prokuroria

anita-jella11.png
nev ila15:33 | 25/02/2020

Në fillim të shkurtit ONM i kërkoi Komisionerit Publik të ankimojë vendimin për drejtuesen e Prokurorisë së Durrësit dhe kandidate për SPAK Anita Jella pasi subjekti i rivlerësimit nuk arrin nivel të besueshëm për konfirmimin në detyrë.

Ndërkohë sot, Komisioneri Publik ka njoftuar se ndan të njëjtin qëndrim me rekomandimin e ONM-së dhe ka paraqitur ankimim në Kolegjin e Posacëm të Ankimimit për Anita Jellën, drejtuese e prokurorisë së Durrësit.

Komisioneri Publik ashtu si dhe ONM, ka ardhur në përfundimin se drejtuesja e Prokurorisë së durrësit Anita Jella nuk i plotëson kushtet dhe kriteret për tu konfirmuar në detyrë dhe ka kërkuar nga KPA shkarkimin e saj nga ky funksion.

Anita Jella është një ndër 15 prokurorët e zgjedhur nga Këshilli i Lartë i Prokurorisë për të qenë pjesë e Prokurorisë së Posaçme kundër Korrupsionit dhe Krimit të Organizuar, SPAK dhe procesi i vetingut është hallka e fundit që i duhet për t’u emëruar në këtë post.

Njoftimi i plotë:

“Komisioneri Publik, brenda afatit ligjor, ushtroi ankim në Kolegjin e Posaçëm të Apelimit, pranë Gjykatës Kushtetuese, kundër vendimit nr. 221, datë 10.12.2019, të Komisionit të Pavarur të Kualifikimit, për subjektin e rivlerësimit, znj. Anita Jella, me funksion prokurore/Drejtuese në Prokurorinë pranë Gjykatës së Shkallës së Parë, Durrës.

Nisur nga parashikimi i nenit 179/b, pika 5, të Kushtetutës dhe aneksit të saj, konsiderojmë se, ndryshe nga sa disponon Komisioni i Pavarur i Kualifikimit për të tria kriteret e rivlerësimit, referuar gjendjes së fakteve dhe provave, në rastin konkret dhe të ligjit të zbatueshëm, Komisioneri Publik ndan gjykim të kundërt, pasi vlerëson se subjekti i rivlerësimit nuk arrin nivel të besueshëm për konfirmimin në detyrë.

Komisioneri Publik, pasi vlerësoi të drejtë dhe ndan të njëjtin qëndrim me rekomandimin e ONM-së, gjetjen dhe opinionin e vëzhguesit ndërkombëtar, kërkon nga Kolegji i Posaçëm i Apelimit të mundësojë trajtimin e këtij ankimi me prioritet në kohë, si dhe në zbatim të nenit 66, pika 1, germa “b”, të ligjit nr. 84/2016, dhe në përfundim të shqyrtimit të çështjes në seancë publike, të vendosë ndryshimin e vendimit nr. 221, datë 10.12.2019, të Komisionit të Pavarur të Kualifikimit, dhe shkarkimin nga detyra të subjektit të rivlerësimit, znj. Anita Jella.

Mbështetur në pikën 1, të nenit 16, të rregullores së Institucionit të Komisionerëve Publikë, ankimi është publikuar në faqen zyrtare të këtij institucioni: http://ikp.al/ankime/

Institucioni i Komisionerëve Publikë është ngritur dhe funksionon në bazë të nenit 179/b dhe aneksit të Kushtetutës së Republikës së Shqipërisë dhe ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”.

Komisionerët Publikë përfaqësojnë interesin publik gjatë procesit të rivlerësimit kalimtar të gjyqtarëve dhe prokurorëve në Republikën e Shqipërisë”./abcnews.al

maskat-vlore-1280x713.jpg
nev ila12:56 | 25/02/2020

Frika dhe paniku nga virusi Covid ose Koronavirusi ka bërë që gjithë qytetarët të drejtohen në masë drejt farmacive dhe të blejnë maska mbrojtëse dhe dezinfektant.

Gjatë këtyre orëve të fundit janë raportuar se çmimet e këtyre produkteve mjekësore janë shumëfishuar. Gjithsesi ministria e shëndetësisë deklaroi se është duke monitoruar situatën në lidhje me çmimet edhe pse farmacitë janë treg privat.

 

Për këtë shqetësim të ngritur jo vetëm nga qytetarët për çmimet abuzive Prokuroria e Tiranës ka nisur kryesisht hetimet.

Sipas prokurorisë hetimet nisën pas informacioneve në media dhe shqetësimit të qytetarëve për shumëfishim të çmimit t maskave dhe dezinfektantëve.

Prokuroria e Tiranës nis kryesisht hetimet për abuzimet me çmimet për produktet që shërbejnë për parandalimin e simptomave të gripit. Hetimet nisen pas informacioneve në media dhe shqetësimit të qytetarëve për shumëfishim të çmimit të maskave dhe dezinfektantëve. abcnews.al

pd22.jpg
eri Ida13:45 | 22/02/2020

Prokuroria e Tiranës ka rrëzuar pretendimet e Partisë Demokratike se arkitekti danez Bjarke Ingels ka shkelur ligjin duke realizuar projektin për ndërtimin e teatrit të ri, pa patur një marrëveshje me autoritetet dhe duke qenë në dijeni të faktit se godina do të ngrihej në një zonë të mbrojtur.

Prokurori Saimir Hysa në nëntor të 2019 vendosi mosfillimin e procedimit penal, me argumentin se nuk ka element të veprës penale, ndërkohë çështja përfundoi në gjykatë, përderisa Partia Demokratike e ankimoi vendimin e Akuzës, duke mos qenë dakord me të.

Opozita e kallëzoi arkitektin e huaj për akuzën e korrupsionit pasiv në sektorin privat, dhënie ndihme për ndërtim të paligjshëm dhe ushtrim i ndikimit ndaj personave që ushtrojnë funksione publike. Ndër të tjera në dokument thuhet se arkitekti ka marrë përsipër realizimin e projektit në mënyrë private nga kryeministri dhe kryetari i Bashkisë së Tiranës.

Ndërkohë në arsyetimin e tij prokurori Hysa thekson se pasi shqyrtoi kallëzimin, arrin në konkluzionin se nuk ka bazë ligjore, për fillimin e procedimit penal. Kjo për faktin se punimet për ndërtimin e teatrit të ri nuk kanë nisur dhe për rrjedhojë nuk rezulton që subjekti i kallëzuar të ketë ofruar shërbime.

“Nuk është në objektin e punës së prokurorisë të gjykojë mbi vlefshmërinë e akteve ligjore apo nënligjore të nxjerra nga organet shtetëror si dhe mbi faktin nëse duhet shembur ose jo godina e teatrit Kombëtar”, thuhet në njoftimin e prokurorisë./abcnews.al

Screenshot_1-14.png
R D15:52 | 21/02/2020

Prokuroria e Vlorës ka dërguar për ekzaminim në Institutin e Fizikës Bërthamore materialet e gjetura në tragetin e linjes Brindizi-Vlorë. Burime nga grupi hetimor i thanë gazetarit të Abc News Elton Nika se punonjësit e tragetit, që u arrestuan kanë deklaruar se në fuçitë e sekuestruara kishte vaj për motorin e tragetit. Kurse materialin tjetër të njohur si lesh xhami, që ka në përmbajtje amiantin kancerogjen, e përdorin për pastrimin e tragetit.

Një sasi e konsiderueshme mbetjesh të rrezikshme janë sekuestruar në tragetin e linjës Brindizi-Vlorë. Ndërsa në pranga kanë përfunduar 6 persona. Hetimet i kanë kaluar Prokurorisë së Vlorës, e cila dyshon se kjo ngjarje mund të ketë ndodhur dhe herë të tjera.
Prokuroria gjithashtu ka dhënë urdhër që trageti të bllokohet. Sipas burimeve të ABC News, hetuesit kanë marrë mostra nga materialet e gjetura, por dhe nga lëndën e fuçive me mbishkrimin “Eni”. Ato do të analizohen pranë Institutit të Fizikës Bërthamore.
Disa nga materialet i ka tërhequr firma “Delfini 1” që merret me pastrim dhe më pas kjo e fundit ia dorëzonte kompanisë “Kornuzi”, që riciklonte mbetjet.

TË ARRESTUAR:
-Festim Tafa, Kapiteni i tragetit S.T.DAMIAN
-Kujtim Xhafellari, Zv/kapiten i tragetit S.T.DAMIAN
-Elisabeta Cuni, Administratore e firmës “Delfini 1”
-Arbër Cuni, Shoferi i fugonit
-A.B, Drejtori operativ i një agjencie tragetesh
-Zamir Kornuzi, Pronari Firmës “Kornuzi

Burime të ABC News pranë policisë rapotojnë se punonjësit e arrestuar të tragetit gjatë dëshmisë së tyre mohojnë të kenë njohuri për përmbajtjen e lëndëve të rrezikshme dhe sipas tyre në brendësi të fuçive ka vaj për motorin e tragetit.

Në traget ka patur dhe lesh xhami që përmban amiant kjo është një lëndë e rrezikshme kancerogjene që sipas pretendimve të të arrestuarve me këtë material pastruan tragetin që pak kohë më parë ka kryer remontin. 6 të arrestuarit do të mësojnë masën e sigurisë ditën e hënë. Deri atëherë do të jenë grumbulluar dhe hetuar më shumë prova përmes të cilave do të vërtetohet ose jo fajësia e tyre. /abcnews.al

712b3edd-ec0f-4766-9c02-891063e04100.jpg
in a10:31 | 21/02/2020

Prokuroria e Lezhës ka kërkuar dënimin me 3 vite burg për ish-kryetarin demokrat të Bashkisë së Lezhës, Fran Frrokaj. Ai akuzohet për tjetërsimin e pronave në bregdet, në një zonë të lakmuar siç është “Rana e Hedhun” në Shëngjin. Ndërsa për ish-kreun e qarkut të Lezhës, Gjon Ndoka prokuroria kërkoi 4 vite burgim.

Pretenca e prokurorisë për Fran Frrokajn, Gjon Ndokën dhe 17 personat e tjerë të akuzuar është dhënë sot në gjykatën e Lezhës. Prokurori Erjon Shehaj ka kërkuar në total 43.6 vite burg në total për gjithë të pandehurit.

Gazetari i Abc News në Lezhë, Gjergj Figuri tha se “për ish kryetarin e Bashkisë Fran Frrokaj prokurori kërkoi 3 vite burg dhe për ish-nën/kryetarin Enver Hafizi 2 vite burg. Ndërsa per ish-kryetarin e qarkut Gjok Ndoka 4 vite burg. Seanca në gjykatë është mbajtur me dyer të mbyllura ku të pranishëm kanë qenë vetëm avokatët e ish-zyrtareve lokalë”.

Po ashtu prokuroria ka kërkuar të asgjësohen praktikat e regjistrimit të pasurisë që është tjetersuar në zonën bregdetare.

Në një reagim për mediat, Adrian Leka, avokati i Frrokajt theksoi se pretenca u dha duke mos qenë e mbështetur në asnjë fakt.

“Gjatë hetimit ka dalë se çdo pretendim i akuzës ka qenë mbi dyshime dhe nuk vërtetohet me asnjë provë përgjegjësia penale e të akuzuarit”, tha ai. /abcnews.al

altin-balliu.jpg
eri Ida11:46 | 14/02/2020

Dosja e vrasjes së Altin Balliut në janar të vitit 2019 vijon të mbetet në qëndër të vëmendjes dhe betejës mes Prokurorisë dhe Gjykatës. Gjykata në vendimin e saj pretendon se prokurori nuk ka arritur të kryejë një hetim të plotë dhe gjithëpërfshirës, për të pandehurin Olgert Mustafa.

Ndërkohë motra e të ndjerit kërkoi drejtesi ndërsa theksoi se do bënte vetgjyqësi ndaj gjakut të vllait teksa hodhi akuza të rënda për prokurirun e çështjes.

Gazetarja e ABC News ka siguruar Ledjona Xheladinaj ka sigurur vendimet për ri-hetim që janë marrë nga gjyqtarja Fjorela Davidhi dhe i fundit është marrë në shkurt 2020 nga gjyqtarja Sonjela Voskopi.

Sipas këtij vendimi gjyqtarja Voskopi, i kërkon prokurorit të çështjes të kryejë veprime shtesë dhe të ndërtohet plan-vendosja e autorit të krimit Olger Mustafa dhe 6 personave të tjerë, përfshirë dhe viktimën Altin Balliu.

Gjykata i kërkon prokurorisë që nëpërmjet këtyre dy ekspertëve kriminalistë të hartojë një skicë, të shoqëruar me shpjegimet dhe përshkrime përkatëse, duke qartësuar vendndodhjen e kufomës në raport me vendndodhjen e mjeteve të dëmtuara me predhë nga arma e zjarrit, të përcaktohet vendndodhja e tre gëzhojave të gjetura në raport me pozicion e viktimës e shumë veprime të tjera hetimore. Gjithashtu kërkohet dhe përcaktimi i këndit dhe drejtimit të qitjes që ka bërë autori i krimit në këtë ngjarje kriminale.

Pjesë nga vendimi:

Në vendimin e mbi ekzamimin e kufomës së Altin Balliut. Autori ka qëlluar në drejtim të disa personave dhe kjo ka ndodhur në dy momente, që ka ardhur në vendin ku ka ndodhur konflkti i parë, dhe që është filmuar nga kamerat e sigurisë dhe gjatë ndjekjes që autori i krimit ju bënte, në pjesën fundore që duket nnga kamerat e sigurisë, ka dalë përpara Erjon Cilla. Ngjarja është zhvilluar në një segment të gjatë ku faktet e mësiperme kemi dy makina në vend të ndryshme që kanë vrima të plumbave , gjetja e njollave të gjakut 41 m larg kufomës, prania e gjurmëve.

Amëve në tre vende rreth makinës më targe AA947 VA, gjithashtu gëzhojat e gjetura në vendngjarje janë  në vende të ndryshme larg njëra tjetrës, në distancë shumë të mëdha dhe në drejtime të ndryshme, nuk janë paraqitur në relacionin përfundimtar të hetimeve dhe shtojnë deklarimin e shtetasit Erion Cila, ku të gjitha këti sëbashku tregojnë se prokurori i ka anashjakuar këto prova dhe fakte që janë mbledhur nga policia gjyqësore dhe janë në dosje.

Nga ana e prokurorisë nuk janë kryer veprimet për zbardhjen e së vëretetës dhe ka bërë një vlerësim të gabuar të cilësimit juridik të veprës penle në harmoni me provat dhe kronologjinë e ngjarjes. Pasi me vetëdije autori i veprës penale ka dashur të vrasë të gjithë personat që ndodheshin në ngjarje pa pasur parasysh dhe persont e tjerë që banonin aty pranë dhe njerëzit e terë që ndodhin në lokal, ardhjen e pasojës, nga ai drejtim i armës së zjarrit ndaj shumë presonave ka rerzikuar jetën  e tyre, por për shkaqe të pavaruara nga autori i vrasjes, si rezultat i shpërndarjes në drejtime të ndryshme ka bërë që këta të fundit të shpëtonin nga ngjarja tragjike me pasojë vdekjen. Qëllimi i autorit ka qenë të vrasë të gjithë personat në në vendin e ngjarjes duke qenë se kemi të bëjmë me armë zjari pistolet TT e cila mban fishekë, jo më shumë se 8 copë. Këto jnë shkrepur të gjitha duke mos pasur më fishekë.

Duke iu referuar itensitetit të sulmit, autori qëllon 7 herë në drejtime të ndryshme duke iu referuar gëzhojave të gjetura ndaj personave që kanë qenë  të parmatosur me armë zjarri apo me ndonjë armë të ftohtë, 5 plumba janë gjetur në trupin e viktimës dhe dy janë ndodhur në makinat. Gjykata vlerëson se cilësimi juridik jepet pasi të qartësohet mekanizimi i ngjarje, bazuar në provat që mund të sigurohen pas veprimeve hetimore.

Referuar pikës 34 gjykata vlerëson të nevojshme që organi i akzuës të kryej dhe një tjetër veprim hetimor. Gjykata çmon se është e nevojshme që të caktohen dy ekspettë kriminalistë, që në bazë të tërësisë së akteve të fashikullit të hëtimit të hartojë një skicë, shoqëruar me përshkrimet përkatëse ku të pasqyrohen:

Vendosja e kufomës së viktimës dhe në raport me mjetet e dëmtuara me predhë, armë zjarri, mjeti me targë 9270B dhe AA 947 VA si dhe vendndodhja e mjetit golf të drejtuar nga i pandehuri.

Të përcaktohet vendi ku janë gjeturt tre gëzhojat në raport me pozicionin e viktimës, distancat mes tyre.

Të përcaktohen poziciionet ku janë gjetur gjurmët e gjakut të viktimës në raport me vendndodhjen e tij fundore  dhe me mjetet e dëmtuara.  Referuar gjurmëve, mejeteve të dëmtuara, sendeve të gjetura në vendngjarje, deklarimeve të përcaktohet trajektorja e lëvizjes së viktimës dhe të pandehurit, e pozicionit të këtij të fundit kundrejt vikttimës në momentin e qitjes. /abcnews.al

Capture-42.jpg
in a22:08 | 10/02/2020

Prokuroria e Wels në Austri, ka hartuar kërkesën për paraqitje në gjykatë të një mjeku të akuzuar për abuzime seksuale me 109 djem.

Prokuroria e qytetit ka kërkuar që mjeku t’i nënshtrohet gjykimit edhe pse pas një ekzaminimi fillestar rezultoi se ai vuante nga çrregullime të rënda mendore.

Dhuna e ushtruar te fëmijët në prag adoleshence nga mjeku ka zgjatur përgjatë gjithë periudhës së aktivitetit të tij professional, nga viti 2000 deri në Janar të 2019. Pikërisht në Janarin e shkuar mamaja e një 15 vjeçari e ka evidentuar rastin, duke zbuluar kështu zinxhirin e gjatë të abuzimeve me rastet e tjerë.

Nga sa është raportuar deri tani, burri ka përfituar nga fëmijët duke u shpjeguar atyre se abuzimet seksuale ishin pjesë e trajtimit mjekësor. Në disa raste u ka dhënë atyre kanabis dhe i ka dërguar në rezidencën e tij të pushimit, në liqenin Attersee, në zonën malore të Austrisë. Informacionet e fundit thonë se një djalë të moshës 12 vjeçare e ka dërguar në “Detin e Kuq” për “arsye kurimi”./abcnews.al

Capture-21.jpg
in a11:56 | 07/02/2020

Kryetari i Grupit Parlamentar Socialist, Taulant Balla në një deklaratë për mediat dosjen “CEZ” e ka cilësuar si dosjen më të zezë të korrupsionit në Shqipëri. Balla u shpres se Prokuroria e Tiranës nuk ka bërë as edhe një veprim të ligjshëm për këtë çështje.

“CEZ është një nga dosjet më të zeza të korrupsionit në Shqipëri, i ftoj ta lexojnë me vëmendje vendimin e gjykatës. Paraqitëm në apel kërkesën për rishqyrtimin. Është bërë në kundërshtim të fortë më ligjin, nuk ishte kryer asnjë bilanc energjitik. Prej vitit 2005 kemi identifikuar të gjitha negociatat  e realizuara nga kjo kompani. Këto veprime i kanë kushtuar interesit të shtetit 414 milionë euro”, tha Balla.

Ai më tej shtoi se çështja u pushua nga gjyqtari Lazer Sallaku.

“Prokuroria e Tiranës nuk ka bërë as edhe një veprim. Ish-kryeministri i asaj kohe, Sali Berisha ka qenë një një person me imunitet, gjyqtari i asaj kohe është kujdesur që ai të mos merrej në pyetje. Kallëzimi penal i kryer nga ana jonë rezulton të mos jetë fare i përfshirë emri i Sali Berishës. Ne kemi kallëzuar ushtrimin e ndikimit të paligjshëm, vetë Prokuroria dhe Gjykata kanë administruar si të ligjshme të gjith provat nga ana jonë. Ndue Kalaj dhe Sali Berisha nuk janë marrë në pyetje. Janë takuar me njeri-tjetrin dhe gjyqtari arrin në përfundimin se asnjë prej tyre nuk ka pasur komunikim”, tha më tej Balla.

Ndër të tjera ai theksoi se drejtësia e re po lind: “Do të përdorim të gjitha mekanizmat ligjorë dhe procedurat, do të përpiqemi që kjo çështje të hetohet. Tashmë tarifa e korrupsionit ka mbërritur në Shqipëri. Nuk mund të vazhdohet pa u marrë në pyetje drejtuesit më të lartë të kompanisë CEZ. Kjo çështje është e pahetuar tërësisht nga ana e prokurorisë. Hetimi do të fillojë nga kryesori i hieraskisë, nga ish- kryeminsiri i asaj kohe, Sali berisha”, tha Balla./abcnews.al

budalliqe.jpg
Autor E15:23 | 01/02/2020

Një rast sa i çuditshëm aq edhe komik, është dërguar nga Policia në prokurori, ndërkohë që krime të rënda po ndodhin dita ditës në vend, por që kanë mbetur pa autorë.

Ngjarja ka ndodhur në 3 prill në vitin 2019 në fshatin Fushë-Mamurras të rrethit Kurbin.

Por çfarë ka ndodhur?

Një pulë është vjedhur në kasollen e një banori në këtë fshat. Policia nuk e ka zgjidhur vetë këtë shkelje, por e ka referuar në prokurori. Sigurisht edhe vjedhja qoftë edhe e një pule është krim, por kur gjithçka ndodh në një periudhë kur rrëmbehen dhe zhduken njerëz, një ngjarje e tillë nuk ka se si të mos shkaktojë të qeshura. /abcnews.al

basha-pd.jpg
R D19:00 | 27/01/2020

Prokuroria ka vendosur që të ankimojë vendimin e Gjykatës së Tiranës që i dha pafajësinë kreut të opozitës Lulzim Basha, ish-zyrtarëve Arben Ristani dhe Ilir Dervishi, që akuzoheshin për falsifikim të formularëve.

Gjatë seancës paraprake gjyqtari Lazer Sallaku rrëzoi akuzat e prokurorisë me argumentin se nuk gjenden elementë të veprës penale.

Lulzim Basha, Arben Ristani dhe Ilir Dervishi akuzoheshin nga prokuroria për një kontratë lobimi prej 675 mijë dollarësh në Shtetet e Bashkuara të Amerikës, përmes kompanisë “Biniatta Trade”.

Por sipas gjykatës ka rezultuar se PD nuk ka pasur kontratë me këtë kompai. Gjithashtu prokuroria nuk arriti të siguronte as dëshminë e lobistit Nik Muzin që konsiderohej si provë kyçe në këtë proces. /abcnws.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono