prona

70e73016-1552-44e6-b800-9c274cffad00.jpg
R D16:00 | 20/02/2020

SPAK ka dorëzuar në Gjykatën Speciale kërkesën për të sekuestruar pronat e Doçajve pasi këta të fundit, nuk iu përgjigjen OFL-së për justifikimin e pasurisë. Abc News ka siguruar kërkesën që SPAK  ka dorëzuar në GJKKO për sekuestrimin e shtëpive, makinave, tokave të familjes Doçi nga Shkodra.

Kësisoj, kërkohet sekeustrimi i një banese 3 kateshe në Shkodër, banesë dy kateshe po në Shkoder, Mercedes-Benz vit-prodhimi 2012, BMW e blinduar, toke are, toke truall në Shkoder.  Gjithsej 8 prona që dyshohet se kanë ardhur nga burime financiare të paligjshme, kriminale.

Gentian Doci është person i shpallur në kërkim, i dyshuar si organizator i rrëmbimit të Jan Prengës. Nga përgjimet rezulton nje bisedë e Docit me Astrit Prengën, të cilin e kërcënon me jetën e të vëllait, nëse nuk kthehej sasia e kokainës. /abcnews.al

Lexo edhe: PAMJET nga brenda “kështjellave”/ OFL-të “godasin” Bajrajt e Doçin, tek vilat luksoze s’hyn as dielli

Rrëmbimi i Jan Prengës u urdhërua nga një burg në Ekuador, Doçi i shpëton RENEA-s në Shkodër

Screenshot_2-2.png
R D14:10 | 04/02/2020

Operacioni Forca e Ligjit po zhvillon dy aksione paralele sot  në qytetin  (e  Shkodres) dhe në qytetin e Elbasanit.

Burimet thanë se pas paralajmërimit publik, OFL do të dorëzojë formularin në familjen Çapja në Elbasan.

Policia i kërkoi Lulzim Berishës dhe Ardian Çapjes  që të justifikonin pasurinë brenda 48 orëve, në të kundërt do t’u sekuestrohej. Në një deklarate per mediat thuhej: “Ardian Çapja, 52 vjeç, i arrestuar në flagrancë për veprat penale ”Vrasja e punonjësve të policisë, e mbetur në tentativë” dhe “Armëmbajtja pa leje”. Ky shtetas dyshohet si organizator i një sërë vrasjesh të ndodhura në qytetin e Elbasanit për motive hakmarrjeje. Dyshohet se ky shtetas, së bashku me të afërm të tij ka kryer vrasje me pagesë, në periudhën 2009-2016”.

“Si subjekt i Ligjit Special, ky individ duhet të përgjigjet me shkrim, brenda 48 orësh, të gjitha pyetjeve të OFL-së. Më pas, përgjigjet e marra do t’i dërgohen SPAK-ut, i cili brenda jo më shumë se 15 ditësh, duhet të vlerësojë dosjen e përgatitur nga OFL-ja mbi aktivitetin kriminal të këtyre subjekteve, si edhe pasurinë e tyre”. /abcnews.al

1e08456c-2e3e-4524-ab11-053e739aff851.jpg
nev ila18:08 | 29/01/2020

Gjykata e Apelit të Durrësit ka dhënë këtë të mërkurë masën e sigurisë për të dyshuarit të cilët u arrestuar në fillim të muajit janar, si të dyshuar që lejuan ndërtime pa leje në zonën e qytetit bregdetar, të Manzës dhe Shijakut, zonë e goditur nga tërmeti i 26 nëntorit.

Gjykata ka lënë në burg vetëm 4 prej të arrestuarve, nga 18 që ishin në fillim, të akuzuar për abuzim me pronat. Mes të arrestuarve kishte punonjës policie dhe ndërtues, të cilët akuzoheshin për abuzime dhe mitmarrje.

Mësohet se në burg kanë ngelur Dëshir Dakoli me detyrë ndihmës specialist/SPZ, në Komisariatin e Policisë Durrës, Haxhi Sherra ndihmës specialist Komisariati Shijak, Ermal Petova OPGj Manzë,  Agim Osmani ndihmës specialist policia Durrës.

Janë lënë të lirë nga Apeli:

Besnik Domi, Shef i Rendit, Shijak

Sami Xhafa, Shefi i Policisë, Manzë

Nikollë Marku, OPGj, Manzë

Petrit Neziri, Ndihmës specialist Policia, Manëz

Ndriçim Shika, Ndihmës specialist Policia, Shijak

Gjergji Gerco, Sekretar i Njësisë Administrative, Sukth

Jul Kacadej, Specialist IMT Shijak

Marjus Shaini, Kryeinspektor IMT, Shijak

Adem Lika është lenë i lirë. Ndërkohë nuk eshte paraqitur kerkese per shqyrtim per masen e sigurise per shtetasit Dritan Koçi, Paulin Meta, Alben Disk, Qerim Doka dhe Gjon Zefi, ndersa vijon të jetë në kërkim Gani Dama, Polic parrulle.

Ndërkohë kujtojmë se të pandehurit janë arrestuar në fillim të këtij muaji, pasi sipas policisë kishin krijuar një mekanizëm korruptiv me qëllim përfitimin e parave, për ndërtime të shumta të paligjshme si objekte banimi, magazina, objekte biznesi etj./abcnews.al

Ambulanca1-640x384.gif
ent ela10:52 | 27/10/2019

Babë e bijë përfunduan në spital, kurse tre vëllezër në një familje në fshatin Zall Lusen të Kukësit përfunduan në pranga. Sherri ka ndodhur pas një konflikti për pronën.

Por, ndërhyrja e policisë parandaloi përshkallezimin e konfliktit. Ndërkohë, bashkëpunëtori i vëllezërve është në kërkim. Të plagosurit kanë marrë ndihmën mjekësore në spital dhe ndodhen jashtë rrezikut për jetën. Të arrestuarit akuzohen për plagosje të rënde me dashje dhe armëmbajtje pa leje. /abcnews.al

taksa-e-nderteses.jpg
ad min14:47 | 12/09/2019

Në një muaj rreth 20 mijë banorë të kryeqytetit deklaruan pranë zyrave të Ujësjellësit të dhënat për banesën, me qëllim përllogaritjen e taksës së pronës. Për shkak të fluksit të qytetarëve nësportele, Ujësjellës Kanalizimet në Tiranë kanë shtyrë deri më 30 Tetor afatin e vetëdeklarimit.

Banorët e Tiranës kanë dhe rreth një muaj e gjysmë kohë për të vetëdeklaruar të dhënat e banesës. Ato nevojiten për të llogaritur taksën e pronës në bazë të vlerës dhe që do të aplikohet në faturën e ujit.

Ujësjellës Kanalizimet kanë shtyre afatin deri më 30 Tetor. Arsyeja është fluksi i qytetarëve nëpër sportele. Për rreth një muaj gati 20 mijë persona kanë kryer vetëdeklarimin e banesës në 14 pikat e UKT-së në kryeqytet.

Për të kryer vetëdeklarimin e banesës qytetarët duhet të kenë me vete kartën e identitetit, dokumentin e pronësisë, certifikatë ose kontratë shitblerje apo dokumentin e ALUIZNI-t.

Vetëdeklarimi i kryer nga qytetarët do të verifikohet nga punonjësit e ujësjellësit me ato të Hipotekave apo ALUIZNI-t nëse banesa është në proces legalizmi. Në rast se vlerat do rezultojnë të ndryshme taksa do të bazohet në shifrën më të lartë.

Taksa vjetore që llogaritet duke shumëzuar sipërfaqen e apartamentit dhe çmimin e vlerësimit, me pas me shkallën në përqindje të taksës së miratuar me ligj për kategorinë e ndërtesave për banim 0.05%.

Ajo paguhet për shtëpitë, garazhet e mbyllura e bodrumet.  Prej saj përjashtohen pensionistët, personat që trajtohen me ndihmë ekonomike, banesat sociale dhe ndërtesat në funksion të komuniteteve fetare./ABC News Albania 24/7

peze-1280x720.jpg
ad min09:15 | 17/06/2019

Sekuestrohen 1.5 milionë euro pasuri në pronësi të Admir Murataj dhe familjarëve të tij. Sipas policisë, sekuestrimi i pasurisë është bërë në kuadër të luftës kundër krimit të organizuar, ku në kuadër të ligjit anti-mafia të prekur janë edhe dy vëllezërit e të ndjerit Shpëtim dhe Can Murataj si edhe ish-gruaja e tij Albana.

Rreth 1.5 milionë euro është vlera e sekuestrimit me vendim të Gjykatës së Krimeve të Rënda për pasuritë që zotëron familja e të ndjerit Admir Murataj. 46-vjeçari akuzohet nga prokuroria si organizatori i supergrabitjes së 9 Prillit të ndodhur brenda pistës së Rinasit, ku u morën rreth 5 milionë euro.

Murataj humbi jetën gjatë shkëmbimit të zjarrit me punonjësit e policinë, ndërsa emri i tij lidhet edhe me dy grabitjet tjera të autoblindave me para të ndodhura në vitet 2015 dhe 2017 në rrugën përgjatë aeroportit të Rinasit.

Nga pronat e sekuestruara, disa janë në pronësi të vetë Admirit, dhe një apartament në pronësi të bashkëshortes së tij, Albana. Ndërkohë, makinat e konfiskuara janë në pronësi të vëllait të viktimës, Can Murataj.

Gjatë njoftimit të policisë, thuhet se pasuritë e paluajtshme dhe të luajtshme që zotërohen nga anëtarët e tjerë të familjes Murataj dyshohet se janë përfituar nga aktivitetet kriminale, që ka kryer edhe në Greqi Admiri.

Fillimisht sekuestrimi i këtyre aseteve u bë mbi dyshimet se vinin nga aktiviteti të jashtëligjshme, ndërkohë Departamenti i Policisë Kriminale ka dyshime se një pjesë e mirë e pasurive të tjera të Admir Murataj dhe familjarëve të tij të jenë regjistruar në emër të personave të tjerë për t’i shpëtuar sekuestrimit.

Pasuritë e sekuestruara janë lënë në administrim të Agjencisë së Administrimit të Pasurive të Sekuestruara. Në kuadër të ligjit anti-mafia, në skaner janë edhe pasuritë e dy vëllezërve Çala, Klement dhe Eldi Çala, të cilët akuzohen gjithashtu nga Prokuroria e Krimeve të Rënda, si pjesëmarrjen nga grabitjen e dy mujve më parë në Rinas.

/ABC News Albania 24/7

prona.jpg
ent ela17:15 | 13/06/2019

Në të gjithë vendin ka nisur procesi i korrigjimit të kartelave pasurore që pasqyrojnë pronat bashkëshortore, por janë të regjistruara vetëm në emër të njërit prej bashkëshortëve. Specialistët e Agjencisë Shtetërore të Kadastrës shpjeguan në një interviste për ABC News rrugën që duhet të ndjekin qytetarët.

Nëse keni përfituar një prone gjatë martesës, por ajo është e regjistruar vetëm në emër të bashkëshortit ju mund të kërkoni korrigjimin e kartelës së pasurisë.

Drejtori i Agjencisë Shtetërore të Kadastrës Artan Lame ka nxjerrë një urdhër të posaçëm për rregullimin e pasaktësive në pronat bashkëshortore ashtu siç parashikon legjislacioni në fuqi.

Procesi iniciohet me kërkesë të qytetarit.

“Duhet të bëjnë kërkesë për korrigjim. Më pas drejtorët e Kadastrës kanë marrë masat për të konstatuar nëse këto prona janë pjesë e pasurive martesore ose jo, verifikohet data sipas certifikatës familjare.

Të gjitha pasuritë e përfituara nga viti 1981 kur ka hyrë në fuqi kodi civil deri në 2003 kur është miratuar kodi i familjes konsiderohen pasuri të fituara gjatë regjimit martesor, pavarësisht mënyrës së përfitimit të tyre”.

Korigjimi i kartelës në favor të dy bashkëshorteve nuk shoqërohet me pagesë të tatimit të kalimit të pronësisë.

“Ky korrigjim nuk përbën kalim të së drejtës së pronësisë është pasurim të dhënash në kartele nuk i nënshtrohet tatimit të kalimit të pronësisë”.

Ndërkohë procesi nuk mund të kryhet në të gjithë rastet. Përjashtimet i shpjegon drejtoresha e Sektorit Tekniko-Ligjor në Agjencinë Shtetërore të Kadastrës.

“Janë kryer transaksione juridike, është bërë tjetërsimi i pronës, por dhe në rastet e familjeve bujqësore”.

Zyrat e Regjistrimi të Pasurive të Paluajtshme ndër vite pronat i regjistronin në emër të personit që iu paraqitej në sportel dhe jo në pronësi të dy bashkëshortëve siç parashikohet në Kodin e Familjes./ABC News Albania 24/7

kadastra.jpg
ad min13:48 | 24/05/2019

Drejtori i Përgjithshëm i Kadastrës, Artan Lame u bëri thirrje qytetarëve gjatë premtes që duke filluar nga dita e hënë të dorëzojnë dokumentacionin për të regjistruar banesat apo trojet e tyre. Ai tha se janë 12 deri në 13 mijë banesa të paregjistruara, ku rekordin e mban Saranda me rreth 3500 troje me probleme.

Në të gjithë vendin janë rreth 12 deri në 13 mijë banesa dhe troje të paregjistruara dhe me probleme. Këtë e bëri të ditur vetë drejtori i Përgjithshëm i Kadastrës, Artan Lame gjatë një deklaratë për mediat, I cili theksoi se Saranda mban edhe rekordin me plot 3500 troje të paregjistruara.

 “Sot në të gjithë vendin janë 12-13 mijë banesa dhe troje në këtë situatë absurde, ku rekordin e mban Saranda me rreth 3500 troje të dhëna në këtë mënyrë. Të tilla troje ka me shumicë edhe në Gjirokastër, Përmet, Kolonjë, Tepelenë, Berat, Fier, Elbasan, Lezhë, Kukës, Shkodër etj. E them me përgjegjësi se në një pjesë të  këtyre rasteve procesi i dhënies së trojeve ka qenë i parregullt dhe i paligjshëm. Faji nuk është i qytetarëve, por i njësive vendore apo kryetarëve të bashkive që i kanë hyrë këtyre aventurave që ende e kësaj ditë i paguajnë banorët”.

Drejtori i Përgjithshëm i Kadastrës, Lame i bëri thirrje të gjithë qytetarëve që duke filluar nga e hëna të dorëzojnë dokumentacionin përkatës për të ligjëruar pronat dhe trojet e tyre, por nuk la jashtë vemendjës edhe protestën e opozitës.

“Nesër qytetarët mund të shkojnë, ata që janë të interesuar të ndjekin edhe protestën e opozitës, por të hënën të fillojnë të plotësojnë  dokumentacionin përkatës me qëllim që të ligjërojnë banësën dhe truallin e tyre pranë zyrave tona të Kadastrës”.

Agjensia e Kadastrës e sapo krijuar konsiderohet tashmë si themeli i reformës së pronës, e cila është në varësi të Kryeministrit./ABC News Albania 24/7

prokuroriaa.jpg
nev ila19:03 | 08/05/2019

Zbardhet skema e tjetërsimit abuziv të pronave në zonën e Kasharit, që çoi në arrestimin e pesë personave, mes të cilëve dhe tre ish-zyrtarë të komunës periferike të kryeqytetit. Paraditen e së enjtes, 5 personat e vënë në pranga do të dalin para gjykatës për të marrë masën e sigurisë.

Ish-kryekomunari i Kasharit, Besnik Fuçia dhe katër të arrestuarit e tjerë së bashku me të, të dyshuar për abuzime me pronat në zonën periferike të kryeqytetit do të dalin të enjten para Gjykatës së Tiranës. Prokuroria pritet të kërkojë arrest me burg vetëm për administratorin Stefan Çaushin dhe mbesën e tij, Teuta Shehaj. Ndërsa për Besnik Fuçinë dhe dy zyrtarët e tjerë, organi i akuzës pritet të kërkojë masën e sigurisë detyrim paraqitje.

Tre ditë më parë, Prokuroria e Tiranës ka firmosur pesë urdhër arreste pas një hetimi disa mujor për një skemë tjetërsimi pronash me anë të falsifikimeve në Tiranë. Të arrestuarit akuzohen për mashtrim dhe falsifikim të dokumenteve të pronësisë të dy pallateve në zonën e Yzberishtit. Në rrjetën e prokurorisë ranë ish-kreu i Komunës së Kasharit, Besnik Fuçia , ish-Përgjegjësi i Zyrës së Planifikimit dhe Kontrollit të Zhvillimit të Territorit, Jurgen Memisha, administratori dhe ortak i firmës Ina 2004 Stefan Caushi, Vjollca Pani Sekretare e Zyrës së Planifikimit dhe Kontrollit të Zhvillimit të Territorit si dhe inxhinierja, Miranda Dyrmisha, Kolaudatore.

Ndërtuesi Arben Petriti është ai i cili ka bërë dhe denoncimin në prokurori. Nga hetimet e kryera rezulton se dy ndërtuesit, Stefan Çaushi dhe Arben Petriti kishin rënë dakord për ndërtimin e dy pallateve me ndarjen e pronësisë 50% me 50%. Por pronësinë e dy pallateve në fjalë e ka përfituar vetëm ndërtuesi Stefan Caushi, pas falsifikimeve dhe tjetërsimeve që u janë bërë dokumenteve të pronësisë.

Sipas burimeve, Fuçia ka dërguar në ZRPP një shkresë përcjellëse ku thuhej se sipërfaqja e tokës dhe objekti duhej të regjistrohej në emër të administratorit Stefan Çaushit./ABC News Albania 24/7

policia-e-durresit.jpg
ad min08:33 | 15/03/2019

Prona u bë shkaku për plagosjen e një 60-vjeçari në Kavajë, në orët e para të mëngjesit të së premtes. Pas një konflikti të ashpër, autori, një 26- vjeçar, qëlloi me armë gjahu 60-vjeçarin Esat Kotorri.

Ngjarja ndodhi në vendin e quajtur “Kafja e Romës”. Policia mbërriti menjëherë në vendngjarje dhe ka arrestoi të riun, ndërsa i plagosuri ndodhet nën kujdesin e mjekëve, jashtë rrezikut për jetën./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono