prokuroria

devi-kasmi.jpg
ent ela12:25 | 23/01/2019

Prokuroria për Krimet e Rënda ka përfunduar hetimin për vrasjen e Devi Kasmit, ngjarje e ndodhur mbrëmjen e 29 Janarit 2018 në kryeqytet.

Prokuroria për Krimet e Rënda ka përfunduar hetimet për vrasjen e Devi Kasmit. Ai u ekzekutua me armë zjarri mbrëmjen e 29 janarit 2018 para pallatit ku banonte në rrugën “Kongresi i Manastirit” në Tiranë.

Një vit nga ngjarja prokuroria bën përgjegjës për vrasjen shtetasin grek, Efthimious Efthimiou. Por sipas saj, ai nuk ka vepruar i vetëm, por në formën e grupit të strukturuar kriminal me të akuzuarit e tjerë, Aurel (Altin) Hoxhallari, Elton Habilaj, Marvin Dinellari, Elton Hoxhallari dhe Marjo Meshini.

Në role të caktuara, prokuroria u ngarkon atyre akuzat e “vrasjes me paramendim”, “prodhimit dhe mbajtjes pa leje të armëve dhe municioneve luftarake”, “prodhimit dhe shitjhes së lëndëe karkimtike” dhe “moskallëzim krimit”, të gjitha të kryera në kuadrin e “grupit të strukturuar”.

Hetimi për këtë çështje nisi nga prokuroria e Tiranës, por katër muaj më vonë dosja i kaloi për kompetencë Prokurorisë për Krimet e Rënda.

Pas arrestimit, por edhe gjatë hetimit, i dyshuari Efthimiu, ish-efektiv i forcae speciale në Greqi, ka mbajtur qëndrim mohues për krimin. Ai ka pretenduar se nuk e njeh viktimën Devi Kasmi dhe se ardhja e tij në Shqipëri janarin e vitit të kaluar ka qenë vetëm për qëllime turistike.

Por sipas prokurorit të ccështjes Besnik Mucci, të dyshuarit Hoxhallari, Efthimiu dhe Habilaj në bashkëpunim me njëri-tjetrin kanë planifikuar dhe kryer vrasjen e Kasmit. Grupi kriminal dyshohet se kishte si bazë një banesë 1 katëshe në Yrshek, ku pas arrestimit policia gjeti dhe sekuestroi një arsenal të tërë armësh. /abcnews.al

enea-1280x664.jpg
ent ela18:15 | 22/01/2019

Prokuroria ka mbyllur hetimet për 27 vjeçarin Enea Ftoi që humbi jetën në Komisariatin e Korçës. Sipas prokurores së çështjes Oli Visi policia nuk ka ushtruar dhunë mbi Enea Ftoin por 27 vjeçari ka gjetur vdekjen për shkaqe natyrore. Ndërsa familjarët parajamërojnë vetëgjyqesi pas vendimit të Prokurorisë.

Pas tetë muaj hetimesh për vdekjen ne ambjentet e Komisariatit të Korçës të Enea Ftoit, Prokuroria vendosi pushimin e çështjes. Për prokuroren Oli Visi,e cila mori në dorë hetimin e dosjes, pas shkarkimit nga Vetingu të prokurorit Elsjon Sadikaj, fakti nuk përbën vepër penale dhe për këtë shkak i është drejtuar gjykatës me kërkesë për pushimin e çështjes.

Për vdekjen  e 27 vjeçarit në dhomat e shoqërimit, Prokuroria rregjistroi kallëzim penal, për tre efektive të Komisariatit me akuzën e mosdhënies së ndihmës, por pas hetimeve, organi i akuzes i  ka shkarkuar nga përgjegjësia penale, duke i konsideruar të ligjshme veprimet e tyre.

Nga dëshmitë e efektiveve të Komisariatit, por edhe disa personave të shoqeruar, nuk ka rezultuar që ndaj Enea Ftoit, ashtu siç kanë pretenduar familjarët, të jetë ushtruar dhunë. Ndërsa dy ekspertimet mjeko-ligjorë nxorrën se 27 vjeçari ka vdekur si pasojë e një ishemie akute të miokardit. Pas vendimit të Prokurorisë  reaguan edhe familjarët.
Prindërit e 27 vjeçarit akuzojnë policinë e Korçës për fshehjen e provave dhe paralajmerojne vetëgjyqësi.

Guri Ftoi: “Ja ku është origjinali. Shikoni këto foto se ka shenja. Këtu janë të tërë mashtruesa të tërë kriminela. Shikoni dhe këto këtu. Pa u bërë operim djali janë këto foto. Sikundër ma bënë djalin tim ashtu do t’i bëj edhe unë këta. Do e humbas jetën time. Ata më vranë një do vritem edhe unë”.

27 vjeçari  Enea Ftoi u gjet i pajetë n ambjentet e Komisariatit të Korçës në Maj të vitit të kaluar, ku ishte ndaluar pas një grabitje./abcnews.al

fire-1280x720.jpg
G. P.13:03 | 20/01/2019

Një zjarr i fuqishëm përfshiu mëngjesin e së dielës një resort turistik dimëror në juglindje të Francës, duke vrarë 2 persona dhe plagosur 22 të tjerë. Sipas mediave lokale, flakët përfshinë tre ndërtesa dhe u desh ndërhyrja e 70 zjarrfikësve që situata të vihej nën kontroll.

Ekipet e shpëtimit përdorën shkallë për të nxjerrë njerëzit nga dritaret e ndërtesave trekatëshe, ndërsa të tjerë u hodhën vetë pa pritur mbërritjen e tyre. Burimet mediatike raportojnë se godinat e përfshira nga zjarri shërbenin si pika qëndrimi për rreth 60 punonjës të resortit në lokalitetin Kurshevel.

Ndërkohë, 3 nga 4 personat që morën plagë serioze u transportuan me helikopter në një spital të specializuar. Një zyrtar vendas deklaroi se shkak i zjarrit mund të jetë bërë çlirimi i monoksidit të karbonit në ajër, por do të jetë hetimi i prokurorisë që do të zbardhë motivet e vërteta./abcnews.al

adminitratoret.jpg
G. P.09:39 | 17/01/2019

18 milionë euro konsiderohet dëmi i shkaktuar nga 20 kompani të cilat nëpërmjet faturave fiktive dyshohet se kanë përfituar kthimin e TVSH-se. Nën hetim për evasion fiskal janë vënë rreth 30 administratorë  dhe aksionet të këtyre kompanive. Pas hetimeve disa javore 12 persona janë vënë në pranga, ndërsa shumë të tjerë janë shpallur në kërkim policor. Skema e përfitimit të paligjshëm është e njëjta me atë të përdorur edhe herë të tjera më herët.

Këta biznese sipas dokumenteve të dorëzuara në organet tatimore blerjet e dyshuara si fiktive i bënin në subjete tregtare të artikujve ushqimor, ndërsa shitjet e tyre ishin të destinuara sipas dokumenteve në fushën e ndërtimit. Nga ana tjetër rezulton se këto subjekte nuk kanë kapacitete punonjësish për të ushtruar aktivitet të zgjeruar, siç deklaronin ata. Nga ana tjetër, grupi hetimor dyshon se pas këtyre skemave gjenden 2-3 studio kontabiliteti. Prokuroria njofton se aktualisht janë ndaluar 12 persona. Menjëherë pas aksionit ka reaguar edhe kryeministri Edi Rama.

“Ulja e taksave e lehtësimi tërësor i biznesit, synojnë dhe uljen e informalitetit dhe evazionit fiskal! Arrestimi i një duzine shkelësish dhe shpallja në kërkim e një tufe tjetër nga biznesi i madh,p ër mashtrim me taksat, është mesazh i qartë:Mos luani me taksat se ju gjen belaja”, shkruan Rama në Twitter./abcnews.al

shorti.jpg
G. P.12:59 | 16/01/2019

Një ditë pas vetëdorëzimit tek autoritetet, Prokuroria e Krimeve të Rënda ka mbyllur hetimet për Klement Balilin dhe ka çuar dosjen në prokurori, ndërsa shorti elektronik ka përcaktuar si gjyqtare paraprake të dosjes “Balili”, Miliana Muçën. Do jetë kjo gjyqtare që do vendosë nëse shqyrtimi i dosjes “Balili”, do vijojë me aktet ekzistuese apo çështja do rikthehet me për hetim në prokurori.

Klement Balili do dalë nesër para togave të zeza, për t’u njohur me masën e sigurisë “arrest me burg”, e marrë në mungesë ndaj tij. Akuza përfaqësohet me prokurorin Ened Nakuçi. Klement Balili u vetëdorëzua një ditë më parë pas një arratie mbi dyvjeçare, me akuza për trafik ndërkombëtar droge./abcnews.al

barr.jpg
G. P.08:59 | 16/01/2019
Kandidati i Presidentit Trump për prokuror të përgjithshëm, William Barr, u zotua të martën se do të mbrojë nga presionet politike hetimet që po zhvillon prokurori i posaçëm për Rusinë.

Ai e quajti problem faktin që Presidenti Trump e ka etiketuar si “gjueti shtrigash” hetimin e kontakteve të rrethit të tij të brendshëm me Moskën.

“Unë nuk besoj se prokurori Mueller do të përfshihej në një gjueti shtrigash,” tha zoti Barr përpara Komisionit Juridik të Senatit në seancën e konfirmimit të tij për t’u bërë zyrtari më i lartë ligjzbatues i vendit.

Ai shtoi se ka ndërmend të lejojë që hetimi të vazhdojë dhe se rezultatet duhet të bëhen të njohura për publikun dhe Kongresin.

Zoti Barr tha se prokurori i posaçëm mund të shkarkohet vetëm për shkaqe të forta dhe se “është e paimagjinueshme” që zoti Mueller të “ndërmerrte ndonjë gjë që të përbënte shkak të fortë”.

“Mund t’ju siguroj se nëse do të duhet të merren vendime, do t’i marr ato bazuar vetëm në ligjin dhe nuk do të lejoj që interesi personal politik ose interesa të tjera të papërshtatshme të ndikojnë në vendimin tim”, tha zoti Barr.

Demokratja më e lartë e Komisionit, Dianne Feinstein e Kalifornisë, theksoi rëndësinë e pavarësisë së rolit të prokurorit btë posaçëm.

“Besoj se është e rëndësishme që prokurori tjetër i përgjithshëm të jetë në gjendje t’i rezistojë me forcë presionit, qoftë nga administrata apo Kongresi për të kryer hetime për qëllime politike. Ai duhet të ketë integritetin dhe forcën për t’i thënë presidentit ‘jo’, pavarësisht pasojave,” tha zonja Feinstein.

Zoti Barr, i cili ka qenë prokuror i përgjithshëm nën presidentin George H. W. Bush, ka tërhequr mjaft vemendje për një shkresë të hartuar vitin e kaluar ku kritikonte zotin Mueller për faktin që po shqyrtonte çështjen nëse Presidenti Trump ishte përpjekur të pengonte hetimin duke shkarkuar drejtorin e FBI-së James Comey në vitin 2017.

Në shkresën për Zëvendës Prokurorin e Përgjithshëm Rod Rosenstein, i cili mbikëqyr hetimin mbi Rusinë, zoti Barr linte të kuptohej se hetimi i prokurorit Mueller për veprimin e zotit Trump ndaj ish shefit të FBI-së Comey ishte “fatalisht i gabuar” dhe “shumë i papërgjegjshëm”.

Të alarmuar se zoti Barr, një jurist konservator republikan, mund t’i vërë kufij hetimit për Rusinë, demokratët u zotuan se do ta bënin shkresën në fjalë një element kyç të seancës për emërimin e tij.

Ata kërkuan sigurime se zoti Barr do të mbrojë hetimin e prokurorit të posaçëm nga sulmet politike.

Për të zbutur këto shqetësime, zoti Barr argumentoi në komentet e tij për Komisionin Juridik të Senatit se shkresa në fjalë ishte “e ngushtë në kuptimin e saj dhe nuk kishte të bënte me hetimet rreth ndërhyrjes ruse në zgjedhjet e vitit 2016.”

Zoti Barr tha gjithashtu se ai do ta lejojë prokurorin e posaçëm Mueller që ta çojë deri në fund hetimin e tij pa asnjë ndërhyrje.

“Unë besoj se është në interesin e të gjithëve, të Presidentit, Kongresit dhe, më e rëndësishmja, të popullit amerikan – që kjo çështje të zgjidhet duke lejuar prokurorin e posaçëm të përfundojë punën e tij,” tha zoti Barr. “Vendi ka nevojë për një zgjidhje të besueshme të këtyre çështjeve,” tha ai.

Pavarësisht nga toni i qetësues i deklaratave, demokratët kanë sinjalizuar se do të t’i bëjnë pyetje të vështira kandidatit për prokuror të përgjithshëm, i cili në SHBA është titullari që drejton Departamentin e Drejtësisë.

Edhe republikanët kërkuan sigurime nga i emëruari i Presidentit Trump. Kryetari i ri i Komisionit të Senatit, Lindsey Graham i Karolinës së Jugut, shprehu zemërim lidhur me komunikimet e gjera midis dy agjentëve të FBI-së gjatë fushatës presidenciale të 2016-ës, ku tregohej anshmëri dhe paragjykim ekstreme ndaj zotit Trump.

“Po mbështetemi te ju që ta pastroni këtë institucion,” tha senatori Graham duke iu referuar Departamentit të Drejtësisë.

Nëse konfirmohet, zoti Barr do të marrë mbikëqyrjen e hetimit për Rusinë nga zoti Rosenstein, i cili javët e fundit u ka thënë bashkëpunëtorëve se do të largohet nga Departamenti i Drejtësisë pasi të konfirmohet një prokuror i ri i përgjithshëm./VOA

BABALE-1280x720.jpg
ent ela18:44 | 10/01/2019

Albert Veliu, i njohur si “Babalja”, është arratisur nga Kosova. I dyshuari për “kallëzim të rremë” në lidhje me fabrikimin e një audio-përgjimi të vëllait të ish-ministrit të brendshëm, ka ikur në Hungari. Por avokati i tij në Kosovë, Tom Gashi, tha për ABC News se Babalja i është bashkuar familjes së tij në Belgjikë, ku ka kërkuar azil politik.

Albert Veliu, i njohur si “Babalja”, personazhi që trazoi politikën majin e vitit 2018 përmes audio-përgjimit ku pretendonte të fliste me vëllanë e ish-ministrit të Brendshëm për çështje droge, është arratisur nga Kosova. Teksa po hetohet nga Prokuroria e Tiranës për akuzën e “kallëzimit të rremë”, Veliu, i ndaluar më herët në Kosovë ku edhe kërkoi azil politik, është larguar drejt Hungarisë.

Burime pranë prokurorisë së Tiranës konfirmuan se në fund të Dhjetorit 2018 janë informuar në rrugë zyrtare nga drejtësia e Hungarisë për arrestimin e Albert Veliut në territorin e tyre. Veliu është prangosur për llogari të masës së sigurisë “arrest në burg” dhënë në mungesë nga drejtësia në Shqipëri. Për këtë shkak, drejt Hungarisë ëshë dërguar një kërkesë për esktradimin e tij në vendin tonë për t’u vënë në dispozicion të drejtësisë.

Por situata duhet se do të jetë edhe më e komplikuar. Në një komunikim telefonik me avokatin e tij në Kosovë, Tom Gashi, ABC News mësoi se Albert Veliu nuk ndodhet në Hungari, por në Belgjikë.

“Unë jam informuar se Albert Veliu është arrestuar në 25 Dhjetor 2018 në Hungari. Ai është liruar dy ditë më vonë, në 27 dhjetor, pasi është provuar se anëtarët e tjerë të familjes së tij kishin statusin e azilkërkuesit në Bruksel”, tha avokati. Sipas Gashit, më tej Veliu është liruar dhe lejuar të shkojë në Bruksel tek familjarët e tij, ku edhe ka kërkuar azil politik.

Marrja e deklarimeve të Albert Veliut është një nga veprimet e fundit hetimore të kësaj çështjeje, për të cilën janë nën hetim edhe Fredi Alizoti, i dyshuar si aktruesi i zërit të vëllait të ish-ministrit, gazetari Jetmir Olldashi dhe deputeti Ervin Salianji. Hetimi i kësaj çështje nisi nga Prokuroria për Krimet e Rënda por pas disa muajsh i kaloi për kompetencë Prokurorisë së Tiranës./abcnews.al

arta-marku.jpg
G. P.23:01 | 25/12/2018

Këshilli i Lartë i Prokurorisë pas konstituimit pritet që të mërkurën të nisë ditën e parë të punës. Detyra e parë e KLP-së do të jetë hapja e garës për prokuror të përgjithshëm duke qenë se Arta Marku e ushtron këtë funksion përkohësisht. Këshilli i Prokurorisë ka rol vendimtar në përzgjedhjen e 3 kandidaturave, të cilat i rendit në bazë të kritereve duke ia çuar për votim parlamentit. Nëse kuvendi nuk e zgjedh dot me tre të pestat brenda 30 ditëve atëherë kandidatura që është renditur e para nga këshilli quhet i emëruar.

Prokurori i ri i përhershëm do të kenë mandat 7-vjeçar dhe emrat që do të garojnë duhet së paku të kenë kaluar vettingun, të jenë diplomuar në shkollën e magjistraturës ose të kenë doktoraturë si dhe të kenë 15 punë në sistemin e drejtësisë.

Këto kritere i plotëson edhe drejtuesja  aktuale e prokurorisë Arta Marku, që ka shanse të rizgjidhet në krye të organit të akuzës. Një kandidaturë tjetër e fortë është edhe Adnan Xholi, i cili edhe pse nuk ka mbaruar magjistraturën ka gradë shkencore në fushën juridike.

Në listën e Prokurorëve që plotësojnë kriteret janë edhe Besnik Muçi, Sokol Stojani dhe Arben Dollapi. Gara për zgjedhjen e Prokurorit të ri hapet në Janar kur edhe të lëvrohet fondi për këtë institucion të ri.

Tv Klan

TRUMP-FLORIDA.mpg_snapshot_00.00.jpg
ent ela21:11 | 18/12/2018

Prokuroria e Nju Jorkut ka urdhëruar mbylljen e fondacionit të bamirësisë së familjes Trump, nën akuzën se ka shërbyer për qëllime të tjera. Duke njoftuar vendimin, autoritetet kanë deklaruar se fondacioni është përfshirë në aktivitete ilegale dhe ka shkelur ligjet federale të Shteteve të Bashkuara.

Fondacioni i bamirësisë i Presidentit Amerikan Donald Trump është detyruar të mbyllë dyert për shkak të dyshimeve për keqpërdorim të fondeve të tij. Mbyllja e fondacionit është konfirmuar nga prokurorja e përgjithshme e Nju Jorkut, Barbara Andërvud, që do të mbikëqyrë shpërndarjen e parave të mbetura. Kryeprokurorja ka akuzuar presidentin Trump dhe tre fëmijët e mëdhenj të tij se e kanë përdorur fondacionin për qëllime private dhe përfitime politike. Zonja Andërvud është shprehur e tronditur nga aktivitetet ilegale ku është përfshirë fondacioni i kreut të shtetit, përfshirë këtu koordinimin e paligjshëm me fushatën presidenciale të tij. “Në këtë mënyrë, fondacioni ka funksionuar si një bllok çeqesh në shërbim të interesave financiare dhe politike të zotit Trump”, ka deklaruar Andërvud. Zyrtarja e lartë ka sqaaruar se, në situatën aktuale, fondacioni mundet vetëm të mbyllet nën mbikëqyrjen e drejtësisë dhe mund t’ia shpërndajë asetet e tij vetëm organizatave të lejuara nga prokuroria. “Kjo është një fitore e rëndësishme e sundimit të ligjit, që tregon qartë se rregullat vlejnë për të gjithë”, ka thënë më tej kryeprokurorja. Ajo ka shtuar se zyra e saj do të vijojë hetimet për t’u siguruar që Fondacioni Trump dhe drejtuesit e tij të mbahen përgjegjës për shkeljet e vazhdueshme të shtetit dhe ligjeve federale të tij./abcnews.al

KRONIKE-DH-ALBANIA-HETIM-TRE-LOTE-1280x720.jpg
ent ela18:54 | 18/12/2018

Përveç kompanisë “DH Albania” Prokuroria e Tiranës ka shtrirë hetimin edhe për dy lotet e tjera të Unazës së Madhe. Sipas prokurorisë, ka dyshime se garimi i një prej kompanive mund të ketë qenë fiktiv.

Skandali i kompanisë “DH Albania”, që dyshohet të ketë përfituar tenderin e lotit të parë të ndërtimit të Unazës së Madhe me dokumente të falsifikuara mund të marrë përmasa edhe më të mëdha. Prokuroria e kryeqytetit ka zgjeruar hetimin përtej këtij tenderi. Burime pranë organit të akuzës konfirmuan se në sitën e hetuesve do të kalojnë edhe dy lotet e tjera të segmentit “Shkolla Teknologjike” – sheshi “Shqiponja”. Prokuroria ka ngritur dyshime se edhe në to mund të ketë pasur elementë të veprës penale të “shkeljes së barazisë në tendera” dhe të “shpëdorimit të detyrës”. Për këtë shkak prokuroria po grumbullon dokumentacionin e procedurës së tenderimit për të tre lotet e këtij segmenti të Unazës së Madhe me vlerë 40 milionë euro në total. Dyshimet e prokurorisë janë forcuar për faktin se në të tre lotet ka garuar edhe kompania “Vëllezërit Hysa”, por pa paraqitur oferët financiare. Sipas burimeve, garimi mund të ketë qenë fiktiv, vetëm për të legalizuar procedurën e prokurimit.

Paralelisht prokuroria po heton kompaninë “DH Albania” edhe tenderin 12 milionë euro të fituar nga Operatori i Sistemit të Trasmetimit për ndërtimin e linjës 220 kilovolt Burrel-Peshkopi, aktualisht i anuluar.

Javën e kaluar, gjatë një raportimit të Zërit të Amerikës për skandalin e Unazës së Re u ngritën dyshime se pas “DH Albania” qëndron biznesmeni Bashkim Ulaj.  Prokuroria ka nisur fletë-thirrjet e para për personat që do të merren në pyetje në lidhje me hetimin ndaj kësaj kompanie. I pari që do të pyetet është 26 vjeçari Avdjol Dobi, përfaqsuesi ligjor i “DH Albania”, ndërsa në listën e personave që do japin shpjegime janë edhe anëtarë të Komisionit të Vlerësimit të Ofertave dhe zyrtarë të ARRSH dhe OST.  /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono