”.

 

 

“Ne po ndjekim protestat tuaja nga afër dhe jemi të frymëzuar nga guximi juaj”, tha Trump.

Mesazhin e tij Trump e postoi edhe në gjuhën perse.

Në një postim tjetër, Trump i kërkoi Teheranit të lejonte grupet e të drejtave të njeriut të monitorojnë demonstratat, duke thënë se bota po i shikon protestat.

“Qeveria e Iranit duhet të lejojë që grupet e të drejtave të njeriut të monitorojnë dhe raportojnë fakte nga terreni në protestat e vazhdueshme nga populli iranian. Nuk mund të ketë një masakër tjetër të protestuesve paqësorë, as mbyllje të internetit. Bota po shikon”, ka shkruar Trump.

Të gjithë 176 personat në bordin e avionit të rrëzuar, përfshirë 57 kanadezë, humbën jetën në aksidentin që ndodhi menjëherë pas ngritjes nga Teherani të mërkurën.

Nga pasagjerët, 138 po fluturonin nga Teherani për në kryeqytetin e Ukrainës, Kiev, prej ku do të vazhdonin për në Kanada përmes fluturimeve lidhëse.

Disa orë para rrëzimit, Irani gjuajti raketa balistike në drejtim të bazave në Irak ku janë të vendosura trupat amerikane dhe ato të koalicionit. Sulmi ishte në shenjë hakmarrjeje për vrasjen e gjeneralit iranian Qasem Soleimani nga ana e SHBA-së.

Zyrtarët iranianë thanë se ushtria e saj ishte në gatishmëri të lartë pas zhvillimeve dhe kjo shkaktoi që sistemet e mbrojtjes iraniane ta regjistronin avionin si raketë armiqësore.

Avioni u ngrit dhe fluturoi afër në një “vend të ndjeshëm ushtarak” dhe u rrëzua për shkak të një “gabimi njerëzor”, ka deklaruar Irani.

“Gabimi njerëzor në një kohë krize të shkaktuar nga aventurizmi amerikan çoi në katastrofë”, ka shkruar ministri i Jashtëm iranian Javad Zarif në Twitter./abcnews.al

protesta-iran-1280x854.jpg
nev ila17:02 | 12/01/2020

Përshkallëzohen protestat në Iran, pasi autoritetet morën përsipër përgjegjësinë për rrëzimin e avionit ukrainas. Mediat vendase raportojnë se ndër protestuesit tepër të zemëruar kanë kërkuar rrëzimin e regjimin iranian, duke e quajtur gënjeshtare.

“Komandant i Përgjithshëm, jepni dorëheqjen“, ishin thirrjet e familjarëve të viktimave që humbën jetën nga rrëzimi i avionit, drejtuar liderit suprem Ali Kamenei.

Dëshmitarët thanë se policia përdori shkopinj dhe plumba manovër kundër demonstruesve, në disa raste duke u treguar edhe armët dhe duke i kërcënuar se do t’i vrisnin.

Nuk ka munguar edhe reagimi i presidentit amerikan Donald Trump, i cili shkroi në Twitter se Qeveria iraniane duhet t’i lejojë grupet e të drejtave të njeriut të monitorojnë dhe raportojnë fakte të vërteta lidhur me protestat e vazhdueshme nga populli iranian.

“Nuk mund të ketë një masakër tjetër ndaj demonstruesve paqësore dhe as mbyllje të internetit. Bota po shikon”, vijoi mesazhin Trump.

Situata u përkeqësua pas arrestimit të ambasadorit britanik në Iran, Rob Mekeir. Ai u prangos për nxitje të protestave dhe u la i lirë pas disa orësh. Gjatë marrjes në pyetje, ambasadori britanik është cituar të ketë thënë se nuk kishte marrje pjesë në asnjë protestë.

Për këtë ngjarje reagoi kreu i diplomacisë evropiane, Josep Borrell, duke shkruhur shqetësim për mosrespektimin e Konventës së Vjenës./abcnews.al

aaa.jpg
in a22:17 | 11/01/2020

Fituesi i fundit i Golden Globe për rolin e Artur Flek në filmin ‘Joker’, Joaquin Phoenix është një nga personat e fundit të famshëm që u arrestua si pjesë e protestave të përjavshme kundër ndryshimeve të klimës në Jane Fonda.

Media amerikane CNN, ka bërë me dije se policia e Washington DC, ka konfirmuar se aktori është arrestuar ditën e djeshme. Së bashku me të janë arrestuar edhe 146 persona të tjerë gjatë protestës për ndryshimet klimaterike.

Sipas policisë së kapitolit protestuesit janë akuzuar për tubim dhe pengim të jashtëligjshëm ka deklaruar zëdhënësi i departamentit të Policisë së Washingtonit për CNN.

Kjo është java e 14-të e protestave ndaj krizës klimatike në Washington, ku kanë marrë pjesë shumë emra të njohur si aktorët Ted Danson deri tek Iain Armitage.

protesta.png
in a20:13 | 11/01/2020

Në Iran, protesta e nisur nga studentët e universitetit të Teheranit është përhapur edhe në universitete të tjera. Studentët protestojnë pas rrëzimit të avionit të linjës Ukrainase, ku kishte disa studentë mes 176 personave në bord që humbën jetën.

Autoritetet shtetërore të sigurisë përdorën gaz lotsjellës ndaj studentëve të Universitetit Amirkabir që protestuan në rrugë me thirrjet “jo më martirë për t’i bërë qejfin liderit vrasës”.

Studentët e këtij universiteti u përplasën me njësitë anti-rebelim të forcave të Sigurimit të shtetit me thirrjet “Poshtë gënjeshtari”.

Në Universitetin Sharif të Teheranit, studentët protestuan me thirrjet “Garda revolucionare islamike është turpi i vendit tonë.”  Protesta pati edhe nga studentët e Universitetit Noshiravani në veri të Iranit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono