protesta

polii.jpg
G. P.11:45 | 19/09/2018

Në Selanik dhe Pire u regjistruan trazira dhe protesta të dhunshme mbrëmjen e 18 Shtatorit. Manifestimet u zhvilluan në përkujtim të 34-vjeçarit Pavlos Fyssas, anëtar i partisë ekstremiste Agimi i Artë, i cili u vra 5 vjet më parë.

Gjatë protestës në Selanik një 19-vjeçar mbeti i plagosur, pasi u godit në fytyrë me sende të forta. Në Pire, një grup individësh të panjohur i vunë zjarrin koshave, hodhën bomba molotov dhe gurë kundër policisë.

Ndërsa nga ana tjetër, forcat e rendit janë kundërpërgjigjur me gaz lotsjellës. Skena të ngjashme u zhvilluan edhe në Selanik, ku një grup të rinjsh të maskuar sulmuan agjentët, të cilët ruanin zyrat e partisë në pushtet, Syriza./abcnews.al

PROTESTA-NE-LAZARAT-1280x720.jpg
ent ela15:03 | 18/09/2018

Një pjesë e banorëve të Lazaratit protestuan në fshatin e tyre. Ata pretendojnë se disa të burgosur për vrasjen e specialistit Ibrahim Basha, gjatë një aksioni policie në vitin 2015, mbahen në burg pa prova. Për këtë ngjarje janë arrestuar 11 te rinj. Vrajsa ndodhi mëngjesin e 24 qershorit të vitit 2015. Atë kohë policia hyri në Lazarat me pretendimin se disa të rinj po përgatiteshin për krime. Arrestimi i parë ishte ai i Xhulio Malos, i cili po drejtonte një makinë brenda së cilës u gjetën armë dhe drogë. Kur furgoni i forcave speciale po afrohej të bënte shoqërimin e Malos, u qëllua me armë zjarri nga 200 m largësi. Nga plumbat mbeti i vdekur në vend Ibrahim Basha dhe u plagosën Jetmir Isai dhe Perlat Hamitaj. /abcnews.al

https://youtu.be/ipDKEQn9oLQ

KURTI-PROTESTA-1280x720.jpg
ent ela14:32 | 18/09/2018

Kryetari i Lëvizjes “Vetëvendosje”, Albin Kurti ka konfirmuar ditën kur do të mbahet protesta e organizuar nga partia e tij për të kundërshtuar idenë e presidentit të Kosovës Hashim Thaçi, për korrigjimin e kufirit me Serbinë.

Në një konferencë për shtyp nga selia e Vetëvendosjes në Prishtinë Kurti u bëri apel qytetarëve që në 29 shtator, ora 14:00 të marrin pjesë në protestën paqësore në Prishtinë kundër presidentit Thaçit. Kreu i Vetëvendosjes akuzoi Thaçin se po mbron idenë e shkëmbimit të territoreve me Serbinë vetëm për interesat e tij personal. Ai shtoi se situata politike në Kosovë është e rëndë, sidomos nga vendimi i Presidentit Hashim Thaci për dialog me homologun e tij presidentin serb, pa mandat nga Kuvendi, pa parime për dialogun, pa ekip gjithëpërfshirës. Po ashtu, Kurti ka folur edhe për zgjedhje të reja, pasi sipas tij, situata socio-ekonomike në Kosovë është në gjendje të rëndë, për shkak të mungesës së progresit dhe keq qeverisjes nga Kryeministri Ramush Haradinaj. /abcnews.al

 

 

ELBASAN-PROTESTA-SHKOLLA.mpg_snapshot_00.09-1280x720.jpg
ent ela19:03 | 17/09/2018

Nxënësit e shkollës Mengel në Elbasan nuk shkuan në mësim ditën e parë të vitit arsimor. Ata protestuan në oborrin e shkollës së tyre, e cila është mbyllur për shkak të mungesës së sigurisë, por prindër dhe nxënës nuk pranojnë zhvendosjen në shkolla të tjera.

Këta nxënës që në numër janë afro 300 nuk shkuan në mesim ditën e parë. Bashkë me prindërit protestuan në oborrin e shkollës e cila u mbyll nga emergjencat për shkak të pasigurisë pas tërmetit.  Ata kundërshtojnë zhvendosjen në godina të tjera të Elbasanit, siç vendosi Drejtoria Arsimore

Fjala është për shkollën në fshatin Mengel të Elbasan, çështje e ngritur nga ABC News vetëm pak ditë më parë.

Nxënëse: Ne duam që të hapen shkolla jonë këtu, nuk duam të shkojmë në shkolla të tjera. Shkolla jonë për bukuri këtu, ato na çojnë në shkolla të tjera.

Prindërit thonë se do t’i lënë fëmijët pa mësim nëse nuk hapet shkolla e tyre. Dhe të vegjëlit  janë dakord

Prind 1: Të hapet shkolla është e gatshme pse të ikim ne atje, iku autobusi, s’iku autobusi, i mori i s’i mori, ndaloi apo ndaloi.

Prind 2: Bëjnë protestë për shkollë, shkolla është në këmbë pse na çojnë në Elbasan, derisa është shkolla.

Prind 3: Jo nuk i çojmë deri sa të hapet shkolla

Drejtoresha e shkollës pranoi shqetësimet e prinderve, por e ka cilësuar të papranueshme faktin që cënohet dita e parë e shkollës.

Drejtoresha: Drejtoria ka për qëllim që nxënësve t’u sigurojë ambjent për shkollë.

Projekti për rikonstruksion i është dërguar me kohë institucioneve përkatëse. Por kaluan dy vjet dhe infrastruktura e godinës është e njëjta. /abcnews.al

PROTESTA-AKSIDENTI-FIER.mpg_snapshot_00.02-1280x766.jpg
G. P.15:41 | 17/09/2018

Edhe pse kanë kaluar dy muaj nga aksidenti që i mori jetën vogëlushes 5 vjeçare në fshatin Kurjan të Roskovecit, familjarët e saj tregojnë se ende nuk është vënë në vend drejtësia. Ata kanë protestuar përpara Prokurorisë së Fierit, ndërsa pretendojnë se është manipuluar ekspertiza e aksidentit dhe për rrjedhojë drejtuesi i automjetit është liruar nga burgu.

Familjarët e pesë vjeçares që u vra në një aksident në 30 qershor, kërkojnë riekspertim të ngjarjes. Në ditën e parë të shkollës, ata protestuan para Prokurorisë së Fierit. Gjyshja e 5 vjeçares, Lumturi Metohu, mban foton e mbesës në dorë. Pranë saj është bashkëshorti Azmi Metohu. Pretendojnë për manipulim të ekspertizës së aksidentit dhe për rrjedhojë drejtuesi i automjetit u lirua nga burgu. Ata thonë se i kanë kërkuar ndihmë për drejtësi edhe kryeporkurores Arta Marku dhe kryemnistrit Edi Rama.

“Nuk më ka ardhur shteti për asgjë. Kërkojmë prokurorin, e kemi takuar dhe kërkuar sqarime. Na e ka dhënë. Kërkuam ekspertizën rrugore se kemi dyshime. Më shkon mendja na e ka vrarë me qëllim derisa ka qenë me 20 shpejtësi. E nxirrja vetë nga burgu, jo prokuroria se s’ka ardhur në vendngjarje. Ngjarjen e kam parë vetë. Kemi bërë edhe prova. Makina ishte me shpejtësi marramendëse. U bë zhurmë e madhe. Nuk kemi sqarimet që duam. Avokati i ka kërkuar informacione dhe i është dhënë jo e saktë. Duam riekspertim”.

Aksidenti me vdekje ndodhi në fshatin Kurjan të Roskovecit. Drejtuesi i mjetit tip ford, Leonard Abedinaj 41 vjeç, u ndalua nga policia, por më pas duket se ai nuk doli shkaktar i ngjarjes dhe u la i lirë. Ditën kur ndodhi aksidenti, në njoftimin e parë policia tha se vajza vdiq në spital. Por në një tjetër njoftim policia dhe spitali, dolën me deklaratën që fëmija dha shenja jete. Një ditë më pas vogëlushja u shua në spital në Tiranë./abcnews.al

b9393cf95e4ccaf94e7cf722a92c6dba.jpg
ent ela09:54 | 10/09/2018

Rusia është përfshirë nga protestat kundër reformës së pensionit, protesta këto të organizuara nga lideri i opozitës në vend Navalni. Sipas organizatave jo qeveritare, policia ka arrestuar më shumë se një mijë persona.

Më shumë se një mijë persona janë arrestuar nga policia në Rusi pasi morën pjesë në protestat kundërr rritjes së moshës së pensionit, të organizuara nga përfaqësuesi I opozitës Aleksei Navalni. Lajmi është konfirmuar nga organizatat jo qeveritare për mbrojtjen e të drejtave të njeriut. Sipas kësaj organizate, vetëm në Shën Petërburgu arrestuan 452 persona dhe 183 të tjerë në Ekaterinburg. Por të arrestuar ka pasur dhe në qytetet e Krasnodar, Perm, Moskë, Omsk e Kazan.

Në kryeqytetin rus mbështetësit e Navalni janë takuar në sheshin qendror Pushkin, ku numëroheshin deri në katër mijë perona. Më pas në grupe të vogla ata u drejtuan për në Kremlin. Mes parualalve më të shpeshta ishte ajo: Putin dil në pension, pikërisht para pallatit të senatit. Më pas policia ka ndërhyrë me forcë duke ushtruar dhe dhunë ndaj protestiesve. Mes të arrestuarve janë dhe shumë bashkëpunëtorë të Navalni.  /abcnews.al

GREQI-PROTESTA-ABCM4T1.mpg_snapshot_00.28-1280x720.jpg
G. P.16:33 | 09/09/2018

Protesta të ashpra në Greqi kundër shkurtimeve të reja në buxhet nga ana e qeverisë së Tsipras. Ky i fundit, nga ana e tij, ka premtuar rritje pagash dhe pensionesh por kjo nuk e ka qetësuar aspak situatën.

Rikthehen protestat kundër qeverisë dhe shkurtimit të buxhetit në Greqi. Përplasje të dhunshem ndodhën në Selanik ku katër mijë agjentë policie janë përballur me një manifestim para vizitës së kryeministrit grek Tsipras në qytet. Ky i fundit mori pjesë në një panair ndërkombëtar ku u takua me investues amerikanë të drejtuar nga sekretari amerikan për Ekonominë Uilbur Ros.

Tsipras i siguroi ata se vendi i tij është në një moment rimëkëmbjeje të plotë dhe të qëndrueshme ekonomike. Sindikatat kërkojnë rikthimin e asistencës për të papunët, por në manifestim kanë marrë pjesë dhe ekstremi i majtë dhe anarkistët.

Kryeministri grek, Aleksis Tsipras nga ana e tij premtoi se do të rriste pagat dhe pensionet muajt e ardhshëm si edhe do të ulte taksat, përderisa vendi kishte kryer reformat e kërkuara financiare dhe programi i daljes nga kriza kishte marrë fund. Tsipras tha se pritet që ekonomia greke të rritej 2,5% dhe se papunësia, që ka qenë 27,5%, aktualisht ishte 19%./abcnews.al

greqi.jpg
G. P.09:27 | 09/09/2018

Përplasje të ashpra mes nje grupi protestuesish dhe policise greke në Selanik. Pasditen e së shtunës policia përdori gaz lotsjellës dhe granata shurdhuese për të penguar një marshim qytetarësh që të arrinte deri në selinë e Panairit Ndërkombëtar në Selanik, aty ku pritej një fjalim nga Aleksis Tsipras. Kryeministri grek pritej të mbante një fjalim rreth programit ekonomik i qeverisë, i pari pas përfundimit të planit të ndihmës ndërkombëtare.

Përplasja mes një grupi protestuesish dhe policisë lokale ndodhi gjatë demonstratës së rreth 6 mijë personave, të cilët marshuan në qytetin e dytë më të madh grek kundër marrëveshjes midis Greqisë dhe Maqedonisë, në lidhje me emrin e ish republikës Jugosllave. Një grup prej protestuesve u përpoqën të çajnë bllokadën e forcave të rendit përballë qendrës së panaireve duke hedhur gurë dhe objekte të tjera, tha policia, e cila iu përgjigj po me dhunë ndërhyrjes së protestuesve. Ndërkohë në Selanik gjatë të shtunës ka patur dhe një protestë kundër masave shtrënguese, por sipas autoriteve lokale ajo kaloi pa probleme./abcnews.al

1111122121221-thumb-large-933x445.jpg
ent ela20:48 | 08/09/2018

Përplasje të ashpra mes një grupi protestuesish dhe policisë greke në Selanik. Pasditen e së shtunës policia përdori gaz lotsjellës dhe granata shurdhuese për të penguar një marshim qytetarësh që të arrinte deri në selinë e Panairit Ndërkombëtar në Selanik, aty ku pritej një fjalim nga Aleksis Tsipras. Kryeministri grek pritej të mbante një fjalim rreth programit ekonomik të qeverisë, i pari pas përfundimit të planit të ndihmës ndërkombëtare.

Përplasja mes një grupi protestuesish dhe policisë lokale ndodhi gjatë demonstratës së rreth 6 mijë personave, të cilët marshuan në qytetin e dytë më të madh grek kundër marrëveshjes midis Greqisë dhe Maqedonisë, në lidhje me emrin e ish republikës Jugosllave. Një grup prej protestuesve u përpoqën të çajnë bllokadën e forcave te rendit përballë qendrës së panaireve duke hedhur gurë dhe objekte të tjera, tha policia, e cila iu përgjigj po me dhunë ndërhyrjes së protestuesve. Ndërkohë në Selanik gjatë të shtunës ka patur dhe një protestë kundër masave shtrënguese, por sipas autoriteve lokale ajo kaloi pa probleme. /abcnews.al

 

KURTI-PROTESTAT-KOSOVE-1280x720.jpg
ent ela14:32 | 02/09/2018

Lëvizja Vetëvendosje ka paralajmëruar protesta të shumta në ditët në vijim për të kundërshtuar korrigjimin e kufijve me Serbinë. Kryetari Albin Kurti tha se manifestimet do të jenë paqësore dhe bëhen për të kundërshtuar nismën e presidentit Thaçi.

Kryetari i Lëvizjes Vetëvendosje, Albin Kurti, duke komentuar propozimin për korrigjimin e kufirit me Serbinë, u ka bërë thirrje anëtarëve të saj që të mobilizohen pasi në ditët dhe javët e ardhshme do të vendosen në krye të protestave qytetare dhe paqësore. Këto manifestime do të organizohen për “të ndalur krimin që po i bëhet Kosovës dhe popullit të saj”, njoftoi Kurti. Ai në mbledhjen e Këshillit të Përgjithshëm të Vetëvendosjes, nënvizoi se fatkeqësisht Kosova po kalon në një moment të vështirë.

Albin Kurti, Kryetari i Lëvizjes Vetëvendosje:  “Një udhëheqësi e kapur dhe e kriminalizuar, e udhëhequr nga Thaçi, po e nxjerr në shitje territorin e Kosovës për të fituar paprekshmërinë individuale. Ne këtë nuk duhet dhe nuk do ta lejojmë këtë pasi e kemi obligim historik dhe moral. Situata politike është ajo që ka nevojë për forcim të organizatës në ditët dhe javët e ardhshme do të vendosemi në krye të protestave qytetare dhe paqësore për ta ndalur këtë krim që po bëhet ndaj Kosovës dhe popullit tonë”.

Më tej Kurti theksoi se “Kosovës i takon Veriu i saj”, dhe sipas tij kjo është mbështetur nga 115 shtete. Gjithashtu kreu i Lëvizjes Vetëvendosje komentoi edhe idenë e bashkimit të Luginës së Preshevës me Kosovën.

Albin Kurti, Kryetari i Lëvizjes Vetëvendosje: “Lugina ka bërë edhe referendum edhe luftë për tu bashkuar me Kosovën, por Thaçi asnjëherë nuk e ngritit çështjen e tyre në Bruksel. Bisedimi me Serbinë pa njohje dhe pranim të krimeve të luftës e forcon faktorin ultranacionalist në Serbi”.

Në fund ai ripërsëriti se “ideja për shkëmbim territoresh që po quhet korrigjim kufirit, sjell ndarjen e Kosovës”. Gjithashtu tha se Presidenti Thaçi tani për tani është më i dobët se kurrë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono