protesta

POLICIA-NEKI-FETA-1280x720.jpg
ent ela14:42 | 18/06/2018

Gjatë përplasjeve të qytetarëve me policinë në Dibër, uniformat blu kanë shtyrë me forcë edhe gazetarin e ABC News, Neki Feta i cili ishte duke filmuar protestën. Siç shikoni dhe nga pamjet gazetari Neki Feta ishte afruar pranë protestuesve dhe po filmonte gjithçka po ndodhte mes atyre dhe policisë.

Ndërkohë njëri nga punonjësit e policisë dhe një civil u vërsulën dhe e tërhoqën larg vendit ku ai ndodhej. Gazetari Neki Feta qetësisht i ka kerkuar policit të largohet, sepse ishte duke bërë detyrën si gazetar. Më pas gjërat janë qetësuar dhe Feta ka vazhduar detyrën. /abcnews.al

DIBRANET-PROTESTE-RAMA.mpg_snapshot_00.44-1280x720.jpg
ent ela15:39 | 17/06/2018

Vizita e Kryeministrit Rama në Peshkopi e Klos është pritur me protesta nga anëtarë e mbështetës të Partisë Demokratike. Për disa çaste pjesëmarrësit në tubim u përplasën me policinë. Ndërsa fermerë të pranishëm në protestë në shenjë simbolike hodhën në Bulevard prodhiemet e tyre.

Demokratët e Dibrës e pritën kështu.

Me në krye deputetin e qarkut Xhemal Gjunkshi, mbështetësit demorkat iu drejtuan kordonit të policisë që ruante rrezen e takimit të kryeministrit me qytetarët e Peshkopisë, ose një pjese prej tyre.

Mes shtyrjeve trup më trup protestuesit zhvendosën kordonin e policisë, duke marrë edhe lëndime të lehta.

Fermerët hodhën prodhimet e tyre në rrugë në shenjë proteste për të simbolizuar pamundësinë për t’i nxjerrë produktet në treg.

Një koment, sigurisht zhvlerësues, kryeminsitri ia bëri protestuesve në takimin vijues nër Klos.

“Kur po vija këtu rrugës pashë nja 20-30 veta. Ata të shkretët s’kanë faj se kishin edhe një deputet njësoj si çingiet te filmi “Koncert në vitin 36”, Rama ik, Rama ik. Edhe Saliu kishte nxjerrë në fotografi: “Dibra e pret me protesta”. Vetëm se ky ia merr të keqen Albert Verrisë, se ky është 1000 herë më qesharak se roli i Albert Verrisë dhe këto çingiet e veta janë 1000 herë më qesharake se çingiet e Albert Verrisë”.

Demokratët denoncuan ardhjen e autobusëve me njerëz nga Burreli dhe Bulqiza për takimet e kryeministrit Rama në Dibër. /abcnews.al

35123774_10214334374612195_6935719670133555200_n-1280x960.jpg
ent ela20:39 | 12/06/2018

Edhe pasditen e të martës, të rinjtë e PD e LSI kanë vijuar protestën simbolike para ministrisë së brendshme me thirrjet se Rama, Xhafaj e Tahiri, janë pengesa kryesore për integrimin në Bashkimin Europian dhe për hapjen e negociatave të anëtarësimit. Simbolika e protestës, ishte një listë me kriteret, sipas tyre të përdorura në këto 5 vite nga Edi Rama, për të përzgjedhur ministrat, deputetët, kryetarët e bashkive e drejtorët e administratës, ku spikasin dënimet për trafik droge, prostitucion e vrasje. Me të tillë të zgjedhur sipas të rinjve, Edi Rama po mban peng të ardhmen e Shqipërisë, ndërsa të rinjtë e të mirëarsimuarit po emigrojnë pa shpresë, pasi kryeministri ua la Shqipërinë në dorë kriminelëve e trafikantëve.

Gjatë ditës policia e Tiranës bëri të ditur se ka nisur procedim penal, ndaj 25 të rinjve, pjesëmarrës në protestën e të hënës para ministrisë së brendshme e kryeministrisë,  për  “organizim dhe pjesëmarrje në manifestime të paligjshme” dhe për “prishje të rendit dhe qetësisë publike. /abcnews.al

ministri.jpg
gra moz21:24 | 05/06/2018

Të rinjtë e Forumin Rinor të Partisë Demokratike kanë protestuar përsëri përpara Ministrisë së Brendshme. Mesazhi që kanë përcjellë këtë të martë është gjetja e zgjidhjes për të ndaluar emigrimin e shqiptarëve. FRPD propozon të dërgohen në emigracion Kryeministri Edi Rama, ministri i Brendshëm, Fatmir Xhafaj, ish-ministri Saimir Tahiri dhe të gjithë ata që të rinjtë demokratë i konsiderojnë si shpura e rilindjes. Me parulla në duar ata kanë përsëritur kërkesën për dorëheqjen e ministrit Fatmir Xhafaj./abcnews.al

protesta.jpg
gra moz12:30 | 03/06/2018

Në një protestë, të cilësuar madhështore, opozita në Maqedoni ka kërkuar zgjedhje të parakohshme. Gjithashtu VMRO-DPMNE nënvizon se shqiptarët nuk kanë nevojë për ligjin e gjuhëve, por atyre u duhet zhvillim ekonomik.

Dhjetëra mijëra qytetarë të Maqedonisë protestuan përpara godinës së qeverisë në një manifestim të organizuar nga partia kryesore opozitare, VMRO-DPMNE. Kërkesa e tyre kryesore ishte e qartë: zgjedhje të parakohshme parlamentare, të cilat mund të mbahen së bashku me zgjedhjet presidenciale të vitit të ardhshëm.

Por kjo kërkesë është rrëzuar nga Lidhja Social Demokrate në pushtet, që nënvizon se VMRO-DPMNE prej 12 vitesh lëshon të njëjtat mesazhe. Pavarësisht kundërshtimit të qeverisë, forca opozitare që drejtohet nga Hristian Mickoski vijon të kërkojë zgjedhje të parakohëshme duke thënë se për të garantuar kushte të barabarta duhet një qeveri teknike 100 ditë para datës së zgjedhjeve si dhe zgjedhjen e kryetarit të Komisionit Shtetëror Zgjedhor me propozimin e opozitës.

Gjatë tubimit, lideri i opozitës mbajti edhe një fjalim nacionalist duke thënë se Maqedonia i përket qytetarëve të Maqedonisë. Ndërsa pati edhe një koment për kërkesat e shqiptarëve. Mickoski u shpreh se qytetarët shqiptarë nuk kanë nevojë për ligj antikushtetues për gjuhët, por vendit, atyre dhe qytetarëve të tjerë u duhet zhvillim ekonomik.

Në protestë, lideri opozitar bëri të qartë se VMRO-DPMNE nuk do të mbështesë ndryshimet kushtetuese të kërkuara nga Greqia për zgjidhjen e çështjes së emrit.

“Nuk pranojmë të ndryshojmë Kushtetutën. Ne nuk frikësohemi nga tradhtarët. Nuk pranojmë të luhet me dinjitetin tonë. Ne si VMRO do të mbrojmë atdheun. Kjo qeveri duhet të bjerë”, nënvizoi ai.

Më tej akuzoi ekzekutivin e kryeministrit Zoran Zaev, duke thënë se nuk ka mbajtur premtimet e dhëna./abcnews.al

greva.jpg
gra moz11:40 | 30/05/2018

Greqia është përfshirë nga një grevë e përgjithshme, e cila ka paralizuar vendin. Protestuesit  kundërshtojnë masat e reja shtrënguese të miratuara nga qeveria, mes të cilave rritja e taksave dhe reduktimi i pensioneve.

Pikat e kalimit kufitar me Greqinë nuk do të funksionojnë për 24 orë për shkak të grevës së përgjithshme që ka paralizuar vendin. Autoritetet në Kapshticë konfirmuan se puna është ndërprerë në orën 07:00 të së mërkurës, e do të rifillojë pas 24 orësh, të enjten e 31 Majit. Bëhet e ditur se gjatë këtyre orëve nuk do të lejohet kalimi i mjeteve, por vetëm kalimi i këmbësorëve. Por të bllokuara do të jenë dhe pikat e tjera kufitare me Greqinë, në Kakavijë dhe Tre Urat.

Sindikata e punonjësve të ministrisë së Financave të Greqisë, njoftoi se do t’i bashkohet thirrjes së sindikatave të pavarura të Greqisë, në grevën e përgjithshme që ka përfshirë vendin fqinj. Sipas sindikatës, në grevë do të marrin pjesë edhe doganierët, ndaj gjatë datës 30 Maj, pritet të pezullohen të gjitha kalimet e automjeteve dhe kamionëve në pikat kufitare të Greqisë me Shqipërinë, Maqedoninë dhe Turqinë, ndërsa me Bullgarinë lëvizja e autoveturave do të lejohet, por jo e kamionëve.

Greva do pezullojë lëvizjen në porte dhe aeroporte, si dhe spitalet dhe shërbimet civile. Edhe mjekët thanë se do të protestojnë, ndërsa mjetet e transportit publik do të pezullojnë lëvizjen.

Protestuesit kundërshtojnë masat shtrënguese të aprovuara nga qeveria e kryeministrit Tsipras. Që nga fillimi i krizës financiare që gjunjëzoi vendin në 2009-n, Greqia ka marrë 260 miliardë euro në formë kredie në shkëmbim të implementimit të masave shtrënguese në sektorin publik, ngritjen e taksave dhe reduktimin e pensioneve. Edhe gazetarët i janë bashkuar kësaj greve duke anuluar edicionet e lajmeve./abcnews.al

EDMOND-SPAHO-DENONCIMET-1280x720.jpg
ent ela21:30 | 28/05/2018

Kryetari i grupit parlamentar të PD, Edmond Spaho paralajmëron se opozita do publikojë edhe të tjera të dhëna kompromentuese për ministra të qeverisë, që ilustrojnë akuzat e saj. Spaho tha se në mbledhjen e grupit parlamentar është vendosur që protestat do vazhdojnë e madje edhe të zgjatura në kohë.

Spaho: Do të ketë edhe protesta të mëdha e të zgjatura në kohë, por do të duhet të punojmë fort me opinionin publik për ta ndërgjegjësuar të marrë pjesë në protestë e të rezistojë deri sa qeveria të dorëzohet.

Milori: Keni materiale kompromentuese për qeverinë?

Spaho: Janë shfaqur pafund , vetëm me këto që janë shfaqur çdo lloj qeveri do kishte rënë. Për të tjerat në kohën e vendin e duhur do i bëhen me dije opinionit publik.

Milori: Këto materiale kanë të bëjne më misnitra apo të afërm
Spaho: Ka për të gjithë palët, edhe për kryetarët e bashkive edhe ministrat që negociojnë me kriminelë për shit-blerje vote.

Milori: I keni këto materiale?

Spaho: Besoj se kjo përgjigje që dhashë mjafton. /abcnews.al

kamiona.jpg
gra moz14:15 | 28/05/2018

Prej gati një jave, Brazili është i paralizuar nga greva e kamionistëve e cila i ka kushtuar shtetit një dëm ekonomik prej gati 3 miliardë dollarësh. Presidenti i vendit Temer deklaroi se është i gatshëm të bëjë marrëveshje me kamionistët sidomos rreth uljes së çmimit të karburantëve.

Greva e kamionistëve që po paralizon Brazilin prej një jave ka shkaktuar një dëm ekonomik prej rreth 3 miliardë dollarësh sipas të dhënave të publikuara sot nga mediat braziliane.

Sipas ministrisë së Transportit në vend, rreth 40 përqind e akitiviteteve në sektor janë ende të bllokuara duke shkaktuar një humbje prej 650 milionë dollarësh. Kësaj humbjeje i shtohen edhe 500 milionë dollarë dëm në sektorin e mishit, 335 milionë dollarë në industrinë e automjeteve dhe 237 milionë dollarë në sektorin farmaceutik.

Është ende e vështirë që të llogaritet humbja për kompanitë ajrore pasi protesta e kamionistëve bëri të pamundur furnizimin me karburant në 14 aeroporte të vendit.

Presidenti brazilian, Mishel Temer, konfirmoi se ishte i gatshëm të bënte një sërë lëshimesh në listën e këkesave të kamionistëve në grevë, sidomos përsa i përket çmimit të karburantit. Kjo për të arritur një marrëveshje që do të garantonte përfundimin e bllokimit të rrugëve./abcnews.al

batice-manifestuesish.jpg
gra moz11:03 | 27/05/2018

Dhjetëra mijëra persona kanë protestuar pasditen e së shtunës në Paris, kundër reformave ekonomike të Presidentit Emmanuel Macron. Gjatë manifestimit janë verifikuar konfrontime të qytetarëve me policinë, e cila ka arrestuar disa dhjetëra persona.

Sipas organizatorëve, në protestën e koduar “Batica Popullore” kanë marrë pjesë rreth 80 mijë vetë, ndërsa sipas policisë, të pranishmit kanë qenë vetëm 21 mijë. Nga mediat lokale mësohet se 15 persona janë arrestuar nga policia gjatë kontrolleve para nisjes së tubimit, ndërsa 35 të tjerë janë ndaluar më vonë për armëmbajtje, rezistencë ndaj policisë dhe për akte të dhunshme ndaj saj.

Në fakt, manifestuesit hodhën gurë dhe objekte të forta ndaj forcave të rendit, të cilat reaguan me gaz lotësjellës. Sindikatat franceze dhe aktivistët e krahut të majtë thonë se Macron po redukton të drejtat e punëtorëve. Por kreu i shtetit insiston se reformat e tij synojnë forcimin e Francës në konkurrencën globale./abcnews.al

BASHA-NE-SPITAL-1280x720.jpg
ent ela17:59 | 26/05/2018

Kreu i opozitës Lulzim Basha, pasi falenderoi protestuesit nga selia blu, lajmëroi vizitën në spitalin e Traumës për të parë nga afër gjendjen e të lënduarve gjatë protestës.

Momenti i fiksuar nga kamerat tregon kryeredaktorin e gazetës Rilindja Demokratike teksa goditet nga policia. Kryeredaktori tregon për mediat momentin.

“Më kanë goditur herën e parë  njëri me dy shkopa gome diku në anën e majtë të kokës. Aty nuk pata çarje për momentin. Pastaj ishte dikush tjetër që nuk munda ta fiksoj dot, për shkak të hematomës dhe plagës që mora. Menjëherë më ka goditur tre herë kokës këtu. (tregon në kokë) Në atë moment humba edhe shikimin, s’munda të shihja asgjë tjetër, vetëm sa jam tërhequr”- u shpreh Bledi Kasmi.

Lulzim Basha: “Ishte një protestë paqësore, ishte një protestë e qetë, europiane, qytetare dhe nuk pati për asnjë moment dhune ndaj organeve të rendit. Dhuna e ushtruar ndaj Bledi Kasmit dhe ndaj protestuesve të tjerë është treguesi më i mirë se si policia është dhe do të jetë në shërbim të familjes mafioze Xhafaj, të vëllezerve Xhafaj sa kohë që Fatmir Xhafaj është ministër i Brendshëm”.

Mjeku që ndoqi gjendjen e të lënduarve tha se 9 policë dhe 1 gazetar janë paraqitur pranë spitalit të Traumës për të marrë ndihmë mjekësore.

Nga ana e saj policia njoftoi se 11 efektivë të policisë kanë marrë lëndime gjatë kësaj proteste dhe po marrin ndihmë mjekësore po në Spitalin e Traumës. abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono