protesta

HONG-KONG-KONSULLATA-Sequence-02.mpg_snapshot_00.00-1280x720.jpg
ent ela13:55 | 15/09/2019

Protestuesit në Hong Kong u zhvendosën përpara konsullatës britanike, duke i kërkuar Mbretërisë së Bashkuar ndihmë për të ruajtur autonominë. Manifestuesit deklaruan se formula “një vend, dy sisteme” ka vdekur dhe i kërkuan Londrës t’i bëjë presion Pekinit.

Disa qindra protestues në Hong Kong janë mbledhur jashtë konsullatës britanike duke i kërkuar Mbretërisë së Bashkuar që t’i bëjë presion Kinës për të ruajtur liritë e rëna dakord kur qyteti iu kthye Pekinit në vitin 1997. Manifestuesit kanë kënduar këngën “Zoti shpëtoftë mbretëreshën” dhe kanë valëvitur flamurin britanik. Ndërkohë, mijëra të tjerë kanë sfiduar urdhër-ndalimin e policisë dhe kanë marshuar nëpër qytet, duke kërkuar demokraci. Kina ka paralajmëruar vendet e tjera të mos ndërhyjnë në këtë çështje, duke thënë se është tërësisht një problem i brendshëm. Por nga ana e saj, Britania e Madhe ka deklaruar se ka një përgjegjësi ligjore për t’u siguruar që Kina t’i bindet parimit “një vend, dy sisteme”, i rënë dakord përpara dorëzimit të ish-kolonisë. Protestuesit morën një lëshim të madh nga qeveria më herët gjatë muajit kur ligji i ekstradimit, i kërkuar nga Kina mëmë, u anulua tërësisht. Por kjo lëvizje e qeverisë së rajonit autonom nuk i ka qetësuar protestuesit, të cilët vazhdojnë të bëjnë thirrje për demokraci dhe kërkojnë hetim për dhunën e përdorur nga policia. Edhe pse është pjesë e Kinës, parimi “një vend, dy sisteme” i jep Hong Kongut një shkallë të lartë autonomie dhe mbron një sërë të drejtash si liria e grumbullimit popullor dhe ajo e fjalës. Por protestuesit jashtë konsullatës britanike bërtisnin se formula në fjalë ka vdekur dhe kërkonin “çlirimin e Hong Kongut”. Disa aktivistë kërkuan madje që Mbretëria e Bashkuar të ndryshojë statusin e pasaportës për shtetasit britanikë që jetojnë jashtë, e lëshuar për banorët e Hong Kongut përpara se t’i jepej Kinës. Ajo i lejon poseduesit të vizitojë Britaninë për 6 muaj por nuk i garanton të drejtën për të jetuar dhe punuar atje. /ABC News Albania 24/7

190912233528-04-hong-kong-protest-0912-restricted-1280x720.jpg
G. P.14:30 | 14/09/2019

Protesta dhe dhunë mëngjesin e të shtunës në Hong Kong. Qindra mbështetës të Pekinit u mblodhën për të manifestuar në një qendër tregtare, duke mbajtur në duar flamuj kinezë dhe parulla pro Policisë së Kinës.

Mbështetës të reformave pro demokracisë organizuan një kundër protestë. Mes tyre fillimisht kishte ofendime e më pas situata degjeneroi në sulme fizike. Situata u qetësua vetëm pas ndërhyrjes së policisë e cila arrestoi një numër të madh personash./ABC News Albania 24/7

protesta-te-reja-ne-france.jpg
G. P.13:59 | 14/09/2019

Paralizohen linjat e metrosë në Paris, pas grevës së paralajmëruar të sindikatave kundër reformave të pensionit të mbështetura nga presidenti Emmanuel Macron. Të hënën në grevë do të hyjnë, mjekë, avokatë, infermierë dhe pilotë avionësh.

Përdoruesit francezë të metrove janë të parët që vuajnë pasojat e përplasjes mes presidentit Emmanuel Macron dhe sindikatave franceze të transportit për sa u përket reformave të pensioneve. Një reformë që anulon mundësinë e punëtorëve të këtij sektori që të dalin në pension në moshën 52 vjeç, pra 10 vjet më parë se pjesa tjetër e punonjësve publikë.

Protestuesit shpjegojnë se sektori i transporteve në Paris nuk ka asnjë privilegj si pretendojnë mediat. Mundësia për të dalë në pension para të tjerëve është shpërblim për kushtet e vështira të punës që ata përballojnë çdo ditë për të ofruar shërbimin publik.

Greva e tyre që sipas organizuesve është më masivja që nga viti 2007, ka paralizuar 10 nga 16 linjat e metrove, duke lënë në këmbë me mijëra persona që u detyruan të gjejnë mënyra alternative për të shkuar në punë.

Një sinjal për presidentin Macron, i cili synon të reduktojë 42 regjime të ndryshme pensionesh, në një sistem të vetëm të bazuar në pikë. Një sezon i ri grevash mund të shkaktojë jo pak problem për presidentin i cili është dobësuar politikisht dhe nga protestat e “Jelekëve të Verdhë”.

Të hënën do të hyjnë në grevë avokatë, mjekë, infermierë dhe pilotët e avionëve. Ndërsa në datat 21 dhe 24 shtator do të hyjnë në grevë dhe tre sindikata të tjera./ABC News Albania 24/7

protest.jpg
G. P.13:59 | 13/09/2019

Dy protesta paqësore dhe pse për dy ekstreme të ndryshme u zhvilluan mëngjesin e sotëm në një qendër tregtare në Hong Kong. Mbështetës të Pekinit hodhën parulla në mbështetje të policisë së vendit.

Qendrat tregtare të Hong Kong janë gjithnjë e më shumë skenë manifestimesh. Mëngjesin e të premtes në një prej qendrave tregtare më të mëdha në qendër të qytetit, një “flash mob” e nisur fillimisht si një ide në rrjetet sociale, ka grumbulluar me qindra manifestues pro Pekinit, të cilët vetëm pak më vonë u përballën me palën e kundërt.

Dhe ata të mbledhur nëpërmjet rrjeteve sociale. Të parët, që ishin më të shumtë në numër, sipas mediave në vend, kanë shpalosur një flamur të madh të Kinës dhe kënduan himnin kinez. Shumë prej tyre thërrisnin: Hong Kong është Kina, si dhe parulla të tjera në mbështetje të policisë së Hong Kong.

Ndërsa pala tjetër, që protestuan kundër kinës dhe qeverisjes vendore, vendosën të këndojnë “Lavdi për Hong Kong”, himn i kompozuar nga një muzikant një javë më parë, në mbështetje të protestave disa mujore në vend kundër guvernatores Kerri Lam.

Në këto muaj protestash nuk është hera e parë që protestuesit manifestojnë brenda qendrave tregtare. Por nuk ka pasur asnjë përplasje mes dy grupeve pasi çdo gjë është zhvilluar në mënyrë paqësore./ABC News Albania 24/7

hong-kong-protesta-1280x707.jpg
G. P.23:40 | 06/09/2019

Policia në Hong Kong qëlloi plumba gome dhe gaz lotsjellës ditën e premte, për të vënë nën kontroll protestat e rinisura, që kanë hyrë në javën e 14. Liderja e Hong Kongut, Kerri Lam njoftoi më herët gjatë javës një seri koncesionesh për t’i dhënë fund protestave, përfshirë këtu tërheqjen totale të ligjit të ekstradimit.

Por shumë qytetarë deklaruan se koncesionet janë të pakta dhe të vonuara. Disa qindra demonstrues, shumica e të cilëve të maskuar dhe të veshur me të zeza, u mbrojtën nga gazi lotsjellës me çadra dhe barrikada.

Disa të tjerë tejkaluan një gardh metalik dhe hynë në një stacion metroje, ku shkaktuan dëme materiale dhe mbushën muret me grafiti.

“Jemi shumë të inatosur me policinë. Ajo ka qenë shumë e dhunshme ndaj nesh dhe s’mund ta lejojmë t’ia hedhë paq”, deklaroi një protestues.

Manifestuesit u tërhoqën kur policia qëlloi plumbat e gomës, por u mblodhën në grupe më të vogla duke ndezur zjarre në rrugë./ABC News Albania 24/7

elisa-spiropali.jpg
G. P.15:40 | 06/09/2019

Ministrja për Marrëdhënien me Parlamentin, Elisa Spiropali akuzon Lulzim Bashën se do të organizojë protesta në mes të Tetorit, që të pengojë hapjen e negociatave me Bashkimin Evropian.

“Opozita ka vendosur të shtyjë në mesin e Tetorit nisjen e protestave masive, ndërsa do të përgatisë dy platforma alternative për reformën zgjedhore dhe reformën në drejtësi deklaroi mbrëmë  Lulzim Basha. Domethënëse kjo frazë për këdo akoma që nuk e ka kuptuar apo mësuar se ku fle lepuri që prodhoi qindra zallamahi në gjysmën e parë të vitit. Në mes të Tetorit, kur të gjithë duhet të bënin avokatin e Shqipërisë në prag të vendimmarrjes së Këshillit Europian më 18 Tetor, Lulzim Basha do të dalë përsëri në rrugë për të prodhuar foto-lajme në mediat ndërkombëtare mbi Shqipërinë e zhytur në të zeza që nuk meriton asgjë”, tha Spiropali./ABC News Albania 24/7

43162B26-C939-4179-8D41-8F1E1778DA9A_w1023_r1_s.jpg
ent ela09:15 | 06/09/2019

Protestuesit në Hong-Kong kanë paralajmëruar se më 7 Shtator do të bllokojnë aeroportin ndërkombëtar.

Kjo, mund të nxisë sërish shpërthimin e dhunës në Hong Kong, pasi njësoj kishte ndodhur edhe në periudhën e fundit kur protestuesit kishin bllokuar trafikun e aeroportit.

Udhëheqësja e territorit gjysmë-autonom, Carrie Lam, në fillim të kësaj jave e ka tërhequr projekligjin për ekstradim, që ka nxitur protesta për disa muaj, duke thënë se shpreson që vendi të mos përballet më me këtë situatë.

Projektligji mundësonte ekstradimin e banorëve të Hong Kongut në pjesët tjera të territorit kinez.

Ajo është zotuar se bashkë me zyrtarë të tjerë “do t’i drejtohen komunitetit për të nisur dialog të drejtpërdrejtë”, duke shtuar se “neve na duhet që patjetër të adresojmë pakënqësitë në shoqëri dhe të gjejmë zgjidhje”.

Ende nuk është bërë e qartë nëse përmbushja e një prej kërkesave të protestuesve do të jetë e mjaftueshme për marshuesit që të ndalin organizimet.

Hong Kongu, territor kinez, funksionon sipas organizimit, “një shtet, dy sisteme. /REL

grida-duma.jpg
G. P.20:24 | 05/09/2019

Partia Demokratike do të vijojë me protestat e saj kundër qeverisë. Ish-deputetja Grida Duma bëri të ditur gjatë një interviste në Abc News se nuk duhet të ketë kthim mbrapsht të aksionit opozitar.

Për sa i përket, ditëve në të cilat do të zhvillohen protestat, Duma tha se do të vendoset në ditët në vijim për to.

“Protestat do të vijojnë, sakrificë e madhe është të vazhdosh protestë pas proteste. Kjo nuk ka diskutim që duhet të vijojë. Nuk duhet të ketë kthim mbrapsht të aksionit opozitar. Ne jemi thirrur nga kryetari dhe kemi diskutuar datat më të përshtatshme. Kjo është çështje teknike, por në ditët në vijim do të ndërtohet një kalendar”, tha Duma përballë gazetares Mirela Milori.

Sipas ish-deputetes, protesta është bazamenti i strategjisë së Partisë Demokratike. Ndërkohë, raportin përfundimtar të OSBE-së për zgjedhjet e 30 Qershorit, duma e sheh si pasaportë që certifikon kauzën opozitare.

“Marrja e vendimeve politike është detyrë e forumeve partiake opozitare. Unë mendoj që raporti OSBE-së është pasaportë certifikuese për kauzën opozitare, e cila nuk duhet humbur si shans. Duhet përdorur në kancelaritë ndërkombëtare për të bindur se kauza që ngritëm ishte e vërtetë”, tha Duma./abcnews.al

pd.jpg
G. P.22:25 | 03/09/2019

Partia Demokratike mund t’i rikthehet protestave kombëtare brenda Shtatorit. Ky ishte qëndrimi që kreu i PD, Lulzim Basha i komunikoi koordinatorëve demokratë në qarqe, pas përfundimit të urdhrit të firmosur prej tij për organizimin e partisë. Basha ka porositur funksionarët demokratë që të punojnë për anëtarësimet e reja dhe afrimin e individëve me kontribute historike në PD.

Krahas takimeve me ndërkombëtarët për të denoncuar qeverinë dhe zgjidhur krizën politike, Lulzim Basha është gati të nisë aksionin opozitar me në fokus protestat. Në përfundim të afateve urdhrit të firmosur në 12 Korrik për koordinimin e veprimtarisë politike brenda Partisë Demokratike, Lulzim Basha thirri në një takim pasditen e të martës të deleguarit e tij në qarqe për organizimin e partisë.

Për më shumë se 60 minuta, Basha diskutoi mbi organizimin e strukturave të PD dhe mundësinë e anëtarësimeve të reja në funksion të zgjerimit të partisë. Lulzim Basha mësohet të ketë deklaruar në mbledhje se opozita mund të thërrasë protesta kombëtare brenda shtatorit, por data kur ajo do të mbahet pritet të jetë produkt i takimit që do të zhvillohet me aleatët, kryesinë dhe Këshillin Kombëtar.

24 të deleguarit në qarqe kanë raportuar mbi gjendjen në degët që kanë mbuluar duke shprehur edhe pritshmëritë nga strukturat. Kreu i demokratëve, Basha ka kërkuar nga të deleguarit në qarqe që të ketë komunikim intensive me strukturat dhe evidentimin e personave me influencë në degë në kushtet kur vendi mund të shkojë drejt zgjedhjeve të parakohshme./ABC News Albania 24/7

OK-KORCE-HAPET-TREGU-MBULIM.mpg_snapshot_00.35-1280x720.jpg
ent ela08:51 | 03/09/2019

Pas protestave të zhvilluara dje në Korçë, bashkia ka rihapur tregun agroushqimor me shumicë. Tregetarët  do të lejohen të shesin vetëm gjatë natës. Bashkia gjen kështu këtë zgjidhje për problemin, duke caktuar orar të ri për aktivitetin. Fermerët do të lejohen të shesin në harkun kohor nga ora 24 në mesnatë deri në 08 të mëngjesit.

Ndërkohë, fermerët duhet të pajisen edhe me licensë nga bashkia e Korçës, në mënyrë që të mund të ushtrojnë aktivitet tregtar në tregun e shumicës. Dje në mëngjes këta tregtarë protestuan duke bllokuar për një orë një pjesë të unazës së qytetit. Bashkia e Korçës u kishte mbyllur derën e tregut të shumicës me argumentin se duke shitur aty me pakice dhe pa licencë produktet bujqësore dhe blegtorale, konkurojnë në mënyrë të pandershme tregtarët e licensuar të Markatës së re. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono