protesta

flakadane.jpg
G. P.12:41 | 22/05/2019

Studentët i janë rikthyer protestave. Për një orë, para godinës së Ministrisë së Arsimit ata paraqitën 5 kërkesa të reja, që sipas tyre nuk janë plotësuar nga Pakti për Universitetin. Sende të forta dhe flakadanë u hodhën drejt godinës, duke i lënë afat 24 orë qeverisë për një përgjigje.

I tillë ishte rikthimi i studentëve në protestë që pas fundit të muajit janar para Ministrisë së Arsimit.

Edhe pse ishte thirrur një protestë kombëtare, të pranishëm ishin vetëm studentët e universiteteve të Tiranës me pankarta dhe flakadanë në duar.

Studentët gjatë së mërkurës kanë publikuar kërkesat e tyre zyrtare, ku spikasin edhe 5 kërkesa të reja në krahasim me ato të fundvitit:

-Rrëzimin e ligjit të arsimit të lartë
-Arsim cilësor për të gjithë të rinjtë, duke i mundësuar mbështetjen financiare

-Rankimi i programeve sipas modeleve më të mira bashkëkohore

-Rritja e peshës së përfaqësimit në institucionet e arsimit të lartë

-Autonomi reale e IAL-ëve dhe jo e diktuar nga bordet qeveritare

Ata pohuan se “Pakti për universitetin” nuk i ka plotësuar kërkesat e tyre dhe se u rikthyen për të fituar të drejtat e tyre, duke i lënë qeverisë afat 24 orë kohë për t’u përgjigjur.

“Sot jemi mbledhur pasi pakti për universitetin nuk u zbatua. pakti ishte pjesor, por edhe ai qe u bë nuk u zbatua as 10 % e pikave. Protesta do vazhdojë të zgjatet dita ditës”, u shprehen disa prej tyre.

Por protestës nuk iu bashkuan te gjitha fakultetet e Universitetit të Tiranës.

Ne fakultetet e ekonomisë, gjuhet e huaja dhe Histori-Filologji në salla dhe auditorë mësimi vijoi si ditët e tjera.

Jashtë kamerës studentët shprehen se nuk kanë arsye t’i bashkohen protestës, pasi  duan të ndjekin rregullisht leksionet e seminaret për të përfunduar më së miri provimet e këtij viti shkollor./ABC News Albania 24/7

 

KORCE-STUDENTET-MBULIM.mpg_snapshot_00.11-1280x720.jpg
ent ela10:30 | 22/05/2019

Studentët e Universitetit “Fan Noli” në Korçë i bashkohen protestës kombëtare të studentëve. Fillimisht ata u grumbulluan tek Korpusi Universitar kurse një pjesë e tyre u nisën drejt Tiranës, për të marrë pjesë në protestën e orës 12:00. Ndërkohë, në disa fakultete, studentët kanë vijuar normalisht mësimin. Studentët e Korçës kërkojnë unifikimin e kartës së studentit në rang kombëtar. Të paguhet periudha e stazhit. Të rankohen programet e studimit. Portali i transparencës të bëhet funksional. Pesha e votës së studentëve të rritet me 25 përqind. Përfaqësuesi i studentëve në Bordin e Administrimit të zgjidhet nga studentët jo nga Ministria.

Studentët e Korçës kërkojnë politika punësimi, jo vetëm për studentët ekselentë. /ABC News Albania 24/7

protesta-3-1280x720.jpg
G. P.15:18 | 21/05/2019

Banorët e Bishanit, Poros, Pishës dhe Martinës në njësinë administrative Levan në Fier kanë protestuar pasi sipas tyre, kohët e fundit në zonë po vidhen shumë shtëpi. Ata thanë se çdo natë në fshat vidhen bagëtitë.

Rastet janë denoncuar në polici, por autorët nuk janë kapur. Në mbështetje të banoreve ishte dhe kryetari i PD-së së Fierit Luan Baçi. Ai i kërkoi policisë të zbulojnë grupet e hajdutëve./ABC News Albania 24/7

BASHA-PROTESTA-25-MAJ.mpg_snapshot_00.24-1280x720.jpg
ent ela21:32 | 15/05/2019

Protesta e radhës kombëtare e opozitës do të mbahet të shtunën e 25 Majit në orën 19.00. Vendimi u mor pas konsultimeve të kësaj të mërkure në selinë blu, me aleatët e forumet më të larta të Partisë Demokratike. Basha tha se vendi është në kushtet e një grushti shteti e aksioni opozitar do vijojë pa kthim.

Protesta e ardhshme kombëtare e opozitës do mbahet pasditen e të shtunës së 25 Majit. Vendimi u mor pas një të mërkure intensive konsultimesh në selinë blu me aleatët, ish grupin parlamentar e kryesinë e PD. Aksionin opozitar Lulzim Basha e konsideron një betejë për jetë a vdekje

“Tani që na ndajnë 45 ditë nga 30 qershori, se çfarë do të ndodhë? Do të pranohet që grushtii shtetit të çohet deri në fund, dhe në Shqipëri tëinstalohet tirania e krimit në të gjitha nivelet? Sepse kjo jo vetëm do tëinstalonte tiraninë e krimit në pushtetin vendor, por do të çimentonte edhe tiraninë e krimit në qeverisjen qëndrore. Apo do të ketë një përballje totale popullore për ta mposhtur me të gjitha mjetet dhe format e tjera, tiraninë e krimit!

Vendimi unanim i opozitës është përballje popullore me të gjitha format dhe mënyrat. Pak rëndësi ka nëse bëhen në shtator apo në tetor. Rëndësi ka që sot ne ndodhemi në një betejë për jetë a vdekje”.

I pyetur për akuzat e përcjella përmes deputetes Gjylameti se ka porositur një artikull në gazetën gjermane Bild për të nxirë imazhin e vendit, Basha pati akuza edhe ndaj deputeteve socialiste

“Zonja Gjylameti do të ishte së bashku me zonjën Spiropali dhe zonja të tjera, ndër të pandehurit kryesorë, sepse vetë zonja Gjylameti është pjesë e dosjes 184, ndërkohë që zonja Spiropali duket se është pjesë e dosjes së hetimit të Xibrakës.

E gjithë Shqipëria dhe e gjithë bota ka kuptuar se fshihet makthii Edi Ramës, për atë që e pret në rast se zbardhen dosjet hetimore, të cilat provojnë, përmes përgjimeve të prokurorisë, përfshirjen e drejtpërdrejtë të Edi Ramës dhe një grushti politikanësh të kupolës së organizatës së “Rilindjes”, në bashkëpunim me krimin e organizuar, për të vjedhur zgjedhjet në Dibër, si provë gjenerale, për të kaluar pastaj në vjedhjen e zgjedhjeve të 2017-s”.

Qëndrimit se më 30 qershor nuk mund të ketë zgjedhje, Basha I shton si arsye listën e kandidatëve të PS dhe të Bindjes Demokratike që e ironizon me emrin Bashkimet Profesionale, e për herë të parë flet për probleme me listat e adresat e zgjedhësve.

“Në mbi gjysmën e bashkive të vendit do të ketë kandidatë vetëm kupola kriminale e “Rilindjes”, vrasës, përdhunues, trafikantë droge, shokët e Elvis Rroshit që mbeten akoma në Bashkinë e Krujës, si Artur Bushi me shokë, kandidatë të tjerë të zgjedhur me dorë nga banda e abdylajve në Shijak, nga Ymer Lala në Dibër, ku kemi një rekord, se Ymer Lala ka caktuar edhe kandidatin e PS-së, edhe kandidatin e Bashkimeve Profesionale të PS-së”.

Ende nuk ka një materializim të gatishmërisë ndërkombëtare për dialog, por për kërkesave të përsëritura që i përcjellin edhe në mënyrë nominale kundër dhunës, u jep këtë përgjigje.

“Ne kurrë nuk kemi bërë thirrje për dhunë dhe distancohemi nga çdo akt dhune, por mos prit që Lulzim Lulzim Basha të jetë komandantii baballarëve, që u ka vënë kryqin tek shtëpia Edi Rama, i vëllezërve, motrat 3-vjecare të të cilëve i ka helmuar me gaz Edi Rama apo i fëmijëve të prindërve që Edi Rama u theu kockat se donte t’u grabiste shtëpitë, që t’u vidhte 40 milionë euro shqiptarëve dhe të mos shpronësontë as banorët e ligjshëm. Këto janë vetëm 3 skandale. Komandant i zemërimit popullor nuk është Lulzim Lulzim Basha. Zemërimi popullor vetëm do të rritet. Detyra jonë është vetëm të parashtrojmë zgjidhjen politike dhe të thërrasim shqiptarët ta mbështesin këtë kauzë”.

Gjatë konsultimeve të paradites edhe aleatët u shprehën në një linjë me qëndrimin e Bashës. Ndërkohë, duket se bllokimi i akseve kryesore, i përdorur si strategji proteste nga opozita javët e fundit, nuk do të zbatohet këtë të enjte, për t’u përqëndruar në organizimin e protestës së 25 majit, e gjashta kombëtare në 3 muaj aksion opozitar. /ABC news Albania 24/7

 

 

basha-13-1280x734.jpg
ent ela19:07 | 15/05/2019

“Përballje pa kthim me të gjitha format e mënyrat kundër juntës kriminale”. Është ky vendimi i koalicionit opozitar i bërë publik nga kryetari Lulzim Basha pas takimit. Në një deklaratë për mediat Basha theksoi se sot vendi ndodhet në kushtet e grushtit të shtetit, në një betejë jetë a vdekje. Ai  informoi se protesta e radhës e opozitës do të mbahet në 25 maj në orën 19:00.

“Me kryetarët e koalicionit opozitar kanë shqyrtuar gjendjen e rëndë ku ndodhet shteti pas asgjësimit të Gjykatës Kushtetuese dhe Gjykatës së Lartë pas kapjes së Prokurorit  të Përgjithshëm.

Sot e gjithë bota ka kuptuar se fshihet makthi i Ramës pas hapjes së dosjeve hetimore, për vjedhjen e  zgjedhjeve në Dibër dhe zgjedhjeve në 2017”.

Sipas Kreut demokrat i cili i referohet edhe shkrimit të publikuar në gazetën gjermane Bildt është zbuluar se në përgjimet e Dibrës fshihet Rama. Për përgënjeshtrimin që bëri Gjylameti, Basha thotë se deputetja socialiste është ndër të pandehurat kryesore për këtë dosje, ndërsa Spiropali për dosjen e Xibrakës.

“Sot gazeta Bild ka bërë panormaë realiste të gjendjes së Shqipërisë si narkoshtet që sillet si bandë gangsterësh, por ka zbuluar diçka që organet e drejtësisë e dinë që në përgjimet e Dibrës figuron Rama duke u siguar që skenari i vjedhjes së votave është zhvilluar sipas porosive të tij.

Gjylamet bashkë me Spiropalin do ishin ndër të pandehurit kryesorë se vetë ajo është është në ëprgjime, kurse Spiropali për dosjen e Xibrakës”.

“Përtej Gjylametit që është ngarkuar për të përgënjeshtruar gazetën gjerman,  të gjithë e dinë që Rama ka blerë votat e 2017. Jemi në kushtet e grushtit të shtetit”.

Sipas Bashës në këto kushte  kryeministri në vend që t’i hapë rrugë qeverisë tranzitore ka përcaktuar një kurs përplasje me popullin, duke vendosur vrasës dhe kriminelë në lista.

“Në këto kushte në vend që t’i hapë rrugë qeverisë tranzitore Rama ka përcaktuar një kurs –përplasje me populli. Kjo duket qartë në listën e vrasësve e kriminelë që ka futur në listën e tij, Vrasës,  përdhunues, trafikantë droge, shokët e Elvis Roshit si Artur Bushi me shokë nga Ymer Lala në Dibër ku Lala ka caktuar edhe kandidatin e PS, e dinë gj dibranët. I pari është kandidati fillestar që caktoi dhhe tërhoqi dhe është protaginsit i dosjes 184. Të dy i ka sjellë Ymer Lala”.

Basha shprehu vendosmërinë se zgjedhje në 30 qershor nuk do të ketë.

Është e qartë që zgjedhje nuk do ketë . Edhe formalisht vendi është me regjistër të gjendjes civile të masakruar nga Rama dhe Lleshaj, regjistir i adresave i masakruar. Shqipatrëve 8 kanë skaduar kartat e identitetit. Shqiptarëve do u ofrohen vrasës e përdhunues edhe të korruptuar  si Dako që ka caktuar se kush do të garojë”.

Në këto kushte, kreu demokrat theksoi se vendimi unanim i pozitës është përballje me të gjitha format dhe mënyrat për të mposhtur tiraninë e krimit.

“Pyetja është tani që çfarë do ndodhë? Do pranohet që grushti të çohet deri në fund dhe të instalohet tirania e krimit, apo do ketë përballje totale popullore për ta mposhtur? Vendimi unanim i opozitës është përballje me të gjitha format dhe mënyrat. Që nga ky monnet jemi çdo ditë e çdo minutë min bashkë me shqiptarët në një përballje pa kthim me ushtarët e juntës kriminale në pushtet deri sa të diktojmë kthimin te demokracia e zgjedhjet e lira të ndershme.

Kush nuk bëhet pjesë e kësaj beteje do jetë shërbëtor e skllav i krimit, se skenari tjetër është që Shqipëria të bjerë si demokraci dhe të kthehet de juro në juntën kriminale. Ne këtë skenar nuk e pranojmë. Betejen do ta vazhdonjmë deri sa ta mposhtim këtë skenar ogurzi dhe juntën që do të asgjësojë jo vetëm zgjedhjet e 30 qershorit që nuk do bëhen, por edhe të ardhmen. Ne u kemi borxh të jemi në ballë të kësaj beteje. Kandidatë në kundërshitm me ligjin, vrasës, kriminelë nuk do ketë”.

Dhe këtu kreu demokrat përmendi emra: “Ato media që nuk u djeg miza në kësulë të nxjerrin arkivat dhe ti marrin me radhë dhe të shohin. Ju bën të thoni trafikantëve të drogës biznesmene, ka dramë më të madhe që mediat u drejtohen kandidatëve si Abedino Ruçi, vrasësit si biznesmen apo vrasësit Ymer Lala si biznesmen”

/abcnews.al

mirela-milori-elsa-ballauri.jpg
G. P.18:10 | 15/05/2019

Aktivistja e të drejtave të njeriut, Elsa Ballauri, e konsideroi si të panevojshëm reagimin të disa protestuesve ndaj ambasadorit të OSBE-së, Bernd Borchardt, në protestën e 11 Majit. Në pallatin ku ai jeton, disa të rinj, shkruan një parullë “Borchardt turp të kesh” dhe kjo lidhej me reagimet që kishte pasur OSBE ndaj protestës.

Por për Ballaurin, deklaratat e OSBE ishin reagim si kundër dhunës së protestuesve, edhe kundër dhunës së policisë. Më tej, ajo theksoi se është cenuar banesa e ambasadorit. Madje sipas dëshmive të personave përgjegjës dhe pamjeve filmike, autorët nuk kanë shkuar në shtëpinë e tij sepse ngatërruan katin e banesës.

Ajo theksoi se këto situata mund të ndodhnin vite më parë, por jo tani dhe duhen gjetur mënyra të tjera për ta kundërshtuar.

Elsa Ballauri: Nuk mendoj se kjo është mënyra për të zgjidhur bashkëbisedimin me njerëzit. Në këtë rast nuk mendoj se duhet të ishte kështu. Për sa kohë, u i ndoqa jo në atë moment, më vonë kam parë dy reagime të të dyja deklaratave që ishin shumë të qeta dhe kaluan njëra pas tjetrës për arsye të asaj që po ndodhte. Fillimisht ishte dhuna e protestuesve dhe u bë reagimi për këtë dhunë dhe më pas ishte reagimi ndaj dhunës së policisë. Nuk e kuptoj pse duhej të ndodhte një gjë e tillë.

Mirela Milori: Mund të ketë një qëndrim të një përfaqësuesi në vendin tonë që bie ndesh me një grup njerëzish, bie ndesh me idenë e tyre. A nuk është e drejtë që ky grup njerëzish të protestojë? Nuk po flas për cenim banese, nuk po flas për ndërhyrje.

Elsa Ballauri: Në një farë mënyre ishte cenuar banesa. Nga observimet që bëmë ne dhe sipas informacioneve që kemi ne kanë hyrë deri në dyert e banesës dhe në një farë mënyre është dhunuar banesa.

Mirela Milori: Ju keni informacion që janë ngjitur deri në banesën e ambasadorit?

Elsa Ballauri: Nuk kanë arritur dot të shkojnë në derën e tij sepse është ngatërruar kati, por kanë shkuar.

Mirela Milori: Këto janë të filmuara?

Elsa Ballauri: Unë e kam dëshmitë e marra nga vetë personat. Në momentin që bëjmë një deklaratë duhet të shohim të gjitha anët se çfarë po ndodh. Edhe roja ishte i pranishëm edhe pse nuk mundi t’i ndalojë. Këto mendoheshin të ndodhnin kohë më parë, por jo tani, aq më tepër kur kemi të bëjmë me ca të rinj, sepse ishin të rinj ata. Aktivë të cilët mund ta prisnin në një formë tjetër. Ka shumë mënyra më të rafinuara dhe më të gjetura për ta kundërshtuar. Aq më tepër që ishte mesnatë.

Mirela Milori: Ne e kemi parë në video publikisht vetëm momentin kur protestohet jashtë shtëpisë së zotit ambasador. Edhe në momentin kur janë ngjitur në katin e shtëpisë, por nuk kanë trokitur në derë, atëherë situata mund të trajtohet ndryshe.

Elsa Ballauri: Për mua nuk ka shumë ndryshim fakti kanë ikur në kat apo jo sepse është një gjendje terrori. Por nuk është kaq e rëndësishme kjo hollësi sepse kemi mendimin tonë dhe mund të diskutojmë, sesa është e rëndësishme dhe të shohim pse nuk na pëlqejnë qëndrimet e të huajve. Pse jemi kaq të ndjeshëm, kaq bardhezinj dhe të themi se për aq kohë që ndihemi keq ai duhet të pranojë atë që unë ndiej./abcnews.al

PROVOKACIJA-14-MAJ-TOMOR-ALIZOTI-1280x720.jpg
ent ela21:47 | 14/05/2019

Pjesë e lidershipit të Partisë Demokratike në një moment të vështirë që korrespondoi edhe me djegien e mandateve, Tomor Alizoti ka folur në studion e Provokacijas të Mustafa Nanos për krizën aktuale politike. Në këndvështrimin e tij Alizoti thekson se Shqipëria ndodhet në një situatë të vështirë për shkak se banaliteti është kthyer në normalitet në shoqëri dhe politikë, dhe koston për këtë ia faturon kryeministrit aktual.

“Shqipëria ka situatë të vështirë prej kohësh. Sot parlamenti jo vetëm falë partisë në pushtet, por gjithë klasës politike ka arritur në banalitet. Në botë parlamenti është elitë, që ndërton të  ardhmen e kombit, ka mendime, ide. Dhe për këtë banalitet një kosto ta madhe ka kryeministri  aktual, i cili e ka kthyer në modalitet dhe shoqëria ka model banalitetin dhe e keqja është se është normale dhe nuk i bën përshtypje askujt”.

E konsideron të domosdoshme protestën dhe djegien e mandateve në kushtet kur vendi është drejt falimentimit total për shkak të mosfunksionimit të institucioneve dhe arrogancës së Kryeministrit.

“Protestat janë të domosdoshme, vendimi i djegies së mandateve është protestë. Kur ne nuk njohim institutcionet, institucionet nuk funksionojnë tani kanë arritur kulmin e mosfunksionimit. Ka atakim, bulizëm nga kryeminsitri dhe ka gjithë mediat në shërbim, se aftësia e tij është mediatike nuk është politikan i mirëfilltë. Ai është show men, di të bëjë show, batuta, Tani bën fyerje brutale, që nuk është etike për një burrë shteti. Demokracia është produkt i protestës. Unë jam pro protestës.

Mua më intereson ndjesia e protestës. Ndjesia është pozitive dhe sinqerisht ju them se në këtë situatë që gjendet kombi shqiptar është më i prapambeturi në gjithë Ballkanin, nga formati i strukturës së shtetit, në gjithë Ballkanin përfundojnë brenda ditës zgjedhjet, vetëm në Shqipëri jo. Është një vend drejt falimentimit total”.

Sipas Alizotit Shqipëria nuk hyn dot në Evropë pa zgjedhje, ndërsa këshillon se duhet duhet të dalë dikush mbi veten dhe të garantojë zgjedhje duke mbajtur efektin kriminal larg.

“Duhet ta kuptojnë të gjithë, që Shqipëria nuk hyn dot në Evropë dhe nuk bëhet vend demokratik pa zgjedhje. Zgjedhja është i vetmi element që të vendoset njëri apo tjetri.

Zgjedhjet në Shqipëri, Rama është i përkohshëm. Ky komb është i përjetshëm duhet të dalë dikush mbi parime, mbi veten. Janë kriteret e Kopenhagenit që e përcaktojnë se pa zgjedhje nuk ka anëtarësim në BE dhe nuk mund të funksionojë demokracia, se këta janë të gjithë ustallarë truqesh. Zgjedhjet bëhen vetëm po të mbahet efekti kriminal larg, as me qeveri teknike nuk bëhen”.

Përjashton PD kur thotë se liderat e partisë kanë zgjedhur njerëzit që janë servila dhe të shkathët në botën e krimit për përfaqësim, ndërsa kryeministrin e sheh si rrezikun më të madh të Shqipërisë.

“Liderat e partisë kanë zgjedhur njerëzit që janë servila, është traditë e lashtë kjo, të shkathët në botën e krimit nuk mund ta them për PD këtë gjë, pavarësisht se lista për mua ishte mizerabile dhe e kam kritikuar publikisht, liderët kanë zgjedhur njerëzit negativë në përfaqësim, jo njerëzit e mirë.

Nuk ka kohë më për politkën shqiptare të zgjedhë modele të këqija edhe heshtja e shoqërisë tregon që nuk është dakord me modelin politik, por nuk ka fuqi të reagojë. Shikoj rrezik. Rama në Shqipëri është rrezik, sepse shoh narcizmin tij të rrezikshëm në politikë dhe protestat duhet të jenë më të fuqishme. E shoh me dashuri të pashtershme për pushtetin, adhuron në mënyrë brilante pushtetin dhe e bën të rrezikshëm”.

Mbajtjen e zgjedhjeve të 30 qershorit, Alizoti e sheh si një krizë të madhe që do të rebelojë elektoratin blu.

“Nuk besoj, nëse bëhen zgjedhjet lokale do jetë krizë e madhe. Nuk mund të zhvillosh zgjedhje, kur ke opozitën në rrugë. Një pjesë e madhe del e tëra në rrugë dhe ti do hysh në zgjedhje me gjëra ireale dhe jo konkrete, do prodhosh krizë të fortë politike në Evropë jo vetëm në Shqipëri. Kjo është një e folur jo politike dhe jologjike.

Kushtetua aplikohet mbi gjërat de facto jo de juro, ligji i përshtatet realitetit, nëse nuk i përshtatet është jashtë saj. Sistemi ka rënë nuk mund të luash vetëm futboll. Ke hyrë në një garë ku je vetëm , kjo do prodhoje krizë. Do ketë reagim do ndërtosh kryebashkiakë ireale. Opozita është kjo që është. Ti nuk mund të shmangësh dhe PD. Nëse ai e bën këtë dhe njërëzit i fryjnë kësaj teze.

Në këtë situatë një njeri realist dhe me logjike e përgjegjësi për vendin vepron ndryshe, sepse kjo tregon frikën e tij ,do ta çojë vendin në problemn të madh. Janë djegur mandate, ky vend ka nevojë të hyjë në negocime. Mendoj që Shqipëria ka nevojë për negociata të përbashkëta.

Zgjedhje pa PD nuk bëhen dot, mund të bëhen de juro, por de facto do rebelojë forcën dhe elektorati i saj është rebel dhe do që të mbrojë demokratët nga lajthitja e Ramës dhe ata do kërkojnë që PD të radikalizohet dhe ata mendimatrë që janë rreth tij mos ta fryjnë shumë këtë gjë” /abcnews.al

 

eduard-shalsi.jpg
ent ela20:00 | 14/05/2019

Të njëjtin qëndrim, sikundër ministrat e deputetët e mazhorancës ka mbajtur në studion e Mbrëmje në ABC News, Ministri për mbrojtjen e sipërmarrjes Eduart Shalsi sa i takon protestave të opozitës, ftesës së Ramës për dialog dhe zgjedhjeve të 30 qershorit.

Në këndvështrimin e tij Shalsi shikon një opozitë të hallakatur, në rrugë pa krye, që nuk di çfarë do dhe që kërkon të shmanget nga përgjegjësia e reformës në drejtësi, por edhe të mundur nga kandidatët e PS në zgjedhje.

“Qëndrimi ynë është konstant, datën e zgjedhjeve e ka dekretuar Presidenti mbi bazën e Kushtetutës. Kemi pas lëvizje të hallakatura të opozitës dhe liderit të saj. E dimë që ka lider de facto dhe de jure

Ka shumë kontradikta në deklaratat e tyre. Një gjë është e sigurtë që data e zgjedhjeve është përcaktuar. Opozita vetë humbi shansin për të marrë pjesë, sepse ato e kanë kuptuar që nuk mund ta mundin dot PS dhe kandidatët e saj. Mesa duket në mungesë të një alternative si edhe periudha para reformës në drejtësi. Janë një sërë ngjarjesh që e kanë detyruar opozitën të marrë këtë rrugë pa krye”.

Shalsi nuk shikon asnjë mundësi për rishikimin e datës së zgjedhjeve, pasi atë e përcakton Kushtetuta. Sipas tij nuk pati asnjë ankesë të vetme për zgjedhjet në 2017.

“Kemi një lëvizje tani, ishim dhe ne në protestë në 2009 dhe protestuam ashpër madje, sepse qëllimi ynë ishte: Hapni kutitë, na tregoni vullnetin popullit, ose largohuni.

Ne i konsiderojmë shqiptarët e mençur dhe nuk u themi një gjë sot e një gjë nesër. Objektivi ynë kryesor ishte: Hap kutitë dhe arritëm të fitonim të drejtën që të hapeshin kutitë automatikisht.

Çfarë po kërkojnë këto dhe po nisemi nga viti 2017, k ur KQZ ishte në dorë të tyre kur nuk pati një ankesë të vetme. Të gjithë e dinë që në 2017 patëm një dalje të PS si forcë e vetme,  si nuk u gjet një person i vetëm që të depozitonte një ankesë”.

Sa i takon mundësisë për zgjidhjen e ngërçit, Shalsi përsëriti ftesën e kryeministrit për dialog, por kushti i opozitë spër largimin  Ramës tregon që ajo nuk di çfarë do dhe akuzon ndërkombëtarët që nuk mbështesin akuzën e tyre.

“Ftesën e vazhdueshme të Kryeministrit që ka bërë: Po jam i gatshëm të dialogoj. Paska një ndryshim në qëndrim sot, se të tjera u thanë të shtunën, të tjera tjera dje.

Kemi parë sulmin frontal qëa ta kanë ndërmarrë ndaj ambasadorëve. Këto janë ushqyer nga deklarata e dhunshme Dhe shprehjes së urrejtjes që pse kjo kauzë e tyre nuk po përqafohet nga ndërkombëtarët.

Ndërkomëbatrët kanë vullnetin e mirë, por kanë edhe disa parime nga të cilat nuk lëvizin. Opozita  nuk është e përrgatitur, nuk di çfarë do. Është pozitë e hallakatur pa objektiva të qarta, mesa duket frika nga reforma i ka çuar në rrugë pa krye”. /abcnews.al

 

KRONIKE-MASA-PER-PROTESTUESIT-_ABC-M4-T2.mpg_snapshot_00.17-1280x720.jpg
ent ela18:08 | 14/05/2019

20 nga 50 të arrestuarit e protestës së 11 Majit të opozitës janë lënë në burg nga Gjykata e Tiranës. Për 11 persona, gjykata caktoi masën arrest shtëpie e për 19 të tjerë, detyrim paraqitje. Dhënia e vendimit u shoqërua me tensione si brenda sallës së gjyqit, ashtu edhe jashtë godinës së gjykatës.

Me tensione u prit vendimi i gjyqtarit Arben Mickaj, për 50 të arrestuarit e protestës së opozitës që u mbajt më 11 maj. Gjykata vendosi arrest me burg për 20 përdoruesit e bombave molotov;  11 persona u lanë më masën arrest shtëpie dhe 19 të tjerë me detyrim paraqitje. Mbi ta rëndojnë veprat penale “Kundërshtimi i punonjësit të policisë së rendit publik”, “Goditje për shkak të detyrës” “Prishja e qetësise publike”, “Shkatërrimi i pronës me zjarr” dhe “Shkelja e rregullave mbi lëndët plasëse, djegëse dhe radioaktive”.

Jashtë dyerve të gjykatës përveç ish-deputetëve të Partisë Demokratike kishte edhe një numë familjarësh që prisnin vendimin për të afërmit e tyre.

Numri i personave të arrestuar për protestën e 11 majt është më i larti deri tani, pasi konsiderohet si më e dhunshmja, për shkak të përdorimit të bombave molotov dhe e një sasie të madhe lëndësh plasëse. Prokuroria e Tiranës kishte kërkuar arrest me burg për 41 persona e 9 të tjerë, masën e detyrim paraqitjes. /ABC News Albania 24/7

KRONIKE-BASHA-PROTESTA-13-MAJ_ABC-M4-T2.mpg_snapshot_01.00-1280x720.jpg
ent ela23:50 | 13/05/2019

Ka qenë një marshim, protesta e pestë kombëtare e opozitës pasditen e së hënës. Itinerari ka qenë Kryeministria, Drejtoria Përgjithshme e Policisë së Shtetit, Parlamenti, Ministria e Brendshme dhe Drejtoria e Policisë së Tiranës. Në fjalën e mbajtur, Lulzim Basha iu përgjigj indirekt edhe mesazheve të ndërkombëtarëve, kur tha se ai që ushtron dhunë ndaj qytetarëve e institucioneve është vetë Rama. “Ne, -tha Basha, – luftojmë për vlerat e Europës e në Shqipëri nuk do ketë më zgjedhje false.”

Edhe nën shi, demokratët protestuan. Reshjet nuk trembën as kreun e demokratëve Lulzim Basha. Tri orë zgjati protesta marshim e cila u ndal përpara pesë institucioneve të ndryshme.

Nga Kryeministria, Drejtori e Përgjithshme e Policisë, Parlament, Ministri e Brendshme për të përfunduar tek Drejtoria e Policisë së Tiranës.

Strategjia dhe ritmi i protestës, e pesta kombëtare, e thirrur vetëm 48 orë pas asaj të 11 majit, u duk se i dha një përgjigje faktorit ndërkombëtar, pjesë dërrmuese e të cilit reagoi me thirrje kundër dhunës përpara protestës. Dhunë ushtrohet çdo ditë në Shqipëri.

“Me dhunë i mori zgjedhjet, qeveri ilegjitime, kryeministër ilegjitim. Dhuna është e vetmja zgjidhje që ofron Edi Rama. Ne jemi sot se refuzojmë dhunën e qeverisë së ardhur me dhunë dhe do i përgjigjemi me bashkimin tonë. Me fuqinë e bashkimit dhe pjesëmarrjes”.

Çka i bashkon pesë institucionet përpara së cilave marshuan protestuesit, për demokratët është përdorimi i tyre si leva në dorë të pushtetit për të dhunuar popullin, vjedhur zgjedhjet dhe mbajtur pushtetin.

Në fund, kreu i demokratëve drejtoi protestuesit tek ai që tashmë është stacioni i fundit i çdo proteste të opozitës së bashkuar, selinë blu.

“Mirënjohje e veçantë për ata që janë në agjerim, Zoti jua shpërbleftë këtë sakrificë të dyfishtë. Sot treguam se nuk ka forcë mbi tokë të na ndalë në kauzën tonë për zgjedhje të lira e të ndershme, se nuk ka forcë të na detyrojë të ulemi në pazare me të keqen”.

Të mbushur me frymëzim dhe të vendosur deri në fund, kështu do të vijojë beteja për liri, demorkaci dhe Shqipërinë si gjithë Europa sipas kreut të Partisë Demokratike Lulzim Basha. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono